Dhamma

ඔබට ජීවිතයේ කෙදිනක හෝ කළකිරීම දැනී ඇත්ද..?

ජීවීතයේ නොයෙක් සිදුවීම් නිසා කළකිරුණු වාර ගණන අසීමිතය. ඇතැම් ඒවා කෙටිකාලිනය. ඇතැම් ඒවා දීර්ඝකාලිනව පවති. නොයෙක් නොයෙක් හේතු නිසා කළකිරීම් ඇතිවුණිද ඒ සෑම කළකිරීමකටම මූලිකම හේතුව අප අපේක්ෂා කළ පරිදි දේවල් සිදු නොවීම බව තේරුම් යනු ඇත.

අප නිවැරදිව සිට අන් අයගේ දෝෂාරෝපණයන්ට ගොඳුරු වන්නට සිදු වූ විට, අප වෙහෙස මහන්සි වී ගොඩ නඟා ගත් දේවල් අනපේක්ෂිතවම බිඳී යන විට, අපේ හිත මිතුරන් වෙනස් වන විට, වෙන් වන විට, මිය යන විට ආදී අනේක විද වූ හේතුන් නිසා අප මේ ජීවීතයේ සිදුවීම් ගැන, පුද්ගලයන් ගැන, හෝ ජීවිතය ගැනම හෝ කළකිරුණු වාර කොපමණද. ඒ සෑම දෙයකටම මූලික හේතුව අප අපේක්ෂා කළ පරිදි, අප බලාපොරොත්තු වූ පරිදි දේවල් සිදු නොවීමය...
කළකිරීමට ලක් වූ විට අප පවසන්නේ,

"මම කවදාවත්ම හිතුවේ නෑ..."

"හීනෙකින්වත් හිතුවේ නෑ.."

"කලින් හිතිලා තිබ්බා නම් මෙහෙම වෙයි කියලා.."

" ඒ දේ නිසා මට හැමදේම එපා වුණා.."

ආදී දේයි..

මේ සෑම දෙයක්ම හොඳින් විමසා බලන්න.. සෑම දෙයක් පසුපසම ඇත්තේ අනපේක්ෂිතව සිදුවූ දෙය දරා ගැනීමේ අසමත් කමයි. හරි හෝ වැරදි වේවා අප මේ දේ මෙසේ වේ යැයි සිතා සිටින දේ ඒ අයුරින් නොවන කල්හි.. අප කළකිරීමට ලක් වේ. අපේ නෑ හිත මිතුරන් එපා වේ. ජීවිතය එපා වේ. බලාපොරොත්තු සුන් වේ. ඉච්ඡා භංගත්වයට පත්වේ.. ඇතැම් විට මෙය උත්සන්න වූ විට සිය දිවි හානි කර ගැනීමේ තැනට පවා පෙළඹේ.
මේ ඇතිවන කළකිරීම ආත්මාර්ථය වෙනුවෙනි.
එය පුද්ගලානුබද්ධය..( personal ) තමාගේ සතුට , සැනසීම අන් අය නිසා නැති වන විට එය දරා ගැනීමේ නොහැකි කම නිසා ඇතිවන ස්වභාවයකි. එනම් ඇතිවන සිදුවීම සිතින් පිළිගත නොහැකි ස්වභාවයයි. එයට ගැටෙන ස්වභාවයයි. එම නිසා එය පටිඝ මූලික සිතකි. අකුසලයකි.

ධර්මයෙහිද කළකිරීම ගැන සඳහන් වෙයි. එයට භාවිතා කරන නම "නිබ්බිදාව" යි.
නිබ්බිදාව හා අප ඉහත කී කළකිරීම එකමද ?
වෙනස් නම් කුමක්ද ඒ වෙනස ?

නිබ්බිදාව යනු තමන්ට පෞද්ගලිකව දුකක්, අසතුටක් ඇති වන නිසා ඇතිවන්නක් නොවේ. තමන්ටම යම්කිසි අනපේක්ෂිත දෙයක්, සිදුවීම අත්‍යවශ්‍ය නොවේ. උදාහරණයක් ලෙස සිදුහත් අප මහා බෝසතාණන් වහන්සේට මහල්ලෙක්, ලෙඩෙක්, මළමිණියක් යන රූපයන් දක්නා කළ ඇතිවූයේ නිබ්බිදාවකි. එනම් පුද්ගලිකව උන් වහන්සේට යම්කිසි අලාභයක් ඒ අවස්ථාවේ සිදු වූයේ නැත. නමුත් ඒ දර්ශනයන් තුළින් මේ ලෝකයේ යථා ස්වභාවය පිළිබඳව මහා කළකිරීමක් ඇතිවිය. එය නිබ්බිදාවයි. මේ ලෝකයේ මිනිසුන් දුක් විඳින ආකාරය, අපට ඕනෑ පරිදි නොපවතින බව ආදී දේ පොදුවේ සියල්ලන්ටම පොදු දුක් අවබෝධ වීමෙන් ඇතිවන්නේ මහා නිබ්බිදාවකි. එය පෙර කී කළකිරීම මෙන් ඒ අරමුණු හා ගැටීමක් නොවේ. ඒ අරමුණු වල යථා ස්වභාවය අවබෝධ වීමෙන් ඇතිවන ප්‍රඥා මූලික සිතකි.

