娛壹 As One

許紹雄病危︱
張繼聰祝大步檻過
「佢係冇得頂嘅爸爸、好錫屋企人」

Day再拍劇，同唐詩詠演母女
Jeffrey激吻Ashley
借用「你哋係咪好傳媒！」化尷尬


#ViuTV 今日(27日)在邵氏影城舉行節目巡禮，預告開台十周年節目內容。#張繼聰 主演新劇《小業主戰線》即將開拍，他指劇本吸引，一睇即舉手答應演出：「自己角色又忠又奸，好玩好期待去拍，依家睇緊劇本做功課。」他透露年尾相當忙碌，要為《金童》宣傳、開演唱會，緊接有新戲開工又為舞台劇擔任幕後工作。他承認今年市道差，能夠在年尾最後衝刺是幸運，預計要忙到去農曆新年，之後與老婆一齊陪阿仔到外地開學。


今日 #許紹雄 傳出病危，朋友相繼到醫院探望，阿聰與許紹雄曾在TVB《誇世代》合作，但今日忙足一日，僅透過新聞留意情況，未有打聽消息：「希望佢冇事，知佢早幾日仲有開Live，祝福Benz哥身體健康。我同佢囡囡唔熟，但同Benz哥合作，知道佢係冇得頂嘅爸爸，知道佢好錫佢屋企人，祝佢大步檻過。」


同樣有新劇的 #阿Day，與首次參與ViuTV劇集的 #唐詩詠 演母女，要預習定叫對方做媽咪：「有人講過我哋笑起上嚟係似，平時相處就似姊妹。」隊友 #IvySo 被派出去參加遊戲綜藝《骰界》，對手包括 #阿冰@小薯茄、#Jason@ROVER、#Jeremy@MIRROR、193@ERROR、「Threads管理員」#吳肇軒，雖然每集獎品豐富，包括5位數現金獎，，但由於對手強勁只贏過一次：「我係最慘嗰個，我得一份咋！我細佬鬧咗我兩日！」


至於繼《三命》後，ViuTV再與銀河影像合作拍劇《地獄大狀》，由 #Jeffrey，Ashley（#林愷鈴）做男女主角，今次Ashley要打又毒舌，竟然開發出陰暗面：「原來鬧人係咁爽㗎！」兩人亦有咀嘴鏡頭，trailer見到兩人咀得火熱，不過Jeffrey強調：「冇見到左右左右咀咁刺激喎，我已家好醒目㗎，唔好陷我於不義。」靈機一觸借用吳卓羲說話反問：「你哋係咪好傳媒呀！」他說女友兼經理人睇得開心：「佢話我要再咀得投入啲！」


#娛壹

6 hours ago | [YT] | 55

娛壹 As One

許紹雄病危
黃子華趕往醫院探望
曾是生意拍檔 合夥開補習社
不忍對方蝕錢 講大話買埋股份


人稱「Benz雄」的許紹雄，今日突傳病危，多位圈中人由早上到傍晚，陸續趕到醫院探望。其中與他合作過幾部劇集《奸人堅》、《絕代商驕》《My盛Lady》等的黃子華，下午趕到醫院，探望後神情凝重離開。


許紹雄與子華的友情及信任，不僅拍戲上，原來二人還是生意拍檔，曾在2007年於銅鑼灣合夥開補習社，主攻對象是跟許紹雄女兒Charmaine一樣，在新加坡國際學校讀書的學生。


許紹雄去年接受傳媒訪問，稱當時與子華在內地拍劇，大家傾談間，許問他有冇興趣夾份開補習社，由許太打理。他說子華爽快答應，亦只負責出資，不會Involve補習社業務，對他百份百信任。


不過由於學費定價比較高，加上許太堅持一對二，或最多一對五教學，保持質素，甚至補習老師都從新加坡請來，他說︰「要quali唔低入境處先至批佢入嚟工作。」他們要負責埋海外老師來港的住宿費用，加埋租金，補習社開支甚大，蝕了四年才做到收支平衡。之後愛女畢業，夫婦不想再辛苦，就把這盤生意賣掉。


他說開業大半年，已不忍好友子華再蝕錢，於是講一個大話，買回對方股份，「我話有個家長想一齊做，不如你賣咗你嗰份畀佢。」當然家長買家是假，實質是許紹雄自己買回子華的股份。


