Invidious

හෙන්රි ස්ටීල් ඕල්කට් තුමා බුදු දහම වැළඳ ගත් ගාල්ල වැලිවත්ත විජයානන්ද පිරිවෙන් මහා විහාරීය ධර්ම ශාලාවේ දී මීට වසර 25කට පෙර තම ශිෂ්‍ය පිටිදුවේ සිරිධම්ම හිමියන් හට ශාසන දායාදය ලබා දුන් උන්වහන්සේ එදා සිට අප සිදු කරන ආධ්‍යාත්මික, ආගමික, ශාසනික වැඩ පිළිවෙල ට තමන්වහන්සේගේ අව්‍යාජ ආශිර්වාදයත්, උපකාරයත්, ලබා දුන් අතර බෙල්ලන්තර සිරි සදහම් ආශ්‍රමය ඉදි කිරීමට මුල පටන් දායකත්වය ලබා දුන්හ. සමන්තභද්‍ර මහා ස්වාමින්වහන්සේ සත්‍යාවබෝධය ලබා පටිසෝතගාමී මග දේශනා කරනා මුල් සමයේදී මුලුමහත් සමාජයක්ම උන්වහන්සේට එරෙහිව අවිඅමෝරා පැමිණෙද්දී "කවුරුන් නැතත් උන්වහන්සේ වෙනුවෙන් මම පෙනී සිටිනවා" කියා නොබියව ප්‍රකාශ කලේ උන්වහසේයි. එමෙන්ම පසුකාලීනව උමංදාව බෞද්ධ විශ්ව ගම්මානය ඉදි කිරීමේදී මුල් කාලයේ නොයෙකුත් අභියෝග වලට මුහුණ දෙමින් එහි වැඩ වාසය කරමින් විශාල සේවයක් සිදුකොට අවසාන මොහොත තෙක් උන්වහන්සේගේ ආශිර්වාදය ඊට ලබා දෙමින් ඒ වෙනුවෙන් පෙනී සිටිනු ලැබුවා. එමෙන්ම එදා මෙදා තුර සෑම මොහොතකම අප වෙනුවෙන් පෙනී සිටිමින් මතුවන සෑම ප්‍රශ්ණයක් හමුවේම සිරි සමන්තභද්‍ර මහා ස්වාමීන්ද්‍රයන් වහන්සේගේ රැකවරණය වෙනුවෙන් උන්වහන්සේ නිර්භයව කටයුතු කරනු ලැබුවා.
සත්‍යය වෙනුවෙන් පෙනී සිටි ඒ අභීත ගෞරවනීය අවසර ගාල්ල වැලිවත්ත විජයානන්ද මහා විහාරාධිපති ගෞරවනීය බෙරතුඩුවේ ඥාන විශුද්ධි නායක මාහිමිපාණන් ගේ සසර ගමන සුවපත් වේවා යන්න අප සියලු දෙනාගේ ඒකායන ප්‍රාර්ථනයයි!