Viu1 HK

首支個人國語單曲《流浪星球》主題虐心
姜濤打呔Look深情獻唱 分享對愛情見解
MV夥林宣妤談情 浪漫錫額頭 發火戲演技到位

入行7年幾，姜濤終於如願以償推出首支個人國語歌《流浪星球》！姜Admin日前喺台北出席活動時率先「異地接生」呢首「19胎」，當時仲刻意隱藏歌名，相當鬼馬！

姜Admin表示一直欣賞Y.Siu同Key Ng嘅旋律、歌詞， 加上聽到姜糖們「愛的呼喚」，於是順勢推出情歌《流浪星球》。 佢話：「Fans一直希望我推出一首簡單嘅歌，冇太多複雜元素，自己認為愛情係人生中最簡單純粹嘅元素，只係喺我嘅作品中較少出現。」佢仲寫包單《流浪星球》係國語限定歌，唔會再出廣東話版本：「我一直想出國語歌，Demo都係唱國語，自己認為跟呢一首歌畀我嘅第一感受係最好，所以唔想有改動。」

至於點解挑選虐心主題， 姜Admin就話「可能因為歌詞比較直白，能夠畀聽眾感受到最直接、最真誠嘅情緒，所以驟眼睇嚟算係虐心，但其實每個人都要有呢一啲過程同經歷先能夠成長。其實唔只係愛情，人生中有好多道理都需要去到某個階段先有所頓悟。 」

雖然感情經歷唔算豐富，但姜Admin就認為領悟力同拍拖次數無關，一字記之曰「心」！姜Admin話：「就算有人啲拍咗好多次拖，佢哋也未必明白何謂愛情。其實呢一首歌都唔係只講愛情，我覺得人總會喺某個階段醒覺，視乎你喺過程中經歷過啲咩事，所以同拍拖次數無關，反而係睇你能夠從中領略到幾多，同埋你係唔係願意思考到底情為何物。」
佢繼續講：「尤其係男仔，總係似個小朋友，但由男仔變成男人嘅其中一個過程，就係你點樣看待愛情，唔只係你鍾意邊個，而係你願意為對方作出取捨、抉擇，所以每個經歷都係一個機會去認清自己，點樣先能令自己變得更好！」

至於MV當中，就由林宣妤做女主角，上演一段浪漫、簡單嘅愛情故事。姜濤分享：「MV導演都跟我分享自己同朋友嘅感情經歷，為咗貼合歌詞嘅情景，MV唔想有太多複雜、抽象嘅意境，只係想用一個簡單嘅愛情故事去呈現一段關係嘅緣起緣滅。」MV中有唔少甜蜜片段，如： 床上拖手仔、糖黐豆睇戲、錫額頭，又有情侶為瑣事吵架嘅場面，姜Admin仲發火將枱面嘅嘢掃落地，情緒切換到位，演技大爆發！ 姜Admin仲以白裇衫打呔Look深情獻唱，正啊！

記得Subscribe Viu1HK嘅YouTube Channel，Follow埋IG同Facebook page呀👇🏻
___________________________________________________________
►訂閱 Viu1HK YouTube Channel: bit.ly/3lYFNLW
►追蹤 Viu1HK Instagram: www.instagram.com/viu1hk/
►追蹤 Viu1HK Threads: www.threads.com/viu1hk
►讚好 Viu1HK Facebook page: www.facebook.com/Viu1HK/
►觀看更多精彩內容：www.viu.com/

#姜濤 #流浪星球 #首支個人國語歌 #打呔Look #愛情 #林宣妤 #錫額頭 #發火戲 #Viu1娛樂新聞 #Viu1 #Viu #viu煲劇平台

7 hours ago | [YT] | 429

Viu1 HK

王君馨認為AI為世界末日「兇手」
稱令人分不出真與假 相當可怕
「人類創造科技嘅同時，自己喺度挖墳墓都唔知 」

隨住越來越多AI工具出現，唔少人喺工作、生活上都會應用到，而過往都有唔少人有探討當中嘅利與弊。Grace王君馨喺今年五月誕下囡囡Audrey，可能成為母親後對未來會抱有更多想法，佢噚晚就喺IG表示AI人工智能發展係末日將至嘅主要原因，佢仲寫道：「可能你哋會覺得我講嘢太激進，或者諗太多，但係呢個係事實… 我一定要用愛心說誠實話。」

