Ở Việt Nam cũng có kênh tuyên truyền chống phá nhà nước Việt Nam mang tên RFA Tiếng Việt. Bên Campuchia có RFA Khmer, kênh này làm việc tích cực quá, không biết bên nào tài trợ cho bọn nó
1 month ago | 0
What I have always believed is that Thailand has never thought badly of anyone and is the most generous country in the world. The Cambodian people are not the enemy of Thailand. We have always helped them since the Civil War. The world community has seen what happened. That is, we didn't start first. And Cambodia's rocket came without choosing a target. Thailand has responded according to the principle and asked Cambodia to stop hostile actions and return to the negotiating table. It can be seen that our demands are different from Cambodia. To ask the UNSC to help this matter, stop being arrogant and send the matter to the world court. No nation has accepted Cambodia's proposal. But the international community supports the use of bilateral mechanisms.
1 month ago | 2
RFA Khmer
កម្ពុជានិងថៃបានព្រមព្រៀងអនុវត្តបទឈប់បាញ់គ្នាចាប់ពីពាក់កណ្ដាលយប់នេះ
---
មេដឹកនាំកម្ពុជានិងថៃ បានព្រមព្រៀងគ្នាអនុវត្តបទឈប់បាញ់គ្នាភ្លាមៗ និងគ្មានលក្ខខណ្ឌ នៅក្នុងកិច្ចប្រជុំ ដែលរៀបចំឡើងដោយប្រទេសម៉ាឡេស៊ី និងសហការរៀបចំដោយសហរដ្ឋអាមេរិក និងប្រទេសចិន។
ប្រធានប្ដូរវេនអាស៊ានលោកនាយករដ្ឋមន្រ្តី អាន់វ៉ា អ៊ីប្រាហ៊ីម (Anwar Ibrahim) បានប្រកាសនៅក្រោយកិច្ចប្រជុំថា បទឈប់បាញ់គ្នានេះ នឹងចូលជាធរមានចាប់ពីពាក់កណ្ដាលយប់នេះទៅ គឺពីម៉ោង១២យប់។ លោកបានបន្តថា នេះជាជំហានដំបូងដ៏សំខាន់មួយ ដើម្បីបន្ធូរបន្ថយជម្លោះ និងស្ដារឡើងវិញនៃសន្ដិភាព និងសន្ដិសុខ។ លោក អាន់វ៉ា អ៊ីប្រាហ៊ីម បានបន្ថែមទៀតថា ក្រុមសង្កេតការណ៍មួយ នឹងត្រូវបញ្ជូនទៅកាន់ប្រទេសកម្ពុជា និងថៃ ដើម្បីស្ដារបណ្ដាញទំនាក់ទំនងរវាងប្រទេសទាំងពីរឡើងវិញ។
លោក ហ៊ុន ម៉ាណែត បានប្រកាសលើហ្វេសប៊ុកដែរថា នេះគឺជាលទ្ធផលដ៏ត្រចេះត្រចង់ ដែលលោកនិងនាយករដ្ឋមន្ត្រីស្ដីទីថៃ បានឯកភាពលើ៣ចំណុច គឺទី១ ការឈប់បាញ់ចាប់ពីម៉ោង១២យប់នេះ ទី២ កម្ពុជានិងថៃនឹងរៀបចំកិច្ចប្រជុំក្រៅផ្លូវការថ្នាក់មេបញ្ជាការកងទ័ពភូមិភាគជាមួយបណ្ដាសេនានុព័ន្ធនិងអនុព័ន្ធយោធា ដឹកនាំដោយប្រធានអាស៊ាននៅថ្ងៃទី២៩ ខែកក្កដា បើមានការឯកភាពគ្នាពីភាគីទាំងពីរ និងទី៣ កិច្ចប្រជុំគណៈកម្មាធិការព្រំដែនទូទៅ (GBC) កម្ពុជា-ថៃ នឹងធ្វើឡើងនៅថ្ងៃទី៤ ខែសីហា ដែលកម្ពុជាធ្វើជាម្ចាស់ផ្ទុះ។
លោក ហ៊ុន ម៉ាណែត ក៏បានអរគុណនាយករដ្ឋមន្ត្រីម៉ាឡេស៊ី ដែលបានផ្ដួចផ្ដើម និងធ្វើជាម្ចាស់ផ្ទះនៃកិច្ចប្រជុំ រួមទាំងអរគុណប្រធានាធិបតីសហរដ្ឋអាមេរិកលោក ដូណាល់ ត្រាំ ដែលបានគាំទ្រឱ្យកម្ពុជានិងថៃជួបចរចាដើម្បីសម្រេចអនុវត្តបទឈប់បាញ់គ្នាភ្លាមៗ ហើយនិងការលើកទឹកចិត្តគាំទ្រពីប្រទេសចិន។
លោក ហ៊ុន ម៉ាណែត សង្ឃឹមថា កិច្ចព្រមព្រៀងឈប់បាញ់គ្នានេះ នឹងជាមូលដ្ឋានសំខាន់សម្រាប់កសាងទំនុកចិត្តរវាងគ្នា និងការកែលម្អស្ថានការឱ្យប្រសើរឡើងវិញ ដើម្បីឈានទៅរកភាពប្រក្រតីនៅពេលអនាគត។
ចំណែកនាយករដ្ឋមន្ត្រីស្ដីទីប្រទេសថៃលោក ភូមិថាំ វេឆាយ៉ាឆៃ (Phumtham Wechayachai) បាននិយាយនៅក្នុងសន្និសីទសារព័ត៌មានថា នេះជាលទ្ធផលដែលប្រទេសថៃតែងមានបំណងប្រាថ្នាចង់បានដំណោះស្រាយដោយសន្ដិវិធី ហើយលោកសង្ឃឹមថា កិច្ចព្រមព្រៀងឈប់បាញ់គ្នានេះ នឹងត្រូវអនុវត្តដោយជោគជ័យនិងស្មោះត្រង់។
កិច្ចព្រមព្រៀងបទឈប់បាញ់នេះ បានធ្វើឡើងតាមសំណើរបស់ប្រធានាធិបតីសហរដ្ឋអាមេរិកលោក ដូណាល់ ត្រាំ (Donald Trump) ដែលបាននិយាយទូរស័ព្ទជាមួយលោកនាយករដ្ឋមន្ត្រី ហ៊ុន ម៉ាណែត និងនាយករដ្ឋមន្ត្រីស្ដីទីលោក លោក ភូមិថាំ វេឆាយ៉ាឆៃ ដោយតម្រូវឱ្យមានបទឈប់បាញ់គ្នា បើកម្ពុជានិងថៃចង់បានកិច្ចព្រមព្រៀងពាណិជ្ជកម្មថ្មីជាមួយសហរដ្ឋអាមេរិក។ សហរដ្ឋអាមេរិកបានដំឡើងពន្ធលើកម្ពុជានិងថៃចំនួន៣៦%ដូចគ្នា ហើយកម្ពុជានិងថៃ កំពុងព្យាយាមសុំចរចាដើម្បីឱ្យសហរដ្ឋអាមេរិកបញ្ចុះអត្រាពន្ធនេះបន្ថែមទៀត៕
រូបភាព៖ AFP
---
#វិទ្យុអាស៊ីសេរី #កម្ពុជា #ថៃ #ហ៊ុនម៉ាណែត #ហ៊ុនសែន #ជម្លោះព្រំដែន
#RFAKhmer #Cambodia #Thailland #HunManet #HunSen #BorderConflict
1 month ago (edited) | [YT] | 518