Channel W

ဒီနေ့ကြည့်ရမယ့် GOTF 2026 အုပ်စုပွဲစဉ်များ

#ChannelW #MLBBEsports

6 hours ago | [YT] | 291

Channel W

Franchise Region ဆိုတာ MPL Indonesia (MPL ID)၊ MPL Malaysia (MPL MY) နဲ့ MPL Philippines (MPL PH) တို့လို Franchise League စနစ်ကို အသုံးပြုထားတဲ့ Region တွေကို ဆိုလိုတာ ဖြစ်ပါတယ်။

ဒီ League တွေမှာ အသင်းတွေဟာ League ရဲ့ Permanent Slot တစ်နေရာကို ဝယ်ယူပြီး ယှဉ်ပြိုင်ကြရသလို တန်းတက်၊ တန်းဆင်း (Promotion / Relegation) စနစ်လည်း မရှိပါဘူး။

အခုအသစ်ပေါ်ပေါက်လာတဲ့ MLBB Championship Tour (MCT) ကတော့ SEA Region တွေအတွက် အရေးပါတဲ့ ပြိုင်ပွဲတစ်ခု ဖြစ်လာပါတယ်။

MCT ပေါ်ပေါက်လာရတဲ့ အဓိကအကြောင်းရင်းကတော့ M8 World Championship ရဲ့ Slot ခွဲဝေမှုပုံစံ ပြောင်းလဲသွားတာကြောင့် ဖြစ်ပါတယ်။

M8 မှာ Franchise Region ဖြစ်တဲ့ MPL ID၊ MPL MY နဲ့ MPL PH တို့က အသင်းနှစ်သင်းစီကိုသာ တိုက်ရိုက်ဝင်ခွင့်ရမှာ ဖြစ်ပါတယ်။

ဒါပေမယ့် ကျန် Region တွေအတွက်တော့ အရင်လို Region Champion ဖြစ်ရုံနဲ့ M8 ကို တိုက်ရိုက်တက်ရောက်နိုင်တော့မှာ မဟုတ်ပါဘူး။ Region Champion ဖြစ်ခဲ့ရင်တောင် MCT ကို ထပ်မံဖြတ်သန်းပြီး Qualification ရယူရအုံးမှာ ဖြစ်ပါတယ်။

တစ်နည်းအားဖြင့် MCT ဟာ Franchise Region မဟုတ်တဲ့ League တွေအတွက် M8 မတိုင်ခင် နောက်ထပ်ဖြတ်ကျော်ရမယ့် အဆင့်တစ်ခု ဖြစ်လာခဲ့တာပါ။

ဒါ့အပြင် Franchise Region တွေရဲ့ အားသာချက်ကိုလည်း MCT မှာ သိသိသာသာ မြင်တွေ့ရပါတယ်။

MPL PH၊ MPL MY နဲ့ MPL ID တို့ရဲ့ Development League တွေဖြစ်တဲ့ MDL PH၊ MAL MY နဲ့ MDL ID အသင်းတွေကလည်း MCT မှာ Slot တစ်နေရာစီ ရရှိထားပါတယ်။

ဆိုလိုတာက Franchise Region တွေဟာ MPL ကနေ M8 ကို တိုက်ရိုက်တက်ရောက်နိုင်တဲ့ အခွင့်အရေးရှိသလို၊ Development League အသင်းတွေကလည်း MCT ကနေတစ်ဆင့် M8 ကို တက်ရောက်နိုင်တဲ့ လမ်းကြောင်းကို ထပ်မံပိုင်ဆိုင်ထားတာ ဖြစ်ပါတယ်။

အဲဒီအတွက် MCT ဟာ MSL Myanmar၊ MPL Cambodia၊ MPL Singapore တို့လို Region Champion အသင်းတွေနဲ့ Franchise Region တွေရဲ့ MDL Champion အသင်းတွေကို တိုက်ရိုက်ယှဉ်ပြိုင်စေမယ့် ပြိုင်ပွဲတစ်ခုလို့လည်း ပြောနိုင်ပါတယ်။

M8 World Championship ကို သွားတဲ့လမ်းဟာ အရင်ကထက် ပိုခက်ခဲလာသလို၊ Region အားလုံးအတွက်လည်း ပြိုင်ဆိုင်မှု ပိုမိုပြင်းထန်လာတော့မယ့် ခေတ်တစ်ခုကို Moonton က ဖန်တီးလိုက်တာပါပဲ....

