HTP-Civil Engineering

ပြန်လည်နိုးထလာသော
စစ်ကိုင်းပြတ်ရွေ့ကြော" အကြောင်း

စစ်ကိုင်းပြတ်ရွေ့ကြော သည် မြန်မာနိုင်ငံတွင် တည်ရှိသည့် အဓိကပြတ်ရွေ့ကြောတစ်ခု ဖြစ်သည်။

၎င်းသည် ဆွန်းဒါး(ဆွန်ဒါ) ကျောက်ထုလွှာနှင့် အိန္ဒိယကျောက်ထုလွှာအကြားတွင် ဖြစ်ပေါ်တည်ရှိနေသည့် ပြတ်ရွေ့ကြောဖြစ်သည်။ ၎င်းသည် မန္တလေး၊ ရမည်းသင်း၊ ပျဉ်းမနား၊ နေပြည်တော်၊ တောင်ငူနှင့် ပဲခူးတို့ကို ဖြတ်သန်းလျှက် တည်ရှိကာ အရှည်အားဖြင့် ၁၂၀၀ ကီလိုမီတာ ရှိ၏ ။

စစ်ကိုင်းပြတ်ရွေ့ကြောသည် ကပ္ပလီကမ်းလွန်မှ စတင်ခဲ့ကာ မြန်မာနိုင်ငံအလယ်ပိုင်းဒေသအထိ ဖြစ်သည်။

ဤပြတ်ရွေ့ကြောသည် အရှေ့ဘက်ကပ်လျက်ရှိသော ရှမ်းပြတ်ရွေ့ငယ်နှင့် နှိုင်းစာသော် ၎င်း၏အလျှားတစ်လျှောက်တွင် မြေမျက်နှာသွင်ပြင်အရ တောင်ကုန်း/တောင်တန်း ထူထပ်မှုနည်းသည်။

အိန္ဒိယ-ဆွန်းဒါး ကျောက်ချပ်လွှာကြီးနှစ်ခု၏ အကြားရှိ စုစုပေါင်းရွေ့လျားနှုန်းသည် တစ်နှစ်လျှင် ၃၅ မီလီမီတာ ဖြစ်သည်။ ထိုအထဲမှ ၁၈ မီလီမီတာသည် ဂြိုဟ်တုမှ ရရှိသည့်အချက်အလက်များအရ စစ်ကိုင်းပြတ်ရွေ့ကြောတွင် ဖြစ်ပေါ်နေသည်ကို တွေ့ရသည်။

ရေးသားသူအများစုက ပြတ်ရွေ့ကြော၏ အရွေ့သည် ၃၆၀ ကီလိုမီတာမှ ၄၀၀ ကီလိုမီတာအကြား ရှိသည်ဟု ခန့်မှန်းကြသော်လည်း အများဆုံးအရွေ့သည် ၁၀၀ ကီလိုမီတာခန့် ရှိသည်။

၂၀ ရာစုအစောပိုင်းတွင် စစ်ကိုင်းပြတ်ရွေ့ကြော၏ အလျားတစ်ဝက်ကျော်သည် ငလျင်များ ဖြစ်ပေါ်စေသည့် အကြောင်းအရင်းများတွင် ပါဝင်ခဲ့သည်။

#ဖြစ်ရပ်များ
သမိုင်းမှတ်တမ်းများကို ပြန်ကြည့်ပါက စစ်ကိုင်းပြတ်ရွေ့ကြော၏ မြောက်ဘက်ဆုံးအပိုင်းတွင် ၁၉၀၆ နှင့် ၁၉၀၈ ခုနှစ်များတွင် လှုပ်ခတ်ခဲ့သည့် ငလျင်များသည် အဓိကငလျင်များ ဖြစ်ခဲ့ကြသည်။

၁၉၀၆ ခုနှစ်၊ ဩဂုတ်လ ၃၁ ရက်နေ့တွင် ပူတာအိုငလျင် လှုပ်ခတ်ခဲ့ကာ ပြင်းအား ၇.၀ ရှိသည်။

၁၉၀၈ ခုနှစ်တွင် လှုပ်ခတ်ခဲ့သည့် ငလျင်သည် Mw 7.5 ရှိသည်။ ၁၉၀၈ ခုနှစ်တွင် လှုပ်ခတ်ခဲ့သည့် ငလျင်သည် တောင်ဘက်အပိုင်းတွင်ပါ လှုပ်ခတ်မှုကို ခံစားခဲ့ကြရသည်။ ၎င်းနေရာတွင် ၁၉၃၁ ခုနှစ်ငလျင် လှုပ်ခတ်ခဲ့သည့် နေရာပင် ဖြစ်ခဲ့သည်။ ထိုနည်းတူစွာပင် ၁၉၄၆ ခုနှစ်တွင် လှုပ်ခတ်ခဲ့သည့်င ငလျင်ကြောင့် ၁၉၃၁ ခုနှစ်တွင် လှုပ်ခတ်ခဲ့သည့် နေရာများကို ထိခိုက်ခဲ့သည်။

ပထမဆုံး အဓိကလှုပ်ခါမှုသည် ၁၉၄၆ ခုနှစ်တွင် နှစ်ကြိမ်ဆက်လှုပ်ရှားမှု ဖြစ်ပွားခဲ့ကာ နောက်ထပ် အဓိကလှုပ်ခတ်မှုသည် ပြတ်ရွေ့ကြော၏ တင်းအားအခြေအနေကြောင့် ဖြစ်ခဲ့ရသည်။ ၁၀ နှစ်ကြာမြင့်ပြီးနောက်တွင် မန္တလေးမြို့အနီးတွင် Mw 7.1 ငလျင်တစ်ခု လှုပ်ခတ်ခဲ့ရာ လူအနည်းဆုံး ၄၀ ဦး သေဆုံးခဲ့သည်။ ငလျင်ကြောင့် ၁၉၄၆ ခုနှစ်တွင် ပျက်စီးခဲ့သည့် တောင်ဘက်ပိုင်းကို ကျိုးပျက်ထိခိုက်စေခဲ့သည်။ ၁၉၉၁ ခုနှစ်တွင် ၁၉၄၆ Mw 7.0 ငလျင်နှစ်ခုအကြား ဖြစ်ပေါ်လာခဲ့သည့် ငလျင်အသေးစားတစ်ခုကြောင့် လူနှစ်ဦး သေဆုံးခဲ့သည်။ ၁၉၃၀ ခုနှစ် မေလနှင့် ဒီဇင်ဘာလတွင် ပြတ်ရွေ့ကြော၏ လှုပ်ရှားမှုများကြောင့် ငလျင်များ ဖြစ်ပေါ်ခဲ့သော်လည်း ၎င်းငလျင်များသည် တစ်ခုနှင့်တစ်ခု ဆက်စပ်မှု မရှိဘဲ မြောက်ပိုင်းတွင် သီးခြားဖြစ်ပေါ်ခဲ့သည့် ငလျင်များဖြစ်သည်။ ၁၉၃၀ ခုနှစ်၊ ဒီဇင်ဘာလ ငလျင်သည် မေလတွင် ဖြစ်ပေါ်ခဲ့သည့် ငလျင်၏ ရွေ့လျားမှုကြောင့် ဖြစ်ပေါ်ခဲ့ခြင်း ဖြစ်သည်။

