Amit Thackeray MNS Updates

Welcome to the ultimate destination for everything related to Raj Thackeray, Amit Thackeray, and the Maharashtra Navnirman Sena (MNS)!

Here, you’ll find daily updates, exclusive speeches, political rallies, powerful interviews, and in-depth insights on Maharashtra’s most dynamic political movement.

We bring you real-time news, unfiltered coverage straight from the heart of MNS activities — highlighting Raj Saheb’s inspiring leadership and Amit Thackeray’s vision for Maharashtra’s youth.

Whether you’re a supporter, follower, or simply interested in Maharashtra politics, this is your one-stop channel for authentic, timely, and engaging content.

🎯 Subscribe now and be part of the movement!
🔔 Stay updated with every major event, rally, and announcement from MNS!

🧡 #RajThackeray #AmitThackeray #MNS #MarathiManoos #ThackeraySpeech #ThackerayFamily #speech

राज ठाकरे, अमित ठाकरे, महाराष्ट्र नवनिर्माण सेना, महाराष्ट्राचा आवाज

जय महाराष्ट्र! 🇮🇳 #JaiMaharashtra

View channel on YouTube

Switch Invidious Instance

Videos

Shorts

Posts

Amit Thackeray MNS Updates

१९ मार्च २०२६ ला राजसाहेबांनी मुंबईतील छत्रपती शिवाजी महाराज मैदानावर गुढी पाडवा मेळाव्यात महाराष्ट्राच्या पुढच्या पिढ्यांसाठीचा विकास आराखडा बनणवण्याच्या हेतूने, ‘महाराष्ट्र नेक्स्ट’ हे संकेतस्थळ महाराष्ट्राला अर्पण केलं. त्यानंतर गेल्या १२ तासांत या संकेतस्थळावर काही दशहजार लोकांनी भेट दिली. त्यानंतर काही विघ्नसंतोषी लोकांनी याच नावाचं एक दुसरं संकेतस्थळ बनवून दिशाभूल करण्याचा प्रयत्न सुरू केला आहे. अशा विघ्नसंतोषींच्या विरोधात जी कारवाई करायची असेल ती केली जाईल. पण आपल्या महाराष्ट्र नेक्स्ट या संकेतस्थळाची लिंक सोबत जोडत आहोत. ती जास्तीत जास्त महाराष्ट्रभर आणि देशभर पसरेल हे जरूर पहा.

Maharashtra-next.in

#MaharashtraNext #महाराष्ट्र_पुढचा

1 day ago | [YT] | 303

View 3 replies

Amit Thackeray MNS Updates

महाराष्ट्र पुढचा': प्रगत महाराष्ट्रासाठी राज ठाकरेंचे पुढचे पाऊल!

सन्माननीय राजसाहेबांनी 'महाराष्ट्र पुढचा' (Maharashtra Next) हा प्रगत महाराष्ट्राचा विचार तमाम जनतेसमोर मांडला आहे. महाराष्ट्राच्या सर्वांगीण विकासासाठी तुमच्या मनात असलेल्या कल्पना, नाविन्यपूर्ण विचार किंवा सूचना आता तुम्ही थेट www.maharashtra-next.in/ ह्या संकेतस्थळावर मांडू शकता.

प्रक्रिया समजून घ्या.

✅ तुमचे मत मांडणे गरजेचे, तुम्ही तुमच्या सूचना संकेतस्थळावर नोंदवू शकता.
✅ तुमच्या सूचना थेट त्या क्षेत्रातील अभ्यासकांपर्यंत पोहोचतील.
✅ तुमच्या योग्य सूचनांचा पाठपुरावा महाराष्ट्र नवनिर्माण सेनेतर्फे केला जाईल.
✅ जर सरकारला तुमची संकल्पना आवडली आणि त्याची अंमलबजावणी करायची असेल, तर तुमची परवानगी घेऊनच तुमची माहिती दिली जाईल, अन्यथा तुमची माहिती पूर्णपणे गोपनीय ठेवली जाईल.

आजच सहभागी व्हा आणि महाराष्ट्राच्या जडणघडणीत आपला वाटा उचला!

#MNS #mnsadhikrut #RajThackeray #मनसे #महाराष्ट्रसैनिक #शिवतीर्थ

1 day ago | [YT] | 106

View 0 replies

Amit Thackeray MNS Updates

गुढीपाडवा मेळावा २०२६
स्थळ- शिवतीर्थ
वेळ- सायंकाळी ५ वाजता

#MNSAdhikrut

3 days ago | [YT] | 441

View 3 replies

Amit Thackeray MNS Updates

सस्नेह जय महाराष्ट्र,
आजपासून महाराष्ट्र नवनिर्माण सेनेची सदस्य नोंदणी सुरु होत आहे. काल छत्रपती शिवाजी महाराजांना वंदन करून मी माझी सदस्य नोंदणी केली.

माझं महाराष्ट्रातील तरुण-तरुणींना आवाहन आहे की या सदस्य नोंदणीतून तुम्ही महाराष्ट्र सैनिक नाही तर महाराष्ट्राचे पाईक होणार आहात. आमच्यासाठी तुमची जात, धर्म, राजकीय विचारधारा यापेक्षा तुम्ही महाराष्ट्र वेडाने झपाटलेले आहात हे पुरेसं आहे. महाराष्ट्रासाठी असंख्य आंदोलनं करणारा पक्ष, अनेक समाजपयोगी उपक्रम चालवणारा पक्ष, आणि महाराष्ट्राचा विस्तृत विकास आराखडा मांडणारा हाच पक्ष आहे. येत्या काळात आम्ही अनेक असे उपक्रम घेऊन येत आहोत ज्यातून महाराष्ट्राच्या विकासाला एक दिशा देणं शक्य आहे, आकार देणं शक्य आहे. या सगळ्यात सामील होण्याची संधी तुम्हाला आहे. ही संधी सोडू नका.

तुम्ही फक्त सदस्य न होता जर सक्रिय सदस्य होणार असाल तर विशेष आनंद आहे. महाराष्ट्र नवनिर्माण सेना कात टाकत आहे, त्या प्रक्रियेत तुम्हाला योग्य संधी मिळेल हे मी स्वतः पाहीन.

सदस्य नोंदणीसाठी महाराष्ट्रभर माझे सहकारी शाखांच्या बाहेर, आणि गर्दीच्या ठिकाणी स्टॉल्स लावणार आहेत. तुम्हाला तिथे जाऊन प्रत्यक्ष नोंदणी करायची असेल तरी हरकत नाही. नाहीतर खाली दिलेल्या क्यूआर कोडला स्कॅन करून देखील तुम्ही सदस्य नोंदणी पूर्ण करू शकता.

या सदस्य नोंदणीत महाराष्ट्राचे पाईक होणाऱ्या प्रत्येकाचं महाराष्ट्र नवनिर्माण सेनेच्या परिवारात सहर्ष स्वागत !

आपला नम्र

राज ठाकरे ।

1 week ago | [YT] | 289

View 7 replies

Amit Thackeray MNS Updates

Nothing grounds you like the air of Raigad. When you stay true to your roots, you stay true to the people. 🙌🏻 #AmitThackeray #MNS

1 week ago | [YT] | 119

View 0 replies

Amit Thackeray MNS Updates

सस्नेह जय महाराष्ट्र,

सर्वप्रथम महाराष्ट्र नवनिर्माण सेनेच्या वर्धापनदिनाच्या तुम्हा सगळ्यांना मनःपूर्वक शुभेच्छा. आज पक्षाच्या स्थापनेला २० वर्ष झाली. २० वर्ष हा तसा दीर्घ टप्पा असतो, मग तो व्यक्तीच्या किंवा संघटनेच्या आयुष्यातील.

