娛壹 As One
洪卓立專訪｜癲癇又失聲消失4年重返樂壇11月麥花臣開演唱會洪卓立：我要報仇！對前女友Hillary有愧疚「嗰陣時疫情同埋癲癇，食安眠藥情緒唔好，又唔知幾時有工開，自己發咗啲脾氣又好，或者無氹佢又好，都令到佢受苦。」#洪卓立 從早期的肺積水，到近年癲癇症、失聲與身形暴脹，他的事業軌跡比許多人來得曲折。消失了四年，即將在麥花臣舉行演唱會，洪卓立說：「我要報仇！」洪卓立指這場音樂會早在六年前已經開始計劃，但因為多種原因被迫取消，他說：「呢幾年來，我一直好想喺香港舉辦一場屬於自己嘅演出，呢次對我嚟講，就好似一種報仇，終於可以返到呢個舞台，向大家展示我嘅音樂。」洪卓立過去四年如同「消失」，聲音、唱法、呼吸方式都在歌唱老師指導下被完全顛覆，他說：「一日唔上台，一日都唔知道可以做到幾多嘢，或者大家鍾唔鍾意而家新嗰陣除。」【想過轉行】過去四年是洪卓立人生中最艱難的時期，先發現患有癲癇症，之後又失聲，他說：「失聲、癲癇同時發生，極度唔想再唱番歌，極度唔想出番嚟。」他甚至覺得這是上天讓他轉行的訊號，但癲癇症卻限制了他從事許多職業的可能性，「我唔可以揸車、我唔可以游水，即係好多嘢都唔可以一個人做。」那一刻他發現，原來想轉行，都不能。起初洪卓立選擇隱瞞病情，怕被貼上「賣慘」標籤，「大家已經覺得我成日病，新聞嚟嚟去去都係拍拖、俾女飛。」直至有一日，一位粉絲的私訊改變了他的想法，那位粉絲告訴他，聽了他的《回到最愛的那天》後，打消了不好的念頭，重新積極生活，「原來都有一小撮嘅人係受住我嘅歌影響，係正面嘅。如果可以繼續用自己鍾意嘅興趣去做職業嘅話，咁又好似幾幸福，或者幾有意義。我希望能夠做個榜樣，話畀大家即使面對困難，都可以企起身繼續追尋夢想。」最終，洪卓立決定公開病情，是希望自己的經歷能成為一種力量，「近呢十年你都冇聽到一個人好似我咁樣，又肺積水，跟住又失聲，跟住又癲癇，但係我都仲企番起身。」他認真地說：「我想話畀大家聽，其實有好多困難都係要自己諗通。」目前，洪卓立仍要服用癲癇藥物，儘管醫生表示一月份可停藥，但他選擇推遲，「我寧願呢個腫脹嘅樣，但係唱得好啲，好過所謂靚仔番瘦番，但係原來心理壓力好大嘅，隨時驚喺個台度發羊吊。唱好啲嘅留言、品評，對我嚟講係緊要過品評我個樣究竟係點樣。」至於感情，洪卓立坦言目前並不急於發展新的戀情，他說：「感情都係一種責任，特別係我而家面對嘅情況。我唔想因為自己嘅問題而影響到其他人。」提到與Hillary過去的一段情，洪卓立認為當時的自己因為工作和健康問題，無法給予對方支持和陪伴，他說：「我唔想害人，尤其是對方應該要有更好嘅生活。同 Hillary 嗰陣時已經係疫情同埋癲癇，因為食安眠藥有時又會情緒唔好，又唔知幾時有工開，有時可能我自己發咗啲脾氣又好，或者無氹佢又好，都令到佢受苦。」眼前的洪卓立，心態已大不相同，期待他能夠成功報仇！#娛壹撰文及攝錄：肥AMakeup：Sakura Chow @sakura.c_officialHair：TERRYYEUNG@YONDA HAIR
6 days ago | [YT] | 64
娛壹 As One
