Invidious

Artıq sabah Avroviziya 2021-in rəsmi açılış mərasimi baş tutacaq və biz 12 Xal olaraq hər şeyi sizin üçün Azərbaycan dilində şərh edəcəyik.

Lakin hər kəsə məlumdur ki, bu mərasim müəllif hüquqları ilə qorunur və biz onu sırf özümüz sizlər üçün təqdim edə bilməyəcəyik. Bu necə olur və siz bizim şərhimiz ilə bu mərasimi necə izləyə bilərsiniz?

Cavab çox sadədir. Sizlər üçün foto-təsvir hazırladıq. Mərasimi Azərbaycan dilində şərh ilə izləmək üçün siz sadəcə ekranı 2 yerə bölmeli olacaqsınız. Bir tərəfdən bizim şərh efirimizi digər tərəfdən isə Avroviziyanın rəsmi efirini qoyacaqsınız. Əgər səslər arasında fərq olsa birini pauzaya qoyaraq bərabərləşdirə bilərsiniz.

Mobil telefon vasitəsilə bunu necə etmək olar? Cavab yenə də sadədir. Efirlərdən birini YouTube mobil əlavəsində digərini isə brauzer vasitəsi ilə aça bilərsiniz.

"Niyə özümə bu qədər əziyyət verməliyəm, ondansa gedib birbaşa rəsmi efiri izləyərəm" — deyirsiniz? Bizim efirdə siz hər şeyin Azərbaycan dilinə tərcüməsini eşidəcəksiniz və bir çox digər azərbaycanlı fanatlar ilə danışmaq imkanınız olacaq!

Əgər hər hansısa sualınız yarandısa, çəkinməyin. Sizi maraqlandıran bütün məqamlara bu postun şərh bölməsində cavablandıracağıq.