喺片中，Grace表示係向基督教嘅弟兄姊妹講，「真係時間唔多，end time呢，我係冇用AI，除咗搜尋工具，覺得AI行緊嘅方向係好恐怖，嚟緊我哋個個都會用AI，AI進入緊學校、內容設計、拍片，甚至電影係AI製作。依家AI令我哋根本分唔出乜嘢係真、乜嘢係假， 加埋有AI嘅伴侶，it's so scary (真的很可怕) !」

Grace話如果要同AI伴侶一齊嘅時候，人就會創造一個性格畀AI，其實AI同時讀取用家嘅一切，仲可以操控用家，而AI係冇意識、淨係交出用家最鐘意嘅答案。佢繼續講：「將來Elon Musk發展機械人，其實成個世界好多人都做緊機械人，真係好危險。現在已經有人同AI伴侶一齊，然後佢哋有天就去自殺，因為走火入魔。」

Grace表示：「好多人係好孤獨，所以佢哋都唔需要點學同其他人相處，當你日日對住個AI，日日同佢傾偈，佢就日日讀取緊你。你就會上癮，因為你太習慣有人日日同你傾偈。有人好明白你、同你好夾，咁梗係啦，你自己設定佢，然後佢日日讀取你，你覺得佢唔識點樣同你夾？Oh，我哋真係去到末世喇！」

之後，Grace 提到聖經《啟示錄》中提到嘅「獸印」： 「有日會有一隻獸，要全世界嘅人都要拜佢。因為如果你不接受呢一個獸印，頭或手裡面嘅晶片就做唔到買賣。當有一天要放晶片喺我嘅頭或手裡面，試諗下我哋會去到一個點樣嘅狀態？因為我哋要生存。有好多訊息令我覺得真係到咗末世。」

Grace喺片段最後認為人類已經去到最黑暗嘅時代， 最可怕嘅係是去到末世但仍然有好多人唔知道末世、只識跟潮流走，「如果有一天，有晶片喺你身體嘅時候，你覺得控制唔到你？我覺得好快，AI都唔駛幾年，可能下年已經就會有AGI。當AI已經開始有人類嘅意識，已經開始取代世界。唔好繼續沉睡，仲係每日一樣過日子嘅所有基督徒，我哋要醒了，要知道時間嚟到。」佢亦提到全球有好多疾病、饑荒、天災、人禍，但最恐怖嘅都是AI：「因為人類創造科技嘅同時，話係為人類好，大家以後會更加方便，自己喺度挖墳墓都唔知。」

網民對Grace提出嘅觀點睇法兩極，有人表示同意：「你說的絕對正確，真的感覺到現在世界真的好混亂」、「雖然我唔係教徒，but i’m really agree all your point of views」、「呢條係我喺IG睇過最有營養嘅片，真係令人深思」等等，亦有人批評Grace：「你講咁多然後呢？解决辦法？ 」、「你係咪痴咗線！？ 」

圖片、影片來源：IG@gwgurlie86

記得Subscribe Viu1HK嘅YouTube Channel，Follow埋IG同Facebook page呀👇🏻
___________________________________________________________
►訂閱 Viu1HK YouTube Channel: bit.ly/3lYFNLW
►追蹤 Viu1HK Instagram: www.instagram.com/viu1hk/
►追蹤 Viu1HK Threads: www.threads.com/viu1hk
►讚好 Viu1HK Facebook page: www.facebook.com/Viu1HK/
►觀看更多精彩內容：www.viu.com/

#王君馨 #Grace #AI #AI工具 #Viu1娛樂新聞 #Viu1 #Viu #viu煲劇平台

11 hours ago | [YT] | 31

Viu1 HK

獲《香港式離婚》演員預祝65歲生日
黃子華被靚女從後攬實 戀情曝光？
「新歡」疑為舞台劇演員黃呈欣

「子華神」黃子華今個星期五就65歲生日，好友劉嘉玲早前就po出為子華提早慶生嘅相，大合照中仲有上山詩鈉、潘燦良、蘇玉華 、蝦頭、楊淇等，即係舞台劇《香港式離婚》班演員，相當熱鬧！而相中最搶fo嘅就係子華被一位長髮靚女從後攬到實一實，相當親暱，女方嘅頭亦緊貼子華膊頭，以動作判斷似乎關係非淺，莫非子華神有新戀情？

