ገብር ኄር ቲዩብ Gebr her Tube
ጉባኤ ቃናበዓልተ ጥሪት ኮነት ወለተ ዳዊት ሳዊሱ፤ዘዮም እደው እስመ ጥሪተ የኀሡ።ሐሊብ ወቅብዕ ወሥጋ ነገስተ ኪራም ወነዌ፤ግበሩ ስምዕ ዘሀሎ ግበረክሙ መርዓዌ።ዘአምላኪየለእንተ መርዓት መካህ ዓለመ ምልክዓም አሌ፤በወርቅ እስመ ወለጣሃ ለነፍሱ ድንጋሌዘከመ አበው ኢይበል በሀልተ አበው ሀሌ።ዓለማውያን እደው መነኮሳተ አቅልሉ፤ዘተውሕጠ እስመ ኢተረፈ ወተከስተ ኩሉ፤ሰብአ ሰብአ ኢይበሎሙ ለእሉ።ሚ በዝኁመትልወ ሰሎሞን ሑር ወእደ ሀሎ መርዓት ዘመደ ሥጋ ምድረ ዐፀባ፤ለዘመደ ሥጋ መርዓት እስመ በአካል ትረክባ፤ወለእመ ዘመድ መርዓት ኀሠሥካ ለሊከ ኢይከልአከ አባ።ዋዜማኢታርኢ መነኮሰ ለወለተ ዳዊት ወላድ ወለተ ዳዊት ሠርዌ፤መነኮሰ ለእመ ትሬኢ ኢይብልዓ አርዌለወለተ ዳዊት ፈራህ መነኮሰ ዝ ጽማዌ፤ዳእሙ ለእህት እንተ ነነዌ፤አሪእያ ሠናየ መርዓዌ።ሥላሴኢቀዋሚሆሙ ለአሚነ ኪሩቤል ወሱራፊ ወጽድቀ አፍኒን ጻድቅ ጻድቃነ ታሕቱ ወላዕሉ፤ቅብዐተ ለእመ ረከበ ቅብዐተ ይተሉ፤ወእመ ጸጋ ይረክብ ምስለ እለጸጋ ይሄሉ፤ወለተዋሕዶ እንተ ያደሉ፤ብእሴ ይመስል በአምሳሉ፤ለዘጠፍአ ወኢኮነ ኩሉ።ዘይእዜእፎ ትርኅቅ ዘእመርዓዊ ወኀበ መርዓዊ ትጸልዕ ዘመደ መርዓዊ አሐዱ፤እስመ ኀቃፊሃ ወሰዋቂሃ መርዓ ዮሴፍ ወመርዓ መርዓዊ ወዛብሎን እዱ፤ለእደ ይሁዳ ወስምዖን ወእደ ዛብሎን በሙራዱ፤ወምስለ ዛቲ መርዓት እመ ታንቀዓዱ፤ኀበ መርዓዊ መርዓት ለመርዓ ዮሴፍ ዘመዱ፤ወምስለ ዛቲ መርዓት እመ ታንቀዓዱ።መወድስእግዝእተ ኀልዮ ሐዊረ ሀገረ ሀገሩ ለሀገረ ዳዊት ሰሎሞን ወእመ ሰሎሞን ወሳቤላ፤ዘቅድመ ዋሕድ አክዓብ መክብበ ሆሴዕ ወኤላ፤ሕዝበ እስራኤል ለእስራኤል እመ ኀልቁ ኃይላተ ብእሲ ዘኢኀልቀ ኀይላ፤ወኩሉ ማእከለ እዳ ለእመ ፈረስ ይጠፍእ ትጼውእ ሠረገላ፤ያብጽሃ ወያልጽቃ መንገለ ክፍላ፤ለመርዓት ሠረገላ ሠረገላ ዳዊት አኃዜ ኩላ፤ወከመ ኀበ አይ ተሐውር ዘምስለ እጓላ፤መርዓት ለመርዓት ዘዘተሰአለት ይሴአላ፤አኅዘ ሠረገላ ዐቢይ ዐቢየ ዘካርያስ ተድላ፤መርዓት ለመርዓት ዘዘተሰአለት ይሴአላ።
8 months ago | [YT] | 8
ገብር ኄር ቲዩብ Gebr her Tube