ඔබ ආදරය කරන කෙනා අහේතුකවම ඔබව දමා ගිය විට ඔබට එය දරාගත නොහැකිව දුක් වී ඔහු ගැන, ඔබ ගැන ඔබේ ජීවිතය ගැන කළකිරීම ඇතිවෙයි.

" ඇයි මට මෙහෙම කළේ, ඇයි ඇය වෙනස් වුණේ, මම හිතුවෙ නෑ කවදාවත් මෙහෙම වෙයි කියලා .."

ආදී ලෙසින් ඔබට පෞද්ගලිකව දැනෙන ඒ සිදුවීම අරභයා ඇතිවන්නේ කළකිරීමයි. ඒ සිදුවීම ඔබේ සිතෙන් පිළි නොගන්නා බවයි. ඒ වෙනස්වීම දරාගැනීමට නොහැකි බවයි. ඒ කළකිරීම නිසා සිත දුකට පත්වෙයි. ප්‍රීතිය නැතිවෙයි. නමුත් ඒ සිදුවීමම ඔබ මෙසේ සිතුවොත්. ..

" මේක තමයි යථාර්ථය.. කොතෙක් ආදරයෙන් සිටියත් කවදා හෝ වෙන්වීම සිදු වෙනවාමයි. ප්‍රියයන්ගෙ වෙන් වීම දුකක්මයි. මට ඕනෑ ආකාරයට බාහිර අය පවතින්නේ නෑ. ඕනම කෙනෙක් වෙනස් වෙනවා. ඒක තමයි සිත් වල ස්වභාවය. අනාත්මයි. ඉදිරියට වෙනත් කෙනෙක් මට ළං වුණත් ඇයත් මේ ආකාරයෙන්ම වෙනස් විය හැකියි. එය කර්මානුරූපියි. මේ බැඳීම් වල අවසානය දුකම පමණයි.."

මේ ආකාරයෙන් ඔබ මනසිකාර පවත්වන්නේ නම්.. ඔබට පෙනෙනවා ඇති පෙර සිතිවිලි වල පවත්නා ඒ සිදුවීම කෙරෙහි ගැටෙන ස්වභාවය. පිළිනොගන්නා බව. දුක් බව.. නමුත් මේ සිතිවිලි වල පවත්නා නොගැටෙන බව. එය පිළිගන්නා බව. අවබෝධය.. මෙහිදී තමන්ට වූ ඒ සිදුවීම පුළුල් ( generalize ) ලෙස සියල්ලන්ටම පොදු දෙයක් ලෙසින් අවබෝධ කර ගන්නා ස්වභාවය. එහිදී ඇතිවන්නේ නිබ්බිදාවකි. කළකිරීම ඇතිවන්නේ එක් පුද්ගලයෙක්, එක් සිදුවීමක් කෙරෙහිය. නමුත් නිබ්බිදාව ඇතිවන්නේ සියළු සංස්කාර කෙරෙහිය. මුළු ලෝක ධාතූ කෙරෙහිමය. ඒ නිබ්බිදාව යනු අවබෝධය නිසා ඇතිවන හැඟීමකි. එයින් උපදින්නේ උපේක්ෂාවකි. ඒ නිබ්බිදාව නිසා සංස්කාර කෙරෙහි නො ඇලෙන ස්වභාවය ඇතිවෙයි. ගැටීම නැතිවී යයි. මන්ද ස්වභාවය එය බව අවබෝධ වෙන බැවිනි. එවිට උපේක්ෂාව ඉක්මවා නිරාමිස ප්‍රීතියක් ඇතිවෙයි.

නිබ්බිදාව යනු ලෝකයේ යථාර්ථය දැකීමත් සමඟම ඇතිවන්නකි. අනිත්‍ය බව, අනාත්ම බව, දුක් බව ලෝක ස්වභාවය බවත්, එය ඉක්මවා යෑමට නොහැකි බවත් අවබෝධ වත්ම ලෝකය කෙරෙහිම නිබ්බිදාවක් හට ගනී. එය කිසිදු පෞද්ගලික හැඟීමක් නොවේ.

"මේ විශ්වයේ යම්තාක් සංස්කාරයන් පවතී නම් ඒ සියල්ල මගේ පාලනයෙන් තොරයි. අනිත්‍ය වී යයි. ඒකාන්තයෙන්ම දුක් සහිතයි". යන අවබෝධය හදවතින්ම ජනිත වත්ම මේ ලෝකයේ කුමකට නම් මම මගේ කියා ඇලෙන්නද.. කුමකට රැස් කරන්නේද... විරාගය හදවතින්ම මතුව ඒ.
ඒ එකක්වත් ගැටීම් නොවේ. යථාර්ථය අවබෝධ වීමකි. දුක්ඛ සත්‍ය අවබෝධ වත්ම මේ ලෝකයේ එකම එක සංස්කාරවත් අංශු මාත්‍රයක සැපයක් නොපවතින බවත්, සැපයක් ඇතැයි කියා සිතුවේම හිතේ පවත්නා මෝඩකම නිසා බවත් හදවතින්ම මතුව එද්දී සියළූම සංස්කාර කෙරෙහි පවත්නා බැඳීම, ඇලීම දුරු වී යයි. එක පිණ්ඩයකට ගෙන ලෝකයම සිතෙන් අත හරින්නට හැකියාව ලැබේ.

