Meri kheti Mera Kisan

🌾🌾🌾

🔸 ਪਹਿਲੀ ਗੱਲ ਯੂਨਿਵਰਸਿਟੀ ਧਿਆਨ ਦੇਵੇ 🔸

🌾🌾🌾

ਹੁਣ ਇਸ ਵਾਰ ਕਿਹੜਾ ਝੋਨਾ ਇਹਨਾਂ ਦਾ ਬਚਿਆ ਹੈ, ਜਿਸ ਨੂੰ ਕਿਸਾਨ ਅਗਲੀ ਵਾਰ ਭੱਜ ਕੇ ਕਿਸਾਨ ਬੀਜ ਲੈਣਗੇ?
ਇਕ ਖਲਾਅ ਜਾਂ ਖ਼ਾਲੀ ਜਗ੍ਹਾ ਬਣ ਗਈ ਹੈ, ਜਿਸ ਨੂੰ ਜਿਨੀ ਜਲਦੀ ਮਾਹਰ ਸਮਝ ਲੈਣ ਚੰਗਾ ਹੈ ਨਹੀਂ ਤਾਂ ਅਗਲੀ ਵਾਰ ਫਿਰ ਝੋਨੇ ਦਾ ਨੁਕਸਾਨ ਹੋ ਜਾਣਾ।

ਬਿਨਾਂ ਮਾਂ ਬਾਪ ਤੋਂ ਘੁੰਮ ਰਹੀਆਂ ਕਿਸਮਾਂ ਵੱਡਾ ਨੁਕਸਾਨ ਕਰ ਸਕਦੀਆਂ ਹਨ।

---

📘 ਮੇਰੀ ਬੇਨਤੀ — ਕਿਸਾਨਾਂ ਅਤੇ ਯੂਨੀਵਰਸਿਟੀ ਲਈ

ਮੇਰੀ ਬੇਨਤੀ ਹੈ ਕਿ ਇਸ ਸਾਲ ਦੇ ਝਾੜ ਨੂੰ ਕਿਸਾਨ ਰਿਕਾਰਡ ਵਿਚੋਂ ਹਟਾ ਦੇਣ।
ਪਿਛਲੇ ਸਾਲਾਂ ਦੇ ਤਜਰਬੇ ਦੇ ਆਧਾਰ ਤੇ ਚੱਲਣ।
2025 ਨੂੰ ਝੋਨੇ ਦੀ ਕਿਸਮ ਦੀ ਚੋਣ ਸਮੇਂ ਵਿਚਾਰ ਨਾ ਕੀਤਾ ਜਾਵੇ।
ਇਹ ਇਕ ਮੌਸਮੀ ਪੰਗਾ ਸੀ।

ਕਿਸਾਨ ਦਾ ਅਗੇਤੇ ਝੋਨੇ ਨੂੰ ਦੂਬਾਰਾ ਅਪਣਾਉਣਾ ਵੱਡੀ ਗਲਤੀ ਸੀ।
ਮਤਲਬ ਅਗੇਤੀ ਬਿਜਾਈ ਜ਼ਿਆਦਾ ਮਾਰ ਗਈ।

---

🌱 ਬੋਣਾ ਰੋਗ ਅਤੇ ਨਵੀਆਂ ਕਿਸਮਾਂ ਦਾ ਸਬਕ

ਇੱਕ ਗੱਲ ਜਰੂਰ ਹੈ ਕਿ ਬੋਣਾ ਰੋਗ ਵਾਲੇ ਵੀਰ ਕੁਝ ਕਿਸਮਾਂ ਤੋਂ ਅਤੇ ਅਗੇਤੇ ਝੋਨੇ ਤੋਂ ਤੌਬਾ ਕਰਨ।
ਓਹ 2025 ਨੂੰ ਕਿਸਮ ਦੀ ਚੋਣ ਲਈ ਜਰੂਰ ਵਿਚਾਰਨਗੇ।

ਬਾਕੀ ਬਾਈ ਹੁਣੇ ਤੋਂ ਇਕ ਝੋਨੇ ਦੇ ਪਿਛੇ ਪੈ ਕੇ ਨੁਕਸਾਨ ਨਾ ਕਰਵਾ ਲੈਣਾ।
ਕਿਉਂਕਿ ਪ੍ਰਚਾਰ ਸ਼ੁਰੂ ਹੋ ਗਿਆ ਹੈ।
ਇਸ ਹਿਸਾਬ ਨਾਲ ਇਕ ਵੱਡਾ ਹਿੱਸਾ ਗੈਰ ਪਰਮਾਣਿਤ ਕਿਸਮਾਂ ਥੱਲੇ ਜਾ ਸਕਦਾ ਹੈ।