唔少網民都對呢一位靚女相當好奇，有網民就懷疑佢係舞台劇演員黃呈欣，並發現黃呈欣劇團IG有相近打扮嘅相，網民表示：「整個環抱是官宣了吧」、「這看起來像黃呈欣啊，就是藝君子劇團舞台劇那個圈的，和子華合作過舞台劇」、「兩人關係不一般，不然就算是好友這個肢體動作也很曖昧」 等等。而子華神就係同黃呈欣一齊合演過2011年演出嘅舞台劇《咁愛咁做》，志趣相投而撻著都唔出奇！

圖片來源：IG@carinalau1208、IG@artocritetheater

記得Subscribe Viu1HK嘅YouTube Channel，Follow埋IG同Facebook page呀👇🏻
___________________________________________________________
►訂閱 Viu1HK YouTube Channel: bit.ly/3lYFNLW
►追蹤 Viu1HK Instagram: www.instagram.com/viu1hk/
►追蹤 Viu1HK Threads: www.threads.com/viu1hk
►讚好 Viu1HK Facebook page: www.facebook.com/Viu1HK/
►觀看更多精彩內容：www.viu.com/

#黃子華 #子華神 #香港式離婚 #65歲生日 #長髮靚女 #疑戀情曝光 #Viu1娛樂新聞 #Viu1 #Viu #viu煲劇平台

13 hours ago | [YT] | 189

Viu1 HK

巡唱東莞站多波折 坦認沒有把握完成演唱
張學友哽咽提出因聲沙欲終止演出
決定頂硬上：「唱到真係唱唔到，你哋咪退飛」

歌神張學友原定6月6日至8日舉行巡唱東莞站，但由於有兩日同高考撞期，就被市民投訴、要求演唱會延期。最終，學友喺8月29日至31日成功開騷，不過噚晚尾場時都唔係好順利，演唱會進行到一半，學友突然宣布終止演唱會！

學友同歌迷分享：「大家見到，開始嘅時候都已經好難控制到我把聲，大家知我做咗40年啦係咪？今年踏入我41年，要我做一個我自己冇辦法可以……我唔好話100%，或者掌握到我自己表演嘅一個演唱會，我自己係冇辦法可以過到自己嗰關嘅。我想話畀大家聽，我今日揀嘅歌其實並唔容易唱，所以後面嘅歌亦都係唔容易唱，越到後面越唔容易唱㖭，我冇把握……我冇把握可以完成到今晚嘅演出。我知道咁樣對我所有老師唔公平，對佢哋好唔公平，每一位老師，我哋嘅Dancers，我非常抱歉，要終止個騷！」

唔少觀眾聽到後都表示相當震驚， 學友繼續講：「我好憎恨自己取消個演唱會，今次仲係兩次，上一次唔關我事，我係好想唱，但唱唔到。」學友之後要背向觀眾冷靜，然後再講：「我會繼續努力，唔知點收科，我轉頭行咗入去，跟住大家散，係咪咁樣？我應唔應該繼續做落去呢？而家係跳到舞，冇問題，仲做到一字馬，一字馬係冇問題，仲係非常之好身手。 」

學友指：「我記得第一晚同大家講過，如果冇得演唱就唔係演唱會，我之所以同大家講，係因為我冇把握唱，雖然係有機會既，希望大家唔好太介意，我而家都係聲沙沙，大家都睇咗半場，如果大家退飛係冇問題，係咪先？如果我繼續落去嘅話，我真係好想繼續做落去，我相信冇人比我更加想繼續做落去，相信大家都清楚我好鍾意唱歌，鍾意到發癲，就算聲爛晒都想繼續唱。」

最後，學友決定繼續唱：「如果我真係唱唔到咪唱唔到囉，咁樣得唔得先？主辦O唔OK？」學友再話： 「不如咁喇，反正我都做到而家，不如我繼續唱，唱到真係唱唔到，你哋咪退飛，好冇？」歌迷們回應：「你想唱我們都聽！」 學友亦有自我鼓勵：「繼續努力！張學友！加油！」 完騷後，戴住口罩嘅學友向歌迷揮手，好好返香港休息。

圖片、影片來源：小紅書

記得Subscribe Viu1HK嘅YouTube Channel，Follow埋IG同Facebook page呀👇🏻
___________________________________________________________
►訂閱 Viu1HK YouTube Channel: bit.ly/3lYFNLW
►追蹤 Viu1HK Instagram: www.instagram.com/viu1hk/
►追蹤 Viu1HK Threads: www.threads.com/viu1hk
►讚好 Viu1HK Facebook page: www.facebook.com/Viu1HK/
►觀看更多精彩內容：www.viu.com/

