North london forever, Whatever the weather
“ရာသီသစ် ပန်းသစ်တဝေဝေ”နွေ၊ မိုး၊ ဆောင်း ရာသီများရဲ့ ကူးပြောင်းစအချိန်ကာလများဟာ လန်းဆန်းတက်ကြွဖို့ကောင်းတာ သေချာပါတယ်။ ရာသီသစ်ဟာ မျှော်ငေးစိတ်ကူးလို့လည်း အင်မတန်ကောင်းတယ်။ တဖြည်းဖြည်းဝင်ရောက်လာတဲ့ ရာသီသစ်ရဲ့ ကြည်နူးစရာများဟာ စိတ်ကူးထဲမှာ နှလုံးသားထဲမှာ တအုံနွေးနွေး ဖြစ်တည်လို့ နေတာပေါ့။ကျနော်တော့အဲဒီ အချိန်အပိုင်းအခြားလေးကို အိတ်ကတ်ထဲထည့်သိမ်းထားချင်မိတာပဲ။ ××××××××××နွေဦးမှာ ရွက်ဝါလေးတွေ ကြွေကျတာမြင်ရင် ဝမ်းနည်းမိတယ်။ နွေလုံးလုံးလည်း မဖြစ်သေးတော့ ဆောင်းအကျန် မြောက်ပြန်လေရဲ့ အဝှေ့နဲ့ ကြုံရတဲ့အခါ ရှေ့ဆက်ဖို့ အားအင်ေတွ ပြည့်ဖြိုးသွားပြန်တယ်။ ပြီးတာနဲ့ တဆက်တည်းမှာပဲ ငုံဖူးနေတဲ့ ပုရစ်ဖူးလေးတွေ သစ်ပင်ကိုင်းဖျားမှ အစီအရီထွက်ပေါ်လာကြလို့၊ အားသစ်အင်သစ်မွေးလို့။×××××××××မိုးဦးမှာ မိုးရွာပြီးလို့ ထွက်ပေါ်လာတဲ့ မြေသင်းနံ့လောက် လူ့စိတ်ကို ကြည်လင်ဝင်းပ အားဖြစ်စေတဲ့ မွှေးရနံ့မျိုး ဘယ်ပညာရှင်မှ ဖော်စပ်မထုတ်လုပ်နိုင်သေးဘူးထင်ပါ့။ ပူပြင်းစူးဝါးပြီး ပြာနှမ်းနေတဲ့ကောင်းကင်ကို မော့မော့ကြည့်ရင်း တိမ်စိုင်တိမ်အုပ်တွေကို မျှော်ရတာလည်း အမော။ မိုးဦးစတာနဲ့ အနောက်တောင်လေလေးက သုတ်ဖြူးလာပြီ။ တိမ်စိုင်တိမ်အုပ်တွေ ဟိုတစဒီတစ တဖွေးဖွေးနဲ့ ကောင်းကင်မှာ လမ်းသလားေနကြပြီ။ ဒီလိုအချိန်ရောက်ပြီဆို ငါတို့ရဲ့ စောင့်မျှော်ခြင်း အသီးအပွင့်တွေကို စာသုံးရတော့မယ်လို့ အလိုလိုသိလာတာနဲ့တပြိုင်နက် ကျနော်တို့ စိတ်တွေဟာ အတောင်တဖျပ်ဖျပ်နဲ့ ပျံသန်းဖို့အသင့်ဖြစ်နေတော့တာပါပဲ။×××××××××ဆောင်းဦးမှာ အရင်ဆုံးသိသာတာက နေမင်းဟာ ကျနော် တို့ကို ခပ်ဆွေဆွေငဲ့စောင်းကြည့်ရင်း ဆောင်းဦးလာနေပြီကွကို သတိပေးတတ်တာ နှစ်စဉ်နှစ်တိုင်းပါပဲ။ ကောင်းကင်ကို ညိုမှိုင်းမှိုင်းကတီပါစ လွှမ်းခြုံထားရာကနေ ဖြူလွလွကတီပါစ အသစ်ပြောင်းလဲ လွမ်းခြုံတဲ့အခိုက်အတန့်ပေါ့။ဒီမှာလည်း ငါစောင့်မျှော်တောင်းတနေတဲ့အရာ လာချေပြီလို့ ဖြစ်မိပြန်ပါရော။ ရာသီဦးတိုင်းဟာ ရှေ့ကိုမျှော်ငေးလို့ ကောင်းတာတော့ ငြင်းလို့မရတဲ့အချက်ပါပဲ။×××××××××လာပါပြီ ကျနော်တို့ မျှော်လင့်အတောင့်တဆုံးဖြစ်တဲ့ ရာသီဦးလေး။ ဒီရာသီဦးကတော့ ခပ်ဆန်းဆန်း။ အီတီဟတ်နဲ့ အန်ဖီးလ်မှာ လေတွေ တဝုန်းဝုန်းတိုက်တယ်။ စတမ်းဖို့တ်ဘရစ်ချ်နဲ့ အိုးထရတ်ဖို့မှာကျတော့ လေက ငြိမ်သက်တဲ့ဘက်ကိုပြောင်းသွားပြီး မြောက်လန်ဒန်မှာ “သာယာတဲ့ညနေခင်းကိုသာခွင့်ပြုပါ၏”လို့ ဆိုင်းဘုတ်တွေ ချိတ်ဆွဲပစ်လိုက်ကြတယ်။ EPLဦးမှာ အပြောင်းအရွေ့ရနံ့တွေ ထုံသင်းချိုအီမွှေးမြလို့ တခါတခါတော့ မူးဝေတဲ့ ရနံ့တွေ ပါလာတတ်တယ်။ ဘယ်လိုမျိုးအပြောင်းအရွှေ့က မူးဝေစေတာလဲဆိုရင် အသင်းနဲ့ ကစားသမား ခွဲခြားဖို့မလွယ်တဲ့ အသင်းရဲ့နှစ်ရှည်ကစားသမားကြီးတွေ ရေသစ် မြေသစ်ကို ထွက်ခွာသွားတဲ့အခါမျိုးမှာပေါ့။ တခါတလေမှာတာ့ အပြင်မှာ ပြန်ခေါ်လို့မရလည်း ဂိမ်းထဲမှာ ပြန်ခေါ်တယ်ကွာဆိုပြီး ကိုယ့်အသင်းကစားသမားဟောင်းကို ဂိမ်းထဲထည့်ဆော့ပြီး လွမ်းဆွတ်မှုကို ဖြေသိမ့်ရတာ ဘောလုံးဝါသနာအိုးတွေရဲ့ထုံးစံ။ ဒါပေမယ့် လူဆိုတာ အတိတ်ကို လွမ်းလို့ချည်းလုပ်နေလို့လည်း အမြဲမသင့်ဘူးမလား။ ရှေ့ကို ရှုရမယ်မလား။ဆိုတော့ လွမ်းတာ ဆွေးတာ သတိရတာတွေကို အိတ်ကတ်ထဲ ခေါက်သိမ်းထားပြီး ရာသီသစ်မှာ ပန်းသစ်တွေအကြောင်း စဉ်းစားရင်း အနာဂတ်အတွက် ကြုံရင်ခုန်ကြပြန်ရော။ ရောကရက်စ်၊ ၊ စူပါမန်ဒီ၊ မာဒူကီ၊ နော့ဂတ်တို့ ပေါင်းထည့်လိုက်တဲ့အခါ အာဆင်နယ်ရဲ့ မုန်တိုင်းလမ်းကြောင်းဘယ်လိုရှိမလဲ။ အဓိကဆုဖလားတွေထိ ခရီးရောက်နိုင်မရောက်နိုင်။လောလောဆယ်တော့ ရနံ့တွေ ချိုအီမွှေးမြလို့။ဆက်စ်ကို၊ အမ်ဘူမိုနဲ့ ကွန်ညာကို ပေါင်းထည့်လိုက်တဲ့အခါ အလိုလိုမှတောင့်တင်းပြီးသား သရဲနီတပ်တော်ကြီးဟာ ဥရောပစင်မြင့်ကို ခုန်ကူးဖို့ အားအင်ပြည့်ဖြိုးလို့နေပါပြီ။ တကယ်လုပ်ပြဖို့တော့ လိုတာပေါ့။ အာဆင်နယ်နဲ့အဖွင့်ပွဲမှာ အသင်းကစားပုံကအစ ပိုင်စိုးပိုင်နင်း ကစားလာတာက သူတို့အတွက် မျှော်လင့်ခြင်းကိုမျှားတဲ့ညနေပဲ။မန်စီးတီးအကြောင်းတော့ ဘာမှမပြောတော့ပါဘူး။ သူတို့ ကပြောစရာမလိုလောက်အောင်ကို ပြည့်စုံစွာ ဖြည့်တင်းထားနှင့်နေပြီလေ။ ဒီနှစ်မှာရော ရွာရန်ရွာနှုန်းဘယ်လောက်မရှိလဲဆိုတာပဲ စောင့်မျှော်စိတ်ကူးကြည့်ရုံပေါ့။ဆာလတ်က ခြေကျသွားဖို့တော့ မမြင်မိသေးဘူး။ အသင်းကစားပုံကောင်းဖို့ပဲလိုတာ။ ဒီလိုဆို သူလုပ်စရာရှိတာ ဆက်လုပ်နေလိမ့်ဦးမယ်လို့ ယုံကြည်တယ်။ ဂတ်ပိုဟာ ဒီရာသီမှာ လီဗာပူးတိုက်စစ်ကို ဦးဆောင်ခြယ်လှယ်မယ့်သူ။ သူ့ခြေတံတွေနဲ့ အလယ်နဲ့ရှေ့ကို လှလှကြီးချိတ်ဆက်ပြလိမ့်မယ်။ဗာ့စ်၊ ဖရင်ပေါင်၊ အက်ကီတီကီတို့ အသစ်တသိုက်နဲ့ ရှိရင်းစွဲ ကစားသမားတွေ ပေါင်းပြီး အန်ဖီးရပ်ဝန်းမှာ မိုးတဖြိုက်ဖြိုက်ရွာ၊ လေးတဖျင်းဖျင်းတိုက်ခတ်နေမှာကို စောင့်ကြည့်ကြတာပေါ့။လန်ဒန်က အပြာရောင် ခြင်္သေ့ကြီးက စိတ်သစ်လူသစ် ခွန်အားသစ်နဲ့ တရစပ်ကြမ်းပြပစ်ပြီး အကုန်စမုံတွေမတုံးကုန်နိုင်ဘူးလို့ ဘယ်သူ တပ်အပ်ပြောနိုင်မလဲ။ ပဲ့ကိုင်ရှင်က မာရက်စ်ကာ။ သူ့ရဲ့ဒုတိယရာသီမှာလည်းဖြစ်။ ဒါသူတို့ရဲ့နှစ်လို့သူတို့ဖန်တွေ ဘာလို့မမျှော်လင့်ရမှာလဲ။ ဒီရာသီကြောင်နက်တွေကို အထင်သေးသူငါ့ရန်သူလို့တောင် ဟစ်လိုက်ချင်ရဲ့။ဂရန်းနစ်ရှာခါလို့ EPLဝါရင့်စားသမားကိုကောက်ခေါ်ပြခဲ့တယ်။ ဒါတင်လားဆိုရင်အသင်းခေါင်းဆောင်ပါတန်းပေးလိုက်တယ်။ အေးရော။ အချိန်ကာလတွေက စကားလုံးသက်သက်ပါပဲ။ မှန်၏ မမှန်၏ကအချိန်တန်ရင် အဖြေပေါ်လာပါလိမ့်မယ်။ အသင်းတိုင်းဟာ သူ့ရာသီဥတုနဲ့တူ EPLရပ်ဝန်းမှာ ခမ်းနားမှုတွေ ထုထွင်းဖို့ တာဆူနေကြပါပြီ။EPLရာသီဦးမှာ ဘယ်ပန်းတွေ ဘယ်လိုလန်းပြီး ဘယ်ပန်းတွေ ဘယ်လိုကြွေကျ မြေခကြမလဲ။ ဘယ်ပန်းတွေက ဘယ်လိုအတိုင်းအတာထိ မွှေးမြပြီး ဘယ်ပန်းတွေက ဘယ်အတိုင်းအတာထိ နောက်ဖေးလမ်းကြားကအနံ့ဆိုးတွေလို ပုတ်ဟောင်သွားကြမလဲ။ ရာသီဦးတိုင်းဟာ သစ်မွှေးထုံသင်းတဲ့ ရနံ့ကို ပေးပါတယ်။ မျှော်ငေးရခြင်းကို တအုံနွေးနွေး ဖြစ်စေပါတယ်။ အခုလည်း EPLရာသီသစ်မှာ ပန်းတွေတဝေဝေ။ရာသီသစ် ပန်းသစ်တဝေဝေ။ဂျက်(မှတ်ချက် - ခေါင်းစဉ်စာသားသည် မောင်ချောနွယ်၏ ကဗျာစာသားဖြစ်ပါသည်။)#ဂျက်#အာဆင်နယ်#ပရီးမီးယားလိဂ်#arsenal#coyg#football
1 week ago | [YT] | 42
