娛壹 As One

Coffee手機再被hack
指雙重認證疑存漏洞

“一瞓醒又見到似曾相識嘅事情
首先就係個電話叫我重設密碼
然後打開iCloud acc嘅email
就見到半夜俾人改咗密碼
熄咗find my phone
同改埋電話號碼
明明已經整咗two factors…
而家嘅 Hacker係可以咁樣hack你嘅acc”




今日(2日) #Coffee(#林芊妤)於社交平台公開她的遭遇，令人對手機及網絡安全感到憂慮。


她在story說︰「我對Apple既(嘅)雙重認證功能真係好失望！！一瞓醒又見到似曾相識嘅事情，首先就係個電話叫我重設密碼，然後打開iCloud acc嘅email，就見到半夜俾人改咗密碼，熄咗find my phone，同埋改埋電話號碼，明明已經整咗two factors，但都唔知點解Apple都可以俾hacker hack到我，我已經有三次咁嘅經驗，第一次冇set two factors，反而去到Apple專門店，佢哋確認我身份之後，都仲可以人手幫我拎返個Account。


「自從我當時聽佢哋講set咗雙重，再下一次俾人hack個Apple Account，我去Apple問佢哋竟然話冇辦法，因為我已經整咗雙重密碼，跟住Apple 當時叫我放棄個Account重新開過一個，然後我開個全新既(嘅)acc，今次又發生同樣嘅事情。」


她在threads繼續與網民討論，原來唔少人都與Coffee相同遭遇，有網民叫她嘗試找手機公司，幫她還原電話號碼， Coffee稱已向他們求助，但得到的是失望答案，「我已經係咁樣同佢哋講，然後佢話因為我set 咗雙重認證，所以佢哋唔可以入佢個戶口度做任何改動！」


一而再經歷同一事件，Coffee認為網絡供應商出問題，同時質疑手機 #雙重認證 的功效，她感到無助又無奈，「第一：點解整咗雙重認證比唔整雙重認證仲衰？因為上一次我都係咁樣被hack，但因為我無set雙重認證，所以佢哋人手幫到我拎得返。」、「第二：點解都確認咗我係acc本人，都唔可以令我入得返個acc？就因為個hacker改咗個電話號碼？佢哋應該有記錄㗎嘛！」、「而家 hacker就係用電話語音去做雙重認證入咗去…」。


她說公開事件，提醒大眾︰「一定要 forward 畀多啲人睇到，因為可能下一次受害者就係你，一定要俾多啲人知道有咁嘅漏洞，先至可以令到佢哋嘅System有改善。」


#娛壹

1 day ago | [YT] | 105