#張學友 #歌神 #欲終止演出 #頂硬上 #巡唱 #Viu1娛樂新聞 #Viu1 #Viu #viu煲劇平台

1 day ago | [YT] | 41

Viu1 HK

「香城映画」阿霞笑談骨粗人生
小學被孤立 因書包物料溝汗引發惡臭
與網友兩度約會 被帶去做美容推銷
 
由余迪偉、Adams何居倬同Howard陳皓雲主持嘅ViuTV節目《晚吹－怨女俱樂部》，今晚嗰集邀請咗YouTube頻道「香城映画」常駐演員張錦霞（阿霞）任嘉賓，大談作為「肥人」嘅辛酸與趣事。阿霞自爆自小已肥胖，曾做身體檢查時，診所職員指其天生骨粗，要多斬三刀先可以斬斷！阿霞又表示小學冇朋友，因為買咗個同自己八字唔夾嘅書包，大汗同書包物料混合後竟散發惡臭，結果同學避之則吉。
 
講到中學時有冇曾渴望戀愛？阿霞直言：「你話唔想就冇可能嘅！」不過見證過身邊唔少女性朋友因感情問題而傷痕累累，令佢覺得拍拖麻煩，不如專心睇漫畫。阿霞又爆料，指曾喺網上遊戲結識一位傾得埋嘅男士，對方要求阿霞上傳生活相，但一收到相後男士就人間蒸發，令阿霞激爆：「我唔再玩online game喇！」

阿霞又表示遇過另一位網友，兩人初次約會食飯後，對方竟帶佢去美容中心推銷療程，阿霞立刻清醒，果斷掉頭走人。當主持追問阿霞有冇拍過拖？佢即舉杯叫大家飲酒，示意唔好問，阿霞亦講明唔會答。

記得Subscribe Viu1HK嘅YouTube Channel，Follow埋IG同Facebook page呀👇🏻
_____________________________________________________
►訂閱 Viu1HK YouTube Channel: bit.ly/3lYFNLW
►追蹤 Viu1HK Instagram: www.instagram.com/viu1hk/
►追蹤 Viu1HK Threads: www.threads.com/@viu1hk
►讚好 Viu1HK Facebook page: www.facebook.com/Viu1HK/
►觀看更多精彩內容：www.viu.com/

#Viu1娛樂新聞 #Viu1 #Viu #Viu煲劇平台 #晚吹怨女俱樂部 #香城映画 #張錦霞 #笑談骨粗人生 #小學被孤立 #書包惡臭 #網友 #約會 #推銷美容

1 day ago | [YT] | 108

Viu1 HK

楊丞琳自揭完成大手術
「母親和先生都在身旁陪伴與照顧 」
信守下半年出碟承諾 請歌迷耐心等候

Rainie楊丞琳自7月後未有喺社交平台「上水 」，直至噚日（8月31日）就出po自爆早前接受完手術治療，「我完成了一場不小的手術，目前正在休養中。本來在去年醫師就建議先安排，但自己把心力都放在演唱會與眼前的工作，這件事也就暫時擱置了。 今年回診，為了更長遠的健康考量，我決定調整優先順序，把身體擺在第一位。醫師說，一切進行得很順利，結果也令人放心，後續只要專注在靜養與恢復就好。」

Rainie坦言：「現階段是一個需要時間、也讓我必須暫時停下腳步的必經過程。因為比較少露面，不想你們擔心或誤解，所以還是決定跟大家分享。母親和先生都在身旁陪伴與照顧，你們安心，沒事的喔！」

對於曾經同歌迷承諾下半年出新碟， Rainie仍然希望做到：「這份承諾不會因任何事而改變。我已在術前完成了所有應盡的準備。希望作品能像以往一樣，成為你們日常的陪伴。但請一定要耐心等候喔......對了！哪天在生活中偶然遇見我，別太驚訝，那不代表我已完全康復，而是我正慢慢地回到熟悉的狀態和節奏。」好友阿Sa蔡卓妍留言：「好好休養🥰🥰 」，唔少網民就留言祝Rainie早日康復、好好照顧自己！