(ဝီကီပီးဒီးယားမှကူးယူဖော်ပြပါသည်။)

------------------------------------

မြန်မာနိုင်ငံ၏ အပြင်းထန်ဆုံး ငလျင်များနှင့် အနာဂတ် အန္တရာယ်များ

မြန်မာနိုင်ငံသည် စစ်ကိုင်းပြတ်ရွေ့ကြော (Sagaing Fault) နှင့် အခြား ပြတ်ရွေ့ကြောများ တွင် တည်ရှိသဖြင့် ငလျင်ကြီးများ ဖြစ်နိုင်သည့် နိုင်ငံတစ်နိုင်ငံ ဖြစ်သည်။ ယနေ့ (၂၀၂၅ မတ်လ ၂၈) 7.7 ရစ်ချာစကေး ငလျင် ဖြစ်ပွားခဲ့ခြင်းဖြင့် မြန်မာသမိုင်းတွင် အပြင်းထန်ဆုံး ငလျင်အဖြစ် မှတ်တမ်းတင်နိုင် သည်။

---

1. ယနေ့ 7.7 ငလျင် မြန်မာ့ မှတ်တမ်းတင် အပြင်းထန်ဆုံး!

ရက်စွဲ: ၂၀၂၅ မတ်လ ၂၈

နေရာ: စစ်ကိုင်းပြတ်ရွေ့ကြောအနီး

စကေး: 7.7

သက်ရောက်မှု: မြန်မာနိုင်ငံ၏ အလယ်ပိုင်းနှင့် မြောက်ပိုင်းတွင် အဆောက်အဦများပြိုလဲနိုင်ခြေရှိ

ပြတ်ရွေ့ကြောကြီး တစ်ခုတည်းပဲလှုပ်ခါနေလား၊ ဒုတိယမြောက်ဖြစ်နိုင်သေးလား?
ဆူနာမီ ဖြစ်နိုင်သေးလား?
ဘယ်ဒေသတွေ ထိခိုက်နိုင်သေးလဲ?

---

2. ယခင်သမိုင်းထဲမှ အပြင်းထန်ဆုံး ငလျင်များ

(၁) ၁၉၃၀ ပျင်လင် ငလျင် (7.3) ရန်ကုန်ထိခိုက်ခဲ့သော ငလျင်

ရက်စွဲ: ၁၉၃၀ မတ်လ ၅

နေရာ: ပျင်လင် (Bago)၊ ရန်ကုန်အနီး

စကေး: 7.3

သေဆုံးသူ: ~၅၀၀

သက်ရောက်မှု: ရန်ကုန်မြို့တွင် အဆောက်အဦများ ပြိုကျ

(၂) ၂၀၁၁ တချိုင့် ငလျင် (6.9) ထိုင်းထိခိုက်ခဲ့သော ငလျင်

ရက်စွဲ: ၂၀၁၁ မတ်လ ၂၄

နေရာ: ရှမ်းပြည်နယ်၊ တချိုင့် (Tachileik)

စကေး: 6.9

သေဆုံးသူ: ~၁၅၀

သက်ရောက်မှု: ထိုင်းနှင့် လာအိုပါ ထိခိုက်

(၃) ၂၀၁၆ ချောက် ငလျင် (6.8) ပုဂံဘုရားများ ထိခိုက်မှု

ရက်စွဲ: ၂၀၁၆ သြဂုတ်လ ၂၄

နေရာ: မကွေးတိုင်း၊ ချောက်

စကေး: 6.8

သေဆုံးသူ: ၄

သက်ရောက်မှု: ပုဂံဘုရားများ ပျက်စီးမှုများ

---

3. နောက်ထပ် ငလျင်များ ဖြစ်လာနိုင်ခြေ

"Aftershock" (နောက်ဆက်တွဲငလျင်) မဖြစ်နိုင်ဘူးလား?
7.7 ရှိသော ငလျင်ကြီးများဖြစ်ပြီးနောက် နောက်ဆက်တွဲငလျင်များ (Aftershocks) ဖြစ်နိုင်ခြေ အလွန်မြင့်မား သည်။

၇.၀ - ၇. တန်ဖိုးရှိသော နောက်ထပ်ငလျင် ဖြစ်နိုင်သည်။

တစ်လအတွင်း လျှော့နည်းသွားနိုင်သော်လည်း မတည်ငြိမ်သေးနိုင်။

ဆူနာမီ ဖြစ်နိုင်ခြေ ရှိသေးလား?
မြန်မာ့ပြတ်ရွေ့ကြောများသည် ခြောက်သွေ့သောမြေပြန့်ဒေသများတွင်များသည်။ သို့သော်

အင်ဒိုနီးရှား၊ ဘင်္ဂလားပင်လယ်အော်အနီး တွင် လှုပ်မယ်ဆိုရင် ဆူနာမီဖြစ်နိုင်။

၂၀၀၄ ခုနှစ် အိန္ဒိယသမုဒ္ဒရာ ငလျင် (9.1-9.3) က မြန်မာကမ်းခြေအထိ ဆူနာမီဖြစ်ခဲ့သည်။

အနာဂတ်တွင် ၈.၀ + ငလျင် ဖြစ်နိုင်သေးလား?
သုတေသနများအရ မြန်မာနိုင်ငံသည် ၈.၀ + ရှိသော ငလျင် ကြုံနိုင်သည့် ဒေသတစ်ခုဖြစ်သည်။

စစ်ကိုင်းပြတ်ရွေ့ကြောသည် ၁၅၀ နှစ်မှ ၂၀၀ နှစ်တိုင်း တစ်ကြိမ် တည်ငြိမ်မှု ချိုးဖောက်နိုင်သည်။

နောက် ၁၀ - ၂၀ နှစ်အတွင်း ၈.၀+ ရှိနိုင်ခြေရှိသည်။

---

4. အနာဂတ်တွင် ဘာလုပ်သင့်လဲ?