洪卓立專訪｜
癲癇又失聲
消失4年重返樂壇
11月麥花臣開演唱會
洪卓立：我要報仇！
對前女友Hillary有愧疚
「嗰陣時疫情同埋癲癇，食安眠藥情緒唔好，又唔知幾時有工開，自己發咗啲脾氣又好，或者無氹佢又好，都令到佢受苦。」
#洪卓立 從早期的肺積水，到近年癲癇症、失聲與身形暴脹，他的事業軌跡比許多人來得曲折。
消失了四年，即將在麥花臣舉行演唱會，洪卓立說：「我要報仇！」
洪卓立指這場音樂會早在六年前已經開始計劃，但因為多種原因被迫取消，他說：「呢幾年來，我一直好想喺香港舉辦一場屬於自己嘅演出，呢次對我嚟講，就好似一種報仇，終於可以返到呢個舞台，向大家展示我嘅音樂。」
洪卓立過去四年如同「消失」，聲音、唱法、呼吸方式都在歌唱老師指導下被完全顛覆，他說：「一日唔上台，一日都唔知道可以做到幾多嘢，或者大家鍾唔鍾意而家新嗰陣除。」
【想過轉行】
過去四年是洪卓立人生中最艱難的時期，先發現患有癲癇症，之後又失聲，他說：「失聲、癲癇同時發生，極度唔想再唱番歌，極度唔想出番嚟。」他甚至覺得這是上天讓他轉行的訊號，但癲癇症卻限制了他從事許多職業的可能性，「我唔可以揸車、我唔可以游水，即係好多嘢都唔可以一個人做。」那一刻他發現，原來想轉行，都不能。
起初洪卓立選擇隱瞞病情，怕被貼上「賣慘」標籤，「大家已經覺得我成日病，新聞嚟嚟去去都係拍拖、俾女飛。」直至有一日，一位粉絲的私訊改變了他的想法，那位粉絲告訴他，聽了他的《回到最愛的那天》後，打消了不好的念頭，重新積極生活，「原來都有一小撮嘅人係受住我嘅歌影響，係正面嘅。如果可以繼續用自己鍾意嘅興趣去做職業嘅話，咁又好似幾幸福，或者幾有意義。我希望能夠做個榜樣，話畀大家即使面對困難，都可以企起身繼續追尋夢想。」
最終，洪卓立決定公開病情，是希望自己的經歷能成為一種力量，「近呢十年你都冇聽到一個人好似我咁樣，又肺積水，跟住又失聲，跟住又癲癇，但係我都仲企番起身。」他認真地說：「我想話畀大家聽，其實有好多困難都係要自己諗通。」
目前，洪卓立仍要服用癲癇藥物，儘管醫生表示一月份可停藥，但他選擇推遲，「我寧願呢個腫脹嘅樣，但係唱得好啲，好過所謂靚仔番瘦番，但係原來心理壓力好大嘅，隨時驚喺個台度發羊吊。唱好啲嘅留言、品評，對我嚟講係緊要過品評我個樣究竟係點樣。」
至於感情，洪卓立坦言目前並不急於發展新的戀情，他說：「感情都係一種責任，特別係我而家面對嘅情況。我唔想因為自己嘅問題而影響到其他人。」提到與Hillary過去的一段情，洪卓立認為當時的自己因為工作和健康問題，無法給予對方支持和陪伴，他說：「我唔想害人，尤其是對方應該要有更好嘅生活。同 Hillary 嗰陣時已經係疫情同埋癲癇，因為食安眠藥有時又會情緒唔好，又唔知幾時有工開，有時可能我自己發咗啲脾氣又好，或者無氹佢又好，都令到佢受苦。」
眼前的洪卓立，心態已大不相同，期待他能夠成功報仇！
#娛壹
撰文及攝錄：肥A
Makeup：Sakura Chow @sakura.c_official
Hair：TERRYYEUNG@YONDA HAIR
6 days ago | [YT] | 64