娛壹 As One

舒淇新作《尋她》
演農婦素顏上陣 樹林暴曬
強忍紫外線過敏之苦
“我演的角色不需要減肥
這是我最開心的”


#舒淇 繼執導電影《女孩》，她在2025壓軸作品，是主演兼任出品人的《尋她》。為演繹電影中母親一角，舒淇不但素顏上陣，還強忍皮膚過敏之苦，兼苦練廣東話全程投入角色。


《尋她》由陳仕忠執導，講述農婦陳鳳娣為尋找失蹤女兒、不惜對抗整個村莊的農婦的故事，戲中飾演陳鳳娣的舒淇，面對不少新挑戰，不僅深入體驗農村生活，苦練嶺南粵語，為更傳神演繹農婦一角，她全程素顏演出，即使長期受紫外線過敏之苦，仍堅持在烈日當空下完成在甘蔗林的外景拍攝。


其實舒淇多年來一直受紫外線過敏困擾，嚴重時甚至無法上妝，要暫停工作，讓皮膚好好休養。因此她每次拍戲時總是厚厚地塗上防曬，保護肌膚免受刺激。當她得知自己在《尋她》中要扮演農婦時，坦言起初心中曾有猶豫，她說：因為自己對紫外線過敏，而這個戲又有很多外景戲份，需要在甘蔗林長時間拍攝。但我看過導演的短片作品後被吸引下來，到底透過這位年輕導演的視角拍出來的陳鳳娣，會是怎樣的呈現呢？所以我最終決定化身陳鳳娣一角，進一步挑戰自我。」


提到與導演首次合作，舒淇坦言每天都在生導演的氣！她幽默說：「我和導演很多時候為了對角色的演繹都在『拉鋸』，都被導演『氣』，比如有些表演我希望能夠有層次遞進，但導演希望我一步到位，這些互動也非常有新意和推動力，也是我最初希望和年輕導演合作的原因。」


她讚賞導演充滿活力，將農村世界描繪得既魔幻又充滿生命力，她指這次拍攝最讓她興奮的是：「我演的農婦角色不需要減肥，這是我最開心的。」

會同拗戲的導演，合作後大讚她專業，「超越了表演層面，是這部電影的靈魂」。」而外間更有不少聲音，指這部是舒淇繼《刺客聶隱娘》後，最震撼的演出。


此外，舒淇在片中同時肩負母親、女兒、妻子多重身份，在男尊女卑的農村社會中壓抑求存，再到一步步喚醒自我；那份內心無法言語能形容的掙扎與勇氣，跟她以往所演過的角色很不一樣，連她也覺這次的演出「特別苦」：「現在很多女性也有這種感覺，好像咬着牙關去生活。為了生活，要遷就各方，被一種不能說出來的力量所束縛，心裡的壓抑很深。」


而處理角色上，舒淇透露有一定難處：「我要思考她如何笑著面對生活，仔細想想，這角色其實過得也不錯，有一個愛她的老公，有個可愛的女兒，婆婆對她也不差，那她還在糾結什麼？所以我要為角色找個方向，怎樣把自己給喚醒，這個過程很觸動我的心。」片中飾演她丈夫的是白客。


#娛壹

6 hours ago | [YT] | 35

娛壹 As One

盧瀚霆《KINGDOM》尾場
「AnsonLo牌掃地機械人」又出動
兩度encore 近12點完場

衷心感謝fans：
做神徒忙過返工！
「因為我呢個好普通嘅男仔
要你哋承受好多情緒上起起跌跌」


#AnsonLo盧瀚霆（撈）一連五場《KINGDOM》演唱會，昨晚（11日）亞博ARENA圓滿結束，撈兩度encore，第二次encore還一口氣連唱五首歌，《Lemonade》、《Take That》、《Rude Boy》、《Gimme Gimme》及《Money》。

晚上十一時半，撈換上粉色睡衣登場，大叫：「弊傢伙喇！十一點半喇，要罰錢喇！」又問大家會否有車走，神徒大叫：「唔走，留喺度瞓！」撈笑：「我本身諗住留喺度瞓，因為我換咗睡衣！」

撈又謂：「大家最想聽我唱嗰首，如果有睇Threads嘅話就知點解我唔唱喇，唔好再問呢個問題（笑）…我知大家好想聽，如果有幸開到第三次演唱會，你哋會唔會嚟聽呢首歌呀？」所指應是《 #角落生物 》。

撈second encore期間，不時卸下一邊睡衣露出小背心，一人在台跳唱《Rude Boy》body wave性感誘人，用盡亞博史上最長T台及小舞台空間，獨缺main stage。之後撈問：「夠皮未？（眾答未）我哋唔可以咁樣做壞規矩，咁樣我會畀人話唔乖。」有main stage fans大叫看不到《Rude Boy》，撈笑：「睇唔到？上網睇啦！下次再睇啦！」全場大笑，又說：「今次演唱會Blu-Ray，好快出，放心

