Essential Asset
"လွတ်လပ်ရေးနေ့ တို့မမေ့ဖို့"ဒီနေ့ ဇန်နဝါရီလ ၄ ရက် နေ့ဟာ ကျွန်တော်တို့ မြန်မာနိုင်ငံအတွက် ကျူးကျော်ခံရမှုတွေပြီးတဲ့နောက် စစ်မှန်တဲ့ လွတ်လပ်ရေးကို ပထမဆုံးရရှိခဲ့တဲ့ "မြန်မာ့လွတ်လပ်ရေးနေ့" ဖြစ်ပါတယ်။ new year နဲ့ ခရစ္စမတ်ပွဲတော်ရက်တွေကို ကျော်လွန်လာပြီးတဲ့နောက် ဒီနှစ်ရဲ့ ပထမဆုံးသော မြန်မာ့သမိုင်းဝင်နေ့ရက်လို့ ဆိုရမှာပါ။လွန်ခဲ့တဲ့ ၇၅ နှစ်လောက်တုန်းက ဒီနေ့လိုမျိုး ဇန်နဝါရီ ၄ ရက်နေ့မှာတော့ ကျွန်တော်တို့ မြန်မာတွေလက်ထဲကို ကိုယ်ပိုင်အုပ်ချုပ်ပိုင်ခွင့်နဲ့ လွတ်လပ်ခွင့်တွေ အပြည့်အဝပြန်လည်ပေးအပ်ခဲ့ပါတယ်။၁၉၄၈ ခုနှစ် ဇန်နဝါရီလ ၄ရက်နေ့ဟာ ကိုလိုနီအစိုးရလက်အောက်မှာ အောက်မြန်မာပြည်အတွက် နှစ်ပေါင်း ၁၂၃ နှစ် ၊ အထက်မြန်မာပြည်အတွက်ဆိုရင် ၆၃ နှစ် ကျရောက်ခဲ့ပြီးတဲ့အချိန်ဖြစ်ပါတယ်။ ဒီလိုရာစုနှစ်တခုတိုင် ကိုလိုနီရဲ့ ဖိနိှပ်အုပ်ချုပ် မှုအောက်မှာနေလာခဲ့ရတဲ့ မြန်မာတို့အတွက် "လွတ်လပ်ရေးရပြီ" ကိုယ့်နိုင်ငံ ၊ကိုယ်သမ္မတနဲ့ ကိုယ့်ကံကြမ္မာကိုယ် ဖန်တီးလို့ရပြီဆိုတာဟာ ဘယ်လောက်တောင် ပျော်ဖို့ကောင်းနေလိုက်မလဲဆိုတာကို ကျွန်တော်တို့ မှန်းဆကြည့်ရုံနဲ့ သိနိုင်မှာပါ။ဒီနေ့ရဲ့ မနက် ၄ နာရီ ၂၀ မိနစ်မှာ ကျွန်တော်တို့ မြန်မာနိုင်ငံရဲ့ ပထမဆုံးသော သမ္မတဖြစ်တဲ့ သမ္မတကြီး စပ်ရွှေသိုက်နဲ့ ပထမဆုံးသောဝန်ကြီးချုပ်ဖြစ်တဲ့ ဉီးနုတို့ထံကို ကိုယ်ပိုင်လွတ်လပ်စွာအုပ်ချုပ်ပိုင်ခွင့်ကို ပြန်လည်ရရှိခဲ့ပါတယ်။ အဲဒီနေ့မနက် ၄ နာရီ မိနစ် ၂ဝ မှာ ရန်ကုန်ဆိပ်ကမ်းမှာ ဆိုက်ကပ်ထားတဲ့ ဘာမင်ဟမ် စစ်သင်္ဘောကြီးက အမြောက်တွေ ပစ်ဖောက် အချက်ပေးသံတွေ ထွက်လာပြီး တိုင်းပြုပြည်ပြုလွှတ်တော်ရှေ့မှာ ဗြိတိသျှ ယူနီယံဂျက်အလံကို ဖြုတ်ချကာ ပြည်ထောင်စုမြန်မာနိုင်ငံတော် အလံကို လွှင့်တင်ခဲ့ပါတယ်။ မနက် ၄ နာရီ ၄၅ မိနစ် ရောက်တဲ့အခါ လွှတ်တော်အစည်းအဝေးခန်းမမှာ နိုင်ငံတော်အာဏာလွှဲပြောင်းတဲ့ အခမ်းအနား ဆက်ပြီး ပြုလုပ်ပါတယ်။ တိုင်းပြုပြည်ပြုလွှတ်တော်က