North london forever, Whatever the weather
“ရာသီသစ် ပန်းသစ်တဝေဝေ”
နွေ၊ မိုး၊ ဆောင်း ရာသီများရဲ့ ကူးပြောင်းစအချိန်ကာလများဟာ လန်းဆန်းတက်ကြွဖို့ကောင်းတာ သေချာပါတယ်။ ရာသီသစ်ဟာ မျှော်ငေးစိတ်ကူးလို့လည်း အင်မတန်ကောင်းတယ်။ တဖြည်းဖြည်းဝင်ရောက်လာတဲ့ ရာသီသစ်ရဲ့ ကြည်နူးစရာများဟာ စိတ်ကူးထဲမှာ နှလုံးသားထဲမှာ တအုံနွေးနွေး ဖြစ်တည်လို့ နေတာပေါ့။ကျနော်တော့
အဲဒီ အချိန်အပိုင်းအခြားလေးကို အိတ်ကတ်ထဲထည့်သိမ်းထားချင်မိတာပဲ။
××××××××××
နွေဦးမှာ ရွက်ဝါလေးတွေ ကြွေကျတာမြင်ရင် ဝမ်းနည်းမိတယ်။ နွေလုံးလုံးလည်း မဖြစ်သေးတော့ ဆောင်းအကျန် မြောက်ပြန်လေရဲ့ အဝှေ့နဲ့ ကြုံရတဲ့အခါ ရှေ့ဆက်ဖို့ အားအင်ေတွ ပြည့်ဖြိုးသွားပြန်တယ်။ ပြီးတာနဲ့ တဆက်တည်းမှာပဲ ငုံဖူးနေတဲ့ ပုရစ်ဖူးလေးတွေ သစ်ပင်ကိုင်းဖျားမှ အစီအရီထွက်ပေါ်လာကြလို့၊ အားသစ်အင်သစ်မွေးလို့။
×××××××××
မိုးဦးမှာ မိုးရွာပြီးလို့ ထွက်ပေါ်လာတဲ့ မြေသင်းနံ့လောက် လူ့စိတ်ကို ကြည်လင်ဝင်းပ အားဖြစ်စေတဲ့ မွှေးရနံ့မျိုး ဘယ်ပညာရှင်မှ ဖော်စပ်မထုတ်လုပ်နိုင်သေးဘူးထင်ပါ့။ ပူပြင်းစူးဝါးပြီး ပြာနှမ်းနေတဲ့ကောင်းကင်ကို မော့မော့ကြည့်ရင်း တိမ်စိုင်တိမ်အုပ်တွေကို မျှော်ရတာလည်း အမော။ မိုးဦးစတာနဲ့ အနောက်တောင်လေလေးက သုတ်ဖြူးလာပြီ။ တိမ်စိုင်တိမ်အုပ်တွေ ဟိုတစဒီတစ တဖွေးဖွေးနဲ့ ကောင်းကင်မှာ လမ်းသလားေနကြပြီ။ ဒီလိုအချိန်ရောက်ပြီဆို ငါတို့ရဲ့ စောင့်မျှော်ခြင်း အသီးအပွင့်တွေကို စာသုံးရတော့မယ်လို့ အလိုလိုသိလာတာနဲ့တပြိုင်နက် ကျနော်တို့ စိတ်တွေဟာ အတောင်တဖျပ်ဖျပ်နဲ့ ပျံသန်းဖို့အသင့်ဖြစ်နေတော့တာပါပဲ။
×××××××××
ဆောင်းဦးမှာ အရင်ဆုံးသိသာတာက နေမင်းဟာ ကျနော် တို့ကို ခပ်ဆွေဆွေငဲ့စောင်းကြည့်ရင်း ဆောင်းဦးလာနေပြီကွကို သတိပေးတတ်တာ နှစ်စဉ်နှစ်တိုင်းပါပဲ။ ကောင်းကင်ကို ညိုမှိုင်းမှိုင်းကတီပါစ လွှမ်းခြုံထားရာကနေ ဖြူလွလွကတီပါစ အသစ်ပြောင်းလဲ လွမ်းခြုံတဲ့အခိုက်အတန့်ပေါ့။
ဒီမှာလည်း ငါစောင့်မျှော်တောင်းတနေတဲ့အရာ လာချေပြီလို့ ဖြစ်မိပြန်ပါရော။ ရာသီဦးတိုင်းဟာ ရှေ့ကိုမျှော်ငေးလို့ ကောင်းတာတော့ ငြင်းလို့မရတဲ့အချက်ပါပဲ။