︱隨身物品小禮物 將拍賣籌款捐出︱
開騷前撈曾承諾每場送小禮物給fans——他的隨身物品，這大半年陪著他排舞、聽歌，或獨處的時光，「希望這些我珍而重之的物件，每一晚都能找到它的新主人。」

撈說這些小禮物已交給演唱會監製莊少榮（細榮），「我哋好早已經搞掂咗呢件事，但因為最近社會發生一啲重要事情（大埔宏福苑五級火），我覺得呢個時候送禮物唔係一個好嘅時機…」稱團隊一直有開會研究如何處理，呼籲大家保存票尾。

有fans大叫電子飛，沒得keep實體票尾，撈笑：「Cap screen得唔得？（唔得！）咁用人哋部電話影自己個screen可唔可以呀？（唔得！）又唔可以呀…（無奈）咁定係我唔送大家會開心啲？（唔好！）定係我將嗰幾份禮物拍賣捐咗啲錢出去？（好！）大家OK喎！就咁啦！」

︱自認I人︱
首場撈感言時謂，開騷前壓力很大，又回到23年那種忐忑不安的狀態；第二場他仍有點緊張，之後已完全進入狀態，發言環節更風趣非常，還自認「I人」，一上台才變「E」，與神徒的神奇互動也是I中帶E。來到尾場，撈深感不捨，表示很希望每年能開演唱會，跟每位fans見面，「可以慢慢見到你哋嘅reactions、見到你哋嘅牌（示愛手牌）、手燈，見到你哋要我做嘅一啲指引，雖然有啲好複雜，例如我唱緊歌要我俾飛吻（笑），太複雜做唔到。」

︱「你哋教識咗，愛係大過憎恨」︱
撈續謂感謝fans為了應援他，事前做了很多功夫，「你哋做神徒，仲忙過返工！夜晚又唔瞓覺喎！噚晚又唔瞓覺，去到六點仲發緊片post緊Threads，雖然我都未瞓…」

「去到第七年，我都大個仔喇、30歲喇，30歲都算大個啦？應該係一個成熟穩重、有男人味嘅…我講笑㗎咋…成熟穩重男人味嗰啲就見仁見智啦！係成熟咗啲嘅Anson Lo啦，但到呢一刻，我發覺我都係好需要你哋每一位。你哋成日話我畀咗好多生存動力你哋，但其實你哋教識咗我好多喺社會生存、或者喺呢個industry學唔到嘅嘢。你哋教識咗我得體、體諒別人，你哋教識咗我， #愛係大過憎恨 。」撈在23年《The Stage》演唱會，亦曾提到此句。

︱強忍眼淚：我知道你哋比我更加堅強︱
「因為我，令你哋受咗好多唔開心，你哋好多時睇新聞，可能會見到一啲我嘅負面新聞、出面對我有攻擊性嘅comment，你哋會比我早喊、比我更嬲，激動過我；你哋會因為咁樣，嬲好多人。我好想講，辛苦你哋。因為我呢個好普通嘅男仔，要你哋七年嚟承受好多情緒上起起跌跌，真係…衷心地講聲，好唔好意思。」說畢深深鞠躬。

「我知道你哋比我更加堅強。有你哋嘅支持，令我見到任何令我驚嘅嘢嬲嘅嘢，我都即刻覺得唔再重要。最重要係你哋每一位。」全場齊呼「我愛你」，撈感動得垂頭躬身，強忍眼淚。唱《我的支持型伴侶》前他說：「只要你愛我、支持住我，你就係神徒！」

︱AnsonLo牌掃地機械人
感謝舞者︱
撈亦深深感激演唱會團隊，特別是dancers，他還逐個上前high five，大叫：「佢哋真係好辛苦㗎！又要mark舞、又要有齊整度、又要大力又要柔軟又要開心又要型格又要開心又要sexy，又要趴地又要碌地，又上山下海，辛苦喇！」呼籲全場報以熱烈掌聲。

撈又特別感謝清理現場紙絮的工作人員，此時他猛地想起：「你哋係咪話我係粉紅色嘅人肉吸塵機呀？邊個講嘅！邊個講嘅！一陣冇得執紙絮呀吓…講笑。」其實那位fans笑他是「 #AnsonLo牌掃地機械人 」，其粉紅色拖地長袍將台上紙絮掃得乾乾淨淨，還清空了一條「路徑」。


#娛壹

Skip the Carousel

1 2 3 4 5 6 7 8 9 10

7 hours ago | [YT] | 37

娛壹 As One

殉職消防員何偉豪
今獲追授隊目榮銜
女友KiKi代領 成冥壽禮物

“呢份生日禮物，我知你一定好中意
畢業禮我一定會為你做到最好…
生日快樂 夢中見”



