Freethinker's Voice

၈၈ နဲ့ နွေဦးတော်လှန်ရေး ဘာကွာသလဲ (၃)

အန်အယ်ဒီ အစိုးလက်ထက် ဒီမိုက​ရေစီ
ပြုပြင်ပြောင်းလဲရေးကာလမှာတုံးက
မြန်မာပြည်ကို အလည်ပြန်လာတော့
မြင်နေရတဲ့ မြင်ကွင်းတွေကို ကြည့်ပြီး
အချက်(၂) ချက် ပွင့်ပွင့်လင်းလင်း သတိ​ပေးခဲ့တယ်။
၂၀၁၅ ကတည်းက ဆိုပါ​တော့

(၁)

ဒေါ်စုဟာ ယူကရိန်းက
အ​ရောင်​တော်လှန်​ရေး​ခေါင်း​ဆောင် တဦးဖြစ်တဲ့
“တိုင်မိုရှန်ကို” လို
အချိန်မ​ရွေး​ထောင်ကျသွားနိုင်တယ်။

( ၂)

၈၈ မျိုးဆက် ငြိမ်းပွင့်ဟာ
ဆားဗီးယား​ခေါင်း​ဆောင် ဆလိုဗိုဒန်မီလိုစီဗစ်ကို
ဖြုတ်ချခဲ့တဲ့ ကျောင်းသားခေါင်းဆောင်တွေလို အဆုံးသတ်နိုင်တယ်။

ဘာကြောင့်သတိပေးခဲ့သလဲ။
၈၈ အ​ရေး​တော်ပုံမှာ ပါဝင်ခဲ့ကြတဲ့
မြန်မာ့ဒီမိုကရေစီရေး ခေါင်းဆောင်အများစုဟာ
အကျဉ်းထောင်ထဲမှာ နေခဲ့ကြရတဲ့ အချိိန်တွေများပါတယ်။

ဒါ့ကြောင့်လဲ ဆိုဗီယက်ပြည်​ထောင်စု ပြိုကွဲအပြီး
ဥ​ရောပမှာ ဖြစ်ခဲ့ကြတဲ့ ဒီမိုက​ရေစီ​ရေးလှိုင်း
အာဏာရှင်တွေနဲ့ အရောင်တော်လှန်ရေး
အပြောင်းအလဲတွေကို မျက်ခြေပြတ်ခဲ့ကြတယ်။

ယူကရိန်းရဲ့ 2004-2005 မှာ ဖြစ်ခဲ့တဲ့
လိ​မ္မော်​ရောင်​တော်လှန်​ရေး မှာ ဦး​ဆောင်ခဲ့သူတဦးဖြစ်တဲ့
တိုင်မိုရှန်ကို ဟာ ရွေးကောက်ပွဲ အနိုင်ရရေးပဲ စိတ်အားထက်သန် အနိုင်ရချင်ပြီး တခါတုံးက လက်တွဲဖေါ်တွေ နဲ့
ညီညွတ်​ရေးပြိုကွဲ ၊ အာဏာရှင်​ဟောင်း​တွေနဲ့လဲ
ဆက်ဆံ​ရေးမတည်​ဆောက်နိုင် ၊

နောက်ဆုံး​တော့
ခြစားအကျင့်ပျက်မှု့ စွပ်စွဲချက်​တွေနဲ့
ထောင်ချခံလိုက်ရပါတယ် ။

ဆားဗီးယားအာဏာရှင်ကို ဆန့်ကျင်ခဲ့ကြတဲ့
ကျောင်းသားအုပ်စု​တွေလဲ
အ​မေရိကန်နဲ့ အ​နောက်အုပ်စု​ထောက်ပံ့​ပေးထားတဲ့
ပ​ရောဂျက်​တွေကြားမှာ
သာယာ​နေကြတဲ့အတွက်
နိုင်ငံ​ရေးသမား​တွေဖြစ်မလာပဲ
Activists လိုလို ၊
ဆယ်လီလိုလို အချိန်ကုန်​နေခဲ့ကြတယ်၊

နိုင်ငံ​ရေးသမားဖြစ်မလာပဲ
နောက်ဆုံး​တော့ Power Politics နဲ့ ဝေးခဲ့ရ​တော့တယ်။

သတိ​ပေးချက် (၂) ချက်လုံး ဖြစ်လာခဲ့ပါတယ်။

၈၈ နဲ့ နွေဦး​တော်လှန်​ရေးရဲ့ အဓိက ကွာခြားမှု့က
တည်ရှိ​နေတဲ့ နိုင်ငံ​ရေး​နောက်ခံ အ​နေအထားမတူပါဘူး။

၈၈ အ​ရေး​တော်ပုံကို ဖြတ်သန်းခဲ့ကြတဲ့ မျိုးဆက်​တွေမှာ
ဘာအကျိုးစီးပွါးမှ မရှိပါဘူး။

ကြပ်တည်းလှတဲ့ တပါတီ ဆိုရှယ်လစ်စံနစ်​အောက်မှာ
ရဲ​ဘော်ရဲဘက်​တွေလို
အတူတူ ရုန်းကန်ကြဖို့ ဆုံးဖြတ်ကြတယ်။

ပြုပြင်​ပြောင်းလဲ​ရေးကာလ
အန်အယ်ဒီလက်ထက်ဟာ ၈၈ မဖြစ်ပွါးခင်
အ​ခြေအ​နေ မဟုတ်ပါဘူး။

ဒေါ်စုကလဲ တိုင်မိုရှန်ကို လို ဖြစ်လာတယ်။
NLD ဂိုဏ်းဂဏစွဲ တခုပဲ အာရုံထားလုပ်တယ်။
လုပ်​ဖေါ်ကိုင်ဘက်​တွေ ၊ မဟာမိတ်​တွေကို
လက်တွဲဖြုတ်ယုံမက နိုင်ငံ​ရေးမှာ တခြားသူ​တွေ
ရှင်သန်လို့ မရ​အောင် တက်နင်းထားတယ်။

မင်းကိုနိုင်တို့ရဲ့
၈၈ ငြိမ်းပွင့်ကလဲ ပ​ရောဂျက်​တွေ၊ ဟော​ပြောပွဲ​တွေ ကြား
သာယာ​နေတယ်။ ဆယ်လီ​တွေ ဖြစ်လာတယ်။
စစ်ဗိုလ်ချုပ်​တွေနဲ့ အကျိုးစီးပွါးဖြစ်သူဖြစ်
ချမ်းသာသူက ချမ်းသာလာကြ
ရှုပ်ရှက်ခပ်လာပါတယ်။

မဟာမိတ်​တွေကြားမှာ သစ္စာတရားဆိုတာ
ပျောက်ကွယ်လာပါ​တော့တယ်။

၈၈ အ​ရေး​တော်ပုံရဲ့ ဝိညာဉ်ကို သွေဖီကုန်ကြတာ​ကြောင့်
နောက်ဆုံး​တော့ နိုင်ငံ​ရေး ကံကြီးထိုက်ကုန်ကြပါတယ်။

ဒါ​ပေမယ့်
စစ်တပ်က အာဏာသိမ်းတာ​တောင်
သင်ခန်းစာ မယူကြပါဘူး။

အင်အားစုအားလုံးနဲ့ လက်တွဲလုပ်ရမယ့်အစား
နေရာကြိုဦး အစိုးရဖွဲ့ ၊ ရသမျှ​ အခွင့်အ​ရေး
လက်ဝါးကြီး အုပ် ၊ ခြစားအကျင့်ပျက်မှု့​တွေက
အချိန်တိုအတွင်း ပုတ်​ဟောင်နံ​စော်​နေပါတယ်။

၈၈ အ​ရေး​တော်ပုံဟာ စံနစ်​ပြောင်းဖို့ လုပ်ကြတဲ့
ညီညွတ်မှု့ တခုဖြစ်တယ်။

၂၁ နွေဦးက​တော့
နိုင်ငံ​ရေး တောင်ပြုံးပွဲထဲ
လူမိုက်​တွေ ဝင်လာပြီး
ရမ်းကားကြတဲ့အတွက် မခံမရပ်နိုင်ဖြစ်
ပြန်တုန့်ပြန်ကြတဲ့သ​ဘော

လူငယ်​တွေဟာ ခေတ်တိုင်းမှာ
ရဲရင့်တက်ကြွကြ​တယ် ၊
ပြည်သူ​တွေက တာဝန်​ကျေတယ်
ပေးဆပ်ကြတယ်။

