Shankar Hiraman Mandekar

🚰 भोर नगरपरिषद पाणीपुरवठा योजनेकरिता ₹१८ कोटी निधी मंजूर!

भोर नगरपरिषद पाणीपुरवठा योजनेसाठी नगरविकास विभागाच्या वैशिष्ट्यपूर्ण योजनेअंतर्गत ₹१८ कोटी रुपयांचा भरीव निधी मंजूर करण्यात आला आहे. भोरच्या नागरिकांना मुबलक आणि स्वच्छ पाणी मिळावे, यासाठी आम्ही सातत्याने पाठपुरावा करत होतो, ज्याला आता यश आले आहे.

या महत्त्वपूर्ण निधीच्या मंजुरीबद्दल महाराष्ट्राचे नगरविकास मंत्री तथा उपमुख्यमंत्री मा.ना.श्री.एकनाथजी शिंदे साहेब तसेच पुणे जिल्ह्याच्या पालकमंत्री व उपमुख्यमंत्री मा.ना.श्रीमती सुनेत्रावहिनी अजितदादा पवार यांचे सर्व भोरवासियांच्या वतीने मनःपूर्वक आभार!

नागरिकांच्या विश्वासाला पात्र ठरत मतदारसंघाचा सर्वांगीण विकास करण्यासाठी आम्ही कटिबद्ध आहोत. भोरच्या प्रगतीसाठी आमचे प्रयत्न असेच निरंतर सुरू राहतील.

#भोर_नगरपरिषद #पाणीपुरवठा #निधी #shankarmandekar #development

19 hours ago | [YT] | 3

Shankar Hiraman Mandekar

हिंजवडी-माण आयटी पार्क आणि मुळशी तालुक्यातील वाहतूक कोंडी सोडवण्यासाठी महत्त्वपूर्ण बैठक संपन्न.

आपल्या भोर-राजगड-मुळशी मतदारसंघातील हिंजवडी, माण, मारुंजी, भुगाव, नेरे, जांबे व पिरंगुट परिसरातील वाढत्या वाहतूक समस्येवर कायमस्वरूपी तोडगा काढण्यासाठी महाराष्ट्र राज्याच्या उपमुख्यमंत्री तथा पुणे जिल्ह्याच्या पालकमंत्री मा.ना.श्रीमती सुनेत्रा वहिनी अजितदादा पवार यांच्या अध्यक्षतेखाली उच्चस्तरीय आढावा बैठक घेण्यात आली.

या बैठकीत आयटी कर्मचारी, विद्यार्थी, स्थानिक नागरिक आणि प्रकल्पबाधित शेतकऱ्यांच्या समस्या मांडत जनहिताच्या दृष्टीने महत्त्वपूर्ण विषयांकडे पालकमंत्री महोदया आणि प्रशासनाचे लक्ष वेधले.

बैठकीतील प्रमुख निर्णय व मागण्या:
• 🚇 हिंजवडी ते शिवाजीनगर मेट्रो सुविधा: आयटी कर्मचाऱ्यांना आणि स्थानिक नागरिकांना वाहतूक कोंडीतून मोठा दिलासा मिळण्यासाठी हिंजवडी ते शिवाजीनगर मेट्रो सेवा लवकरात लवकर सुरू करावी, अशी आग्रही मागणी या बैठकीत करण्यात आली.
• 🚦 १०० नवीन ट्रॅफिक वॉर्डन: वाहतुकीचे सुरळीत नियोजन करण्यासाठी हिंजवडी-माण-म्हाळुंगे-भुगाव-पिरंगुट या पट्ट्यात तात्काळ १०० ट्रॅफिक वॉर्डन तैनात केले जातील.
• ⁠🗓️ दर शुक्रवारी आढावा: वाहतूक व इतर समस्या सोडवण्यासाठी विशेष 'समन्वय समिती' स्थापन करून दर आठवड्याला कामाचा सखोल पाठपुरावा केला जाईल.
• ⁠🏗️ उड्डाणपूल व रस्ते विकास: एमआयडीसीच्या (MIDC) प्रस्तावित उड्डाणपूलांची कामे वेगाने सुरू करणे आणि परिसरातील खड्डेयुक्त रस्त्यांची युद्धपातळीवर दुरुस्ती करण्याचे आदेश देण्यात आले.
• ⁠💧 २ TMC पाणी पुरवठा: मुळशी तालुक्यासाठी टाटा धरणाकडून २ TMC पाणी मिळवण्याबाबत मा. मुख्यमंत्री देवेंद्रजी फडणवीस साहेब यांच्या उपस्थितीत लवकरच स्वतंत्र बैठक घेतली जाईल.
• ⁠♻️ एसटीपी (STP) प्रकल्पांची निविदा प्रक्रिया: सांडपाण्यावर प्रक्रियेसाठी (STP) खालील ३ ठिकाणी लवकरच निविदा प्रक्रिया सुरू करण्यात येत आहे:
१. माण - भोईरवाडी
२. ⁠पिरंगुट - लवळे
३. ⁠हिंजवडी - मारुंजी

