الكل صاير يحب يسولف هاليومين، حتى اصحابك اللي انت واثق فيهم جدًا لا تنكر انهم ما قد سولفوا عنك لو صار عندك اعداء اسكت، لو صار لك شيء سيء اسكت ولا تقوله الا لو انت متأكد ان اللي بتقوله ما بيضرك، لو صارلك شيء جيد اسكت الناس تحب تسولف مره، وذا مايعني انهم اشرار بالمعنى الحرفي او انهم تكلموا عن مصايبك / انجازاتك / ايًا كان اللي صار وهو يخصك بهدف انهم يدمرونه / يدمرونك هم بس يحبون يسولفون، عشان تحافظ على نفسك من انك تصير محتوى عند حضرتهم
اسكت لا تقول سالفة عن احد ولا عن نفسك لا تقول مين زعلان من مين لو عندك اعداء روح كلمهم بنفسك او تخلص منهم بنفسك
٢- لا تهتم
ممكن اللي بقوله يكون قاسي، لكن لا تهتم السوشال ميديا مكان كذابين وحتى لو ماكانوا كذابين، لا تهتم
اي اكيد، ابدي العاطفه معاهم وحاول تساعدهم بالكلام لكن لا تتركهم يجولون ببالك والكلام ذا يعنيني حتى انا، لو صارلي شيء سيء جدًا سواءًا اذا انت كنت تدري انه حقيقي او لا، لا تهتم ببدايات مراهقتي كنت في فترة اكتئاب عنيفه لان اصحابي كل شوي يبغون ينتح-رون. / يقطعون انفسهم
تدري وش تسوي لذي النوعيه؟ اقترح عليهم يرسمون ورده على اياديهم ذي النوعيه مريضه للغايه وتتغذى على دموعك واهتمامك، لذلك لا تهتم اصفقهم باقرب "ايييه… الله يعينك"
طبعًا فيه فرق بين براعيص الاهتمام والناس اللي تحتاج مساعده منجد اللي يحتاج مساعده منجد بيسالك كيف يتخلص من ذي العاده ومو يصورلك كل ثانيتين سواءًا انت تسمح او لا
لا تصدق اي واحد يموت، اي اكيد ترحم عليه قول "الله يرحمه" بس لا تتأثر انت تدري ان مشاعرك بتنشفط على قلة سنع ويطلعلك من تحت الارض كانه اندرتيكر
حركات "شاهد اعلان للعودة من الموت" ذي اسحبوا عليها
لو اني مشيت على ذي النصيحه بالبدايه وبس ساعدت / دعيت ورجعت اكمل شغلي بهدوء كان نص العقد النفسيه اللي فيني انحلت من زمان
تذكر: اللي يحتاجون مساعده منجد ذول غصبًا عنك ومن فوق خشمك توقف معاهم وتساعدهم لانك ما تتسمى صديق اذا ما ساعدت
وتذكر دايم مسموح لك انك ترفض الفضفضه، لا تخلي احد يفضفضلك ذي اسمها حدود ومو عدوان / علامه على انك شخص سيء
٣- حدودك ما تنشرى برسمه / هديه
للاسف انا وقعت ضحيه لذي النوعيه كانوا يرسمون لي شخصياتي عشان بعدين يدعسون على ابو كرامتي ويبتزوني ويتحكمون فيني عشانهم بس رسموا رسمه او سوولي هديه
الهديه مو طلب شراء بل هي عبارة عن حركة اجابيه بحق الشخص الي قدامك
انت رسمته مو عشان تستعبده بل عشان تقوي علاقتكم / تتقرب منه / تبهجه اللي يرسملك هدايا لا تستحي منه وادعس عليه لو حاول يخترق جدار حدودك
واللي انت ترسمه لا تتوقع انه بيسمحلك تدوس على كرامته بس عشانك رسمته مهما كان مستواك بالرسم مالك اي ذرة حق تستعبد غيرك وتذلهم بس لانك رسمت / اهديت
٤- اهجد لو صارت لك مصيبه لا تتهتسر اقعد وفكر بالحل، ذا مايعني انك ما تقدر تبكي لو شخص دخل بمضاربه معاك اهدئ واسحب الالفاظ من فمك وابدأ اشرح له كيف هو غلط بحقك اذا قعد يسبك يمديك تتخلص منه بسهوله
٥- لا تتسرع لو فيه فكره مصيريه ببالك لا تتسرع فيها وتسويها، اقعد ٣ ايام على الاقل وانت تفكر فيها
وش بيصير لو صار كذا؟ وش بيصير لو انا سويت كذا؟ هل انا بندم او بفرح؟
اسأل نفسك ووقتها حدد لا تبدا عليها بس لانك فكرت فيها
٦- صفي النيه لا تحسب ان الكل يسوي لك كذا لانه يكرهك / مايبغاك لو كانوا فيه ناس يتكلمون وتجاهلوك ذا ما يعني انهم اعدائك
ارفع صوتك ووضح لهم انك تتكلم وبتشوف بسرعه انهم نادمين لانهم ما سمعوك وبيعتذرون لك مباشره
اي احد يسويلك حركه غلط وانت ما سويت له شيء انتظر، ووضح له اللي سواه وبتستوعب انه مجرد سوء فهم وهو ماكان يقصد
ذا بيحافظ لك على سمعه جيده وعلى علاقات دائمه ومتسامحه
meOTF / ميثل
نصايح تحتاجها ضروري مره عشان تنجو من مراهقتك:
١- اسكت