在大埔宏福苑五級火災的 #救火英雄何偉豪，今日獲消防處追授隊目榮銜，表揚他在執行救援工作的英勇無私。追授儀式於沙田消防局舉行，家屬及何偉豪拍拖多年的女友KiKi出席代領。何偉豪的喪禮定於12月19日，假九龍紅磡世界殯儀館以最高榮譽舉殯，隨後前往和合石浩園舉行安葬儀式。


自何偉豪不幸 #殉職，女友 #KiKi 只在社交平台post了一張他生前放狗生活照，表達對他不捨思念，「我個superhero任務完成返咗氪星啦，你係我嘅驕傲……」之後未有更新。


直至今日出席完男友的追授榮銜，KiKi再出post，原來12月是何偉豪的冥壽，這份榮銜成了他冥壽禮物。她寫道︰「呢份生日禮物，我知你一定好中(鍾)意，畢業禮我一定會為你做到最好…生日快樂，夢中見。」


翻查何偉豪的IG，最後的一張相，是2023年12月13日與女友一起慶生的照片，當時KiKi寫道︰「祝何fat邁向廢老快樂👨🏻🦳住洋樓養番狗～頭髮愈黎愈濃密～」事隔兩年，天人相隔，KiKi只盼夢中跟摯愛說聲生日快樂，並盡力辦好他的畢業禮。


唔少網民湧到何偉豪這個2023年生日Post留言「生日快樂」，亦有許多人關心未亡人的身心，叮囑KiKi好好照顧自己，又說︰「香港人陪住你㗎」、「你做嘅一切 佢都會知道的🫂」、「Kiki要堅強生活下去」、「保重🫂 呢份生日禮物佢一定收到，你嘅心意佢一定感受得到🤍。心入面嘅痛我哋都知道，唔使逼自己快啲好返，想掛住佢就掛住，想喊就喊，時間會慢慢撫平一切，大家一齊陪住你，大家都會以佢為榮!」


#宏福苑五級火災 #娛壹

8 hours ago | [YT] | 1,072

娛壹 As One

Anson Lo《KINGDOM》尾場
求飯心切
Tag大寶冰室味蕾炸彈肉餅飯：
好想食呀！你知唔知我幾耐冇食過飯呀？

籲持續支援宏福苑災民
擬拍賣小禮物捐款

授神徒傳遞力量方法：
向不喜歡的上司同事送盧瀚霆相片


#AnsonLo #盧瀚霆（撈）《 #KINGDOM 》演唱會昨晚（11日）圓滿結束，一連五晚，撈在每個環節都有小驚喜。第五晚尾場撈還跟神徒（fans）「講數」（見另文），又不小心自爆「唔食嘢」，遭fans「問責」。

致謝環節上，撈逐一感謝團隊每一位，包括助手John，全場尖叫不絕，反應最熱烈，撈笑：「唔好喊呀John！」又說：「仲有多謝我嘅屋企人！冇咗佢哋嘅話，唔會有我嘅出現啦（笑）！」

︱家人煲愛心湯：
「一定要補充體力，就算你唔食嘢…」︱
撈謂每夜回到家，都會收到家人打氣message，「張枱每晚一定有煲好嘅湯，佢哋話，一定要補充體力，就算你唔食嘢…」說畢即掩嘴叫道：「講咗啲唔應該講嘅嘢！」

撈連忙更正：「係食得好少嘢…」全場fans已經「哦…」聲四聲，「呵責」撈沒注意健康，撈也跟著一齊「哦」，繼續補飛：「咩呀，我有食嘢，食得好少啫！臨瞓前食嘢唔健康㗎！係咪呀？」全場「哦」聲更大，撈力挽狂瀾：「食宵夜瞓唔到呀！瞓唔着咪仲唔好！但我六點先瞓（大笑），OK，我哋move on！」

︱tag「大寶冰室」：好想食飯呀！︱
第一次encore，又回到「唔食嘢澄清大會」，他說：「坦白講，我冇節食呢樣嘢，我冇唔食嘢，我係轉食啲健康嘅嘢…」全場再「哦…」撈沒好氣：「我冇唔食嘢呀！我係食咗菜先！做乜『哦…』啫！我真係有食嘢！」

話題一轉，他忽然提起元朗 #大寶冰室 ，表示：「最近你哋又引誘我，你哋啲Threads唔知點解，尤其呢幾日，好紅嘅…係咪元朗呀？大寶冰室係咪呀？被譽為全亞洲最優秀嘅肉餅飯！呀！好想食呀！好想食飯呀！你知唔知我幾耐冇食過飯呀？除咗排舞食飯團之外！真係幾耐冇食過白飯！真係…」

撈說漏了嘴很久沒「湊米氣」，全場再「哦」聲四起，撈急道：「唔係唔係…咩呀，都話我有食，食得少…」見未能平息fans疑惑，他急得叉腰叫道：「我食飯，你哋邊有人魚線睇呀？」

