Sri Garikipati Narasimha Rao Official

'తల్లిని మించు దైవమది ఏదీ లేదు నిక్కమ్ముగా' అనే విజయసూత్రాన్ని నాకు బోధించి, మా అమ్మ శారదకి మొదటి ప్రాధాన్యం ఇవ్వమని చెప్పి మా నాన్న నిశ్శబ్దంగా అమ్మ వెనకే నిలబడిపోతాడు. నేను చేసే అమ్మ ప్రార్థన వింటూ టీవీ ముందు మురిసిపోతాడు.

నా మాటలలో మా నాన్న వినిపిస్తున్నాడని, నేను మంచి నీళ్లు తాగే విధానంలో, నమస్కారం చేసే విధానంలో, నా సంజ్ఞలలో ఆయన కనిపిస్తున్నాడని చాలా మంది చెబుతూ ఉంటారు. కొందరు దానిని అనుకరణ అంటుంటారు. నేను అనుబంధం అంటాను.

చిన్న చిన్న పనులలో నాకున్న పట్టింపు చూసి, నాకు చాదస్తం ఎక్కువని సన్నిహితులు ఎంతగా ఆటపట్టించినా నాకు ఆ పద్ధతిని మార్చుకోవడం ఇష్టం లేదు. ఎందుకంటే అది నాకు మా నాన్న నుండి వచ్చిన లక్షణం. నేను దాన్ని వదులుకోను. అది నాతో ఉన్నంత సేపు నేను ఏ ప్రాంతంలో ఉన్నా, మా నాన్న నాతో ఉన్నట్టే. ఆ పద్ధతిని అనుసరించిన ప్రతీ సారి నాన్నగారు కూడా ఇలాగే చేస్తారు అని నాలో నేను మురిసిపోతాను, భావోద్వేగంలో తడిసిపోతాను. ఆ అలవాట్లే నా ప్రపంచం. మా నాన్నే నా సర్వస్వం.

నేను సాధించే విజయాలను చూసి, నేరుగా మెచ్చుకుంటే ఆయుక్షీణమని, గాంభీర్యపు కనురెప్పల వెనుక తన ఆనంద బాష్పాలను మా నాన్న అదిమి పట్టుకుంటాడు. మా అమ్మతో, అమ్మవారితో తన సంబరాన్ని పంచుకుంటాడు. ఆ ఆనంద బాష్పాలకు మా అమ్మ చీర కొంగు సాక్షి, అమ్మవారి పాదాలు సాక్షి.

కొడుకు తండ్రిగా మారాక తన తండ్రిని ఇంకా బాగా అర్థం చేసుకోగలుగుతాడు అంటారు. కానీ, మా నాన్నని నేను చిన్నప్పటి నుండే అర్థం చేసుకున్నాను. ఆయన మీద నాకున్న ప్రేమని వ్యక్తం చేయడానికి నా మొత్తం జీవితం సరిపోదు. ఒక ఫాదర్స్ డే ఏం సరిపోతుంది? నిలువెత్తు 'బంగారు తండ్రి'కి ఏమిస్తే మాత్రం సరిపోతుంది? నా ప్రపంచం మొత్తాన్ని మా నాన్నకి పాదాక్రాంతం చేస్తాను.

డా. గరికిపాటి గురజాడ

2 days ago | [YT] | 856

View 20 replies

Sri Garikipati Narasimha Rao Official

Watch Video: https://youtu.be/ibsmDMIgS1E

2 days ago | [YT] | 4

View 0 replies

Sri Garikipati Narasimha Rao Official

Watch Video: https://youtu.be/ibsmDMIgS1E

2 days ago | [YT] | 7

View 0 replies