" සබ්බ ලෝකේ අනභිරත සංඥා " ලෙසින් බුදු රජාණන් වහන්සේ හඳුන්වන්නේ කිසිම සංස්කාර මාත්‍රයක් කෙරෙහි උපාදානයක් නොපවත්වා ඒ සියල්ල සිතෙන් අතහැරීමයි. එය ඉතාමත් උසස් සංඥාවකි. අනාගාමි උතුමන් තුළත් මේ සංස්කාර කෙරෙහි උපාදාන මුළුමනින්ම ගිලිහී නැත.

අද අප මහා වටිනාකමක් දෙමින් බඳාගෙන වැළඳගෙන, මම මගේ කියා ගොඩගසාගන්නා සියළු දෑ දුක්ඛ සමුදය සත්‍යක් බව අවබෝධ වූ විට, තවත් මේ සංස්කාර අභිනන්දනය කිරීමක් සිදු නොවනු ඇත. අප අගය කර න මේ සංස්කාර බුදුරජාණන් වහන්සේගේ බුද්ධ වචනයෙන්ම දැක්වූයේ මෙසේය...

" අට්ටීයති, හරායති, ජිගුච්ඡති.."
"නාධිවාසේති, පජහති, විනොදෙති, බ්‍යන්තිකරෝති, අනභාවං ගමේති.."

" සංස්කාර ධර්මයන් කෙරෙන් පීඩිත වේද, ලජ්ජා වේද, පිළිකුල් කෙරේද.."
"කාම විතක්කයන් නොඉවසයි.. අත් හරියි.. දුරු කරයි.. නැති කරයි.. සුන් කරයි.."

( ගිරිමානන්ද සූත්‍රය )

සංස්කාරයන් මෙසේ වූ අවබෝධයකින් දකින්නට නම් අපේ ප්‍රඥාව කොතෙක් නම් තව දියුණු විය යුතුදැයි තම තමන්ට ආරෝපණය කර ගනිමින් බලන්න. එය එක රැයකින් එන අවබෝධයක්ද නොවේ. ඉබේ ඇතිවන්නක්ද නොවේ. ඒ අනුරූපව සත්‍ය දකිමින් වැඩිය යුතු දෙයකි.
නිබ්බිදාව යනු මේ සා උසස් අවබෝධයන්ට මං පෙත් හෙළි කරවාලන උසස් ධර්මයකි.

සංස්කාරයන්ගේ යථා ස්වභාවය යථා පරිදි දකිමින් යෝනිසෝ මනසිකාරයෙන් සිටින පුද්ගලයාට නිබ්බිදාව නිරායාසයෙන් පහළ වේ. අභිනන්දනයන් සිතෙන් ගිළිහී යයි. එවිට සිතට මහා සැනසුමක් උදා වේ.
භාවනාවක් ප්‍රගුණ කරන විට සිතේ ඇතිවන සමාධියත් සමඟම නිබ්බිදානුපස්සනාව තුළින් මේ විශ්වයම නිබ්බිදාවෙන් වසා දැමිය හැක. එය නිරාමිස සුවයක් ලබා දෙමින් සියලු සංස්කාර සිතෙන් ගිලිහී යමින් මහා ශුන්‍යතාවයකට සිත පත්වනු ඇත. ඒ ශුන්‍යතාවය තුළත් යම්තාක් සංස්කාර පවති නම් ඒ සංස්කාර කෙරෙහිත් නො ඇළී, ඒවායේ යථා ස්වභාවයද ප්‍රඥාවෙන් දැකිය හැකි නම් ඒ සංස්කාර වලත් නිරෝධය දකිමින් නිවන අත්දකින්නටද හැකිවනු ඇත.
නිබ්බිදාව යනු එතරම්ම නිවන් මඟට උපකාරී වන, වැඩිය යුතු ධර්මයකි.

සුවපත් වේවා...

Dhamma

1 day ago (edited) | [YT] | 2

Dhamma

ජම්බුඛාදක කියලා පරිබ්‍රාජකයෙක් සාරිපුත්ත මහරහතන් වහන්සේගේන් අහනවා,

ස්වමිනී බුද්ධ සාසනයේ ඇති දුෂ්කරම දෙය මොකක්ද ??
පින්වත, පැවිදි වීම තමයි බුද්ධ සාසනයේ දුෂ්කරම දේ..

ස්වාමිනී,පැවිදි වූ කෙනාට ඇති දුෂ්කරම දේ මොකක් ද?
පැවිද්දේ සිත අලවා වාසය කිරීමයි ඊලගට තියෙන දුෂ්කරම දේ..

ස්වාමිනී,පැවිද්දේ හිත අලවා වාසය කරන කෙනාට තියෙන දුෂ්කර දේ මොකක් ද?
ධම්මානුධම්ම පටිපදාවෙහි ඇලී වාසය කිරීම තමයි ඊලඟට තියෙන දුෂ්කර දේ..
---------------
පැවිදි වීම හරි ලේසි වැඩක් කියලා ගිහි අපිට පෙනුනට ඇත්තටම බුද්ධ සාසනේ තියෙන ආමාරුම වැඩේ තමයි පැවිදි වෙන එක..ඊටත් වඩා අමාරුයි පැවිද්දේ හිත අලවා ඉන්න එක..ඊටත් වඩා අමාරුයි ධර්මයේ හැසිරිලා,සීල,සමාධි,ප්‍රඥා දියුණු කරන එක..

