娛樂山 Mount Buzz
【娛樂山】 工展會任一日店長｜伍詠薇30年前奪新人獎片段被瘋傳｜笑言與「失」有緣 期待與Jeffrey合唱 伍詠薇（伍姑娘）日前現身維園工展會，為代言的馬百良健康產品擔任一日店長，吸引大批途人圍觀，爭相自拍、攞簽名，現場猶如一個小型見面會，她笑謂：「今日嚟嘅朋友都好熱情，賣咗好多貨好開心，大家都好肯使錢！」 伍姑娘透露平日雖然是宅女，但很喜歡逛工展會購物，「其實我好多老闆朋友喺度，我呢啲小婦人嚟到就話『喂，老闆，我嚟撐吓你！』，跟住大家又畀好多產品我。最高紀錄嚟足四年，有兩年仲要借人哋鋪頭啲大車仔，拖咗兩車戰利品返去！」 對於最近有網民瘋傳30年前，她在「十大中文金曲」頒獎禮中，奪得新人獎銀獎的片段，伍姑娘說：「唔怪得呢排啲朋友係咁話我攞獎啦，係95、96年嗰條段片嘛，我嗰首《失落於巴黎鐵塔下》呀嘛，我有印象！」她笑指初時看到片段感奇怪，但很開心大家仍然記得，還表示自己與「失」字很有緣，「我有《失落於巴黎鐵塔下》、又有《失樂園》，我同『失』字好有緣，所以我有咩都失而復得，哈哈。」伍姑娘亦有留意Jeffrey的作品《失約巴黎》，直言有興趣與對方合唱。 對於再為《全民造星VI》擔任評判，伍姑娘讚參賽者表演幾好：「我係中段選未去到最後，都會望吓電視，睇吓心水嗰一、兩個，我估自己今年都會Tip中（賽果）。」問到會否被燃起唱歌癮？她指自己同樣熱血：「熱血唔分年齡，我都想同佢哋Jam吓歌，睇到佢哋愈嚟愈成熟，好Good。」 Instagram 🔗｜ instagram.com/mountbuzz.official Facebook 🔗｜ facebook.com/@mountbuzz YouTube 🔗｜youtube.com/@mountbuzz Threads🔗｜www.threads.com/@mountbuzz.official #娛樂山 #娛樂山mountbuzz #娛樂新聞 #即時報道 #即時新聞 #獨家新聞 #專訪 #伍詠薇 #工展會 #健康產品 #宅 #戰利品 #十大中文金曲 #失落於巴黎鐵塔下 #魏浚笙 #失約巴黎
2 days ago | [YT] | 13
娛樂山 Mount Buzz
【娛樂山】 工展會任一日店長｜伍詠薇30年前奪新人獎片段被瘋傳｜笑言與「失」有緣 期待與Jeffrey合唱
伍詠薇（伍姑娘）日前現身維園工展會，為代言的馬百良健康產品擔任一日店長，吸引大批途人圍觀，爭相自拍、攞簽名，現場猶如一個小型見面會，她笑謂：「今日嚟嘅朋友都好熱情，賣咗好多貨好開心，大家都好肯使錢！」
伍姑娘透露平日雖然是宅女，但很喜歡逛工展會購物，「其實我好多老闆朋友喺度，我呢啲小婦人嚟到就話『喂，老闆，我嚟撐吓你！』，跟住大家又畀好多產品我。最高紀錄嚟足四年，有兩年仲要借人哋鋪頭啲大車仔，拖咗兩車戰利品返去！」
對於最近有網民瘋傳30年前，她在「十大中文金曲」頒獎禮中，奪得新人獎銀獎的片段，伍姑娘說：「唔怪得呢排啲朋友係咁話我攞獎啦，係95、96年嗰條段片嘛，我嗰首《失落於巴黎鐵塔下》呀嘛，我有印象！」她笑指初時看到片段感奇怪，但很開心大家仍然記得，還表示自己與「失」字很有緣，「我有《失落於巴黎鐵塔下》、又有《失樂園》，我同『失』字好有緣，所以我有咩都失而復得，哈哈。」伍姑娘亦有留意Jeffrey的作品《失約巴黎》，直言有興趣與對方合唱。
對於再為《全民造星VI》擔任評判，伍姑娘讚參賽者表演幾好：「我係中段選未去到最後，都會望吓電視，睇吓心水嗰一、兩個，我估自己今年都會Tip中（賽果）。」問到會否被燃起唱歌癮？她指自己同樣熱血：「熱血唔分年齡，我都想同佢哋Jam吓歌，睇到佢哋愈嚟愈成熟，好Good。」
Instagram 🔗｜ instagram.com/mountbuzz.official
Facebook 🔗｜ facebook.com/@mountbuzz
YouTube 🔗｜youtube.com/@mountbuzz
Threads🔗｜www.threads.com/@mountbuzz.official
#娛樂山 #娛樂山mountbuzz #娛樂新聞 #即時報道 #即時新聞 #獨家新聞 #專訪 #伍詠薇 #工展會 #健康產品 #宅 #戰利品 #十大中文金曲 #失落於巴黎鐵塔下 #魏浚笙 #失約巴黎
2 days ago | [YT] | 13