ਬੀਜ ਵੇਚਣ ਲਈ ਮਾਹੌਲ ਤਿਆਰ ਹੈ।
ਲੋਕ ਸ਼ੋਸ਼ਲ ਮੀਡੀਆ ਤੇ ਖੂਬ ਪ੍ਰਚਾਰ ਕਰ ਰਹੇ ਹਨ ਤੇ ਕਿਸਾਨ ਨੂੰ ਮਹਿੰਗਾ ਬੀਜ ਵੇਚਣ ਲਈ ਤਿਆਰ ਹਨ।

---

🔍 ਪਹਿਲਾਂ ਟਰਾਇਲ ਕਰੋ — ਪੂਰਾ ਖੇਤ ਨਾ ਦੇ ਦੇਣਾ!

ਸਾਡੇ ਕੋਲ ਦੋਨੋ ਤਰ੍ਹਾਂ ਦੇ ਕਿਸਾਨ ਹਨ — ਜੋ ਇਸ ਨਵੀਂ ਕਿਸਮ ਤੋਂ ਖੁਸ਼ ਵੀ ਹਨ ਤੇ ਦੁਖੀ ਵੀ।
ਇਸ ਲਈ ਸੋਸ਼ਲ ਮੀਡੀਆ ਦੇ ਮਗਰ ਲੱਗ ਕੇ ਸਾਰਾ ਖੇਤ ਨਵੀਂ ਕਿਸਮ ਨੂੰ ਨਾ ਦੇ ਦੇਣਾ।

ਪਹਿਲਾਂ — ਇਹ ਕੋਈ ਪਰਮਾਣਿਤ ਕਿਸਮ ਨਹੀਂ।
ਦੂਜਾ — ਇਸ ਕਿਸਮ ਦੇ 3–4 ਤਰ੍ਹਾਂ ਦੇ ਬੀਜ ਬਾਜ਼ਾਰ ਵਿਚ ਘੁੰਮ ਰਹੇ ਹਨ।

ਕਿਸਾਨ ਕਹਿੰਦੇ ਹਨ ਇਸ ਨੂੰ ਬੋਣਾ ਰੋਗ ਨਹੀਂ ਆਇਆ, ਪਰ ਝਾੜ ਇਸ ਦਾ ਵੀ ਆਮ ਵਰਗਾ ਹੀ ਰਿਹਾ।
ਬਾਕੀ ਝਾੜ ਕਿਸੇ ਦੇ ਵੱਧ ਵੀ ਆ ਸਕਦਾ।

---

📊 ਮੇਰਾ ਤਜਰਬਾ — ਅੰਕੜਿਆਂ ਨਾਲ

ਮੇਰਾ ਇਕ ਪਲਾਟ 2.5 ਕਿੱਲੇ ਦਾ — ਪ੍ਰਤੀ ਕਿੱਲਾ 32 ਕੁਇੰਟਲ ਜਾਂ 82 ਮਣ ਹੋਇਆ।
ਇਹ ਪਿਛੇਤਾ ਸਿੱਧੀ ਬਿਜਾਈ PR 122 ਸੀ।

ਦੂਜੇ ਪਾਸੇ, ਕੱਦੂ ਕਰਕੇ ਲਗਾਏ 3 ਕਿੱਲੇ PR 122 ਦਾ ਝਾੜ 62 ਮਣ ਰਿਹਾ।
ਇਹ 19 ਜੂਨ ਨੂੰ ਲਗਾ ਸੀ।

