اللّٰہ پاک آ پ کی بہن سمیت باکی مسلمان بہنوں اور بیٹیوں کے نصیب بہترین عطا فرمائے آمین یارب العالمین 🤲🤲🤲🤲
2 weeks ago | 8
ماشاءاللہ بہت خوشی ہوئی آپ کی تحریر پڑھ کر مجھے لگا کہ یہ سب کچھ میں اپنی بہن اور بیٹی کے لیے کہنا چاھتا تھا جو آپ نے کہا ماشاءاللہ
1 week ago | 2
کیا خوبصورت لکھا ہے ، سب بیٹیوں کو اللہ تعالیٰ آباد و شاد رکھے آمین
2 weeks ago | 6
آمین ثم آمین یارب العالمین انشاءاللہ جلد اللھم صل علی محمدﷺو علی آل محمدﷺ استغفراللہ استغفراللہ استغفراللہ استغفراللہ اللھم صل علی محمدﷺ و علی آل محمدﷺ
2 weeks ago | 1
ماشاءاللہ جی۔ بہت بہت مبارک ہو احمد بھائی۔ اللہ پاک آپ کی پیاری بہن کو سلامت رکھے، زندگی بھر دنیا کی تمام خوشیاں عطا فرمائے، گھر کو آباد رکهے، نیک صالح اولاد عطا فرمائے اور اپنے شریک حیات کے ساتھ ہمیشہ پیار اور محبت کی زندگی عطا فرمائے۔ آمین ثم آمین یا رب العالمین
2 weeks ago | 29
اللہ پاک فاطمہ بیٹی کو تاحیات خوش و خرم اور آ باد رکھے اور جن بیٹیوں کی شادی ہوچکی ہے ان تمام بیٹیوں کو خوش و خرم اور آ باد رکھے آ مین یا رب العالمین
2 weeks ago | 12
Allah pak apki behn Fatime ko kher o brkt wli kamyab zndgi ata frmayn khush r abad tkhy dheron ezton r ehtrm pay Ameen
2 weeks ago | 1
ماشاء اللّٰہ ۔۔۔۔اللہ پاک آپ کی بہن کو عافیت کے ساتھ رکھے اور میاں بیوی کے درمیان محبت پیدا کرے۔۔۔۔آمین ثم آمین
2 weeks ago | 3
اللہ پاک ہر بیٹی کے نصیب بہت اچھے بنائے اور اس کی زندگی میں خوشیاں ہی خوشیاں ہو امین🥰🥰🥰
2 weeks ago | 6
Khush Naseeb hai Behan hamari Jo inta acha Bhai Mila hai Jo Behan bhaiyo ka baap bana hai. Ameen Masha Allah
2 weeks ago | 1
Aamin sum Aamin Ya Rabul Aalamin Buht acha lga sun k prh k... ALLAH PAK Fatima or sub betiyon k Naseeb ache kre... Aamin sum Aamin
2 weeks ago | 1
Hafiz Ahmed
ہم پانچ بہن بھائی ہیں — دو بھائی اور تین بہنیں۔ ان سب میں میں سب سے بڑا ہوں، اور فاطمہ ہم سب میں سب سے چھوٹی۔ عمر کا فرق کچھ ایسا تھا کہ وہ میرے لیے بہن کم، بیٹی زیادہ تھی۔ بچپن سے لے کر اب تک، اس کی ہر ضرورت، ہر خواہش، ہر فرمائش میرے ساتھ جُڑی رہی۔ جب بھی کوئی کام ہوتا تو وہ ابو کو نہیں، مجھے کہتی تھی — “بھائی، میری فیس پے کر دیں”، “بھائی، میں نے آن لائن یہ چیز منگوائی ہے، اس کی پیمنٹ کردیں”، یا “بھائی، مجھے یہ کھانا ہے، یہ منگوا دیں”۔ رات ہو یا دن، اس کی ہر بات میرے لیے اہم ہوتی تھی، اور میں دل سے پوری کرتا تھا۔