ጉባኤ ቃና
በዓልተ ጥሪት ኮነት ወለተ ዳዊት ሳዊሱ፤
ዘዮም እደው እስመ ጥሪተ የኀሡ።
ሐሊብ ወቅብዕ ወሥጋ ነገስተ ኪራም ወነዌ፤
ግበሩ ስምዕ ዘሀሎ ግበረክሙ መርዓዌ።
ዘአምላኪየ
ለእንተ መርዓት መካህ ዓለመ ምልክዓም አሌ፤
በወርቅ እስመ ወለጣሃ ለነፍሱ ድንጋሌ
ዘከመ አበው ኢይበል በሀልተ አበው ሀሌ።
ዓለማውያን እደው መነኮሳተ አቅልሉ፤
ዘተውሕጠ እስመ ኢተረፈ ወተከስተ ኩሉ፤
ሰብአ ሰብአ ኢይበሎሙ ለእሉ።
ሚ በዝኁ
መትልወ ሰሎሞን ሑር ወእደ ሀሎ መርዓት ዘመደ ሥጋ ምድረ ዐፀባ፤
ለዘመደ ሥጋ መርዓት እስመ በአካል ትረክባ፤
ወለእመ ዘመድ መርዓት ኀሠሥካ ለሊከ ኢይከልአከ አባ።
ዋዜማ
ኢታርኢ መነኮሰ ለወለተ ዳዊት ወላድ ወለተ ዳዊት ሠርዌ፤
መነኮሰ ለእመ ትሬኢ ኢይብልዓ አርዌ
ለወለተ ዳዊት ፈራህ መነኮሰ ዝ ጽማዌ፤
ዳእሙ ለእህት እንተ ነነዌ፤
አሪእያ ሠናየ መርዓዌ።
ሥላሴ
ኢቀዋሚሆሙ ለአሚነ ኪሩቤል ወሱራፊ ወጽድቀ አፍኒን ጻድቅ ጻድቃነ ታሕቱ ወላዕሉ፤
ቅብዐተ ለእመ ረከበ ቅብዐተ ይተሉ፤
ወእመ ጸጋ ይረክብ ምስለ እለጸጋ ይሄሉ፤
ወለተዋሕዶ እንተ ያደሉ፤
ብእሴ ይመስል በአምሳሉ፤
ለዘጠፍአ ወኢኮነ ኩሉ።
ዘይእዜ
እፎ ትርኅቅ ዘእመርዓዊ ወኀበ መርዓዊ ትጸልዕ ዘመደ መርዓዊ አሐዱ፤
እስመ ኀቃፊሃ ወሰዋቂሃ መርዓ ዮሴፍ ወመርዓ መርዓዊ ወዛብሎን እዱ፤
ለእደ ይሁዳ ወስምዖን ወእደ ዛብሎን በሙራዱ፤
ወምስለ ዛቲ መርዓት እመ ታንቀዓዱ፤
ኀበ መርዓዊ መርዓት ለመርዓ ዮሴፍ ዘመዱ፤
ወምስለ ዛቲ መርዓት እመ ታንቀዓዱ።
መወድስ
እግዝእተ ኀልዮ ሐዊረ ሀገረ ሀገሩ ለሀገረ ዳዊት ሰሎሞን ወእመ ሰሎሞን ወሳቤላ፤
ዘቅድመ ዋሕድ አክዓብ መክብበ ሆሴዕ ወኤላ፤
ሕዝበ እስራኤል ለእስራኤል እመ ኀልቁ ኃይላተ ብእሲ ዘኢኀልቀ ኀይላ፤
ወኩሉ ማእከለ እዳ ለእመ ፈረስ ይጠፍእ ትጼውእ ሠረገላ፤
ያብጽሃ ወያልጽቃ መንገለ ክፍላ፤
ለመርዓት ሠረገላ ሠረገላ ዳዊት አኃዜ ኩላ፤
ወከመ ኀበ አይ ተሐውር ዘምስለ እጓላ፤
መርዓት ለመርዓት ዘዘተሰአለት ይሴአላ፤
አኅዘ ሠረገላ ዐቢይ ዐቢየ ዘካርያስ ተድላ፤
መርዓት ለመርዓት ዘዘተሰአለት ይሴአላ።
8 months ago | [YT] | 8