雖然合作做生意，令對方蝕錢收場，但無損二人友情。數年前許紹雄打本700萬給女兒Charmaine搞餐廳，黃子華都有份撐場試菜，收宣傳之效。


#許紹雄病危 #黃子華 #娛壹

7 hours ago | [YT] | 86

娛壹 As One

試當真停運
1026告別live爆內部矛盾
游學修 導演Ellen直播攤開嚟講
互相道歉

豪哥一度放假逃避問題
“一定係好愛先會咁複雜
先會live變成單單打打、憎恨
跟住又愛返，我處理唔到”

不能走下去癥結 火柴指5年積埋好多心病
“作品完，但我哋關係上，仲要解決 5年積落嚟嘅嘢”

昨日10.26，是營運5年，#游學修、#許賢、#蘇致豪 主理的YouTube的頻道「試當真」last day。昨晚告別之夜以「官方正式結局」為題開直播，讓一眾成員在停運前盡訴心中情。告別夜不止說感言，亦變成老闆與主將解結之夜，尤其導演Ellen(盧嘉誼)與游學修在live「攤開嚟講」，到主將火柴的結語，道出試當真不能走下去的癥結，是彼此間長期的積怨。

【規模擴大定規矩 但難執行】
早前游學修接受100先東方昇的《國家級高峰會》訪問時，便提及5年來營運試當真最身心皆疲，是人事管理，要跟員工定立規矩、系統，難以執行，更因此傷害了彼此感情。

【告別live 最後15分鐘引爆】
到live最後的15分鐘，導演Ellen在人群中問游學修︰「我想插一句，因為谷住谷住，剛才越諗越奇怪，我做咗近5年，但點解只問我一句，嗰句標語係咪我寫？我覺得好奇怪，我想問一個問題，(阿修)在100毛訪問，係唔係講緊我？」阿修即否認︰「唔係唔係。」許賢亦打圓場︰「冇事，誤會。」

事緣昨晚live中場，接力主持大局的阿修問Ellen，三年前公司的「民主牆」，曾出現一句匿名寫下的食字標語「上樑不正下樑乖」，阿修謂︰「呢句說話曾激嬲過我，而三年後我哋搵出當事人認係佢寫，就係盧嘉誼小姐(Ellen)。嚟到呢刻，你仍然覺得『上樑不正下樑乖』？」Ellen表示已沒有，就算當時亦純粹玩食字搞gag含量多於表達訴求。而她越做越理解老闆管理的難處。回望試當真，她只心存感恩。

【邀Ellen解結】
見Ellen心裏有刺，於是阿修再次邀請她來頭鏡頭前解結。阿修亦解釋剛才重提的本意，「見留言有人講嗰句，咁我就Round up ，同Ellen講個笑話，佢無做錯，佢覺得我係咪唔開心，懷恨在心呢……我哋呢間公司就係會發生呢啲事情，我想同Ellen講，剛才嗰下係無心，唔知你(Ellen)有冇唔開心，你有冇想補充。」

【『點解你哋會咁對我』 Ellen︰反而我先有呢個感覺】
此時live變真心話台，Ellen坦言過去多次私下嘗試與游學修溝通，甚至發千字文訴心聲，對於阿修事前沒知匯，就在「公海」或直播中評論同事，而同事要與觀眾一起透過直播才知道，認為這做法有欠尊重，感覺不好受。

「當時你話你係公眾人物，好多時開live講嘢，呢樣唔講得，嗰樣唔講得，咁咪好多嘢唔講得，我認同嘅。你鍾意講就講……不吐不快我全部理解，全跟你意思做，如你覺得同事做得唔好，喺公眾面前講，咁係咪應該跟同事講咗先……

「同事包括我在內，『點解你哋會咁對我』呢句，想知點解你有呢種感受，當時私下問你，感受件事點嚟而得出此結論，只要你肯講我係肯聽，但你冇覆我。直至去到《白金像獎》台上，你仲要講多次，指同事搞到你唔開心。我返屋企諗咗好耐，你所指『點解咁對你』，反而我先有呢個感覺。

【我冇反抗】
「我回顧過去呢四年幾，我做過啲乜，所謂反抗你呢？反抗公司？我真係諗唔到喎，即係可能我蠢啦，或者我善忘，我性格唔好或者點樣，我唔記得咗自己做咗啲壞事，我覺得如果你願意講，或者你.. 就算你係想鬧我，我覺得唔緊要，你咪講囉。」Ellen哽咽續指，為何到last day，仍要將內部問題放在公海討論︰「其實我而家都唔鍾意喺live度話俾觀眾聽，所以點解我一路忍，無出聲。點解去到1026最後一日都係咁….如剛才唔衝出嚟(問個明白)我會嬲自己好耐。Sorry 。我已經忍耐咗好多次。」

