مليون سنة ضوئية
مليون سنة ضوئية
قناة خاصة بعلم الفلك واستكشاف عوالم الفضاء والكون واسراره الغريبة والغامضة فقط.
يتم رفع حلقة في الاسبوع يوم الخميس،
هناك علوم كثيره ذهبيه لا حصر لها أنا من عشاق الفلك و الفيزياء الفلكيه، حقيقتا واعلم أن هناك الكثير يشبهني جدا جدا ويريد أن يتعلم ويعرف الكثير عن الكون وخباياه وأسراره المذهله،
فيا عشاق العلوم أدعوكم جميعا أن تنضموا معنا هنا بالاشتراك في القناة ع الاقل وتفعيل الجرس
#مليون_سنه_ضوئية
اتمني أن تنال اعجابكم يا اصدقائي
مليون سنة ضوئية
خلال مهمة استكشافية ع المريخ كشفت العربة الجوالة كوريستي عن مجموعة من الصور اللي أربكت العلماء وأثارت جدل واسع لأول مرة.
من بين الصور دي ظهرت ما عُرف باسم بوابة المريخ، تكوين صخري غريب شكله أقرب لباب منحوت في الجبال، وكأنه مدخل لعالم مجهول!
الصورة انتشرت بسرعة وخلت ناس كتير تتساءل
هل هو مجرد تكوين طبيعي؟
ولا المريخ لسه مخبّي أسرار أكبر؟
الحقيقة إن العلماء رجحوا إنه تشكل طبيعي نتيجة التشققات والانهيارات الصخرية عبر ملايين السنين، لكن ده ما يقللش من روعة المشهد ولا من الإحساس الغامض اللي بيخلفه.
وما كانتش دي اللقطة الوحيدة المدهشة!
كوريستي أرسلت كمان اكتشافات تانية مهمة، وصور عالية الدقة بشكل مذهل لعالم المريخ، خلتنا نشوف تفاصيل سطحه وكأننا واقفين هناك بأنفسنا.
دلوقتي بنشوف الكوكب الأحمر بصورة ما كناش نتخيلها قبل كده
تفاصيل دقيقة، تضاريس معقدة، وآثار بتفتح باب جديد لفهم تاريخ المريخ وإمكانية وجود حياة قديمة عليه.
عملنا حلقة كاملة بنتكلم فيها عن أهم اكتشافات وصور العربة الجوالة كوريستي، وتحليل لأغرب المشاهد اللي حيرت العالم 👇
تقدروا تشوفوها من هنا👇🚀
https://youtu.be/49xlUaI-qVs?si=itTJs...
1 hour ago | [YT] | 21
View 0 replies
مليون سنة ضوئية
تعرف!! إن على المريخ فعلا بتحصل أعاصير زي دي بترسم أنماط غريبة ع الكوكب، وبتتحرك بشكل عشوائي وغريب جدا. العلماء أطلقوا عليها اسم شياطين الغبار، دوامات هوائية بتتكون بسبب فرق درجات الحرارة بين سطح الكوكب والهواء اللي فوقه.
الغريب إن الظاهرة دي اتوثقت علميا بالصور لأول مرة عن طريق العربة الجوالة أوبورتيونيتي، زي الصوره الاخيره اللي شايفينها باللون الابيض والاسود رقم 3 ، اوبرتيونتي اللي كانت واحدة من أعظم المهمات الاستكشافية في تاريخ استكشاف المريخ.
أوبورتيونيتي ماكنتش مجرد عربة بتمشي وتصور، دي قدمت إنجاز ضخم، وسجلت مئات الآلاف من الصور والاكتشافات، وكشفت أدلة قوية إن المريخ في زمن ما كان عالم واسع مليان بالمياه، فيه أنهار وبحيرات، وبيئة كانت صالحة للحياة بشكل أو بآخر.
عملنا حلقة كاملة عن المهمة الاستكشافية العبقرية دي، واللي غيرت فهمنا للكوكب الأحمر للأبد… تقدروا تشوفوها من هنا 👇
https://youtu.be/vfoKJJFeMO0?si=f6mOx...
6 days ago | [YT] | 105
View 9 replies
مليون سنة ضوئية
عربات ناسا الجوالة على المريخ واحدة من أقوى وأعظم الإنجازات في تاريخ البشرية، لأنها قدرت تهبط على عالم تاني غير الأرض، وتمشي فوق سطحه، وتستكشف معالمه الجيولوجية، وتحلل صخوره، وتقيس مكوناته بدقة غير مسبوقة.