බුද්ධ කාලේ හිටියා 6 වතාවක් සිවුරු හැරලා ගිහි වෙලා ආයෙත් පැවිදි වෙලා අරහත්වයට පත් වුන උත්තමයෙක්.. අද කාලේ වගේ නං එක පාරක් දෙපාරක් සිවුරු හැරලා පැවිදි උනොත් සමාජෙන් කොයි තරම් අපවාද අහන්න වෙයි ද..හැබැයි එදා එහෙම උනේ නෑ..

ඒ කාලේ සැවැත් නුවර එක්තරා ගොවියෙක් හිටියා..කසාදෙකුත් කරගෙන හිටියේ..මොහුටත් රහතන් වහන්සේලාගෙන් උතුම් ධර්මය අසන්නට ලැබුණා. ධර්මය අහපු මෙම ගොවියාටත් පැවිදි වීමේ ආශාවක් ඇතිවුණා. දිනක් මොහු ගෙදරට දන්වා පැවිදි වෙන්න ගියා. පැවිදි වෙන්න යද්දී තමා කුඹුරු වැඩ කළ උදැල්ල කටු පඳුරක සඟවා ගියා. ඉතින් මොහු භික්ෂූන් වහන්සේලා වෙත ගිහින් පැවිදි වුණා.

පැවිදි වී දින කිහිපයක් යන විට ධර්මය කෙරෙහි ඇති පැහැදීම වෙනස් වුණා. බිරිඳ මතක් වෙන්නට පටන් ගත්තා. තමා නැති නිසා තම බිරිඳ අයාලේ ගොස් නොමනා ලෙස හැසිරෙන්නට ඉඩ ඇති බවත් මතක් වුණා. ඉතින් මේ භික්ෂුව තමන් තුළ නූපන් රාගය ඉපදෙන ආකාරයට නුවණින් තොරව සිතන්නට පටන් ගත්තා. මොහු තුළ අකුසල් වැඩුණා. එය ප්‍රහාණය කිරීම සඳහා ප්‍රමාණවත් අධිෂ්ඨානයක් මොහු තුළ තිබුණේ නෑ. භාවනා කරන්නට වාඩි වූ විට ආයෙමත් සඟවා පැමිණි උදැල්ල මතක් වුණා. බිරිඳ මතක් වුණා. පංච කාමය මතක් වුණා. අරතිය වැඩි වුණා. ධර්මය කෙරෙහි ඇල්ම නැතිව ගියා. මොහු රහසේම සිවුරු හැර උදැල්ලත් රැගෙන ගෙදර ගියා.

පැවිදි වෙන්නට ගිය ස්වාමියා නැවත කුඹුරේ වැඩ කරනු දැක බිරිඳ ගොඩාක් සතුටු වුණා. හොඳින් කෑම බීම දී උපස්ථාන කළා. නමුත් ටික දවසක් යද්දී බිරිඳ ඇනුම් පද කියන්නට පටන් ගත්තා. එතකොට මොහු ආයෙමත් කළකිරුණා.
‘නුඹත් සමඟ ගත කරන මේ ජීවිතයට වඩා පිඬු සිඟා අනුභව කරමින් ගතකරන හුදෙකලා වාසය මොනතරම් වටිනවාද?’ කියා නැවතත් උදැල්ලත් රැගෙන පිටත් වුණා. අර කටු පඳුර අස්සේ උදැල්ල ගැහුවා. ස්වාමීන් වහන්සේලා වෙත ගොස් පැවිදි වුණා.

ටික කලක් ගතවුණා. ආයෙමත් ගිහි ජීවිතය මතක් වෙන්නට පටන් ගත්තා. බිරිඳ විසින් උයා පිහා දෙන කෑමවල රස මතක් වුණා. බිරිඳගේ ආදර බස් මතක් වුණා..ආයෙමත් උදැල්ල මතක් වුණා. හොරෙන්ම පිටත් වුණා. සිවුරු හැර උදැල්ලත් රැගෙන කුඹුරට ගියා. එදත් බිරිඳට හරිම සතුටුයි. ආදරෙන් කතා බස් කළා. රසවත් කෑම බීම දුන්නා.

ටික දවසයි ගියේ. ආයෙමත් ඇනුම් පද ඇසෙන්නට පටන් ගත්තා. බිරිඳගේ වෙනස්කම්වලට මුහුණ දෙන්නට සිදුවුණා. ‘නුඹ සමඟ ගත කරන දීගෙට වඩා මහ වනයේ ගස් සෙවණක නිකම් වාඩිවෙලා සිටියත් සැපයි’ කියල උදැල්ලත් අරගෙන පිටත් වුණා..යද්දි හිතුනා ආයේ පැවිදි වෙන්න..ගිහින් ආයෙත් පැවිදි උනා..

මොහුගේ හිත නිතර වෙනස් වෙන නිසා "චිත්තහත්ථ" යන නම පටබැඳුනා..