【由相愛相殺 到互相道歉】
老闆同員工攤開嚟講，頓時令告別live變得沉重，但試當真的相愛相殺，在live確實毫無掩蓋。聽畢Ellen的感受，游學修即向所有同事道歉，承認有些事情處理不夠好，並打算往後私下跟鬧不快的同事，逐一解結。

解結是雙方，得到道歉回應的Ellen，亦即場跟游學修say sorry，「我都有做得唔好時候，需要同你講對唔住，唔係因為你講對唔住，我先要道歉，我真心想同你講，無論我做咗咩都好，呢一刻想同你講聲對唔住。呢幾年真係辛苦你哋。」

【豪哥自爆逃避問題】
外在強大的試當真，卻因管不了，理還亂的管理問題，以致內部許多嫌隙。老闆之一的蘇致豪，幾杯落肚在尾聲感言時，道出面對不了公司的問題，一度選擇放假逃避。「需要多謝你倆(拍檔)，你倆野心係比較大啲。想講對唔住，臨執前兩個月好倉猝咁請咗兩個月假……太複雜，世界太複雜，唔知點解同事咁複雜(他由哽咽，到掩面落淚。)喺Live好明顯，一定係好愛先會咁複雜，先會變成單單打打、憎恨、跟住又會愛返，我處理唔到，處理唔到，所以我貿貿然請假兩個月…二月時，阿修講，係咪執咗去會好啲？大家都覺得係，所以就有呢個決定。好多謝咁多位同事。」至於許賢，佩服阿修勇氣，更感激這位由中學年代便陪伴同行至今的豪哥。

【火柴道出公司癥結】
最尾包底是周身刀的火柴，見Ellen與游學修如此坦蕩蕩，他亦道出試當真的癥結所在，形容自己在公司是潤滑劑，協調之間的磨擦，「我做好多幕後工作，自己亦係一支KY，公司各人有長短，有好多難相處，當中有擅講故事藝術家，但一到溝通就唔叻，好多時我講嘢都唔叻，都可能傷害過同事，佢哋雙方我都受過。有時諗，試當真點解要完結，有時有啲嘢可以私底下解決，但多咗觀眾的話，好多嘢好難解釋，5年間好多事發生，講錯咗好多嘢，傷害咗好多同事，已經造成咗，除多謝觀眾支持，仲有執咗笠之後，作品完，我哋旅程同埋關係上解決嘅嘢仲未完，所以我想觀眾俾呢個空間我哋試當真，去解決5年積落嚟未解決嘅嘢。」夾過Band的火柴，揀了陳奕迅《最後派對》送給大家︰「活得精彩結尾 切勿流眼淚 來讓我詩歌班裡 悄然沉睡 這是自然程序 開心的派對 散後無法聚 我於燭光裡 祝福一句句 都心滿意足…」

【擁抱作結 Ellen主動攬阿修】
告別live，意外爆出內部風波，不想以此作結的阿慈(倪安慈)，建議全員擁抱︰「因為擁抱力量，係大過說話文字所有嘢。」此時Ellen即由另一邊走到阿修面前，主動攬實他，二人邊擁邊傾談，happy ending。雖然內部曾經相愛相殺，但半年前宣布執笠後，每個員工仍選擇留守到最後，Ellen與剪片同事，亦努力工作到last day近尾聲，可見對試當真留有深厚感情。

【執笠紀錄片 老臣子講出重點】
告別live因解結超時，過了凌晨才結束。緊接上架是「執笠紀錄片」，片中不會一面倒歌頌懷緬，而是讓台前幕後講出真實感受，包括三位老臣子直指問題所在。經理人艾琳︰「一開頭個個都係家庭式，關係一定好，(另一同事︰而家都係家庭式) 但冇咗呢種感覺…而家太多人，永業(舊公司地址)嗰時得10個人左右，後期去3、40人，當成為一間中小企時候，唔可能無規矩，唔可能好似一開始咁(家庭式)，單憑一個信字就可以。阿修喺訪問講過，規矩好難成立、傳達及執行。其實因為好多同事當咗呢度係屋企同屋企人，好想為呢個家做嘢，所以相對執行時候，就多咗任性。」火柴亦說以完結換回友情，是值得，「用公司流量、名利，換返友誼返嚟。」

