"Шаҳрвандони хориҷӣ гумон мекунанд, ки тариқи хориҷ шудан аз Русия ва сипас баргаштан ба кишвар, метавонанд мақоми муҳоҷирати худро нав созанд ва муҳлати будубошро дароз кунанд. Ин ақида хато аст". Ин нуктаро хабаргузории "ТАСС" бо истинод ба Раёсати муҳоҷирати ВКД Русия навиштааст.
Аз ин ниҳод гуфтаанд, ки муҳлати ниҳоии будубош дар Русия барои шаҳрвандони кишварҳои бидуни раводид, 90 рӯз дар як сол мебошад. Шахсоне, ки ин меъёрро риоя намекунанд, бояд ба рӯйхати шахсони таҳти назорати ВКД ё "рӯйхати сиёҳ"-и Русия шомил шаванд.
Ҳамчунин, зикр шудааст, ки муҳоҷир аз замони шомил гардидан ба рӯйхат ва ҷойгир кардани маълумоташ дар сомонаи ВКД Русия огоҳшуда шуморида мешавад.
Рӯйхати шахсони таҳти назорат дар Русия аз 5-уми феврали соли 2025 ҷорӣ шуд. Ба он ҳамаи шаҳрвандони хориҷӣ ва шахсони бешаҳрвандӣ, ки барои ҳузур дар қаламрави кишвар асосҳои қонунӣ надоранд, шомил карда мешаванд.
Муҳоҷирони дар руйхат қарордошта бо як қатор маҳдудиятҳо, аз ҷумла истифодаи кортҳои бонкӣ ва идоракунии воситаи нақлиёт, бастани ақди никоҳ ва ҷудо шудан аз ҳамсар, маҳдудияти таҳсили фарзандонашон дар мактаб ва кӯдакисто дучор мешаванд.
Гуфтан зарур аст, ки тайи ду соли охир мақомоти Русия ҳазорҳо шаҳрванди Тоҷикистонро аз ин кишвар ихроҷ карданд, “рӯйхати сиёҳ”-и муҳоҷиронро тартиб доданд ва ба қонунгузории самти муҳоҷират даҳҳо тағйиру иловаҳо ворид карданд, ки будубоши муҳоҷиронро сахттар мекунад.
Гузаронидани рейдҳо дар Русия дар як соли охир хеле зиёд шудааст. Мақомоти ин кишвар бо шеваҳои гуногун ба муҳоҷирон фишор меоранд, аз рейдҳо дар кӯча то тафтиши ҷойҳои истиқомат ва корхонаҳо. Ин рейдҳо одатан дар қолаби амалиётҳои “боздоштани муҳоҷирони ғайриқонунӣ” ва дар аксар ҳолат таҳқиромез гузаронида мешаванд.
Шаби гузашта дар роҳи Душанбе-Чаноқ то 15 сантиметр барф боридааст
Шаби 3 ба 4-уми ноябр дар роҳи Душанбе-Чаноқ барф борида, дар баъзе минтақаҳо, аз ҷумла, мавзеи наздик ба нақби “Истиқлол” то 15 сантиметр расидааст. Дар ин бора ширкати “IRS” хабар дода, гуфтааст, ки кормандонаш ин роҳро аз барф поккорӣ мекунанд.
Ба гуфтаи манбаъ, ҳоло ҷодаи мазкур барои ҳаракати тамоми намуди мошинҳо боз аст. Ширкати “IRS” аз ронандагон хостааст, ки ҳангоми ҳаракат дар роҳи Душанбе-Чаноқ қоидаҳои ҳаракатро риоя кунанд.
Бояд гуфт, ин роҳ ягона масирес, ки маркази кишварро бо шимоли он мепайвандад. Ин роҳи куҳӣ буда, ҳамасола дар натиҷаи боришоти зиёди барф ва фаромадани тарма он соатҳо ва ҳатто рӯзҳо баста мешавад. Дар баъзе ҳолатҳо фаромадани тарма дар он боиси марги ронандаҳо ва мусофирон мегардад. Масъули нигоҳубини ин роҳ ширкати “IRS” буда, бар ивази нигоҳдории он аз ҳар як мошин маблағи муайян меситонад.