︱「我真係要搵一晚去食下先！」︱
之後撈又說：「個肉餅真係好好食呢？話咩『味蕾炸彈』，我想問在座有冇人食過？唔得，我真係要搵一晚去食下先！係咪真係咁好食㗎？」又笑：「其實我想帶出嘅point係，我真係好想食嘢！我真係好想食啲好罪惡感嘅嘢！」

他承認這一年為籌備演唱會，對自己要求勁嚴苛，「好擔心大家對2023年嘅《The Stage》第一次演唱會之後，對我嘅expectation會大咗好多，which is係好make sense嘅，畀着我，我都會諗，佢會點樣level up再進步呢？」

︱籲持續支援宏福苑災民︱
撈談到近月及開騷頭場壓力爆煲，身心煎熬疲倦，亦十分沮喪，一來排練密集，還發生了大埔 #宏福苑 慘劇，故更希望透過演唱會傳遞愛，「大家唔好停止關注大埔受影響嘅市民，因為佢哋好需要我哋長期做後援、關注，希望大家繼續畀多啲鼓勵、愛畀大埔受影響嘅市民。」

「今次事件提醒咗我哋，其實大家好需要互相關心、互相畀support，我好希望，尾場喇，我知好多都係I人，其實我都係I人，好I個I。我希望大家同隔籬對望0.1秒啦！呀好尷尬！」又怪叫：「望隔籬！唔係望住我！」

︱向不喜歡的人送盧瀚霆靚相︱
之後撈續談「傳遞力量」這回事，話題轉為較輕鬆，還教大家怎樣將這份力量跟上司、同事分享，特別是那些你不喜歡的人。

撈一臉正經教路：「唔鍾意唔緊要，愛唔到呢，一時三刻係難嘅，你就…畀Anson Lo張相佢睇，『你好呀…』之後唔好講嘢…」配以「送相」動作表情：「佢奈你唔何㗎！（攤攤手）但你就宣揚咗愛喇！」說畢滿足一笑，續說：「可能有一日，佢又show番Anson Lo張相畀你睇呢…」全場報以熱烈掌聲。

撈最後說，希望大家帶著這五場每個感動moment走下去，還叮囑每位返家後要在社交平台tag他報平安，「睇唔晒嘅，但係我盡力會睇晒佢！」又甜笑派大心送飛吻，以神徒示愛語句回報大家：「我愛你哋呀！豬！」

︱「我真係有食飯！」︱
撈受訪時，談到《Rude Boy》那條展示人魚線的超低腰緊身褲，承認第四場褲頭爆鈕，幸因為太窄身，沒有滑下。他稱為挑戰這條褲，「腰要夠瘦、人要夠lean先著得起」，開騷前一星期盡最後努力減剩餘脂肪，結果越跳越瘦，要不斷改窄褲頭，現時腰圍26吋。

「我唔係冇食飯呀！我真係有食飯！而家又變咗健康台環節…」澄清只是視乎當日體力消耗，節制飲食，「會分清楚嗰日要食啲咩，咁就會達到好lean嘅效果喇！」完騷慶功，他笑言要瘋狂食飯，又說：「我應該唔會畀自己放肆嘅，大家見到嘅腹肌、人魚線，我係plan要keep住，去到呢一世…我想plan係，如果有個工作要我而家除衫，我都會，哦，OK!」

談到大寶冰室，撈大笑：「而家所有social media都講緊大寶冰室肉餅，講到好誇張好好食，搞到我呢幾日都好想食！深夜我碌緊Threads大家啲片，但唔知點解每十條片突然間就會有肉餅飯嘅嘢飛咗出嚟…宵夜時段大家最想食嘢，係好痛苦…可能呢一兩日就去試下。」


#娛壹

Skip the Carousel

1 2 3 4 5 6 7 8 9 10

11 hours ago | [YT] | 33

娛壹 As One

小S將金鐘獎
送母親填補悲傷心洞

S媽收後激動落淚
“這能補上我的心”
大廳放遺照思念大S


台灣藝人 #徐熙媛(#大S)離世大半年，徐家至今仍未走出悲傷。#小S( #徐熙娣)更因痛失愛姊停工多時，直至今年10月才現身第60屆金鐘獎，與拍檔派翠克憑《小姐不熙娣》獲「綜藝節目主持人獎」，當時領獎的小S淚流說︰「我媽說她心裡有一個很大的洞，她說如果我今天得獎的話，她內心的洞或許會填滿一點，所以媽，這個獎獻給妳，妳把這個獎跟珊珊的照片放在一起，我相信妳的洞很快就會被填起來。」


今日小S在社交平台上載片段，片中 #S媽 收到能填補她心洞的獎項，看著她打開盒子，拿起獎項已激動得熱淚盈眶，且說︰「這能補上我的心，謝謝我的寶貝。」網民從片段還看到徐家大廳，放了大S一幅大遺照思念愛女。