ငလျင်အတွက် အရေးပေါ် ပြင်ဆင်မှု

လျှပ်စစ်မီးပိတ်ထားရန်

ရေသန့်၊ ဆေးဝါးများ ကြိုတင်ထားရန်

ဘေးလွတ်ရာသို့ ထွက်ပြေးရန် လမ်းကြောင်းသိထားရန်

အဆောက်အဦများ ပြုပြင်မွမ်းမံရန်

ငလျင်ခံနိုင်ရည်ရှိသော အဆောက်အဦများ တည်ဆောက်ရန်

ပြိုကျနိုင်သော ပစ္စည်းများ ခိုင်ခံ့စွာ တပ်ဆင်ရန်

ငလျင်သတင်းများ သေချာစောင့်ကြည့်ရန်

အသိပညာရရှိရန်

နောက်ထပ် အန္တရာယ်များကို ကြိုတင်လေ့လာရန်

---

"7.7 ရှိတဲ့ ငလျင်က မြန်မာ့မှတ်တမ်းတင်အပြင်းထန်ဆုံး ဖြစ်လာပြီ! နောက်ထပ် ဖြစ်နိုင်မယ့် အန္တရာယ်တွေကို ကြိုတင်ပြင်ဆင်ထားဖို့ လိုပါတယ်။"**
ငလျင်ဘေးကင်းကြပါစေ

🙏🙏🙏
မူရင်းရေးသားသူအား လေးစားစွာ Credit ပေးပါသည်။

8 months ago | [YT] | 59

HTP-Civil Engineering

ရေကြီးမယ်/မကြီးဘူး ကြိုစစ်ဆေးနည်း
.
မိုးလေဝသ သတင်းကို အခုခေတ်မှာက မြို့နယ် အဆင့်အထိ ဂြိုလ်တုကနေ အသေးစိတ် တွက် ထုတ်ပေးနေတာကို အသုံးချတတ်ဘို့ လိုပါတယ်။ ဆုတောင်းတာတွေ ဗေဒင်မေးတာတွေ လုပ်နေမယ့်အစား၊ practical ကျကျ လုပ်သင့်တာကို လုပ်ကြပါ။
.
Google Flood Hub ဆိုတဲ့ research project က မိမိမြို့က ရေကြီးမယ်/မကြီးဘူး၊ အဝေးက မြို့တစ်ခု အခု ရေကြီးနေသလား/မကြီးဘူးလား ဆိုတာကို LIVE update နဲ့ ၃ ရက်လောက် ကြိုသိနိုင်တဲ့ စနစ်အကြောင်းကို တင်ပြလိုက်ပါတယ်။ #zshtut
.
သတိ။
၁) ချွင်းချက်။ မြန်မာနိုင်ငံ အတွင်းမှာတော့ မြို့နယ်တိုင်းတော့ စစ်လို့ မရသေးပါဘူး။ စစ်ဆေး ကြည့်လို့ရတဲ့ နေရာတွေက ပုံထဲမှာ မြင်ရတဲ့ ဆဋ္ဌဂံဧရိယာတွေ အတွင်းမှာ ပါ/မပါတော့ သေခြာအောင် အရင် စစ်ဆေးပါ။
၂) ၃ ရက်လောက် အထိပဲ ကြိုမှန်းနိုင်တာ ဖြစ်တဲ့အတွက် သံသယ ရှိတဲ့ ဒေသတွေမှာ အနည်းဆုံး ၁၂ နာရီ တစ်ခါလောက်တော့ ထပ်စစ်ကြည့်သင့်ပါတယ်။
.
စစ်ဆေးနည်း
.
၁) အောက်က လင့်ကို နှိပ်ပါ
sites.research.google/floods/l/18.310320002788735/…

၂) မိမိ အခု ရောက်ရှိနေတဲ့ နေရာကို ရေကြီးနိုင်/မကြီးနိုင် စစ်ဆေးမယ် ဆိုရင် "အနီရောင် မျှား" ပြထားတဲ့ my location ခလုတ်ကို နှိပ်ကြည့်ပါ။

၃) အခြား မြို့တစ်မြို့ကို စစ်ဆေး ကြည့်ချင်တယ် ဆိုရင် "အပြာရောင် မျှား" ပြထားတဲ့ မှန်ဘီလူးကို နှိပ်ပြီး၊ သိလိုတဲ့ မြို့/ရွာ နာမည်ကို ရိုက်ထည့်ပြီး ရှာကြည့်လို့ ရပါတယ်။ (စစ်လို့ ရတဲ့ ဧရိယာတွေထဲပါမှသာ လာပြမှာ ဖြစ်ပါတယ်)
.
၄) မြေပုံကို တန်းပြီး အကြီးချဲ့ကြည့်လို့လည်း ရပါတယ်။ ရွှေ့ကြည့်လို့လည်း ရပါတယ်။ ပုံထဲက ညာဘက်ခြမ်းမှာ ပြထားသလို လွန်ခဲ့တဲ့ ၂ ရက်က အခြေအနေ၊ ယနေ့ အခြေအနေ၊ နောက်တစ်ရက် အခြေအနေ တို့ကို ပြသထားတာ တွေ့ရပါမယ်။
.
၅) အဓိပ္ပါယ် ပြန်နည်းက အနီရင့်ရောင်ဆို အန္တရာယ် အများဆုံးပါ၊ အဝါရောင် မျှားချွန်လေးဆိုရင် သတိထားကြဘို့ပါ။ အစိမ်းရောင် ဆိုရင်တော့ အန္တရာယ် မရှိပါလို့ Legend ထဲမှာ ရှင်းပြထားပါတယ်။
_______________________________
.
ကယ်ဆယ်ရေး/ကူညီရေး ပရဟိတ အဖွဲ့များအတွက်-
.
UNOSAT S-1 ဆိုတဲ့ ကမ္ဘာ့ ကုလသမဂ္ဂရဲ့ မိုးလေဝသ ဂြိုလ်တုကိုလည်း အားကိုးလို့ ရပါတယ်။ ဒါကတော့ ရေကြီးပြီးသွားမှ ဘယ်ဒေသတွေ ထိတယ် ဆိုတာ ကြည့်တာပါ။ ကယ်ဆယ်ရေး ပရဟိတ သမားတွေအတွက် ပိုအသုံးဝင်မယ် ထင်တယ် ခင်ဗျ။ လွန်ခဲ့တဲ့ ရက်ပိုင်းအတွင်း ရေဘေး ထိတဲ့ ဒေသတွေကို ရက်အလိုက် ရွေးကြည့်လို့ ရပါတယ်။ မြေပုံရဲ့ အပေါ်ထိပ်ဆုံးမှာ ရက်စွဲကို ပြောင်း ပြီး စစ်ကြည့်ကြပါဗျာ။ unosat-rm.cern.ch/FloodAI/apps/MMR/