#Esilent

#ChannelW
#M8WorldChampionship

11 hours ago | [YT] | 353

Channel W

Esports World Cup 2026 ကို ၄ ပတ်တာကျင်းပပြီးတဲ့နောက်မှာ Esports Charts စစ်တမ်းတွေအရ Yangon Galacticos က ဒုတိယအားပေးမှုအများဆုံးအသင်းအဖြစ် ရပ်တည်နေပါတယ်။

အဓိကကတော့မြန်မာပရိသတ်တွေရဲ့အားပေးမှုကြောင့်ပါပဲ။

MSC 2026 မှာ Yangon Galacticos MLBB အသင်းက Grand Final အထိတက်ခဲ့တယ်။ Grand Final အထိတက်တယ်ဆိုတာ ခရီးအကြာဆုံးသွားခဲ့တယ်ဆိုတဲ့သဘောပဲ။ ကစားတဲ့ပွဲအများဆုံးဖြစ်လို့ ကြည့်တဲ့အချိန်ပိုများ တယ်ဆိုတဲ့သဘောပါ။ (Hours Watched နဲ့တိုင်းတာကြောင့်)

ဒါပေမယ့် Team Spirit, Team Falcons PH နဲ့ ONIC တို့လည်း YG နည်းတူ နောက်ဆုံးနေ့အထိ ပြိုင်ခဲ့ကြပါတယ်။ ဒါကြောင့်လည်း အင်ဒိုနီးရှားပရိသတ်တွေရဲ့အားပေးမှုနဲ့ ONIC က နံပါတ် ၁ ဖြစ်နေတာပါ။ Team Spirit ကတော့ YG နဲ့အတူ Grand Final တက်ခဲ့လို့ View တော်တော်လေးများပါတယ်။

ထူးခြားတာတစ်ခုကတော့ YG ရဲ့ ကြည့်ရှုအားပေးမှုနှုန်းဟာ ONIC ကလွဲရင် Club Partner Program တွေအားလုံးထက် ပိုများနေတယ်ဆိုတဲ့အချက်ပါ။

YG ဟာ ဒီ EWC 2026 ရဲ့ Club Partner အသင်းမဟုတ်ပါဘူး။ ပုံမှာမြင်နေရတဲ့အသင်းတိုင်းဟာ Club Partner အသင်းတွေ ဖြစ်ပါတယ်။ YG က လက်ရှိအချိန်အထိဆိုရင် EWC 2026 မှာ အဲ့အသင်းတွေထက် ပိုလွှမ်းမိုးမှုရှိနေတဲ့သဘောပေါ့။

Esports World Cup 2026 ရဲ့နောက်အပတ်တွေမှာတော့ တခြား Organization တွေက YG ရဲ့စံချိန်ကို ကျော်တက်သွားနိုင်ပါတယ်။ ဘာလို့လဲဆိုတော့ Club Partner အသင်းတွေက အသင်းခွဲအရေအတွက်ပိုများလို့ပါ။

ဒါပေမယ့်လည်း ….. Yangon Galacticos အနေနဲ့ကလည်း ဒီမှာတင်မပြီးသေးပါဘူး။ YG ရဲ့ World Champion Battle Royale အသင်းကလည်း EWC 2026 မှာ ဆက်လက်ယှဉ်ပြိုင်ဖို့ ရှိနေသေးတာကြောင့်ပါ။

