SULAIMAN SHAH OFFICIAL

2 months ago | [YT] | 2

SULAIMAN SHAH OFFICIAL

پلٹ کے دیکھ رہا ہے جو آنکھ بھر کے مجھے
غمِ جدائی صلہ دے گیا گزر کے مجھے

میں خواب ڈھونڈنے نکلی تھی گرد لے آئی
سراب دیکھنے آئے ہیں عمر بھر کے مجھے

میں سن رہی ہوں صدائیں اداس رستوں میں
پکارتی ہیں خزائیں بکھر بکھر کے مجھے

مرے وجود کے پاتال میں گزیدہ ہیں
جو خواب بیچ رہے ہو ادھر ا'دھر کے مجھے

نہ جانے کون سے وقتوں میں کھو گئیں ہم سے
بلا رہیں ہیں بہاریں جو بن سنور کے مجھے

شائستہ مفتی
#shaistamufti. #urdupoetrylines. #urduforum. #goodvibesonly. #urdushairi. #loveyouzindagi. #urdupoetry. @highlight

2 months ago | [YT] | 0

SULAIMAN SHAH OFFICIAL

وہ تَہی دَست بھی کیا خوب کہانی گَر تھا
باتوں باتوں میں مجھے چاند بھی لا دیتا تھا

ہنساتا تھا مجھ کو تو پھر وہ رُلا بھی دیتا تھا
کر کے وہ مجھ سے اکثر وعدے بُھلا بھی دیتا تھا

بے وفا تھا بہت مگر دل کو اچھا لگتا تھا
کبھی کبھار باتیں محبت کی سُنا بھی دیتا تھا

کبھی بے وقت چلا آتا تھا ملنے کو
کبھی قیمتی وقت محبت کے گنوا بھی دیتا تھا

تھام لیتا تھا میرا ہاتھ کبھی یوں ہی خود
کبھی ہاتھ اپنا میرے ہاتھ سے چھڑا بھی لیتا تھا

عجیب دھوپ چھاؤں سا مزاج تھا اُس کا
معتبر بھی رکھتا تھا نظروں سے گرا بھی دیتا تھا...!

پروین شاکر

2 months ago | [YT] | 0

SULAIMAN SHAH OFFICIAL

جلووں کو ترے دیکھ کے جی چاہ رہا ہے
آنکھوں میں اتر آئے مرا کیفِ نظر بھی

واعظ نہ ڈرا مجھ کو قیامت کی سحر سے
دیکھی ہے ان آنکھوں نے قیامت کی سحر بھی

اُس دل کے تصدق جو محبت سے بھرا ہو
اُس درد کے صدقے جو ادھر بھی ہو اُدھر بھی



جگر مراد آبادی

2 months ago | [YT] | 0

SULAIMAN SHAH OFFICIAL

یہ دل یہ پاگل دل میرا کیوں بجھ گیا آوارگی
اس دشت میں اک شہر تھا وہ کیا ھوا آوارگی

کل شب مجھے بے شکل کی آواز نے چونکا دیا
میں نے کہا تو کون ھے اس نے کہا آوارگی

لوگو بھلا اس شہر میں کیسے جئیں گے ھم جہاں
ھو جرم تنہا سوچنا لیکن سزا آوارگی

یہ درد کی تنہائیاں یہ دشت کا ویراں سفر
ھم لوگ تو اکتا گئے اپنی سنا آوارگی

اک اجنبی جھونکے نے جب پوچھا میرے غم کا سبب
صحرا کی بھیگی ریت پر میں نے لکھا آوارگی

اس سمت وحشی خواھشوں کی زد میں پیمان وفا
اس سمت لہروں کی دھمک کچا گھڑا آوارگی

کل رات تنہا چاند کو دیکھا تھا میں نے خواب میں
محسنؔ مجھے راس آئے گی شاید سدا آوارگی

