Crime King News
ખાસ નોંધ : સમામાર માં પ્રસિદ્ધ થયેલ ઇન્ટરવ્યુ ( INTERVIEW ) તે લોકોના પોતાના મંતવ્ય છે જેથી તે તમામ શબ્દો અને મંતવ્ય જેતે વ્યક્તિના હોય છે. જેથી તેની સંપૂર્ણ જવાબદારી જેતે ઇન્ટરવ્યુ આપનાર વ્યક્તિની છે ચેનલ ની રહેશે નહિ. જેથી ચેનલ આવા પ્રસરણથી લેવા દેવા રાખતું નથી તેની ખાસ નોંધ લેવી.
Crime King News
માંડવીની સંસ્થાને મુંબઈના દાતા તરફથી અનુદાન મળ્યું
માંડવી, તા.૦૧-૧૦-૨૦૨૬
અંધ, અપંગ, મંદબુદ્ધિ અને બહેરામૂંગા જેવા દિવ્યાંગોના ઉત્કર્ષ અને તેમના સેવાકીય કાર્યો માટે માંડવીમાં છેલ્લાં ૩૪ વર્ષથી સતત કાર્યરત સંસ્થા 'અંધ અપંગ માનવ કલ્યાણ સોસાયટી'ને મુંબઈના દાતાશ્રીઓ તરફથી રુપિયા ૨૦,૦૦૦/= (વીસ હજાર) નું અનુદાન મળેલ છે.
સ્વ. પ્રભાવતીબેન વૃજલાલ શાહના સ્મરણાર્થે પ્રદીપભાઈ વી. શાહ (ઘાટકોપર - મુંબઈ) તરફથી રુપિયા ૧૦,૦૦૦/= (દસ હજાર) અને સ્વ. ઝવેરબેન ચુનીલાલ શાહ (ઘાટકોપર - મુંબઈ) ના સ્મરણાર્થે ભુપેન્દ્રભાઈ જે. શાહ તરફથી રુપિયા ૧૦,૦૦૦/= (દસ હજાર) મળી કુલ રુપિયા ૨૦,૦૦૦/= (વીસ હજાર) ના અનુદાનના બે ચેક માંડવી છ-કોટી જૈન સંઘના પ્રમુખ પુનિતભાઈ ભાછા અને ખજાનચી જયેશભાઈ શાહે, માંડવીની જૈનપૂરી મધ્યે, માંડવીની અંધ અપંગ માનવ કલ્યાણ સોસાયટીના પ્રમુખ દિનેશભાઈ શાહ અને ઉપપ્રમુખ અરવિંદભાઈ શાહને અર્પણ કર્યો હતો.
અત્રે એ ઉલ્લેખનીય છે કે, આ બંને દાતા, આ સંસ્થાને દર વર્ષે દાન આપે છે.
_________________________
*નોંધ:-* માંડવીની અંધ અપંગ માનવ કલ્યાણ સોસાયટીના પ્રમુખ દિનેશભાઈ શાહ અને ઉપપ્રમુખ અરવિંદભાઈ શાહને મુંબઈના દાતાના અનુદાનના બે ચેક અર્પણ કરતા માંડવી છ-કોટી જૈન સંઘના પ્રમુખ પુનિતભાઈ ભાછા અને ખજાનચી જયેશભાઈ શાહ નજરે પડે છે.
4 days ago | [YT] | 1
View 0 replies
Crime King News
માંડવીમાં પહેલી ઓક્ટોબરને ગુરુવારના રોજ દાતાશ્રીઓના સહયોગથી ૯ બહેનોને સિલાઈ મશીન અને ૪ દિવ્યાંગોને વ્હીલચેર અર્પણ કરવા લોકાર્પણ કાર્યક્રમ યોજાશે
માંડવીની અંધ અપંગ માનવ કલ્યાણ સોસાયટી અને કચ્છ જિલ્લા ગ્રામ વિકાસ સમિતિનું સંયુક્ત આયોજન
માંડવી, તા.૨૮-૦૯-૨૦૨૬
છેલ્લાં ૩૪ વર્ષથી કાર્યરત માંડવીની સંસ્થા 'અંધ અપંગ માનવ કલ્યાણ સોસાયટી' અને છેલ્લં ૨૮ વર્ષથી કાર્યરત 'કચ્છ જિલ્લા ગ્રામ વિકાસ સમિતિ - ગોધરા'ના સંયુક્ત ઉપક્રમે, તા.૦૧-૧૦ ને ગુરુવારના રોજ સાંજના ૫-૩૦ વાગે માંડવીની જૈનપૂરી અને નાનાલાલ વોરા માર્ગ પર આવેલા અંધ માનવ કલ્યાણ સોસાયટીના કાર્યાલય મધ્યે, દાતાશ્રીઓના સહયોગથી કચ્છના જરૂરતમંદ ૯ બહેનોને સિલાઈ મશીન અને ૪ દિવ્યાંગોને ૪ વ્હીલચેર અર્પણ કરીને લોકાર્પણ કાર્યક્રમ યોજીને કુલ ૧૩ વ્યક્તિઓને આત્મનિર્ભર કરવામાં આવનાર હોવાનું માંડવીની અંધ અપંગ માનવ કલ્યાણ સોસાયટીના પ્રમુખ દિનેશભાઈ શાહ અને કચ્છ જિલ્લા ગ્રામ વિકાસ સમિતિ - ગોધરાના પ્રમુખ અરવિંદભાઈ જોશીએ એક સંયુક્ત અખબારી યાદીમાં જણાવ્યું છે.
1 week ago | [YT] | 0
View 0 replies
Crime King News
તહેવારો પહેલાં ડુંગળીના ભાવમાં ભડકો, 15 દિવસમાં ₹25 સુધીનો વધારો; હજુ વધુ મોંઘી થવાની શક્યતા
તહેવારોની સિઝન વચ્ચે ખાંડ બાદ હવે ડુંગળીના ભાવમાં પણ વધારો થતાં સામાન્ય લોકોને મોંઘવારીનો માર સહન કરવો પડી રહ્યો છે. 15 દિવસ પહેલાં ₹35થી ₹40 પ્રતિ કિલોના ભાવે મળતી ડુંગળી હવે ₹60થી ₹70 પ્રતિ કિલો સુધી પહોંચી ગઈ છે.
