Rajdweep
শেষ গান, শেষ দেখা...'বাটৰুৱা' বুলি গানটো ৰেকৰ্ডিং কৰি থকাৰ দিনাই কলো : দাদা, আৰু এটা থিয়েটাৰৰ গান আছে। মিউজিকৰ কাম দুই-এদিনতে সম্পূৰ্ণ হ'ব। তেওঁ কলে: মোৰ চিনেমাৰ কাম চলি আছে। মই তোক ফোন কৰিম দে। সময় গৈ থাকিল। ইফালে থিয়েটাৰ কৰ্তৃপক্ষৰ পৰা ফোন আহি থাকিল: গানটো কেতিয়া হ'ব। গাইড ভইচ থকা ট্ৰেকটো দিয়েই আখৰা চলি থাকিল। চাওঁতে চাওঁতে থিয়েটাৰৰ আখৰা শেষ হৈ দৰ্শনী আৰম্ভ হৈ গ'ল।ইফালে দাদাৰো ফোন নাই। এদিন মেছেজ দিলো: দাদা মোৰ গানটো? উত্তৰত আহিল : আৰু মোৰ চিনেমাখন ? বুজি পালো যে ৰজাৰ মন এতিয়া চিনেমাখনৰ কামত নিমগ্ন হৈ আছে। গতিকে আমনি নকৰাৰ সিদ্ধান্ত লৈ থিয়েটাৰ কৰ্তৃপক্ষক গাইড ভইচ থকা গানটোৰেই দৰ্শনী চলাই যাবলৈ অনুৰোধ কৰিলো। ভাবিলো চিনেমাৰ ব্যস্ততাত দাদাই পাহৰিলে। কিন্তু কিছুদিন আগতে হঠাৎ তেওঁৰ ফোন: 'ঐ তোৰ গান এটা আছিল। কাইলৈ আহিবি।' পিছে কিবা কাৰণত পিছদিনা ৰেকৰ্ডিং নহ'ল। পুনৰ কিছুদিনলৈ যোগাযোগ নাই। এদিন ৰাতি বন্ধু জয়ন্ত কাকতি আৰু শেখৰৰ ফোন: আহা, আজি দাদাই গাব বুলি কৈছে। লগে লগে গৈ জোনালীৰ ষ্টুডিঅ'ত হাজিৰ হ'লো। দাদাই তেতিয়া জয়ন্তৰ গীত এটা গাই আছে। তাৰ পাছত দাদাই ভূপেনদাৰ স্মৃতিত প্ৰস্তুত কৰা গীত এটিৰ দুটা শাৰী গালে। সেইটো অংশৰ শ্বুটিঙো কৰা হ'ল। পাছত আহিল মোৰ গীতটোৰ পাল। দাদাই গাবলৈ ল'লে: যদি তুমি কেতিয়াবা, নভবাকৈ মোকে ভাবা...। সাধাৰণতে দাদাই গাই থাকোতে মই ফটো, ভিডিঅ' অলপ লৈ থওঁ। কিন্তূ সিদিনা কেৱল গ্লাছৰ সিপাৰৰ পৰা দাদাই গাই থকাই চাই থাকিলো। গোৱা হৈ গ'ল। দাদা ডাবিং ৰূমৰ পৰা ওলাই আহিয়েই চিনেমা এখনৰ বিষয়ে সূধিলে। এই অক্টোবৰতে দাদাৰ সৈতে মোৰ চিত্ৰনাট্যৰে এখন চিনেমা শ্বুটিং কৰাৰ কথা আছিল। ইতিমধ্যে যাৱতীয় কাম সম্পূৰ্ণ হৈ উঠিছিল। সেয়াও এক আধৰুৱা যাত্ৰা...।অলপ সময় ষ্টুডিঅ'ত কটাই এটা সময়ত আহিবলৈ ওলালো। দাদাক কলো: দাদা যাওঁ। পিছে দাদাই যেন শুনিও নুশুনাৰ দৰে কৰিলে। বুজিলো, সেয়ে অলপ সময় তাতে বহি থাকিলো। অলপ পাছত গৈ দাদাৰ হাতখনত ধৰি কলো: দাদা আহো। আচৰিতধৰণে এইবাৰো মুখেৰে একো নকৈ মাত্ৰ মূৰ জোকাৰিলে। ভাবিলো দাদাৰ মনত চিনেমাখনৰ কথা চলি আছে। কাৰণ দাদাই তেওঁৰ বাকী থকা ডাবিঙ, মিউজিক আদিৰ কথা কৈ আছিল। এটা সময়ত দাদাৰ ষ্টুডিঅ'ৰ পৰা ওলাই আহিলো। ঘৰলৈকে সমগ্ৰ বাটছোৱা দাদাই কিছু সময় আগতে গোৱা গীতটোকে শুনি থাকিলো: যদি তুমি কেতিয়াবা, নভবাকৈ মোকে ভাবা..। ভবা নাছিলো এয়া দাদাৰ সৈতে শেষ গীত হ'ব। গীতটো ফাইনেল মিক্স হৈ অহা কেইবাদিনো হ'ল। কিন্তু শুনিবলৈ সাহ কৰিব পৰা নাই..। জুবিন গাৰ্গ নোহোৱাকৈ পৃথিৱীখন সঁচা বুলি বিশ্বাস কৰিব নোৱাৰি!