ဒါ​ပေမယ့်
လွှတ်တော်ထဲမှာ ကိုယ်ကျိုးရှာခဲ့ကြတဲ့
အမတ်တွေကတော့
အပြင်မှာ ဆက်ပြီးကိုယ်ကျိုးရှာကြပါတယ်။
ဒါ့ကြောင့်လဲ ညီညွတ်ဖို့မလွယ်၊
အောင်မြင်ဖို့မလွယ်ပါဘူး ။

သူတို့အတွက်တော့ နိုင်ငံရေးမလိုပါဘူး။

သူတို့ကို ထောက်ခံတဲ့ နီပိန်း​တွေမှာလဲ
နိုင်ငံ​ရေးခံယူချက် မရှိပါဘူး။

လူတကာကို ဆဲဆိုမိုက်ရိုင်း
ထင်ရာစိုင်းခွင့်မရလို့ ကိုယ်ကျိုးစီးပွါးပျောက်သွားလို့
ထပြီး လုပ်မိလုပ်ရာ လုပ်ကြတဲ့သဘော။

တောင်ပြုန်းပွဲထဲ လူမိုက်တွေဝင်ရမ်းလို့
ထပြီးရန်ဖြစ်ကြတဲ့သဘောပါ ။

နိုင်ငံ​ရေးစာ​ပေလဲ မယ်မယ်ရရ မဖတ်
ရိုးသားမှု့နဲ့ သတ္တိကလဲ မရှိ တော့ ဘာဗျူဟာမှ
မရှိပါဘူး ။

တော်လှန်​သော လူငယ်​တွေ
ထိုး​ဖောက်ထွက်ကြဖို့

မီးယပ်ပိန် မီးယပ်ကျိုး ခေါင်း​ဆောင်​တွေကို
ဖယ်ရှားပစ်ဖို့ လိုပါတယ်။

ဆက်ပါအုံးမယ်

#crd..Aung Moe Winfb acc

4 weeks ago | [YT] | 5

Freethinker's Voice

NUG က မြေပြင်တလရအင်အားစုတွေ တနည်းနည်းနဲ့ စုစည်းပေါင်းစည်းမိသွားတာမျိုး၊ ဥပမာ-တပ်ပေါင်းစုလိုမျိုးကို လုံးဝ (လုံးဝ)မလိုလားပါဘူး၊
အဖြစ်မခံနိုင်ဘူး၊
သူတို့နဲ့ အပြိုင်ဖြစ်လာမှာစိုးလို့ပါ၊

အဲ့ဒါကြောင့် သူတို့စိတ်ထဲအပြိုင်ဖြစ်လာနိုင်တဲ့ သူတွေ၊ အဖွဲ့တွေဆိုရင်
လော်ဘီအလံရှူးဆယ်လီတွေသုံးပြီး လန်ကြုပ် ဇာတ်တိုက်ထားတဲ့ လုပ်ဇာတ်တွေ ဇာတ်ကြောင်း narrative တွေနဲ့ အမျိုးမျိုး နာမည်ဖျက်ချောက်တွန်း ထိုးချ ပြည်သူကို တဖက်လှည့်နဲ့ ရန်တိုက်ပေး စသဖြင့်လုပ်ကြတာပါ၊

အဲ့ဒီလော်ဘီ အလံရှူးတွေဆိုတာလည်း ဒု/တတိယနိုင်ငံတွေမှာရောက်နေကြတဲ့ NUG ကလူတွေ၊ CRPHအမတ်တွေ၊ သူတို့နဲ့နီးစပ်
ပတ်သက်တဲ့ပေးစာကမ်းစာစားသူတွေသာဖြစ်ပါတယ်၊

The phrase "Those who tell the stories rule the world"
ကမ္ဘာကြီးနဲ့ လူ့အဖွဲ့အစည်းတွေကို ဇာတ်ကြောင်းတွေ တစ်ဖက်သတ်ဇာတ်လမ်းပုံပြင်တွေနဲ့ လွှမ်းခြုံစိုးမိုးထားပါတယ်ဆိုတာ အဲ့ဒါပါပဲ၊

#crd...Aung T Mying fb acc

1 month ago | [YT] | 9

Freethinker's Voice

US ရောက် CRPH/NUGကသူတွေ၊ NLD CWC ဆရာ/ဆရာမကြီးတွေ၊ လော်ဘီအလံရှူးတွေအပါအဝင် အားလုံးက၊

တလရကို ဂျင်းမိနေတဲ့ လူအုပ်ကြီးအားကိုးနဲ့ မိုးကျရွှေကိုယ်တော်လုပ် ထိပ်ကပိတ် အပိုင်သာ စီးထားကြတာ၊

ဟိုးဖြစ်ဖြစ်ချင်း အစကတည်းကကို
နွေဦးတလရကို၊
လွန်ခဲ့တဲ့ နှစ်​၂၅၀ လောက်က အမေရိကန်၊ ပြင်သစ်တော်လှန်ရေးတွေနဲ့ နှိုင်းယှဉ်ချိန်ထိုးစကားခံသတ်မှတ်ပြီး၊
အနည်းဆုံး ၈ နှစ် ၁၀နှစ်ကျော် အသာလေးကြာမယ်၊
စစ်တပ်ကို စစ်ရေးနဲ့အနိုင်ရမယ်လို့ ယုံလည်းမယုံကြည်ထားပါဘူး၊

​ရေရှည်လုပ်စားဂွင်အဖြစ်သဘောထားခဲ့ကြတာ၊

ဟုတ်၊ မဟုတ်
သူတို့အတွင်းစည်းကသူတွေ၊ မိသားစုဆွေမျိုးတွေပါမကျန်အားလုံး တတိယနိုင်ငံ US၊ Aussie လိုနိုင်ငံတွေရောက်နေကြတာကိုကြည့်ပါလား၊ ဒါ ငြင်းမရတဲ့မျက်မြင်သက်သေပဲလေ၊

အချိန်တိုအတွင်း နိုင်မယ်ယုံကြည်ရင် ဘာလို့ ဦးအောင် မိသားစုလိုက် ပြေးလာကြသေးလဲ၊

လွတ်မြောက်နယ်မြေမှာနေလည်းရတာပဲဟာ၊

အခြားလူမျိုး ERO တွေက ခေါင်းဆောင်​တွေဆိုရင် အသက် ၇၀-၈၀-၉၀ တန်းတွေ၊ တောထဲမှာပဲ ရဲဘော်တွေနဲ့ တသားတည်း အတူရှိလို့၊

တချို့ဆို မလုံမလဲ ပြောသေးတယ် အသက်အရွယ်ကြောင့် ကျန်းမာရေးကြောင့်ပါဆိုပီး ဟာသပဲ😅😂၊

ဒီစကားတွေ ဘယ်သူတွေ ဘယ်အချိန်က ပြောခဲ့သလဲ
ဒီမှာ သိတဲ့သူတွေအများကြီးပါဗျ၊

#crd..Aung T Myint fb acc

1 month ago | [YT] | 11

Freethinker's Voice

ချစ်ခင်ကြရတဲ့ မိတ်ဆွေတချို့က

ဘာမှ မထူးတော့မှာမို့ လူမုန်းသိပ်မခံတော့ဖို့ သတိပေးလာကြပါတယ်

ကျေးဇူးလည်းတင်ပါတယ်

ဝေဖန်စာတွေရေး နေမယ့်အစား

လူငယ်တွေအတွက် တိုးတက်စရာ အားရှိစရာ ပညာရစရာ စာတွေရေးပါလားပေါ့…

ဒါမှ မဟုတ်ရင်လည်း ရသစာပေ တခုခု ရေးနိုင်အောင် လုပ်ပါလားပေါ့…

ဘာပဲဖြစ်ဖြစ် ခုချိန်မှာ ဘယ်အရာမှ ရေးလို့မရ အတွေးထဲရောက်မလာပါ…

ခုချိန်မှာ မြန်မာပြည်အတွက်

လူငယ်တွေတိုးတက်ရာ ရေးမယ်ဆို ဘာရေးမလဲ

စဉ်းစားကြည့်ပါအုန်း…

ပြည်ပထွက် အလုပ်လုပ်ကြဖို့ပြောရမလား…

ဘယ်နည်းနဲ့ မဆို ဆိုရှယ်မီဒီယာမှာ ပေါက်အောင်လုပ်ပြောရမလား…

တောထဲသွား တပ်ထောင် ရွှေတူး သစ်ထုတ် အခွံကောက်ကြ ပြောရမလား…

Nug ထောက်ထံ လူကြီးလူရင်းတယောက်မွေး အလှူခံပြောရမလား…

စစ်တပ်နဲ့ တဲ့အောင်နေ အမြီးကျက် အမြီးစား ခေါင်းကျက်ခေါင်းစား ဘဝ ကျေနပ်ကြ ပြောရမလား…

မတည်ငြိမ်တဲ့ တိုင်းပြည်မှာ ကိုယ်ကျင့်တရားနဲ့ပညာရပ်တွေက ဘာမှ အသုံးမဝင်ပါဘူး..

ရသ စာပေ တခုခု ရေးတော့ရော…

စဉ်းစားကြည့်ပါအုန်း…

ဒီလောက် အပူမီးတောက်နေကြတဲ့ လူတွေရဲ့ နှလုံးသားထဲ ဦးနှောက်ထဲ ကို ဘယ်လို ရသမျိုးက နေရယူနိုင်မှာမို့လည်း…

နောက်တခုက ရသစာပေဆိုတာ သဘာဝ စစ်စစ်ကိုရေးတာ ဘက်မလိုက်ရဘူး ဘက်မပါရဘူး…ဘက်လိုက်တဲ့ ဘက်ပါတဲ့ စာဖြစ်သွားရင် ရသ စာပေမခေါ် ပရိုပါဂျန်တာ ဝါဒ ဖြန့်ချီရေးစာပေဖြစ်သွားတယ်…

အစစ်အမှန် သဘာဝ ကျကျရေးတော့ရော ဘယ်သူက လက်ခံ မလဲ …

မောင်ရှင်စောရေးတဲ့ ကေတီဗွီ လို ကဗျာမျိုး က ခေတ် ကောင်းမှ ဖတ်လို့ကောင်းတာ ခုဖတ်ကြည့်ပါလား အရသာ မရှိတော့ဘူး …ခု က အဲ ကဗျာထဲက ကောင်မလေး ထက်ဆိုးတဲ့ ဘဝ တွေ ဖြစ်နေကြလို့…

ဒါ ဆိုရင် … cdm လုပ်ရင်း အငယ်အနှောင်း ဖြစ်သွားတဲ့ ဆရာမ လေးရဲ့ ဇာတ်နာပုံလေး ရေးကြည့်ပါလား …ဆဲလိုက်ကြမယ့်ဖြစ်ခြင်း…

ပြောချင်တာက လူမှုစံနှုန်းတွေ အကုန်ပျက်ကုန်ပြီ…

ဦးအောင်သင်းတို့ ဇာဂနာတို့ အော်ပီကျယ်တို့ မောင်သာချိုတို့ မောင်စိန်ဝင်းတို့ ချစ်ဦးညိုတို့ ညီမင်းညိုတို့ နေဝင်းမြင့်တို့ ခင်ခင်ထူးတို့ ဂျူးတို့ တိုင်းပြည်ကိုပတ်ပြီး တရားဟောခဲ့တာ ဆယ်စုနှစ်တခုလောက်ရှိပြီ။

ဘယ်သူတွေတရားထူးရသွားကြလို့လဲ…ခုတော်လှန်ရေး ထဲဖေါက်ပြန်နေတဲ့ သူတွေထဲ အဲဒိစာပေ ဟောပွဲတွေကို ဦးဆောင်ခဲ့သူတွေ ကမကထပြုခဲ့သူတွေ နားထောင်ခဲ့ဘူးသူတွေ အပုံအပင်ပေါ့။

တကယ်တော့ တိုင်းပြည်က ဆုံးမစာတွေနဲ့ ပုံနေပြီ၊ ပြဿနာ က မကျင့်ကြံတဲ့ ပြဿနာ။

1 month ago | [YT] | 8

Freethinker's Voice

AA ထောက်ပံ့ပေးထားတဲ့ တော်လှန်ရေးတပ်ဖွဲ့ ၂၃ ဖွဲ့ထဲက ရှစ်ဖွဲ့ဟာ AA နဲ့ ပူးပေါင်းစစ်ရေးလှုပ်ရှားလျက်ရှိတယ်လို့ ISP-Myanmar ထုတ်ပြန်

မောင်စာဂ၊ နိရဉ္စရာ၊ ဇူလိုင် ၁ဝ/၂ဝ၂၅

အာရက္ခတပ်တော်(AA)ဟာ တော်လှန်ရေးတပ်ဖွဲ့ ၂၃ ဖွဲ့ကို ထောက်ပံ့ပေးထားပြီး အဲဒီထဲက ရှစ်ဖွဲ့ဟာ AA နဲ့ပူးပေါင်းပြီးတော့ စစ်ရေးလှုပ်ရှားလျက်ရှိတယ်လို့ မြန်မာ့မဟာ ဗျူဟာနှင့် မူဝါဒလေ့လာရေးအင်စတီကျူး (ISP-Myanmar)က ထုတ်ပြန်ပါတယ်။

ISP-Myanmar ရဲ့ မနေ့က ဇူလိုင်လ ၉ ရက်ထုတ်ပြန်ချက်ဖြစ်တဲ့ "အို... မြောက်ပိုင်းလမ်း …ဒုတ်ဒုတ်ထိမျက်တွေ့ (De Facto) ထီးပြိုင်နန်းပြိုင် ရခိုင်ပြည်"ဆိုတဲ့ သုံးသပ်ချက်ထဲမှာ အခုလို ဖော်ပြထားတာဖြစ်ပါတယ်။

AA ထောက်ပံ့ထားတဲ့ တော်လှန်ရေးလက်နက်ကိုင် ၂၃ ဖွဲ့ကတော့ BPLA, DRPA, CDF-Kanpetlet, BNRA, YA,CDF-Matupi, CDF-Mindat, YDF, PDF Zoland, BA, CNDF, AYA POF, KNDF, MDF, BLDF, PIO/PIA, GZA, PRA, SF/SAF, ACDF, PLF, PRF, CDF-Asho တို့ဖြစ်ကြပါတယ်။

အဲဒီ ၂၃ ဖွဲ့ဟာ မြန်မာနိုင်ငံတဝန်းက မြို့ပေါင်း ၆၁ မြို့မှာ စစ်ရေးလှုပ်ရှားနေကြတဲ့ တော်လှန်ရေးတပ်ဖွဲ့တွေဖြစ်ကြတယ်လို့လည်း ISP-Myanmar က ဆိုပါတယ်။

အဲဒီ ၂၃ ဖွဲ့ထဲက PIO/PIA, GZA, PRA, SF/SAF, ACDF, PLF, PRF, CDF-Asho တို့ဟာ AA ရဲ့ စစ်ရေးကွပ်ကဲမှုစနစ်အတွင်းပူးပေါင်းပြီးတော့ ရခိုင်ပြည်နဲ့ ထိစပ်နေတဲ့ ချင်း၊ မကွေး၊ ပဲခူးနဲ့ ဧရာဝတီတို့မှာ စစ်ရေးဖော်ဆောင်လျက်ရှိတယ်လို့ ISP-Myanmar ရဲ့ သုံးသပ်ချက်မှာ ဖော်ပြထားပါတယ်။

“အာရက္ခတပ်တော်(AA)ဟာ မြန်မာ့ပဋိပက္ခရဲ့ အရှေ့မြောက်၊ အရှေ့တောင်နဲ့ အနောက်ပိုင်းစင်္ကြံသုံးခု စလုံးမှာ ခြေရာပေါက်နိုင်ရုံသာမက ဗမာတွေရဲ့ အညာမှာလည်း လက်တံရှည်ရှည် ဆန့်ထုတ်လွှမ်းမိုးနိုင်စွမ်းရှိတဲ့ တခုတည်းသော တိုင်းရင်းသားလက်နက်ကိုင်အဖွဲ့ (EAO) ဖြစ်ပါတယ်။ ရခိုင်ကို အခြေပြုပြီး ဧရာဝတီ၊ မကွေးနဲ့ ပဲခူးကိုပါ ထိုးစစ်ဆင်နိုင်တဲ့ ထူးထူးခြားခြား EAO ဖြစ်ပါတယ်။ AA ခေါင်းဆောင်တွေဟာ မျိုးဆက်သစ် မင်းပျိုမင်းလွင်တွေဖြစ်သလို၊ ကျန်လူငယ်လက်နက်ကိုင်အဖွဲ့ တော်တော်များများကို သင်တန်းပေး၊ လက်နက်ပေး၊ စံနမူနာပေး စည်းရုံးအားယူနိုင်စွမ်းရှိတဲ့ အစ်ကိုကြီး-ညီလေးဆက်ဆံရေးနဲ့ ‘အပြောနည်းနည်း၊ အလုပ်များများ’ လက်နက်ကိုင် မဟာမိတ်ကွန်ရက်အကြီးဆုံး တည်ဆောက်ထားနိုင်တဲ့ တခုတည်းသော EAO လည်း ဖြစ်ပါတယ်”လို့လည်း သုံးသပ်ချက်မှာ ဖော်ပြထားပါတယ်။