વેપારીઓના જણાવ્યા મુજબ, આગામી દિવસોમાં ડુંગળીના ભાવમાં હજુ ₹15થી ₹20નો વધારો થવાની શક્યતા છે. એટલે આગામી સમયમાં ડુંગળી વધુ મોંઘી બની શકે છે.
વરસાદથી આવકને અસર
મહારાષ્ટ્ર અને મધ્યપ્રદેશમાં ભારે વરસાદના કારણે ડુંગળીનો કેટલોક માલ પલળી ગયો હોવાનું વેપારીઓ જણાવી રહ્યા છે. જેના કારણે ગુજરાતમાં ડુંગળીની આવક ઘટી છે અને બજારમાં માલની અછત સર્જાતા ભાવમાં વધારો થયો છે.
છેલ્લા એક અઠવાડિયામાં ડુંગળીના હોલસેલ ભાવમાં પણ આશરે ₹10થી ₹15 પ્રતિ કિલોનો વધારો થયો છે. પરિણામે છૂટક બજારમાં પણ તેની સીધી અસર જોવા મળી રહી છે.
વેપારીઓનું કહેવું છે કે આવકમાં સુધારો નહીં થાય તો આગામી બે મહિના સુધી ભાવ ઊંચા રહેવાની શક્યતા છે. તહેવારોના સમયમાં ખાંડ બાદ હવે ડુંગળીના વધતા ભાવથી ગૃહિણીઓના બજેટ પર પણ વધારાનો બોજ પડી શકે છે.
લોકોમાં ચર્ચા: “ખાંડ પછી હવે ડુંગળી પણ રડાવી રહી છે.”
1 month ago | [YT] | 0
View 0 replies
Crime King News
સુરજબારી ફોરેસ્ટ ચેકપોસ્ટ પર રૂપિયા ૧૦૦ની લાંચ લેતા વનરક્ષકનો સાથી ઝડપાયો…
ભચાઉ: કચ્છ જિલ્લામાં લાકડા ભરીને જતા વાહનો પાસેથી ગેરકાયદેસર લાંચની માંગણી થતી હોવાની રજૂઆતોના આધારે કચ્છ (પૂર્વ) ACB, ગાંધીધામ દ્વારા ડીકોય ટ્રેપ ગોઠવવામાં આવી હતી. જેમાં સુરજબારી ફોરેસ્ટ ચેકપોસ્ટની ઓફિસ ખાતે રૂપિયા 100ની લાંચ સ્વીકારતા એક ખાનગી વ્યક્તિને ACBની ટીમે ઝડપી પાડ્યો હતો.
ACBના જણાવ્યા મુજબ, લાકડા ભરેલા વાહનોના વાહતુક પાસમાં સિક્કો કરી આપવા તેમજ રજીસ્ટરમાં નોંધ કરવા માટે વાહનચાલકો પાસેથી રૂપિયા 100થી લઈને રૂપિયા 1,000 સુધીની ગેરકાયદેસર લાંચની માંગણી કરવામાં આવતી હોવાની હકીકત સામે આવી હતી. આ ફરિયાદના આધારે એક જાગૃત નાગરિકના સહકારથી ડીકોય ટ્રેપનું આયોજન કરવામાં આવ્યું હતું.
ડીકોય દરમિયાન આરોપી જામનસા ઓસામણ સૈયદ, રહે. બુઢાર મોરા, તાલુકો અંજાર, કચ્છ દ્વારા વનરક્ષક હરેશભાઈ હેમરાજભાઈ ચૌધરી, ભચાઉ નોર્મલ રેન્જ, કચ્છના કહેવા મુજબ વાહતુક પાસમાં સિક્કો કરી નોંધ કરી આપવા બદલ ડીકોયર પાસેથી રૂપિયા 100ની લાંચની માંગણી કરવામાં આવી હતી.
ત્યારબાદ આરોપીએ રૂપિયા 100ની લાંચ સ્વીકારતા જ ACBની ટીમે તેને ઝડપી પાડ્યો હતો. આરોપી પાસેથી લાંચની સંપૂર્ણ રૂપિયા 100ની રકમ પણ રિકવર કરવામાં આવી છે.
આ કાર્યવાહી 24 ઓગસ્ટ, 2026ના રોજ સુરજબારી ફોરેસ્ટ ચેકપોસ્ટની ઓફિસ, ભચાઉ, જિલ્લા કચ્છ ખાતે કરવામાં આવી હતી. આ સમગ્ર ટ્રેપની કાર્યવાહી ટ્રેપીંગ ઓફિસર શ્રી એચ.વી. ચૌધરી, પોલીસ ઇન્સ્પેક્ટર, કચ્છ (પૂર્વ) ACB પોલીસ સ્ટેશન, ગાંધીધામ દ્વારા હાથ ધરવામાં આવી હતી.
ACBની કાર્યવાહી બાદ સમગ્ર મામલે કાયદેસરની આગળની તપાસ હાથ ધરવામાં આવી રહી છે. આરોપી દ્વારા લાંચની માંગણી અને સ્વીકાર અંગેના આક્ષેપોને લઈને તપાસમાં વધુ વિગતો સામે આવે તેવી શક્યતા છે.
#kutch #crime
1 month ago | [YT] | 0
View 0 replies
Crime King News
અણુવ્રત સમિતિ ભુજના ઉપક્રમે જ્ઞાનશાળાના બાળકો માટે ધાર્મિક, જ્ઞાનવર્ધક અને આનંદમય પિકનિકનું આયોજન થયુ.