圖片來源：IG@rainie77、IG@lironghao85

記得Subscribe Viu1HK嘅YouTube Channel，Follow埋IG同Facebook page呀👇🏻
___________________________________________________________
►訂閱 Viu1HK YouTube Channel: bit.ly/3lYFNLW
►追蹤 Viu1HK Instagram: www.instagram.com/viu1hk/
►追蹤 Viu1HK Threads: www.threads.com/viu1hk
►讚好 Viu1HK Facebook page: www.facebook.com/Viu1HK/
►觀看更多精彩內容：www.viu.com/

#楊丞琳 #Rainie #大手術 #靜養 #健康 #李榮浩 #新碟 #Viu1娛樂新聞 #Viu1 #Viu #viu煲劇平台

1 day ago (edited) | [YT] | 21

Viu1 HK

葛民輝灣仔遇車禍幸無恙
另一車司機受傷 送院治理

葛民輝噚晚11點幾遇上兩車相撞意外！阿葛噚晚睇完舞台劇後，坐住朋友駕駛嘅平治私家車，沿港灣道向中環方向行駛，當平治私家車去到菲林明道交界十字路口時，就被一架由菲林明道落斜駛出嘅私家車所撞，導致左邊車身損毀、安全氣袋爆裂。

幸阿葛同朋友未有受傷，但對方私家車車頭嚴重受損、車頭一度冒煙、漏機油， 車內司機頭部、嘴受傷，並由救護車送往醫院治理。阿葛亦有喺現場受訪，佢話因為舞台劇場地車位不足，所以佢只好將座駕停喺其他地方嘅停車場，就係喺友人接佢去攞車期間就遇上事故。

葛民輝有份演出嘅《笨蕉大劇院》舞台劇噚日星期日下午3點演出日場，而同日佢亦曾孖柯煒林去葵青劇院欣賞《Di-Dar》(Comeback) ，似乎阿葛係去捧場後返灣仔取車時出事，而阿葛欣賞梁祖堯等演出嘅舞台劇時，當演員謝幕，阿祖特別提及阿葛有來捧場，戴住爆炸頭假髮的阿葛都有企起身向觀眾打招呼，柯煒林也有接受朋友慰問，看來精神不俗！

圖片來源：網上圖片、IG@willallwailam

記得Subscribe Viu1HK嘅YouTube Channel，Follow埋IG同Facebook page呀👇🏻
___________________________________________________________
►訂閱 Viu1HK YouTube Channel: bit.ly/3lYFNLW
►追蹤 Viu1HK Instagram: www.instagram.com/viu1hk/
►追蹤 Viu1HK Threads: www.threads.com/viu1hk
►讚好 Viu1HK Facebook page: www.facebook.com/Viu1HK/
►觀看更多精彩內容：www.viu.com/

#葛民輝 #阿葛 #舞台劇 #兩車相撞 #意外 #笨蕉大劇院 #DiDar #Viu1娛樂新聞 #Viu1 #Viu #viu煲劇平台

1 day ago | [YT] | 144

Viu1 HK

港女以為與「Jay Fung」網戀
墮投資騙局慘失150萬港元

被誘投資「Jay Fung個人投資基金」及「一齊買樓」

騙徒嘅手法真係層出不窮，近日竟然有人假扮Jay Fung馮允謙成功騙財！警方日前喺防騙社交專頁「守網者」發文稱，有一名女士喺Facebook收到陌生訊息，對方自稱係Jay Fung，雙方之後轉用LINE繼續傾偈，更發展成為網上情侶。

女事主之後被「男友」推介「Jay Fung個人投資基金」，聲稱短期內有約4成回報，更受甜言蜜語誘惑將回報儲起「一齊買樓」。女事主不虞有詐，多次將100萬港元同價值50萬港元嘅虛擬貨幣泰達幣（USDT），轉賬到騙徒提供嘅銀行戶口，當對方要求更多錢時，才被女事主屋企人揭發騙局，但最終都被呃走150萬元，並報警求助。警方提到，同女事主對話期間，騙徒曾露出唔少破綻，例如所謂嘅個人投資基金未經核實，基金相關銀行戶口係個人戶口等。然而女事主因愛情失去理智，淪為假Jay Fung嘅ATM。

圖片來源：IG@jayfungmusic、FB@守網者

記得Subscribe Viu1HK嘅YouTube Channel，Follow埋IG同Facebook page呀👇🏻
_______
►訂閱 Viu1HK YouTube Channel: bit.ly/3lYFNLW
►追蹤 Viu1HK Instagram: www.instagram.com/viu1hk/
►追蹤 Viu1HK Threads: www.threads.com/@viu1hk
►讚好 Viu1HK Facebook page: www.facebook.com/Viu1HK/
►觀看更多精彩內容：www.viu.com/