2 months ago | [YT] | 76
Rajdweep
শেষ গান, শেষ দেখা...
'বাটৰুৱা' বুলি গানটো ৰেকৰ্ডিং কৰি থকাৰ দিনাই কলো : দাদা, আৰু এটা থিয়েটাৰৰ গান আছে। মিউজিকৰ কাম দুই-এদিনতে সম্পূৰ্ণ হ'ব। তেওঁ কলে: মোৰ চিনেমাৰ কাম চলি আছে। মই তোক ফোন কৰিম দে।
সময় গৈ থাকিল। ইফালে থিয়েটাৰ কৰ্তৃপক্ষৰ পৰা ফোন আহি থাকিল: গানটো কেতিয়া হ'ব। গাইড ভইচ থকা ট্ৰেকটো দিয়েই আখৰা চলি থাকিল। চাওঁতে চাওঁতে থিয়েটাৰৰ আখৰা শেষ হৈ দৰ্শনী আৰম্ভ হৈ গ'ল।
ইফালে দাদাৰো ফোন নাই। এদিন মেছেজ দিলো: দাদা মোৰ গানটো? উত্তৰত আহিল : আৰু মোৰ চিনেমাখন ? বুজি পালো যে ৰজাৰ মন এতিয়া চিনেমাখনৰ কামত নিমগ্ন হৈ আছে। গতিকে আমনি নকৰাৰ সিদ্ধান্ত লৈ থিয়েটাৰ কৰ্তৃপক্ষক গাইড ভইচ থকা গানটোৰেই দৰ্শনী চলাই যাবলৈ অনুৰোধ কৰিলো।
ভাবিলো চিনেমাৰ ব্যস্ততাত দাদাই পাহৰিলে। কিন্তু কিছুদিন আগতে হঠাৎ তেওঁৰ ফোন: 'ঐ তোৰ গান এটা আছিল। কাইলৈ আহিবি।' পিছে কিবা কাৰণত পিছদিনা ৰেকৰ্ডিং নহ'ল। পুনৰ কিছুদিনলৈ যোগাযোগ নাই।
এদিন ৰাতি বন্ধু জয়ন্ত কাকতি আৰু শেখৰৰ ফোন: আহা, আজি দাদাই গাব বুলি কৈছে। লগে লগে গৈ জোনালীৰ ষ্টুডিঅ'ত হাজিৰ হ'লো। দাদাই তেতিয়া জয়ন্তৰ গীত এটা গাই আছে। তাৰ পাছত দাদাই ভূপেনদাৰ স্মৃতিত প্ৰস্তুত কৰা গীত এটিৰ দুটা শাৰী গালে। সেইটো অংশৰ শ্বুটিঙো কৰা হ'ল।
পাছত আহিল মোৰ গীতটোৰ পাল। দাদাই গাবলৈ ল'লে: যদি তুমি কেতিয়াবা, নভবাকৈ মোকে ভাবা...। সাধাৰণতে দাদাই গাই থাকোতে মই ফটো, ভিডিঅ' অলপ লৈ থওঁ। কিন্তূ সিদিনা কেৱল গ্লাছৰ সিপাৰৰ পৰা দাদাই গাই থকাই চাই থাকিলো। গোৱা হৈ গ'ল। দাদা ডাবিং ৰূমৰ পৰা ওলাই আহিয়েই চিনেমা এখনৰ বিষয়ে সূধিলে। এই অক্টোবৰতে দাদাৰ সৈতে মোৰ চিত্ৰনাট্যৰে এখন চিনেমা শ্বুটিং কৰাৰ কথা আছিল। ইতিমধ্যে যাৱতীয় কাম সম্পূৰ্ণ হৈ উঠিছিল। সেয়াও এক আধৰুৱা যাত্ৰা...।
অলপ সময় ষ্টুডিঅ'ত কটাই এটা সময়ত আহিবলৈ ওলালো। দাদাক কলো: দাদা যাওঁ। পিছে দাদাই যেন শুনিও নুশুনাৰ দৰে কৰিলে। বুজিলো, সেয়ে অলপ সময় তাতে বহি থাকিলো। অলপ পাছত গৈ দাদাৰ হাতখনত ধৰি কলো: দাদা আহো। আচৰিতধৰণে এইবাৰো মুখেৰে একো নকৈ মাত্ৰ মূৰ জোকাৰিলে। ভাবিলো দাদাৰ মনত চিনেমাখনৰ কথা চলি আছে। কাৰণ দাদাই তেওঁৰ বাকী থকা ডাবিঙ, মিউজিক আদিৰ কথা কৈ আছিল।
এটা সময়ত দাদাৰ ষ্টুডিঅ'ৰ পৰা ওলাই আহিলো। ঘৰলৈকে সমগ্ৰ বাটছোৱা দাদাই কিছু সময় আগতে গোৱা গীতটোকে শুনি থাকিলো: যদি তুমি কেতিয়াবা, নভবাকৈ মোকে ভাবা..। ভবা নাছিলো এয়া দাদাৰ সৈতে শেষ গীত হ'ব। গীতটো ফাইনেল মিক্স হৈ অহা কেইবাদিনো হ'ল। কিন্তু শুনিবলৈ সাহ কৰিব পৰা নাই..।
জুবিন গাৰ্গ নোহোৱাকৈ পৃথিৱীখন সঁচা বুলি বিশ্বাস কৰিব নোৱাৰি!
2 months ago | [YT] | 76