ဓာတ်ပုံ - AA Info Desk နှင့် ISP-Myanmar

ဒီသတင်းအပြည့်အစုံကို အောက်က Link မှာ ဝင်ရောက်ဖတ်ရှုနိုင်ပါတယ်။ >>>>
https://burmese.narinjara.com/news/detail/686f9ba60bed3756d11da611
---
ကျနော်တို့မီဒီယာဆက်လက်ရှင်သန်ရပ်တည်နိုင်ရေးအတွက် လူကြီးမင်းတို့ရဲ့ အားပေးမှုနဲ့ အကူအညီတွေကို အထူးလိုအပ်နေပါတယ်။ ဒီလင့် https://donorbox.org/narinjara-news ကနေတဆင့် ကူညီနိုင်ပါတယ်။ လူကြီးမင်းတို့ရဲ့ ကူညီထောက်ပံ့မှုအတွက် ကျေးဇူးအထူးတင်ပါတယ်။

#crd- Narinjara media fb page

Skip the Carousel

1 2

1 month ago | [YT] | 14

Freethinker's Voice

သေသေချာချာ​လေး ပြန်ရှင်းပြရဦးမယ်၊ တော်ကြာ ဟိုလူကျန်တယ်၊ ဒီလူကျန်တယ် လုပ်​နေမှာ စိုးလို့

၁- NUG ဆိုရာမှာ CRPH, NLD-CWC စတဲ့ NLD အုပ်စုနဲ့ သူတို့ကို ကပ်စား​နေကြတဲ့ ပြည်သူ့အသံမထွက်ရဲတဲ့ အမတ်​တွေ၊ CDM ဆိုပြီး NUG ထဲ ဝင် အလုပ်လုပ်ပြီး စားသွားကြတဲ့ ဝန်ထမ်း​တွေ၊ NUG နဲ့ ကပ်​ပေါင်းပြီး လုပ်ကွက်ရသွားတဲ့ အန်ဂျို အုပ်စု​တွေ၊ NUCC ထဲက​နေ အခွင့်​ကောင်း ချောင်း​နေကြတဲ့ နိုင်ငံ​ရေး စားဖား​တွေ၊ NUG ကို ကပ်ပြီး ပါးပါးလှီးအမြတ်ထုတ်ခဲ့ကြတဲ့ ERO တွေ အကုန်ပါတယ်၊

၂- သူခိုးမ ဆိုရာမှာလည်း သူခိုးမကို ကပ်ပြီး နောက်ကွယ်က ခိုးနည်း သင်​ပေးခဲ့ကြတဲ့ မေရိကားက လုပ်စား အဖွဲ့​တွေ၊ သူခိုးမ အူသံ​ပေးတာနဲ့ ဝိုင်းဝန်း ဟောင်ကြ ကိုက်ကြတဲ့ နွေဦး ငါး​ထောင်စား အောက်ဆွဲ​တွေ၊ ထောက်ပို့ ဆိုပြီး အုပ်စုလိုက် % စားကြတဲ့ တော်လှန်​ရေး တော​ကြောင်​တွေ အကုန်ပါတယ်၊ သူတို့​တွေ တော်လှန်​ရေးကို ဘယ်လို ဖျက်ခဲ့ကြလဲ

၃- ပြည်သူဟာ အစက မြေပြင်​ရော လှူတယ်၊ ဒါ​ပေမယ့် သူခိုးမနဲ့ NUG က သူတို့ဆီပဲလှူ၊ တပ်ဦးကို လှူကြဆိုပြီး မြစ်ထိပ်က ပိတ်ပြီး ဆည်​ဆောက်သလို အလှူခံတယ်၊ ပြီးရင် လက်နက်​ပေးမလိုလိုနဲ့ သူတို့ဆီကို ဝင်ခိုင်းတယ်၊ ဝင်ပြီးရင် မစို့မပို့ ထောက်ပံ့​ငွေပဲ​ပေးတယ်၊ လက်နက်ကျ မ​ပေးဘူး၊ တကယ်တိုက်တဲ့ အဖွဲ့​တွေ အကုန် ခြောက်​သွေ့ကြုံလီကုန်တယ်၊ ရသမျှ စုပြီး လက်နက် ဝယ်​တော့လည်း NUG ကပွဲစား​တွေက မတန်တဆ​စျေးတင်ကြတယ်၊ ကြည့်ရတာ တိုက်မှာ စိုးလို့ကို တမင်လုပ်ထားခဲ့တာပါ၊ သူတို့ပဲ ညှိဖို့ အင်အားရှိ​နေရမယ်​ပေါ့

၄- အစက ပက်ဆံ မရှိလို့ လက်နက် မ​ပေးနိုင်တာလို့ ထင်ခဲ့​သေးတယ်၊ ဒါ​ပေမယ့် သူတို့ဟာ စစ်တပ်နဲ့ ညှိဖို့ အတွက်ပဲ pdf ကို ဖွဲ့တာ ဖြစ်တယ်၊ ဘာကို အ​ခြေခံလဲ ဆို​တော့ အ​နောက်နိုင်ငံက legitimacy ပေးမှာကို မျှော်ပြီး (အပြအင်အား) ကိုပဲ တည်​ဆောက်တယ်၊ ဒါ့အပြင် ရသမျှကို အိတ်ထဲထည့် သုံးကြဖြုန်းကြတယ်၊ ပြည်သူဟာ သူတို့ အလှူခံသမျှ ဝက်ဝက်ကွဲ လှူကြတာရယ်၊ နောက်ပိုင်းမှ အလိမ်ခံရမှန်း သိသွားကြတာ

၅- သူခိုးမ အုပ်စုဟာ မြေပြင်​ရောက်မယ့် အဖွဲ့ နာမည်ကြီးလာရင် အုပ်စုဖွဲ့ တိုက်ခိုက်တယ်၊ အငြိမ်း၊ POEM တို့ကိုလည်း အဲဒီလို တိုက်ခိုက်ခဲ့တာ၊ ဘာလုပ်တာလဲ ဆို​တော့ အလှူ​ငွေ မှန်သမျှ NUG ဆီ ဝင်​အောင် နာမည်ကြီး Fund Raiser တွေကို ချိုးချခဲ့တာပဲ၊ Fundraisers တင်မကဘူး၊ NUG ဝေဖန်သူမှန်သမျှကိုလည်း ဆဲဆိုပြီး နာမည်ဖျက်ခဲ့တာချည်းပဲ၊ သူတို့ဟာ နိုင်ငံခြားမှာ သူတို့နဲ့ ဒိုးတူ​ဘောက်ဖက် ခိုးမယ့် အုပ်စု ဖွဲ့ကြတယ်၊ ငွေအား၊ လူအားနဲ့ ပ​ရောဂျက်​တွေ လုပ်ကြတယ်၊ လက်ခွဲ​တွေကို % ပေးစားကြတယ်၊ အစပိုင်းက​တော့ လူ​တွေက တော်လှန်​ရေး​ငွေကို​တော့ မလုပ်​လောက်ပါဘူး တွေးကြတယ်၊ ဘာအလုပ်မှ မယ်မယ်ရရ မရှိပဲ ဒေါ်လာ တသန်းတန် တိုက်ကြီး ဝယ်ပြ​တော့မှ အသည်း ကွဲကြတာ၊ ဒါ​ပေမယ့် မဟရဲဘူး၊ မိုက်မိုက်ရိုင်းရိုင်း ဆဲဆိုပြီး ပါးစပ်ပိတ်​အောင် လုပ်ထားလို့၊ ယုတ္တိမရှိတာ သိရဲ့သားနဲ့ကို ဝိုင်းလိမ်​နေကြတယ်

၆- ဒီ​တော့ ဘာဖြစ်လဲ၊ တကယ်တမ်း တိုက်ရမယ့် အချိန်ကျ ငွေ​ရော၊ လက်နက်​ရော မရှိ​တော့ဘူး၊ လူငယ်​တွေကလည်း နယ်စပ်ထွက်ကုန်ပြီ၊ ထပ်ဖြည့်ဖို့ ဘယ်သူမှ မလာဘူး၊ pdf မဖွဲ့ပဲ ပသုံးလုံး လက်ကိုင်တုတ် တပ်ဖွဲ့ခဲ့လို့ ပြည်သူကို နှိပ်စက်တဲ့ တော်လှန်ပျူ​စောထီး​တွေ ဖြစ်လာတယ်၊

၇- တော်လှန်​ရေးဟာ နိုင်နိုင်​ချေ ရှိခဲ့ပါတယ်၊ ဒါ​ပေမယ့် ငွေဟာ တကယ်တိုက်မယ့်သူ လက်ထဲ လက်နက်အဖြစ် မ​ရောက်လာပဲ သုံးဖြုန်းသူ​တွေဆီ ရောက်သွားခဲ့တယ်၊ တော်လှန်​ရေးမှာ တကယ်လိုအပ်တဲ့ ခဲယမ်းစက်ရုံ​တောင် မတည်ခဲ့ဘူး၊ နိုင်ငံတကာမှာ လစဉ် အခန်း​တွေငှါးပြီး ဆက်ဆံ​ရေးရုံး​တွေဖွင့်၊ လေယာဉ်​လျောက်စီး၊ မိသားစု အကုန် တတိယ နိုင်ငံပို့၊ က​လေး​တွေ အင်တာ​နေရှင်နယ်​ကျောင်းထား၊ တလ ဘတ်ငါး​သောင်းခွဲတန် အိမ်​ပေါ်မှာ မယားငယ်နဲ့တက်​နေ၊ အဲဒီအုပ်စု​ကြောင့် တော်လှန်​ရေးဟာ ပျက်စီးခဲ့ရတယ်

ဒီလူစုကို ဒီအတိုင်း လွှတ်မ​ပေးနိုင်ပါ

#crd_သက္ကမိုးညို fb acc

1 month ago | [YT] | 36

Freethinker's Voice

နိုင်ခြင်း၊ မနိုင်ခြင်းကိစ္စတွေကခဏထားဦး၊
အဲ့ဒါက နောက်အခန်းကဏ္ဍတခု၊
တကယ်တိုက် စစ်ပွဲကြီးတခုလုံးပြီး ရလဒ်
ထွက်တော့မှပဲ သိရမှာပဲ၊
စစ်တိုက်တာ နိုင်ချင် နိုင်မယ်၊ ရှုံးချင်ရှုံးမယ်၊

အခုလောလောဆယ် လမ်းလွဲချောက်ထဲကျခါနီး တလရလမ်းကြောင်းမှန်ပေါ် ပြန်တက်ဖို့က (၃ )ချက်ပဲ လောလောဆယ် အရေးတကြီး လိုအပ်တယ်ထင်တာပဲ၊

အထူးသဖြင့် ပြည်မကမြေပြင်ကအဖွဲ့တွေအနေနဲ့၊

၁) တလရ/ နိုင်ငံရေး/ အစိုးရဖွဲ့လုပ်စားနေကြတဲ့သူတွေ၊
၂) ဘေးကအဲ့ဒီအဖွဲ့ကြီးကိုမှီပြီး ဆိတ်ဂွေးစိလို့ ဟိုပြေးကပ် ဒီပြေးကပ် အလံရှူး/လော်ဘီ/မြင်းထိန်းငတာလုပ်စားနေကြတဲ့ ပြည်ပရောက်တွေနဲ့
၃) နိုင်ငံရေးရေချိန် zero သာသာ၊ လက်ခုပ်သံချူ ဆယ်လီများနဲ့ ကျပ်မပြည့်တဲ့ ဆယ်လီ wanna be များကိုခေါင်းထဲကထုတ် ဘေးဖယ်ထားပြီး၊

စစ်ကိုစစ်နဲ့တူအောင်တိုက်နေကြတဲ့ Leading EROတွေ၊ KIA, AA, TNLA တို့လို့ ရဲ့စစ်ရေးဦးဆောင်မှုနဲ့ မြေပြင်က အချင်းချင်းတွေတွေ့ဆုံဆွေးနွေးညှိနှိုင်းတိုင်ပင်တပ်ပေါင်းစုဖွဲ့နိုင်ရင် တလရက အရွေ့သစ်ကြီးကြီးဖြစ်ပေါ်လာပြီး ဘာမဆိုဖြစ်လာနိုင်ခြေရှိတယ်၊
အခြားနည်းတော့ မရှိဘူးလို့ မြင်တာပဲ၊

ဒီအတိုင်းသွားနေရင်တော့ ကြာလေပျက်လေလို့ ထင်တာပါပဲ၊

#crd..Aung T Myint fb acc

2 months ago | [YT] | 7

Freethinker's Voice

NUG မရှိရင်မဖြစ်ဘူးတို့၊ CRPH/NUG ဟာ တရားဝင်ဥပဒေပြုနိုင်တဲ့ လွတ်တော်ကိုယ်စားပြု/ပြည်သူအစိုးရတို့၊ သူတို့ကိုဆန့်ကျင်ရင် သူပုန်​ဖြစ်သွားမယ် ဘာညာတို့၊ ဟိုလူဒီလူကတော့ ဘာညာ စသဖြင့် လူတွေနဲ့ ရန်တိုက်ပွဲဆူအောင်လုပ်တာတို့၊ NUG/MODကို ဦးစားပေးထားတဲ့ လူစိတ်ဝင်စားမယ့်စစ်ရေးသတင်းတွေစသဖြင့် FBပေါ်မှာ အမျိုးမျိုးသော user name တွေသုံးပြီး ဝါဒဖြန့် ဖုံးဖိဖားဖာ ကာကွယ်ခြောက်လန့်ရေးသားပြောဆိုနေသူအများစုဆိုတာက၊
တကယ့် တကယ်တော့ ချင်းမိုင်၊ မဲဆောက်၊ US၊ Norway၊ အော်စီစတဲ့နေရာတွေ ရောက်နေကြတဲ့ CRPH နဲ့နီးစပ်ပတ်သက်တဲ့ လွတ်တော်ကစလအမတ်များ သို့ သူတို့နဲ့ နီးစပ်ပတ်သက်
သူ ပေးစာကမ်းစာ သဒ္ဒါကြေးစား လော်ဘီ အလံရှူးများသာဖြစ်ပါတယ်၊

တနည်းပြောရင် အုပ်စုဖွဲ့ တဖက်လှည့်နဲ့ လူတွေကို ကျွန်ဇာတ်သွင်း နားသွင်း ဝါဒဖြန့်၊ ဆိုက်ဝါးသွင်း ကိုယ့်ငါးချဉ် ချဉ်ကြတဲ့ အဖွဲ့တွေပါ၊

အဲ့ဒါမသိပဲ ပြန်ရှယ်ပေးနေကြတဲ့ လူတွေလဲရှိတယ်၊

ဝါဒဖြန့်ခြင်း Propaganda ရဲ့သဘောကလဲ ဟုတ်ဟုတ်၊ မဟုတ်ဟုတ် မှန်မှန်၊ မမှန်မှန် လိုချင် ဖြစ်ချင် ထင်စေချင်တဲ့ ဇာတ်ကြောင်းတခုကို ဘေးကနေ မီဒီယာ၊ ဆယ်လီ၊ လော်ဘီ၊ အလံရှူးစတာတွေ သုံးပြီး ဘေးတီးပေးရတယ်၊ အဲ့ဒါတွေကို အားကောင်းကောင်းနဲ့ အသုံးချခဏခဏ ထပ်တလဲလဲပြောနေရင် လူဆိုတာက ဟုတ်ဟုတ်၊ မဟုတ်ဟုတ် တကယ်ထင်သွားရော၊

The whole picture ကို မြင်နိုင် သိနိုင် သုံးသပ်နိုင်အောင် သိရအောင် ပြောပြတာပါ၊

#crd.Aung T Myint fb acc

2 months ago | [YT] | 4

Freethinker's Voice

အင်္ဂလိပ်ကို မုန်းပြရင်းမွဲပြာကျသွားတဲ့ တို့မြန်မာ။

အင်္ဂလိပ်စာကို သပိတ်မှောက်ခဲ့၍ မြန်မာကျောင်းသားတွေ ကမ္ဘာမှာ မျက်နှာငယ်ခဲ့ရပြီ

အင်္ဂလိပ်ပေးတဲ့ ဥပဒေဖြင့် အုပ်ချုပ်တဲ့စနစ်ကို ဖက်ဆစ်ဂျပန်ပေးတဲ သေနတ်ဖြင့် အုပ်ချုပ်တဲ့ စနစ်ကို အစားထိုး၍ မြန်မာပြည်စစ်ပွဲတွေဖြစ်ခဲ့ရပြီးပြိ

အင်္ဂလိပ်ကပေးတဲ့ ကုန်သွယ်ရေးစနစ်ကိုမလိုချင်၍ ပြည်သူပိုင်းသိမ်းတော့မှ မြန်မာစပါးကမ္ဘာပေါ်မှာ စျေးကွက်ပျက်ခဲ့ရပြီးပြီ။

