නිශ්චිත Media

- මෙවර විස්සයි20 ලෝක කුසලානයේ පළමු ශතකය.

- පැතුම්ගේ විස්සයි20 ඉනිමේ දෙවැනි ශතකය.

- ශ්‍රී ලංකාව වෙනුවෙන් ලෝක කුසලානයකදී ක්‍රීඩකයෙක් නොදැවී රැස්කළ ඉහළම ලකුණු සංඛ්‍යාව.

- විස්සයි20 ලෝක කුසලානයේ ශ්‍රී ලංකික පිතිකරුවෙකු රැස්කළ වේගවත්ම ශතකය.

- විස්සයි20 ශතක දෙකක් වාර්තා කළ එකම ශ්‍රී ලංකා පිතිකරු.

- විස්සයි20 ලෝක කුසලාන තරගාවලියකදී ඔස්ට්‍රේලියාවට එරෙහිව ක්‍රීඩකයෙක් රැස්කළ පළමු ශතකය.

Pathum Nissanka was quick off the blocks, Sri Lanka vs Australia, T20 World Cup 2026, Pallekele, February 16, 2026



පැතුම් නිස්සංකගේ සුපිරි ශතකය හමුවේ මෙවර 20යි 20 ලෝක කුසලාන ක්‍රිකට් තරගාවලියේ සුපිරි 8 දෙනාගේ තරගවටයේ සිය ස්ථානය වෙන්කර ගැනීමට ශ්‍රී ලංකා කණ්ඩායම ඊයේ (16) රාත්‍රියේ සමත් වුණි

ඒ මුලික වටයේ ඔස්ට්‍රේලියාව සමඟ පැවති තරගයෙන් කඩුලු 8ක ජයක් වාර්තා කිරීමත් සමඟය.

B කාණ්ඩයේ තරගයක් ලෙස පැවති මෙම තරගයේ කාසියේ වාසිය තමන් දෙසට පෙරළාගත් ශ්‍රී ලංකා නායක දසුන් ශානකගේ තීරණය වූයේ පළමුව පන්දු රැකීමටය.

ශ්‍රී ලංකා කණ්ඩායම ඊයේ තරගයට එක් වෙනස්කමක් සිදුකරමින් කුසල් ජනිත් පෙරේරා කැඳවා තිබුණේ කමිල් මිෂාර වෙනුවටය.

මේ අතර ශ්‍රී ලංකා - ඔස්ට්‍රේලියා තරගය ආරම්භ වූ පසුවත් පල්ලේකැලේ ක්‍රිකට් ක්‍රීඩාංගණයේ පිවිසුම් දොරටුව අසල තරගය නැරඹීමට ආ ක්‍රීඩාලෝලීන්ගේ දැඩි තදබදයක් හටගත්තේය.

ඔස්ට්‍රේලියා ඉනිම ට්‍රැවිස් හෙඩ් සමඟින් නායක මිචෙල් මාෂ් ඇරඹු අතර ඔවුන් දෙදෙනා එක්ව පළමු කඩුල්ලට පන්දු 51කින් ලකුණු 104ක සබඳතාවක් ගොඩනැගුවේ පල්ලේකැලේ ක්‍රීඩාංගණයට පැමිණි ප්‍රේක්ෂකයින්ව මදකට නිහඬ කරමින්ය.

එම සබඳතාව බිඳවැටුණේ ට්‍රැවිස් හෙඩ් ලකුණු 56කට දැවී යාමත් සමඟය.

මිචෙල් මාෂ් ලකුණු 54යි.

ඒ අතර වාරයේදී තරගයේ පන්දු යවමින් සිටි මතීෂ පතිරණ වම්පාදයේ ආබාධයකට ලක්ව පිටියෙන් ඉවත්වීමට සිදුවුණි.

ශ්‍රී ලංකා ක්‍රිකට් ආයතනය නිවේදනය කළේ, මතීෂව අද ස්කෑන් පරික්ෂණයක් සඳහා යොමු කරන බවය.

විටෙක ඔස්ට්‍රේලියා කණ්ඩායම පන්දුවාර 8යි පන්දු 2ක් අවසානයේ කිසිවෙකු නොදැවී ලකුණු 104ක් ලබා සිටියත් ඔවුන්ගේ කඩුලු 10ම ලකුණු 77ක් තුළ දවාගන්නට ශ්‍රී ලංකා පන්දු බලඇණිය සමත්වුණි.

සුපිරි පන්දු යැවීමක නිරත වූ දුෂාන් හේමන්ත කඩුලු 3ක් දවාගනිද්දී දුෂ්මන්ත චමීර කඩුලු 2ක් දවාගත්තේය.