#SoloBerry ✍️

#ChannelW
#MSC2026 #EWC2026
#YangonGalacticos

1 day ago | [YT] | 2,096

Channel W

ဒီနေ့ပဲ Games of The Future 2026 ကို စတင်ကျင်းပပါပြီ။ USD $900,000 ချီးမြှင့်မယ့်ပွဲပါ။

MSC 2026 မှာ မထင်မှတ်ထားဘဲရလဒ်ဆိုးရခဲ့တဲ့ SRG, ONIC, BTR တို့အတွက် ပြန်လည်အဖတ်ဆည်နိုင်မယ့်ပွဲပါပဲ။

အိမ်ရှင် Team Spirit အတွက်တော့ သူတို့ဟာ ၂၀၂၆ နှစ်လယ်ပိုင်းရဲ့အကောင်းဆုံးအသင်းဖြစ်တယ်ဆိုတာ ထပ်မံသက်သေပြနိုင်မယ့်ပွဲ ဖြစ်ပါတယ်။

ပြိုင်ပွဲ Format က -

Group Stage မှာ ၁ ပွဲနိုင်တာနဲ့ Playoffs တက်ပါမယ်။

Group Stage မှာ ၂ ပွဲနိုင်တဲ့အသင်းက Quarterfinals ကိုတက်မယ်။

၁ ပွဲနိုင်တဲ့အသင်းက Round of 16 ကိုတက်ပါမယ်။

#SoloBerry ✍️

#ChannelW
#GOTF2026

1 day ago | [YT] | 835

Channel W

၄ နှစ်တာကာလအတွင်း GEEK FAM အသင်းကို ကောင်းမွန်တဲ့ပြောင်းလဲခြင်းများစွာကို ဖန်တီးပေးခဲ့တဲ့ Baloyskie ကတော့ GEEK FAM ကနေ ထွက်ခွါခဲ့ပြီး ONIC ကို ပြောင်းရွှေ့သွားပါပြီ။

GEEK FAM ကိုရောက်ရောက်ချင်းမှာ ၄ နှစ်အထိနေဖို့တော့ အစီအစဉ်ရှိမှာမဟုတ်ပါဘူး၊ ဒါပေမယ့် GEEK FAM နဲ့ Baloyskie ကိုက်ညီအဆင်ပြေနေမှုတွေကြောင့် ဒီလောက်ကြာခဲ့တယ်ထင်ပါတယ်။

Baloyskie ဟာ Roamer တစ်ယောက်ဆိုပေမယ့် GEEK FAM အတွက် နည်းဗျူဟာပိုင်းမှာရော၊ ခေါင်းဆောင်မှုအပိုင်းမှာရော တာဝန်ယူခဲ့သူဖြစ်ပါတယ်။

Baloyskie အနေနဲ့ အခု ONIC မှာတော့ နည်းပြအဖွင့်ဝင်တစ်ယောက်အဖြစ် ပါဝင်သွားမှာဖြစ်ကြောင်း ကြေညာထားပါတယ်။

ဒါဟာ ONIC အတွက်လည်း ကြီးမားတဲ့ upgrade တစ်ခုဖြစ်လာမှာဖြစ်သလို အင်ဒိုမှာအသားကျနေပြီးသားဖြစ်တဲ့ Baloyskie အတွက်လည်း ONIC က နွေးထွေးတဲ့အိမ်တစ်ခု ဖြစ်မှာပါ။

အသင်းဖော်ဟောင်းတွေဖြစ်တဲ့ Kairi နဲ့ Baloyskie ပြန်လည်ဆုံတွေ့ခြင်းလည်း ဖြစ်ပါတယ်။ ဒီ ၂ ယောက်ဟာ EMANN Champions ဆုမရခင်အထိ အင်ဒိုမှာအအောင်မြင်ဆုံး PH Import တွေလို့ သတ်မှတ်လို့ရပါတယ်။ အခုတော့ အတူတိုက်ပွဲဝင်ကြတော့မှာပါ။