အင်္ဂလိပ်ကသေချာလေ့ကျင်ထူထောင်ပေးထားတဲ မြန်မာ့စက်မှုလုပ်ငန်းတွေကို ပြည်သူပိုင်သိမ်း၍ မြန်မာထွက်ကုန်တွေ ပပျောက်သွားခဲ့ရပြီးပြိ။

အင်္ဂလိပ်က သေချာမျိုးစေ့ချပေးခဲ့တဲ့ မြန်မာ့ပညာရေးစနစ်ကို သေချာဖျက်ဆီးခဲတာကြောင့် မြန်မာတွေမျိုးဆက်နဲချီပြီး ပညာမဲ့ဖြစ်နေကြပြီ။

အင်္ဂလိပ်က ချမှတ်ပေးတဲ့ ရွှေအပေါင်ထား ငွေကြေးစနစ်ကိုဖျက်ဆီးခဲ့၍ မြန်မာငွေစက္ကူစုတ်ဖြစ်ခဲ့ရပြီးပြီ

အင်္ဂလိပ်က ချမှတ်ပေးတဲ့ လူမျိုးစုံးချစ်ကြည်ရေးကိုဖျက်ဆီးခဲ့၍ လူမျိုးရေးမုန်းတိးပြီးလူမျိုးငယ်တစ်စုကို ထိုလူမျိုးငယ်တစ်စု၏အဖွဲ့ဝင်ဖြစ်တယ်ဆိုတာနဲ့ မုန်း၍ဖြစ်ပေါ်လာသောရာဇဝတ်မှုဆိုတဲ့
Genocide ကျူးလွန်သောတိုင်းပြည်ဖြစ်လာပြီး ကမ္ဘာမှာဘယ်တိုင်းပြည်ကမှ မြန်မာဆိုတာ လူရာမသွင်းတော့ဘူး။

ယခုလည်း အင်္ဂလိပ်နာမည်ဖြင့် ဆိုင်းပုဒ်မတတ်ရဆိုတော့ မြန်မာတွေပိုပြီး အင်္ဂလိပ်စာနဲ့ဝေးမသွားဘူးလား။

ဒီလိုနှင့် အင်္ဂလိပ်ကို ဆန့်ကျင်ရင်း မြန်မာတွေ ပိုပြီးမွဲလာ။ ပိုပြီးမွဲလာတော့ ပြည်တွင်းစစ်ကြီးပိုကြိးလား။ နောက်ဆုံးတော့ မြန်မာပြည်ကြိးပျက်ဆိးနေစဥ်

တောင်ကိုရီးယားစစ်အာဏာသိမ်းခေါင်းဆောင် ဗိုလ်ချုပ်ကြီး ပက်ချုံဟီးက သူတို့တိုင်းပြည်မှာမရှိသေးတဲ့ အင်္ဂလိပ်နည်းပညာတွေ၊ အင်္ဂလိပ် တရားရေးစနစ်တွေ၊ ကူးသန်းရောင်းဝယ်ရေးစနစ်တွေ၊

ကို တင်သွင်းပြီး သူ့တိုင်းပြည်ကို သူဌေးဖြစ်အောင်လုပ်သွားတယ်။

စင်ကာပူက အာဏာရှင်လိကွမ်ယူးက အင်္ဂလိပ်ကသူ့တိုင်းပြည်အပေါ်ပေးထားတဲ့အမွေကိုအသုံးချပြီး စင်္ဂပူကို အင်္ဂလိပ်တို့အကျွမ်းကျင်ဆုံးလုပ်ငန်းဖြစ်တဲ့ဘဏ္ဍာရေးလုပ််ငန်းမှာ ဆရာတစ်စူဖြစ်အောင် လုပ်သွားတယ်။

အင်္ဂလိပ်စာကိုသိပ်မသိတဲ့ ထိုင်းဘုရင်နဲ့ထိုင်းစစ်အာဏာရှင်တွေက အင်္ဂလိပ်စာကိုတတ်အောင်သင်ယူရင်း ထိုင်းကို ကမ္ဘာလှည့်ခရိးသွားစင်တာကြိးတစ်ခုဖြစ်အောင်လုပ်သွားတယ်။

တဘက်မှာ အင်္ဂလိပ်စာကိုမတတ်တဲ့ တရုတ်နှင့်ဗီယက်နမ်တို့ဟာ အင်္ဂလိပ်စာကိုသင်ယူနေတယ်။ ဗြိတိန်နှင်​့ အမေရိကန်နိုင်ငံကို သူတို့ ပညာတော်သင်တွေအများအပြားစေလွတ်တယ်။

ကမ္ဘောဒီးယားက အာဏာရှင်ဟွန်ဆမ်ဟာ သူ့သားကို အမေရိကန်က west point စစ်တက္ကသိုလ်ကို စေလွှတ်၍ ပညာသင်ကြားစေပြီး တရုတ်နှင့်အမေရိကန်ကြားမှာ သူနိုင်ငံကိုပေါင်းကူးစေတယ်။

ဒိတော့ နိုင်ငံတစ်နိုင်ငံလွတ်လပ်ရေးရယူတယ်ဆိုတာ ကိုယ့်ကို ကိုလိုနီအုပ်ချုပ်တဲ့တိုင်းပြည်က ကိုယ့်တိုင်းပြည်ကိုတိုးတက်အောင်လုပ်ပေးတာထက် ပို၍ချမ်းသာစေ၍ဖြစ်ပါတယ်။

ဒါကြောင့်ကိိုလိုနီဘဝကလွတ်မြောက်ပြီးနောက် တောင်ကိုရိးယား၊ ဗိယက်နမ်၊ လာအို၊ ကမ္ဘောဒီးယား၊ အိန္ဒိယ၊ စင်္ကါပူ၊ မလေးရှား၊ အင်တိုနီးရှားစတဲ့နိုင်ငံတွေတစ်နိုင်ငံပြီးတစ်နိင်ငံတိုးတက်သွားကြတယ်။

မြန်မာပြည်က တော့ အင်္ဂလိပ်ဆီကနေလွတ်မြောက်ပြီးနောက် တိုးတက်အောင်လုပ်ရမည့်အစား အင်္ဂလိပ်ကို အမုန်းတရားဖြင့် ရန်ညှိုးထားပြီး အင်္ဂလိပ်ကအမွေပေးတဲ့စနစ်တွ အကုန်ဖျက်ဆီးရေးကိုသာ တစိုက်မတ်မတ် လုပ်ခဲ့တာဖြစ်၍ လွတ်လပ်ရေးရပြီးနောက် အခြားတိုင်းပြည်တွေမြန်မာကိုဖြတ်ကျော်သွားပေမယ့် မြန်မာပြည်ဟာမွဲပြာကျခဲ့ရပါတယ်။

ထိုအတူ စင်ကာပူ၊ တောင်ကိုရီးယား၊ တရုတ်၊ မလေးရှားစတဲ့နိုင်ငံသားတွေဟာ ကမ္ဘာပတ်၍ Investment လုပ်နေစဥ် ကိုလိုခေတ်က ထိုနိုင်ငံတွေထက် ချမ်းသာခဲ့တဲ့ မြန်မာပြည်ကတော့ အစွန်းရောက်မျိုးချစ်အတွေးအခေါ်တွေအောက်မှာ ပြည့်တန်ဆာ၊ အောက်ခြေသိမ်းအ်လုပ်စတဲ့ တပါးနိူင်ငံသားများမလုပ်ချင်ကြတဲ့အလုပ်တွေကိုလုပ်နေကြတာ ဝမ်းနည်းစရာဟုဆိုရမှာဖြစ်ပါတယ်။

(ပုံမှာ ကိုလိုနီခေတ် မြန်မာလွတ်မြောက်ရေးကြိုးပန်းမှုဒို့ဗမာအစည််းအရုံးကြီး၏အလံ နှင့် စစ််တပ်၏ အမိန့်ကြောင့် အင်္ဂလိပ်စာဆိုင်းပုဒ်မှ မြန်မာစာအဖြစ်ပြောင်းနေဂတဲ့ မြန်မာပြည်ကဆိုင်တဆိုင်။ photo credited)

