姿姿悠遊 ChiChi Go Fun
大家好！這個頻道的名稱是以我們 （姿爸 & 姿媽） 的女兒（姿姿）為名，意思是姿姿和我們一起輕鬆優悠地去遊玩，所以我們的頻道命名為《姿姿悠遊》。
我們希望以有趣的方式紀錄姿姿👧🏻的成長過程和經歷！另外在紀錄的過程中希望可以分享到一些吃喝玩樂的資訊給大家。
同時亦會製作一些短影片（Shorts ）分享一下我們日常生活的片段！
⭐️如果大家喜歡我們的影片或者親子遊的分享，歡迎大家訂閱我們的頻道《姿姿悠遊》，謝謝！😀😁
如有特別查詢歡迎聯絡我們～
IG ：chichigofun
姿姿悠遊 ChiChi Go Fun
大家好！
我係姿爸👨🏻
首先多謝咁多位收睇及支持《姿姿悠遊》！
我哋嘅頻道建立咗一個月左右，有咁嘅成績已經覺得好欣慰啦😌，姿爸想分享一下呢一個月拍片嘅生活對我哋嘅改變。
（長文慎入）
話說最近北上消費熱潮，上年聖誕節我哋去咗深圳觀瀾湖玩，嗰次係姿姿👧🏻第一次返大陸，所以印象特別深刻！
姿爸同埋姿媽👩🏻都好耐都冇返過大陸啦（回鄉證過咗期幾年😓最近先去申請新證），可能太耐冇返大陸嘅關係，發覺宜家嘅深圳同我上次去深圳玩嘅時候（應該有十年前）完全係兩個世界！
上年聖誕節嘅觀瀾湖之旅簡直係令我哋眼界大開，每一樣嘢都好新奇，而且食嘢方面亦都好有驚喜，我同姿媽都覺得仲好玩過上次去大阪旅行🤣！
因為我哋都係睇咗好多YouTuber 嘅介紹所以先返決定深圳玩，所以令我哋萌生咗拍YouTube 影片嘅念頭，去玩之餘仲可以紀錄一下當中嘅經歷！
自己睇YouTube 片就睇得多，但拍YouTube 片係一個點樣嘅體驗？我哋當時係完全冇概念…
提議拍YouTube 影片嘅係姿爸，姿媽當時反應係…吓😱？冇錯！姿媽確實被我嘅舉動嚇親了呢😅！
認識我嘅人都知道我本身係一個沉默寡言嘅「i人」，我亦都唔係一個鐘意拍攝或者影相嘅人，以前當姿媽影相或者打卡嘅時候我會有種唔耐煩🤨嘅感覺，會心諗：「影完未呢？」嘅心態，這就是以前的我。
究竟發生咗咩事令我去做一啲完全違反自己性格同埋跳出一個咁大嘅舒適圈嘅事情？其實宜家諗返起我自己都嚇咗一跳！不過都唔係發生咗啲咩大件事，純粹係「改變」呢兩個字。
我覺得人活到某個歲數或者階段嘅時候，生活就會漸漸變得平淡，過著「機械式」嘅生活，我就是活在這種狀態之中，就好似「行屍走肉」咁樣，做任何事情都提唔起勁，但呢種負能量累積到某個點就會爆！當我感覺到自己越嚟越頹廢嘅時候……
我姿爸感覺到呢個moment，要爆喇！！
其實自己睇咗YouTube 咁多年，都有幻想過拍片嘅感覺會係點？機緣巧合下我睇到條一個我睇開嘅YouTuber 介紹剪片App嘅影片（再一次感謝貓姐嘅分享），令我有一個好大膽嘅想法，就係自己拍YouTube 影片！
之後重新振作攞起自己部電話，以同以前不一樣嘅「心態」去拍攝同埋紀錄，當我睇返自己拍嘅影片嘅時候，發現原來可以睇返自己經歷過嘅事物係一件相當有趣嘅事情，當刻我感歎咗一下🥹，我錯過了好多人生精彩嘅時刻，由姿姿出世開始，有幾多精彩珍貴嘅時刻我係錯過咗！我的天啊…救命🤦🏻♂️！
當刻嘅我茅塞頓開，我決定要拍片！
就係咁，從今年［深圳過年］嗰條片開始我就機不離手，我同姿媽嘅角色調轉咗，大部分時間由姿爸做紀錄，希望可以盡自己嘅努力紀錄每一刻，令自己人生變得不一樣，令生活更精彩，更充實！
宜家我哋嘅頻道仲係起步階段，好多嘢都仲係摸索當中所以做得唔係咁好，但我哋會繼續努力！希望可以繼續紀錄到我哋最精彩，最珍貴嘅鏡頭同大家分享！
嚟緊我哋希望可以每個星期出一條影片，目標係希望可以堅持落去，另外仲有係堅持同埋都係
堅持…
好啦，姿爸突然之間變得太長氣😅
分享住咁多先啦，希望大家可以繼續支持我哋🫰🏻
6 months ago (edited) | [YT] | 13
View 2 replies