ඒ අනුව ඔස්ට්‍රේලියා කණ්ඩායම පන්දුවාර 20 අවසානයේ සියල්ලන් දැවී ලකුණු 181කට සීමාවුණි.

ලකුණු 182ක ඉලක්කයක් හඹායාම සඳහා ශ්‍රී ලංකා ඉනිම ඇරඹුවේ පැතුම් නිස්සංක සමඟින් කුසල් ජනිත් පෙරේරායි.

කුසල් ජනිත් පෙරේරා එක් ලකුණුකට දැවීගියේය.

කෙසේ වෙතත් දෙවැනි කඩුල්ලට පැතුම් සමඟ පිටියේ එක්වු කුසල් මෙන්ඩිස් දෙවැනි කඩුල්ල පන්දු 66කින් ලකුණු 97ක සබඳතාවක් ගොඩ නගමින් ශ්‍රී ලංකා කණ්ඩයමේ ජය මාවත විවර කළේය.

මෙවර තරගාවලියේදී පිට පිට ලබාගත් තුන්වැනි අර්ධ ශතකය රැස්කරගනිමින් කුසල් මෙන්ඩිස් ලකුණු 51ක් ලබාගත්තේය.

ශ්‍රී ලංකාව ජයග්‍රහණය සඳහා අවසන් පන්දු 20 ට ලකුණු 20ක් රැස්කරගත යුතුව තිබුණි.

ඒ වනවිටත් විශිෂ්ඨ ඉනිමක් ක්‍රීඩාකර සිටි පැතුම් නිස්සංක පහසුවෙන් එම ඉලක්කය හඹා ගියේ මෙවර විස්සයි20 ලෝක කුසලානයේ පළමු ශතකය ද වාර්තා කරමිනි.



පැතුම්ගේ සුපිරි ශතකයෙන් අලුත් වුණ වාර්තා



Pathum Nissanka celebrates his second T20I century, Sri Lanka vs Australia, Men's T20 World Cup, Pallekele, February 16, 2026

පැතුම්ගේ විස්සයි විස්ස ඉනිමේ දෙවැනි ශතකය මෙය වන අතර ඔහුගේ ඉනිම හතරේ පහර 10කින් සහ හයේ පහර 5කින් වර්ණවත් වුණි.

ශ්‍රී ලංකාව වෙනුවෙන් ලෝක කුසලානයකදී ක්‍රීඩකයෙක් රැස්කළ ඉහළම ලකුණු සංඛ්‍යාව මෙය වන අතර මීට පෙර ලෝක කුසලානයකදී ශතකයක් රැස්කර තිබුණේ මහේල ජයවර්ධන පමණයි.

විස්සයි20 ලෝක කුසලානයකදී ශ්‍රී ලාංකික පිතිකරුවෙකු රැස්කළ වේගවත්ම ශතකය වන අතර විස්සයි20 ශතක දෙකක් වාර්තා කළ එකම ශ්‍රී ලංකා පිතිකරු වන්නේ ද පැතුම් නිස්සංකයි.

මේ අතර විස්සයි20 ලෝක කුසලාන තරගාවලියකදී ඔස්ට්‍රේලියාවට එරෙහිව ක්‍රීඩකයෙක් රැස්කළ පළමු ශතකයද මෙය වේ.

ඒ අනුව ශ්‍රී ලංකා කණ්ඩායම පන්දුවාර 18ක් අවසානයේ කඩුලු 2ක් පමණක් දැවී සිය ජයග්‍රාහී කඩයිම පසුකර ගියේය.

ශ්‍රී ලංකාව මෙම හඹාගිය ලකුණු සංඛ්‍යාව වාර්තා අතරට එක්වුණේ පන්දුවාර 20 තරගයක මව්බිමේදී හඹාගොස් ජයගත් ඉහළම ලකුණු සංඛ්‍යාව ලෙසටය.

ලෝක කුසලාන තරගාවලියකදී හඹාගිය ඉහළම ලකුණු සංඛ්‍යාව ලෙසත් මෙම ලකුණු සංඛ්‍යාව වාර්තා අතරට එක්වුණි.

මීට අමතරව ශ්‍රී ලංකා කණ්ඩායමක් විස්සයි20 ලෝක කුසලාන ක්‍රිකට් තරගාවලියක ඔස්ට්‍රේලියා කණ්ඩායමක් පරාජයට පත්කරන්නේ වසර 17කට පසුව වීමත් කැපීපෙනෙයි.

තරගයේ වීරයා පැතුම් නිස්සංක.