માંડવી તા ૧૨/૦૭/૨૦૨૬: અણુવ્રત સમિતિ ભુજ તેમજ અષ્ટાપદ મહાતીર્થ મેમોરિયલ અને વીતરાગ વિહારધામના સંયુક્ત ઉપક્રમે રવિવારે ભુવા ફાર્મ સ્થિત નવકાર ધ રેસીડેન્સી ખાતે તેરાપંથ સભા ભુજની જ્ઞાનશાળાના બાળકો તથા તેમની પ્રશિક્ષિકાઓ માટે "જ્ઞાન સાથે ગમ્મત"ના સુંદર સૂત્ર સાથે ધાર્મિક, સંસ્કારલક્ષી અને આનંદમય પિકનિકનું સફળ આયોજન કરવામાં આવ્યું હતું.
આ પિકનિકમાં આશરે 50 જેટલા બાળકો તથા 15 જેટલી પ્રશિક્ષિકાઓ સહિત કુલ 60થી 65 જેટલા સભ્યોએ ઉત્સાહભેર ભાગ લીધો હતો. સમગ્ર કાર્યક્રમનો મુખ્ય હેતુ બાળકોમાં ધાર્મિક સંસ્કારોનું સિંચન કરવાની સાથે જ્ઞાન, આનંદ અને સર્જનાત્મક પ્રવૃત્તિઓ દ્વારા રવિવારની સાંજને યાદગાર બનાવવાનો હતો.
કાર્યક્રમ દરમિયાન બાળકો માટે ધાર્મિક પ્રશ્નોત્તરી, જ્ઞાનવર્ધક રમતો, સંસ્કારપ્રેરક પ્રવૃત્તિઓ, આનંદદાયક ગેમ્સ, તેમજ વિવિધ મનોરંજક અને શૈક્ષણિક કાર્યક્રમોનું આયોજન કરવામાં આવ્યું હતું. બાળકો ઉત્સાહપૂર્વક દરેક પ્રવૃત્તિમાં જોડાયા હતા અને સમગ્ર વાતાવરણ આનંદ, ઉમંગ અને ધાર્મિક ભાવનાથી ઓતપ્રોત બની ગયું હતું.
આ કાર્યક્રમના મુખ્ય યજમાન તથા અષ્ટાપદ મહાતીર્થ - વીતરાગ વિહારધામ ના ટ્રસ્ટી શ્રી વિરેન કનૈયાલાલ શેઠ તથા અણુવ્રત સમિતિ ભુજના અધ્યક્ષશ્રી મહેશ પ્રભુલાલ મહેતાની વિશેષ ઉપસ્થિતિ અને માર્ગદર્શન પ્રાપ્ત થયું હતું.બંને આગેવાનોએ બાળકોને સારા સંસ્કારો, નૈતિક જીવનમૂલ્યો અને ધર્મપ્રત્યે જાગૃત રહેવા પ્રેરણા આપી હતી.
કાર્યક્રમને સફળ બનાવવા માટે તેરાપંથ સભાની જ્ઞાનશાળાની પ્રશિક્ષિકાઓ, ભરતભાઈ બાબરિયા સહિત અનેક કાર્યકરોએ ઉત્સાહપૂર્વક સેવા આપી હતી.
કાર્યક્રમ દરમિયાન વિજયભાઈ શેઠ અને લતાબેન વોરા દ્વારા બાળકોને યોગનું મહત્વ, યોગના લાભો અને સ્વસ્થ જીવનશૈલી અંગે સરળ અને રસપ્રદ માહિતી આપવામાં આવી હતી. ત્યારબાદ યોગની કેટલીક સરળ ક્રિયાઓનું પણ માર્ગદર્શન આપવામાં આવ્યું, જેમાં બાળકોએ આનંદપૂર્વક ભાગ લીધો હતો.
અંતે તમામ બાળકો માટે સ્વાદિષ્ટ ભોજનની વ્યવસ્થા કરવામાં આવી હતી. સમગ્ર કાર્યક્રમ બાળકો માટે આનંદ, જ્ઞાન, સંસ્કાર અને એકતાનો સુંદર સમન્વય બની રહ્યો હતો. ઉપસ્થિત વાલીઓ અને પ્રશિક્ષિકાઓએ પણ આવા સંસ્કારલક્ષી કાર્યક્રમોનું નિયમિત આયોજન થવું જોઈએ તેવી લાગણી વ્યક્ત કરી હતી.
અણુવ્રત સમિતિ ભુજ તથા અષ્ટાપદ મહાતીર્થ અને વીતરાગ વિહારધામ દ્વારા આયોજિત આ પિકનિક બાળકોના સર્વાંગી વિકાસ અને ધાર્મિક સંસ્કારોના સિંચન માટે એક યાદગાર અને પ્રેરણાદાયી પ્રયાસ સાર્થક થયો હતો. તેવું એક યાદીમાં અણુવ્રત સમિતિ ભુજના અધ્યક્ષ તથા રાષ્ટ્રીય કાર્યકારિણી સદસ્યશ્રી મહેશ પ્રભુલાલ મહેતાએ જણાવ્યું હતું.
2 months ago | [YT] | 1
View 0 replies
Crime King News
માંડવીની જૈનનૂતન પ્રાથમિક શાળા નં.૩ માં કન્યા કેળવણી અને શાળા પ્રવેશોત્સવ ગુરુવારે રંગે-ચંગે સંપન્ન થયો
__________________________
આંગણવાડી - બાલવાટિકા અને પહેલા ધોરણમાં કુલ ૫૧ વિદ્યાર્થીઓને માંડવીના મામલતદાર જેઠવા સાહેબે નવીન પ્રવેશ અપાવ્યો
__________________________
*માંડવીની સંસ્થા "દીપરંજન સેવા કેન્દ્ર" તરફથી શાળાના બાળકોને શૈક્ષણિક રમકડા અને રમત-ગમતના ઉપકરણો આપી તિથીભોજન કરાવાયું*
__________________________
*માંડવી, તા.૨૫-૦૬-૨૦૨૬*
જિલ્લા પંચાયત સંચાલિત માંડવી શહેરની જૈનનુતન પ્રાથમિક શાળા નં.૩ માં ૨૫મી જુનને ગુરુવારના રોજ કન્યા કેળવણી અને શાળા પ્રવેશોત્સવ રંગે-ચંગે ઉત્સાહભેર સંપન્ન થયો હતો.