Шаби гузашта дар маҳалли шумо ҳам барф борида буд? Агар "ҳа", пас ба мо аксу навор фиристед.
Аsia-Plus TV
Аsia-Plus TV
Эмомалӣ Раҳмон вориди Амрико шуд
Субҳи 6-уми ноябр Эмомалӣ Раҳмон, раисҷумҳури Тоҷикистон барои ширкат дар ҷаласаи “Осиёи Марказӣ – Амрико” вориди шаҳри Вашингтони Амрико шуд.
Дар фурудгоҳи ҳарбии “Эндрюс”-и Вашингтон Эмомалӣ Раҳмонро Кристофер Ландау, муовини якуми вазири хориҷаи Амрико ва дигар мақомдорони ин кишвар истиқбол гирифтаанд.
Ба иттилои расмӣ, дар шаҳри Вашингтон ба пешвози раисҷумҳури кишвар як гурӯҳ шаҳрвандони Тоҷикистон омадаанд.
Эмомалӣ Раҳмон ба АМрико бо даъвати Доналд Трамп, раисҷумҳури ин кишвар сафар кард. Ӯ дар он ҷо дар нишасти сарони давлатҳои “Осиёи Марказӣ –Амрико” ё “C5+1” ва дигар чорабиниҳо ширкат мекунад.
19 hours ago | [YT] | 53
View 16 replies
Аsia-Plus TV
Оҷонсии ҳавошиносии Тоҷикистон аз эҳтимоли омадани сел дар бархе минтақаҳои кишвар ҳушдор додааст.
Ин ниҳод гуфтааст, рӯзҳои 6 ва 7-уми ноябр дар минтақаҳои доманакӯҳиву кӯҳии ноҳияҳои тобеи ҷумҳурӣ, вилояти Суғд, вилояти Хатлон ва ноҳияи Дарвоз бо сабаби баланд шудани ҳарорати ҳаво хатари омадани сел вуҷуд дорад.
Ин ҳушдори Оҷонсӣ дар ҳолест, ки дар чанд рӯзи гузашта дар чанде аз минтақаҳои кӯҳии кишвар барфи зиёд борид.
Ба иттилои ҳавошиносон, моҳи ноябр дар Тоҷикистон ҳаво тадриҷан хунук шуда, дар бархе минтақаҳо боридани барфу борон ва омадани сел дар назар аст. Раъду барқ, чангу ғубор ва фаромадани тормеғ (туман) низ д
19 hours ago | [YT] | 16
View 2 replies
Аsia-Plus TV
Миллипӯшони футзали тоҷик дар бозии навбатии марҳилаи гурӯҳӣ рӯзи 8-уми ноябр бо Эрон дидор анҷом медиҳанд.
Ёдрас мешавем, ки Тоҷикистон дар бозии аввал муқобили Афғонистон бо ҳисоби калони 5 бар 9 мағлуб шуда буд.
Дар бозиҳои ҳамбастагии исломӣ 8 дастаи футзал дар ду гурӯҳ бо ҳам мубориза мебаранд. Тоҷикистон дар гурӯҳи “В” ҳамроҳ бо Эрон, Марокаш ва Афғонистон қарор дорад.
19 hours ago | [YT] | 13
View 6 replies
Аsia-Plus TV
Зуҳрон Мамдонӣ, сиёсатмадори 34-солаи демократ шаҳрдори Ню-Йорк, серҷамъияттарин шаҳри Амрико ва қалби молии ин кишвар шуд.
Ба гузориши расонаҳо, ӯ аввалин мусалмоне шуд, ки ба мақоми шаҳрдории Ню-Йорк расид.
Рақобати интихоботии Мамдонӣ барои касби ин маснад дар чанд моҳи гузашта бисёр пурсарусадо шуда буд. Ба ҳадде ки Доналд Трамп, раисҷумҳури Амрико, соате пеш аз поёни овоздиҳӣ таҳдид кард, ки дар сурати пирӯзии Мамдонӣ буҷаи федералии шаҳри Ню-Йоркро мумкин аст кам кунад.