තරගයේ ජයග්‍රහණයෙන් අනතුරුව නායක දසුන් ශානක පල්ලේකැලේට පැමිණ සිටි ක්‍රීඩාලෝලීන්ට සිය ස්තූතිය ප්‍රකාශ කළේය.

මේ අතර ශ්‍රී ලංකා කණ්ඩායම ලද මේ සුපිරි ජයග්‍රහණයෙන් පසු ක්‍රීඩාලෝලීන් සිය සතුට පළකර සිටියේය.

කෙසේවෙතත් ඔස්ට්‍රේලියාව සුපිරි 8 දෙනාගේ වටයට සුදුසුකම් ලබාගැනීමට නම්, අයර්ලන්තය හමුවේ සිම්බාබ්වේ කණ්ඩායම අද පරාජය විය යුතුයි.

1 hour ago | [YT] | 0

නිශ්චිත Media

🌳 ගස් කපන්නේ නැතුව කඩදාසි හදන්න පුළුවන් කිව්වොත් ඔබ විශ්වාස කරනවාද? 📄💎
අනාගතයේදී අපිට ලියන්න වෙන්නේ ගස්වලින් හදපු කඩදාසිවල නෙවෙයි, "ගල්" වලින් හදපු කඩදාසිවලයි! 😲

ලෝකයේ සිදුවන දේශගුණික විපර්යාසවලට සහ වනාන්තර විනාශයට විසඳුමක් විදිහට චීනයේ සිංගුවා (Tsinghua) විශ්වවිද්‍යාලයේ පර්යේෂකයන් අපූරු නවෝත්පාදනයක් හඳුන්වා දී තිබෙනවා. ඒ තමයි "Stone Paper" හෙවත් ඛනිජමය කඩදාසි!

මොකක්ද මේ Stone Paper තාක්ෂණය? 🤔
සාමාන්‍යයෙන් කඩදාසි හදන්න මහා පරිමාණයෙන් ගස් කපන්න ඕනෙ වුණාට, මේ තාක්ෂණයේදී කරන්නේ කාන්තාර වැලි සහ පාෂාණවලින් ලබාගන්නා කැල්සියම් කාබනේට් (Calcium Carbonate) කුඩු, විෂ නොවන රෙසින් ස්වල්පයක් සමඟ මිශ්‍ර කරලා ඉතාමත් උසස් තත්ත්වයේ කඩදාසි නිපදවන එකයි.

🌍 මෙහි ඇති විශේෂත්වය:
✅ Tree-free: එක ගසක්වත් කපන්න අවශ්‍ය නැහැ.
✅ ජලය ඉතිරි කිරීම: සාමාන්‍ය කඩදාසි නිෂ්පාදනයට යන මහා පරිමාණ ජල නාස්තිය මෙහිදී සිදු වන්නේ නැහැ.
✅ පරිසර හිතකාමී: කාර්මික අපජලය බැහැර කිරීම අවම කරන අතර වනාන්තර රැක ගැනීමට ලොකු පිටුවහලක් ලැබෙනවා.
✅ කාන්තාරකරණයට විසඳුමක්: වැඩකට නැති කාන්තාර වැලි පවා මේ සඳහා ප්‍රයෝජනයට ගත හැකියි.

මේක 100% ප්ලාස්ටික්වලින් තොර නොවූවත්, ජල හිඟයෙන්

12 hours ago | [YT] | 3

නිශ්චිත Media

විස්සයි20 ලෝක කුසලාන ක්‍රිකට් තරගාවලියේ අද (16) පැවති තරගයෙන් ප්‍රබල ඔස්ට්‍රේලියානු කණ්ඩාම පරාජය කර කඩුලු 8ක ජයක් ලැබීමට ශ්‍රී ලංකා කණ්ඩායම සමත් විය.

පල්ලේකැලේ ක්‍රීඩාංගනයේ පැවති මෙම තරගයේ ඔස්ට්‍රේලියාවෙන් හිමි වූ ලකුණු 182ක ඉලක්කය කඩුලු 2ක් පමණක් දැවී තරගයේ 18 වන පන්දු වාරයේ දී පසුකර යාමට ශ්‍රී ලංකාවට හැකි විය.

එහිදී ශ්‍රී ලංකා ජයග්‍රහණයේ නියමුවා වූ ආරම්භක පිතිකරු පැතුම් නිස්සංක අතිවිශිෂ්ඨ ශතකයක් වාර්තා කළේය.

පන්දු 52කදී ගොඩ නැගූ ඔහුගේ ශතක ඉනිමට හයේ පහර 5ක් හා හතරේ පහර 10ක් ඇතුළත් විය.