#SoloBerry ✍️

#ChannelW
#MPLIDS18

1 day ago | [YT] | 590

Channel W

‎ဒီနှစ် ပဲရစ်မြို့မှာ ကျင်းပခဲ့တဲ့ MSC 2026 ဟာ ပြိုင်ပွဲသမိုင်းတစ်လျှောက် မထင်မှတ်ထားတဲ့ မှတ်တမ်းသစ်များစွာကို မွေးဖွားပေးခဲ့ပါတယ်။

‎ယခင်က MSC ကို အာရှဒေသတွင်းမှာသာ ကျင်းပခဲ့ပေမယ့် ဒီနှစ်မှာတော့ ပဲရစ်မြို့ကို ပြောင်းလဲကျင်းပခဲ့ပြီး ပြိုင်ပွဲရဲ့ သမိုင်းစာမျက်နှာမှာ အပြောင်းအလဲများစွာ ဖြစ်ပေါ်ခဲ့ပါတယ်။

‎”ဖိလစ်ပိုင်နဲ့ အင်ဒိုနီးရှားမပါတဲ့ ပထမဆုံး Grand Final”

‎MSC သမိုင်းတစ်လျှောက် Grand Final မှာ ဖိလစ်ပိုင် သို့မဟုတ် အင်ဒိုနီးရှားအသင်း အနည်းဆုံးတစ်သင်း အမြဲပါဝင်ခဲ့ပါတယ်။ ဒါပေမယ့် MSC 2026 မှာတော့ EECA Region ကိုယ်စားပြု Team Spirit နဲ့ Myanmar Region ကိုယ်စားပြု Yangon Galacticos တို့ကသာ Grand Final ကို တက်ရောက်ခဲ့ပြီး ဖိလစ်ပိုင်နဲ့ အင်ဒိုနီးရှားအသင်းတွေက တတိယနေရာလုပွဲကိုသာ ကစားခဲ့ရပါတယ်။

‎”SEA Region ပြင်ပက ပထမဆုံး MSC Champion”

‎MLBB Mid Season Cup ဟာ အရှေ့တောင်အာရှအသင်းတွေရဲ့ စိုးမိုးမှုအောက်မှာ နှစ်ပေါင်းများစွာ ရှိခဲ့ပါတယ်။ ဒါပေမယ့် ဒီနှစ်မှာတော့ Team Spirit ဟာ အင်အားကြီးအသင်းတွေကို ကျော်ဖြတ်ပြီး SEA Region ပြင်ပက ပထမဆုံး MSC Champion အဖြစ် သမိုင်းရေးထိုးနိုင်ခဲ့ပါတယ်။

‎”SEA Region ပြင်ပက ပထမဆုံး Final MVP”

‎တစ်ချိန်က Deus Vult အသင်းနဲ့အတူ နာမည်ရလာခဲ့တဲ့ Kidbomba ဟာလည်း Team Spirit နည်းတူ SEA Region ပြင်ပက ပထမဆုံး Grand Final MVP ကစားသမား ဖြစ်လာခဲ့ပါတယ်။

‎”မြန်မာ Region ရဲ့ ပထမဆုံး MSC Grand Final”

‎MSC ၉ နှစ်တာကာလအတွင်း မြန်မာအသင်းတွေရဲ့ အကောင်းဆုံးမှတ်တမ်းဟာ Falcon Esports ရဲ့ Top 4 သာ ဖြစ်ခဲ့ပါတယ်။ ဒီနှစ်မှာတော့ Yangon Galacticos ဟာ အဲဒီမှတ်တမ်းကို ကျော်ဖြတ်ပြီး မြန်မာ Region ရဲ့ ပထမဆုံး MSC Grand Final ကို ဖန်တီးပေးနိုင်ခဲ့သလို Champion ဆုနဲ့လည်း အလွန်နီးစပ်ခဲ့ပါတယ်။

‎”ဖိလစ်ပိုင်တွေရဲ့ အခက်ခဲဆုံး MSC”