1 year ago | [YT] | 31

HTP-Civil Engineering

" ရွှေမန္တလာ" အမျိုးများအတွက်
ကျွန်တော်တို့ TP-Construction Group မှ အကြမ်းထည် PAE စနစ်သီးသန့်အတွက် Construction အပိုင်း တာဝန်ယူဆောင်ရွက်ပေးသွားပါမည်။

အချောထည်လုပ်ငန်းများကို အကြံပေးညိနှိုင်းပြီး
အကြမ်းထည်လုပ်ငန်းပြီးမှ Quotation ဖြင့် ဆေယင်ရွက်ပေးသွားပါမည်။

Construction လုပ်ငန်းများကို 𝐐𝐮𝐚𝐥𝐢𝐭𝐲 𝐢𝐬 𝐊𝐢𝐧𝐠 ဖြစ်သည့်အတွက် ထိုက်တန်သောဈေးနှုန်း၏ အမြတ်ရရှိဖို့ ကျွန်တော်တို့မှ အာမခံဖြင့် ဆောင်ရွက်ပေးမည်ဖြစ်ပါသည်။

𝗧𝗣 𝗖𝗼𝗻𝘀𝘁𝗿𝘂𝗰𝘁𝗶𝗼𝗻 𝗖𝗼.,𝗟𝘁𝗱 မှ ရရှိနိုင်သော ဝန်ဆောင်မှုများမှာ

🔶ဗိသုကာဒီဇိုင်း(Architecture Design)(အတွင်း/အပြင်)ခန်းဖွဲ့များ

🔶ခံနိုင်ရည်ဖွဲ့စည်းပုံဒီဇိုင်း(Structural Design)

🔶ခန့်မှန်းခြေစာရင်း/ခန့်မှန်းကုန်ကျငွေ(Estimate)

🔶အိမ်ရှင်များကိုယ်စား လုပ်ငန်းကြီးကြပ် နည်းပညာအကြံပေးခြင်း၊အရည်အသွေးစစ်ဆေးပေးခြင်း

🔶ကြီးကြပ်+လုပ်အား အပ်နှံခြင်း

🔶ပုတ်ပြတ်လုပ်ငန်း/ကန်ထရိုက်အပ်နှံခြင်း

✅✅ကြီးကြပ်+လုပ်အား အပ်နှံခြင်းနှင့် ပုတ်ပြတ်လုပ်ငန်း/ကန်ထရိုက်အပ်နှံခြင်းလုပ်ငန်းများအတွက် TP Construction Group အနေဖြင့် မြေပြင်ကွင်းဆင်းတိုင်းတာခြင်း၊ မြေသားစမ်းသပ်ခြင်း၊ အရည်အသွေးစစ်ဆေးခြင်း ဝန်ဆောင်မှုများကို မိတ်ဆွေအိမ်ရှင်များနှင့် ညှိနှိုင်းဆောင်ရွက်ပေးလျက်ရှိပါတယ်။
🔶🔶🔶🔶🔶🔶🔶🔶🔶🔶🔶

အဆောက်အဦနဲ့ပါတ်သက်ပြီး သိရှိလိုသည်များကို မေးမြန်းနိုင်ပါသည်
TP Construction & Consultant Group Company Limited👷👷🏗️
🏢🏬Kalay Myo, Sagaing Division, Myanmar

☎️☎️0️⃣9️⃣9️⃣7️⃣0️⃣0️⃣6️⃣5️⃣5️⃣2️⃣1️⃣
☎️☎️0️⃣9️⃣8️⃣9️⃣5️⃣8️⃣1️⃣3️⃣2️⃣7️⃣6️⃣
📧thangpiconstruction@gmail.com

www.facebook.com/thangpinayhein92/

#TPconstruction
#thangpiconstruction

Skip the Carousel

1 2 3 4 5

1 year ago | [YT] | 10

HTP-Civil Engineering

လိုင်းကျင်းတူးခြင်းနဲ့ အုတ်မြစ်ချခြင်း
ဘာကွာပါသလဲ?

#အင်ဂျင်နီယာကမေးတာဆိုရင် Load Bearing အဆောက်အဦဆိုရင် လိုင်းကျင်းတူးပြီး R.C Frame အဆောက်အဦဆိုရင် အုတ်မြစ်ချရတယ်လို့ ဖြေပေးပါမယ်။

အားလုံးနားလည်အောင်ပြောရမယ်ဆိုရင် တိုင်၊ထုတ်၊ယက်မ၊ကြမ်းခင်းတွေအနေနဲ့ ဝန်ကူးပြောင်းတဲ့စနစ်ဆိုတာ R.C frame ဖြစ်ပြီး သူ့အလေးချိန်နဲ့သူရပ်တည်အောင်တည်ဆောက်ရတဲ့စနစ်ကို Loading Bearing လို့ သတ်မှတ်ပါတယ်။

Load bearing အမျိုးအစားတွေကို ရှေးယခင်က အသုံးများကြပါတယ်(ယနေ့ခေတ်လည်း သုံးကြပါသေးတယ်)။ ဥပမာ လိုင်းကျင်းပတ်ချာလည်တူးပြီး ဖောင်ဒီရှင်းအဖြစ်အသုံးပြုခြင်း၊ ခါးပတ်တန်းနေရာတွင် DPC ကျောက်ထုတ်ပါးပါးခံထားခြင်း၊ ၁၃လက်မခွဲအုတ်ရိုးတိုင်(သို့မဟုတ်)သစ်သားတိုင်များအသုံးပြုခြင်း၊ နံရံများကို ၉လက်မအုတ်ရိုးစီခြင်းစသဖြင့် အဆောက်အဦအလေးချိန်များအောင် ထုထည်ကြီးမားအောင် လုပ်ရပါတယ်။ ထုထည်ကြီးပြီး အလေးချိန်များနေမှ အဆောက်အဦရဲ့ တည်ငြိမ်မှုကို ထိန်းသိမ်းပေးမှာပါ။ ဥပမာ ကိုယ်အလေးချိန်ပေါင် ၂၀၀ရှိသူကို ပေါင်တစ်ရာရှိတဲ့လူက တော်ရုံနဲ့ တိုးတိုက်လည်း မယိမ်းမယိုင် ရပ်နိုင်မှာပါ။ ဒါမျိုးကို Load bearing structure လို့ သတ်မှတ်ရပါတယ်။