片中，3月時阿修召集全員返公司，宣布試當真決定10月停運，「我一直都諗，點樣改善大家唔同狀況嘅嘢，但去到一定程度，開始覺得好多方法唔太work，呢樣無話邊個錯，我哋都有諗過唔結束嘅做法，諗咗幾個方案都唔太work，反而有一種完咗好似一件好事感覺。惟一可惜係會令大家失業，真係唔好意思。」說畢，他難過哭了。

#試當真 #娛壹

10 hours ago | [YT] | 102

娛壹 As One

曾合作《絕代商驕》
佘詩曼知許紹雄病危
一講即喊 終止訪問
“原本今日飛北京
可能都會趕去醫院”



今日傳出76歲許紹雄病危消息，多名圈中人亦趕到醫院與他見面。曾合作《絕代商驕》，不時約埋黃子華與他聚舊的佘詩曼，今日出席澳門活動時，被問好友病危情況，她即眼濕濕，強忍淚水說︰「一路有處理件事，Ok嘅…我有去探佢。」問到許紹雄現時情況，她只說︰「努力中。」說畢，她轉身抹淚。


淚盈於睫的阿佘，還因許紹雄病危改行程，「原本今日飛北京(工作)，可能都會趕去醫院。」要深呼吸平復心情的阿佘，無法繼續進行訪問，故因此終止。


今早圈中好友苗僑偉夫婦、黎芷珊、黃浩然，及導演林志華、文偉鴻等，陸續趕到醫院探望，眾人神情疑重，不發一言，對於傳媒提問，林志華僅表示︰「等屋企人講。」


#許紹雄 #佘詩曼 #娛壹

13 hours ago | [YT] | 687

娛壹 As One

76歲許紹雄傳病危　
苗僑偉黎芷珊黃浩然趕往醫院
TVB監製林志華：等屋企人講

76歲 #許紹雄（ # Benz雄）今日驚傳病危，目前留院接受治療。多名圈中好友，包括 #苗僑偉 和太太戚美珍、 #黎芷珊、 #黃浩然、TVB監製 #林志華 和 #文偉鴻 等，趕往醫院探望，眾人不發一言，神情凝重。對於傳媒提問，林志華僅表示：「等屋企人講。」

其實在6日前，許紹雄還在IG分享短片，片中的他精神尚可、笑聲連連；甚至昨晚，愛女 #許惠菁（Charmaine）還在IG限時動態推廣自家短片，似乎生活如常。

許紹雄縱橫影視界超過50載，近年與妻子從新加坡回流香港居住。前年12月，愛女嫁給從事金融業的男友Shane Sim，他開心榮升外父。許紹雄一向是「廿四孝爸爸」，近年砸下近千萬港元，支持女兒在新加坡開設連鎖咖啡廳與烘焙店，助其創業。

儘管螢幕上多飾配角，許紹雄私下卻是低調有米之人，年前在新加坡購置價值逾2,000萬港元的4000呎獨立屋，生活無憂。

【出身名門 姑婆為魯迅妻】
許紹雄出身名門，為廣州市越秀區高第街許氏家族後代，被內媒稱為「近代廣州第一家族」。祖上許拜庭乃清代廣州四大鹽商之首，曾祖許應騤更與慈禧太后結為乾親，是其契子，家族勢力橫跨商政兩界。許紹雄的姑婆許廣平，則是中國文壇巨擘魯迅的妻子。其父早年投身珠寶業，經營金舖生意，許紹雄自幼衣食無憂。1958年，許紹雄隨家人移居香港後，報考無綫電視（TVB）首屆藝員訓練班，成為首批學員。入行初期，他常駕著Benz返工，圈中人稱他為「Benz雄」。

許紹雄與太太龍嬿而在友人聚會中相遇，兩人一見鍾情，1992年攜手步入婚姻殿堂。龍嬿而出身另一豪門，其外家祖業曾經包括中國十大名園之一的「清暉園」——這座明朝天啟年間興建的園林，乾隆年間由大良進士龍應時購入，歷經龍氏後人多次修葺擴建。

【老來得女 贈逾二千萬嫁妝】
婚後五年，兩人喜獲愛女許惠菁，老來得女，讓許紹雄化身「寵女狂魔」。龍嬿而跟前夫育有一子，許紹雄視繼子如親生，父子情誼融洽。前年女兒出嫁時，他贈送一棟位於新加坡價值約2,300萬港元的物業作為嫁妝。父女倆聯手進軍YouTube，分享爆笑日常，影片產量不少。