ඔහුට අමතරව කුසල් මෙන්ඩිස් පන්දු 38කින් ලකුණු 51ක්ද පවන් රත්නායක පන්දු 15කින් නොදැවී ලකුණු 28ක්ද රැස් කළේය.

මෙම ජයග්‍රහණයත් සමග B කාණ්ඩයෙන් සුපිරි 8 දෙනාගේ වටයට සුසුදුකම් ලබා ගැනීමට ශ්‍රී ලංකාවට හැකි විය.

එමෙන්ම ඔස්ට්‍රේලියාව ලැබු පරාජයත් සමඟ තරගාවලියේ ඔවුන්ගේ ඉදිරිගමන අවධානමකට ලක් විය.

13 hours ago | [YT] | 16

නිශ්චිත Media

විස්සයි20 ලෝක කුසලාන ක්‍රිකට් තරගාවලියේ ඊයේ (15) කොළඹ ආර්. ප්‍රේමදාස ක්‍රීඩාංගනයේ පැවති ඉන්දු -පාකිස්තාන ක්‍රිකට් තරගය නැරඹීම සඳහා පෞද්ගලික ජෙට් ගුවන් යානා 15 කින් ලොව පුරා ක්‍රිකට් ලෝලීන් විශාල පිරිසක් කටුනායක ගුවන් තොටුපොළ වෙත පැමිණ තිබුණි.

එම ගුවන් යානා පසුගිය 14වනදා සිට ඉන්දියාව, පකිස්තානය ඇතුළු තවත් රටවල් ගණනාවකින් පැමිණ තිබු බව වාර්තා වේ.

එම ගුවන් යානා වලින් පකිස්තාන ක්‍රීඩා අමාත්‍යවරයා ඇතුළු පිරිසක්, ජාත්‍යන්තර ක්‍රිකට් කවුන්සිලයේ සභාපති ජේ. ෂාහ් මහතා ඇතුළු කෝටිපති ව්‍යාපාරිකයන් රැසක් ද පැමිණ තිබූ බව සඳහන් වේ.

ඔවුන් මේ වන විට එම ගුවන් යානාවලින් නැවත් දිවයිනෙන් පිටව ගොස් ඇත.

මතභේදාත්මක වාතාවරණයකින් පසු ඊයේ පැවති මෙම තරගයෙන් ලකුණු 61කින් ජය වාර්තා කළේ ඉන්දීය කාණ්ඩායම විසිනි.

14 hours ago | [YT] | 4

නිශ්චිත Media

ආගමන හා විගමන දෙපාර්තමේන්තුවේ පරිගණක පද්ධතියේ ඇතිවූ තාක්ෂණික දෝෂය මේ වන විට යථා තත්ත්වයට පත් කර ඇතැයි එම දෙපාර්තමේන්තුව පවසයි.

එම දෙපාර්තමේන්තුවේ නියෝජ්‍ය පාලක සහ මාධ්‍ය ප්‍රකාශක මහේෂ් කරුණාදාස මහතා පැවසුවේ මේ හේතුවෙන් තාවකාලිකව අත්හිටවූ දෙපාර්තමේන්තුවේ කටයුතු නැවත ආරම්භ කළ බවය.

ඒ අනුව ගුවන් බලපත්‍ර නිකුත් කිරීමේ සේවාවන් යථා තත්ත්වයට පත් කර ඇති බවත් ගමන් බලපත්‍ර, එක්දින ගමන් බලපත්‍ර සහ වීසා නිකුත් කිරීමේ කටයුතු මේ වන විට සාමාන්‍ය පරිදි සිදුකරමින් පවතින බවත් ඒ මහතා සඳහන් කළේය.

එමෙන්ම මේ වන විට කඩිනමින් නිකුත් කළ යුතු සහ ඉතාම අත්‍යවශ්‍ය සැපයීම් කටයුතු මේ වන විට ආරම්භ කර ඇතැයිද පැවසූ ඒ මහතා සඳහන් කර සිටියේ දෙපාර්තමේන්තුවේ ශාඛා ජාලයන්හී කටයුතුද මේ වන විට සාමාන්‍ය පරිදි ක්‍රියාත්මක වන බවය.

ඊයේ (12) වැනි දින ආගමන හා විගමන දෙපාර්තමේන්තුවේ පරිගණක දත්ත පද්ධතියේ ඇතිවූ හදිසි දෝෂයක් හේතුවෙන් එහි සේවා කටයුතු බිඳ වැටුණි.