R.C frame မှာကျတော့ သံကူကွန်ကရစ်အုတ်မြစ်ချပြီး တိုင်တိုလောင်းခြင်း၊ ခါးပတ်တန်း(G.B or P.B)ဖြင့်ချုပ်ခြင်း၊ အထပ်အလိုက် ထုတ်(beam) ဖြင့် ချုပ်ခြင်း အပြီးသတ် အမိုးထုတ်ဖြင့် ချုပ်ခြင်း ကြမ်းခင်းလောင်းခြင်းတွေလုပ်ရပါတယ်။ သူ့ရဲ့စနစ်က ကြမ်းခင်းမှတဆင့် ထုတ်ဆီ၊ ထုတ်မှ တိုင်ဆီ စသဖြင့် အပေါ်ဆုံးကနေ တဆင့်ပြီးတဆင့် ဝန်အလေးချိန်တွေ ကူးပြောင်းလာပြီး နောက်ဆုံး အုတ်မြစ်ကနေမြေကြီးဆီမှာ အဆုံးသတ်သွားပါတယ်။ သူ သူ့အလေးချိန်ကြောင့် ရပ်တည်တာမဟုတ်ပဲ အချိတ်အဆက် ဖရိန်စနစ်နဲ့ဖြစ်တဲ့အတွက် ထုထည်ကြီးမားစရာမလိုပဲ။ နံရံတွေကို ၄လက်မခွဲအုတ်စီခြင်းတွေ လုပ်ရပါတယ်။

အသုံးပြုပုံအနေဖြင့် အထပ်နိမ့်တွေမှာ Load bearing အမျိုးအစားတည်ဆောက်ကြပြီး အထပ်မြင့်တွေမှာ R.C frame confined masonry building အမျိုးအစားတည်ဆောက်ကြရပါတယ်။

ကုန်ကျစရိတ်အနေဖြင့် ဒီတိုင်းစဉ်းစားရင်ကို အာစီဖရိန်က ပိုများနေမှာ သေချာပါတယ်။

ဒဏ်ခံရမှုမှာတော့ load bearing မှာ သူ့အလေးချိန်က ခံနိုင်သလောက်သာ ရပ်တည်နိုင်မှာဖြစ်ပြီး အများအားဖြင့် ငလျင်ဒဏ်ခံရတဲ့အခါမှာ မတူညီတဲ့ ကျွံကျမှု Differential settlement လို့ခေါ်တဲ့ တဖက်စောင်းနိမ့်ကျတာတွေဖြစ်တတ်ပါတယ်။ အာစီဖရိန်တွေဟာ ‌ပုံမှန်အားဖြင့် ခံနိုင်ရည်ပိုကောင်းပါတယ်။

ကျွန်တော့်အနေနဲ့တော့ အထပ်နိမ့်ဆိုလည်းကုန်ကျစရိတ်အားဖြင့် ပိုကုန်ကျပေမယ့်(အနည်းအကျဉ်း) အာစီဖရိန်အုတ်မြစ်ချခြင်းကို ပိုကြိုက်ပါတယ်။ ရေရှည်မှာ ပိုစိတ်ချရပါတယ်။ အိပ်ရေးဝအောင် အိပ်လို့ရတာပေါ့။ ဈေးနှုန်းသက်သက်သာသာနဲ့ အိမ်ရှင်တတ်နိုင်သလောက်နဲ့တည်ဆောက်ပေးတာဟာ စေတနာမှန်ပေမယ့်။ မပြောပ လောက်တဲ့ကုန်ကျစရိတ်နဲ့ စိတ်ချလက်ချ အိပ်လို့ရအောင် နားလည်အောင်လည်း ရှင်းပြဖြစ်ပါတယ်။

ဒီလောက်ပါပဲဗျား
ထန်ပီး(TP-CONSTRUCTION)
NYRDDC,MDY
HTP Civil Engineering
www.facebook.com/thangpinayhein92?mibextid=ZbWKwL

Skip the Carousel

1 2 3

1 year ago | [YT] | 59

HTP-Civil Engineering

နေပြည်တော်မှာ ‌တည်ဆောက်ဖို့
အပ်နှံထားတဲ့ ဒီဇိုင်းလေးပါ။

မြေကွက် ပေ(၄၀'*၈၀) မှာ တည်ဆောက်မည့်
၃၅'×၅၀' အာစီနှစ်ထပ်ခွဲဖြစ်ပြီး
Master Bedroom Room (၄)ခန်း
Single room (၁)ခန်း၊
ဘုရားခန်းတွေ
Penthouses လေးလည်း
ပါဝင်ပါတယ်။

အရှေ့ဘက်မျက်နှာလှည့်တဲ့ အိမ်ဒီဇိုင်းဖြစ်ပြီး၊ တောင်ဘက်ဘေးကပ်လျက်တည်ဆောက်ရမှာဖြစ်ပါတယ်။

ဒီဇိုင်းအပ်နှံတဲ့ညီ‌လေး လည်း ကျန်းမာချမ်းသာပါစေ🙏
♦️♦️♦️♦️♦️♦️♦️♦️♦️♦️♦️♦️♦️♦️♦️
𝗧𝗣 𝗖𝗼𝗻𝘀𝘁𝗿𝘂𝗰𝘁𝗶𝗼𝗻 𝗖𝗼.,𝗟𝘁𝗱 မှ ရရှိနိုင်သော ဝန်ဆောင်မှုများမှာ

🔶ဗိသုကာဒီဇိုင်း(Architecture Design)(အတွင်း/အပြင်)ခန်းဖွဲ့များ

🔶ခံနိုင်ရည်ဖွဲ့စည်းပုံဒီဇိုင်း(Structural Design)

🔶ခန့်မှန်းခြေစာရင်း/ခန့်မှန်းကုန်ကျငွေ(Estimate)

🔶အိမ်ရှင်များကိုယ်စား လုပ်ငန်းကြီးကြပ် နည်းပညာအကြံပေးခြင်း၊အရည်အသွေးစစ်ဆေးပေးခြင်း

🔶ကြီးကြပ်+လုပ်အား အပ်နှံခြင်း

🔶ပုတ်ပြတ်လုပ်ငန်း/ကန်ထရိုက်အပ်နှံခြင်း

✅✅ကြီးကြပ်+လုပ်အား အပ်နှံခြင်းနှင့် ပုတ်ပြတ်လုပ်ငန်း/ကန်ထရိုက်အပ်နှံခြင်းလုပ်ငန်းများအတွက် TP Construction Group အနေဖြင့် မြေပြင်ကွင်းဆင်းတိုင်းတာခြင်း၊ မြေသားစမ်းသပ်ခြင်း၊ အရည်အသွေးစစ်ဆေးခြင်း ဝန်ဆောင်မှုများကို မိတ်ဆွေအိမ်ရှင်များနှင့် ညှိနှိုင်းဆောင်ရွက်ပေးလျက်ရှိပါတယ်။