या बैठकीस विभागीय आयुक्त, पोलीस आयुक्त, PMRDA, PCMC, PWD, MIDC व महामेट्रोचे वरिष्ठ अधिकारी उपस्थित होते. स्थानिक नागरिक, आयटी कर्मचारी व ग्रामस्थांना भेडसावणाऱ्या समस्यांपासून कायमस्वरूपी दिलासा देण्यासाठी लोकप्रतिनिधी म्हणून मी पूर्ण ताकदीने प्रयत्न करत आहे.

‪@sunetrapawarofficial8592‬

#hinjawadi #traffic #punemetro #development #shankarmandekar

Skip the Carousel

1 2 3 4 5 6 7 8 9 10

20 hours ago | [YT] | 3

Shankar Hiraman Mandekar

भोंगवली येथील प्रस्तावित GIS सबस्टेशन व टॉवर लाईन प्रश्नावर मुख्यमंत्र्यांसोबत महत्वपूर्ण बैठक.

भोर-राजगड-मुळशी मतदारसंघातील भोंगवली येथील प्रस्तावित ७६५ केव्ही GIS सबस्टेशन आणि टॉवर लाईनबाबत सह्याद्री अतिथीगृह, मुंबई येथे मुख्यमंत्री मा.ना.श्री.देवेंद्रजी फडणवीस साहेब यांच्या अध्यक्षतेखाली महत्त्वपूर्ण बैठक पार पडली. 

या बैठकीस खासदार मा.सुप्रियाताई सुळे, जिल्हाधिकारी जितेंद्र डुडी, स्थानिक आजी-माजी लोकप्रतिनिधी, भोर-राजगड सबस्टेशन व टॉवर लाईन हटाव संघर्ष समितीचे प्रतिनिधी आणि वरिष्ठ अधिकारी उपस्थित होते. 

बैठकीतील महत्त्वाचे मुद्दे:
• शेतकरी हित सर्वोच्च: विकासासाठी विजेची गरज असली, तरी आपल्या भोर-राजगड परिसरातील शेतकरी आणि ग्रामस्थांचे हित जपणे ही आमची प्रथम प्राथमिकता आहे. 
• ⁠मा. मुख्यमंत्र्यांचे आश्वासन: मा.मुख्यमंत्री महोदयांनी स्पष्ट निर्देश दिले आहेत की, या विषयावर शेतकरी व स्थानिक लोकांशी चर्चा करून योग्य व सन्मानजनक मधला मार्ग काढला जाईल.
• ⁠सहकार्याचे आवाहन: सकारात्मक तोडगा निघेपर्यंत प्रशासनाने आणि नागरिकांनी समन्वयाने काम करावे, असे निर्देश देण्यात आले आहेत.

आपल्या मतदारसंघातील शेतकऱ्यांच्या हितासाठी आम्ही सर्व लोकप्रतिनिधी ठामपणे उभे आहोत.

#भोंगवली #प्रकल्पबाधित_शेतकरी #भोर_राजगड_संघर्ष_समिती #devendrafadanvis #shankarmandekar

Skip the Carousel

1 2 3

1 week ago | [YT] | 21

Shankar Hiraman Mandekar

यंदा वाढदिवसाचा कोणताही सोहळा नाही..!

राज्याचे लाडके नेते, आमचे प्रेरणास्थान, माजी उपमुख्यमंत्री स्व.अजितदादा पवार यांच्या दुःखद निधनामुळे झालेली हानी अत्यंत वैयक्तिक आणि न भरून निघणारी आहे. या दुःखातून मन अजूनही सावरलेले नाही.