把金鐘獎送給媽媽後，小S表示：「我會繼續努力，讓媽媽以我和姐姐為傲，永遠愛你，媽媽。」她更用AI技術，合成一家四口的合照，連同獎座入鏡，彌補現實的遺憾。


大S猝逝，其低調善行陸續被揭。有網民自爆曾受助大S，其中一位自稱陜西人，2013年因家中發生變故，繳不出8900人民幣大學學費，於是在微博上關注了一些明星，私訊想要借錢，結果只有大S回覆，了解後匯款了2萬元人民幣給她。當網民收到這筆應急錢，起初也不敢相信，之後向大S表示會還給她，但大S未幾就取消關注。該網民最後雖沒完成大學，但心中惦記她的恩情。另有網民指大S曾資助一名內地母親30萬元人民幣，讓她為罹患白血病的女兒醫病。


#娛壹

12 hours ago | [YT] | 70

娛壹 As One

宏福苑五級火
消防處向殉職何偉豪
追授隊目榮銜 表揚無私精神


消防處助理處長陪同家屬
觀看市民致送鮮花及心意卡
12.19以最高榮譽喪禮舉殯 後葬浩園


上月在大埔宏福苑五級火，多名罹難者中包括救火殉職的 #消防員何偉豪。今日消防處(11日)表示為已故屬員何偉豪舉行追授 #消防隊目榮譽職銜 儀式，以表揚他在執行救援工作期間，展現典範的服務及無私精神。


追授儀式於沙田消防局舉行，消防處處長楊恩健向何偉豪頒授、追授函件及消防隊目階級章刺繡，由何偉豪家屬代表接受，包括他拍拖十年的女友KiKi。新界北總區的屬員亦在場見證。


消處助理處長（新界北）鄧榮華，今日出席儀式並陪同何偉豪家屬觀看市民致送的鮮花和心意卡，相中年邁家屬由親友攙扶的悲傷背影，令人心痛。


終年37歲的何偉豪，於2016年投身消防員，隸屬沙田消防局。消防處指服務約九年的他，一直表現優秀，克盡職守，並在多次執行滅火救援任務中英勇無畏，充分體現「救災扶危，為民解困」的消防使命。


何偉豪的喪禮，將於12月19日在九龍紅磡世界殯儀館以最高榮譽喪禮舉殯，隨後前往和合石浩園舉行安葬儀式。


#宏福苑五級火 #娛壹

14 hours ago | [YT] | 885

娛壹 As One

《全民造星VI》
Kai Cheung 30強止步
成網民投選「第11人」復活大熱惹是非
回應欠債及棄養指控
“曾因小生意而欠下30 萬款項
因此只能返地盤還清”

解釋代友暫托雪橇犬「喪標」
“經過五個月嘅相處
最後亦歸還原主人”


被foul後keep住有機會
“好慶幸被選中可以同到古生拍電視廣告”



《#全民造星VI》昨晚(11日)一集進入20強，貫徹以往5季，由賽制到被淘汰的人選都惹爭議。上周第5組，打頭仗演出自選項目《RISING》，獲得一致高度評價，但最後竟輸俾對手第2組，令彈琴兼唱得的 #KaiCheung，及識編曲的 #HarryKwan 齊齊被foul，30強止步。唔少網民替二人不值，在今季新增網民投選「第11人」復活中，大比數投向他倆。，昨日官方公佈的「復活十強」走勢，的Kai Cheung名列榜首，連導師 #GinLee 也留言給他︰「你贏咗大家嘅心。好開心你嘅好被更多人看見，要繼續追夢知道嗎？」Harry Kwan則排行第三。


【被指棄狗 「彈J」片現兩極聲音 Highlight保留片段讓大眾判斷】
當上「第11人」復活大熱，Kai Cheung卻在此時流出是非。有網民在Threads貼出Kai Cheung前女友的昔日限時動態截圖，指控Kai欠債及棄養狗狗。更有網民post了Kai Cheung在highlight分享，責備暫托的雪橇犬「喪標」片段，指他「彈J虐狗」。


從片段所見，疑是Kai 的男子，拿著類似衣架扭成的物體向「喪標」pat pat打一下責備，至於「彈J」的動作，當時 Kai邊讓「喪標」咬著他手玩耍，邊說︰「咬呀、咬呀！」然後手指向「喪標」下體附近彈了幾下，不過「喪標」未有露出痛苦表情及聲音，並繼續咬著他的手玩耍，疑只是輕力。而該片段仍留在Kai Cheung IG的「喪標Highlight」，讓大眾自行判斷。當中還收藏不少他與喪標的相處點滴，如頑皮的喪標將口罩紙巾咬爛撒滿一地，及黐實主人Kai撒嬌等。


【曾做地盤還債】
現年25歲的Kai Cheung，比賽時已透露曾到地盤工作，昨日他就網上欠債及棄養狗狗指控回應，他說因感到委屈，故必需向大家解釋清楚。「本來並唔打算回應呢件事...但確實睇完有啲難受同委屈。等我係度同大家簡單講解下！