મુખ્ય અધિકારી અને માંડવીના મામલતદાર શ્રી પી.એ.જેઠવાએ માંડવીના આઝાદ ચોકમાં આવેલી આંગણવાડીના ૧૩, બાલવાટિકાના ૧૯ અને પહેલા ધોરણના ૧૯ સહીત કુલ ૫૧ બાળકોને પેંડાથી મોં મીઠું કરાવી, શૈક્ષણિક કીટ અર્પણ કરી, નવીન પ્રવેશ કરાવ્યો હતો.
માંડવીની જૈનનૂતન પ્રાથમિક શાળાના નિવૃત પૂર્વ આચાર્ય દિનેશભાઈ મણીલાલ શાહે પોતાના ધર્મપત્ની અને જૈનનૂતન પ્રાથમિક શાળા નં.૩ ના નિવૃત્ત પૂર્વ શિક્ષિકા સ્વ. રંજનબેન દિનેશભાઈ શાહ અને સુપુત્ર સ્વ. દીપ દિનેશભાઈ શાહની સ્મૃતિમાં સ્થાપેલ સંસ્થા "દીપરંજન સેવા કેન્દ્ર" તરફથી શાળાના વિદ્યાર્થીઓને શૈક્ષણિક રમકડા અને રમત-ગમતના ઉપકરણો અર્પણ કરી, તિથીભોજન કરાવેલ હતું.
માંડવીના મામલતદાર શ્રી પી.એ. જેઠવાએ દીપ પ્રગટાવીને કાર્યક્રમને ખુલ્લો મુક્યો હતો. જ્યારે શાળાના આચાર્ય પુનિતભાઈ વાસાણીએ સ્વાગત પ્રવચનમાં સૌને આવકાર આપી, શાળામાં નવીન પ્રવેશ મેળવનારા બાળકોની માહિતી આપી, દિપરંજન સેવા કેન્દ્ર તરફથી શાળાને મળેલ શૈક્ષણિક રમકડા બદલ અને નવચેતન ભગવાન મહાવીર માનવ કલ્યાણ કેન્દ્ર - ભુજ તરફથી શાળાના બાળકોને મળેલ ઠંડી છાશ આપવા બદલ સંસ્થાના પ્રમુખ વી.જી.મહેતાનો આભાર માન્યો હતો.
મુખ્ય અધિકારી અને માંડવીના મામલતદાર પી.એ.જેઠવાએ શાળા પ્રવેશોત્સવના કારણે ડ્રોપઆઉટમાં ઘણો ઘટાડો થયો છે, તેમ જણાવી શાળાની પ્રવૃત્તિ બદલ શાળાના આચાર્ય પુનિતભાઈ વાસાણી અને સ્ટાફ તથા શાળાની એસ.એમ.સી.ને અભિનંદન પાઠવ્યા હતા.
માંડવીની અંધ અપંગ માનવ કલ્યાણ સોસાયટીના પ્રમુખ બનવા બદલ શાળાની એસ.એમ.સી.ના શિક્ષણવિદ દિનેશભાઈ મણીલાલ શાહનું સાલ ઓઢાળીને મામલતદાર શ્રી જેઠવા સાહેબના હસ્તે સન્માન કરાયું હતું.
મામલતદાર શ્રી જેઠવા સાહેબનું સાલ ઓઢાળી, પ.પૂ. નરેશમુનિ "આનંદ" લિખિત "માનવજીવનની મીઠાશ" પુસ્તક આપી, સન્માન કરાયું હતું. નગરપાલિકાના કાઉન્સિલર પારસભાઈ સંઘવીને સાલ ઓઢાળી પ.પૂ. નરેશમુનિ મ.સા. લિખિત "વિહારનો વૈભવ ભાગ-૬" પુસ્તક આપી, સન્માન કરાયું હતું. લાયઝન ઓફિસર વિરલભાઈ એમ. ભોરણીયા, શાળાની એસ.એમ.સી.ના અધ્યક્ષા શ્રીમતી કુંજલબેન શાહ અને યુવા ભાજપ પ્રમુખ મિત સચદેનું પણ સન્માન કરાયું હતું.
અતિથિવિશેષ પદેથી કાઉન્સિલર શ્રી પારસભાઈ સંઘવીએ આ શાળાના સંસ્મરણોને વાગોળી, પોતાના ગુરુજનો પ્રત્યે આભારની લાગણી વ્યક્ત કરી હતી.
શાળાની બાળાઓએ અભિનય સાથે પ્રાર્થના રજૂ કરી હતી. શાળાના વિદ્યાર્થીઓ સર્વશ્રી હારીજ ઘાંચી, આબેદા ગજણ, સિવાય ગુંસાઈ, રુદ્ર સાધુ અને જૈનબ લુહારે અલગ-અલગ વિષય ઉપર પોતાના વિચારો રજૂ કર્યા હતા.
સમગ્ર કાર્યક્રમનું સંચાલન શાળાના શિક્ષિકા ભાવિનીબેન વાસાણીના માર્ગદર્શન હેઠળ શાળાના વિદ્યાર્થી રક્ષિત કલ્પેશ શાહ અને હિરલબા હરિસિંહ જાડેજાએ કરેલ હતું. જ્યારે શાળાના ઉપાચાર્ય અને માંડવી તાલુકા પ્રાથમિક શિક્ષક સમાજના રાજ્ય પ્રતિનિધિ મનુભા જાડેજાએ આભારદર્શન કરેલ હતું.
શાળાના એવોર્ડી શિક્ષિકા ભારતીબેન ગોર, ભાવિનીબેન વાસાણી અને દીપાબેન ચૌહાણે વિશેષ સહયોગ આપેલ હતો.
