TakiAcademy

خامسة ابتدائي - ثامنة أساسي - ثالثة ثانوي.. إذا كنت تلميذ في وحدة من الأقسام هاذي، فرصتك باش تضرب عصفورين بحجرة وحدة وتتهنّى على بقيّة العام هذا وتتمتّع بكل مقوّمات النّجاح في العام الجّاي 👌

مع عرض على بكري - اسم على مسمّى 😁 - تنجّم تستفاد من الخطّة التّعليميّة إلّي يقدّموهالك أساتذتنا ومعلّمينا وتسهّل على روحك بقيّة المشوار

برنامج مدروس ومتكامل ومميّزات استثنائيّة تعطيك كل مقوّمات النّجاح وتخلّيك حاضر قبل بعام لسنة المناظرة 🚀

متابعة بيداغوجيّة متواصلة، حصص مباشرة تفاعليّة مقسّمة حسب مستواك، تمارين وتلاخيص وفضاء لطرح الأسئلة في كل وقت وحصص تهتم بالجانب النّفسي وغيرها من المزايا المتوفّرة في أقوى عروضنا التّعليميّة، تستنّى فيك

للتّواصل معنا، اتّصل بنا عبر الأرقام التّالية
☎ | 73.832.000
📞 | 23.390.248
📞 | 29.862.267

#على_بكري #primaire #college #secondaire

8 hours ago | [YT] | 10

TakiAcademy

خيرة الأساتذة على مستوى الجمهوريّة وفي مختلف المجالات والأقسام
الجملة هاذي ما جاتش من فراغ وهذا توجّه أساسي في منصّة تقي أكاديمي في أنّو تجمع في فريقها أكفأ الأساتذة والمعلّمين من جميع الولايات 🇹🇳

شكرا على رسائلكم وتعليقاتكم وإشادتكم بمجهودات إطاراتنا التّربويّة وبما يقومو بيه من عمل مع كل التّلاميذ 💌

إن شاء اللّه دائما نكونو عند حسن الظن ونوفّق في تقديم أفضل وأنفع محتوى تعليمي، يفيد ويعاون
خدمتنا مازالت متواصلة وبإذن اللّه نكونو دائما عند حسن ظنّكم وثقتكم فينا
واللّه ولي التّوفيق لنا ولكم 💙

#Takiacademy #review #Avis #آراء

Skip the Carousel

1 2 3

10 hours ago | [YT] | 7

TakiAcademy

وما تنساش إنّو مهما كانت نتائج الثّلاثي الأوّل راو ما فاتك شيء ومازلت تنجّم تتحسّن وتتميّز وإن شاء اللّه آخر العام الفرحة في كل دار 😍

1 day ago | [YT] | 62

TakiAcademy

قصّة قصيرة حزينة 🙂

2 days ago | [YT] | 54

TakiAcademy

تعدّي سوايع على التّليفون وانتي تتفرّج في الـreels والفيديوهات ؟ 📱
ما تنجّم ترقد وما يجيك النّوم كان ما تعمل دورة على الـFacebook والـInstagram أو الـTiktok ؟
مرحبا بيك 😁 هذا ما نسمّيوه الإدمان على الـreels وعلى مواقع التّواصل الاجتماعي وهذا موضوعنا اليوم في حلقة جديدة من برنامج Taki Talk Radio 🎙

حلقة تربّحكم 50 نقطة في حساباتكم في المنصّة.. يكفي إنّك تجاوب على السّؤال الموجود في story صفحاتنا وهكّا تدخل في القرعة وتنجّم تكون الفائز في حلقة اليوم 🎁

مشاهدة طيّبة للجميع ومرحبا بأسئلتكم وتفاعلاتكم في التّعليقات 💬

#Takiacademy #Taki_Talk #radio #إدمان

2 days ago | [YT] | 16

TakiAcademy

بداية جديدة وثلاثي جديد و 2026 إن شاء اللّه يكون عام تتحقّق فيه أحلامكم وأمنياتكم 👌
إن شاء اللّه نهاية السّنة الدّراسيّة تكون بكلّها فرحة وفخر بمجهوداتكم وبنجاحكم 🥰
الوقت مازال قدّامك والفرصة باش تتميّز وتنجح وتوصل لبعيد قدّامك
بالعمل والثّقة بالنّفس والطّموح.. كل خطوة صغيرة اليوم تقرّبك أكثر للهدف متاعك وكل مجهود تبذلو بإذن اللّه هو استثمار في مستقبلك.
ثقتنا كبيرة في قدراتكم ودعمنا ومساندتنا ليكم متواصلة 💪
وبإذن الله بداية العام هذا تكون انطلاقة حقيقيّة لإنجازات جديدة ونجاحات تشرّفكم وتفرّح أهاليكم والعزاز عليكم 💙

#TakiAcademy #سنةجديدة #ثلاثي_جديد

3 days ago | [YT] | 72

TakiAcademy

أولياءنا الكرام وتلامذتنا في ولاية نابل وتحديدا في الحمّامات.. 😍
نعلموكم بتغيير عنوان مقرّنا إلى المكتب عدد 107 في الطّابق الثّاني من عمارة olympia في شارع الكويت بالقرب من مغازة عزيزة - الحمّامات.
وذلك ابتداءً من يوم غد الأربعاء 07 جانفي 2026.