‎MSC သမိုင်းတစ်လျှောက် Grand Final အများဆုံးတက်ရောက်ထားတဲ့ Region ဖြစ်တဲ့ ဖိလစ်ပိုင်ဟာ ဒီနှစ်မှာတော့ မမျှော်လင့်ထားတဲ့ ရလဒ်တွေနဲ့ ကြုံတွေ့ခဲ့ရပါတယ်။ ကိုယ်စားပြုအသင်းတွေဟာ Grand Final ကို မတက်ရောက်နိုင်ခဲ့သလို Team Liquid PH ကလည်း Group Stage မှာတင် နိုင်ပွဲမရဘဲ ပြိုင်ပွဲကနေ ထွက်ခွာခဲ့ရပါတယ်။

‎”၇ နှစ်တာ ကြိုးစားမှုရဲ့ အဖြေ”

‎Team Spirit ရဲ့ Sunset Lover နဲ့ Sawo တို့ဟာ EECA Region ရဲ့ ရှေ့ဆောင်ကစားသမားတွေ ဖြစ်ပါတယ်။ ရှုံးနိမ့်မှုတွေကို အကြိမ်ကြိမ် ရင်ဆိုင်ခဲ့ရပေမယ့် လက်မလျှော့ခဲ့ဘဲ ခုနစ်နှစ်တာ ကြိုးစားမှုရဲ့ အဆုံးမှာတော့ MSC Champion ဆိုတဲ့ အမြင့်ဆုံးအောင်မြင်မှုကို ရယူနိုင်ခဲ့ပါတယ်။

‎MSC 2026 ဟာ Champion အသင်းသစ်တစ်သင်းကိုသာ မွေးဖွားပေးခဲ့တာ မဟုတ်ပါဘူး။

‎ဒီပြိုင်ပွဲကနေတစ်ဆင့် MPL Region တွေသာမက EECA၊ Myanmar နဲ့ အခြား Emerging Region တွေလည်း ကမ္ဘာ့အဆင့်မှာ Champion ကို စိန်ခေါ်နိုင်တဲ့ အင်အားရှိလာပြီဆိုတာကို သက်သေပြခဲ့တာဖြစ်ပါတယ်။
‎
#Esilent

#ChannelW
#MSC2026 #EWC2026

2 days ago | [YT] | 1,649

Channel W

Team Spirit ရဲ့ အောင်မြင်မှုကို ပြောမယ်ဆိုရင် EECA (Eastern Europe & Central Asia) Region အကြောင်းကိုလည်း သိထားသင့်ပါတယ်။

လွန်ခဲ့တဲ့နှစ်တွေမှာ EECA Region ဟာ International ပြိုင်ပွဲတွေမှာ အဖြည့်ခံအသင်းတစ်သင်းအဖြစ်သာ မြင်ခံခဲ့ရပြီး အမြင့်ဆုံး မျှော်မှန်းချက်ကလည်း "Dark Horse" အဆင့်လောက်ပဲ ရှိခဲ့ပါတယ်။ Champion Contender အဖြစ် သတ်မှတ်ပေးခဲ့တဲ့သူတွေကတော့ အလွန်နည်းပါးခဲ့ပါတယ်။

ဒါပေမယ့် MSC 2026 ဟာ အဲဒီအမြင်အားလုံးကို လုံးဝပြောင်းလဲပစ်ခဲ့ပါတယ်။

အထူးသဖြင့် Team Spirit ရဲ့ Mid Laner Sunset Lover နဲ့ Roamer Sawo တို့ဟာ EECA Region ရဲ့ အတွေ့အကြုံအရင့်ဆုံး Legendary ကစားသမားတွေဖြစ်ပြီး MLBB အတွက် ခုနစ်နှစ်တာ အရှုံးမပေးဘဲ ဆက်လက်တိုက်ပွဲဝင်ခဲ့ကြသူတွေ ဖြစ်ပါတယ်။

သူတို့ရဲ့ ဇွဲ၊ ကြိုးစားအားထုတ်မှုနဲ့ မလျှော့တမ်းယုံကြည်မှုတွေက အခုတော့ MSC 2026 Champion ဆိုတဲ့ အမြင့်ဆုံးအောင်မြင်မှုအဖြစ် အသီးပွင့်လာခဲ့ပါပြီ။ သူတို့ဟာ EECA Region တွေရဲ့ ပြယုဒ်တစ်ခုပါပဲ...