එම බිඳ වැටීමත් සමග එම දෙපාර්තමේන්තුවේ සියලුම ශාඛාවන් හී සේවාවන්ද අඩාල වූ අතර එම තත්ත්වය හේතුවෙන් ඉතා හදිසි නොවන අවස්ථාවලදී ගමන් බලපත්‍ර ලබා ගැනීමට පැමිණීම ලබන සතිය දක්වා කල් දමන ලෙස එම දෙපාර්තමේන්තුව මහජනතාවගෙන් ඉල්ලා සිටියේය.

ඇතිවූ හදිසි තාක්ෂණික දෝෂය යථා තත්ත්වයට පත් කිරීම සඳහා විශේෂ තාක්ෂණික කමිටුවක් එක්ව පියවර ගත් බවත් පැවසූ මාධ්‍ය ප්‍රකාශකවරයා වැඩිදුරටත් සඳහන් කර සිටියේ මේ වන විට එම කටයුතු යථා තත්ත්වයට පත් කර දෙපාර්තමේන්තුවේ සියලුම කටයුතු සාමාන්‍ය පරිදි සිදුකරමින් යන බවත්ය.

4 days ago | [YT] | 7

නිශ්චිත Media

පොළොන්නරුව දිස්ත්‍රික් හිටපු පාර්ලිමේන්තු මන්ත්‍රී අමරකීර්ති අතුකෝරළට සහ ඔහුගේ ආරක්ෂක නිලධාරියාට පහරදී ඝාතනය කළ බවට වූ චෝදනාවට වරදකරු වූ 12 දෙනෙකුට මරණ දඬුවම නියම කෙරුණි.

අදාළ නඩුවේ තීන්දුව ප්‍රකාශයට පත්කරමින් ගම්පහ ස්ථිර ත්‍රිපුද්ගල මහාධිකරණය අද (11) මෙම නියෝගය ලබා දුනි.

2023 වසරේ සිට වසර දෙකහමාරකට අධික කාලයක් අඛණ්ඩව විභාග වූ මෙම නඩුවේ තීන්දුව සහන් මාපා බණ්ඩාර, රශ්මි සිංගප්පුලි හා රසන්ත ගොඩවෙල යන මහාධිකරණ ත්‍රිපුද්ගල විනිසුරු මඬුල්ල විසින් ප්‍රකාශයට පත්කෙරිණි.

අරගලය පැවැති සමයේ ඉකුත් 2022 වසරේ මැයි 9 වැනිදා ශ්‍රී ලංකා පොදුජන පෙරමුණේ පොළොන්නරුව දිස්ත්‍රික් පාර්ලිමේන්තු මන්ත්‍රි අමරකීර්ති අතුකෝරාල හා ඔහුගේ ආරක්ෂක නිලධාරී පොලිස් සැරයන් ජයන්ත ගුණවර්ධන, මන්ත්‍රිවරයාගේ මෝටර් රථයෙන් අරලිය ගහ මන්දිරයේ පැවැති ජන හමුවකට සහභාගි වී ආපසු පොළොන්නරුවේ සිය නිවස බලා යමින් සිටියේය.

එහිදී නිට්ටඹුව නගර මධ්‍යයේ විරෝධතාවයක නිරත වූ පිරිසක් විසින් ඔවුන් දෙදෙනාට අමානුෂික අන්දමින් පොලු මුගුරුවලින් පහරදී ඝාතනය කළ අතර එම පහරදීම CCTV කැමරාවල සටහන්ව තිබුණි.

එනතුරුව සිද්ධිය සම්බන්ධ විමර්ශන අපරාධ පරීක්ෂණ දෙපාර්තමේන්තුවේ සංවිධානාත්මක හා මනුෂ්‍ය ඝාතන විමර්ශන කොට්ඨාසයේ එවක අධ්‍යක්ෂ ජ්‍යෙෂ්ඨ පොලිස් අධිකාරී හේමාල් ප්‍රශාන්ත මහතාගේ ප්‍රධානත්වයෙන් සිදුකෙරුණි.

ඒ අනුව අදාළ සිද්ධියට සම්බන්ධ සැකකරුවන් රැසක් අත්අඩංගුවට ගත් අතර ඒ අතරින් 41 දෙනෙකෙුට එරෙහිව නඩු පවරනු ලැබීය.

එම ම්ලේච්ඡ ද්විත්ව ඝාතනය සම්බන්ධයෙන් අත්තනගල්ල මහෙස්ත්‍රාත් අධිකරණයේ පැවැති මූලික නඩු කටයුතුවලින් අනතුරුව නීතිපතිවරයා විසින් විත්තිකරුවන්ට එරෙහිව ගම්පහ මහාධිකරණය හමුවේ අධි චෝදනා ගොනු කළේය.