මේ විදිහට මේ භික්ෂුව හය වතාවක් සිවුරු හැරියා. හිතේ පැහැදීම ඉක්මනින් වෙනස් වෙනවා. අධිෂ්ඨානය ඇති කරගන්නටත් බෑ.
හයවෙනි වතාවේ සිවුරු හැරලා ගිහින්,
කුඹුරු වැඩ කරලා පැමිණෙද්දී බිරිඳ පැදුරක් එලාගෙන උඩුබැල්ලෙන් නිදාගෙන හිටියා. ඇයගේ හිස කෙස් අවුල් වෙලා. විසිරිලා තිබුණා. කට ඇරිලා තිබුණා. කුණු කෙල වැගිරෙමින් තිබුණා. ඇය ගොරව ගොරවා සිටියා. මේ දර්ශනය දුටු ගමන් මොහුගේ සිතට මහත් සංවේගයක් හටගත්තා. හැමදෙයක්ම එපා වුණා. බිරිඳටත් නොකියාම මහණ වෙන අදහසින් පිටත් වුනා.

පිටත් වෙනකොට බිරිඳගේ අම්මා ඔහුව දැක්කා..දැකලා ඉක්මනට බිරිඳව අවදිකරවා """අන්න උබේ මිනිහා ආයේ මහණ වෙන්න යනවා" කියලා කිව්වා..චිත්තහත්ථගේ වැඩ දන්න බිරිඳ කිව්වා..අනේ ඔය ගියපුදෙන්..ගිහින් ආයේ ටික දවසකින් එයි..කියලා

චිත්ථහත්ථ යනගමනේ අනිත්‍ය සිහිකලා..මගඳි සෝවාන් වුනා.. සතුටින් යුතුව ස්වාමීන් වහන්සේලා සොයා ගෙන ගියා. ආයෙමත් පැවිදි වුණා.

මොහුට බාධාව වශයෙන් තිබුණ උදලුකෙටිය අත්හළ නිසා හිතට වීරිය ගෙන භාවනා කළා. අරතිය එනකොට මැඬගත්තා. ශ්‍රද්ධාව හොඳින් පිහිටුවා ගත්තා. ධර්මය අවබෝධ කිරීමේ අරමුණ සිත තුළ ස්ථිර කරගත්තා. සතර සතිපට්ඨානයේ සිත මනාව පිහිටියා. චතුරාර්ය සත්‍ය ධර්මය පරිපූර්ණ වශයෙන්ම අවබෝධ වුණා. චිත්තහත්ථ නමින් නමින් රහතන් වහන්සේ නමක් බවට පත්වුණා..

චිත්තහත්ථ තෙරුන් වහන්සේ ඉතාම සතුටින් සැනසිල්ලේ කල් ගත කරන ආකාරය දුටු ස්වාමීන් වහන්සේලා ..
“ඇයි… දැන් ආයෙමත් ගෙදර යන්න හිතෙන්නෙ නැද්ද…? කියලා ඇසුවා.
“ගෙදර විතරක් නෙවෙයි, මං ආයෙ සසරෙවත් යන්නෙ නෑ කියල පිළිතුරු දුන්නා.

ඒ අයුරින් චිත්තහත්ථ රහතන් වහන්සේ රහත්බව ප්‍රකාශ කොට සිටියා...

සැබවින්ම මේ බුද්ධ සාසනය හරි විශ්මිතයි..
සය වතාවක් සිවුරුහැර කාමභෝගි ජිවිතයක් ගතකල කෙනෙක් පවා ආයෙත් පැවිදි වෙලා අරහත්වය ක්ෂාත්ෂාත් කලා..

අද උනත් සිවුරු හැරලා ගිහි ගෙදර ඇවිත්,ගිහි ගෙදර බැඳීම් එපා වෙලා පැවිද්දට ආස කරලා ආයෙත් පැවිදි වෙන කී දෙනෙක් ඇත්ද??
ආයෙත් පැවිදි වෙලා සසර දුකින් නිදහස් වෙන්න වීර්‍ය කරන කී නමක් ඇත්ද??
ආයෙත් පැවිදි වෙලා වෙහෙර විහාර හදලා,ගිහියන්ටත් පිං කරගන්න අවස්ථාව දෙන කී නමක් ඇත්ද??

ඒ නිසා සිවුරු හැරගිය පමණින් කිසිවෙකුටත් ගැරහිය යුතු නෑ..

( උතුම් ධර්මදානය සඳහා උපුටා ගන්නා ලද සඳහම් ලිපියකි )

3 weeks ago | [YT] | 2

Dhamma

🧘🌸🧘

4 weeks ago | [YT] | 8

Dhamma

👍 විභාග සඳහා අත්‍යාවශ්‍ය ලොව විශිෂ්ඨ ප්‍රකාශන සහ ඒවා ප්‍රකාශ කළ තැනැත්තන් 50 ක්! 💡

ඔබේ සාමාන්‍ය දැනුම (GK) වැඩි කර ගැනීමටත්, විභාගවලින් ඉහළින්ම සමත් වීමටත් උපකාරී වන, ලොව ප්‍රකට චරිත විසින් කරන ලද සුවිශේෂී කියමන් 50 ක් මෙන්න. මේවා මතක තබා ගැනීමෙන් ඔබ අනිවාර්යයෙන්ම ඉදිරියට යනු ඇත!