事業上，許紹雄自1972年投身TVB，半世紀來演出無數膾炙人口劇集，從古裝武俠到都市喜劇，他總能以綠葉姿態為人注目。由於在東南亞有相當知名度，他四出吸金， 2023年飛往馬來西亞主演電影《鎖戰》，又與張智霖、陳小春、吳卓羲、謝天華等拍攝《大灣仔的夜2》。許紹雄兩年前曾向媒體直言：「我還沒死，怎能退隱？如果債務未清，就得繼續幹下去。」他笑言永不言休：「不想早死，就別急著收山。」一直享受工作。

#娛壹

14 hours ago (edited) | [YT] | 264

娛壹 As One

郭富城登六
方媛坐月照為老公搞生日
火速修身搶焦點

網民提醒好好調理身體
方媛：現在回去好好坐月子啦！


早前再做爸爸的 #郭富城 ，昨日（26日）正式登六，剛誕下第三胎的 #方媛 ，並不單單專注湊女，另一半登六，但同樣著緊，就算坐月中都照樣為老公搞生日party慶祝，城城冧爆留言：「謝謝老婆❤。謝謝大家的祝福。」


上周才迎接小女兒「三寶」出世，昨日城城牛一，方媛為他賀壽，雖然小公主未有現身派對，但立體造型的超人生日蛋糕上，化身超人的城城抱住剛出生的小公主，加上Chantelle和Charlotte兩個寶貝女，城城已經好開心！


雖然登六城城是男主角，但網民焦點卻落在產後不久的方媛身材，坐月中的她穿貼身上衣及牛仔褲，身形完全無走樣，許多網民留言驚訝她生完火速修身，亦有人留言提醒坐月中的好先好好調理身子，不用著急keep fit，獲她回覆：「現在回去好好坐月子啦！」


#娛壹

15 hours ago | [YT] | 70

娛壹 As One

ZEENUNEW演唱會 LingOrm包廂吃零食
轉坐山頂觀眾席 頭戴應援飾物睇騷

不介意被偷拍：
鄺玲玲望鏡舉V
Orm小鳥依人



由Zee和NuNew主演的BL劇《Cutie Pie》成為泰國人氣CP #ZEENUNEW ，二人昨（25日）在曼谷舉行演唱會，門票甫開賣已被秒殺，連泰國GL女神 #鄺玲玲 及 #Orm ，二人在放工後也拍拖趕入場睇騷！

#LingOrm 本身跟ZEENUNEW是好朋友，Orm又為NuNew做過MV女主角，所以，ZEENUNEW開個唱，二人又點會錯過？！

LingOrm入場跑去VIP包廂房先吃零食，接着轉坐山頂上排位置，戴應援頭飾睇騷，鄺玲玲全程為Orm影相，雖然一直畀粉絲「𥄫實」，不過，二人已習慣被鏡頭追蹤，亦不怕被偷影。鄺玲玲望鏡舉「V」勝利手勢，Orm則似小鳥依人，把頭靠在拍檔肩膀，享受難得的me time！

影片來源： jisoooya_jichu、giovannalan19、JungsJinns

#娛壹

1 day ago | [YT] | 21

娛壹 As One

太太做6次試管嬰均告失敗
YouTuber大J公開花費共145萬港元成功搵代母產子：
買24粒卵子就要46,650美金
代母薪酬要75,000美金


#YouTuber #大J (Jason)與日藉太太Mai結婚5年，早已移居日本，雖然生活美滿，不過一直為生育煩惱。今年5月，大J拍片指婚後試用中醫調理、針灸等不同方法，但都未能成功懷孕，其中包括花150萬港元，試做6次試管嬰兒均失敗，故決定赴美找代母產子，更指太太不會用自己的卵子。

事隔5個月，大J出片公開已成功找到代母，其中包括之前他在台北婦科診所留精子、檢查及送付美國，並指花費合共145萬港元：「至於我哋搵代母呢件事，到底使咗幾多錢：我哋TOTAL買咗24粒卵子，嗰度要$46,650美金。代母招募和背景調查各方面，我哋用咗$51,650美金。跟代母之間的法律合約，及所有相關文件，用咗$11,450美金。代母薪酬要$75,000美金。總數是$187,750美金，大約港幣145萬。」