මෙම නඩුව විභාග කිරීම සඳහා විශේෂ විනිසුරු මඬුල්ලක් පත්කරන ලෙස නීතිපතිවරයා විසින් අගවිනිසුරුවරයාගෙන් ඉල්ලීමක් කර තිබූ අතර ඒ අනුව ත්‍රිපුද්ගල විශේෂ මහාධිකරණ විනිසුරු මඬුල්ලක් අගවිනිසුරුවරයා විසින් පත්කරනු ලැබීය.

ඒ අනුව මාපා බණ්ඩාර, රශ්මි සිංගප්පුලි හා රසන්ත ගොඩවෙල යන මහාධිකරණ ත්‍රිපුද්ගල විනිසුරු මඬුල්ල නීතිපතිවරයා විසින් පත්කළේය.

අධි චෝදනා 14ක් යටතේ නීතිපතිවරයා විසින් විත්තිකරුවන් 41 දෙනාට එරෙහිව මෙම නඩුව පවරා තිබූ අතර එම විත්තිකරුවන්ගෙන් 13 වැනි සහ 31 වැනි විත්තිකරුවන් නඩු විභාගය අතරදී මියගොස් තිබූ අතර, 39 වැනි සහ 40 වැනි විත්තිකරුවන් අධිකරණය මගහැර පලාගොස් ඇති අතර ඔවුන් නොමැතිව නඩුව විභාග කෙරුණි.

මෙම නඩුව තීන්දුව සඳහා ඉකුත් ජනවාරි 14 වැනිදා කැඳවූ අවස්ථාවේදී දැඩි කොන්දේසි සහිත ඇප මත මුදාහැර සිටින විත්තිකරුවන් 37 දෙනාම අධිකරණය හමුවේ පෙනී සිටි අතර නඩුවට අදාළව ලිඛිත දේශන ඉදිරිපත් කිරීමේදී නීතිපතිවරයාගේ ඇති වූ ප්‍රමාදයක් හේතුවෙන් නඩුවේ තීන්දුව ප්‍රකාශයට පත්කිරීම විනිසුරු මඬුල්ල විසින් අද දිනට කල් තැබීය.

5 days ago | [YT] | 8

නිශ්චිත Media

ධීවර වරායන් හී ගොඩගැසී ඇති ෆයිබර්ග්ලාස් අපද්‍රව්‍ය ප්‍රතිචක්‍රීකරණය සඳහා රුපියල් මිලියන 56ක ව්‍යාපෘතියක් ආරම්භ කිරීමට ධීවර, ජලජ සහ සාගර සම්පත් අමාත්‍යාංශය කටයුතු කර තිබේ.

දීර්ඝ කාලයක් පුරාවට ධීවර වරායන්, තොටුපළවල් සහ වෙරළ තීරයන් හී ගොඩගැසී පවතින ෆයිබර්ග්ලාස් බෝට්ටු සහ අපද්‍රව්‍ය විධිමත් ලෙස කළමනාකරණ කිරීම සඳහා ධීවර අමාත්‍යාංශය විසින් ක්‍රියාවට නංවන මෙම ව්‍යාපෘතිය මගින් අදාළ යන්ත්‍රෝපකරණ මිලදී ගැනීමට අදාළ ගිවිසුම අද (09) ධීවර අමාත්‍යාංශයේදී අත්සන් තැබිණි.

අමාත්‍යාංශය පැවසුවේ රජය විසින් ආරම්භ කර ඇති ක්ලීන් ශ්‍රී ලංකා අරමුදල මගින් මෙම මිලියන 56ක මූල්‍ය ප්‍රතිපාදන මත මෙම ව්‍යාපෘතිය ක්‍රියාත්මක වන බවය.

මෙහිදී අදහස් දක්වමින් සී-නෝර් පදනමේ සභාපති අජිත එදිරිසිංහ මහතා පැවසුවේ පැයකට කිලෝග්‍රෑම් 500ක ධාරිතාවයකින් යුත් මෙම නවීන යන්ත්‍රය මගින් ෆයිබර්ග්ලාස් කොටස් කුඩා කැබලිවලට කපා, කුඩු කර සිමෙන්මි සමග මිශ්‍ර කිරීමෙන් බ්ලොක් ගල්, පේවින් බ්ලොක් සහ කම්බි කණු වැනි නිෂ්පාදන සිදුකරනු ලබන බවය.

