Mandalay Free Press - MFP
ဗန်းမောက်မြို့ပတ်လည်က ကာကင်းတွေ သိမ်းပိုက်ပြီးနောက် မြို့ထဲကို စတင်ထိုးဖောက်နေ၊ ထက်ဖြိုး/MFP ၊ စက်တင်ဘာ - ၁၈ စစ်ကိုင်းတိုင်း ကသာခရိုင်၊ ဗန်းမောက်မြို့ပတ်လည်က SNA - ရှမ်းနီလက်နက်ကိုင်နဲ့ စစ်အုပ်စု ပူးပေါင်း အဖွဲ့တွေရဲ့ ကာကင်းစခန်းတချို့ကို သိမ်းပိုက်ပြီးနောက် တော်လှန်ရေး တပ်တွေက မြို့အတွင်းပိုင်းကို စတင် ထိုးဖောက် ဝင်ရောက်နေပြီလို့ ကသာခရိုင် ပြည်သူ့ကာကွယ်ရေးအဖွဲ့ - အဖွဲ့ဝင် တစ်ဦးက MFP ကို ပြောပါတယ်။ ဗန်းမောက်မြို့ကို စက်တင်ဘာ ၁၅ ရက်က စလို့ ကသာခရိုင်ကွပ်ကဲရေးက ဦးဆောင်တဲ့ တော်လှန်ရေးတပ်တွေက တိုက်ခိုက်နေတာ ဖြစ်ပြီး စက်တင်ဘာ ၁၈ ရက် ဒီကနေ့အထိ လေးရက်မြောက် ရှိလာချိန်အထိ တိုက်ပွဲ ပြင်းထန်းနေဆဲ ဖြစ်တယ်လို့ ဆိုပါတယ်။ “ရှေ့တန်း အနေအထားတော့ နောက်ထပ် ဘာသတင်းမှ မရသေးဘူး။ အခြေအနေ ကောင်းတယ် ဆိုတာလေးပဲ ရသေးတာ။ မြို့အထဲကြီးတော့ မရောက်သေးဘူး။ မြို့အဝင်ဝထိတော့ တိုးကပ်သွားတာပေါ့” လို့ ကသာခရိုင် ပြည်သူ့ကာကွယ်ရေးအဖွဲ့ဝင်တစ်ဦးက ပြောပါတယ်။ SNAနဲ့ စစ်အုပ်စု ပူးပေါင်းအဖွဲ့ဟာ ဗန်းမောက်မြို့ပတ်လည်က ကျေးရွာတချို့နဲ့ တောင်ကုန်းတချို့ပေါ်မှာ ကာကင်းစခန်းတွေ အဖြစ် နေရာချထားပြီး မြို့အရှေ့ဘက်မှာ ကျွဲကောကုန်း၊ အနောက်ဘက်မှာ စက်တောကုန်း၊ တောင်ဘက်မှာ မြစ်သေးချင်း စတဲ့ ရွာတွေနဲ့ တောင်ကုန်းတချို့မှာ နေရာချထားတာ ဖြစ်ပါတယ်။ ဗန်းမောက်မြို့ကို စတင် ထိုးစစ်ဆင်ချိန်ကစလို့ တော်လှန်ရေး အင်အားစုတွေက အဲဒီ ကာကင်းစခန်းတွေကို သိမ်းပိုက်ပြီး မြို့ထဲကို ထိုးဖောက်ထိုးစစ်ဆင်နေပြီ ဖြစ်တယ်လို့ ဆိုပါတယ်။ ပြီးခဲ့တဲ့ ငါးလကျော် ဧပြီလ ၇ ရက်က အင်းတော်မြို့ကို တော်လှန်ရေး အင်အားစုတွေက အပြီးသပ် သိပ်ပိုက်ပြီးနောက် ဗန်းမောက်မြို့က စစ်အုပ်စု အင်အားအများအပြာကို ရဟတ်ယာဉ်နဲ့ ကသာမြို့ ခံစစ်အတွက် ပို့ဆောင်ခဲ့ပါတယ်။ အင်းတော်မြို့နဲ့ ၁၀ ကျော်သာ ကွာဝေးတဲ့ ကသာမြို့ကို စစ်အုပ်စု အင်အားတွေ ပို့လိုက်တာကြောင့် ဗန်းမောက်မြို့မှာ SNA အင်အားအများစုနဲ့ ထိန်းချုပ်ထားခဲ့တာလည်း ဖြစ်ပါတယ်။ ဗန်းမောက်မြို့ဟာ တော်လှန်ရေးအင်အားစုတွေ မြို့နယ်တစ်ခုလုံး သိမ်းပိုက်ထိန်းချုပ်ထားတဲ့ ပင်လည်ဘူးနဲ့ အင်းတော်မြို့နယ်တွေနဲ့ နယ်မြေချင်း တစ်ဆက်တည်းရှိနေပြီး မြေပြင်ကနေ ဗန်းမောက်ကို စစ်အင်အား ပို့ဖို့ လွယ်ကူတဲ့နေရာ မဟုတ်ဘူးလို့ တော်လှန်ရေး အင်အားစုတွေက ပြောပါတယ်။ မြို့နယ် လေးမြို့နယ်နဲ့ ဖွဲ့စည်းထားတဲ့ ကသာခရိုင်ထဲမှာ ဗန်းမောက်မြို့နယ်လည်း ပါဝင်ပြီး တော်လှန်ရေး အင်အားစုတွေ သိမ်းပိုက်ထားတဲ့ အင်းတော်မြို့နယ်နဲ့ ထီးချိုင့်မြို့နယ်တို့လည်း ပါဝင်ပါတယ်။ ကချင်ပြည်အစပ်မှာ တည်ရှိတဲ့ ဗန်းမောက်မြို့ဟာ မြို့ပေါ်ရပ်ကွက် လေးရပ်ကွက်နဲ့ မြို့နေလူဦးရေ ၈၅၀၀ ကျော် နေထိုင်တဲ့မြို့ ဖြစ်ပါတယ်။ တချိန်တည်းမှာပဲ ဗန်းမောက်မြို့တွင်းက ပြည်သူတွေကို SNA နဲ့ စစ်အုပ်စုက မြို့အပြင်ထွက်ခွင့်မပြုဘဲ ပိတ်ဆို့ထားတယ်လို့ သတင်းထွက်နေသလို စစ်အုပ်စုက ဗန်းမောက်မြို့တွင်း လေကြောင်းဗုံးကြဲလို့ ပြည်သူတွေ ထိခိုက်ဒဏ်ရာရ၊ သေဆုံးမှု ရှိတယ်လို့ သတင်းထွက်နေပြီး MFP အနေနဲ့ ဗန်းမောက်မြို့တွင်း အခြေအနေတွေကိုတော့ စုံစမ်းနေဆဲ ဖြစ်ပါတယ်။ MFP ရဲ့ သတင်း၊ ဆောင်းပါးနဲ့ ရုပ်သံတွေကို ယူကျူ့နဲ့ တယ်လီဂရမ်မှာလည်း ကြည့်နိုင်ပါတယ်။ #Mandalay_Free_Press_MFP #စစ်ကိုင်း #မန္တလေး #အညာမြေသတင်း #ဗန်းမောက်မြို့
2 weeks ago | [YT] | 740
Mandalay Free Press - MFP
ဗန်းမောက်မြို့ပတ်လည်က ကာကင်းတွေ သိမ်းပိုက်ပြီးနောက် မြို့ထဲကို စတင်ထိုးဖောက်နေ၊
ထက်ဖြိုး/MFP ၊ စက်တင်ဘာ - ၁၈
စစ်ကိုင်းတိုင်း ကသာခရိုင်၊ ဗန်းမောက်မြို့ပတ်လည်က SNA - ရှမ်းနီလက်နက်ကိုင်နဲ့ စစ်အုပ်စု ပူးပေါင်း အဖွဲ့တွေရဲ့ ကာကင်းစခန်းတချို့ကို သိမ်းပိုက်ပြီးနောက် တော်လှန်ရေး တပ်တွေက မြို့အတွင်းပိုင်းကို စတင် ထိုးဖောက် ဝင်ရောက်နေပြီလို့ ကသာခရိုင် ပြည်သူ့ကာကွယ်ရေးအဖွဲ့ - အဖွဲ့ဝင် တစ်ဦးက MFP ကို ပြောပါတယ်။
ဗန်းမောက်မြို့ကို စက်တင်ဘာ ၁၅ ရက်က စလို့ ကသာခရိုင်ကွပ်ကဲရေးက ဦးဆောင်တဲ့ တော်လှန်ရေးတပ်တွေက တိုက်ခိုက်နေတာ ဖြစ်ပြီး စက်တင်ဘာ ၁၈ ရက် ဒီကနေ့အထိ လေးရက်မြောက် ရှိလာချိန်အထိ တိုက်ပွဲ ပြင်းထန်းနေဆဲ ဖြစ်တယ်လို့ ဆိုပါတယ်။
“ရှေ့တန်း အနေအထားတော့ နောက်ထပ် ဘာသတင်းမှ မရသေးဘူး။ အခြေအနေ ကောင်းတယ် ဆိုတာလေးပဲ ရသေးတာ။ မြို့အထဲကြီးတော့ မရောက်သေးဘူး။ မြို့အဝင်ဝထိတော့ တိုးကပ်သွားတာပေါ့” လို့ ကသာခရိုင် ပြည်သူ့ကာကွယ်ရေးအဖွဲ့ဝင်တစ်ဦးက ပြောပါတယ်။