الكل صاير يحب يسولف هاليومين، حتى اصحابك اللي انت واثق فيهم جدًا لا تنكر انهم ما قد سولفوا عنك
لو صار عندك اعداء اسكت، لو صار لك شيء سيء اسكت ولا تقوله الا لو انت متأكد ان اللي بتقوله ما بيضرك، لو صارلك شيء جيد اسكت
الناس تحب تسولف مره، وذا مايعني انهم اشرار بالمعنى الحرفي او انهم تكلموا عن مصايبك / انجازاتك / ايًا كان اللي صار وهو يخصك بهدف انهم يدمرونه / يدمرونك
هم بس يحبون يسولفون، عشان تحافظ على نفسك من انك تصير محتوى عند حضرتهم
اسكت
لا تقول سالفة عن احد ولا عن نفسك
لا تقول مين زعلان من مين
لو عندك اعداء روح كلمهم بنفسك او تخلص منهم بنفسك
٢- لا تهتم
ممكن اللي بقوله يكون قاسي، لكن لا تهتم
السوشال ميديا مكان كذابين
وحتى لو ماكانوا كذابين، لا تهتم
اي
اكيد، ابدي العاطفه معاهم وحاول تساعدهم بالكلام
لكن لا تتركهم يجولون ببالك
والكلام ذا يعنيني حتى انا، لو صارلي شيء سيء جدًا سواءًا اذا انت كنت تدري انه حقيقي او لا، لا تهتم
ببدايات مراهقتي كنت في فترة اكتئاب عنيفه لان اصحابي كل شوي يبغون ينتح-رون. / يقطعون انفسهم
تدري وش تسوي لذي النوعيه؟ اقترح عليهم يرسمون ورده على اياديهم
ذي النوعيه مريضه للغايه وتتغذى على دموعك واهتمامك، لذلك لا تهتم
اصفقهم باقرب "ايييه… الله يعينك"
طبعًا فيه فرق بين براعيص الاهتمام والناس اللي تحتاج مساعده منجد
اللي يحتاج مساعده منجد بيسالك كيف يتخلص من ذي العاده ومو يصورلك كل ثانيتين سواءًا انت تسمح او لا
لا تصدق اي واحد يموت، اي اكيد
ترحم عليه
قول "الله يرحمه"
بس لا تتأثر
انت تدري ان مشاعرك بتنشفط على قلة سنع ويطلعلك من تحت الارض كانه اندرتيكر
حركات "شاهد اعلان للعودة من الموت" ذي اسحبوا عليها
لو اني مشيت على ذي النصيحه بالبدايه وبس ساعدت / دعيت ورجعت اكمل شغلي بهدوء كان نص العقد النفسيه اللي فيني انحلت من زمان
تذكر: اللي يحتاجون مساعده منجد ذول غصبًا عنك ومن فوق خشمك توقف معاهم وتساعدهم
لانك ما تتسمى صديق اذا ما ساعدت
وتذكر
دايم مسموح لك انك ترفض الفضفضه، لا تخلي احد يفضفضلك
ذي اسمها حدود ومو عدوان / علامه على انك شخص سيء
٣- حدودك ما تنشرى برسمه / هديه
للاسف انا وقعت ضحيه لذي النوعيه
كانوا يرسمون لي شخصياتي عشان بعدين يدعسون على ابو كرامتي ويبتزوني ويتحكمون فيني عشانهم بس رسموا رسمه او سوولي هديه
الهديه مو طلب شراء بل هي عبارة عن حركة اجابيه بحق الشخص الي قدامك
انت رسمته مو عشان تستعبده بل عشان تقوي علاقتكم / تتقرب منه / تبهجه
اللي يرسملك هدايا لا تستحي منه وادعس عليه لو حاول يخترق جدار حدودك
واللي انت ترسمه لا تتوقع انه بيسمحلك تدوس على كرامته بس عشانك رسمته
مهما كان مستواك بالرسم
مالك اي ذرة حق تستعبد غيرك وتذلهم بس لانك رسمت / اهديت
٤- اهجد
لو صارت لك مصيبه لا تتهتسر
اقعد وفكر بالحل،
ذا مايعني انك ما تقدر تبكي
لو شخص دخل بمضاربه معاك اهدئ واسحب الالفاظ من فمك وابدأ اشرح له كيف هو غلط بحقك
اذا قعد يسبك يمديك تتخلص منه بسهوله
٥- لا تتسرع
لو فيه فكره مصيريه ببالك لا تتسرع فيها وتسويها، اقعد ٣ ايام على الاقل وانت تفكر فيها
وش بيصير لو صار كذا؟ وش بيصير لو انا سويت كذا؟ هل انا بندم او بفرح؟
اسأل نفسك ووقتها حدد
لا تبدا عليها بس لانك فكرت فيها
٦- صفي النيه
لا تحسب ان الكل يسوي لك كذا لانه يكرهك / مايبغاك
لو كانوا فيه ناس يتكلمون وتجاهلوك ذا ما يعني انهم اعدائك
ارفع صوتك ووضح لهم انك تتكلم وبتشوف بسرعه انهم نادمين لانهم ما سمعوك وبيعتذرون لك مباشره
اي احد يسويلك حركه غلط وانت ما سويت له شيء انتظر، ووضح له اللي سواه وبتستوعب انه مجرد سوء فهم وهو ماكان يقصد
ذا بيحافظ لك على سمعه جيده وعلى علاقات دائمه ومتسامحه
٧- لو استوعبت انك غلط ولو شوي اعتذر فورًا
مايبيلها شرح ذي
يتم تبخر
1 day ago | [YT] | 69