×××××××××
လာပါပြီ ကျနော်တို့ မျှော်လင့်အတောင့်တဆုံးဖြစ်တဲ့
ရာသီဦးလေး။ ဒီရာသီဦးကတော့ ခပ်ဆန်းဆန်း။ အီတီဟတ်နဲ့ အန်ဖီးလ်မှာ လေတွေ တဝုန်းဝုန်းတိုက်တယ်။ စတမ်းဖို့တ်ဘရစ်ချ်နဲ့ အိုးထရတ်ဖို့မှာကျတော့ လေက ငြိမ်သက်တဲ့ဘက်ကိုပြောင်းသွားပြီး မြောက်လန်ဒန်မှာ “သာယာတဲ့ညနေခင်းကိုသာခွင့်ပြုပါ၏”လို့ ဆိုင်းဘုတ်တွေ ချိတ်ဆွဲပစ်လိုက်ကြတယ်။
EPLဦးမှာ အပြောင်းအရွေ့ရနံ့တွေ ထုံသင်းချိုအီမွှေးမြလို့
တခါတခါတော့ မူးဝေတဲ့ ရနံ့တွေ ပါလာတတ်တယ်။ ဘယ်လိုမျိုးအပြောင်းအရွှေ့က မူးဝေစေတာလဲဆိုရင် အသင်းနဲ့ ကစားသမား ခွဲခြားဖို့မလွယ်တဲ့ အသင်းရဲ့နှစ်ရှည်ကစားသမားကြီးတွေ ရေသစ် မြေသစ်ကို ထွက်ခွာသွားတဲ့အခါမျိုးမှာပေါ့။ တခါတလေမှာတာ့ အပြင်မှာ ပြန်ခေါ်လို့မရလည်း ဂိမ်းထဲမှာ ပြန်ခေါ်တယ်ကွာဆိုပြီး ကိုယ့်အသင်းကစားသမားဟောင်းကို ဂိမ်းထဲထည့်ဆော့ပြီး လွမ်းဆွတ်မှုကို ဖြေသိမ့်ရတာ ဘောလုံးဝါသနာအိုးတွေရဲ့ထုံးစံ။ ဒါပေမယ့် လူဆိုတာ အတိတ်ကို လွမ်းလို့ချည်းလုပ်နေလို့လည်း အမြဲမသင့်ဘူးမလား။ ရှေ့ကို ရှုရမယ်မလား။
ဆိုတော့ လွမ်းတာ ဆွေးတာ သတိရတာတွေကို အိတ်ကတ်ထဲ ခေါက်သိမ်းထားပြီး ရာသီသစ်မှာ ပန်းသစ်တွေအကြောင်း စဉ်းစားရင်း အနာဂတ်အတွက် ကြုံရင်ခုန်ကြပြန်ရော။
ရောကရက်စ်၊ ၊ စူပါမန်ဒီ၊ မာဒူကီ၊ နော့ဂတ်တို့ ပေါင်းထည့်လိုက်တဲ့အခါ အာဆင်နယ်ရဲ့ မုန်တိုင်းလမ်းကြောင်းဘယ်လိုရှိမလဲ။ အဓိကဆုဖလားတွေထိ ခရီးရောက်နိုင်မရောက်နိုင်။
လောလောဆယ်တော့ ရနံ့တွေ ချိုအီမွှေးမြလို့။
ဆက်စ်ကို၊ အမ်ဘူမိုနဲ့ ကွန်ညာကို ပေါင်းထည့်လိုက်တဲ့အခါ အလိုလိုမှတောင့်တင်းပြီးသား သရဲနီတပ်တော်ကြီးဟာ ဥရောပစင်မြင့်ကို ခုန်ကူးဖို့ အားအင်ပြည့်ဖြိုးလို့နေပါပြီ။ တကယ်လုပ်ပြဖို့တော့ လိုတာပေါ့။ အာဆင်နယ်နဲ့အဖွင့်ပွဲမှာ အသင်းကစားပုံကအစ ပိုင်စိုးပိုင်နင်း ကစားလာတာက သူတို့အတွက် မျှော်လင့်ခြင်းကိုမျှားတဲ့ညနေပဲ။