શાળાના શિક્ષક મનુભા જાડેજા, દર્શનભાઈ કબીરપંથી, શાળાના એવોર્ડી શિક્ષિકા ભારતીબેન ગોર, ભાવિનીબેન વાસાણી અને દીપાબેન ચૌહાણે કાર્યક્રમમાં વિશેષ સહયોગ આપેલ હતો.
શાળાના શિક્ષિકાઓ સર્વશ્રી વર્ષાબેન સોમૈયા, વૈશાલીબેન કોટક, પ્રફુલાબેન રોજીવાડીયા, દિગ્વિજીયાબેન મકવાણા અને સાનિયાબેન કોરેજા વગેરે કાર્યક્રમને સફળ બનાવવા જહેમત ઉઠાવી હતી.
આઝાદ ચોકની આંગણવાડીના સંગીતાબેન ખારવા અને કલ્પનાબેન ગોસ્વામી ઉપસ્થિત રહીને સહયોગી રહ્યા હતા.
આ પ્રસંગે જ્ઞાનસેતુ, જ્ઞાનસાધના ગણિત-વિજ્ઞાન પ્રદર્શનમાં સારો દેખાવ કરવા બદલ તેઓનું સન્માન કરાયું હતું. આ પ્રસંગે બહોળી સંખ્યામાં વાલીઓ ઉપસ્થિત રહ્યા હતા.
3 months ago | [YT] | 0
View 0 replies
Crime King News
માંડવીની શ્રી ખલ્ફાનભાઈ દામાણી પ્રાથમિક શાળામાં શાળા પ્રવેશોત્સવ અને કન્યા કેળવણી મહોત્સવ રંગેચંગે ઉજવાયો.
_______________________
માંડવી, તા. 24-06-2026
માંડવીના બંદર રોડ પર આવેલી કચ્છ જિલ્લા પંચાયત સંચાલિત શ્રી ખલ્ફાનભાઈ દામાણી પ્રાથમિક શાળા ખાતે રાજ્ય સરકારના શિક્ષણ વિભાગના માર્ગદર્શન હેઠળ શાળા પ્રવેશોત્સવ અને કન્યા કેળવણી મહોત્સવ 2026-27 અંતર્ગત ભવ્ય અને ઉત્સાહપૂર્ણ કાર્યક્રમ યોજાયો હતો. કાર્યક્રમમાં મોટી સંખ્યામાં વાલીઓ, આગેવાનો, દાતાશ્રીઓ, શિક્ષણપ્રેમીઓ અને સ્થાનિક નાગરિકોએ ઉપસ્થિત રહી બાળકોના ઉજ્જવળ ભવિષ્ય માટે શુભેચ્છાઓ પાઠવી હતી.
કાર્યક્રમમાં ગાંધીનગરના ઉપસચિવ શ્રી મયુરભાઈ પટેલ મુખ્ય અધિકારી તરીકે ઉપસ્થિત રહ્યા હતા. તેમના હસ્તે બાલવાટિકામાં 15 તથા આંગણવાડીમાં 12 સહિત કુલ 27 બાળકોને મોં મીઠું કરાવી, શૈક્ષણિક કીટ અર્પણ કરીને શાળામાં પ્રવેશ અપાવવામાં આવ્યો હતો. નવા વિદ્યાર્થીઓ અને તેમના વાલીઓનું શાળા પરિવાર દ્વારા ઉષ્માભર્યું સ્વાગત કરવામાં આવ્યું હતું.
આ પ્રસંગે લાયઝન ઓફિસર શ્રી કાસમભાઈ કુંભાર, પૂર્વ નાયબ જિલ્લા પ્રાથમિક શિક્ષણ અધિકારી શ્રી મોહનભાઈ ફુફલ, માંડવી નગરપાલિકાની ટાઉન પ્લાનિંગ સમિતિના નવનિયુક્ત ચેરમેન કલ્પનાબેન પરમાર, નવનિયુક્ત કાઉન્સિલર ફરજાનાબેન બકાલી, શાળાના મુખ્ય શિક્ષક શ્રી વસંતભાઈ કોચરા, એસ.એમ.સી.ના શિક્ષણવિદ્ શ્રી જીતુભાઈ સોની, રાષ્ટ્રપતિ એવોર્ડ વિજેતા શ્રી દિનેશભાઈ શાહ, દાતાશ્રી દિલીપભાઈ જૈન, મિંયાણા સમાજના પ્રમુખ હાજી ફકીરમામદ છુછિયા, એસ.એમ.સી.ના સભ્યો, વાલીઓ તથા ગ્રામજનો બહોળી સંખ્યામાં ઉપસ્થિત રહ્યા હતા.
કાર્યક્રમની શરૂઆત મહાનુભાવોના હસ્તે દીપ પ્રાગટ્ય દ્વારા કરવામાં આવી હતી. ત્યારબાદ વિદ્યાર્થીઓએ "મનુષ્ય તું બડા મહાન હૈ" સમૂહ પ્રાર્થના રજૂ કરી કાર્યક્રમને ભાવસભર બનાવ્યો હતો. શાળા પરિવાર દ્વારા મહાનુભાવોને શાલ ઓઢાડી અને પુસ્તક અર્પણ કરીને સન્માનિત કરવામાં આવ્યા હતા.
ધોરણ-8ની વિદ્યાર્થીની નરગીસ ભટ્ટી દ્વારા સ્વાસ્થ્ય અને પર્યાવરણ સંરક્ષણના મહત્વ અંગે પ્રેરણાદાયી વક્તવ્ય રજૂ કરવામાં આવ્યું હતું. ઉપસ્થિત મહાનુભાવોએ વિદ્યાર્થીઓના આત્મવિશ્વાસ અને રજૂઆતની પ્રશંસા કરી હતી.