على مدار سنين طويلة، انطلقت أعداد ضخمة من المركبات والمسابير ناحية الكوكب الأحمر، كل مهمة ليها هدف محدد، لكن الهدف الأكبر دايما كان واحد
هل كان المريخ في يوم من الأيام صالحًا للحياة؟
ومن هنا بتبدأ قصتنا مع العربة الجوالة أوبرتونتي (Opportunity)، واحدة من أنجح المهمات في تاريخ استكشاف الفضاء. العربة دي مكانش دورها مجرد التصوير وخلاص، لكن كانت بتفحص الطبقات الصخرية، وتدرس التكوينات الجيولوجية، وتدور على أدلة تشير لوجود مياه سائلة قديما على سطح المريخ.
واللي اكتشفته أوبرتونتي كان إنجاز ضخم بمعنى الكلمة، أدلة قوية على أن المريخ كان في الماضي بيئة مختلفة تماما عن اللي شايفينها دلوقتي، بيئة ممكن تكون دعمت وجود الماء، وبالتالي احتمالية الحياة.
غير كده، المهمة دي قدمت لنا مئات الآلاف من الصور الحقيقية للمريخ، صور غيرت فهمنا للكوكب للأبد، وكشفت تفاصيل دقيقة عن سطحه، فوهاته، وصخوره اللي عمرها ملايين السنين.
وأخيرا، استكمالا لسلسلة ما رأته ناسا على كوكب المريخ، بنهبط سوا على سطح الكوكب الأحمر، ونعرض الصور الحقيقية والبانورامات عالية الجودة اللي التقطتها العربة أوبرتونتي.
عملنا حلقة شاملة للموضوع ده، وتقدروا تشوفوها من هنا 👇🔥
https://youtu.be/vfoKJJFeMO0?si=oYXAj...
1 week ago | [YT] | 91
View 16 replies
مليون سنة ضوئية
اللي شافته ناسا على كوكب المريخ حرفيا يفوق الوصف بمراحل، وأنا هنا مش ببالغ في الكلام، عارف ليه؟ لأن اللي كنا نعرفه عن المريخ قديما اتغير بعدسة مسبار واحد مسبار مستطلعة المريخ المدارية (MRO).
المسبار ده بيمتلك أداة سحرية حرفيا، كاميرا اسمها HiRISE، كاميرا قادرة تشوف تفاصيل بدقة غير مسبوقة زي الصور اللي بنعرضهالكم تحت لدرجة إنك تقدر تميز أجسام صغيره جدا زي صخور على سطح كوكب على بعد ملايين الكيلومترات. العدسة دي لوحدها خلتنا نشوف المريخ بشكل مختلف تماما، خصوصا إن الصور اللي قدر يجمعها المسبار تجاوز عددها 100 ألف صورة عالية الجودة، وكل صورة كانت بتكشف سر جديد.
الصور دي أظهرت فوهات جليدية مدفونة تحت السطح، وقنوات وأنهار مائية جافة بتأكد إن المريخ زمان كان عالم فيه مياه بتتحرك ونشاط جيولوجي معقد، غير تضاريس غريبة وتغيرات لسه بتحصل على السطح لحد دلوقتي، وده معناه إن المريخ مش كوكب ميت زي ما كنا فاكرين.
عشان كدا عملنالكم حلقة كاملة بنتكلم فيها عن المسبار المعجزه ده و أهم الاكتشافات اللي رصدها مسبار MRO، وكمان إزاي قدر يوصل لمداره حوالين المريخ باستخدام مناورة ذكية مش ناس كتير تعرفها اسمها مناورة الكبح الجوي (Aerobraking)، اللي استغل فيها الغلاف الجوي للمريخ عشان يقلل سرعته ويوفر وقود واخيرا دي مش حلقه عاديه دي صندوق باندورا مليان معلومات مدهشه تقدروا تشوفوا الحلقة من هنا 👇
https://youtu.be/jConmxtYRAk?si=4hOls...
1 week ago | [YT] | 138
View 31 replies
مليون سنة ضوئية
من حوالي 49 سنة ، وكالة ناسا الفضائية أطلقت مسبارين، وكان هدفهم استكشاف الكواكب العملاقة في مجموعتنا الشمسية.
المهمة كانت مخططة تستمر خمس سنين بس، لكن المفاجأة إن المهمة مستمرة لحد وقتنا ده متخيل.
مش ده بس المثير.
المثير فعلا إن المركبات دي اتصممت بتقنيات تعتبر بدائية جدا مقارنة بتكنولوجيا النهارده، ومع ذلك قدرت تعمل اللي احنا حرفيا مش قادرين نعمله لحد دلوقتي.
مسابير فويجر قطعت مسافة تقارب 25 مليار كيلومتر، وسجلت بيانات غير مسبوقة حيرت العلماء وغيرت نماذجنا العلمية عن المجموعة الشمسية بالكامل.
رصدنا لأول مرة تفاصيل دقيقة لكواكب عملاقة زي المشتري وزحل وأورانوس ونبتون، واكتشفنا أقمار جديدة مكناش نعرف بوجودها اصلا، وشوفنا براكين نشطة خارج الأرض، ومحيطات محتملة تحت أسطح أقمار متجمدة.
