Page 7

အရိုးအဆစ်ပြဿနာရှိသူအတွက် အရိုးစွပ်ပြုတ်ရည်

အရိုးစွပ်ပြုတ်ရည်မှ အာဟာရဓာတ်များ (bone broth)

အရိုးစွပ်ပြုတ်ရည်ဟာ အချိန်ကြာကြာ ချက်ပြုတ်ခြင်းမှတဆင့် အရိုးများနှင့် တွယ်ဆက်တစ်ရှူးများမှ ထွက်ရှိလာသော အကျိုးပြုဒြပ်ပေါင်းများ ကြွယ်ဝပါတယ်။

အရိုးစွပ်ပြုတ်ရည်မှာ ပါဝင်တဲ့ အဓိကအာဟာရဓာတ်များ-

၁။ ပရိုတင်းနှင့် အမိုင်နိုအက်ဆစ်များ

ဒါက အရိုးပြုတ်ရည်ရဲ့ အရေးကြီးဆုံး အာဟာရဓာတ်လို့ ပြောလို့ရပါတယ်။

* ကော်လဂျင်/ဂျယ်လက်တင်:
ကော်လဂျင်က အရိုးနှင့် တွယ်ဆက်တစ်ရှူးများမှ အဓိကပရိုတင်းဖြစ်တယ်။ အဲ့တာကို ပြုတ်လိုက်ရင် ဂျယ်လက်တင် အဖြစ်ပြောင်းလဲသွားပြီး အမိုင်နိုအက်ဆစ်များစွာ ရပါတယ်။

* အဓိက အမိုင်နိုအက်ဆစ်များ:
အပေါများဆုံးနှင့် အကျိုးပြုဆုံး အမိုင်နိုအက်ဆစ်များက အောက်ပါအတိုင်းပါဝင်-

* ဂလိုင်စင်း:
ကော်လဂျင်ထုတ်လုပ်မှု၊ အူလမ်းကြောင်းကျန်းမာရေးနှင့် ကောင်းစွာအိပ်ပျော်စေဖို့အတွက် အရေးကြီးပါတယ်။

* ပရိုလင်း:
ကော်လဂျင်ရဲ့ အဓိကအစိတ်အပိုင်းဖြစ်ပြီး အရေပြား၊ အဆစ်နှင့် အရိုးကျန်းမာရေးအတွက် မရှိမဖြစ်လိုအပ်တယ်။

* ဂလူတာမင်း:
အူလမ်းကြောင်းနံရံရှိ ဆဲလ်များနှင့် ကိုယ်ခံစွမ်းအားအတွက် အထူးအရေးကြီးတယ်။

* အာဂျီနင်း:
ကိုယ်ခံအားစနစ်နှင့် ရောင်ရမ်းမှုကျစေခြင်းအတွက် လူသိများပါတယ်။

* အခြား အမိုင်နိုအက်ဆစ်များလည်း ပါဝင်ပါတယ်။

၂။ တွယ်ဆက်တစ်ရှူးဆိုင်ရာ ဒြပ်ပေါင်းများ

ဒါကနော့ အဆစ်ကျန်းမာရေးအတွက် ကောင်းကျိုးများကြောင့် နာမည်ကြိူပါတယ်-

* ဂလူကိုစမင်းနှင့် ချွန်ဒရိုအစ်တင်:
အရိုးနုတွင်တွေ့ရတဲ့ ဒြပ်ပေါင်းများဖြစ်ပြီး အဆစ်အမြစ်ရောင်ရမ်းခြင်း လက္ခဏာများကို ထိန်းချုပ်ရန်နှင့် အဆစ်ဖွဲ့စည်းပုံကို အထောက်အကူပြုရန်အတွက် ဖြည့်စွက်စာအဖြစ် သောက်သုံးကြတယ်။

* ဟိုင်ယာလူရွန်နစ် အက်ဆစ်:
တွယ်ဆက်တစ်ရှူးရဲ့ အစိတ်အပိုင်းတစ်ခုဖြစ်ပြီး အဆစ်ချောမွေ့မှုနှင့် အရေပြားရေဓာတ်အတွက် အကျိုးပြုပါတယ်။

၃။ သတ္တုဓာတ်များ-
အရိုးကိုယ်တိုင်က သတ္တုဓာတ်ကြွယ်ဝပြီး အချို့က ပြုတ်ရည်ထဲသို့ ပျော်ဝင်သွားတယ်။ ဓာတ်ပမာဏကတော့ တစ်သုတ်နှင့်တစ်သုတ် မတူညီနိုင်ပေမယ့်လည်း အရိုးပြုတ်ရည်မှာ ယေဘူယျအားဖြင့် အောက်ပါအတိုင်း ပါဝင်ပါတယ်-

* ကယ်လ်စီယမ်
* ဖော့စ်ဖရပ်စ်
* မဂ္ဂနီစီယမ်
* ပိုတက်စီယမ်
* ဆိုဒီယမ်
(ထည့်သွင်းသော ဆားပေါ်မူတည်၍ ကွာခြားသည်)

ဒီ့အပြင် အရိုးချဉ်ဆီများ ပါဝင်ပါက သံဓာတ်၊ သွပ်ဓာတ်၊ ဆယ်လီနီယမ် နှင့် မင်းဂနိစ် ကဲ့သို့သော ခြေရာခံသတ္တုဓာတ်လည်း ပါဝင်နိုင်တယ်။

၄။ ဗီတာမင်များ (ချဉ်ဆီမှရရှိသော ဓါတ်များ)-
အရိုးပြုတ်ရည်ကို ချဉ်ဆီပါတဲ့ အရိုးများဖြင့် ပြုလုပ်မယ်ဆိုရင် အောက်ပါဗီတာမင်များ အနည်းငယ် ရရှိနိုင်တယ်-

* ဗီတာမင် အေ
* ဘီ ဗီတာမင်များ (B12 အပါအဝင်)
* ဗီတာမင် ကေ
* ဗီတာမင် အီး

ထူးခြားမှုက အရိုးပြုတ်ရည်က အာဟာရကြွယ်ဝတဲ့ အစားအစာဖြစ်ပေမယ့် ဗီတာမင်နှင့် သတ္တုဓာတ်ပမာဏဟာ အာဟာရဖြည့်စွက်စာများထက် နည်းပါးလေ့ရှိတယ်။ သူ့ရဲ့ အဓိက အစွမ်းသတ္တိက ခန္ဓာကိုယ်မှ လွယ်ကူစွာ စုပ်ယူနိုင်သော ကော်လဂျင်/ဂျယ်လက်တင်နှင့် အမိုင်နိုအက်ဆစ်များမှာ ရှိပါတယ်။

အရိုးအဆစ်၊ ခါးကျန်းမာရေးနှင့် အသားအရေ ကျန်းမာဖို့ အရိုးစွပ်ပြုတ် သောက်ကြပါ။

💪👍

#အရိုးစွပ်ပြုတ်ရည် #ခါးနာ #ဒူးနာ #backpain #health #ခါးနာပျောက်လေ့ကျင့်ခန်း #စာမျက်နှာခွန် စာမျက်နှာခွန်
‪@page7k‬

1 week ago | [YT] | 2