ਕਿਸਮ ਇਕ ਸੀ। ਕਿਸਾਨ ਵੀ ਮੈਂ ਹੀ ਹਾਂ। ਸਪਰੇਅ ਵੀ ਕੋਈ ਨਹੀਂ ਕੀਤੀ।
ਇੱਕ 82 ਮਣ ਤੇ ਇਕ 62 ਮਣ।

👉 ਫਿਰ ਮੌਸਮ ਦਾ ਕਾਰਨ ਰਿਹਾ।
ਬਿਜਾਈ ਦੇ ਸਮੇਂ ਦਾ ਫਰਕ ਰਿਹਾ।
ਬਿਜਾਈ ਢੰਗ ਦਾ ਫਰਕ ।

ਇਸ ਕਰਕੇ ਜੇਕਰ ਕੋਈ ਬੰਦਾ ਕਹਿੰਦਾ ਹੈ —
“ਮੇਰਾ 85 ਮਣ ਨਿਕਲਿਆ, ਬੀਜ ਖਰੀਦ ਲਵੋ” — ਤਾਂ 85 ਮਣ ਹਾਈਬ੍ਰਿਡ ਵੀ ਨਿਕਲਿਆ, PR 122 ਵੀ ਨਿਕਲਿਆ।
ਓਹੀ ਕਿਸਮ ਦੂਜੇ ਪਾਸੇ 60 ਮਣ ਵੀ ਨਿਕਲੀ ਹੈ।

131 ਇੱਕ ਪਾਸੇ ਇਸ ਵਾਰ ਵੀ ਵਧੀਆ ਝਾੜ ਦੇ ਗਿਆ,
ਤੇ ਇਕ ਪਾਸੇ ਬੋਣੇ ਰੋਗ ਵਿਚ ਖੇਤ ਖ਼ਾਲੀ ਰਹਿ ਗਿਆ।
(ਬੌਣੇ ਰੋਗ ਸਬੰਧੀ ਤੁਹਾਨੂੰ ਸ਼ੁਰੂ ਵਿਚ ਹੀ ਦੱਸਿਆ ਸੀ — ਕਿ 131 ਨੂੰ ਜ਼ਿਆਦਾ ਆਉਂਦਾ ਹੈ।)

👉 ਇਸ ਲਈ ਸ਼ੋਸ਼ਲ ਮੀਡੀਆ ’ਤੇ ਬਣੇ ਮਾਹੌਲ ਦਾ ਸ਼ਿਕਾਰ ਨਾ ਹੋਵੋ।
ਮੇਰੇ ਖੇਤ ਵਿੱਚ 131 ਦੇ ਕੁਝ ਕਿਲ੍ਹੇ 65 ਮਣ ਵੀ ਰਹੇ ਹਨ ਤੇ ਕੁਝ 74 ਮਣ ਵੀ।

ਇਸ ਲਈ ਨਵੀਂ ਕਿਸਮ ਵੱਲ ਭੱਜਣ ਤੋਂ ਪਹਿਲਾਂ ਵਿਚਾਰ ਕਰੋ।
2025 ਨੂੰ ਦਿਮਾਗ ਵਿਚੋਂ ਪਾਸੇ ਰੱਖ ਕੇ ਝੋਨੇ ਦੀ ਕਿਸਮ ਬਾਰੇ ਸੋਚੋ।
ਬੋਣਾ ਰੋਗ ਵਾਲੇ ਵੀਰ ਇਹ ਧਿਆਨ ਕਰਨ ਕਿਸ ਕਿਸ ਕਿਸਮ ਨੂੰ ਰੋਗ ਘੱਟ ਆਇਆ।

---

🔥 ਅਗਲਾ ਮਸਲਾ — ਪਰਾਲੀ 🔥

ਕਿਸਾਨ ਸਮਝਦਾਰ ਹੈ।
ਪਰਾਲੀ ਨੂੰ ਸੰਭਾਲ ਕੇ ਆਪਣੀ ਜ਼ਮੀਨ ਦੇ ਖੁਰਾਕੀ ਤੱਤ ਬਚਾ ਰਿਹਾ ਹੈ।

ਪਰ ਯੂਨੀਵਰਸਿਟੀ ਵੀ ਸੋਚੇ — ਅਸੀਂ ਝੋਨੇ ਅਤੇ ਪਰਾਲੀ ਵਿੱਚ ਕਿੱਥੇ ਖੜ੍ਹੇ ਹਾਂ?