Crd:Myat Maw fb page

Skip the Carousel

1 2

2 months ago | [YT] | 12

Freethinker's Voice

● နိုင်ငံရေးဟာ သိပ်ရှုပ်ထွေးတယ်၊ သိပ်နက်နဲတယ်လို့ ပြောလို့၊ မြန်မာ့နိုင်ငံရေးက သိပ်နက်နဲတယ်လို့ ထင်စရာ ရှိသွားအုံးမယ်။ အထူးသဖြင့် မြန်မာ့နိုင်ငံရေးက ရှုပ်ထွေးတယ်ဆိုတာကတော့ ဟုတ်ပါတယ်။ ဒါပေမယ့် နက်နဲတယ်လို့ ပြောရင် သိပ်မတရားရာ ကျနေအုံးမယ်။ ဘာလို့လဲဆိုတဲ့ သဘောတရားရေးပိုင်းတွေ၊ သီအိုရီတွေ၊ concept တွေနဲ့ မူတွေ၊ Principle တွေနဲ့ သွားနေတယ်လို့ ထင်ပြီး နက်နဲတယ်လို့ ထင်နေမှာစိုးလို့ ပြောရတာဖြစ်ပါတယ်။ တကယ်တော့ ပြည်မအခြေစိုက် မြန်မာ့နိုင်ငံရေးကို ကြည့်ရင် အုပ်စုစိတ် (အုပ်စုစွဲ) နဲ့ပဲ လုပ်နေကိုင်နေကြတာကို အများဆုံးတွေ့ရတာပါ။ အုပ်စုသင်းကွဲ သေးသေးလေးတွေ အများကြီးကိုတော့ ခင်ဗျားတွေ့ရလိမ့်မယ်။ ဒါပေမယ့် အားလုံးကို ခြုံကြည့်လိုက်တယ်ဆိုရင် အချုပ်က အုပ်စုစွဲစိတ်နဲ့ လုပ်နေကိုင်နေတာပဲ တွေ့ရမယ်။ အတော်များများမှာ သဘောတရားရေးပိုင်းတွေ၊ မူတွေ၊ သီအိုရီတွေဆိုတာနဲ့ လုပ်နေကိုင်နေကြတာမဟုတ်ဘူး။ ဒါပေမယ့် ကြားကောင်းအောင်တော့ စကားလုံး ခပ်ကြီးကြီးတွေနဲ့ ပြောနေ ဆိုနေလိမ့်မယ်။ ခင်ဗျားက နယ်စိမ်းပယ်စိမ်းက ယောင်ပေပေလေးဆိုရင်၊ ခင်ဗျားကို ရွှီးလိမ့်မယ်။ ဘယ်အရာက ဘယ်လို ဘယ်ကဲ့သို့ ဆိုပြီး ပြောဆိုလိမ့်မယ်။ အဲသည်အခါ ကိုယ်က ပြောတဲ့သူအပေါ် "ကျတောင် ကျသွားအုံးမယ်" ထင်တယ်။ အထင်ကြီးလေးစားစရာ သဘောတရားရေးဆရာကြီးတွေလို ထင်ကောင်းထင်လိမ့်မယ်။ တကယ်တော့ နိုင်ငံရေးသိပ္ပံမှာ တကယ့်သဘောတရားတွေ၊ သီအိုရီတွေ၊ မူတွေ၊ ချည်းကပ်ပုံနည်းနာတွေက ရှုပ်ထွေးနက်နဲပါတယ်။ အဲဒါကလည်း သာမန်လူ မသိနိုင်တာမျိုးတော့ မဟုတ်ဘူး။ သိအောင် နားလည်အောင် ရှင်းပြတယ်ဆိုရင် သိနိုင်သလို၊ မိမိဘာသာ အခြေခံကို ကျေကျေလည်လည် ဖြစ်အောင် လေ့လာဆည်းပူးတဲ့ ဇွဲနပဲရှိတယ်ဆိုရင်လည်း ဒါကို နားလည်နိုင်ပါတယ်။ အဲဒါတွေကို နားလည်ရခက်တယ်ဆိုပြီး၊ မြန်မာ့နိုင်ငံရေးအဝန်းအဝိုင်းကလည်း သိပ်ကို နက်နဲတယ်လို့ ထင်နေမှာစိုးလို့ပါ။ ယနေ့အချိန်အထိ မြန်မာ့နိုင်ငံရေးဟာ "အုပ်စုစွဲစိတ်" နဲ့ပဲ နိုင်ငံရေးလုပ်တဲ့အဆင့်မှာ ရှိပါသေးတယ်။ ဘာမူတွေ၊ ညာမူတွေဆိုတာဟာ တချို့တလေ၊ တစ်ယောက်စ နှစ်ယောက်စအတွက်ကတော့ ဟုတ်ချင်ဟုတ်မယ်။ ဒါပေမယ့် တစ်ခုလုံး တစ်စုံလုံးကို ခြုံပြီး ကြည့်ရင်၊ ရာခိုင်နှုန်းအများစုက အုပ်စုစွဲစိတ်နဲ့ပဲ လှုပ်ရှားလုပ်ကိုင်တာတွေ့ရတယ်။ အုပ်စုစွဲစိတ်နဲ့ပဲ သူတို့ရဲ့ နိုင်ငံရေးလုပ်မှုကိုင်မှု၊ ပြောမှုဆိုမှုတွေကို မောင်းနေတာ။ တခြားစကားလုံးတွေက အပိုဆာဒါးသက်သက် အဆာသွပ်တာသာများတယ်။ တကယ့်မူသမားတွေလို့ ထင်ခဲ့ဖူးတဲ့သူတွေကို တွေ့ဖူးပါတယ်။ တကယ်တမ်းတော့ ဖျာအောက်မှာ အမှိုက်တွေကို ထိုးထည့်ထားလို့၊ မထင်ရတာ။ ဖျာကိုလည်း လှပ်လိုက်ရော၊ ဖွားခနဲ ပေါ်လာတဲ့ အမှိုက်တွေကလည်း ဒုနဲ့ဒေးပါပဲ။ တကယ့်မူသမားလို့ ကိုယ်တိုင်က ထင်ခဲ့ဖူးတဲ့သူတွေကတောင် အုပ်စုစွဲစိတ်ရဲ့ လွှမ်းမိုးခံရမှုဒဏ်ကနေ မလွတ်ပါ့လားလို့ တွေးမိတယ်။ နိုင်ငံရေးမှာ သတိ၊ သမာဓိ ဆိုတာကို ပြန်ပြီး အနက်ဖွင့်ဖို့ ကြိုးစားနေပါတယ်။

● အုပ်စုစွဲစိတ်လို့ ပြောလို့ လူမှုစိတ်ပညာက ဖွင့်ဆိုတဲ့ Us - Them mentality ကို နည်းနည်း ပြောချင်ပါသေးတယ်။ အဲသည့်အကြောင်းနဲ့ပတ်သက်ပြီး၊ ရှေ့ယခင်က ဆောင်းပါးတွေမှာလည်း ကျနော် ထည့်ရေးထားပြီးသားတွေ အတော်များများရှိပါတယ်။ အခုလည်း နည်းနည်းပြောချင်ပါတယ်။ Us - Them mentality ကို၊ ကျနော်တို့က "ရန် - ငါ စည်း" လို့ အနက်ဖွင့်တယ်။ တကယ်တော့ ရန်သူ့ဘက် - ငါတို့ဘက် ဆိုတဲ့ အုပ်စုစွဲမျဉ်းသတ်မှတ်ထားတာပါ။ "ရန် - ငါ" ပြတ်အောင်ကြည့်.... လို့ နိုင်ငံရေးပရောဟိတ်တွေက ပို့ချဟောပြောတာကို ကြားဖူးကြမယ် ထင်ပါတယ်။ တကယ်တော့ ရန်သူ - မိတ်ဆွေ ဆိုတာက သိပ်ကို အစွန်းရောက်သွားတဲ့ သရုပ်ခွဲမှုဖြစ်ပါတယ်။ တိတိကျကျ ဘာသာပြန်ရရင် - ငါတို့ဘက် / သူတို့ဘက် ဆိုပြီး ဘက်ခွဲတဲ့စိတ်ဖြစ်ပါတယ်။ လူမှုစိတ်ပညာမှာတော့ ငါတို့ဘက် ဆိုတာ [in-group] ကို ညွှန်းတာ၊ သူတို့ဘက်ဆိုတာကတော့ [out-group] ကို ညွှန်းတာ။ ဘက်အစွဲစိတ်က နိုင်ငံရေးမှာလည်း ရှိတယ်။ လူမျိုးရေးမှာလည်း ရှိတယ်။ ဒေသစွဲစိတ်နဲ့လည်း မျဉ်းဖြတ်လို့ ရတယ်။ အယူဝါဒနဲ့လည်း စည်းသတ်မှတ်လို့ ရတယ်။ အမှတ်သရုပ်၊ အကျိုးစီးပွား၊ အဖွဲ့အစည်းအလိုက်လည်း သူ့ဘက် ငါ့ဘက် ခွဲလို့ ရတယ်။ လိင်စိတ်ခံယူမှုနဲ့ပတ်သက်ပြီးတော့လည်း သူတို့ - ငါတို့ ဆိုတာကို ခွဲခြားလို့ ရသေးတယ်။ နိုင်ငံရေးမှာ သူ့ဘက် - ငါ့ဘက် ခွဲခြားတာကိုတော့ polarized politics လို့ သုံးနှုန်းတာပေါ့။ အစွန်းရောက်နိုင်ငံရေးလို့နားလည်နိုင်ပါတယ်။