📚 "මා සිතමි, එබැවින් මම වෙමි."
-රෙනේ ඩෙකාට් (René Descartes)-

📚 "ලෝකය වෙනස් කිරීමට ඔබට අවශ්‍ය නම්, ඔබම ඒ වෙනස විය යුතුය."
-මහත්මා ගාන්ධි (Mahatma Gandhi)-

📚 "ජීවිතය යනු පාපැදියක් පැදවීම හා සමානයි. සමබරව සිටීමට නම් ඔබ ඉදිරියට යා යුතුය."
-ඇල්බට් අයින්ස්ටයින් (Albert Einstein)-

📚 "අසාර්ථකත්වය අවසානය නොවේ. ඉදිරියට යාමට ඇති ධෛර්යය වැදගත් වේ."
- වින්ස්ටන් චර්චිල් (Winston Churchill)-

📚 "මිනිසා නිදහස්ව උපදියි, නමුත් සෑම තැනකම ඔහු විලංගු ලා ඇත."
- ජීන් ජැක් රූසෝ (Jean-Jacques Rousseau)-

📚 "ජීවිතයේ හොඳම හා ලස්සනම දේ දැකිය නොහැක, ඇසිය නොහැක; එය හදවතින්ම දැනිය යුතුය."
-හෙලන් කෙලර් (Helen Keller)-

📚 "ආගම යනු ජනතාවගේ අබිං ය."
-කාල් මාක්ස් (Karl Marx)-

📚 "ජයග්‍රහණය යනු අවසන් නොවේ, අසාර්ථකත්වය මාරාන්තික නොවේ."
-වින්ස්ටන් චර්චිල් (Winston Churchill)-

📚 "විශ්වය සහ මානව මෝඩකම යන දෙකම අනන්තයි, නමුත් විශ්වය ගැන නම් මට සැකයි."
- ඇල්බට් අයින්ස්ටයින් (Albert Einstein)-

📚 "ඔබේ සිහිනවල සුන්දරත්වය විශ්වාස කරන්නන්ට අනාගතය අයිතියි."
-එලිනෝර් රූස්වෙල්ට් (Eleanor Roosevelt)-

📚 "මිනිසුන්ව නොමඟ යැවීමට ඇති පහසුම ක්‍රමය නම් ඔවුන්ට ඇත්ත කීමයි."
-ඇඩොල්ෆ් හිට්ලර් (Adolf Hitler)-

📚 "අපගේ හෙට දවස පිළිබඳ අවබෝධයට ඇති එකම සීමාව අපගේ අද දවසේ සැකයන් වනු ඇත."
-ෆ්රෑන්ක්ලින් ඩී. රූස්වෙල්ට් (Franklin D. Roosevelt)-

📚 "සෑම මිනිසෙකුගේම අවශ්‍යතා සඳහා ලෝකයට ප්‍රමාණවත් දේ ඇත, නමුත් සෑම මිනිසෙකුගේම තණ්හාව සඳහා ප්‍රමාණවත් දේ නැත."
-මහත්මා ගාන්ධි (Mahatma Gandhi)-

📚 "අධිකාරිය නොමැතිව බලය නිෂ්ඵල වන අතර, බලය නොමැතිව අධිකාරිය නිෂ්ඵල වේ."
-චීන කියමනක් (බොහෝ විට කොන්ෆියුසියස් හා සම්බන්ධයි)-

📚 "සදාකාලික සාමය පවත්වා ගත හැක්කේ යුක්තිය මත පමණි."
-ඉමැනුවෙල් කාන්ට් (Immanuel Kant)-

📚 "සත්‍යය පවතින්නේ කරුණාවන්ත වීමට සූදානම්ව සිටින මිනිසුන්ගේ හදවත් තුළ ය."
-ලියෝ ටෝල්ස්ටෝයි (Leo Tolstoy)-

📚 "ඔබ සාර්ථක වීමට තරම් අධිෂ්ඨානයෙන් සිටින තාක් කල් අසාර්ථකත්වය ඔබව අභිබවා යන්නේ නැත."
-ආචාර්ය ඒ.පී.ජේ. අබ්දුල් කලම් (Dr. A.P.J. Abdul Kalam)-

📚 "වීමට හෝ නොවීමට, මේකයි ප්‍රශ්නේ."
-විලියම් ශේක්ස්පියර් (William Shakespeare)-

📚 "මිනිසෙකුට කුමක් අවශ්‍ය දැයි ඔබට දැන ගැනීමට අවශ්‍ය නම්, ඔහු තම යටත් සේවකයන්ට සලකන්නේ කෙසේදැයි බලන්න, ඔහුගේ සමානයන්ට සලකන ආකාරය නොවේ."
-ජේ. කේ. රෝලින් (J.K. Rowling)-

📚"නැතිවීමට වඩා ආදරය කර නැතිවීම හොඳය."
-ඇල්ෆ්‍රඩ්, ලෝඩ් ටෙනිසන් (Alfred, Lord Tennyson)-

📚 "පොත් නැති කාමරයක් යනු ආත්මයක් නැති ශරීරයක් හා සමානයි."
-මාකස් ටියුලියස් සිසෙරෝ (Marcus Tullius Cicero)-

📚"දෝෂ ඇතිවීම මිනිස් ස්වභාවයයි; සමාව දීම දේවත්වයට අයත් වේ."
-ඇලෙක්සැන්ඩර් පෝප් (Alexander Pope)=

📚"අපි දකින්නේ දේවල් තිබෙන ආකාරයට නොව, අප සිටින ආකාරයටයි."
- අනයිස් නින් (Anaïs Nin)-
📚"ඔබට කියවීමට හැකි නම්, ගුරුවරයෙකුට ස්තූති කරන්න."
-ඇමරිකානු කියමනක්-

