Jayani Ishara - Invidious

මෙන්න මෙයාව අදුරනවද බලන්න👀

මෙයා අපෙ ගෙදර ඇවිත් අවුරුද්දයි දවස් ගානක් වෙනවා අදට.

ඒ වගේම අපේ ටිමී නැතිවෙලාත් අවුරුද්දයි මාස 1 ක් වෙනවා. එයා නැතිවුනෙ වයසට ගිහිල්ලා ටිකක් ලෙඩින් හිටියෙ අන්තිම කාලෙ. එයා ගොඩක් අමාරුවෙන් තමයි අන්තිම කාලෙ ඇවිද්දෙ අසනීප නිසා. ඒත් ටිමී කවදාවත් ගෙදර වත්තෙ ජරා කරන්නෙ නෑ. එයාට වෙලටම තමයි යන්න ඕන ජරා කරන්න. කොච්චර අසනීප වුනත් වැටි වැටි හරි වෙලට යනවා. අපේ ගෙදර තියෙන්නෙ කන්ද ඉඩක නිසා එයාට වෙලට ගියාට උඩට එන්න තනියම ගොඩක් අමාරුයි. අපි තමයි පාරෙ වැටිලා ඉන්නකොට උස්සන් ඇවිත් ගෙදරින් තියන්නෙ. එයා අන්තිමට නැතිවුනෙ ලොරියකට යට වෙලා. එයා පාර අයිනෙ නිදාගෙන හිටියෙ. ලොරිය ආපු වේගෙට ටිමීට නැගිට ගන්න වෙලා මදි වුනා. ටිමී අපි බලන් ඉද්දිම ලොරියට යට වුනා. ලොකු කෑගැහිල්ලකුත් එක්කම ටිමි අපිව දාලා යන්නම ගියා. අපේ නංගි එදා බිම පෙරලි පෙරලි කෑගගහා ඇඩුවේ. ගෙදර ඔක්කොටම දුකයි. අයියා රටනෙ හිටියෙ එයාත් දුක් වුනා.

ටිමී නැති වුනාට පස්සෙ ආයෙ අපේ ගෙදර බල්ලො හදන්නෙ නෑ කියලා තමයි හිතන් හිටියෙ. අපි දන්නෙත් නෑ බෲනො අපේ ගෙදරටම අරන් එනකන්. එපා කියලා තියෙද්දි අපිටත් හොරෙන් අය්යා තමයි චතු අයියාට කියලා තියෙන්නෙ හේනෙගම බලු පැටියෙක් ඉන්නවා ඒ බලු පැටියාව අරන් ඇවිත් අපේ ගෙදරට දෙන්න කියලා. කොහොමහරි අපි අයෙ බලුපැටියෙක් හදනවා.