२० वर्षांपूर्वी महाराष्ट्राचा विकास, महाराष्ट्राची अस्मिता, मराठी भाषा आणि मराठी माणूस याच्या हितासाठी झटणारी एक संघटना ही कल्पना घेऊन या पक्षाची स्थापना झाली. त्यामुळे आज फक्त पक्षाला नाही तर या कल्पनेला वीस वर्ष झाली. ही कल्पना आज दृढ झाली आहे , पण २० वर्षांपूर्वी मराठी माणूस, भाषा, अस्मिता या सर्व गोष्टींचा सर्वांना विसर पडला होता तो जागृत करण्याचं काम महाराष्ट्र नवनिर्माण सेनेने केलं हे सर्वांना मान्यच करायला हवं! मधल्या काळात आपण अनेक आंदोलनं केली, मोर्चे काढले, निवडणुका लढवल्या कधी यश मिळालं कधी नाही मिळालं पण या सगळ्या प्रवासात मराठी म्हणजे महाराष्ट्र नवनिर्माण सेना हे लोकांच्या मनात बिंबलं. आज कुठेही मराठी माणसावर अन्याय झाला तर कुठे आहे मनसे असं इतर राजकीय पक्षांचे समर्थक पण विचारतात यातच आपण काय कमावलं आहे याचा अंदाज येईल.

गेल्या २० वर्षांत प्रचंड बदल झाले आहेत. महाराष्ट्रात पूर्ण एक नवीन पिढी आता मतदार झाली आहे. पक्ष स्थापनेच्या वेळेस आपल्याच सहकाऱ्यांची त्यांच्या कडेवर असणारी मुलं आता मतदार झाली आहेत, उत्तम काम करत आहेत. ही मुलं तरी आपलीच आहेत, पण महाराष्ट्रात आज जगाला गवसणी घालण्याचं स्वप्न आणि जिद्द बाळगणारी मुलं प्रत्येक तालुक्यात आहेत. जग चौथ्या औद्योगिक क्रांतीच्या उंबरठ्यावर आहे आणि ती क्रांती महाराष्ट्रात घडावी आणि इतकंच नाही तर हे सगळं आपल्या भाषेत घडावं अशी आमची इच्छा आहे. त्यांना उत्तम आयुष्य म्हणजे काय असावं हे माहित असावं आणि त्यासाठी कष्ट करण्याची त्यांची तयारी देखील असावी तर आणि तरच महाराष्ट्राचा हेवा वाटावा असा भूतकाळ पुन्हा वर्तमानात आणि भविष्यात यावा हीच आमची इच्छा आणि अपेक्षा !

अशा सर्व होतकरू मराठी तरुण-तरुणींना आज तुम्हाला महाराष्ट्राचे पाईक होण्याची संधी आहे. उद्या १० मार्च २०२६ पासून महाराष्ट्र नवनिर्माण सेनेची सदस्य नोंदणी सुरु होत आहे. त्यात तुम्ही सहभागी व्हा. तुमची राजकीय विचारधारा, तुमची जात, तुमचा धर्म यापेक्षा तुम्ही आमच्यासारखेच महाराष्ट्र वेडाने झपाटलेले आहात हेच जगाला दिसावं हेच आमच्यासाठी पुरेसं आहे. आणि तुम्ही सदस्य झालात म्हणजे नुसते महाराष्ट्र सैनिकच नाही तर महाराष्ट्राचे पाईक होणार आहात हे लक्षात घ्या. एक नवा महाराष्ट्र आपल्याला घडवायचा आहे, तुम्ही पक्षाचे सक्रिय सभासद पण होऊ शकता ! या फॅार्म मधे शेवटी हा पर्याय पण दिलेला आहे त्यावर होकार कळवावा , माझे सहकारी आपल्याशी संपर्क साधतील !

त्यासाठी ही सदस्य नोंदणीची संधी सोडू नका. माझे सर्व सहकारी आपल्या भागात प्रत्यक्ष असतीलच परंतू तिथे शक्य नसेल तर त्यासाठीच्या संकेतस्थळाची लिंक उद्या सुरु होत आहे. तेंव्हा याचा लाभ घेत जरूर सदस्य व्हा.

तुमचं मनःपूर्वक स्वागत असेल.