ယာယီပါလီမန် ဖြစ်လာပြီး ညောင်ရွှေစော်ဘွားကြီး စဝ်ရွှေသိုက်က မြန်မာနိုင်ငံရဲ့ပထမဆုံးသော သမ္မတဖြစ်လာပြီး ၊ ဦးနုကတော့ ပထမဆုံးသောဝန်ကြီးချုပ် ဖြစ်လာပါတယ်။အဲဒီနောက် မနက် ၆ နာရီခွဲ ရောက်တဲ့အခါ ဘုရင်ခံရဲ့ အိမ်တော်မှာ အာဏာလွှဲပြောင်းတဲ့အခမ်းအနား ပြုလုပ်ပြီး မနက် ၈ နာရီ မိနစ် ၂ဝ တိတိမှာ အင်္ဂလိပ်ဘုရင်ခံ ဆာဟူးဘတ်ရန့်စ် နဲ့ ဇနီးဖြစ်သူတို့ ဘာမင်ဟန်သင်္ဘောနဲ့ မြန်မာပြည်က ထွက်ခွာသွားပါတယ်။ ဒါဟာ မြန်မာပြည်မှာ ပထမဆုံးနဲ့ နောက်ဆုံး လို့ဆိုနိုင်တဲ့ စစ်မှန်တဲ့ အာဏာလွှဲပြောင်းမှု ဖြစ်ပါတယ်။အဲဒီနေ့မှာပဲ လွတ်လပ်ရေးမော်ကွန်းကျောက်တိုင် အုတ်မြစ်ချခဲ့ပြီး အဲဒီအခမ်းအနားမှာ ဖဆပလ အထွေထွေအတွင်းရေးမှူး ဦးဗဆွေက သစ္စာအဓိဋ္ဌာန် ၉ ချက်ကို တိုင်ပေးပြီး လူထုကြီးက လိုက်ဆိုခဲ့ပါတယ်။ဒီသစ္စာအဓိဌာန် ၉ချက်ကို ၁၉၅ဝ ပြည့်နှစ် နိုဝင်ဘာလ ၂၆ ရက်နေ့မှာ ဖွင့်လှစ်ခဲ့တဲ့ 'ပြည်ထောင်စုမြန်မာနိုင်ငံတော် လွတ်လပ်ရေးမော်ကွန်းကျောက်တိုင်’လို့ ကမ္ပည်းထိုးထားတဲ့ ရန်ကုန် မဟာဗန္ဓွုလပန်းခြံထဲက ကျောက်တိုင်အခြေ ပတ်လည်မှာလွတ်လပ်ရေးကြေညာစာတမ်း၊ ဗိုလ်ချုပ်အောင်ဆန်းရဲ့ မိန့်ခွန်းကောက်နုတ်ချက်၊ သခင်နုရဲ့ ပါလီမန်မိန့်ခွန်းနဲ့ လွတ်လပ်ရေး မော်ကွန်းကျောက်တိုင် အုတ်မြစ်ချမိန့်ခွန်းတို့နဲ့အတူ ကျောက်သားမှာ ရေးထိုးထားတာကို တွေ့ရမှာဖြစ်ပါတယ်။လွတ်လပ်ရေးအခမ်းအနားမှာ လူထုနဲ့အတူရွတ်ဆိုခဲ့တဲ့ သစ္စာအဓိဋ္ဌာန်ကိုးချက်ကို EA ရဲ့ မိတ်ဆွေတို့ သိမှတ်နိုင်ဖို့အတွက် ပြန်လည်ဖော်ပြပေးလိုက်ပါတယ်ခင်ဗျာ။"အောင်စေသတည်း။ မြန်မာသက္ကရာဇ် ၁၃ဝ၉ ခုနှစ် ပြာသိုလဆုတ် ၉ ရက် (အင်္ဂလိပ်သက္ကရာဇ် ၁၉၄၈ ခုနှစ် ဇန်နဝါရီလ ၄ ရက်) တနင်္ဂနွေနေ့ ကောင်းမြတ်သော မင်္ဂလာအခါ၌ ဤငါတို့ မြန်မာပြည်သည် လုံးဝလွတ်လပ်သော အချုပ်အခြာ အာဏာပိုင် ပြည်ထောင်စုသမ္မတ မြန်မာနိုင်ငံတော်ကြီးအဖြစ်သို့ ရောက်သတည်း။၁၊ ငါတို့သည် ဤနေ့ဤအချိန်မှစ၍ ငါတို့အား လွတ်လပ်သောလမ်းသို့ ပို့ဆောင်ခဲ့သော ငါတို့၏ ခေါင်းဆောင်ကြီး ဗိုလ်ချုပ်အောင်ဆန်း ချမှတ်ခဲ့သည့် လမ်းစဉ်အတိုင်း တသဝေမတိမ်း ချီတက်မည်။၂၊ ငါတို့သည် ဤနေ့ဤအချိန်မှစ၍ လွတ်လပ်သော နိုင်ငံသားတို့၏ ပြည်ထောင်စုသမတ မြန်မာနိုင်ငံတော်ကြီး၏ သစ္စာကို မသွေမဖည် စောင့်ထိန်းမည်။၃၊ ငါတို့သည် ဤနေ့ဤအချိန်မှစ၍ လွတ်လပ်သော နိုင်ငံသားတို့၏ မွန်မြတ်သော အခွင့်အရေးကို ခံယူသည့်နည်းတူ လွတ်လပ်သော နိုင်ငံသားတို့၏ တာဝန်ဝတ္တရားများကိုလည်း မတိမ်းမငဲ့ ထမ်းဆောင်မည်။၄၊ ငါတို့သည် ဤနေ့ဤအချိန်မှစ၍ ငါတို့ခေါင်းဆောင်ကြီး ဗိုလ်ချုပ်အောင်ဆန်း၏ လုံ့လဥဿာဟဖြင့် ရရှိပြီးသော အမျိုးသားညီညွတ်ရေးကို ကျောက်စိုင်ကျောက်ခဲကဲ့သို့ ခိုင်မြဲအောင် ထိန်းသိမ်းမည်။၅၊ ငါတို့သည် ဤနေ့ဤအချိန်မှစ၍ ငါတို့နိုင်ငံသားဟူသရွေ့ကို ကြီးငယ်နီးဝေးမခြား တသွေးတသားတည်း ပြု၍၊ နည်းများ နိမ့်မြင့် မရှိစေရ ညီတူညီမျှ ပြုမည်။၆၊ ငါတို့သည် ဤနေ့ဤအချိန်မှစ၍ သူတပါးကိုလည်း မတရားမပြု ငါတို့အား မတရားပြုမူခြင်းကိုလည်း မခံ၊ အသက်နှင့်လဲ၍ ကာကွယ်မည်။၇၊ ငါတို့သည် ဤနေ့ဤအချိန်မှစ၍ ငါတို့နိုင်ငံတော်ကြီး၏ တရားဥပဒေများကို ရိုသေစွာ လိုက်နာကျင့်သုံးမည်။၈၊ ငါတို့သည် ဤနေ့ဤအချိန်မှစ၍ ငါတို့နိုင်ငံနှင့် ငါတို့လွတ်လပ်ရေးကို အသက်နှင့်လဲ၍ ကာကွယ်စောင့်ရှောက်မည်။၉၊ လုံးဝလွတ်လပ်သော ပြည်ထောင်စုသမ္မတ မြန်မာနိုင်ငံတော်ကြီး ကမ္ဘာအရှည် တည်မြဲရေးတာဝန်သည် ငါတို့နှင့်တကွ ငါတို့သားမြေး နောင်လာအဆက်ဆက်တို့အပေါ်၌ တည်စေမည်။ဤ ငါတို့ သစ္စာအဓိဋ္ဌာန် မှန်သည့်အတိုင်း ငါတို့ပြည်ထောင်စုသမ္မတ မြန်မာနိုင်ငံတော်ကြီးသည် ကမ္ဘာအရှည် တည်စေသတည်း။ ။#မှတ်ချက်၂ဝ၁ဝ ခုနှစ် ဇန်နဝါရီလ ၁ ရက် နော်ဝေအခြေစိုက် ဒီမိုကရက်တစ်မြန်မာ့အသံ ထုတ်လွှင့်ချက်နဲ့ အခြားရေးသားမျှဝေခဲ့သူတွေထံကနေ ကိုးကားဖော်ပြပေးခဲ့တာ ဖြစ်ပါတယ်ခင်ဗျာ။#Myanmar_Independence_Day#Indenpendence_Day#Myanmar_Historical_Knowledge#Essential_Asset_Myanmar#essential_asset
2 years ago | [YT] | 2
Essential Asset