ہمارے والد صاحب نے اپنی محدود آمدن کے باوجود ہمیشہ کوشش کی کہ ہمیں ہر وہ سہولت ملے جس سے ہماری زندگی آسان ہو۔ انہوں نے ہماری پرورش بڑے صبر، محنت اور محبت سے کی۔ پھر وقت کے ساتھ میں انگلینڈ چلا گیا، حالات بہتر ہوئے، اور فاطمہ کا بچپن ہم سب سے زیادہ آسان، بہتر اور خوشحال گزرا۔ وہ لاڈلی بھی تھی، ذہین بھی، اور دعاؤں کا مرکز بھی۔ اس کی ہر فرمائش صرف فرمائش نہیں ہوتی تھی — وہ میری خوشی بن چکی تھی۔
جب اس کی شادی کا وقت آیا، تو دل میں بس یہی خواہش تھی کہ جو کچھ فاطمہ مانگے، اُس سے بڑھ کر دوں۔ ہر چیز میں بہتری، خوبصورتی، اور اُس کی خوشی کو ترجیح دی۔ لباس، زیور، دعوت، جہیز — ہر پہلو میں چاہا کہ وہ اپنی زندگی کا سب سے حسین دن دیکھے، اور الحمدللہ اللہ نے سب آسان کر دیا۔
فاطمہ کی ایک خاص خواہش یہ بھی تھی کہ اُس کا نکاح مولانا طارق جمیل صاحب پڑھائیں۔ جب رشتہ طے ہوا تو اس نے بڑے محبت بھرے انداز میں اس خواہش کا اظہار کیا، اور میں نے دل میں تہیہ کر لیا کہ یہ خواہش بھی پوری ہونی چاہیے۔ میں نے مولانا صاحب سے خود درخواست کی، اور الحمدللہ، وہ خصوصی طور پر فیصل آباد سے لاہور تشریف لائے، اور نہ صرف نکاح پڑھایا بلکہ وہاں موجود سب لوگوں کے دلوں کو چھو لینے والا بیان بھی فرمایا۔ میں نے کوشش کی کہ فاطمہ کی ہر بات، ہر خواہش، جس طرح وہ چاہتی تھی — بالکل ویسا ہی ہو۔
بیٹیوں اور بہنوں کو رخصت کرنا شاید دنیا کے سب سے مشکل کاموں میں سے ایک ہے۔ آپ ایک عمر اُنہیں اپنی آنکھوں کے سامنے پروان چڑھاتے ہیں، ان کے ہر درد، ہر خوشی میں شریک ہوتے ہیں، اور پھر ایک دن… اُنہیں دعاؤں، آنسوؤں اور دل کی ٹوٹتی ہوئی خاموشی کے ساتھ رخصت کرنا پڑتا ہے۔ یہ ایک لمحہ صرف رسم نہیں ہوتا، یہ دل کا ایک حصہ جدا ہونے کا احساس ہوتا ہے۔
رخصتی کے بعد دل بہت خالی سا محسوس ہوتا ہے۔ ابھی کل رات اچانک کہہ بیٹھا: “فاطمہ، ذرا یہ پکڑا دینا”، پھر لمحے بھر کو رُک گیا… یاد آیا کہ وہ اب اپنے گھر کی ہو گئی ہے۔
نبی کریم صلی اللہ علیہ وسلم کا فرمان ہے:
“جس نے دو بیٹیوں یا دو بہنوں کی پرورش کی، ان کی اچھی تربیت کی، اور پھر ان کی شادی کر دی، وہ جنت میں میرے ساتھ ہوگا۔”
(ترمذی شریف)
بس اللہ سے دعا ہے کہ میری فاطمہ جہاں بھی رہے، خوش رہے، آباد رہے، عزت اور سکون سے زندگی گزارے۔ وہ ہماری سب سے چھوٹی ہے، لیکن دل کے سب سے قریب ہے۔ اور ہمیشہ دل کے درمیان ہی رہے گی۔
2 weeks ago | [YT] | 5,759