【感謝前度助度難關】
坦言自己亦曾因小生意而欠下30 萬款項，因此只能返地盤還清🥲唉，呢個時勢生意確實難做...就圖文中提及的『女朋友』確實有幫助我度過難關，亦感恩過去嘅人守望相助，其實事情已經過去咗數年。亦得知對方有一個愛錫自己嘅伴侶，感到安慰。希望大家唔好騷擾他人！


【與狗狗『喪標』留下歡樂片段】
至於棄養一事，他澄清是暫托，故最後歸還主人。
「本人事實曾經收養一隻，我名為『喪標』的哈士奇🤣🤣其實小狗係一位親戚朋友，因為狗媽媽，意外懷孕而生出6 隻嘅其中一隻！但因家居條件難以即時應對情況。而我得知事件後，亦因一直都非常喜歡小動物，所以申請暫時托管領養！但可想言之(可想而知)哈士奇嘅成長速度的確真係太快...而我嘅舊居處都無法容納『喪標』🥲因為想小狗有個舒適而健康快樂嘅環境，因此經過五個月嘅相處，最後亦歸還原主人！現在亦過上開心愉快嘅狗狗生活生活！現時本人亦有養五隻小貓，亦都視為自己嘅兒女。本人亦都反對棄養問題，亦在考慮到現今經濟狀況，及居住環境先作次決定！感謝各位。」因火速回應，唔少網民在Kai該post留言表示繼續支持，並他一票。亦有因「彈J」片，有網民留言指責他，出現兩極聲音。


【由渾噩社畜 到決心追夢】
他在IG亦寫下30 強止步感受，指自己由一個渾渾噩噩的社畜，到下定決心追夢，改變了人生。「可能我嘅人生經歷得太多高低起伏，所以凡事都諗得比較現實。唔係立志做啲咩大明星，而我參加造星嘅理念，係想搵返為未來努力而失去少年時最純粹嘅表演興趣。」


【將與古生合作】
由於比賽中，他常擔起大哥哥角色，安撫失意的組員提拱情緒價值，因此甚得友誼。被foul後唔少網民鬧爆幾位評判，不過Kai反而因此被更多人看見，除登上網民投選「第11人」復活榜首外，還被選中拍廣告，他說︰「好慶幸被選中可以同到古生拍電視廣告！俾個叻自己！！！」


#娛壹

15 hours ago | [YT] | 43

娛壹 As One

專訪︱
佘詩曼 高處未算高
「希望係再高峰啲！都未去到最後一日，唔知幾時係最高！」

媽媽患病 契爺許紹雄離世 立定遺囑
「生老病死係一個定律，都係要放輕，如果下下都咁樣，我諗我會頂唔順，所以要去tune自己放輕心情。」

人大了考量多了
「有時唔出手，可能比硬碰硬更有智慧，即係呢樣嘢我覺得大家可以諗一諗，唔係一定要意氣用事！」

#佘詩曼 站在不少人夢寐以求的位置，但她覺得還未夠。
「都未去到最後一日，唔知幾時先係最高。」
一句話，藏著一團燒了多年都未熄的火。
她從不掩飾野心，「我唔希望係（高峰），我希望再高峰啲！哈哈哈！」
五十歲，她不只凍齡，更在燃燒。
人生下半場，火越燒越旺。

【唔係極致 就盡量啦】
「極致」二字很適合放在阿佘身上，把這詞拋給她，她立刻Man姐上身，擺出招牌甫士，聲線瞬間變化：「等我話畀你聽，乜嘢叫新聞嘅極致，係咪咁呀？」

笑完，她收起鋒芒，非常認真地說：「極致真係好勁，要好有信心先至講到呢樣嘢出嚟！我只可以講，我同Man姐一樣，每樣嘢只係想做到最好，係咪極致係人哋去評價，但起碼你有呢個心同埋呢個做法先至得。對自己要求高，係嘅，希望每一次都有進步，咁唔係極致，就盡量啦！」

她對自己要求高、對自己狠，但她要的極致從不凌駕於人。她說，話可以有很多種說法。
「我自己親身經歷過或者感受過，其實講嘢有好多種方法，尤其是想人哋去做一樣嘢嘅時候，你唔應該用挑剔嘅態度去同人講，即係會聽得舒服啲，或者係講嘢溫和啲，你一樣可以達到嗰個目的，咁你點解要咁挑剔？同埋人哋冇必要去聽你講。

「我覺得天外有天，人上有人。其實幾叻幾叻，喺呢個地球上面都係一粒（微塵）咁樣之嘛。你好叻，人哋仲叻，咁其實你有幾叻？我自己覺得生活得開心，對得住自己嘅職業或者人生，咁咪得囉。講真，我唔覺得自己有幾勁喎！」