سید مُحسن نقوی

2 months ago | [YT] | 0

SULAIMAN SHAH OFFICIAL

مرزا غالب
دل ناداں تجھے ہوا کیا ہے
آخر اس درد کی دوا کیا ہے

ہم ہیں مشتاق اور وہ بیزار
یا الٰہی یہ ماجرا کیا ہے

میں بھی منہ میں زبان رکھتا ہوں
کاش پوچھو کہ مدعا کیا ہے

جب کہ تجھ بن نہیں کوئی موجود
پھر یہ ہنگامہ اے خدا کیا ہے

سبزہ و گل کہاں سے آئے ہیں
ابر کیا چیز ہے ہوا کیا ہے

ہم کو ان سے وفا کی ہے امید
جو نہیں جانتے وفا کیا ہے

ہاں بھلا کر ترا بھلا ہوگا
اور درویش کی صدا کیا ہے

جان تم پر نثار کرتا ہوں
میں نہیں جانتا دعا کیا ہے

میں نے مانا کہ کچھ نہیں غالبؔ
مفت ہاتھ آئے تو برا کیا ہے

2 months ago | [YT] | 0

SULAIMAN SHAH OFFICIAL

اجڑے ہوئے لوگوں سے گریزاں نہ ہوا کر
حالات کی قبروں کے یہ کتبے بھی پڑھا کر

اس شخص کے تم سے بھی مراسم ہیں تو ہوں گے
وہ جھوٹ نہ بولے گا مرے سامنے آ کر

کیا جانئے کیوں تیز ہوا سوچ میں گم ہے
خوابیدہ پرندوں کو درختوں سے اڑا کر

وہ آج بھی صدیوں کی مسافت پہ کھڑا ہے
ڈھونڈا تھا جسے وقت کی دیوار گرا کر

ہر وقت کا ہنسنا تجھے برباد نہ کر دے
تنہائی کے لمحوں میں کبھی رو بھی لیا کر

اے دل تجھے دشمن کی بھی پہچان کہاں ہے
تو حلقۂ یاراں میں بھی محتاط رہا کر

اس شب کے مقدر میں سحر ہی نہیں محسنؔ
دیکھا ہے کئی بار چراغوں کو بجھا کر

محسنؔ نقوی~

2 months ago | [YT] | 0

SULAIMAN SHAH OFFICIAL

زخم کو پُھول تو صَرصَر کو صبا کہتے ہیں
جانے کیا دور ہے کیا لوگ ہیں کیا کہتے ہیں

کیا قیامت ہے کہ جِن کے لیے رُک رُک کے چلے
اب وہی لوگ ہمیں ، آبلہ پا کہتے ہیں

کوئی بتلاؤ کہ اِک عُمر کا بِچھڑا محبوب
اتفاقاً کہیں مِل جائے تو ، کیا کہتے ہیں

یہ بھی اندازِ سُخن ہے کہ جفا کو تیری
غمزہ و عشوہ و ، انداز و ادا کہتے ہیں

کیا تعجُب ہے کہ ہم اہلِ تمنا کو فرازؔ
وہ جو محرومِ تمنا ہیں بُرا کہتے ہیں...!

2 months ago | [YT] | 0

SULAIMAN SHAH OFFICIAL

بھول ہو جاتی ہے یوں طیش میں آیا نہ کرو
فاصلے ختم کرو بات بڑھایا نہ کرو
یہ نگاہیں یہ اشارے یہ ادائیں توبہ
ان شرابوں کو سر عام لٹایا نہ کرو
شام گہری ہو تو کچھ اور حسیں ہوتی ہے
سایۂ زلف کو چہرے سے ہٹایا نہ کرو
کالی کالی زلفوں کے پھندے نہ ڈالو
ہمیں زندہ رہنے دو اے حسن والو

نہ چھیڑو ہمیں ہم ستائے ہوئے ہیں
بہت زخم سینے پہ کھائے ہوئے ہیں
ستم گر ہو تم خوب پہچانتے ہیں
تمہاری اداؤں کو ہم جانتے ہیں
دغا باز ہو تم ستم ڈھانے والے
فریب محبت میں الجھانے والے
یہ رنگیں کہانی تمہی کو مبارک
تمہاری جوانی تمہی کو مبارک
ہماری طرف سے نگاہیں ہٹا لو