မန်စီးတီးအကြောင်းတော့ ဘာမှမပြောတော့ပါဘူး။ သူတို့ ကပြောစရာမလိုလောက်အောင်ကို ပြည့်စုံစွာ ဖြည့်တင်းထားနှင့်နေပြီလေ။ ဒီနှစ်မှာရော ရွာရန်ရွာနှုန်းဘယ်လောက်မရှိလဲဆိုတာပဲ စောင့်မျှော်စိတ်ကူးကြည့်ရုံပေါ့။
ဆာလတ်က ခြေကျသွားဖို့တော့ မမြင်မိသေးဘူး။ အသင်းကစားပုံကောင်းဖို့ပဲလိုတာ။ ဒီလိုဆို သူလုပ်စရာရှိတာ ဆက်လုပ်နေလိမ့်ဦးမယ်လို့ ယုံကြည်တယ်။ ဂတ်ပိုဟာ ဒီရာသီမှာ
လီဗာပူးတိုက်စစ်ကို ဦးဆောင်ခြယ်လှယ်မယ့်သူ။ သူ့ခြေတံတွေနဲ့ အလယ်နဲ့ရှေ့ကို လှလှကြီးချိတ်ဆက်ပြလိမ့်မယ်။
ဗာ့စ်၊ ဖရင်ပေါင်၊ အက်ကီတီကီတို့ အသစ်တသိုက်နဲ့ ရှိရင်းစွဲ ကစားသမားတွေ ပေါင်းပြီး အန်ဖီးရပ်ဝန်းမှာ မိုးတဖြိုက်ဖြိုက်ရွာ၊ လေးတဖျင်းဖျင်းတိုက်ခတ်နေမှာကို စောင့်ကြည့်ကြတာပေါ့။
လန်ဒန်က အပြာရောင် ခြင်္သေ့ကြီးက စိတ်သစ်လူသစ် ခွန်အားသစ်နဲ့ တရစပ်ကြမ်းပြပစ်ပြီး အကုန်စမုံတွေမတုံးကုန်နိုင်ဘူးလို့ ဘယ်သူ တပ်အပ်ပြောနိုင်မလဲ။ ပဲ့ကိုင်ရှင်က မာရက်စ်ကာ။ သူ့ရဲ့ဒုတိယရာသီမှာလည်းဖြစ်။
ဒါသူတို့ရဲ့နှစ်လို့သူတို့ဖန်တွေ ဘာလို့မမျှော်လင့်ရမှာလဲ။
ဒီရာသီကြောင်နက်တွေကို အထင်သေးသူ
ငါ့ရန်သူလို့တောင် ဟစ်လိုက်ချင်ရဲ့။
ဂရန်းနစ်ရှာခါလို့ EPLဝါရင့်စားသမားကို
ကောက်ခေါ်ပြခဲ့တယ်။ ဒါတင်လားဆိုရင်
အသင်းခေါင်းဆောင်ပါတန်းပေးလိုက်တယ်။
အေးရော။ အချိန်ကာလတွေက စကားလုံးသက်သက်ပါပဲ။ မှန်၏ မမှန်၏က
အချိန်တန်ရင် အဖြေပေါ်လာပါလိမ့်မယ်။
အသင်းတိုင်းဟာ သူ့ရာသီဥတုနဲ့တူ
EPLရပ်ဝန်းမှာ ခမ်းနားမှုတွေ ထုထွင်းဖို့ တာဆူနေကြပါပြီ။
EPLရာသီဦးမှာ ဘယ်ပန်းတွေ ဘယ်လိုလန်းပြီး ဘယ်ပန်းတွေ ဘယ်လိုကြွေကျ မြေခကြမလဲ။ ဘယ်ပန်းတွေက ဘယ်လိုအတိုင်းအတာထိ မွှေးမြပြီး ဘယ်ပန်းတွေက ဘယ်အတိုင်းအတာထိ နောက်ဖေးလမ်းကြားက
အနံ့ဆိုးတွေလို ပုတ်ဟောင်သွားကြမလဲ။ ရာသီဦးတိုင်းဟာ သစ်မွှေးထုံသင်းတဲ့ ရနံ့ကို ပေးပါတယ်။ မျှော်ငေးရခြင်းကို တအုံနွေးနွေး ဖြစ်စေပါတယ်။ အခုလည်း EPLရာသီသစ်မှာ ပန်းတွေတဝေဝေ။
ရာသီသစ် ပန်းသစ်တဝေဝေ။
ဂျက်
(မှတ်ချက် - ခေါင်းစဉ်စာသားသည် မောင်ချောနွယ်၏ ကဗျာစာသားဖြစ်ပါသည်။)
#ဂျက်
#အာဆင်နယ်
#ပရီးမီးယားလိဂ်
#arsenal
#coyg
#football
1 week ago | [YT] | 42