"လွတ်လပ်ရေးနေ့ တို့မမေ့ဖို့"
ဒီနေ့ ဇန်နဝါရီလ ၄ ရက် နေ့ဟာ ကျွန်တော်တို့ မြန်မာနိုင်ငံအတွက် ကျူးကျော်ခံရမှုတွေပြီးတဲ့နောက် စစ်မှန်တဲ့ လွတ်လပ်ရေးကို ပထမဆုံးရရှိခဲ့တဲ့ "မြန်မာ့လွတ်လပ်ရေးနေ့" ဖြစ်ပါတယ်။ new year နဲ့ ခရစ္စမတ်ပွဲတော်ရက်တွေကို ကျော်လွန်လာပြီးတဲ့နောက် ဒီနှစ်ရဲ့ ပထမဆုံးသော မြန်မာ့သမိုင်းဝင်နေ့ရက်လို့ ဆိုရမှာပါ။
လွန်ခဲ့တဲ့ ၇၅ နှစ်လောက်တုန်းက ဒီနေ့လိုမျိုး ဇန်နဝါရီ ၄ ရက်နေ့မှာတော့ ကျွန်တော်တို့ မြန်မာတွေလက်ထဲကို ကိုယ်ပိုင်အုပ်ချုပ်ပိုင်ခွင့်နဲ့ လွတ်လပ်ခွင့်တွေ အပြည့်အဝပြန်လည်ပေးအပ်ခဲ့ပါတယ်။
၁၉၄၈ ခုနှစ် ဇန်နဝါရီလ ၄ရက်နေ့ဟာ ကိုလိုနီအစိုးရလက်အောက်မှာ အောက်မြန်မာပြည်အတွက် နှစ်ပေါင်း ၁၂၃ နှစ် ၊ အထက်မြန်မာပြည်အတွက်ဆိုရင် ၆၃ နှစ် ကျရောက်ခဲ့ပြီးတဲ့အချိန်ဖြစ်ပါတယ်။ ဒီလိုရာစုနှစ်တခုတိုင် ကိုလိုနီရဲ့ ဖိနိှပ်အုပ်ချုပ် မှုအောက်မှာနေလာခဲ့ရတဲ့ မြန်မာတို့အတွက် "လွတ်လပ်ရေးရပြီ" ကိုယ့်နိုင်ငံ ၊ကိုယ်သမ္မတနဲ့ ကိုယ့်ကံကြမ္မာကိုယ် ဖန်တီးလို့ရပြီဆိုတာဟာ ဘယ်လောက်တောင် ပျော်ဖို့ကောင်းနေလိုက်မလဲဆိုတာကို ကျွန်တော်တို့ မှန်းဆကြည့်ရုံနဲ့ သိနိုင်မှာပါ။
ဒီနေ့ရဲ့ မနက် ၄ နာရီ ၂၀ မိနစ်မှာ ကျွန်တော်တို့ မြန်မာနိုင်ငံရဲ့ ပထမဆုံးသော သမ္မတဖြစ်တဲ့ သမ္မတကြီး စပ်ရွှေသိုက်နဲ့ ပထမဆုံးသောဝန်ကြီးချုပ်ဖြစ်တဲ့ ဉီးနုတို့ထံကို ကိုယ်ပိုင်လွတ်လပ်စွာအုပ်ချုပ်ပိုင်ခွင့်ကို ပြန်လည်ရရှိခဲ့ပါတယ်။
အဲဒီနေ့မနက် ၄ နာရီ မိနစ် ၂ဝ မှာ ရန်ကုန်ဆိပ်ကမ်းမှာ ဆိုက်ကပ်ထားတဲ့ ဘာမင်ဟမ် စစ်သင်္ဘောကြီးက အမြောက်တွေ ပစ်ဖောက် အချက်ပေးသံတွေ ထွက်လာပြီး တိုင်းပြုပြည်ပြုလွှတ်တော်ရှေ့မှာ ဗြိတိသျှ ယူနီယံဂျက်အလံကို ဖြုတ်ချကာ ပြည်ထောင်စုမြန်မာနိုင်ငံတော် အလံကို လွှင့်တင်ခဲ့ပါတယ်။ မနက် ၄ နာရီ ၄၅ မိနစ် ရောက်တဲ့အခါ လွှတ်တော်အစည်းအဝေးခန်းမမှာ နိုင်ငံတော်အာဏာလွှဲပြောင်းတဲ့ အခမ်းအနား ဆက်ပြီး ပြုလုပ်ပါတယ်။ တိုင်းပြုပြည်ပြုလွှတ်တော်က ယာယီပါလီမန် ဖြစ်လာပြီး ညောင်ရွှေစော်ဘွားကြီး စဝ်ရွှေသိုက်က မြန်မာနိုင်ငံရဲ့ပထမဆုံးသော သမ္မတဖြစ်လာပြီး ၊ ဦးနုကတော့ ပထမဆုံးသောဝန်ကြီးချုပ် ဖြစ်လာပါတယ်။