එමෙන්ම වැලි වෙනුවට 30%ක් පමණ මෙම ෆයිබර් කුඩු ආදේශ කිරීමෙන් නිපදවන ගඩොල් සාමාන්‍ය ගඩොල්වලට වඩා බරින් අඩු සහ ශක්තියෙන් වැඩි බවත් පරීක්ෂණවලින් තහවුරු වී ඇති බවත් ඒ මහතා සඳහන් කළේය.

මෙම ගිවිසුම අත්සන් කිරීමේ අවස්ථාව සඳහා ධීවර, ජලජ හා සාගර සම්පත් අමාත්‍යාංශයේ ලේකම් ආචාර්ය බී. කේ. කෝලිත කමල් ජිනදාස මහතා සහ ජනාධිපති අතිරේක ලේකම් (ක්ලීන් ශ්‍රී ලංකා වැඩසටහන) ඉංජිනේරු එස්.පී.සී. සුගීෂ්වර මහතා ද එක්ව සිටියහ.

1 week ago | [YT] | 15

නිශ්චිත Media

නව අධ්‍යාපන ප්‍රතිසංස්කරණ තුළ සිදුකරන පාසල් ප්‍රතිසංවිධාන‍ ක්‍රියාවලියේදී මතු වන ප්‍රවාහන අවශ්‍යතා සපුරා ගැනීමට, පාසල් සිසුන් ප්‍රවාහනය කිරීමේදී මතුව ඇති ගැටලු අවම කරමින් විධිමත් ප්‍රවාහන ක්‍රමවේදයක් ඇති කිරීමට "සිසු සැරිය" පාසල් ප්‍රවාහන සේවය වඩාත් කාර්යක්ෂමව සහ ඵලදායිව යොදවා ගැනීම සඳහා රජයේ අවධානය යොමුව ඇත.

පාසල් සිසු ප්‍රවාහන සේවය විධිමත් කිරීම පිළිබඳව ජාතික ගමනාගමන කොමිෂන් සභාවේ නිලධාරීන් සහ අධ්‍යාපන අමාත්‍යංශ⁣ නිලධාරීන් අතර සාකච්ඡාවක් අද (09) පෙරවරුවේ අග්‍රාමාත්‍ය හරිනි අමරසූරියගේ ප්‍රධානත්වයෙන් අග්‍රාමාත්‍ය කාර්යාලයේදී පැවැත්විණි.

එහිදී මේ සම්බන්ධයෙන් සාකච්ඡා පවත්වූ බව සඳහන් වේ.

පාසල් සිසුන් ප්‍රවාහනය විධිමත් කිරීම සඳහා බලතල ජාතික ගමනාගමන කොමිෂන් සභාවට පැවරී ඇති අතර ඊට අදාළ රෙගුලාසි කෙටුම්පත් මේ වන විට සකස් කර ඇති බැවින් එහි අඩංගු කරුණු පිළිබඳව හා ඒ සඳහා ඇතුළත් විය යුතු නව යෝජනා පිළිබඳව ද මෙහිදී සාකච්ඡා කර තිබේ.

පාසල් දරුවන් ප්‍රවාහනය කිරීම ක්‍රමවත් කිරීම වෙනුවෙන් නීති රෙගුලාසි හඳුන්වාදීම, ළමා ආරක්ෂණය සඳහා ප්‍රමුඛතාව ලබා දෙමින් පාසල් දරුවන් ප්‍රවාහනයේදී වාර්තා වෙන අපයෝජන සහ හිරිහැර නතර කිරීම, පාසල් දරුවන් ප්‍රවාහනය කරන්නන් සඳහා වෘත්තීයමයභාවය වැඩිදියුණු කරමින් වගකීම් සහගත සේවාවක් බවට පත් කිරීම පිළිබඳවද මෙහිදී සාකච්ඡා විය.

ඒ වෙනුවෙන් ප්‍රවාහන, මහාමාර්ග සහ නාගරික සංවර්ධන අමාත්‍යංශය, ජාතික ගමනාගමන කොමිෂන් සභාව, අධ්‍යාපන, උසස් අධ්‍යාපන සහ වෘත්තීය අධ්‍යාපන අමාත්‍යංශය සහ ළමා ආරක්ෂණ අධිකාරිය ඒකාබද්ධව කටයුතු කිරීමේ අවශ්‍යතාව පිළිබඳවද අවධානය යොමු කෙරිණි.