Ҳамкакнун, бар асоси натиҷаи аввалияи шумориши овозҳо, ки чанд соат пеш эълон шуд, Мамдонӣ бо касби беш аз 50 дарсади оро рақибони сарсахташ Кёртиса Сливу, номзади ҷумҳурихоҳ ва Эндрю Куомо, номзади мустақилро пушти сар гузошт.
Мамдонӣ дар кишвари Уганда ба дунё омада, волидайнаш аслан ҳиндуянд.
1 day ago | [YT] | 86
View 12 replies
Аsia-Plus TV
Субҳи имрӯз, 5-уми ноябр, Эмомалӣ Раҳмон, раисҷумҳури Тоҷикистон бо сафари корӣ аз шаҳри Давҳаи Қатар ба Вашингтони Амрико сафар кард.
Дар доираи ин сафар Эмомалӣ Раҳмон дар Нисшати сарони давлатҳои “Осиёи Марказӣ – Амрико” ё “C5+1” ширкат мекунад. Ин ҷаласа рӯзи 6-уми ноябр баргузор мегардад.
Қаблан Доналд Трамп, раисҷумҳури Амрико, президентҳои Тоҷикистон, Қазоқистон, Қирғизистон, Туркманистон ва Ӯбекистонро барои иштирок дар ин мулоқот даъват карда буд.
Вашингтон таъкид карда буд, ки Амрико қасд дорад ҳамкориро бо кишварҳои Осиёи Марказӣ густариш диҳад ва 10-солагии колаби дипломатии “C5+1”-ро ҷашн хоҳад гирифт.
Ёдовар мешавем, ки қолаби “Осиёи Марказӣ – ИМА” як қолаби муколама ва талошҳои муштараки Иёлоти Муттаҳида ва панҷ кишвари Осиёи Марказӣ мебошад. Он пас аз ҷаласаи нахустини вазирони корҳои хориҷӣ дар Самарқанд, дар моҳи ноябри соли 2015 таъсис ёфт. Пеш аз ин, онҳо дар сатҳи вазирони корҳои хориҷӣ баргузор мешуданд.
Ин дуввумин нишасти дар қолаби “Осиёи Марказӣ –Амрико” хоҳад буд. Аввалинаш соли 2023 дар Ню Йорк дар ҳошияи Маҷмаи умумии СММ бо иштироки Ҷо Байден, раисҷумҳури пешини ИМА ва роҳбарони кишварҳои Осиёи Марказӣ баргузор шуда буд.
1 day ago | [YT] | 54
View 5 replies
Аsia-Plus TV
Дар рӯзҳои истироҳатӣ ба муносибати Рӯзи Конститусия бозор ва марказҳои савдо дар Душанбе бо реҷаи маъмулӣ кор мекунанд.
Дар ин бора аз Раёсати рушди иқтисод, савдо ва мониторинги шаҳрдории Душанбе ба “Азия-Плюс” хабар доданд.
Ёдрас мешавем, ки ба муносибати Рӯзи Конститусия, сокинони кишвар чор рӯз пайиҳам - 6, 7, 8 ва 9-уми ноябр истироҳат мекунанд.
Барои донишҷӯёни макотиби олии Тоҷикистон танҳо рӯзи 6-уми ноябр истироҳатӣ аст. Ин қарор ба хонандагони мактабҳо рабт надорад, зеро онҳо дар таътили тирамоҳӣ мебошанд.
1 day ago | [YT] | 20
View 0 replies
Аsia-Plus TV
"Шаҳрвандони хориҷӣ гумон мекунанд, ки тариқи хориҷ шудан аз Русия ва сипас баргаштан ба кишвар, метавонанд мақоми муҳоҷирати худро нав созанд ва муҳлати будубошро дароз кунанд. Ин ақида хато аст". Ин нуктаро хабаргузории "ТАСС" бо истинод ба Раёсати муҳоҷирати ВКД Русия навиштааст.
Аз ин ниҳод гуфтаанд, ки муҳлати ниҳоии будубош дар Русия барои шаҳрвандони кишварҳои бидуни раводид, 90 рӯз дар як сол мебошад. Шахсоне, ки ин меъёрро риоя намекунанд, бояд ба рӯйхати шахсони таҳти назорати ВКД ё "рӯйхати сиёҳ"-и Русия шомил шаванд.