🏛️ အဆောက်အဦနဲ့ပါတ်သက်ပြီး သိရှိလိုသည်များကို မေးမြန်းနိုင်ပါသည်
TP Construction & Consultant Group Company Limited👷👷🏗️
🏢🏬Kalay Myo, Sagaing Division, Myanmar
Viber,Whatapps
☎️☎️0️⃣9️⃣9️⃣7️⃣0️⃣0️⃣6️⃣5️⃣5️⃣2️⃣1️⃣
☎️☎️0️⃣9️⃣8️⃣9️⃣5️⃣8️⃣1️⃣3️⃣2️⃣7️⃣6️⃣
📧thangpiconstruction@gmail.com
www.facebook.com/thangpinayhein92/
#အိမ်
#homedesign
#ဒီဇိုင်း
#အိမ်ပုံစံ
#TPConstruction
#Thangpiconstruction
#homedesign
#ဒီဇိုင်း
#အိမ် ‎
HTP-Civil Engineering Knowledge Sharing in Myanmar Thang Pi-TP Construction @followers @highlight

Skip the Carousel

1 2 3 4 5

1 year ago | [YT] | 31

HTP-Civil Engineering

ဆရာရေ ကျည်းခွေထောင့်စွန်းတွေမှာ အက်ကြောင်းတွေ ပေါ်တာ အန္တရာယ်ရှိနိုင်လားဗျ?

ဟုတ်ကဲ့။ ကျည်းခွေထောင့်တွေမှာ စလွယ်သိုင်းအက်ကြောင်း Diagonal Crack တွေပေါ်နေတယ်ဆိုရင်တော့ အန္တရာယ်ဖြစ်နိုင်ပါတယ်။
ဘာကြောင့်လဲဆိုရင် ဒီလိုအက်ကြောင်းတွေဟာ သာမန်အက်ကြောင်းတွေမဟုတ်ပဲ အဆောက်အဦဖွဲ့စည်းပုံ Structural ပိုင်းအားနည်းနေလို့ဖြစ်ပါတယ်။
ဒီလိုအက်ကြောင်းတွေက အုပ်ညှပ်အဆောက်အဦတွေမှာ ဖြစ်နိုင်ချေများတဲ့ ဖြစ်စဉ်တစ်ခုဖြစ်ပါတယ်။ အုပ်ညှပ်အဆောက်အဦဆိုတာ အသားနှင့်ဖွဲ့စည်းထားဖရိန်စနစ်ဖြစ်ပြီး ရာသီဥတုသဘာဝနှင့်ထိတွေ့မှုအပေါ်မူတည်ပြီး သစ်တွေဟာ အပြောင်းအလဲ ကျုံ့ခြင်းဆန့်ခြင်း ဖြစ်လွယ်တဲ့အတွက် ဘိလပ်သရွက်နဲ့စီထားတဲ့အုတ်နံရံတွေကို အကျိုးသက်ရောက်စေပါတယ်။

အာစီအဆောက်အဦတွေကျတော့ သံကူကွန်ကရစ်ဖရိန်ဖြစ်တဲ့အတွက် ခိုင်ခန့်မှုကောင်းတဲ့အတွက် အုတ်စီနံရံဆိုတာ အကာအရံတစ်ခုအနေနဲ့ပဲ သတ်မှတ်ရပါတယ်။
ဒါပေမယ့် အဲ့ဒီအုတ်စီနံရံတွေမှာ ရှေ့ကပြောသလို ပြတင်း/တံခါးကျည်းဘောင်ထောင့်စွန်း Openning တွေမှာ Diagonal crack ဖြစ်လာတယ်ဆိုရင်တော့ အဆောက်အဦရဲ့ခိုင်ခန့်မှုကို ထိခိုက်စေနိုင်ပါတယ်။ဒါကြောင့် တည်ဆောက်ရေးလုပ်ငန်းဆောင်ရွက်စဉ်ကတည်းက စနစ်တကျနဲ့ နည်းလမ်းမှန်ဖို့အရေးကြီးပါတယ်။

အဲ့ဒီလို အက်ကြောင်းတွေကို ဘာကြောင့်တွေ့လာရသလဲဆိုရင် နံရံအပွင့်(Openning)တွေကို သေချာမချုပ်ထားခြင်းနှင့် နံရံအပွင့် ပြတင်း/တခါးတွေက နံရံဧရိယာ၏ သုံးပုံတစ်ပုံထက်ပိုများနေခြင်း(မြင်သာအောင်ပြောရရင် အာစီတိုင်/ထုတ်နှင့်ချုပ်ထားတဲ့နံရံမျက်နှာပြင်မှာ ပြတင်း/တခါးတွေက ကြီးလွန်းပြီး နံရံဧရိယာနည်းနေခြင်း)စတဲ့ အဓိကအချက်တွေကြောင့် ဖြစ်ပါတယ်။

ဒီလိုအကြောင်းအရာတွေကြောင့် အက်ကြောင်းတွေကို ထိန်းနိုင်ဖို့ ဆိုရင် နံရံမှာ လိုအပ်တဲ့ ခါးထုတ်/ကျောက်ထုတ် Stiffner တွေကို လိုအပ်တဲ့နေရာမှာ ထည့်သွင်းခြင်း၊ နံရံဧရိယာကျယ်တဲ့ ဥပမာ အလျားအနံမြှောက်လိုက်လို့ ၁၄၀-၁၅၀ စတုရန်းပေကျော်နေမယ်ဆိုရင် ဒေါင်လိုက်ကျောက်ထုတ်တွေကိုပါ ထည့်သွင်းခြင်းစတဲ့ နံရံအချုပ်အတီးများကို စနစ်ကျဆောင်ရွက်ရမှာဖြစ်ပါတယ်။