ગત વર્ષે લેવાયેલ જ્ઞાન સેતુ પરીક્ષા અને જ્ઞાન સાધના પરીક્ષામાં રાજ્યકક્ષાએ મેરીટમાં સ્થાન મેળવનાર વિદ્યાર્થીઓને મહેમાનોના હસ્તે ઇનામો અને પ્રમાણપત્રો આપી સન્માનિત કરવામાં આવ્યા હતા. ઉપરાંત ગત વર્ષની વાર્ષિક પરીક્ષામાં ધોરણ 3 થી 8માં પ્રથમ ક્રમે ઉત્તીર્ણ થયેલા વિદ્યાર્થીઓને સ્વ. વિમળાબેન અને સ્વ. સુશીલાબેનની સ્મૃતિમાં દાતાશ્રી દિલીપભાઈ જૈન દ્વારા રોકડ ઇનામો આપી પ્રોત્સાહિત કરવામાં આવ્યા હતા. દ્વિતીય ક્રમે આવેલ વિદ્યાર્થીઓને શાળાના પૂર્વ આચાર્યા દત્તાબેન બાબુલાલ શાહના સહયોગથી રોકડ ઇનામો અર્પણ કરવામાં આવ્યા હતા.
બાલવાટિકા થી ધોરણ-8 સુધી સૌથી વધુ હાજરી ધરાવનાર વિદ્યાર્થીઓને પણ વિશેષ સન્માન આપવામાં આવ્યું હતું. શાળાની સ્વચ્છતા અને સુંદરતા જાળવવામાં મહત્વપૂર્ણ યોગદાન બદલ સફાઈ કર્મચારી કાજલબેન પરમારને પણ ઇનામ આપી સન્માનિત કરવામાં આવ્યા હતા.
કાર્યક્રમ દરમિયાન વૃક્ષારોપણ કરવામાં આવ્યું હતું તેમજ પર્યાવરણ સંરક્ષણનો સંદેશ આપવામાં આવ્યો હતો. આ પ્રસંગે મુખ્ય અધિકારી શ્રી મયુરભાઈ પટેલ સહિત ઉપસ્થિત અધિકારીઓ અને મહાનુભાવોએ પોતાના ઉદબોધનમાં બાળકોને ગુણવત્તાસભર શિક્ષણ પ્રાપ્ત કરી જીવનમાં ઉચ્ચ સિદ્ધિઓ હાંસલ કરવા માટે પ્રેરણા આપી હતી. તેમણે નિયમિત અભ્યાસ, સંસ્કાર, શિસ્ત અને પરિશ્રમના મહત્વ પર ભાર મૂકતાં વિદ્યાર્થીઓને ઉજ્જવળ ભવિષ્ય માટે આશીર્વાદવચન પાઠવ્યા હતા.
કાર્યક્રમ બાદ મહાનુભાવોએ શાળાની મુલાકાત લઈ સ્માર્ટ ક્લાસ, શિક્ષણલક્ષી પ્રવૃત્તિઓ તથા શાળાની વિવિધ સુવિધાઓનું નિરીક્ષણ કર્યું હતું. ત્યારબાદ એસ.એમ.સી. તથા વાલી મંડળ સાથે બેઠક યોજી શાળાના સર્વાંગી વિકાસ અને ગુણવત્તાયુક્ત શિક્ષણ અંગે માર્ગદર્શન આપ્યું હતું.
સમગ્ર કાર્યક્રમનું અસરકારક સંચાલન ધોરણ-8ની વિદ્યાર્થીની મંધરા શીરીન તથા શાળાના શિક્ષિકા લીનાબેન બ્રહ્મક્ષત્રિય દ્વારા કરવામાં આવ્યું હતું. અંતે શાળાના વરિષ્ઠ શિક્ષિકા ઉષાબેન સોલંકીએ આભારવિધિ કરી હતી.
કાર્યક્રમને સફળ બનાવવા માટે કમલબેન મોનાણી, સીમાબેન છાટબાર, પ્રવિણાબેન પટેલ, મનિષાબેન ડાભી, વિમલભાઈ રામાનુજ, નફીસાબેન ખત્રી, જયદીપભાઈ ગોસ્વામી સહિત શાળાના સમગ્ર સ્ટાફે જહેમત ઉઠાવી હતી.
3 months ago | [YT] | 1
View 0 replies
Crime King News
માંડવીમાં સ્વ. દીપ દિનેશભાઈ શાહની દ્વિતીય પુણ્યતિથિ જીવદયા - માનવસેવા - ધાર્મિક - શૈક્ષણિક અને મેડિકલ કેમ્પથી ૨૧મી જૂનને રવિવારે ઉજવાશે
માંડવી, તા.૧૮-૦૬-૨૦૨૬
જિલ્લા પંચાયત સંચાલિત માંડવી શહેરની જૈનનૂતન પ્રાથમિક શાળા નં.-૩ ના નિવૃત્ત પૂર્વ આચાર્ય દિનેશભાઈ મણિલાલ શાહ અને નિવૃત્ત પૂર્વ શિક્ષિકા સ્વ. રંજનબેન દિનેશભાઈ શાહના 29 વર્ષના આશાસ્પદ અને સેવાભાવી સુપુત્ર સ્વ. દીપ શાહની દ્વિતીય વાર્ષિક પુણ્યતિથિ ૨૧મી જૂનને રવિવારના રોજ જીવદયા - માનવસેવા - ધાર્મિક - શૈક્ષણિક અને મેડિકલ કેમ્પથી મૂળ ડગાળા (તા.ભુજ)ના પરંતુ હાલમાં માંડવી નિવાસી માનવંતીબેન મણીલાલ પાનાચંદ મહેતા પરિવાર તરફથી ઉજવાશે.
રવિવારના સવારના મૂંગા જીવોને નીલાચારાનું નિરણ કરીને, ગાયમાતા અને શ્ર્વાનોને લાપસીનું ભોજન પીરસીને તેમજ શ્ર્વાનોને લાડુ, બિસ્કીટ, રોટલા અને કેક આપીને જીવદયાનું કાર્ય કરાશે.
માંડવીની અંધ અપંગ માનવ કલ્યાણ સોસાયટી સંચાલિત વિકલાંગ છાત્રાલયની દિવ્યાંગ છાત્રાઓ, બહેરામૂંગા વિદ્યાલયના દિવ્યાંગ વિદ્યાર્થીઓને, જૈન આશ્રમના માનસિક દિવ્યાંગો તથા માંડવીમાં રખડતા ભટકતા મસ્તરામોને મિષ્ટાન અપાશે.