Ҳамчунин, зикр шудааст, ки муҳоҷир аз замони шомил гардидан ба рӯйхат ва ҷойгир кардани маълумоташ дар сомонаи ВКД Русия огоҳшуда шуморида мешавад.
Рӯйхати шахсони таҳти назорат дар Русия аз 5-уми феврали соли 2025 ҷорӣ шуд. Ба он ҳамаи шаҳрвандони хориҷӣ ва шахсони бешаҳрвандӣ, ки барои ҳузур дар қаламрави кишвар асосҳои қонунӣ надоранд, шомил карда мешаванд.
Муҳоҷирони дар руйхат қарордошта бо як қатор маҳдудиятҳо, аз ҷумла истифодаи кортҳои бонкӣ ва идоракунии воситаи нақлиёт, бастани ақди никоҳ ва ҷудо шудан аз ҳамсар, маҳдудияти таҳсили фарзандонашон дар мактаб ва кӯдакисто дучор мешаванд.
Гуфтан зарур аст, ки тайи ду соли охир мақомоти Русия ҳазорҳо шаҳрванди Тоҷикистонро аз ин кишвар ихроҷ карданд, “рӯйхати сиёҳ”-и муҳоҷиронро тартиб доданд ва ба қонунгузории самти муҳоҷират даҳҳо тағйиру иловаҳо ворид карданд, ки будубоши муҳоҷиронро сахттар мекунад.
Гузаронидани рейдҳо дар Русия дар як соли охир хеле зиёд шудааст. Мақомоти ин кишвар бо шеваҳои гуногун ба муҳоҷирон фишор меоранд, аз рейдҳо дар кӯча то тафтиши ҷойҳои истиқомат ва корхонаҳо. Ин рейдҳо одатан дар қолаби амалиётҳои “боздоштани муҳоҷирони ғайриқонунӣ” ва дар аксар ҳолат таҳқиромез гузаронида мешаванд.
1 day ago | [YT] | 17
View 2 replies
Аsia-Plus TV
Шаби гузашта дар роҳи Душанбе-Чаноқ то 15 сантиметр барф боридааст
Шаби 3 ба 4-уми ноябр дар роҳи Душанбе-Чаноқ барф борида, дар баъзе минтақаҳо, аз ҷумла, мавзеи наздик ба нақби “Истиқлол” то 15 сантиметр расидааст. Дар ин бора ширкати “IRS” хабар дода, гуфтааст, ки кормандонаш ин роҳро аз барф поккорӣ мекунанд.
Ба гуфтаи манбаъ, ҳоло ҷодаи мазкур барои ҳаракати тамоми намуди мошинҳо боз аст. Ширкати “IRS” аз ронандагон хостааст, ки ҳангоми ҳаракат дар роҳи Душанбе-Чаноқ қоидаҳои ҳаракатро риоя кунанд.
Бояд гуфт, ин роҳ ягона масирес, ки маркази кишварро бо шимоли он мепайвандад. Ин роҳи куҳӣ буда, ҳамасола дар натиҷаи боришоти зиёди барф ва фаромадани тарма он соатҳо ва ҳатто рӯзҳо баста мешавад. Дар баъзе ҳолатҳо фаромадани тарма дар он боиси марги ронандаҳо ва мусофирон мегардад. Масъули нигоҳубини ин роҳ ширкати “IRS” буда, бар ивази нигоҳдории он аз ҳар як мошин маблағи муайян меситонад.
Шаби гузашта дар маҳалли шумо ҳам барф борида буд? Агар "ҳа", пас ба мо аксу навор фиристед.
3 days ago | [YT] | 160
View 15 replies
Аsia-Plus TV
Додситони Хатлон барои содир кардани “кирдоре, ки шаъну шарафи корманди мақомоти ҳифзи ҳуқуқро паст мезанад”, аз вазифа барканор шуд.
