Chandrakant Patil

दोह्यांच्या माध्यमातून समाजप्रबोधन करणारे, सत्य, समता आणि ईश्वरतत्त्वाचा साध्या-सोप्या भाषेत संदेश देणारे महान संत, संत कबीरदास यांना जयंतीनिमित्त विनम्र अभिवादन!

#संतकबीरदास #KabirJayanti

11 hours ago | [YT] | 5

Chandrakant Patil

सण सौभाग्याचा, सण मांगल्याचा...!

पतीच्या दीर्घायुष्यासाठी आणि सुखी संसारासाठी आदर, श्रद्धा अन् समर्पणाची भावना व्यक्त करणारा पवित्र सण म्हणजे 'वटपौर्णिमा'! या शुभ दिनानिमित्त सर्व माता-भगिनींना मंगलमय शुभेच्छा!

#वटपौर्णिमा #VatPurnima

13 hours ago | [YT] | 5

Chandrakant Patil

॥ राम कृष्ण हरी ॥ 🙏🚩

आषाढी वारी आणि वारकरी ही आपल्या महाराष्ट्राची विस्तीर्ण सांस्कृतिक आणि आध्यात्मिक ओळख आहे. दरवर्षी जून महिना उजाडला की, तमाम वारकरी बांधवांना वेध लागतात ते फक्त आणि फक्त आपल्या लाडक्या विठूरायाच्या दर्शनाचे. पंढरीच्या वाटेवर निघालेल्या या माऊलींचा प्रवास सुसह्य आणि सुखकर व्हावा, याच प्रामाणिक हेतूने प्रतिवर्षीप्रमाणे यंदाही कोथरुडमध्ये वारीसाठी आवश्यक असणारे सर्व पारमार्थिक साहित्य वारकऱ्यांना उपलब्ध करून देण्यात आले.

यावेळी पंढरीच्या वाटेवर निघालेल्या वारकरी माऊलींचे सहपत्निक दर्शन घेण्याचे, त्यांची मनोभावे पूजा करण्याचे आणि त्यांच्या सेवेत सहभागी होण्याचे भाग्य लाभले.

ही छोटीशी सेवा मी विठूरायाच्या आणि माझ्या वारकरी माऊलींच्या चरणी अर्पण करतो. सर्व वारकरी बांधवांचा हा भक्तीप्रवास मंगलमय आणि सुखकर होवो, हीच विठ्ठल चरणी प्रार्थना!

📍२८ जून २०२६ | कोथरूड

#आषाढी_वारी #वारी2026 #पंढरपूरवारी #विठ्ठल #रामकृष्णहरी #कोथरूड #Kothrud #warri2026

Skip the Carousel

1 2 3 4 5 6 7 8 9 10

13 hours ago | [YT] | 2

Chandrakant Patil

सांगली जिल्ह्यातील कायदा व सुव्यवस्था अधिक बळकट करण्याच्या दृष्टीने आज जिल्हाधिकारी कार्यालयात पोलीस प्रशासनासोबत सविस्तर आढावा बैठक माझ्या अध्यक्षतेखाली संपन्न झाली.

जिल्ह्यात कायदा व सुव्यवस्था अबाधित राहण्यासाठी पोलीस दलाने अधिक सतर्कतेने आणि प्रभावीपणे काम करावे, गुन्हेगारीला आळा घालण्यासाठी कठोर कारवाई करावी, तसेच संवेदनशील भागांमध्ये गस्त वाढवून सीसीटीव्ही यंत्रणेचा प्रभावी वापर करावा, असे निर्देश यावेळी दिले.

गंभीर गुन्ह्यांतील आरोपींना तातडीने अटक करून दोषारोपपत्र वेळेत दाखल करणे, सराईत गुन्हेगारांवर प्रतिबंधात्मक कारवाई करणे, संघटित गुन्हेगारी व अमली पदार्थांविरोधातील मोहिमा अधिक प्रभावीपणे राबविणे, महिलांच्या सुरक्षेसाठी आवश्यक उपाययोजना करणे आणि सोशल मीडियावरील अफवांवर नियंत्रण ठेवणे या विषयांवरही सविस्तर चर्चा करून आवश्यक सूचना दिल्या.

यावेळी जिल्हाधिकारी डॉ. मैनाक घोष, पोलीस अधीक्षक तुषार दोशी, अपर पोलीस अधीक्षक कल्पना बारवकर, माझे विशेष कार्य अधिकारी बाळासाहेब यादव, स्थानिक गुन्हे शाखेचे पोलीस निरीक्षक संजीवकुमार झाडे तसेच संबंधित अधिकारी उपस्थित होते.