आपला नम्र

राज ठाकरे ।

1 week ago | [YT] | 131

View 0 replies

Amit Thackeray MNS Updates

माझ्या तमाम महाराष्ट्र सैनिकांना,
सस्नेह जय महाराष्ट्र,

आपल्या पक्षाचा उद्या, ९ मार्च २०२६ ला २० वा वर्धापनदिन. मराठी माणूस आणि मराठी भाषा यांच्यासाठी आक्रमकपणे लढणाऱ्या पक्षाचा आणि एका विचाराचा हा वर्धापनदिन. या निमित्ताने पक्षाची सदस्य नोंदणी १० मार्च २०२६ पासून सुरु होत आहे. उद्या ९ मार्च ला मी सकाळी रायगडावर जाऊन छत्रपती शिवाजी महाराजांना अभिवादन करून माझ्यापासून सदस्य नोंदणीची सुरुवात करत आहे. या रायगडाने महाराजांचं वास्तव्य अनुभवलंच पण 'शिवराज्याभिषेकाचा' साक्षीदार देखील हा किल्लाच.
अशा पावन ठिकाणी जाऊन आपण आपली सदस्य नोंदणी सुरु करत आहोत.

आपली सदस्य नोंदणी ही महाराष्ट्र सैनिकांपुरतीच मर्यादित नाही हे मुळात लक्षात घ्या. तुम्ही सदस्य नोंदणी कराच, पण ज्यांना ज्यांना महाराष्ट्राला आकार द्यायचा आहे, ज्यांना ज्यांना सद्य परिस्थितीबद्दल राग आहे अशा सगळ्यांना आपल्याला, आपल्या नवनिर्माणाच्या ध्यासासोबत जोडून घ्यायचं आहे. तुमच्यासकट जे जे नव्याने आपल्यासोबत जोडले जाणार आहेत, ते आपण सगळे महाराष्ट्राचे पाईक आहोत याचं भान तुम्हीही ठेवा आणि लोकांना पण द्या.

सदस्य नोंदणी डिजिटल स्वरूपात पण करणार आहोत ज्याचा तपशील तुम्हाला १० मार्चला कळलेच, फक्त पक्षाच्या शाखांच्या बाहेर स्टॉल्स लावून चालणार नाही तर सर्व वर्दळीच्या ठिकाणी माझे महाराष्ट्र सैनिक दिसले पाहिजेत , उदा . मार्केट, शाळा , मंदिरं , कॅालेज , मैदानं , बागा वगैरे अशा गजबजलेल्या सर्व ठिकाणी आपली सदस्य नोंदणीची टेबल्स लागली पाहिजेत ! येणाऱ्या जाणाऱ्यांशी संवाद साधत त्यांना आपलंस करत ही सभासद नोंदणी करा. यासाठी तुम्हाला जी मदत लागेल ती आपले सर्व पदाधिकारी तसेच शहर अध्यक्ष, उप शहर अध्यक्ष, उपाध्यक्ष , सरचिटणीस आणि पक्षाच्या नेत्यांना कळवा ! तसे आदेश मी त्यांना दिले आहेत !

प्रश्न आकड्याचा नाहीये, तशीही आपली सदस्य नोंदणी ही कायम मोठीच होते. पण यावेळेस महाराष्ट्र म्हणून, मराठी म्हणून सामान्य मराठी माणसाची महाराष्ट्राचा पाईक होण्याची इच्छा किती तीव्र आहे आणि सरकार किती चुकीच्या पद्धतीने सर्व गोष्टी हाताळते आहे याचा राग सर्वांच्या मनात किती आहे हे देखील स्पष्ट होईल ! त्यामुळे जोरदार सदस्य नोंदणी होईल यासाठी पूर्ण कसोशीने प्रयत्न करा.
तुम्हाला वर्धापनदिनाच्या शुभेच्छा.

बाकी १९ मार्चला गुढी पाडव्याला शिवतीर्थावर आपली भेट होईलच , आणि तुम्ही सर्व महाराष्ट्राच्या प्रत्येक भागातून याल त्यामुळे मला तुमच्या रूपात महाराष्ट्र दर्शन देखील घडेलंच !

स्वतःची तसेच आपल्या परिवाराची आणि महाराष्ट्राची काळजी घ्या !

धन्यवाद !

आपला नम्र

राज ठाकरे
#RajThackeray #साहेब #महाराष्ट्रसैनिक #मनसे #MNS #mnsadhikrut #MaharashtraSainik