အက်ကြောင်းတိုင်းမှာ အန္တရာယ်ရှိတယ်လို့တော့မသတ်နိုင်ပါဘူး။ အမြင်အရမကောင်းပေမယ့် ခံနိုင်ရည်ကို မထိခိုက်တဲ့အက်ကြောင်းတွေလည်းရှိပါတယ်။ ဥပမာ မတူညီတဲ့ပစ္စည်းနှစ်ခုပေါင်းစည်းတဲ့အခါမှာ ဖြစ်ပေါ်တတ်တဲ့ ဆံချည်မျှင်အက်ကြောင်းတွေပေါ့။ ဒါတွေကျတော့ အုတ်နဲ့မဆလာတို့နှစ်မျိုးရဲ့ ပေါင်းစည်းမှုမှာ အားနည်းတဲ့ပြသနာတွေကြောင့်လည်း အက်ကြောင်းပေါ်တတ်ပါတယ်။ အုတ်က လိုအပ်တဲ့ စိုထိုင်းဆမရတဲ့အတွက် မဆလာဆီက စိုထိုင်းဆကို စုပ်ယူပြီး မဆလာက အခြောက်မြန်ပြီး အက်တာမျိုးစတဲ့ အဆောက်အဦခံနိုင်ရည်ကို မထိခိုက်တဲ့အက်ကြောင်းတွေကိုလည်း မဖြစ်ပေါ်အောင် ဂရုစိုက်ဆောင်ရွက်ရမှာဖြစ်ပါတယ်။

ရာသီဥတုအလိုက် လိုအပ်သော အုတ်ရေသွင်းခြင်း၊ စီပြီးသားအုတ်နံရံများက စိုထိုင်းဆလိုအပ်လာရင် အချောမကိုင်မီ ရေဖြန်းခြင်း၊ အချောကိုင်ပြီး နံရံရေဖြန်းခြင်း စတဲ့လုပ်ငန်းစဉ်များကို တတ်တိပညာရှင် အင်ဂျင်နီယာများ၏ လမ်းညွှန်ချက်အတိုင်း အလေးထားဆောင်ရွက်ကြရမှာဖြစ်ပါတယ်။

ထန်ပီး(NYRDDC,MDY)
TP-CONSTRUCTION
HTP Civil engineering

Skip the Carousel

1 2 3 4 5

2 years ago | [YT] | 70

HTP-Civil Engineering

Pile Foundation များ Soil Liquefaction ဖြစ်ခြင်း

==================================

ပိုင်ဖောင်ဒီရှင်းများလည်း soil liquefaction ဖြစ်နိုင်ပြီး ပုံစံအမျိုးမျိုး၊ နည်းလမ်း အမျိုးမျိုးဖြင့် ဖောင်ဒီရှင်းအပေါ် အကျိုးသက်ရောက်စေပါတယ်။ ပြန်ပြောရမယ်ဆိုရင် liquefaction ဖြစ်ခြင်းဟာ lose sandy soil များ ပြည့်၀တဲ့အခြေအနေ saturated ဖြစ်ပြီး ၄င့်တို့ရဲ့ ခံနိုင်ရည်အား လျော့နည်းသွားခြင်းကြောင့်ပဲ ဖြစ်ပါတယ်။ အဲ့ဒီလို စမ်းသပ်မှုများ အတွေက် မြေသားနမူနာများရယူပြီး liquefaction ဖြစ်နိုင်ချေရှိ/မရှိကို standard penetration test, cone penetration test တို့နှင့် စမ်းသပ်သိရှိနိုင်ပါတယ်။

Pile foundation များ liquefaction ဖြစ်ခြင်းကြောင့် အောက်ပါတို့ကို အကျိုး သက်ရောက်စေပါတယ်။

• Buckling of Pile in Liquefaction soil

• Lateral Spreading of Sloping Ground

Buckling of Pile in Liquefaction Soil

ပိုင် ဆိုတာက ရှည်လျားတဲ့ element တွေ ဖြစ်ပြီး ၄င်းနဲ့အနီးအနားရှိ မြေသားများက supported ခုခံကာကွယ်ပြီး တောင့်တင်းအောင် ကူညီပေးတာဖြစ်ပါတယ်။ ဒါပေမယ့် တကယ်လို့ အဲ့ဒီမြေတွေဟာ မြေပျော့များဖြစ်ပြီး ကြီးမားတဲ့ ၀န်(အား) သက်ရောက်တဲ့ အခါမှာ အဲ့ဒီပိုင်ဟာ ရှည်လျားပြီး ဘေးနားရှိမြေသားများက မခုခံနိုင်တဲ့အတွေက် Buckling ဖြစ်သွားနိုင်ပါတယ်။ ၄င်းဖြစ်စဉ်ကို buckling of pile foundation လို့ ခေါ်ပြီး အဲ့လိုဖြစ်စဉ်ကတော့ အလွန်ဖြစ်ခဲပါတယ်။ ဒါပေမယ့် အထက်ကပြောသလို အခြေအနေဖြစ်လာရင်တော့ ပိုင်များဟာ buckling ကို ခံစားရနိုင်ပါတယ်။

Pile Foundation များ Soil Liquefaction ဖြစ်ခြင်းနှင့် ပြုပြင်ခြင်း

ပိုင်များဟာ ၄င်းတို့ရဲ့ skin friction နှင့် base capacity တလျှောက်အားဖြင့် ၀န်အားများကို ထမ်းထားရတာဖြစ်ပြီး ရှေ့က ဖြစ်စဉ်တွေဟာ ပိုင်ရဲ့ surface area များရှိ horizontal stresses များကြောင့် ဖြစ်ခြင်းဖြစ်ပါတယ်။ အဲ့ဒီ horizontal stresses များ နေရာစိပ်ပြီး သက်ရောက်တဲ့အခါ ပိုင်ကို ဘေးတိုက်ထောက်မဲ့ lateral supported လိုအပ်လာ စေတာပဲဖြစ်ပါတယ်။ မြေငလျင်အား သက်ရောက်မှုကြောင့် liquefaction ဖြစ်သည့်အခါ ပိုင်ကို ဘေးတိုက်ထောက်သည့် မြေသားများပြိုကွဲအရည်ပျော်သွားခြင်းကြောင့် ပိုင်၏ lateral support လုံး၀ဆုံးရှုံးသွားကာ ၀န်အားထမ်းနိုင်မှု skin friction လည်း မရှိတော့ပေ။

တကယ်လို့ ပိုင်ရဲ့ toe ကို bedrock မှာ အဆုံးသတ်စေပြီး ပိုင်ရဲ့ axial load ခုခံနိုင်မှု(အား)ဟာ equavalent column တစ်ခုရဲ့ Euler buckling load ထက် အလွန်များပါက အဲ့ဒီပိုင်ဟာ buckling ဖြစ်နိုင်ချေရှိသည်ဟု ယူဆပြီး ကြိုတင်တွက်ချက်မှုများ ပြုလုပ်ရပါ တယ်။