والأهم من كده
فويجر قدرت توصل لمكان كان حلم علمي مستحيل في يوم من الأيام حافة النظام الشمسي.
هناك، سجلت المركبات عبورنا من فقاعة تأثير الشمس إلى الفضاء بين النجوم، ورصدت تغيرات صادمة في طبيعة الجسيمات والمجالات المغناطيسية، وكشفت إن حدود نظامنا الشمسي أعقد وأغرب بكتير مما كنا متخيلين.
عشان كده
إحنا عملنا حلقة كاملة عن مسابير فويجر، بنعرض فيها الصور الحقيقية اللي التقطتها المركبات، وبنستعرض أهم المعلومات اللي قدمتها للبشرية، من التصميم والإطلاق، لحد أغرب وأهم الاكتشافات العلمية.
تقدروا تشوفوا الحلقة كاملة من هنا 👇👇
https://youtu.be/51pYSwsvPJM?si=6dLxw...
3 weeks ago | [YT] | 129
View 18 replies
مليون سنة ضوئية
#كوكب عطارد، أقرب كواكب المجموعة الشمسية للشمس، عالم قاسي ومتطرف لدرجة تخليه واحد من أغرب الأجرام اللي درسناها.
لسنين طويلة، عطارد كان مجرد نقطة لامعة قريبة من الشمس، صعب جدا رصده من الأرض، وصعب أكتر إننا نفهم طبيعته أو نشوف سطحه بوضوح.
القرب الشديد من الشمس خلى الوصول لعطارد تحدي هندسي مرعب، الحرارة العالية، والجاذبية الشمسية، وصعوبة الدخول في مدار مستقر حوالين الكوكب كل ده كان عائق حقيقي لأي مهمة فضائية.
لحد ما في 2011، مسبار ماسنجر التابع لوكالة ناسا نجح أخيرا في الدخول في مدار عطارد، وبدأ يكشف لنا عالم صادم بالتفاصيل الحقيقية لأول مرة.
الصور اللي بعثها ماسنجر أظهرت سطح مليان فوهات تصادمية هائلة، تضاريس معقدة، سلاسل جبلية ضخمة، وسهول بركانية قديمة بتشهد على تاريخ عنيف للكوكب وحاجه تانيه مبهره جدا وهو وجود جليد مائي موجود في فوهات مبتشوفش الشمس ابدا.
عطارد شكله ميت وهادئ، لكن سطحه بيحكي قصة مليانة اصطدامات وتقلصات عنيفة بسبب برودة الكوكب وانكماشه عبر مليارات السنين.
ومن أكبر المفاجآت، إن عطارد رغم صغره عنده مجال مغناطيسي حقيقي، وضعيف لكنه موجود، وده شيء العلماء ماكانوش متوقعينه.
كمان اتضح إن غلافه الجوي شبه منعدم، مجرد إكسوسفير رقيق جدا، بيتكون من ذرات بتتهرب من السطح بسبب الرياح الشمسية.
أما تركيبة الكوكب فكانت الصدمة الأكبر:
نواة معدنية عملاقة بتشكّل أغلب حجم عطارد، وده بيديه كثافة عالية جدا مقارنة بحجمه، وكأنه قلب حديدي مكشوف وعليه قشرة رفيعة.
عملنا حلقة كاملة عن رحلة مسبار ماسنجر، حلقة بنستعرض فيها صور حقيقية لسطح عطارد، ونفهم تركيبته الغريبة، وازاي قدر يحتفظ بمجال مغناطيسي رغم صغره، وليه يعتبر عطارد سجل جيولوجي مفتوح لبدايات المجموعة الشمسية، وكمان ليه هو من أصعب الكواكب اللي وصلها الإنسان لحد النهارده.
لو حابين تشوفوا الحلقة كاملة وتفاصيل الرحلة المذهلة 👇
هتلاقوها هنا 👇👇
https://youtu.be/SFZFmbn68rQ?si=UsxI3...
4 weeks ago | [YT] | 96
View 9 replies
مليون سنة ضوئية
#كوكب الزهرة، جرنا الغامض اللي متغطي بستار من السحب السامه لسنين طويلة، الزهرة كان مجرد قرص أبيض ساطع في السما، مستحيل نشوف سطحه بسبب الغلاف الجوي الكثيف اللي مغطيه.
لحد ما في أوائل التسعينات، مسبار ماجلان التابع لوكالة ناسا دخل المشهد وغيّر فهمنا للكوكب ده بالكامل.
ماجلان استخدم الرادار علشان يخترق السحب السميكة، وكشف لنا عالم قاسي ومليان مفاجآت
سهول بركانية هائلة، جبال عملاقة، صدوع عميقة، وآلاف البراكين. كوكب شكله هادي من بره، لكن من جوه كأنه ما زال جيولوجيا صاحي.