📍२८ जून २०२६ | सांगली

#Sangli #LawAndOrder #PoliceAdministration #CitizenSafety #Maharashtra #DrugFreeMaharashtra

Skip the Carousel

1 2

1 day ago | [YT] | 3

Chandrakant Patil

आज सांगली जिल्हाधिकारी कार्यालयात जिल्हा माहिती कार्यालयाच्या वतीने तयार करण्यात आलेल्या 'पत्रकार संवादिका' मार्गदर्शक पुस्तिकेचे तसेच सामाजिक न्याय विभागाच्या विविध योजनांची माहिती देणाऱ्या घडीपत्रिकेचे प्रकाशन माझ्या हस्ते करण्यात आले.

पत्रकारांना शासनाच्या विविध कल्याणकारी योजनांची अचूक व सुलभ माहिती उपलब्ध व्हावी, तसेच पात्र लाभार्थ्यांना योजनांचा लाभ घेणे अधिक सुलभ व्हावे, या उद्देशाने तयार करण्यात आलेली 'पत्रकार संवादिका' निश्चितच उपयुक्त ठरेल, असा विश्वास आहे.

याचबरोबर सामाजिक न्याय विभागाच्या योजनांची माहिती नागरिकांपर्यंत प्रभावीपणे पोहोचविणारी घडीपत्रिका जनजागृतीसाठी महत्त्वपूर्ण ठरेल. अशा लोकाभिमुख उपक्रमांमुळे शासनाच्या योजना अधिकाधिक नागरिकांपर्यंत पोहोचण्यास निश्चितच मदत होईल.

या प्रकाशन कार्यक्रम प्रसंगी जिल्हाधिकारी डॉ. मैनाक घोष, जिल्हा नियोजन अधिकारी अशोक पाटील, समाज कल्याण विभागाचे सहाय्यक आयुक्त बाळासाहेब कामत, विशेष कार्य अधिकारी बाळासाहेब यादव, जिल्हा माहिती अधिकारी संप्रदा बीडकर यांच्यासह विविध विभागांचे अधिकारी उपस्थित होते.

📍२८ जून २०२६ | सांगली

#Sangli #पत्रकार_संवादिका #SocialJustice #GovernmentSchemes #Maharashtra सांगली

Skip the Carousel

1 2

1 day ago | [YT] | 6

Chandrakant Patil

महाराष्ट्राच्या क्रीडा सामर्थ्याचा अभिमान!

'नॅशनल इंटर स्टेट सीनियर ॲथलेटिक्स चॅम्पियनशिप'मधील मेन्स हाय जंप प्रकारात महाराष्ट्राचा सुपुत्र सर्वेश कुशारे याने २.३१ मीटर उंच उडी मारत नवा राष्ट्रीय विक्रम प्रस्थापित केला, ही संपूर्ण महाराष्ट्रासाठी अत्यंत अभिमानाची बाब आहे.

या ऐतिहासिक कामगिरीमुळे त्याने एशियन गेम्स २०२६ साठी भारतीय संघात आपले स्थानही निश्चित केले आहे.

सर्वेश कुशारे याचे या देदीप्यमान यशाबद्दल मनःपूर्वक अभिनंदन! आगामी आंतरराष्ट्रीय स्पर्धांमध्येही तो भारतासह महाराष्ट्राचा तिरंगा अधिक उंचावेल, असा मला विश्वास आहे. त्याच्या उज्ज्वल भविष्यासाठी हार्दिक शुभेच्छा!

#SarveshKushare #NationalRecord #AsianGames2026 #MaharashtraPride #Athletics

1 day ago | [YT] | 2

Chandrakant Patil

'मन की बात' : विकसित भारताच्या संकल्पाला नवी दिशा

आज सांगली जिल्हाधिकारी कार्यालय येथे मा. पंतप्रधान नरेंद्र मोदीजी यांचा'मन की बात' कार्यक्रम पाहिला.

या संवादामध्ये मोदीजींनी संरक्षण क्षेत्रात भारताने आत्मनिर्भरतेच्या दिशेने घेतलेली उल्लेखनीय झेप, आंतरराष्ट्रीय योग दिनाचे जागतिक महत्त्व, केंद्र शासनाच्या लोककल्याणकारी योजनांचा समाजावर होत असलेला सकारात्मक परिणाम तसेच देशभरातील विविध व्यक्ती आणि संस्थांनी राबविलेल्या प्रेरणादायी उपक्रमांचा विशेष उल्लेख केला.

राष्ट्रहित, जनसहभाग आणि सेवाभाव या मूल्यांवर आधारित हा संवाद प्रत्येक नागरिकाला देशाच्या प्रगतीत सक्रिय योगदान देण्याची प्रेरणा देणारा ठरला.