အဲဒီနောက် မနက် ၆ နာရီခွဲ ရောက်တဲ့အခါ ဘုရင်ခံရဲ့ အိမ်တော်မှာ အာဏာလွှဲပြောင်းတဲ့အခမ်းအနား ပြုလုပ်ပြီး မနက် ၈ နာရီ မိနစ် ၂ဝ တိတိမှာ အင်္ဂလိပ်ဘုရင်ခံ ဆာဟူးဘတ်ရန့်စ် နဲ့ ဇနီးဖြစ်သူတို့ ဘာမင်ဟန်သင်္ဘောနဲ့ မြန်မာပြည်က ထွက်ခွာသွားပါတယ်။ ဒါဟာ မြန်မာပြည်မှာ ပထမဆုံးနဲ့ နောက်ဆုံး လို့ဆိုနိုင်တဲ့ စစ်မှန်တဲ့ အာဏာလွှဲပြောင်းမှု ဖြစ်ပါတယ်။
အဲဒီနေ့မှာပဲ လွတ်လပ်ရေးမော်ကွန်းကျောက်တိုင် အုတ်မြစ်ချခဲ့ပြီး အဲဒီအခမ်းအနားမှာ ဖဆပလ အထွေထွေအတွင်းရေးမှူး ဦးဗဆွေက သစ္စာအဓိဋ္ဌာန် ၉ ချက်ကို တိုင်ပေးပြီး လူထုကြီးက လိုက်ဆိုခဲ့ပါတယ်။
ဒီသစ္စာအဓိဌာန် ၉ချက်ကို ၁၉၅ဝ ပြည့်နှစ် နိုဝင်ဘာလ ၂၆ ရက်နေ့မှာ ဖွင့်လှစ်ခဲ့တဲ့ 'ပြည်ထောင်စုမြန်မာနိုင်ငံတော် လွတ်လပ်ရေးမော်ကွန်းကျောက်တိုင်’လို့ ကမ္ပည်းထိုးထားတဲ့ ရန်ကုန် မဟာဗန္ဓွုလပန်းခြံထဲက ကျောက်တိုင်အခြေ ပတ်လည်မှာလွတ်လပ်ရေးကြေညာစာတမ်း၊ ဗိုလ်ချုပ်အောင်ဆန်းရဲ့ မိန့်ခွန်းကောက်နုတ်ချက်၊ သခင်နုရဲ့ ပါလီမန်မိန့်ခွန်းနဲ့ လွတ်လပ်ရေး မော်ကွန်းကျောက်တိုင် အုတ်မြစ်ချမိန့်ခွန်းတို့နဲ့အတူ ကျောက်သားမှာ ရေးထိုးထားတာကို တွေ့ရမှာဖြစ်ပါတယ်။
လွတ်လပ်ရေးအခမ်းအနားမှာ လူထုနဲ့အတူရွတ်ဆိုခဲ့တဲ့ သစ္စာအဓိဋ္ဌာန်ကိုးချက်ကို EA ရဲ့ မိတ်ဆွေတို့ သိမှတ်နိုင်ဖို့အတွက် ပြန်လည်ဖော်ပြပေးလိုက်ပါတယ်ခင်ဗျာ။
"အောင်စေသတည်း။ မြန်မာသက္ကရာဇ် ၁၃ဝ၉ ခုနှစ် ပြာသိုလဆုတ် ၉ ရက် (အင်္ဂလိပ်သက္ကရာဇ် ၁၉၄၈ ခုနှစ် ဇန်နဝါရီလ ၄ ရက်) တနင်္ဂနွေနေ့ ကောင်းမြတ်သော မင်္ဂလာအခါ၌ ဤငါတို့ မြန်မာပြည်သည် လုံးဝလွတ်လပ်သော အချုပ်အခြာ အာဏာပိုင် ပြည်ထောင်စုသမ္မတ မြန်မာနိုင်ငံတော်ကြီးအဖြစ်သို့ ရောက်သတည်း။
၁၊ ငါတို့သည် ဤနေ့ဤအချိန်မှစ၍ ငါတို့အား လွတ်လပ်သောလမ်းသို့ ပို့ဆောင်ခဲ့သော ငါတို့၏ ခေါင်းဆောင်ကြီး ဗိုလ်ချုပ်အောင်ဆန်း ချမှတ်ခဲ့သည့် လမ်းစဉ်အတိုင်း တသဝေမတိမ်း ချီတက်မည်။