या पार्श्वभूमीवर, यावर्षी मी माझा वाढदिवस कोणत्याही स्वरूपात साजरा न करण्याचा निर्णय घेतला आहे. भोर-राजगड-मुळशी विधानसभा मतदारसंघातील सर्व सहकारी, कार्यकर्ते आणि हितचिंतकांनी वाढदिवसानिमित्त कोणताही उत्सव, सत्कार सोहळा, हार-पुष्पगुच्छ किंवा फ्लेक्स/बॅनर्स लावणे टाळावे, ही नम्र विनंती.
- शंकर हिरामण मांडेकर
(आमदार, भोर-राजगड-मुळशी)

#nobirthdaycelebration #importantnotice #shankarmandekar #birthday #ajitdada

3 weeks ago | [YT] | 11

Shankar Hiraman Mandekar

💰 १८७००.३६ कोटी रुपयांच्या उन्नत प्रकल्पांचा शुभारंभ

पुणे जिल्ह्याची वाहतूक कोंडी फोडणाऱ्या व औद्योगिक विकासाला नवी गती देणाऱ्या पुणे-शिरूर, हडपसर-यवत व तळेगाव-चाकण-शिक्रापूर या ३ उन्नत महामार्गांचा (Elevated Flyovers) भूमिपूजन सोहळा आज गणेश कला क्रीडा मंच, पुणे येथे संपन्न झाला.

भूमिपूजन झालेल्या प्रकल्पांची वैशिष्ट्ये:
• एकूण निधी: सुमारे १८७००.३६ कोटी रुपये (B.O.T तत्त्वावर)
• व्याप्ती: १३८.१ किमी लांबीचा कॉरिडॉर
• ⁠कालावधी: पुढील ४ वर्षांत प्रकल्प पूर्ण करण्याचे उद्दिष्ट.
• ⁠फायदा: मुख्य पुणे शहरावरील वाहतुकीचा ताण प्रचंड कमी होईल, प्रवासाचा वेळ वाचेल आणि मालवाहतूक अधिक वेगवान होईल.

हे प्रकल्प केवळ रस्ते नसून पुण्याच्या आर्थिक आणि औद्योगिक विकासाची नवी लाईफलाईन ठरणार आहेत. औद्योगिक क्षेत्र, व्यापार आणि रोजगाराच्या नव्या संधींना यामुळे मोठी चालना मिळणार आहे.

हा महत्त्वपूर्ण सोहळा राज्याचे मुख्यमंत्री मा.ना.श्री. देवेंद्रजी फडणवीस साहेब यांच्या शुभहस्ते आणि केंद्रीय रस्ते वाहतूक व महामार्ग मंत्री मा.ना.श्री. नितीनजी गडकरी साहेब यांच्या अध्यक्षतेखाली पार पडला.

यावेळी उपमुख्यमंत्री व पुणे जिल्ह्याच्या पालकमंत्री मा.ना.श्रीमती सुनेत्राताई पवार, मा.ना.श्री. चंद्रकांतदादा पाटील, मा.ना.श्री. शिवेंद्रराजे भोसले आणि पुणे जिल्ह्यातील सर्वपक्षीय खासदार, आमदार आणि लोकप्रतिनिधी आदी उपस्थित होते.

#bhumipujan #puneringroad #development #mahayutigovernment #shankarmandekar

Skip the Carousel

1 2 3 4 5 6 7 8 9 10

1 month ago | [YT] | 6

Shankar Hiraman Mandekar

🚩सासवड-जेजुरी पायी वारीत माऊलींच्या पालखीत सहभागी

कैवल्य साम्राज्य चक्रवर्ती श्री संत ज्ञानेश्वर महाराज यांच्या पालखीमध्ये आषाढी वारीच्या निमित्ताने दरवर्षीप्रमाणे आज सासवड ते जेजुरी पायी दिंडीत सहभागी झालो.

वारीच्या या प्रवासात सर्वांसोबत खांद्याला खांदा लावून विठू-माऊलीच्या नामस्मरणात तल्लीन होत विठ्ठलभक्तीचे चैतन्य अनुभवले.

यावेळी आपल्या भोर, राजगड आणि मुळशी तालुक्यांतील अनेक दिंडी प्रमुख आणि वारकरी बंधू-भगिनींची भेट झाली. या सर्वांचा वारीचा प्रवास हा सुखरूप होवो हीच माऊलींच्या चरणी प्रार्थना.