Euler buckling load ကို အောက်ပါ ပုံသေနည်းမှ တွက်ချက်နိုင်ပါတယ်။

PE = Π2EI/LE2 Equation ----(1)

EI = Pile Flexual Rigidity

Le = Pile Equavalent Length based on pile end conditions

တွက်ချက်ထားတဲ့ design load ကို factor တန်ဖိုး ၅ နှင့် မြှောက်ပြီး ရလာတဲ့ တန်ဖိုးပမာဏဟာ Euler Buckling load ထက်နည်းမှသာ buckling ခံစားနိုင်မှု နည်းသည်ဟု ယူဆရပါတယ်။ သက်ရောက်သည့် ၀န်(အား)များသည် ပိုင်၏ အလယ်ဗဟိုတွင် သက်ရောက်နိုင်ချေ နည်းတဲ့အခါ(သို့မဟုတ်) လုံး၀သက်ရောက်ခြင်းမရှိတဲ့ အခြေအနေမှာ အပေါ်က ပုံသေနည်းကို အသုံးပြုရပါတယ်။ တကယ်လို့ အဲ့လိုအခြေအနေမဟုတ်ဘူးဆိုရင်တော့ တွက်ချက်ထားတဲ့ buckling load က လျော့နည်းသွားပါလိမ့်မယ်။ အဲ့လိုနည်းသွားတာ ပိုင်ရဲ့ design load နှင့် Euler buckling load ကြား factor တန်ဖိုး ကြီး(များ)သောကြောင့် ဖြစ်ပါတယ်။

Pile Foundation များ Soil Liquefaction ဖြစ်ခြင်းနှင့် ပြုပြင်ခြင်း

Equivalent length ကို radius of gyration ဖြင့် divided (စား)ထားသော slenderness ratio ကလည်း ပိုင်၏ buckling ဖြစ်နိုင်ချေ potential ကို ညွှန်ပြသောကြောင့် ၄င်းကို တွက်ခြင်းအားဖြင့်လည်း သိရှိနိုင်ပါတယ်။ တကယ်လို့ ပိုင်၏ ပတ်၀န်းကျင်ရှိ မြေသားများသည် liquefy ဖြစ်ပါက ဖြစ်နိုင်ချေရှိသော buckling ကို slenderness ratio ဖြင့် စစ်ဆေး checking လုပ်ရပါတယ်။ တကယ်လို့ slenderness ratio ဟာ ၅၀ ထက်များမယ်ဆိုပါက buckling ဖြစ်နိုင်ချေမြင့်များသောကြောင့် ပိုင်များ လုံခြုံစိတ်ချရမှု safe ဖြစ်ရန်အတွက် slenderness ratio တန်ဖိုးဟာ ၅၀ ထက်နည်းရမှာဖြစ်ပါတယ်။

Lateral Spreading of Sloping Ground

မြေငလျင်လှုပ်ခတ်မှုကြောင့် မြေသားများ liquefied ဖြစ်ပြီး ယင်းမြေသားများ အောက် ဘက်သို့ဉီးတည်(downward direction) ပြီး ရွေလျားသွားခြင်းကို lateral spreading of sloping ground ဟုခေါ် ပါတယ်။ အဲ့လို ဘေးတိုက် ဖြန့်ကျက်ရွေ့လျားမှုကြောင့် slope ၏ အပေါ်ပိုင်းဘေး(upper side)ရှိ သပ်မြေ(soil wedge)တွေကြောင့် passive pressure ဖြစ်ပေါ်စေသောကြောင့် lateral pressure ကို ခံစားစေရပါတယ်။ ပိုင်များကို မြေသားတမံများ ၏ downstream နှင့် upstream တို့တွင် တည်ငြိမ်မှုရှိစေရန်အတွက် အသုံးပြုရခြင်းကြောင့် တမံ၏ အတွင်းပိုင်းလျောစောင်း(entire slope)များဟာ lateral spreading ကိုခံစားရမှ ဖြစ်ပေါ်လာသော passive pressure ကြောင့်ဖြစ်သော lateral pressure ကို ခုခံနိုင်ရန် အလွန်အရေးကြီးပါတယ်။ အစီရင်ခံစာများအရ လျောစောင်း (slope) အနည်းဆုံး ၃ဒီဂရီ ရှိပါက soil liquefaction ဒဏ်ခံရတဲ့အခါ lateral spreading ဖြစ်နိုင်ချေ အမြင့်ဆုံးဖြစ်သည်။ ဘာကြောင့်လဲဆိုတော့ liquefied ဖြစ်ပြီးသော မြေသားများဟာ လုံလောက်သော shear resistance မရှိတော့သောကြောင့် ဖြစ်ပါတယ်။

တစ်ခုထားမှာက lateral spreading ဖြစ်တဲ့ မြေသားများဟာ ဖြစ်ပေါ်လာတဲ့ passive earth pressure ပြင်းအားအပေါ်မူတည်ပြီး အကျယ်ပေ(ဘေးတိုက်ရွေ့လျားဖြန့်ကျက်သော မြေကြီး အကျယ်) အမျိုးမျိုးရှိနိုင်ပါတယ်။ တကယ်လို့ lateral spreading ဖြစ်တဲ့နေရာမှာ liquefaction မဖြစ်တဲ့မြေသားများကို အပေါ်ယံလွှာမှာ တွေ့ရှိရပြီး မြေသားအတွင်းပိုင်းမှာသာ liquefaction ဖြစ်ခြင်းကြောင့် ယင်းမြေသားများအတွက် pore water pressure ကို ကာလကြာသည်အထိ ထိမ်းထားနိုင်သောကြောင့် ပိုပြီးစိုးရိမ်စရာများ ဖြစ်လာနိုင်ပါတယ်။

Liquefied ဖြစ်သော အလွှာ၏ အပေါ်ပိုင်းရှိ non-liquefied soil layer များ ဘေးတိုက်ဖြန့်ကျက်ရွေ့လျားသည့်အခါ ပိုင်မှ ခံစားရသော lateral load ကို မြင့်တက်တိုးပွား စေပါတယ်။ Liquefied မဖြစ်သော မြေလွှာများက liquefied ဖြစ်သော မြေသားများကြောင့် ဖြစ်ပေါ်လာသည့် imposed load နှင့် lateral load ကို လျော့နည်းသွားအောင် ထိန်းချူပ် ပေးနိုင်ပါတယ်။

​​ကျေးဇူးတင်ပါသည်။

ထန်ပီး(NYRDDC,MDY)

I LOVE ZOGAM

REFF;

THE CONSTRUCTOR ORGANIZATION - PHOTO BY GOOGLE

3 years ago | [YT] | 12