Betty in Manchester / 曼活Betty

近年兩餸飯喺香港變得非常受歡迎，不過呢個熱潮就未算殺到英國。但係原來曼城都有兩餸飯，仲要喺City Centre一個潮區入面開檔嘅， 位置方便，價錢仲好抵食𠻹。呀！差啲唔記得講，呢個兩餸飯唔係香港食開果啲炒菜蒸魚豆腐火腩，而係食印度咖哩嘅。想知食唔食得過就睇片啦。

4 months ago | [YT] | 4

Betty in Manchester / 曼活Betty

【英國曼城玩】天氣凍帶小朋友去邊玩？美國風Roller快餐店Archies Atomic，俾小朋友放電同時大人仲可以去Shopping

雖然英國有好多地方啱一家大細去，但係去到冬天嘅時候真係街都唔想出。 所以今次就襯Half-Term帶大家去一個室內兒童放電場，呢個地方叫Archies Atomic，同一個地方可以踩Roller Skate同食好Juicy嘅Burger。最正嘅係，當小朋友玩嘅時候，大人仲可以去Trafford Centre shopping同埋去Costco入貨。天氣凍凍地，唔想出去吹吹風嘅時候，呢個地方真係可以滿足晒全家人啊。想睇吓呢個地方好唔好玩，想睇吓我囡囡啲Roller踩成點？睇片啦。

8 months ago | [YT] | 6

Betty in Manchester / 曼活Betty

聖誕氣氛滿滿，倫敦快閃一日遊 VLOG

每年聖誕都會搵個理由去倫敦行一轉，鐘意佢聖誕氣氛超正，周圍人頭湧湧好有過節感覺。2024年就襯住啱啱打完風即刻起行，趕到喺最後一日參加到Japanese Xmas Market，仲一次過去埋Anya Hindmarch 聖誕期間限定concept store，睇電影Wicked嘅聖誕樹，去Harrods玩人逼人聖誕Shopping，同埋去Bond Street名店街睇聖誕燈飾，真係打爆晒個行程表呀。邀請你同我哋一齊去倫敦快閃玩一日啦。

10 months ago | [YT] | 3

Betty in Manchester / 曼活Betty

作為全英國最Hea嘅Youtuber，我少出片係預咗嘅事，但竟然差不多成個2023/24年都無點出片，又好似離譜得滯。所以今次會長氣少少，一次過同大家講返晒我呢一個兩年攪咩，點解咁少片，同埋Youtube以外嘅我其實係做乜。仲會同大家傾我開Pop-up鹽酥雞店嘅故事，當中樂與苦。如果大家對呢個開Pop-up店呢個題目有興趣，我會再詳細啲講講啦。

1 year ago | [YT] | 15

Betty in Manchester / 曼活Betty

2023年6月23-24號，曼城Bury 好香港市集 So Hong Kong Festival 又嚟喇，再次喺Bury Market擺一個充滿香港文化同味道嘅市集！等大家可以一個地方唔使四圍走，食盡曼城多間港式美食，喺英國都可以好似去咗旺角或者太安樓掃街咁。

第一次就非常成功逼爆Bury Market，不過可能開頭大家經驗少，所以食物好快就賣晒。多位店主今次再接再厲，食物上層層加碼，務求令大家滿腹而歸。今次我就走勻曼城去拜訪多間有份擺檔嘅食店，同各位老細傾計，仲率先睇吓今次有咩正嘢食。

👉🏻👉🏻👉🏻而今次呢我自己都會擺檔，同朋友一齊喺好香港市集買吓自己拿手嘅鹽酥雞同甜品，pop-up store叫All Fried Up，專買炸鹽酥雞同甜品，嚟好香港市集記住嚟同我say個hi，試吓我嘅小食喇。

好香港市集 So Hong Kong Festival
日期：2023年6月23-24號
時間：9:00am-4:30pm（星期五）9:00am-5:00pm （星期六）
地點：Bury Market, BL9 0BJ