Knockout Stage မှာ Team Spirit ပြသခဲ့တဲ့ စွမ်းဆောင်ရည်ကလည်း Champion နဲ့ ထိုက်တန်တဲ့ Performance ပဲ ဖြစ်ပါတယ်။

Team Vamos ကို 3-0 Clean Sweep၊ ONIC Indonesia ကို 3-0 Clean Sweep နဲ့ ကျော်ဖြတ်ခဲ့သလို Grand Final မှာလည်း မြန်မာကိုယ်စားပြု Yangon Galacticos ကို 3-1 နဲ့ အနိုင်ယူပြီး Match Point ကို အစောကြီး ရောက်ရှိနေခဲ့တာပါ။ မထင်မှတ်ထားပဲ Game 7 အထိ ရောက်သွားခဲ့ပေမယ့် အမှားအယွင်းမရှိ MSC 2026 Champion ဖြစ်လာခဲ့ပါတယ်။

ဒီအောင်မြင်မှုဟာ Team Spirit တစ်သင်းတည်းရဲ့ အောင်မြင်မှု မဟုတ်ပါဘူး။ ဒါဟာ EECA Region တစ်ခုလုံးရဲ့ သမိုင်းဝင်အောင်မြင်မှုဖြစ်ပြီး တစ်ချိန်က အဖြည့်ခံ Region လို့ သတ်မှတ်ခံခဲ့ရတဲ့ EECA ဟာ အခုအချိန်မှာတော့ Champion Title ကိုပါ စိန်ခေါ်နိုင်တဲ့ Region တစ်ခုဖြစ်လာပြီဆိုတာကို ကမ္ဘာ့စင်မြင့်ပေါ်မှာ သက်သေပြခဲ့ပါတယ်။

ဒါ့အပြင် သူတို့ကို အရင်လို လျှော့တွက်ထားလို့မရတော့ဘူးဆိုပြီး သတင်းစကား လက်ဆောင်ပါးလိုက်ပါသေးတယ်။

They are no longer just participants.

They are no longer underdogs.

They are the Champions.

ကျွန်တော်တို့ မြန်မာအသင်း Yangon Galacticos အနေနဲ့လည်း Team Spirit နည်းတူ မိမိတို့ရဲ့ Myanmar Region အတွက် Champion ရယူဖို့ အနီးစပ်ဆုံးဖြစ်ခဲ့ပေမယ့် GrandFinal မှာ BO7 အပြည့်ကစားပြီး နောက်တစ်ကြိမ် နာကျင်ခဲ့ကြရပြန်ပါတယ်....

Esports မှာ အရှုံးဆိုတာ အဆုံးသတ်မဟုတ်ပါဘူး။ တစ်ချို့အသင်းတွေအတွက်တော့ အဲဒီအရှုံးက နောက်ထပ် Champion ဖြစ်လာမယ့် ခရီးရဲ့ အစပဲ ဖြစ်ပါတယ်။

Congratulations Team Spirit &
Nice Try Yangon Galacticos

Keep going & Comeback Stronger 👊💪🇲🇲

#Esilent

#ChannelW
#MSC2026 #EWC2026

3 days ago | [YT] | 1,437

Channel W

နောက်ထပ်တစ်ကြိမ် ဒုတိယနေရာနဲ့ ရပ်တန့်ခဲ့ရလို့ အားလုံး စိတ်မကောင်းဖြစ်နေကြတယ်ဆိုတာတော့ အမှန်ပါပဲ။