၂၊ ငါတို့သည် ဤနေ့ဤအချိန်မှစ၍ လွတ်လပ်သော နိုင်ငံသားတို့၏ ပြည်ထောင်စုသမတ မြန်မာနိုင်ငံတော်ကြီး၏ သစ္စာကို မသွေမဖည် စောင့်ထိန်းမည်။
၃၊ ငါတို့သည် ဤနေ့ဤအချိန်မှစ၍ လွတ်လပ်သော နိုင်ငံသားတို့၏ မွန်မြတ်သော အခွင့်အရေးကို ခံယူသည့်နည်းတူ လွတ်လပ်သော နိုင်ငံသားတို့၏ တာဝန်ဝတ္တရားများကိုလည်း မတိမ်းမငဲ့ ထမ်းဆောင်မည်။
၄၊ ငါတို့သည် ဤနေ့ဤအချိန်မှစ၍ ငါတို့ခေါင်းဆောင်ကြီး ဗိုလ်ချုပ်အောင်ဆန်း၏ လုံ့လဥဿာဟဖြင့် ရရှိပြီးသော အမျိုးသားညီညွတ်ရေးကို ကျောက်စိုင်ကျောက်ခဲကဲ့သို့ ခိုင်မြဲအောင် ထိန်းသိမ်းမည်။
၅၊ ငါတို့သည် ဤနေ့ဤအချိန်မှစ၍ ငါတို့နိုင်ငံသားဟူသရွေ့ကို ကြီးငယ်နီးဝေးမခြား တသွေးတသားတည်း ပြု၍၊ နည်းများ နိမ့်မြင့် မရှိစေရ ညီတူညီမျှ ပြုမည်။
၆၊ ငါတို့သည် ဤနေ့ဤအချိန်မှစ၍ သူတပါးကိုလည်း မတရားမပြု ငါတို့အား မတရားပြုမူခြင်းကိုလည်း မခံ၊ အသက်နှင့်လဲ၍ ကာကွယ်မည်။
၇၊ ငါတို့သည် ဤနေ့ဤအချိန်မှစ၍ ငါတို့နိုင်ငံတော်ကြီး၏ တရားဥပဒေများကို ရိုသေစွာ လိုက်နာကျင့်သုံးမည်။
၈၊ ငါတို့သည် ဤနေ့ဤအချိန်မှစ၍ ငါတို့နိုင်ငံနှင့် ငါတို့လွတ်လပ်ရေးကို အသက်နှင့်လဲ၍ ကာကွယ်စောင့်ရှောက်မည်။
၉၊ လုံးဝလွတ်လပ်သော ပြည်ထောင်စုသမ္မတ မြန်မာနိုင်ငံတော်ကြီး ကမ္ဘာအရှည် တည်မြဲရေးတာဝန်သည် ငါတို့နှင့်တကွ ငါတို့သားမြေး နောင်လာအဆက်ဆက်တို့အပေါ်၌ တည်စေမည်။
ဤ ငါတို့ သစ္စာအဓိဋ္ဌာန် မှန်သည့်အတိုင်း ငါတို့ပြည်ထောင်စုသမ္မတ မြန်မာနိုင်ငံတော်ကြီးသည် ကမ္ဘာအရှည် တည်စေသတည်း။ ။
#မှတ်ချက်
၂ဝ၁ဝ ခုနှစ် ဇန်နဝါရီလ ၁ ရက် နော်ဝေအခြေစိုက် ဒီမိုကရက်တစ်
မြန်မာ့အသံ ထုတ်လွှင့်ချက်နဲ့ အခြားရေးသားမျှဝေခဲ့သူတွေထံကနေ ကိုးကားဖော်ပြပေးခဲ့တာ ဖြစ်ပါတယ်ခင်ဗျာ။
#Myanmar_Independence_Day
#Indenpendence_Day
#Myanmar_Historical_Knowledge
#Essential_Asset_Myanmar
#essential_asset
2 years ago | [YT] | 2