ਕੀ ਅਸੀਂ ਗੱਠ ਬਣਾਉਣ ਲਈ ਪੰਜਾਬ ਨੂੰ ਉਤਸ਼ਾਹਿਤ ਕਰਦੇ ਹਾਂ ਜਾਂ ਰੋਕਦੇ ਹਾਂ?
ਸਪੱਸ਼ਟ ਬੋਲੋ! ਇੱਕ ਜਵਾਬ ਦਿਓ ਜੀ —
👉 “ਗੱਠਾ ਬਣਾਓ” ਜਾਂ “ਨਾ ਬਣਵਾਓ” — ਕੋਈ ਇੱਕ ਸਿਫਾਰਸ਼ ਤਾਂ ਦੇਵੋ ਜੀ।

ਕਿਸਾਨ ਊਡੀਕ ਰਿਹਾ ਹੈ।

---

🌍 ਵਾਤਾਵਰਣ ਤੇ ਮੀਥੇਨ ਦਾ ਸਵਾਲ

ਕੀ ਪਰਾਲੀ ਜਮੀਨ ਵਿੱਚ ਨੱਪ ਕੇ ਅਸੀਂ ਦੁਨੀਆ ਵਿੱਚ ਮੀਥੇਨ ਦਾ ਬੰਬ ਨਹੀਂ ਫੋੜ ਰਹੇ?
ਅਸੀਂ ਇਹ ਗੱਲਾਂ ਲੋਕਾਂ ਸਾਹਮਣੇ ਕਿਉਂ ਨਹੀਂ ਰੱਖ ਰਹੇ?

ਓਹਨਾ ਖੇਤਾਂ ਦੀ ਮਿੱਟੀ ਦੀ ਰਿਪੋਰਟ ਜਨਤਕ ਕਰੋ,
ਜਿਨ੍ਹਾਂ ਵਿੱਚ ਪਿਛਲੇ 5–7 ਸਾਲ ਤੋਂ ਗੱਠਾ ਬਣ ਰਹੀ ਹੈ।

ਜਾਂ ਤਾਂ ਮੀਥੇਨ ਦੀ ਥਿਊਰੀ ਮਾਹਿਰ ਨਕਾਰ ਦੇਣ,
ਜਾਂ ਫਿਰ ਦੱਸਣ ਕਿ ਪਰਾਲੀ ਜਮੀਨ ਵਿਚ ਨੱਪ ਕੇ ਵਾਤਾਵਰਣ ਵਿਚ ਮੀਥੇਨ ਵਧ ਰਹੀ ਹੈ ਜਾਂ ਨਹੀਂ।

ਜੇਕਰ ਇਹ ਸੱਚ ਹੈ — ਤਾਂ ਬੁੱਧੀਜੀਵੀ ਵਰਗ ਸਾਹਮਣੇ ਆਵੇ।
ਮੀਥੇਨ ਵਾਤਾਵਰਣ ਨੂੰ ਨੁਕਸਾਨ ਪਹੁੰਚਾ ਸਕਦੀ ਹੈ।

ਅੱਜ ਦੁਨੀਆਂ ਦੇ ਬਹੁਤ ਦੇਸ਼ਾਂ ਦੇ ਰਿਸਰਚ ਪੇਪਰ ਇਸ ’ਤੇ ਹਨ।
ਇੰਟਰਨੈਟ ’ਤੇ ਸੱਭ ਉਪਲਬਧ ਹੈ।

ਅਸੀਂ ਪੁਰਾਣੀ ਖੋਜ, ਜਦੋਂ ਸਾਡੀ ਜ਼ਮੀਨ ਵਿਚ ਜੈਵਿਕ ਮਾਦਾ ਹੀ ਨਹੀਂ ਹੁੰਦਾ ਸੀ, ਨੂੰ ਆਧਾਰ ਨਹੀਂ ਬਣਾ ਸਕਦੇ।
ਅੱਜ ਨਾਲ ਤੁਲਨਾ ਕਰੋ ਜੀ।

---

🙏 ਮੇਰਾ ਯਕੀਨ — ਆਪਣੀ ਮਾਂ, ਆਪਣੀ ਯੂਨੀਵਰਸਿਟੀ ’ਤੇ 🙏

ਮੇਰਾ ਯਕੀਨ ਅਜੇ ਵੀ ਆਪਣੀ ਮਾਂ — ਆਪਣੀ ਯੂਨੀਵਰਸਿਟੀ ’ਤੇ ਹੈ।
ਇੱਕ ਮਾਂ ਜਨਮ ਦੇਂਦੀ ਹੈ, ਦੂਜੀ ਗਿਆਨ ਦੇਂਦੀ ਹੈ।