کالی کالی زلفوں کے پھندے نہ ڈالو
ہمیں زندہ رہنے دو اے حسن والو
زنجیر میں زلفوں کی پھنس جانے کو کیا کہیے
دیوانہ میرا دل ہے دیوانے کو کیا کہیے
سنبھالو ذرا اپنا آنچل گلابی
دکھاؤ نہ ہنس ہنس کے آنکھیں شرابی
سلوک ان کا دنیا میں اچھا نہیں ہے
حسینوں پہ ہم کو بھروسہ نہیں ہے
اٹھاتے ہیں نظریں تو گرتی ہیں بجلی
ادا جو بھی نکلی قیامت ہی نکلی
جہاں تم نے چہرے سے آنچل ہٹایا
وہیں اہل دل کو تماشہ بنایا
کالی کالی زلفوں کے پھندے نہ ڈالو
ہمیں زندہ رہنے دو اے حسن والو

خدا کے لیے ہم پہ ڈورے نہ ڈالو
ہمیں زندہ رہنے دو اے حسن والو
آوارہ ہوئی جاتی ہے زلفوں کو سنبھالو
دل میرا الجھ جائے گا یہ جال نہ ڈالو
کالی کالی زلفوں کے پھندے نہ ڈالو
ہمیں زندہ رہنے دو اے حسن والو

اپنی اس زلف پریشاں کو سنبھالو ورنہ
ایسے گستاخ کو ہم چوم لیا کرتے ہیں
کالی کالی زلفوں کے پھندے نہ ڈالو
ہمیں زندہ رہنے دو اے حسن والو

الجھا ہے پاؤں یار کا زلف دراز میں
لو آپ اپنے دام میں صیاد آ گئے
کالی کالی زلفوں کے پھندے نہ ڈالو
ہمیں زندہ رہنے دو اے حسن والو

سدا وار کرتے ہو تیغ وفا کا
بہاتے ہو تم خون اہل وفا کا
یہ ناگن سی زلفیں یہ زہریلی نظریں
وہ پانی نہ مانگے یہ جس کو ڈس لے
وہ لٹ جائے جو تم سے دل کو لگا لے
پھر حسرتوں کا جنازہ اٹھائے
ہے معلوم ہم کو تمہاری حقیقت
محبت کے پردے میں کرتے ہو نفرت
کہیں اور جا کے ادائیں اچھالو
کالی کالی زلفوں کے پھندے نہ ڈالو
ہمیں زندہ رہنے دو اے حسن والو

یہ جھوٹی نمائش یہ جھوٹی بناوٹ
فریب نظر ہے نظر کی لگاوٹ
یہ سنبل سے گیسو یہ عارض گلابی
زمانے ملائیں گے اک دن خرابی
فناؔ ہم کو کر دے نہ یہ مسکرانا
ادا کافرانہ چلن ظالمانہ
دکھاؤ نہ یہ عشوہ و ناز ہم کو
کسی اور پر زلف کا جال ڈالو
سکھاؤ

2 months ago | [YT] | 1

SULAIMAN SHAH OFFICIAL

بچھڑ کر بھی محبت کے زمانے یاد رہتے ہیں
اجڑجاتی ہے محفل اور چہرے یاد رہتے ہیں

میں خوشبو کی مدد سے آپ کو پہچان لیتا ہوں
نشے میں بھی مجھے اپنے پرائے یاد رہتے ہیں

سمندر کی نظر پھیلاؤ پر مرکوز رہتی ہے
میں دریا ہوں مجھے اپنے کنارے یاد رہتے ہیں

خدا نے یہ صفت دنیا کی ہر عورت کو بخشی ہے
کہ وہ پاگل بھی ہو جائے تو بیٹے یاد رہتے ہیں

شگفتہ لوگ بھی ٹوٹے ہوئے ہوتے ہیں اندر سے
بہت روتے ہیں وہ جن کو لطیفے یاد رہتے ہیں

#منور_رانا

2 months ago | [YT] | 0