ဒါပေမယ့် ကျွန်တော်တို့တွေ YG ကြောင့် ဂုဏ်ယူစရာ၊ အားရစရာတွေ အများကြီးရှိပါတယ်။

အသင်းကြီးတွေ၊ Champions Contender တွေပြည့်နေတဲ့အုပ်စုမှာရောက်နေလို့ YG ဟာ အခက်ခဲဆုံးလမ်းကြောင်းပေါ်မှာရှိနေတယ်ထင်ရပေမယ့် …. meta အပြောင်းအလဲကာလမှာတောင် YG ဟာ Grand Final အထိ တက်ရောက်သွားပါတယ်။

ဖိလစ်ပိုင်အသင်းကိုအနိုင်ရလိုက်တာကလည်း အားရစရာကောင်းပါတယ်။

မြန်မာ့ MLBB ဟာ MPL ID, MPL PH, MPL MY တွေထက် လုံးဝမနိမ့်ဘူးဆိုတာ YG က Grand Final အထိတက်ပြီး သေသေချာချာသက်သေပြသွားခဲ့တာလည်းဖြစ်ပါတယ်။

အခုလို Yangon Galacticos အနေနဲ့ MSC / Esports World Cup ရဲ့ Grand Final ကိုတက်ရောက်တာဟာ မြန်မာ့ MLBB လောကရဲ့အနာဂတ်အတွက် အလားအလာကောင်းတွေအများကြီး ရှိစေပါတယ်။

ပြည်တွင်းမှာလည်းပြိုင်ဆိုင်မှုပိုပြင်းထန်လာမှာဖြစ်သလို နိုင်ငံတကာက ရင်းနှီးမြုပ်နှံမှုတွေကလည်း ပိုမိုရောက်ရှိလာနိုင်ပါတယ်။

ကျွန်တော်တို့ပရိသတ်တွေအနေနဲ့ YG ကိုလည်း ဆက်လက်ပြီး ဂုဏ်ယူစွာအားပေးနေရမှာဖြစ်သလို … တခြားသော YG ရဲ့ပြည်တွင်းပြိုင်ဘက်တွေကိုလည်း YG လိုတိုးတက်လာဖို့ ဆက်လက်ပြီး အသိအမှတ်ပြုအားပေးနေရမှာ ဖြစ်ပါတယ်။

မြန်မာ့ MLBB ဟာ Champions မရခဲ့ပေမယ့် အရှိန်အဟုန်ကောင်းတစ်ခုမှာရှိနေတယ်ဆိုတာတော့ ကမ္ဘာတစ်ဝှမ်းလုံးက ကြည့်ရှုနေတဲ့သူအားလုံးကိုလည်း ပြသနိုင်ခဲ့ပါတယ်။

#SoloBerry ✍️

#ChannelW
#MSC2026 #EWC2026

3 days ago | [YT] | 4,802

Channel W

Team Spirit are MSC 2026 Champions.

M1 ကတည်းကစတင်ခဲ့တဲ့ EECA ဒေသကိုယ်စားပြု Sawo နဲ့ Sunset Lover တို့ရဲ့အိပ်မက်ဟာ ၇ နှစ်ကြာပြီးနောက်မှာတော့ …. Hiko, Zauregoist, Kidbomba, Coach Coldstar တို့နဲ့အတူ ဒီနေ့မှာ ပြည့်ဝသွားခဲ့ပါပြီ။

#ChannelW
#MSC2026 #EWC2026

3 days ago | [YT] | 1,104

Channel W

ကျွန်တော်တို့ မြန်မာကိုယ်စားပြု YG အသင်းရဲ့ Grandfinal ပွဲစဥ် လာပါတော့မယ်။ အားလုံးပဲ မြန်မာအသင်းကို အစွမ်းကုန် အားပေးကြမယ်ဗျာ

youtube.com/live/lgOb3B2iKhE?si=-2Y-D8sAFN9IalPO

4 days ago | [YT] | 864