BBC News Nepali

भारतको सबैभन्दा ठूलो राज्य उत्तर प्रदेशको उच्च अदालतले इस्लाम धर्म अपनाएका र मुस्लिम महिलासँग बिहे गरेका एक पुरुषमाथि लगाइएका प्रतिबन्धहरू हटाउन आदेश दिएको छ।

आफ्ना बुवाको इच्छाविपरीत बिहे गरेपछि आफूलाई कानुनी प्रतिबन्धमा राखिएको भन्दै आयुष मलिकले अदालतको ढोका ढकढक्याएका थिए।

गलत ढङ्गले छोरालाई प्रभावित पारिएको भन्दै उनका बुवाले धर्मान्तरविरुद्धको कानुनबमोजिम निवेदन दिएका थिए। तर अदालतले धर्म रोज्न र इच्छानुसार बिहे गर्न आयुष स्वतन्त्र रहेको निर्णय सुनाएको छ।

#BBCNepali #India #Religon

15 hours ago | [YT] | 63

BBC News Nepali

पृथ्वीको सतहमा भण्डार भएको ताजा पानी गम्भीर रूपमा घटेको संयुक्त राष्ट्रसङ्घले जनाएको छ।

नदी तथा तालहरू सुक्न थालेका र हिमनदीहरू सङ्कुचित भइरहेका बिहीवार सार्वजनिक एउटा प्रतिवेदनमा जनाइएको छ।

पानीका स्रोतसम्बन्धी संयुक्त राष्ट्रसङ्घको वार्षिक प्रतिवेदनले पनि जलवायु परिवर्तनका कारण बढ्दो अनपेक्षित मौसमी प्रवृत्तिले बाढी र सुक्खा दुवै निम्त्याउने औँल्याएको छ।

यसले एशिया र अफ्रिकामा गम्भीर असर पर्ने प्रतिवेदनले चेतावनी दिएको छ।

#BBCNepali #Water #Nature

15 hours ago | [YT] | 58

BBC News Nepali

'छ महिनादेखि धुवाँइरहेको' नवलपरासीको भीर पुगेका विज्ञहरूको हालसम्मको निष्कर्ष
पूरा सामग्री : bbc.in/3UNAeUW
#BBCNepali #Geology #Science

Skip the Carousel

1 2 3 4 5 6

16 hours ago | [YT] | 47

BBC News Nepali

जापानको नागोयामा भइरहेको २०औँ एशियाली खेलकुदमा नेपाली महिला भलिबल टोली लगातार दुई खेलमा पराजित हुँदै प्रतियोगिताको दोस्रो चरणमा प्रवेश गर्न विफल भएको छ।

बिहीवार इन्डोनेशियासँग पनि ३-० को सोझो सेटमा पराजित भएपछि नेपालको अगाडि बढ्ने यात्रा समाप्त भएको हो।

नेपाली महिला टोली २५-१२, २५-२१ र २५-२० ले अङ्क गुमाउन पुग्यो।

समूह 'ए'मा रहेको नेपालले अघिल्लो दिन बुधवार आयोजक जापानसँग पनि ३-० को सोझो सेटमै हार बेहोरेको थियो।

विश्व भलिबल वरीयतामा नेपाल ६८औँ स्थानमा छ भने इन्डोनेशिया ५३औँ स्थानमा छ।

एशियाली खेलकुदको औपचारिक उद्घाटन आगामी शनिवार हुने भए पनि लामो समयसम्म चल्ने केही खेलहरूको प्रारम्भिक चरणका खेलहरू भने सुरु भइसकेका छन्।

#BBCNepali #AsianGames #Volleyball

18 hours ago | [YT] | 65

BBC News Nepali

नेपालको बाढीबारे अन्तर्राष्ट्रिय वैज्ञानिकहरूले गरेको ताजा अध्ययनको निष्कर्ष
पूरा समाचार : bbc.in/3TyEKWY
#BBCNepali #NepalFlood #ClimateChange

19 hours ago | [YT] | 54

BBC News Nepali

अदालतले संसद् नियमावलीको कुन व्यवस्थामा रोक लगायो? यसका अर्थ र असर केके हुन्?
पूरा समाचार : bbc.in/4yCWkrz
#BBCNepali #NepalPolitics #RSP

20 hours ago | [YT] | 36

BBC News Nepali

अर्थमन्त्री डा. स्वर्णिम वाग्ले तीन दिने भ्रमणमा आज भारतको नयाँ दिल्ली प्रस्थान गरेको अर्थ मन्त्रालयले जनाएको छ। विपद् परेका बेला राखिने सहयोगको आकाङ्क्षाबारे तपाईँको के विचार छ? लेख्नुहोस्।
#BBCNepali #RasuwaFlood #IndiaVisit

1 day ago | [YT] | 58

BBC News Nepali

अचेल चिनी किन्न बजार जानुभएको छ? अनुभव कस्तो छ? कृपया कमेन्ट गर्नुहोस्
सम्बन्धित समाचार : bbc.in/46rGioG
#BBCNepali #Market #Consumers

1 day ago | [YT] | 77

BBC News Nepali

नेपाल र बाङ्ग्लादेशबीच ३ वटा टी२०आई खेलको क्रिकेट शृङ्खला हुने भएको छ।

उक्त खेल सन् २०२७ को मार्च २६, २८ र ३० तारिखमा काठमान्डूको कीर्तिपुर क्रिकेट रङ्गशालामा हुने नेपाल क्रिकेट सङ्घ (क्यान)ले जनाएको छ।

नेपालले वेस्ट इन्डिजपछि टेस्ट राष्ट्रसँग द्विपक्षीय शृङ्खला खेल्न लागेको यो दोस्रो पटक हो।

नेपाल क्रिकेट सङ्घका व्यवस्थापक विनोद दासले लामो समयको प्रयासपछि बाङ्ग्लादेश क्रिकेट बोर्डले नेपालसँग खेल्न समय निकाल्न सकेको बताए।

उक्त शृङ्खलालाई नेपालमा हालै रसुवामा आएको बाढीमा ज्यान गुमाएका व्यक्तिहरूको स्मृतिमाति समर्पित गरिने क्यानले जनाएको छ।

#BBCNepali #NepalCricket #T20I

1 day ago | [YT] | 276

BBC News Nepali

चाडबाडको मुखमा चिनीको अभाव भएको हो कि उपभोक्ता आत्तिएका हुन्?
पूरा समाचार : bbc.in/3UUOI5o
#BBCNepali #Sugar #ConsumerRights

1 day ago | [YT] | 27