Сомонаи раисҷумҳури Тоҷикистон навишт, ки Аваз Назарзода, додситони вилояти Хатлон, бинобар сабаби риоя накардани санадҳои меъёриву ҳуқуқии соҳавӣ ва содир намудани кирдоре, ки шаъну шарафи корманди мақомоти ҳифзи ҳуқуқро паст мезанад, аз вазифа барканор ва аз мақомоти додситонӣ хориҷ карда шудааст.
Манбаъ ҷузъиёти дигар, аз ҷумла мушаххас дар бораи кирдоре, ки боиси барканорӣ ва хориҷ шуданаш гардидааст, чизе нагуфтааст.
Аваз Назарзода моҳи январи соли 2024 ба ҷои Абдураҳим Раҳимзода додситони Хатлон таъин шуда буд. Ӯ як муддат додситони ВМКБ ҳам буд.
Ҳоло ба ҷои ӯ кӣ додситони Хатлон таъин шудааст,маълум нест.
3 days ago | [YT] | 18
View 9 replies
Аsia-Plus TV
Нашрияи байналмилалии “Lonely Planet” Тоҷикистонро яке аз кишварҳои мувофиқ барои пиёдагардӣ ва сайёҳат дар муҳити кӯҳсор арзёбӣ карда, кишварро барои сайёҳату кӯҳнавардӣ тавсия додааст.
Муаллифони мақола, кишвари моро дар феҳристи “25 таҷрибаи беҳтарини сайёҳӣ дар соли 2026” (Best in Travel 2026) ворид намуда, дар бахши “Пиёдагардӣ ва хаймазанӣ дар табиат” табиати зинда, маконҳои сайёҳӣ, кӯҳҳо ва шароити табиатгардӣ дар кишварро муаррифӣ карданд.
Нусхаи солонаи маҷалаи “Best in Travel” аз ҷониби “Lonely Planet” яке аз манбаъҳои бонуфузи соҳаи сайёҳии байналмилалӣ мебошад. Коршиносон ва сайёҳони ботаҷриба беҳтарин кишварҳои сайёҳиро интихоб карда, маконҳои табиӣ ва табиати зиндаи онро муаррифӣ мекунанд. Тиражи ин нашрия 6 миллион нусха будааст.
Бояд гуфт, ки Тоҷикистон қаблан низ дар раддабандиҳои байналмилалӣ ҳамчун кишвари сайёҳӣ эътироф шудааст. Соли 2023 Тоҷикистон ба феҳристи “Самтҳои беҳтарини сайёҳӣ дар Осиёи Марказӣ” ва кӯҳҳои Помиру кӯли Искандаркӯл ба рӯйхати “Ҷолибтарин табиат дар масири Осиё” шомил шуданд.
Дар 9 моҳ ба Тоҷикистон 1,4 млн сайёҳ омадааст
Тибқи иттилои Агентии омори Тоҷикистон, дар 9 моҳи соли 2025, тақрибан 1,4 миллион сайёҳи хориҷӣ аз Тоҷикистон боздид кардаанд, ки ин 24% бештар аз ҳамин давраи соли гузашта аст. Аз ин шумора 1,258,100 сайёҳ аз кишварҳои ИДМ ва 130,700 сайёҳ аз кишварҳои берун аз ИДМ омадаанд.
Инфрасохтори сайёҳӣ
То нимаи аввали сол дар кишвар 182 ширкати сайёҳии ба қайд гирифта шуда, 219 меҳмонхона аз ҷумла 27 меҳмонхонаи чорситорадор ва 162 меҳмонхонаи сеситорадор ба меҳмонон хизмат мерасонданд,
Дар ин соҳа 4046 кас кор мекунанд ва ҳаҷми умумии хизматрасониҳои пешниҳодшуда 168,2 миллион сомониро ташкил дод.
Мақомоти Тоҷикистон пайваста барои афзудани шумори сайёҳон ва беҳбудӣ дар хидматрасонӣ кӯшиш мекунанд. Аз ҷумла, дар моҳи сентябр дар шаҳри Душанбе Намоишгоҳи байнулмилалии сайёҳӣ-2025 баргузор шуд, ки дар он ҳудуди 200 ширкат аз 20 кишвари саросари дунё ширкат карданд.
3 days ago | [YT] | 104
View 17 replies
Load more