📍२८ जून २०२६ | सांगली

#MannKiBaat #PMModi #ViksitBharat #AtmanirbharBharat #InternationalYogaDay

Skip the Carousel

1 2 3 4

1 day ago | [YT] | 1

Chandrakant Patil

पारदर्शक आणि अचूक मतदार यादीसाठी एसआयआर अभियानाला गती…

कोथरूड विधानसभा मतदारसंघात Special Intensive Revision (SIR) अभियानाच्या अनुषंगाने आयोजित बैठकीस उपस्थित राहिलो. लोकशाही अधिक सक्षम करण्यासाठी मतदार यादी अचूक आणि अद्ययावत असणे अत्यंत महत्त्वाचे आहे.

या बैठकीत मृत, दुबार आणि स्थलांतरित मतदारांची नावे मतदार यादीतून वगळणे, तसेच एकही पात्र मतदार यादीतून वंचित राहणार नाही याची दक्षता घेण्याबाबत सविस्तर मार्गदर्शन केले. सर्व बूथ प्रमुख, शक्ती केंद्र प्रमुख आणि संबंधित पदाधिकाऱ्यांनी आपल्या भागातील मतदार याद्यांचे बारकाईने परीक्षण करून आढळणाऱ्या त्रुटी तात्काळ निवडणूक आयोगाच्या निदर्शनास आणून द्याव्यात, असे आवाहन केले.

या बैठकीस प्रदेश सरचिटणीस राजेश पांडे, वर्षाताई डहाळे, शेखर इनामदार, शहराध्यक्ष धीरजजी घाटे, पुणे शहर सरचिटणीस दीपक पोटे, सुशील मेंगडे, नगरसेवक पुनीत जोशी, तसेच तीनही मंडलांचे अध्यक्ष, पदाधिकारी आणि कार्यकर्ते मोठ्या संख्येने उपस्थित होते.

सर्वांच्या सक्रिय सहभागातून हे अभियान अधिक प्रभावीपणे राबवले जाईल, असा विश्वास आहे.

📍कोथरूड

#SIRअभियान #कोथरूड #मतदारयादी #लोकशाही #भाजपा #Pune #ElectionCommission #VoterAwareness

Skip the Carousel

1 2 3 4

1 day ago | [YT] | 0

Chandrakant Patil

पोलिओमुक्त महाराष्ट्राच्या संकल्पासाठी प्रत्येकाचा सहभाग महत्त्वाचा!

संपूर्ण देशभर राबविण्यात येत असलेल्या पल्स पोलिओ लसीकरण मोहिमेअंतर्गत आज सांगली येथे आयोजित कार्यक्रमात सहभागी झालो. यावेळी लसीकरण झालेल्या चिमुकल्यांचे आणि त्यांच्या पालकांचे मनःपूर्वक अभिनंदन केले.

पोलिओसारख्या गंभीर आजारावर मात करण्यासाठी प्रतिबंधात्मक लसीकरण हाच सर्वात प्रभावी उपाय आहे. त्यामुळे ० ते ५ वर्षे वयोगटातील प्रत्येक बालकाला पोलिओ प्रतिबंधक लसीचे दोन थेंब पाजणे ही प्रत्येक पालकाची जबाबदारी आहे.

निरोगी, सुरक्षित आणि पोलिओमुक्त महाराष्ट्र ही आपली सामूहिक जबाबदारी आहे. या जनहिताच्या मोहिमेत प्रत्येकाने सक्रिय सहभाग नोंदवून एकही बालक लसीकरणापासून वंचित राहणार नाही, याची काळजी घेण्याचे आवाहन मी सर्व नागरिकांना करतो.

📍२८ जून २०२६ | सांगली

#PulsePolio #PolioFreeMaharashtra #HealthyChildren #Sangli #सांगली #पल्स_पोलिओ #पोलिओमुक्तमहाराष्ट्र #जनसेवा

Skip the Carousel

1 2 3 4 5 6 7 8 9 10

1 day ago | [YT] | 4

Chandrakant Patil

२५ जून १९७५, आधुनिक भारताच्या इतिहासातील एक काळाकुट्ट दिवस.

भारतीय लोकशाही आणि संविधानाची गळचेपी करत देशात आणीबाणी लादण्यात आली. कोणताही गुन्हा नसताना हजारो राजकीय नेते आणि कार्यकर्त्यांना तुरुंगात डांबण्यात आले. वृत्तपत्रांवर कठोर सेन्सॉरशिप लादली गेली. अभिव्यक्ती स्वातंत्र्याची खुलेआम पायमल्ली झाली. न्यायव्यवस्थेवर दबाव आणला गेला. हजारो लोकांना रातोरात बेघर करण्यात आले. कलाकार आणि विचारवंतांवरही निर्बंध घालण्यात आले.

दडपशाहीच्या या कठीण काळात लोकशाही आणि संविधानिक मूल्यांच्या रक्षणासाठी प्राणपणाने संघर्ष करणाऱ्या सर्व भारतीयांना सलाम.

#SamvidhanHatyaDiwas
#Emergency1975 #आणीबाणी

4 days ago | [YT] | 4