માંડવીના નવાનાકા બહાર, હરિકૃષ્ણ મોલની સામે આવેલા, કિરણ ક્લિનિકમાં ડાયાબિટીસનો નિઃશુલ્ક મેડિકલ કેમ્પ રવિવારે સવારે ૧૦ થી ૧૨ વાગ્યા દરમ્યાન યોજાશે. આ કેમ્પમાં ૧૦ દિવસની દવા પણ નિઃશુલ્ક અપાશે. બ્લડપ્રેશર તેમજ ગ્લુકોમીટરની મદદથી બ્લડસુગર પણ નિઃશુલ્ક ચેક કરી અપાશે.
માંડવીના સાતેય જૈન જિનાલયોમાં પ્રભુજીની ભવ્યાતીભવ્ય આંગી કરવામાં આવશે. સવારે ૧૦ વાગ્યે શીતલ-પાર્શ્વ જિનાલયમાં આવેલા કલાપ્રભસૂરી આરાધના ભવનમાં પાંચેગચ્છના બહેનોની ઉપસ્થિતિમાં શિતલ મંડળ અને ત્રિશલા મંડળના બહેનો પંચકલ્યાણકની પૂજા ભણાવાશે.
જિલ્લા પંચાયત સંચાલિત માંડવીની જૈનનૂતન પ્રાથમિક શાળા નં.-૩ના વિદ્યાર્થીઓ માટે "બેગલેસ દિવસ" માટે શૈક્ષણિક રમકડા તેમજ શાળાના વિદ્યાર્થીઓને રમત-ગમત માટેના ઉપકરણો ભેટ આપવામાં આવનાર હોવાનું દાતા પરિવારના દિનેશભાઈ મણીલાલ શાહે જણાવ્યું હતું.
3 months ago | [YT] | 1
View 0 replies
Crime King News
માંડવીની આઠ સરકારી પ્રાથમિક શાળામાં બાલવાટિકામાં નવીન પ્રવેશ મેળવનારા ૧૦૧ વિદ્યાર્થીઓને બેંગ્લોર નિવાસી વતનપ્રેમી દાતાના સહયોગથી યુનિફોર્મ (ગણવેશ) લોકાર્પણનો જૈનનૂતન પ્રાથમિક શાળામાં કાર્યક્રમ યોજાયો
માંડવીની આઠ સરકારી પ્રાથમિક શાળામાં વાર્ષિક પરીક્ષામાં ધોરણ ૩ થી ૮ માં પ્રથમ નંબરે પાસ થનાર તેજસ્વી તારલાઓને સ્વ. શિક્ષિકાઓની સ્મૃતિમાં રોકડ પારિતોષિક પણ અપાયા
માંડવી, તા.૧૨-૦૬-૨૦૨૬
માંડવી શહેરની આઠ સરકારી પ્રાથમિક શાળાઓમાં બાલવાટિકામાં નવીન પ્રવેશ મેળવનારા ૧૦૧ વિદ્યાર્થીઓને મૂળ માંડવીના પરંતુ હાલમાં બેંગ્લોર નિવાસી વતનપ્રેમી દાતાના સહયોગથી યુનિફોર્મ (ગણવેશ) લોકાર્પણનો એક શૈક્ષણિક કાર્યક્રમ ૯મી જૂનને મંગળવારના રોજ જૈનનૂતન પ્રાથમિક શાળા નં.-૩ માં યોજાયો હતો. યુનિફોર્મ (ગણવેશ)ના પ્રેરણાદાતા અને માંડવીની જનકલ્યાણ મેડિકલ સોસાયટીના નાણામંત્રી નિશાંતભાઈ સુરેશભાઈ શાહના પ્રમુખસ્થાને યોજાયેલા આ શૈક્ષણિક કાર્યક્રમના મુખ્ય મહેમાન તરીકે માંડવી સેવામંડળના પ્રમુખ અશોકભાઈ શાહ ઉપસ્થિત રહ્યા હતા જ્યારે માંડવી તાલુકા નિવૃત પ્રાથમિક શિક્ષક સમાજના પ્રમુખ દિનેશભાઈ શાહ, મંત્રી દિલીપભાઈ જૈન, નગર સેવા સદનના કાઉન્સિલર અને જૈનનૂતન શાળાની એસ.એમ.સી.ના સભ્ય પારસભાઈ ભુજંગીભાઈ શાહ તથા કાઉન્સિલર મલયભાઈ લાલન અતિથિવિશેષ તરીકે ઉપસ્થિત રહ્યા હતા.
સમારોહના અધ્યક્ષ નિશાંતભાઈ શાહ અને મંચસ્થ મહેમાનોના હસ્તે દીપ પ્રગટાવીને કાર્યક્રમનો શુભારંભ થયો હતો. આ પ્રસંગે નિશાંતભાઈ શાહે જણાવ્યું હતું કે, બેંગ્લોર નિવાસી વતનપ્રેમી દાતાના સહયોગથી અમને શહેરની ૮ સરકારી પ્રાથમિક શાળાના બાલવાટિકામાં ૧૦૧ વિદ્યાર્થીઓને યુનિફોર્મ (ગણવેશ) લોકાર્પણની તક મળી છે.
સ્વાગત પ્રવચનમાં જૈનનૂતન પ્રાથમિક શાળા નં.-૩ ના આચાર્ય પુનિતભાઈ વાસાણીએ સૌને આવકારીને યુનિફોર્મના પ્રેરણાદાતા નિશાંતભાઈ શાહ અને દીપાબેન શાહને અભિનંદન પાઠવી, બેંગ્લોર નિવાસી વતનપ્રેમી દાતા પ્રત્યે આભારની લાગણી વ્યક્ત કરી હતી.