【情緒化但又好識control】
她自爆弱點時，笑得最大聲：「我嘅弱點一大堆，情緒化但又好識control，唔知係情緒化先至可以做演員，定係演員令到我情緒化，自己都未分得清楚係點樣，亦唔想去考究，最緊要係，自己要識得控制情緒。而家生活壓力咁大，大家做嘢、生活都係咁樣，我覺得唔好谷住，有啲乜嘢其實要適當地發洩出嚟、抒發出嚟、搵朋友傾，都係好事，好過谷住谷住自己！我都係咁樣，當然做嘢唔會發脾氣，但係返到屋企會同朋友呻下，釋放出嚟就會舒服好多！」

網民負評，她向來照單全收。
「好嘅唔好嘅都會睇，好嘅梗係開心，唔好嘅會參考，因為你要接受唔同嘅聲音，我都會接受、考慮同參考。人哋唔會無端端咁講，講得一定有原因，所以負面聲音都要聽，如果唔係就唔會進步。」

【阿佘強　佘媽更強】
劇裡Man姐有個氣場強勁的養母，現實中，她有個更強的媽媽。佘媽早年喪夫，獨力養大子女，現在還在力抗病魔，卻從來沒讓「攰」字越過嘴唇半步。

說起母親，阿佘有一份特別的敬意：「而家接受好多治療，你估唔辛苦咩？冇可能啦！都好少聽到佢講『好攰呀、好辛苦呀！』，或者係『我放棄喇！』唔會囉，佢好積極咁去面對佢嘅人生，同埋佢每一日都好善用佢嘅時間，比我更加勁。」

佘媽每天把自己打扮好，出門見朋友，活動多多。阿佘心疼，忍不住問：「喂，你使唔使抖下呀？係唔係一定一個禮拜七日都出足呢？」
母親總是笑著反問：「咁我留喺屋企做乜呀？」那句話像一陣風，把阿佘吹醒，「見到佢出到街，或者去玩，其實即係佢自己身體可以afford到，係一件開心事嚟嘅。佢好樂觀咁去享受佢嘅每一日，呢樣嘢係值得我哋學習嘅地方！」

佘媽是她生命中那盞最亮的燈。
「由細到大佢都係我嘅榜樣，無論係對人、處事，媽咪講過一句嘢，『你鬧人又係講一句，你讚人又係講一句，咁點解你要選擇用鬧人嗰句講呢？點解你唔用好啲嘅方法講，都係一句嘢，令到大家都舒服。」阿佘忍不住讚美：「佢真心勁，堅勁！」

從小到大，母親給她的不是高牆，而是整片天空。
「佢係好自由嘅教育，從來都唔管我，譬如細個反叛期，佢由得我去所謂嘅壞，其實都係放學唔返屋企嗰啲，佢由得我去，由得我情緒化。其他媽咪會鬧『你做乜仲唔返嚟呀？』佢就會話『你有啲咩嘢唔開心呀？你做咩事呀？你返嚟先啦，你返嚟同我講啦！』變咗我會願意同佢講。」

【早已預立遺囑】
母親的病、契爺許紹雄的離世，讓她學習把生死看淡。
她說，這幾年她慢慢學懂了，生老病死是一條所有人都在走的路：「好多嘢都睇化。」
她早已立了遺囑，「死亡等於永遠消失」，這幾個字曾經很扎心，如今她卻能輕輕出說口。
「講呢件事好恐怖，永遠消失咗，咁呢個永遠消失係每個人都會經歷嘅事，咁每個人都會經歷，全球咁多億人口，咁係唔係唔使睇到咁重呢？係好難嘅，但係咁都係要學，因為你越嚟越大嘅時候，身邊會多咗呢啲事，如果你下下都咁樣，我諗我會頂唔順，所以我要慢慢學習、去tune自己點樣去放輕心情，去對待呢一件事。」

她說，放下之前先要接受，像先把結解開才放得下線。
「其實你要接受咗，先至可以放下，都係同一樣嘢嚟，你直接講話放下，講就易啦，咁容易放下就唔會捏緊啦，咁你係要接受咗，即係自己去解咗你個腦裏面或者心入面嗰個結，或者嗰個疑團，或者嗰件事，你先可以釋懷放下。」

【銀包填滿 唔憂柴憂米】
人大了，比年輕時「怕死」。阿佘指所謂的怕死，是人大了，顧忌多了，但她把這份怕說得很坦然。
「正常嘅，因為你有經驗累積令到你去判斷件事值唔值得去做，唔係怕唔怕死，勇唔勇敢，係值唔值先？我有冇咁嘅需要先？呢樣嘢係人大咗會考慮嘅嘢，有時唔出手，可能比硬碰硬更有智慧，我覺得大家可以諗一諗，唔係一定要意氣用事！」

她曾說過，女人一生要填滿兩樣東西，其中一樣要好滿：腦或銀包。她選了後者，也沒打算否認。
「銀包填滿，唔憂柴憂米。」她笑了笑，「我唔覺得自己好叻，要學嘅嘢實在太多，呢一世都學唔晒，盡量都要填滿，對自己有個保障。」