#आषाढीवारी #ज्ञानेश्वरमाऊली #पायीदिंडी #रामकृष्णहरी #shankarmandekar

Skip the Carousel

1 2 3 4 5 6 7 8 9 10

1 month ago | [YT] | 34

Shankar Hiraman Mandekar

📍 विधान भवन, मुंबई
🗓 ७ जुलै २०२६

माझ्या भोर-राजगड-मुळशी विधानसभा मतदारसंघातील पूरपरिस्थिती आणि आपत्कालीन व्यवस्थापन यंत्रणेचा आढावा घेतल्यानंतर मतदारसंघातील जनतेच्या अपेक्षा घेऊन आज पुन्हा विधीमंडळ कामकाजासाठी सज्ज.

#vidhansabha #bhor_rajgad_mulshi #monsoonsession2026 #maharashtra #shankarmandekar

Skip the Carousel

1 2

1 month ago | [YT] | 30

Shankar Hiraman Mandekar

पाटण (मावळ) येथील दरड दुर्घटनेतील मृतांना भावपूर्ण श्रद्धांजली..!

मावळ तालुक्यातील पाटण येथे पहाटे अतिवृष्टीमुळे घडलेली दरड कोसळण्याची घटना अत्यंत दुर्दैवी आणि काळजाचा थरकाप उडवणारी आहे. या दुर्घटनेत कै.नंदकुमार दत्तू तिकोणे, कै.अनिता नंदकुमार तिकोणे आणि तरुण कै.ज्ञानेश्वर (माऊली) तिकोणे या तीन निरपराध व्यक्तींचा मृत्यू झाला.

तिकोणे परिवाराची ही हानी कधीही भरून न निघणारी आहे. परमेश्वर दिवंगत आत्म्यांना आपल्या चरणी स्थान देवो आणि शोकाकुल कुटुंबाला या दुःखातून सावरण्याचे बळ देवो.

भावपूर्ण श्रद्धांजली..💐

#भावपूर्ण_श्रद्धांजली #अतिवृष्टी #दुर्दैवी_मृत्यू #मावळ #shankarmandekar

1 month ago | [YT] | 10

Shankar Hiraman Mandekar

🚨 भोर-राजगड-मुळशी मतदारसंघातील सर्व नागरिकांना नम्र आवाहन🚨

सध्या सुरू असलेला मुसळधार पाऊस आणि दरड कोसळल्यामुळे आपल्या मतदारसंघातील अनेक महत्त्वाचे रस्ते, तसेच पुणे-मुंबई द्रुतगती मार्ग (Expressway) व जुना पुणे-मुंबई महामार्ग या दोन्ही मार्गांवरील वाहतूक गंभीरपणे प्रभावित झाली आहे. सुरक्षेचा उपाय म्हणून पुढील आदेशापर्यंत या दोन्ही मार्गांवरील वाहतूक पूर्णपणे बंद करण्यात आली आहे.

हवामान खात्याने आपल्या भागासाठी ‘रेड अलर्ट’ जारी केला आहे. माझी सर्व नागरिकांना आणि पर्यटकांना विनंती आहे की, कृपया पुढील सूचना मिळेपर्यंत या मार्गांवर प्रवास करणे टाळावे. प्रशासनाने दिलेल्या सर्व नियमांचे पालन करून सहकार्य करावे.

#redalert #monsoon #bhor_rajgad_mulshi #punemumbaiexpressway #disasterpreparedness

1 month ago | [YT] | 10

Shankar Hiraman Mandekar

वर्ल्ड चॅम्पियन सिल्वर मेडल विजेती कु.शौर्या दिलीप भरणे हिचा गौरव..!

जर्मनी येथे संपन्न झालेल्या ज्युनिअर वर्ल्ड शुटींग चॅम्पियनशिपमध्ये आपल्या भारत देशाला सिल्व्हर मेडल (रौप्य पदक) मिळवून देत जागतिक पातळीवर चमकलेली आपल्या मुळशी तालुक्यातील माण गावची सुकन्या कु. शौर्या दिलीप भरणे हिचा आज तिच्या कुटुंबीयांच्या समवेत यथोचित सत्कार केला आणि भावी क्रीडा वाटचालीसाठी शुभेच्छा प्रदान केल्या.

शौर्याने मिळवलेल्या या अभूतपूर्व यशामुळे मुळशी तालुक्याचा नावलौकिक जगभरात झाला आहे. तिचा हा प्रवास आपल्या भागातील इतर तरुण खेळाडूंसाठी अत्यंत प्रेरणादायी आहे.

#अभिनंदन #कौतुकास्पद #worldshootingchampionship #congratulations #shankarmandekar

Skip the Carousel

1 2 3

2 months ago | [YT] | 10