2 years ago (edited) | [YT] | 0

Betty in Manchester / 曼活Betty

咁多個國家嚟講，香港人最熟悉嘅第一係英國，咁第二最熟悉呢？諗諗應該係葡萄牙啦，原因當然係因為澳門，過大海食葡國菜係香港人嘅生活一部分，而葡撻基本上喺下午茶界係繼蛋撻之後嘅第二大勢力。可能因為呢個原因，我哋好鐘意去葡萄牙玩，貪佢近英國得嚟，天氣好地方靚，葡萄牙美食更加係非常啱嘴型。所以好開心搵到喺曼城搵到呢間葡萄牙超級市場，問准拍攝後即刻帶大家行個圈，入面可以搵到好多英國少見嘅食材，同好容易整嘅葡萄牙美食。各位曼城嘅觀眾朋友，有時間可以去睇吓有無嘢啱你口味喇。

2 years ago (edited) | [YT] | 5

Betty in Manchester / 曼活Betty

嚟到英國一日三餐都要自己整，開心嘅係可以日日煮嘢食俾小朋友😀，辛苦嘅都係日日要煮嘢食俾小朋友😭。要整得開心又快靚正梗係要有返幾道板斧嘅，我嘅板斧就係登登登... 𧐢油炆冬菇喇！因為佢容易整又百搭，冬菇肉同冬菇汁都好好用，基本上我會整定好多好多再冰咗佢，諗唔到煮乜好就擰幾隻出嚟整肉餅啦，放米粉啦，炒麵啦，蒸雞啦... 等等等等好多唔同種嘅餸菜，一年都慳好多時間同腦汁。

今次介紹俾大家嘅𧐢油炆冬菇嘅煮法，材料只需要冬菇，糖，李錦記舊庄特級蠔油、特級鮮味生抽、特級老抽同少少柱候醬，45分鐘就炆好。完成品多汁又入味，非常推介各位無乜時間嘅煮人們。

由於年近新春，今集仲會同大家分享一個超簡易又cute嘅盤菜仔，好啱一家幾口過節。材料全部喺英國都好易買到，主角就當然係𧐢油炆冬菇啦，半個鐘左右完成到嘅新春應節美食，非常適合喺英國凍冰冰嘅冬天，唧啲暖意出嚟。

今集由李錦記 @LeeKumKeeEurope 贊助，多謝晒！

去呢個李錦記網店 : bit.ly/3i3ab9i
用優惠碼 BETTY15，購買任何一款新年禮盒或XO醬都有85折，過年送禮自用都啱！

去埋呢個網: bit.ly/3vy0SkD 參加李錦記新年有獎遊戲，有機會贏豐富獎品！

2 years ago | [YT] | 5

Betty in Manchester / 曼活Betty

香港人英文普遍都講得兩嘴，始終返學都叫做學咗十幾年，日常生活都接觸唔少英文，去Subway都識嗌嘢食啦，係咪先... 係咪先...🤣🤣🤣。

但係嚟到英國，有啲好地道嘅日常用語，即係Slang呀，就算係考試默書100分都係唔會學到嘅。我啲中文同廣東話一定唔係最好，但係話晒係Manchester長大，作為一個Mancunian，今次條片就好想同大家分享一下，一啲Manchester嘅日常用語，等喺曼城住嘅各位新朋友仔，返工返學行超級市場同人吹水嘅時候，吹得更加得心應口。

2 years ago | [YT] | 4

Betty in Manchester / 曼活Betty

呢半年實在太忙，出post多出片少，唔好意思！但係由於有好多朋友都好關心英國嘅經濟，而且我哋上年都出過一條片講屋企基本開支，而家到年尾啦所以趁呢個機會計一計數同大家分享一下今年屋企基本開支洗幾多，同上年差幾遠呢。唔知係英國嘅朋友又對於而定嘅使費係點呢？

2 years ago | [YT] | 5

Betty in Manchester / 曼活Betty

有試過陀BB坐月嘅媽媽友，應該都食過煮雞酒，作用係產後驅寒補身回復體力。其實煮雞酒唔一定係坐月先可以食，不過香港天口熱就算冬天食都好似好誇張咁，但係嚟都英國就唔同講法，一入冬日日溫度單位數，女士們好容易手凍腳凍，例如我本人。所以一到冬天我耐唔時就會煮雞酒食，食完個人暖笠笠，而且有酒精加持飲完特別好瞓。

今次就同大家分享一吓我嘅薑雞酒食譜，尤其係會提議喺英國嘅朋友可以試吓用咩雞同酒，方便大家買材料，最正嘅係只要30分鐘就整到，又懶又想補補身嘅朋友記住試吓。

3 years ago | [YT] | 8