our tharikida journey😉

https://youtu.be/QXUafWof8mU

1 year ago | [YT] | 3

our tharikida journey😉

ചോറ്,ചപ്പാത്തി,ദോശക്കൊപ്പം ഈ ഒരൊറ്റ കറി മതി!!!
https://youtu.be/aOzvIppm1Jw

1 year ago | [YT] | 9

our tharikida journey😉

ഒരു മുത്തശ്ശിമാവിന്റെ ചിന്തകൾ :

നേരത്തെ വന്ന മഴയുടെ തഴുകലിൽ പൂക്കളത്രയും പൊഴിഞ്ഞു ...
കൂട്ടത്തിൽ തല മൂത്തപൂക്കൾ കണ്ണി മാങ്ങകൾ ആയും..☹️
ഉള്ളിലെ ഈർഷ്യ
മറച്ചു വെച്ച് "നീയെന്തെ ഇത്ര നേരത്തെ" എന്ന് മഴയോട് ലോഹ്യം ചോദിച്ചു...കാലോം സമയോം ഒക്കെ ഇപ്പൊ ആരാ നോക്കണേ ന്ന് അലസമായൊരു മറുപടി..ഒന്നുടെ ചോദിക്കാൻ പോവാർന്നു..അപ്പോഴേക്കും ധൃതിപെട്ടോടി.അഹങ്കാരി...അല്ലേലും അവളാകെ മാറിപോയിരിക്കുന്നു...ഒന്നുകിൽ മിണ്ടാട്ടമില്ലാതെ...അല്ലേൽ ആർത്തലച്ച്...സൊറ പറഞ്ഞും കളിച്ചും ചിരിച്ചും നൂൽപ്പാലം തീർക്കുന്ന, അവളെ കാണാൻ എന്തൊരു ചന്തം ആർന്നു..അല്ലേലും അതൊക്കെ ഒരു കാലം...

കണ്ണിമാങ്ങ പെറുക്കാൻ വന്നിരുന്ന കുരുന്നുകളും,കല്ലെറിഞ്ഞു മാങ്ങാ വീഴ്ത്താൻ മത്സരിച്ചിരുന്ന വികൃതി പിള്ളേരും..കാര്യം കുറച്ചൊന്നു നോവുമെങ്കിലും..ആസ്വദിച്ചിരുന്നു എല്ലാം...ചില വികൃതികൾ കേറി വന്നിരുന്ന് താഴെക്ക് മുള്ളും 🤣ശ്യോ പരിസരം വൃത്തികേടാവുമെങ്കിലും ചിരിച്ചൊരു വഴിക്കാവും..ഇപ്പൊ ഈ വഴിക്കൊന്നും പിള്ളേരെ കാണാറില്ല..മൊബൈലിലും ടാബിലും ആണത്രേ ഇപ്പൊ കല്ലേർ.താഴെ ക്ലിക്കിയാൽ കല്ല് കൊള്ളും...എത്ര മാങ്ങ വീണെന്ന് മേലെ തെളിയും..പറക്കേം വേണ്ട..എണ്ണുകേം വേണ്ട..വല്ലാത്തൊരു കുന്ത്രാമണ്ടി..അതോണ്ടൊക്കെ തന്നെ ആവും കഴിഞ്ഞ വേനലവധിക്ക് വന്നെപ്പോ "ഈ മരത്തേലാണോ മാങ്ങ ഉണ്ടാവുന്നെ" എന്നൊക്കെ ആ ചെക്കൻ ചോദിച്ചിരുന്നേ😏ഈയിടെയായി വല്ലാത്തൊരു ഒറ്റപെടലാണ്..
വല്ലപ്പോഴും വിശേഷം പറഞ്ഞിരുന്ന് മാങ്ങഅണ്ടി ചപ്പാൻ വന്നിരുന്ന അണ്ണാനും,അന്ന് അവൾടെ കുഞ്ഞിനെ ഏതോ ചെക്കൻ റീൽസ് എടുക്കാൻ കൂട്ടിലാക്കിയെന്നും പറഞ്ഞു തല തല്ലി കരഞ്ഞു പോയ പോക്കാണ്...പിന്നേ നാളിതു വരെയായിട്ടും അവളെ കണ്ടെയില്ല ☹️..കഴിഞ്ഞ ഓണകാലത്ത് വ്ലോഗ് എന്നും പറഞ്ഞു ഒരുത്തി വന്നിരുന്നു..സെറ്റ് സാരി, ഷർട്ടിനും ജീൻസിനും മേലെ ധരിച്ചിരുന്നോണ്ട് പെണ്ണാണോ ആണാണോ എന്ന് ആദ്യമൊന്ന് സംശയിച്ചു...Hi guyz..എന്നൊക്കെ വിളിച്ചു കൂവി വീഡിയോ എടുക്കുന്നുണ്ടായിരുന്നു..സൗണ്ട് കേട്ടപ്പോ പെണ്ണെന്നു മനസിലായി.
താഴെ കൊമ്പിൽ ഊഞ്ഞാലിട്ട്...ഒരു 10-20സെക്കന്റ് ആടിയിട്ട് കാമറയിൽ പകർത്തി പോയ പോക്കാണ്..പിന്നീട് അവളേം കണ്ടിട്ടില്ല..ആകെ കൂടെ മാസത്തിൽ ഒന്നോ രണ്ടോ തവണ ചവർമാന്തിയും കൊണ്ട് ഒരു ബംഗാളി വരാറുണ്ട്..കൊഴിഞ്ഞ ഇലകളുടെ കൂമ്പാരം നോക്കി, ഹിന്ദിയിലുള്ള അയാൾടെ പ്രാക്ക് കേട്ട് മനസ്സ് മടുത്തു.