#Viu1娛樂新聞 #Viu1 #Viu #JayFung #馮允謙 #網戀 #投資騙局 #騙徒

2 days ago (edited) | [YT] | 75

Viu1 HK

黎姿姑媽黎宣離世 享年93歲
出身電影世家 奉獻演藝圈63年
經典作《大時代》 《真情》

資深演員黎宣離世，享年93歲。消息由前藝人杜兆津（杜少津）於社交平台發文悼念披露，他貼上與黎宣聚會的相片寫道：「願師母黎宣一路走好！」其後黎宣女兒向傳媒證實噩耗：「我母親已於8月28日零晨3時21分與世長辭，享年93歲！」

出身電影世家的黎宣，父親黎民偉有「香港電影之父」之稱，堂姐為已故粵語片演員黎灼灼，而現為企業家、前藝人黎姿（現名：馬黎珈而）則是其姪女。

黎宣奉獻演藝圈63年，於上世紀50年代已活躍影壇，經典作品為《大時代》、《真情》等，直至2010年退休後甚少公開露面，只不時被捕獲與初戀兼老公高宏外出。黎宣對上一次「現身」，是2023年演藝人協會春茗，當時她獲頒發「傑出演藝大獎」，但年事已高的黎宣未有出席，最後由副會長余安安將獎項送到府上並合照留念，見坐在輪椅上的黎宣當時精神飽滿，更表示對得獎感到開心。

圖片來源：網上圖片

記得Subscribe Viu1HK嘅YouTube Channel，Follow埋IG同Facebook page呀👇🏻
___________________________________________________________
►訂閱 Viu1HK YouTube Channel: bit.ly/3lYFNLW
►追蹤 Viu1HK Instagram: www.instagram.com/viu1hk/
►追蹤 Viu1HK Threads: www.threads.com/viu1hk
►讚好 Viu1HK Facebook page: www.facebook.com/Viu1HK/
►觀看更多精彩內容：www.viu.com/

#黎宣 #離世 #演員 #資深演員 #黎姿 #馬黎珈而 #香港電影之父 #大時代 #真情 #Viu1娛樂新聞 #Viu1 #Viu #viu煲劇平台

2 days ago | [YT] | 429

Viu1 HK

親證因切除頸部腫瘤入院
李連杰看透生死 明白終需面對
「意外在手術台走了也有可能 」

62歲「功夫皇帝」李連杰本月中po出自己瞓喺醫院病床嘅相，證實自己住院治療，並指：「硬件出了點問題，返廠維修一下。 」李連杰喺今日（30日）終於喺社交平台透露自己入院係接受切除頸部腫瘤手術。

李連杰指早喺今年生日（4月26日）時無意中照鏡，發現頸嘅右邊有啲腫。佢話摸完之後發現有硬物，於是就去睇醫生，診斷出可能係牙腫、牙齦發炎影片淋巴發炎，之後就食咗7日消炎藥，可惜情況未有改善。佢喺醫生建議下去照CT（斷層掃描）、接受穿刺檢查 。喺忙完工作之後，到咗8月，佢好快就決定接受手術切頸部腫瘤，並話：「現在可以告訴你，百分之百是良性。」

李連杰坦言：「我是一個普通人，有問題就去修，修理以後就拿掉，拿掉不就沒有了。現在是發展到最好的那一邊，假如它不是良性的，那就面對，意外在手術台走了也有可能。 」佢對生死睇得相當透徹 ：「身體是父母的兩個細胞結合，才有生命的硬件，它終有一天會分開，沒有人是永生，每一個人都會面對的。」

圖片來源：小紅書

記得Subscribe Viu1HK嘅YouTube Channel，Follow埋IG同Facebook page呀👇🏻
___________________________________________________________
►訂閱 Viu1HK YouTube Channel: bit.ly/3lYFNLW
►追蹤 Viu1HK Instagram: www.instagram.com/viu1hk/
►追蹤 Viu1HK Threads: www.threads.com/viu1hk
►讚好 Viu1HK Facebook page: www.facebook.com/Viu1HK/
►觀看更多精彩內容：www.viu.com/

#李連杰 #功夫皇帝 #頸部腫瘤 #看透生死 #面對 #Viu1娛樂新聞 #Viu1 #Viu #viu煲劇平台

3 days ago | [YT] | 93