ਮੇਰੀ ਬੇਨਤੀ ਹੈ — ਦੂਜੀ ਮਾਂ ਸਾਨੂੰ ਸਾਫ਼ ਤੇ ਸੱਚੀ ਰਾਹ ਦਿਖਾਵੇ।
ਕਿਉਂਕਿ ਕਿਸਾਨ ਦੀ ਹਰ ਸਮੱਸਿਆ ਦਾ ਹੱਲ ਕੇਵਲ ਯੂਨੀਵਰਸਿਟੀ ਹੀ ਦੇ ਸਕਦੀ ਹੈ।

2 weeks ago | [YT] | 213

@usbaljindersi

Wmk

1 week ago | 0

@jagdevbawa6577

ਡਾ ਸਾਹਿਬ ਜੀ ਫ਼ਸਲ ਲਈ ਮੌਸਮ ਵੀ ਬਹੁਤ ਮਾਇਨੇ ਰੱਖਦਾ ਹੈ ਇਕੱਲੀ ਵਰਾਇਟੀ ਹੀ ਪਿਛਲੇ ਸਾਲ ਮੇਰੇ ਕਣਕ ਦੀ 222 ਕਿਸਮ ਸੀ ਝਾੜ 67 ਮਣ ਏਕੜ ਸੀ 🙏

2 weeks ago | 0

@gurwin86

Kirpa krke paddy de mandi rates upar ik post payo

1 week ago | 0

@ManpreetSingh-lu7ku

Koi v poosa 44 de rees ne kr skda aj 84 battery acre de hoye

1 week ago | 0

@Sidhupawan001

ਪੂਸੇ ਦਾ ਤੋੜ ਕੋਈ ਨੀ ਪੂਸੇ 44 ਦੇ 79 ਗੱਟੇ

2 weeks ago | 0

@gurdevchoudhary6480

Ki kambyn nal vadi da beej rukh sakde ha ji

2 weeks ago | 0

@Australiawale8727

ਵੀਰ ਡੋਗਰ pussa ਤੋਂ ਉਪਰ ਕੁਝ ਨਹੀਂ, pr ਸਾਰੀਆਂ ਲਗਾ ਕੇ ਦੇਖ ਲਿਆ, dogar pussa ਮਾਲਵਾ ਖੇਤਰ 99%ਲਗਾਓਦਾ, ਜੇਕਰ ਬੀਜ ਸਹੀ ਹੋਵੇ ਘੱਟ ਖ਼ਰਚੇ ਚ 105 -112 ਗੱਟੇ ਝਾੜ ਆ ਜਾਂਦਾ, ਏਸ ਸਾਲ ਵੀ 80 -85 ਗੱਟੇ ਝਾੜ ਆ ਰਿਹਾ,

2 weeks ago | 2

@baljindersingh9494

Singh sahib ji sugar free v koi seed hai ji

2 weeks ago | 0

@inderpreetsingh6145

ਸਾਰਾ ਰਕਬਾ ਨਵੀਂ ਕਿਸਮ ਦਾ ਲਗਾਕੇ ਕਈ ਵਾਰ ਝਾੜ ਦੇ ਲਾਲਚ ਚ ਰਗੜਾ ਲੱਗ ਜਾਂਦਾ ਨਵਾਂ ਬੀਜ ਇੱਕ ਜਾਂ ਅੱਧਾ ਏਕੜ ਤੋਂ ਵੱਧ ਨੀ ਲਗਾਉਣਾ ਚਾਹੀਦਾ

2 weeks ago (edited) | 0

@kamaldhindsa308

ਇੱਕ ਗੱਲ ਦੇਖ ਲਈ ਫਸ਼ਲ ਤੇ ਲੌੜ ਤੋਂ ਜਿਆਦਾ ਖਰਚ ਨਾ ਕਰੋ ਮੌਸਮ ਨੇ ਇਸ ਵਾਰ ਸਬ ਦੀ ਢੂੰਈ ਭੰਨ ਤੀ

1 week ago | 0

@jagjitsingh1078

ਬਾਈ ਜੀ ਤੁਸੀਂ ਠੀਕ ਕਹਿ ਰਹੇ ਹੋ। ਹਰ ਕਿਸਾਨ ਨੂੰ ਆਪਣਾ ਬੀਜ ਹੱਥੀਂ ਝਾੜ ਕੇ ਰੱਖ ਲੈਣਾ ਚਾਹੀਦਾ ਹੈ।

2 weeks ago | 0