● မြန်မာ့နိုင်ငံရေးသမိုင်းကို ခပ်ကြမ်းကြမ်း ကောက်ချက်ဆွဲရင် - ကိုလိုနီခေတ်ကာလမှာတုန်းက အမျိုးသားရေးစိတ် ပြင်းထန်ခဲ့တယ်။ အထူးသဖြင့် အမျိုးသားရေးအငုံ့စိတ်က ခေါင်းထောင်ထပြီး၊ အမျိုးသားရေးလှုပ်ရှားမှုအပေါ် ပေါ်ပေါက်လာတာပေါ့။ အဲသည့်မှာက လူမျိုးရေးနဲ့ပတ်သက်တဲ့ အုပ်စုစွဲစိတ်က မောင်းနှင်တာပဲ။ လွတ်လပ်ရေးကြိုးပမ်းမှုကာလတစ်လျှောက်လုံးက သမိုင်းကို ခြုံကြည့်ရင် - အမျိုးသားရေးစိတ်ရဲ့ တွန်းအားကို လက်ဝဲဝါဒထက် အရင်ပေါ်ပေါက်တယ်ဆိုတာတွေ့ရမှာဖြစ်တယ်။ ဗမာအမျိုးသားရေးဝါဒမှာ၊ အကြီးအမှူးပြုရတဲ့ ဗမာ့အမျိုးသားရေးဝါဒီကြီးဖြစ်တဲ့ သခင်ကိုယ်တော်မှိုင်းကို ကြည့်ရင်၊ လူမျိုးရေးအမုန်းစိတ်အခံနဲ့ အုပ်စုစွဲစိတ်ကို အခြေခံပြီး အမျိုးသားရေးစိတ်ဓာတ်ရှိခဲ့တယ်ဆိုတာ သူ့ရဲ့ ဋီကာအရပ်ရပ်က သက်သေပြနေပါတယ်။ အဲသည့်သက်သေပြ ဖော်ထုတ်ချက်ကို၊ သမိုင်းပညာရှင် ဒေါက်တာသန်းထွန်းက "မှိုင်းဋီကာအရပ်ရပ်က နိုင်ငံရေးသဘောတရားအထွေထွေ"ဆိုတဲ့ စာတမ်းနဲ့ လေ့လာဆန်းစစ်ထားပြီးသားဖြစ်တာတွေ့ရတယ်။ ဒီတော့ မြန်မာ့နိုင်ငံရေးသမိုင်းမှာ လူမျိုးရေးအုပ်စုစွဲစိတ်နဲ့ စတင်ပြီး၊ လက်ဝဲဝါဒ တဖြည်းဖြည်း လွှမ်းမိုးလာချိန်ရောက်မှ အယူဝါဒနဲ့ပတ်သက်ပြီး အုပ်စုစွဲစိတ်ဖြစ်လာတာကို တွေ့ရတယ်။ လွတ်လပ်ပြီးခေတ်မှာ အယူဝါဒကို အခြေတည်ပြီး ဂိုဏ်းဂဏကွဲပြားကြတယ်ဆိုပေမယ့် လက်တွေ့မှာ အယူဝါဒချင်း အပွန်းအရှဖြစ်တယ်ဆိုတာထက် ပုဂ္ဂိုလ်ရေးအငြိုးအတေးတွေနဲ့ အာဏာအကျိုးစီးပွားတွေ ခြေချင်းလိမ်ပြီး နိုင်ငံရေးသင်းကွဲမှုတွေ ဖြစ်တယ်ဆိုတာကို ပါလီမန်ခေတ်တစ်လျှောက်လုံးမှာ အထင်အရှားတွေ့နိုင်တယ်။ တကယ်တော့ ပါလီမန်ခေတ် ပုဂ္ဂိုလ်ရေးအငြိုးအတေးတွေဆိုတာကို ပြန်ကြည့်ရင် "ကလေးစိတ်နဲ့ နိုင်ငံရေးလုပ်ခဲ့ကြသူတွေ" ပါ့လားဆိုတာ တွေ့ရတယ်။ စိတ်မကောင်းစရာပါပဲ။ ဒါ့ကြောင့်လည်း နောက်ပိုင်းနိုင်ငံရေးဆရာတွေက "လက်ဝဲသူငယ်နာမစင်မှု" ဆိုပြီး ခေါင်းစဉ်တပ် ပညတ်ကြတာထင်ပါရဲ့။ နောက်ပိုင်းတော့ အယူဝါဒကိစ္စက တဖြည်းဖြည်း မှေးမှိန်လာပြီး၊ ဂိုဏ်းဂဏ အကျိုးစီးပွားက ထိပ်ရောက်လာတယ်။ စစ်အေးခေတ်တစ်လျှောက်လုံးမှာ ဆိုရှယ်လစ်လမ်းစဉ်အစိုးရနဲ့ ဗကပကွန်မြူနစ်အကြားက စစ်ရေးတိုက်ပွဲတွေဟာ တကယ်တော့ ဂိုဏ်းဂဏအကျိုးစီးပွားအတွက် တိုက်တဲ့ စစ်ပွဲတွေပဲ။ အဲသည့်နောက်ကွယ်မှာ ပထဝီနိုင်ငံရေးကိစ္စတော့ ပါတာပေါ့။ ဒါကလည်း စစ်အေးခေတ်မှာ အရှေ့အုပ်စုနဲ့ အနောက်အုပ်စုအကြား အားပြိုင်လွန်ဆွဲတဲ့ အားပြိုင်မှုအဖြစ်လည်း ပါနေတာတွေ့ရမယ်။ အဲဒါဆိုရင် ကမ္ဘာ့နိုင်ငံရေးရာသီဥတုကိုယ်၌က အုပ်စုစွဲစိတ်ရှိတယ်ဆိုတာလည်း တွေ့နိုင်တယ်။ ထားပါ။

● ၁၉၈၈ ခုနှစ်နောက်ပိုင်းကျတော့ - တစ်ဦးချင်းအကျိုးစီးပွားတွေက ပိုပြီး ထင်ရှားလာပြီ။ အဲသည့်အကျိုးစီးပွားတွေကို ဖြန့်ပေးတာက အုပ်စုစွဲစိတ်တွေ။ ဒါ့ကြောင့် တစ်ဦးချင်းအကျိုးစီးပွားနဲ့ အုပ်စုတွင်းအကျိုးစီးပွားတွေဟာ ဒွေးရောယှက်တင်ဖြစ်လာတယ်။ ၁၉၉၀ နောက်ပိုင်းကျတော့ စစ်တပ်ကပါ နိုင်ငံရေးလုပ်လာဖို့ ကြိုးစားလာတယ်။ တကယ်တော့ ဗိုလ်နေဝင်းကလည်း နိုင်ငံရေးခေါင်းကိုင်ဖခင် လုပ်လာတာပါ။ စစ်အုပ်စုကလည်း နိုင်ငံရေးဝင်လုပ်ဖို့ ပြင်လာတယ်။ အဲသည့်မှာပဲ နိုင်ငံရေးနယ်မှာ နဂိုကတည်းက အားကြီးထက်သန်ပြီးသားဖြစ်တဲ့ အုပ်စုစွဲစိတ်က အပြိုင်းအရိုင်းနဲ့ဆက်လက် ပြင်းထန်လာတယ်။ အနီအုပ်စု - အစိမ်းအုပ်စုဆိုတာကတော့ ၂၀၁၁ နောက်ပိုင်းမှ တဖြည်းဖြည်းနဲ့ အင်အားကြီးလာတာ။၂၀၂၁ နောက်ပိုင်းကျတော့ - အုပ်စုစွဲစိတ်က အကျိုးပေးလိုက်တဲ့ ဘေးထွက်ဆိုးကျိုးကြီးက လူ့အဖွဲ့အစည်းကြီးတစ်ခုလုံးကို အကျယ်ပြန့်ဆုံး ကျေးဇူးပြုလိုက်တယ်။

အဲသည့်ကစပြီး၊ မြန်မာတစ်ပြည်လုံး "ဖာ" ဖြစ်ဖို့၊ အရှိန်စ ရလာတာပါပဲ။

2 months ago | [YT] | 17