她語氣中沒有半點炫耀，只有一種看透世事的篤定。想到她為劇中自度的金句，其實也寫給了自己：「選擇遲一步，成功遠一步。」

她早就把最難的那幾道選擇題，靜靜地答完。
剩下的路，她只管走，不急，也不回頭。
因為最佳的選擇，她早已作了。

撰文：肥A、Dvora
攝錄：Moon Leung
服裝：Ferragamo @ferragamo
飾物：Apm Monaco @apmmonaco
場地提供：Artyzen Club雅辰會 @artyzen_club

Skip the Carousel

1 2 3 4 5 6 7 8 9 10

23 hours ago (edited) | [YT] | 252

娛壹 As One

F4重組騷
朱孝天被飛出局
點名指遭主辦「相信音樂」高層抹黑

網民反指不領情
力證促成上海騷五月天阿信
曾開live暗示歡迎歸隊

三子公開感謝阿信：帶著我們實現這個夢想



男團 #F4 解散多年，日前推出跟 #周杰倫 和 #五月天 阿信合作新歌《恆星不忘 Forever Forever》，四子中惟有朱孝天未有出現，而由台灣「相信音樂」促成重組，並即將舉行的上海騷，他也同樣被飛出局。

前日（8日）朱孝天開直播，表示遭單方面切斷聯繫，甚至點名「相信音樂」高層艾姐潑髒水抹黑，不過大部份網民並不認同，更支持「相信音樂」採取強硬姿態，甚至引用五月天《終結孤單》歌詞嘲諷朱孝天「約你你說不來，來了你又不嗨」。

有網民撐「相信音樂」一直支持F4合體，因阿信較早前開live，(公司「相信音樂」由音樂人陳勇志和五月天共同創立，並由五月天阿信所命名)除提及艾姐為促成他們合體，經常在兩岸飛來飛去「里數多到足以繞地球兩圈」，還講到舞台歡迎新、舊朋友，暗示接納朱孝天隨時歸隊。只是朱孝天未有領情，甚至與「相信音樂」反面。

有網民就發現今年7月，朱孝天在南京開騷，艾姐與五月天都分別送上花籃祝福圓滿順利，斥朱孝天不懂感恩。
至於被點名潑人髒水，「相信音樂」僅表示「不予回應」，但阿信的經理人「小肉包」則在Threads寫道：「請回頭看看自己先唷。」

而在下星期五（19日）起在上海舉行的合體騷，已於今日下午開售，4場共約5萬張門票極速被掃清，「相信音樂」感謝歌迷支持，F4餘下的3位成員言承旭、吳建豪、周渝民亦向阿信致謝，吳建豪說：「不管怎樣，好好把握每天，做該做的事，希望能把這件事好好完成，我們3位也很想說聲謝謝阿信，願意陪我們做這件事！」言承旭也說：「第一次站上大巨蛋後，現在人生還有想像不到的體驗，謝謝阿信帶著我們實現這個夢想。」

#娛壹

1 day ago | [YT] | 66

娛壹 As One

《內幕》票房報捷
郭富城瞓身演出 被張文傑勒頸
再糾纏吳鎮宇打到碌地

導演麥兆輝借電影提醒善心人：
希望觀眾搵到負責任的慈善機構捐款


#麥兆輝，編導的犯罪懸疑電影《 #內幕 》，以慈善基金洗錢內幕為題材，講述在正義下，充斥洗黑錢、買凶殺人、販賣毒品等內幕。電影上周六（6日）上映，成為「華語片單日票房冠軍」及「連續3天華語片冠軍」， #郭富城 、 #吳鎮宇 分別飾演良知大律師及智勇幹探，當中有不少打鬥場面，是兩人相隔25年後再度合作。

今日（10日），電影公司再釋出觀眾熱議的動作場面花絮，其中包括城城親身上陣，跟武指學踢連環腿，被威吔吊起再轉身失平衡，然後遭張文傑勒頸，及後以鉸剪腳擊倒，最後被掛勾吊到半空的動作鏡頭。另外，還有他與吳鎮宇埋牙搏鬥叉頸，並齊撲避過爆炸的瞓身演出。

而在戲中有不少動作戲，要消耗大量體力的吳鎮宇，早前在訪問中便笑指張文傑「乞人憎」，因其中一場兩人跑樓梯的追逐戲，當他上氣不接下氣時，張文傑便刻意放慢腳步：「佢問要唔要慢點遷就我，我見佢跑樓梯時，特登回望我而延遲2秒，雖然我演嘅警察體力麻麻，也唔可以相差太遠，因為鏡頭需要見晒兩個人。」

對於開畫票房成績理想，導演麥兆輝表示：「《內幕》籌備三年，探討慈善背後的議題，希望大家喜歡，更能找到負責任的慈善機構捐款。」

#娛壹

1 day ago | [YT] | 61