1 week ago | [YT] | 12

නිශ්චිත Media

ලෝක සෞඛ්‍ය සංවිධානයේ ඇස්තමේන්තු අනුව සෑම පුද්ගලයින් 7 දෙනෙකුගෙන් එක් අයෙකුට මානසික රෝගයක් තිබීමට හැකියාව ඇති බව ජාතික මානසික සෞඛ්‍ය විද්‍යායතනයේ අධ්‍යක්ෂක විශේෂඥ වෛද්‍ය ධම්මික අලහප්පෙරුම මහතා පවසයි.

මේ අතර, ජාතික මානසික සෞඛ්‍ය විද්‍යායතනයෙන් පමණක් වසරකට රෝගීන් 50,000කට අධික ප්‍රමාණයක් ප්‍රතිකාර ලබා ගන්නා බව ද දිනකට සායන 600කට ආසන්න ප්‍රමාණයක් සිදු කරන බවද ඔහු සඳහන් කරන්නට විය.

ජාතික මානසික රෝග විද්‍යායතනය වර්ජන වලින් තොරව ක්‍රියාත්මක කරන බවද වෛද්‍යවරයා මෙහිදී සඳහන් කරන්නට විය.

ඕනෑම කෙනෙකුට ඕනෑම අවස්ථාවකදී ජාතික මානසික සෞඛ්‍ය විද්‍යායතනයට පැමිණ ප්‍රතිකාර ලබා ගත හැකි බවත් 1926 අංකය අමතා උපදෙස් ලබා ගෙන වැඩිදුර ප්‍රතිකාර ලබ ගත හැකි බවද වෛද්‍යවරයා පැවසීය.‍

එහිදී වැඩිදුර අදහස් දැක්වූ වෛද්‍ය ධම්මික අලහප්පෙරුම මහතා,

"වට්සැප් මාර්ගයෙන්ද උපදෙස් ලබා දෙනවා. විශේෂයෙන්ම තරුණ තරුණියන් ඔවුන් වට්සැප් මාර්ගයෙන් තමයි ඔවුන්ගේ ප්‍රශ්ණ යොමු කරන්නේ. කතා කරනකොට කාටවත් ඇහෙයි කියන බයට. ඔවුන් තියෙන ප්‍රශ්න වට්සැප් මාර්ගයෙන් යොමුකරනවා"

1 week ago | [YT] | 11

නිශ්චිත Media

'දිට්වා' සුළි කුණාටුවෙන් මහනුවර දිස්ත්‍රික්කයේ පූර්ණ සහ අර්ධ නිවාස හානි සිදුවූ පුද්ගලයන් වෙනුවෙන් නව නිවාස ඉදිකරදීමේ වැඩසටහන ආරම්භ කිරිමට සහ වන්දි ප්‍රදානය කිරිම වෙනුවෙන් ජනාධිපති අනුර කුමාර දිසානායක මහතා අද (6) මහනුවරට පැමිනීමට නියමිතය.

මෙහිදී මහනුවර දිස්ත්‍රික්කයේ සංවර්ධන කටයුතු කිහිපයක්ද ජනාධිපතිවරයාගේ ප්‍රදානත්වවෙයෙන් ආරම්භ කිරීමට නියමිතව ඇත.

මේ අතර මහනුවර - යාපනය A-9 මාර්ගයේ මහයියාව උමං මාර්ගයෙහි ඉදිකිරීම් ඇරඹීම සහ ගැටඹේ ගුවන් පාලමේ ඉදිකිරීම් හෙට (7) යළි ඇරඹීමද නියමිතව තිබේ.

ජනාධිපති මාධ්‍යය අංශය සදහන් කළේ, 'දිට්වා' සුළි කුණාටුවෙන් පීඩාවට පත් වූ කුණ්ඩසාලේ, මැදදුම්බර, පාතදුම්බර සහ පන්විල යන ප්‍රාදේශීය ලේකම් කොට්ඨාසවල කර්මාන්තකරුවන්ට සහ පූර්ණ හා අර්ධ වශයෙන් නිවාස හානි සිදුවූ පවුල් සඳහා වන්දි ප්‍රදානය කිරීම කුණ්ඩසාලේ මධ්‍යම පළාත් සභා ශ්‍රවණාගාරයේ දී පැවැත්වෙන බවය.

ඇතිවූ ආපදා තත්ත්වය හේතුවෙන් තම කර්මාන්ත ස්ථානය හෝ යන්ත්‍රෝපකරණ ආදිය හානි වූ පුද්ගලයන්ට තම ව්‍යාපාර නැවත ආරම්භ කිරීම සඳහා වන්දි මුදලක් ලෙස රුපියල් ලක්ෂ 2 බැගින් ලබාදීමට නියමිතව ඇත.

1 week ago | [YT] | 22