પ્રસંગ પરિચયમાં રાજ્ય/રાષ્ટ્રીય અને સમાજરત્ન વિજેતા દિનેશભાઈ શાહે જણાવ્યું હતું કે, દર વર્ષની જેમ આ વર્ષે પણ માંડવી શહેરની આઠ પ્રાથમિક શાળાના બાલવાટિકામાં નવીન પ્રવેશ મેળવનારા ૪૫ કુમાર અને ૫૬ કન્યા સહિત કુલ ૧૦૧ વિદ્યાર્થીઓને યુનિફોર્મ (ગણવેશ)નું લોકાર્પણ થયું છે, તે ખૂબ જ આનંદની વાત છે. તેમણે પ્રેરણાદાતા અને વતનપ્રેમી દાતાનો આભાર માન્યો હતો. જૈન અગ્રણી જયેશભાઈ જી. શાહે કાર્યક્રમને શુભેચ્છા પાઠવી હતી.
મંચસ્થ મહાનુભાવોના હસ્તે આઠેય શાળાના આચાર્યો નીલમબેન ગોહિલ, પુનિતભાઈ વાસાણી, વસંતભાઈ કોચરા, બળવંતસિંહ ઝાલા, જીતેશભાઈ કટુઆ, હિતેશભાઈ ગુંસાઈ અને વાલજીભાઈ ગઢવીને યુનિફોર્મ (ગણવેશ) અર્પણ કર્યા હતા.
માંડવીની જૈનનૂતન પ્રાથમિક શાળા નં.-૩ ના નિવૃત્ત શિક્ષિકા સ્વ. સુશીલાબેન હાથીભાઈ શાહ અને ગોકુલવાસ ગ્રુપ શાળાના નિવૃત્ત શિક્ષિકા સ્વ. વિમળાબેન હાથીભાઈ શાહની સ્મૃતિમાં દિલીપભાઈ જૈન તરફથી માંડવી શહેરની આઠ પ્રાથમિક શાળામાં વાર્ષિક પરીક્ષામાં ધોરણ ૩ થી ૮ માં પ્રથમ નંબરે પાસ થનારા તેજસ્વી તારલાઓને રોકડ પારિતોષિક મંચસ્થ મહાનુભાવોના હસ્તે અર્પણ કરાયા હતા.
આ પ્રસંગે માંડવી નગર સેવા સદનના કાઉન્સિલર પારસભાઈ ભુજંગીભાઈ સંઘવી અને મલયભાઈ લાલનનું પ.પૂ. નરેશમુનિ "આનંદ" મ.સા. લીખિત પુસ્તક "વિહારનો વૈભવ ભાગ-૬" અર્પણ કરી શાલ ઓઢાળીને વિશિષ્ટ બહુમાન કરાયું હતું.
સમારોહના અધ્યક્ષ નિશાંતભાઈ શાહ મુખ્ય મહેમાન અશોકભાઈ શાહ અને અતિથિવિશેષ દિલીપભાઈ જૈનને "વિહારનો વૈભવ ભાગ-૬" પુસ્તક અર્પણ કરી શાલ ઓઢાળીને સન્માન કરાયું હતું.
અતિથિવિશેષ પદેથી પારસભાઈ સંઘવી અને મલયભાઈ શાહે સન્માન બદલ આભાર માની, પોતાના સાથ સહકારની ખાત્રી આપી હતી.
સમગ્ર કાર્યક્રમનું સંચાલન શાળાના રાજ્ય પારિતોષિક એવોર્ડ વિજેતા શ્રીમતી ભારતીબેન ગોરે કરેલ હતું જ્યારે શાળાના ઉપાચાર્ય અને માંડવી તાલુકા પ્રાથમિક શિક્ષક સમાજના રાજ્ય પ્રતિનિધિ મનુભા જાડેજાએ આભારદર્શન કરેલ હતું.
3 months ago | [YT] | 2
View 0 replies
Crime King News
માંડવીમાં રવિવારે વિશ્વશાંતિ માટે વાજતે-ગાજતે શાસ્ત્રીય સામાયિક કરાવવામાં આવશે
માંડવી, તા.૧૨-૦૬
જૈનાચાર્ય રશ્મિરત્ન સુરીશ્વરજી મ.સા. આદી ઠાણા-૫ ની પાવન નિશ્રામાં માંડવીના શીતલ-પાર્શ્વ જિનાલયમાં આવેલા કલાપ્રભસૂરી આરાધના ભવનમાં તા.૧૩-૦૬ ને રવિવારના વિશ્વશાંતિ માટે માંડવીના ઈતિહાસમાં પહેલી જ વાર વાજતે-ગાજતે શાસ્ત્રીય (જોટો-૨) સામાયિક પાંચેગચ્છના ભાઈઓ અને બહેનોની ઉપસ્થિતિમાં કરાવવામાં આવશે.
વિશ્વશાંતિ માટે પાંચ મુદ્રામાં નવકાર મહામંત્રનો ભાષ્ય જાપ પણ કરાનાર હોવાનું માંડવી તપગચ્છ જૈન સંઘના પ્રમુખ ચંદ્રેશભાઈ શાહ અને પૂર્વ ટ્રસ્ટી તથા મીડિયા કન્વીનર દિનેશભાઈ મણીલાલ શાહે જણાવ્યું હતું. અત્રે એ ઉલ્લેખનીય છે કે, આ અગાઉ કચ્છ જિલ્લાના ભુજ, ગાંધીધામ, રાપર, આધોઈ, અંજાર અને મુન્દ્રામાં પણ જૈનાચાર્ય રશ્મીરત્ન સુરીશ્વરજી મ.સા.ની નિશ્રામાં શાસ્ત્રીય સામાયિકનું અભૂતપૂર્વ આયોજન થયું હોવાનું દિનેશભાઈ શાહે યાદીમાં ઉમેર્યું હતું.
__________________________
*From:-* દિનેશ એમ. શાહ
પુર્વ ટ્રસ્ટી તથા મીડિયા કન્વીનર
તપગચ્છ જૈન સંઘ - માંડવી
3 months ago | [YT] | 0
View 0 replies
Load more