Invidious

සමහර සමීක්ෂණ තියනවා ජීවිතය දිහා බලන විදිහ පවා වෙනස් කරන. මේ එහෙම එකක්!
ඇමරිකාවේ Bureau of Labor Statistics ආයතනය මගින් අවරුදු 10ක් (2009-2019) දක්වා පුරවැසියන් දහස් ගණනක් එකතු කරගනිමින් පරීක්ෂණයක් සිදු කළා. විවිධ සමාජ මට්ටම්, ප්‍රදේශ, ධනවත්කම්, උගත්කම් සමාජ මට්ටම් තිබෙන අයගේ නියෝජ්‍ය නියැදියක් මෙහිදී යොදා ගත්ත. එහි ප්‍රධාන වශයෙන් සොයා බැලුවේ, පුද්ගලයෙක් තම වයස අනුව කාලය ගත කරන එක් එක් පුද්ගල කණ්ඩායම් මොනවාද කියලා. අර කියපු වෙනස්කම් මොනවා තිබ්බත්, මේ ගැන සොයා බැලුවාම හැම කෙනෙක්ගෙම වගේ එක්තරා රටාවක් මතු වෙලා පෙනෙනවා.

මේ දත්ත අපේ ජීවිත ගැන ලොකු කතාවක් කියනවා.

1) අපි කොහෙද රැකියාව කරන්නේ, කා සමගද කියන එක ජීවිතයට ගොඩක් බලපානවා. ඒ කාලය, තමුන්ගේ පවුලේ අය, මිතුරන් හෝ සමහර විට දරුවන් සමග ගතකරන කාලයටත් වැඩියි. තමුන්ට support කරන toxic නැති cowerkers ලා කියන්නේ ඇත්තටම ආශිර්වාදක් ජීවිතයට

2) දෙමවුපයන් ඇතුළු තම මුල් පවුලේ අය සමග ගෙවන කාලය ඉතාම ඉක්මනින් කෙටි වෙන එකක්. පවුල, දෙමවුපියන් කියන්නේ ගොඩක් දෙනෙක්ට ශක්තියක් ගෙනදෙන තැනක්, ඒහෙම උනත් ඒ සඳහා කාලය වෙන්කරගන්න මිනිස්සුන්ට අමාරු වෙලා

3) දරුවෝ අපිත් එක්ක ඉන්නේ බොහොම ටික කාලකට විතරයි, ඉන් පස්සේ ඔවුන් ඈත් වෙලා යනවා. ඔවුන් සමග ඉන්න කාලය ජීවිතයේ සැබෑම වටිනා කාලයක්, වෙනත් දේ සඳහා ඒ කාලය වැයකිරීම අපරාදයක්

4) ඔබව හරියටම තේරුම් ගත ජීවිතයට සැබෑම ශක්තියක් වන ආදරණීය සහකරුවෙක් සහ සහකාරියක් කියන්නේ, ජීවිතයේ හම්බෙන බොහෝ චරිත අතරින් ඔබේ ජීවිතයේ වැදගත්ම කෙනයි. ඔබට වැඩිපුරම කාලය ගතකරන්න වෙන්නේ ඔහු හෝ ඇය සමගයි. ඔබට ලං වෙලා ඉන්න මේ කෙනා කව්ද කියන එක, ජීවිතයේ ගමන්මග තීරණය කරන්න බලපාන දෙවනියට ලොකුම කාරණාවයි.

5) කව්රු හිටියත්, අන්තිමට තමුන්ටම තමුන් තමයි! වැඩිපුරම කාලයක් ඔබට ගෙවන්න වෙන්නේ ඔබ සමගමයි. මේ කාලය වයසට යනකොට එන්න එන්න වැඩිවෙනවා. ඔබ ඔබ ගැන තිබෙන අභිමානය, තම ජීවිතය ගෙවූ හැටි ගැන තිබෙන සතුට හෝ දුක සමග පැය ගණන්, දවස් ගණන් ඔබට ඔබ සමගම තනි වෙන්න වෙනවා.
සැබවින්ම ඔබට, මොනවා තිබුනත් නැතත්, මොන තත්වය යටතේ උනත්, ඔබ සමගම කෙතරම් සතුටින් ඉන්න පුලුවන්ද කියන හැකියාව, ජීවිතයේ දීර්ඝකාලීන සතුට තීරණය කරන ප්‍රධානතම කාරණාවයි!

2 months ago | [YT] | 2,341

@ekavinda

ඒ ඒ අවධි වල සිතුවිලි, බලාපොරොත්තු, අපේක්ෂාවන්, මානසික මට්ටම් හැසිරෙන අයුරු සිතා බලන විට අපූරුයි. ඇත්තටම ඒ ඒ කාලවල අපි හැසිරිය යුතු ආකාරය විග්රහයක් කරනවනම් වටිනව සර්.

2 months ago | 23

@VLife92

මේ ප්‍රස්තාර ජීවිතේ එක දවසක් හරි දැකල තේරුම්ගත්තකෙනෙක් කවමදාකවත් ජීවිතේට ලැබෙන අවස්තා විනසකරගන්නෙනැහැ. Mr.Ruchira Time & Life 👍

2 months ago | 11

@nishanthabandara5417

හරිම වටින කාරණාවක්... හැමෝටම මඟහැරෙන දෙයක්... ස්තූතියි.

2 months ago | 3

@DIABETESHEALTHS

මගේ ලොකුම කණගාටුව අම්මට ඉන්න කාලේ සාත්තු කරන්න බැරි වෙච්ච එක. අපේ අම්මා මල පොතේ අකුරක් දැනගෙන හිටියේ නැහැ නමුත් අම්මා ඉගෙන ගත්තා ඉගෙන ගැනීමේ වටිනාකම. ඒක නිසා අපි ළමයි නම දෙනෙක් උස්මහත් කරලා ඉගැන්නුවා. තාත්තත් නැතුව තනියම . මං පුංචිම කාලෙ තාත්තා මලා. මේ කමෙන්ට් එක දැම්මේ සම්පූර්ණයෙන් කතා කරලා ටයිප් කරලා නෙවෙයි.

2 months ago (edited) | 49

@isharasandaruwan560

තමන්ගේ හොඳම මිතුරා තමන්.තමන්ට ආදරය කරන්න ඉන්නේ දෙමවුපියෝ, සහෝදරයින් කියන්නෙ වටිනාම අයයි. ඉතින් ජීවිතේ තමන් එක්ක, තමන්ට වටිනා අයත් එක්ක ගත නොකර නොවැදගත් බාහිර මිනිස්සු (රැකියා කරන තැන )එක්ක ගෙවන්න සිදුවීම අභාග්‍යයක්... 😓

2 months ago | 9