അല്ലേലും പാതി ചത്ത മനസുമായി ജീവിക്കാൻ തുടങ്ങിയിട്ട് കാലം കുറച്ചായി..ഇവിടുത്തെ തറവാട് rennovation ചെയ്തെപ്പോ landscaping എന്നും പറഞ് കോമാവണ്ണനെ അറുത്തു മാറ്റിയത് പച്ചക്ക് നോക്കി നിൽക്കേണ്ടി വന്നവളാണ് ഈ ഞാൻ..അന്നു തൊട്ടിന്നോളം തനിച്ചായി പോയതിന്റെ വേദന വല്ലാതുണ്ട്.കാറ്റിൽ ഇലകൾ ആടി ഉലയുമ്പോഴും,മഴയിൽ നനയുമ്പോഴും,മഞ്ഞിൽ കുളിരുമ്പോഴും... മനസ് അറിയാതെ, നോട്ടം അങ്ങോട്ടേക്ക് നീളാറുണ്ട് .. ഇപ്പോഴും കണ്ണിമ വെട്ടാതെ നോക്കി നിൽക്കുന്നുണ്ട് എന്നു തോന്നി പോവും ചിലപ്പോഴേക്കെ..തോന്നൽ മാത്രമാണെന്ന തിരിച്ചറിവിൽ വേദനയോടെ കണ്ണുകളെ പിൻവലിക്കും..ഉള്ളപ്പോൾ ശെരിക്കും അങ്ങട് നോക്കാൻ പറ്റാറില്ലായിരുന്നു...അതാണ് പ്രണയം..കാണാൻ ഏറെ ആഗ്രഹിക്കുന്ന ആളെ നോക്കാൻ പറ്റാത്ത അവസ്ഥ..ആ ശൂന്യതയിൽ ഇപ്പൊ ഇന്റർലോക്ക് കട്ടകൾ വിലസുന്നു.😔

അന്ന് കൊറേ പേരെ കൊന്നു കളഞ്ഞിരുന്നു..കൊടുംവേനലിൽ ദാഹിച്ചു തളർന്നിരിക്കുമ്പോ ഇല പൊഴിച്ചു ചിലവ് കുറക്കാൻ ഉപദേശിച്ചിരുന്ന അയിനി കാർന്നോരെ അന്ന് വെട്ടി മുറിച്ചു കൊലപെടുത്തി...ഒന്നു രണ്ടു പേരെ ട്രാൻസ്‌പ്ലാന്റിതു.വേരുകൾ അറുത്തു പാതിജീവനോടെ കൊണ്ടൊവുമ്പോ ഉള്ള ഞരക്കം ഇന്നും ഒരു വിങ്ങലാണ്..ഇളയ മകൻക് വീട് വെക്കുന്നത് ഇവിടാണത്രേ...അതു വരെ ജീവിച്ച മതിലോ എന്നാണിപ്പോഴെത്തെ ഏക ആശ്വാസം...ആണ്ടിലൊരിക്കൽ കുറച്ചു ദിവസം തങ്ങാനാണ് വരുന്നതെങ്കിൽ പോലും ആളെണ്ണി വീട് വേണോലോ...ഓരോ വരവിലും കാലങ്ങൾക്കാനുസൃതമായ മോഡലിലേക് മാറ്റി പ്രതാപം നിലനിർത്തേണ്ടതുണ്ടല്ലോ...അതിനിടയിൽ ഈ പാവങ്ങളുടെ മനസ്സ് ആരറിയാൻ...ആരോടൊക്കെയോ മനസ്സ് തുറന്ന ആശ്വാസത്തിൽ വേരൊക്കെ ഒന്നുടെ ചുരുക്കി പിടിച്ചു ചുരുണ്ടു കിടന്നു..2വേരോന്നു നിവർത്തി വെച്ചതിന്റെ പേരിൽ ഇന്റർലോക്ക് പൊളിഞ്ഞു ന്നും പറഞ്ഞ്,അറുത്തു മാറ്റിയ വേരിന്റെ നീറുന്ന വേദനയുമായി....

1 year ago | [YT] | 11