📚"එක් පොතක්, එක් පෑනක්, එක් දරුවෙකු සහ එක් ගුරුවරයෙකු ලෝකය වෙනස් කළ හැකිය."
-මලාලා යූසෆ්සායි (Malala Yousafzai)-

📚 "දිනක් තුළ ඔබේ විශිෂ්ටතම කලාකෘතිය සාදන්න."
-ජෝන් වූඩන් (John Wooden)-

📚 "කටුක වෙහෙසට ආදේශකයක් නැත."
-තෝමස් අල්වා එඩිසන් (Thomas Alva Edison)-

📚 "දේවල් වෙනස් කිරීමට නොහැකි විට, අපට ඇති එකම අභියෝගය වන්නේ අපගේ ආකල්පය වෙනස් කිරීමයි."
-වික්ටර් ෆ්‍රැන්ක්ල් (Viktor Frankl)-

📚 "ප්‍රශ්න කිරීම නැවැත්වීම වැදගත් නොවේ."
-ඇල්බට් අයින්ස්ටයින් (Albert Einstein)-

📚"ඔබට අවශ්‍ය දේ ලබා ගැනීමට උදව් කිරීමෙන් අන් අයට උදව් කරන්න, එවිට ඔබට ජීවිතයේ අවශ්‍ය සියල්ල ලැබෙනු ඇත."
-සිග් සිග්ලාර් (Zig Ziglar)-

📚 "අවස්ථාව එනතෙක් බලා නොසිටින්න. එය නිර්මාණය කරන්න."
-ජෝර්ජ් බර්නාඩ් ෂෝ (George Bernard Shaw)-

📚 "ඔබ වෙහෙසට පත් වුවහොත් ඉවත් වීමට නොව, විවේක ගැනීමට ඉගෙන ගන්න."
-බෑන්ක්සි (Banksy)-

📚 "උද්‍යෝගයකින් තොරව කිසිදු ශ්‍රේෂ්ඨ දෙයක් සාක්ෂාත් කරගෙන නැත."
-රැල්ෆ් වෝල්ඩෝ එමර්සන් (Ralph Waldo Emerson)-

📚 "පියවරක් කුඩා මිනිසෙකුට, පිම්මක් මානව වර්ගයාට."
-නීල් ආම්ස්ට්‍රෝං (Neil Armstrong)-

📚 "අතීතය පාලනය කරන්නා අනාගතය පාලනය කරයි; වර්තමානය පාලනය කරන්නා අතීතය පාලනය කරයි."
-ජෝර්ජ් ඕවෙල් (George Orwell)-

📚"මා හට ධනය ඇත; මා හට බලය ඇත; මා හට නමක් ඇත. මට ඇති එකම ප්‍රශ්නය මා කවුද යන්නයි."
- ඔටෝ වොන් බිස්මාර්ක් (Otto von Bismarck)-

📚"මට අතට අත දෙන ලෙස ඉල්ලන්න එපා, මම අප්‍රිකාවේ සහ ලෝකයේ මිනිසුන්ට දෑත් දීමට ආවා."
-නෙල්සන් මැන්ඩෙලා (Nelson Mandela)-

📚"සැකයක් තිබියදී ක්‍රියාවක් කරන්න. ඔබ සාර්ථක වනු ඇත."
-ජෝර්ජ් වොෂින්ටන් (George Washington)-

📚"දෛවය පාලනය කරන්නේ තමන්ගේ මනසයි."
-එඩ්වඩ් බුල්වර්-ලයිටන් (Edward Bulwer-Lytton)-

📚 "සියලු බලය ජනතාව වෙත පැවරේ, එය ජනතාවට අයිති ය."
-ඒබ්‍රහම් ලින්කන් (Abraham Lincoln)-

📚"මට අඬන්න තරම් වෙලාවක් නැත."
-මහා ඇලෙක්සැන්ඩර් (Alexander the Great)-

📚"රජෙකු නොවී රාජ්‍ය කරන්නේ රාජ්‍යයේ පළමු පුරවැසියා ලෙසයි."
-ජෝර්ජ් වොෂින්ටන් (George Washington)-

📚"මිනිසුන්ව මෙහෙයවීමේදී ඔබේ හදවත භාවිතා කරන්න."
-චින්ගිස් ඛාන් (Genghis Khan)-

📚"නිහඬව කතා කරන්න, විශාල පොල්ලක් අතේ තබා ගන්න."
-තියඩෝර් රූස්වෙල්ට් (Theodore Roosevelt)-

📚 "ඔබ ඔබම වන්න, ඔබට දැනෙන දේ කියන්න, මන්ද එය ගණන් නොගන්නා අය වැදගත් නොවන අතර, එය ගණන් ගන්නා අය කිසිසේත් නොසිතනු ඇත."
-බර්නාඩ් එම්. බාරුක් (Bernard M. Baruch)-

📚"මම මිනිසුන්ගෙන් ඉගෙන ගත් බව මට මතකයි, නමුත් ඔවුන් මා ගැන සිතූ ආකාරය කිසි විටෙකත් අමතක නොකරනු ඇත."
-මායා ඇන්ජෙලූ (Maya Angelou)-

📚 "දිනන්නට ඇති මාර්ගය නම් නැවතත් උත්සාහ කරන්න, නැවතත් උත්සාහ කරන්න."
-ඩබ්ලිව්. ඊ. හික්සන් (W. E. Hickson)-