اللي اكتشفه ماجلان خلى العلماء يعيدوا التفكير في تاريخ الزهرة،
إزاي كوكب قريب جدا من الأرض في الحجم، ينتهي بيه الحال بجحيم حرارته تكفي تسيح الرصاص، وضغط جوي ساحق، وغلاف خانق من ثاني أكسيد الكربون.
عملنا حلقة كاملة عن رحلة مسبار ماجلان،
حلقة بنستعرض فيها خرائط حقيقية لسطح الزهرة،
ونفهم منها جيولوجيا الكوكب الغريبة،
وازاي النشاط البركاني لعب دور أساسي في تشكيله،
وكمان بنناقش ليه الزهرة بقى المثال الأشهر على الاحتباس الحراري الجامح،
وهل كان في يوم من الأيام كوكب قابل للحياة؟
لو حابين تشوفوا الحلقة كاملة وتفاصيل الرحلة المذهلة 👇
تقدروا تشوفوها من هنا 👇👇
https://youtu.be/YsbsV3xepj8?si=5i88_...
1 month ago | [YT] | 117
View 8 replies
مليون سنة ضوئية
#بلوتو الكوكب اللي فضل سنين مجرد نقطة ضبابية، طلع عالم كامل مليان مفاجآت
في 14 يوليو 2015، مركبة نيو هورايزونز اللي أطلقتها وكالة ناسا عدت فوق سطحه وحولت لغز فلكي عظيم لعالم نابض بالتفاصيل قلب جليدي ضخم، غلاف جوي أزرق، وبراكين مش نار… براكين تلج
اللي شافته نيو هورايزونز خلى العلماء يعيدوا التفكير في بلوتو من جديد، وكأن الكوكب المنسي قال لسه عندي اللي يتحكي.
عملنا حلقة كاملة عن رحلة مسبار نيوهورايزون ، رحلة بنعرض فيها صور حقيقية للكواكب بلوتو واقماره وكمان جيولوجيا الكوكب الغريبة اللي بنشوف من خلالها جبال شاهقه وسطح غريب جدا وبناقش فيها اهم اغرب التفاصيل عن بلوتو وليه العلماء شاكين أن الكوكب ده ممكن يكون بيحتوي ع ظروف مناسبه للحياه
لو حابين تشوفوا الحلقة كاملة وتفاصيل الرحلة المذهلة 👇
تقدروا تشوفوها من هنا 👇👇
https://youtu.be/LwNaBHjfoVw?si=3T4iz...
1 month ago | [YT] | 86
View 10 replies
مليون سنة ضوئية
كان والله عنوان لكل خير، مفيش حد احتاجه الا ولقاه وكان قلبه كان معلق جدا بالمساجد وفيه شئ لله، كل الناس دمعت عليه، وكان في شده مرضه ملهوف علي دخول مسجد ويتوضأ ولما توفاه الله في قبره كان جميييل ومبتسم، خلاني وقتها احس براحه ما بعدها راحه يمكن دلوقتي مش زعلان عليه بنفس قدر ما كنت مرعوب عليه ليله مرضه، ويمكن والله حاسس اني فرحانله دلوقتي، بس فراقه وجعني ربنا يصبرني ويصبر امي واخواتي علي فراقك يا ابويا، انا حرفيا خسرت اغلي حاجه في حياتي،
الله يرحمك اغلي شئ عندي 💔😓 الحمدلله
1 month ago | [YT] | 338
View 239 replies
مليون سنة ضوئية
القوة الأضعف من بين الأربع قوى الأساسية في الكون هي الجاذبية.
ولكن لما نتكلم عن مقاييس الكون، الوضع بيكون مرعب.
عارف ليه؟
لأن لما ثقبين أسودين يقربوا من بعض، وجاذبيتهم تأثر عليهم، اللي بيحصل حدث نادر ومهيب.
قوة الجاذبية الهائلة اللي بتنشأ، بتهز نسيج الزمكان نفسه.
فبيحصل تموجات جاذبية في الفضاء.
تخيل فضاء شبه فارغ تماما، ويترج حواليك.
كأن زلزال كوني بيحصل في بنية الكون نفسه.
الموجات اللي بتنتج عن دوران الثقوب السوداء حوالين بعض.
ممكن توصل لأطراف الكون.
رغم إن الجاذبية هي الأضعف بين الأربع قوى الأساسية في الكون.
إلا إن تأثيرها ممكن يوصل لأبعد ما يكون.
عملنا حلقة عن موجات الجاذبية فيها كم معلومات كبير هتستفادوا منه جدا تقدروا تشوفوها من هنا 👇 👇
https://youtu.be/derFd-keVpw?si=8668J...
1 month ago | [YT] | 111
View 10 replies
Load more