SNAနဲ့ စစ်အုပ်စု ပူးပေါင်းအဖွဲ့ဟာ ဗန်းမောက်မြို့ပတ်လည်က ကျေးရွာတချို့နဲ့ တောင်ကုန်းတချို့ပေါ်မှာ ကာကင်းစခန်းတွေ အဖြစ် နေရာချထားပြီး မြို့အရှေ့ဘက်မှာ ကျွဲကောကုန်း၊ အနောက်ဘက်မှာ စက်တောကုန်း၊ တောင်ဘက်မှာ မြစ်သေးချင်း စတဲ့ ရွာတွေနဲ့ တောင်ကုန်းတချို့မှာ နေရာချထားတာ ဖြစ်ပါတယ်။
ဗန်းမောက်မြို့ကို စတင် ထိုးစစ်ဆင်ချိန်ကစလို့ တော်လှန်ရေး အင်အားစုတွေက အဲဒီ ကာကင်းစခန်းတွေကို သိမ်းပိုက်ပြီး မြို့ထဲကို ထိုးဖောက်ထိုးစစ်ဆင်နေပြီ ဖြစ်တယ်လို့ ဆိုပါတယ်။
ပြီးခဲ့တဲ့ ငါးလကျော် ဧပြီလ ၇ ရက်က အင်းတော်မြို့ကို တော်လှန်ရေး အင်အားစုတွေက အပြီးသပ် သိပ်ပိုက်ပြီးနောက် ဗန်းမောက်မြို့က စစ်အုပ်စု အင်အားအများအပြာကို ရဟတ်ယာဉ်နဲ့ ကသာမြို့ ခံစစ်အတွက် ပို့ဆောင်ခဲ့ပါတယ်။
အင်းတော်မြို့နဲ့ ၁၀ ကျော်သာ ကွာဝေးတဲ့ ကသာမြို့ကို စစ်အုပ်စု အင်အားတွေ ပို့လိုက်တာကြောင့် ဗန်းမောက်မြို့မှာ SNA အင်အားအများစုနဲ့ ထိန်းချုပ်ထားခဲ့တာလည်း ဖြစ်ပါတယ်။
ဗန်းမောက်မြို့ဟာ တော်လှန်ရေးအင်အားစုတွေ မြို့နယ်တစ်ခုလုံး သိမ်းပိုက်ထိန်းချုပ်ထားတဲ့ ပင်လည်ဘူးနဲ့ အင်းတော်မြို့နယ်တွေနဲ့ နယ်မြေချင်း တစ်ဆက်တည်းရှိနေပြီး မြေပြင်ကနေ ဗန်းမောက်ကို စစ်အင်အား ပို့ဖို့ လွယ်ကူတဲ့နေရာ မဟုတ်ဘူးလို့ တော်လှန်ရေး အင်အားစုတွေက ပြောပါတယ်။
မြို့နယ် လေးမြို့နယ်နဲ့ ဖွဲ့စည်းထားတဲ့ ကသာခရိုင်ထဲမှာ ဗန်းမောက်မြို့နယ်လည်း ပါဝင်ပြီး တော်လှန်ရေး အင်အားစုတွေ သိမ်းပိုက်ထားတဲ့ အင်းတော်မြို့နယ်နဲ့ ထီးချိုင့်မြို့နယ်တို့လည်း ပါဝင်ပါတယ်။
ကချင်ပြည်အစပ်မှာ တည်ရှိတဲ့ ဗန်းမောက်မြို့ဟာ မြို့ပေါ်ရပ်ကွက် လေးရပ်ကွက်နဲ့ မြို့နေလူဦးရေ ၈၅၀၀ ကျော် နေထိုင်တဲ့မြို့ ဖြစ်ပါတယ်။
တချိန်တည်းမှာပဲ ဗန်းမောက်မြို့တွင်းက ပြည်သူတွေကို SNA နဲ့ စစ်အုပ်စုက မြို့အပြင်ထွက်ခွင့်မပြုဘဲ ပိတ်ဆို့ထားတယ်လို့ သတင်းထွက်နေသလို စစ်အုပ်စုက ဗန်းမောက်မြို့တွင်း လေကြောင်းဗုံးကြဲလို့ ပြည်သူတွေ ထိခိုက်ဒဏ်ရာရ၊ သေဆုံးမှု ရှိတယ်လို့ သတင်းထွက်နေပြီး MFP အနေနဲ့ ဗန်းမောက်မြို့တွင်း အခြေအနေတွေကိုတော့ စုံစမ်းနေဆဲ ဖြစ်ပါတယ်။
MFP ရဲ့ သတင်း၊ ဆောင်းပါးနဲ့ ရုပ်သံတွေကို ယူကျူ့နဲ့ တယ်လီဂရမ်မှာလည်း ကြည့်နိုင်ပါတယ်။
#Mandalay_Free_Press_MFP
#စစ်ကိုင်း #မန္တလေး #အညာမြေသတင်း #ဗန်းမောက်မြို့
2 weeks ago | [YT] | 740