مقرّنا مفتوح من الإثنين للسّبت من الـ08:00 وحتّى للـ17:00 وفريقنا حاضر لاستقبالكم وتوفير الدّعم والإرشاد 👌
كيما تنجّموا تتواصلوا معانا زادة على الرّقم الخاص بالمقر : 23.390.248

مرحبا بجميع أهالينا وتلامذتنا من كامل أنحاء الولاية والمدن المجاورة.. 😍

تعرّف على مقرّاتنا في كامل أنحاء الجمهورية :
www.takiacademy.com/ar/offices


تقي أكاديمي.. تهنّى على قرايتك 💙


#TakiAcademy | #تقي_أكاديمي
#Hammamet | #الحمامات

5 days ago (edited) | [YT] | 19

TakiAcademy

📌 فيديوهات تفسير الدّروس
📌 تمارين بالإصلاح
📌 حصص مباشرة
وغيرها من بقيّة مميّزات عروض المنصّة إلّي تنجّم تتمتّع بيهم من تليفونك وين ما كنت ووقت ما تحب
وحتّى التّسجيل وعمليّة الاشتراك في العروض وجملة الخدمات إلّي نوفّروها للأولياء والتّلامذة متوفّرة على ذمّتك من توّا من خلال تطبيق تقي أكاديمي 📱
فاش تستنّى باش تخلّي قرايتك أسهل ؟

حمّل التّطبيق من الـPlay Store على الرّابط هذا
📍 rb.gy/vewxk
ومن الـApp Gallery على الرّابط هذا :
📍 shorturl.at/quwLY
ولأكثر معلومات كلّمونا على الأرقام التّالية :
☎️| 𝟕𝟑.𝟖𝟑𝟐.𝟎𝟎𝟎 | 𝟐𝟑.𝟑𝟗𝟎.𝟐𝟒𝟖
#takiacademy #application #takiacademy_app #play_store #education #AppGallery

5 days ago | [YT] | 19

TakiAcademy

جاهزون يا أصدقاااااااء ؟ 😁
#الفرصة_الثّانية 🔥

6 days ago | [YT] | 85

TakiAcademy

ضيّعت العطلة ؟ ما راجعت شيء ؟ غدوة ترجع تقرى ؟ حاسس بخيبة أمل كبيرة ؟
باهي لحظة برك.. سواء كنت من محبّي Sonic وإلّا أسرع شخصيّة عندك هي Flash وإلّا مازلت تخمّم إنّو الأرنب والسّلحفاة هو أسرع وأقوى سباق صار في التّاريخ.. نحب نقلّك إلّي البداية متاعك في الثّلاثي الثّاني تنجّم تكون من أقوى الانطلاقات، إلّي تعوّض بيها الّي فاتك
موش مشكل إذا ما استغلّيتش العطلة كيما يلزم، أو تحس روحك ناقص في حاجات، أو حتّى كان ضيّعتها الكل هي في الحقيقة ما ضاعتش، على خاطرك ارتحت فيها وتفرهدت وخرجت وخاصّة شبعت بالنّوم ههه
خلّينا نكونو إيجابيّين ونغزرو لشطر الكأس المليان كيما يقولو 😂
على خاطر الرّحلة مازالت قدّامك، وعندك زوز ثلاثيّات تنجّم تعوّض فيهم وتصلّح ويكونو خير من الفترة الأولى
إلّي نحب نقولهولك إنّو القراية كيما الكورة، تعطيها تعطيك.. يعني إذا عطيت كل ما عندك في الفترات الجايّة، راك باش توصل وتنجح وتفرح
صحيح ما فمّاش عصا سحريّة - للأسف 😂 - أما فمّا عزيمة وإرادة لازمهم يتوفّروا عندك
باهي هيّا خلّينا نتفاهمو على مبدأ توّا.. بينك وبين روحك توّا توكّل على ربّي وقرّر إنّك باش تبدأ صفحة جديدة وباش تعطي الّي عندك الكل وبقدرة ربّي باش توصل وتفرح
إنتي فقط توكّل على ربّي وإعزم.. ومن غدوة يبدا الرّسمي
بداية جديدة بروح جديدة واللّه ولي التّوفيق 💪

#الثلاثي_الثاني

1 week ago | [YT] | 101