ብሶቴን በግጥም

ክፋት ሆይ እባክህ ቀስ በል አትቸኩል
የትም አያደርስም የክፋት ቀንድ ማብቀል
በሰፊው ተንጠራራህ እጅህ ተዘረጋ
ለምን ፈለክ ከአምላክህ ልትዋጋ❓
በጣም ቸኮልክ አበዛህ ጥድፊያ
በኋላ አይጠቅምህም አማክር በለሙያ
ያመጣብሀልና ስብራት ከቤት መዋያ
ሮጠህ አታመልጥም ከቁጣው እሳት ፊት
ስለጥፋትህ እዘን ተጸጸት በቁጭት
አይጠቅምህም መሆን ለጥፋት ታታሪ
አገልጋይ ሁን እንጂ በቅጥሩ አዳሪ
እልህ አትጋባ አትግጠም ውጊያ ከፈጣሪ
ትግልህ ይሁን እንደ ያዕቆብ ትግል
መባረክ አለእና በጨለማው መሀከል
አውልቀህ ጣለው የተንኮልን ዝናር
አድመኝነትና ቁጣን ትተህ እንደቃሉ እደር

10 months ago | [YT] | 3