不過大J成功搵代母產子一事，則繼續遭網民狂轟，引發道德爭議。

#娛壹

1 day ago | [YT] | 30

娛壹 As One

Theresa傅穎（現名：傅寳誼）今（26日）舉行粉絲見面會，對上一次跟粉絲見面，已是九年前，她原以為要相隔更長的時間才再舉行見面會，湊巧近日回港工作，加上有朋友提議，覺得是好時機：「如果冇朋友同我講，我可能真係唔知last幾耐先至再開另一次。對上一次應該係2016年書展。」當時以為只得20多人參與的見面會，結果有200名粉絲報名，但因場地容納人數有限，最後要分上下半場，與近百粉絲聚舊。

見到昔日的小粉絲們，如今大都已婚或有小孩，Theresa笑言：「佢哋同我講：『你睇吓我生咗兩個啦！』」至於她的感情生活，Theresa坦言現在並不想拍拖，更不考慮生小朋友：「喺我人生規劃入面係完全冇小朋友，結婚都可能要諗一諗。我好識照顧自己，雖然廚藝尚有進步空間，但我幾enjoy而家嘅生活，更加鍾意獨處。由2017年到而家，我已經八年冇拍拖，唔dry，反而好開心、好充實。」Theresa也有跟粉絲分享她的人生目標：「我覺得最緊要係修好自己個心。」

對於旅遊達人Jerry，日前把在中環wine and dine與她的合照放上網，並寫上：「Hi Stephy」，但又Tag她的舊歌《誰羨慕着我這樣強的人》，引來網民抨擊。Jerry事後解釋為搏流量，故刻意稱Theresa為Stephy，其後再被大批網民指責「不尊重」Theresa，最後要刪文平息風波，她說：「我唔識佢，但明白而家新世代好睇重流量。」

#娛壹

1 day ago (edited) | [YT] | 97

娛壹 As One

曾生意失敗被申請破產 用7年還清債務
阿燦廖偉雄農作物遇超強颱風遭殃：
米田變水塘 乜都冇晒

天無絕人之路：
本來預計損失5成 水浸趕走所有害蟲 變2成
有得就有失 大自然係咁 人生都係咁


現年67歲的 #廖偉雄 （阿燦），跟盧海鵬同屬《歡樂今宵》搞笑始祖，其後在節目《笑星救地球》飾演的「乜太」，以一身女人造型出現的他，演出維妙維俏，令事業更上一層樓。

90年代淡出幕前，阿燦轉行從商，包括經營食肆、生產醬料等，其中98年開設卡拉OK，不過因遇人不淑，遭其中一個股東騙財，最後要蝕本離場。及後開設的護膚品直銷公司，因無力償還40萬債務，於99年被銀行申請破產，不過阿燦有打不死精神，7年後還清。2005年開始，他發展有機農業，於內地開「燦神龍場」外，還種植「亞燦米」。此外，有指他早前移居大馬，在當地建過萬呎，4層高的綜合性娛樂飲食基地，吸金力強，身家早已過億。

近日廖偉雄拍片放上自家YouTube頻道，並嘆謂「福無重至、禍不單行」，片中所見，他頭髮明顯稀疏，臉容憔悴。原來今年6月，有超級颱風席捲羅定巿，當地暴雨成災，他指：「成個阿燦米田都變成水塘，點算，乜都冇晒。」但禍不單行，個多月後，他經營的「燦神龍場」又遇山洪暴發，造成嚴重破壞，木橋被洪水衝毀，花園變水塘，他慨嘆：「遇上山泥傾瀉，真係攞命。」

不過天無絕人之路，禍兮福之所倚，他續說：「又不要太過悲哀，因為今年稻飛虱問題特別嚴重，稻飛虱會將禾汁吸乾，有機農作物又不能噴農藥，阿燦田被浸14小時後，害蟲稻飛虱竟被全部趕走。」本來預計損失5成，最後只有2成，結果並非「冇晒」，也沒被「攞命」，算是不幸中之大幸。

面對天災，人生路經歷高低的阿燦有感而發：「呢個世界有得就有失，大自然係咁，人亦同樣，一定會有高有低，大家不要為一啲事去煩惱，只要面對問題，將佢解決，咁就有美好明天，所以，每一日都要開開心心，不要煩惱，日子始終要過。」

入行至今48年，從演出《網中人》成名到決定從商，廖偉雄事業試過再由零出發，到推出自家品牌有機米，發展才愈來愈好。去年11月，健康屢出問題的他中風險癱，幸而及時發現，在接受推拿和針灸治療後漸告好轉。


#娛壹

1 day ago | [YT] | 432