📚 "මම කඩවසම් නැත, නමුත් මට උපකාර අවශ්‍ය කෙනෙකුට මගේ අත දිය හැකියි... මන්ද සුන්දරත්වය අවශ්‍ය වන්නේ මුහුණේ නොව හදවතේ ය."
-ආචාර්ය ඒ.පී.ජේ. අබ්දුල් කලම් (Dr. A.P.J. Abdul Kalam)-

📚 "ප්‍රශ්න කිරීම නවත්වන්න එපා. කුතුහලය පැවැත්මට හේතුවයි."
-ඇල්බට් අයින්ස්ටයින් (Albert Einstein)-

📚"ඔබේ උපන්දිනයට වසරකට වරක් ලැබෙන්නේ නම්, ඔබ එතරම් සතුටු විය නොහැක."
-ඊගෝර් ස්ට්‍රාවින්ස්කි (Igor Stravinsky)-

#

1 month ago | [YT] | 6

Dhamma

~ සිය පියා විශාඛාවට ලබා දුන් අවවාද ~

01 – අන්තෝ අග්ගි බහි න නීහරිතබ්බෝ -
ඇතුළත ගිනි පිටතට ගෙන නො යන්න.
තේරුම = තමන් ගේ ස්වාමියා ගේ අගුණල සිය නිවසේ ගැටලූල ආදිය බාහිර නිවෙස් වල අයට පැවසීමෙන් වළකින්න.

02 – බාහිරතෝ අග්ගි න අන්තෝ පවේසේතබ්බෝ –
පිටත ගිනි ඇතුළට නො ගෙනෙන්න.
තේරුම = තමන් ගේ ස්වාමියා ගැන හෝ පවුලේ අය ගැන හෝ බාහිර උදවිය කියන දේවල් අසාගෙන විත් නිවසේ නො කියන්න.

03 – යේ දදන්ති තේසං යේව දාතබ්බං –
දෙන අයට ම දෙන්න.
තේරුම = නිවසේ ඇති උපකරණ ආදිය ඉල්ලාගෙන යෑමට යමෙක් පැමිණ විට, ඔහු එය ආපසු ලබා දෙන තැනැත්තෙක් නම්, එවැනි අයට පමණක් එම උපකරණ ආදිය ලබා දෙන්න.

04 – යේ න දෙන්ති, තේසං න දාතබ්බං -
නො දෙන අයට නො දෙන්න.
තේරුම = නිවසේ ඇති උපකරණ ආදිය ඉල්ලාගෙන යෑමට යමෙක් පැමිණ විට, ඔහු එය ආපසු ලබා නො දෙන තැනැත්තෙක් නම්, එවැනි අයට ඒවා දීමෙන් වළකින්න.

05 – දදන්තස්සාපි අදදන්තස්සාපි දාතබ්බං –
දෙන අයටත් නො දෙන අයටත් දෙන්න.
තේරුම = දිළිදු වූ යම් කිසිවෙක් කිසිවක් ඉල්ලාගෙන පැමිණි විට ඔහු ආපසු දුන්නා හෝ නො දුන්නා හෝ දන් දෙන්න.

06 – සුඛං නිසීදිතබ්බං –
සුවසේ හිඳගන්න..
තේරුම = සිය ස්වාමියාල මාමණ්ඩිය ඇතුළු වැඩිහිටි අය ±ක නැගිටිය යුතු තැන් වල හිඳගෙන සිටීමෙන් වළකින්න.

07 – සුඛං භුඤ්ජිතබ්බං –
සුවසේ අනුභව කරන්න.
තේරුම = සිය ස්වාමියාල මාමණ්ඩිය ඇතුලූ වැඩිහිටි අයට ප්‍රථමයෙන් කෑම ගැනීමෙන් වළකින්න. ඒ අයට ආහාර පානාදිය සපයා ඒ කටයුතු සොයා බලා ඉන්පසු ව ආහාර ගන්න.

08 – සුඛං නිපජ්ජිතබ්බං –
සුවසේ සැතපෙන්න.
තේරුම = සිය ස්වාමියා මාමණ්ඩිය ඇතුළු වැඩිහිටි අයට ප‍රථමයෙන් නිදා ගැනීමෙන් වළකින්න. ඒ අයට කළ යුතු උපස්ථාන ආදිය සිදු කොට ඒ අය නිදාගත් පසු ව නිදා ගන්න.

09 – අග්ගි පරිචරිතබ්බෝ –
ගිනි පුදන්න
තේරුම = සිය ස්වාමියාට ත් මාමණ්ඩිය ඇතුළු වැඩිහිටි අයට ත් ගෞරව බුහුමන් දක්වන්න.

10 – අන්තෝ දේවතා නමස්සිතබ්බා –
ඇතුළත දෙවිවරුන් හට පුද සත්කාර කරන්න.
තේරුම = සිය ස්වාමියාට ත් මාමණ්ඩිය ඇතුළු පවුලේ වැඩිහිටි අයට ත් දෙවියන් සේ සළකා පුද සත්කාර කරන්න.

~(ධම්මපදට්ඨකථා)~

Skip the Carousel

1 2 3

1 month ago | [YT] | 4

Dhamma

1 month ago | [YT] | 6

Dhamma

1 month ago | [YT] | 7

Dhamma

2 months ago | [YT] | 6