Horawa News
Sri Lanka's Trusted international news channel, Sinhala News Channel.
Disclaimer: This is a news report. All images, Audio, or Videos are used for reference purposes only.
For copyright matters or if you have any questions please contact us at - horawanews@gmail.com
Horawa News
🔴ජනපතිට කාන්තාවන් පිස්සුවෙන් වගේ ආදරෙ කරනවා ආයේ මාලිමාව වට්ටනවා කිවුවොත් කනට ගහල මේක පෙන්නන්ඩ
18 hours ago | [YT] | 1
View 0 replies
Horawa News
මැදපෙරදිග කලාපයේ උද්ගතව ඇති අමෙරිකා, ඊශ්රායල සහ ඉරාන අතර යුද උණුසුම හේතුවෙන් ලෝක ඉන්ධන වෙළඳපල දැඩි අස්ථිරතාවකට ලක්ව ඇති බව විදෙස් මාධ්ය වාර්තා කරයි.
දශක හතරකට පසුව ඔස්ට්රේලියාවේ ඉන්ධන මිල ඉහළම මට්ටමකට පැමිණ ඇති බව ද විදෙස් මාධ්ය වාර්තා සඳහන් කරයි. මේ අතර ඉරානයේ ටෙහෙරාන් නුවර පිහිටි ඉන්ධන ගබඩා සංකීර්ණ කිහිපයකට ප්රහාර එල්ල කළ බව ඊශ්රායල හමුදාව ප්රකාශ කර තිබේ.
එම තත්ත්වය අතරතුර පාකිස්තානය තුළ පෙට්රල් සහ ඩීසල් ලීටරයක මිල රුපියල් 55 කින් ඉහළ දැමීමට එරට රජය තීරණය කර ඇත. මැදපෙරදිග අර්බුදකාරී තත්ත්වය සැලකිල්ලට ගනිමින් මෙම තීරණය ගෙන ඇති බව ද වාර්තා වේ.
නව ඉන්ධන මිල ගණන් (07) මධ්යම රාත්රියේ සිට ක්රියාත්මක වන අතර එය ඉදිරි දින හත සඳහා ද ක්රියාත්මක වන බව පාකිස්තාන බලධාරීන් සඳහන් කර ඇත.
මේ අතර ලෝක වෙළඳපලේ බොරතෙල් බැරලයක මිල ඇමෙරිකා ඩොලර් 150 දක්වා ඉහළ යා හැකි බවට කටාර් බලශක්ති අමාත්යවරයා අනතුරු අඟවා තිබේ. ඉරාන–අමෙරිකා යුද ගැටුම් ඉදිරි සති කිහිපය දක්වා දිගු වුවහොත් එවැනි තත්ත්වයක් ඇතිවිය හැකි බව ඔහු සඳහන් කරයි.
එමෙන්ම ගල්ෆ් කලාපයේ රටවල බොරතෙල් නිෂ්පාදනයද ඉදිරි දින කිහිපය තුළ අත්හිටුවීමේ අවදානමක් පවතින බවට ද අනතුරු අඟවා ඇත.
වසර දෙකකට පසුව මේ වනවිට ලෝක වෙළඳපලේ බොරතෙල් මිල ඉහළම මට්ටමකට පැමිණ ඇති අතර, එය ගෝලීය ආර්ථිකයට දැඩි බලපෑමක් ඇති කළ හැකි බවද ආර්ථික විශ්ලේෂකයින් පෙන්වා දෙයි.
20 hours ago | [YT] | 43
View 0 replies
Horawa News
මෙවර එක්සත් ජාතීන්ගේ සංවිධානය විසින් ජාත්යන්තර කාන්තා දින ගෝලීය තේමාව ලෙස “Rights. Justice. Action. For ALL Women and Girls” (සියලු කාන්තාවන්ට සහ දැරියන්ට හිමි අයිතිවාසිකම් ලබාදීම, යුක්තිය ඉටු කිරීම හා ඔවුන් වෙනුවෙන් ක්රියාත්මක වීම.) ලෙස ප්රකාශයට පත්කර ඇත.
ශ්රී ලාංකේය සමාජයේ සහ ආර්ථිකයේ සැබෑ ජීවය වන්නේ අපේ කාන්තාවයි. ඇය පවුල තුළ මෙන් ම සමාජය තුළ ඉටු කරන මෙහෙවර අද වන විට රටක අනාගතය තීරණය කරන තීරණාත්මක සාධකය බවට පත්ව තිබේ. අපේ රජයේ "පොහොසත් රටක් - ලස්සන ජීවිතයක්" ප්රතිපත්ති ප්රකාශය මගින් අප අපේක්ෂා කරන්නේ කාන්තාව හුදු ප්රතිලාභියෙකු ලෙස පමණක් නොව, රටේ සංවර්ධනයේ සක්රීය හවුල්කරුවෙකු ලෙස සලකා ඇයට හිමි ගෞරවය සහ අවස්ථා ලබා දීමටයි.
අපගේ ප්රතිපත්ති මාලාව තුළ කාන්තාව වෙනුවෙන් මූලික අවධානයක් යොමු කර ඇති අතර එහි ප්රධාන කරුණු කිහිපයක් මෙසේ සිහිපත් කිරීමට කැමැත්තෙමි.
ගෘහණියක් ලෙස ඇය සපයනු ලබන ආර්ථික දායකත්වය අගය කරමින්, කාන්තා ව්යවසායකත්වය දිරිගැන්වීම සහ ඇයට ස්වයං රැකියාවල නිරත වීමට අවශ්ය තාක්ෂණික හා මූල්ය පහසුකම් පුළුල් කිරීමත්, පොදු ප්රවාහනයේදී, සේවා ස්ථානයේදී සහ පවුල තුළ කාන්තාවගේ ආරක්ෂාව තහවුරු කිරීම සඳහා අවශ්ය නීතිමය රාමුව ශක්තිමත් කිරීමත් අපේ ප්රධාන අරමුණු සේ සලකා කටයුතු කරන අතර ජාතික මට්ටමේ සිට ප්රාදේශීය මට්ටම දක්වා තීරණ ගන්නා ආයතන තුළ කාන්තා නියෝජනය ඉහළ නැංවීම සඳහා අවශ්ය පසුබිම සකස් කිරීම මෙන්ම කාන්තාවන්ගේ පෝෂණය, ප්රජනන සෞඛ්යය සහ මානසික සුවතාවය ඉහළ නැංවීම සඳහා වූ විශේෂිත වැඩසටහන් ක්රියාත්මක කිරීම කෙරෙහිද අපි අවධානය යොමු කරමින් සිටිමු.
කාන්තාව යනු අනුකම්පාව බලාපොරොත්තු වන පිරිසක් නොව ඇය බුද්ධියෙන්, දරාගැනීමේ ශක්තියෙන් සහ නිර්මාණශීලිත්වයෙන් පිරිපුන් සමාජීය පාර්ශවකරුවන් වූ පිරිසකි. අපේ අරමුණ වන්නේ, කාන්තාවකට බියෙන් සැකෙන් තොරව මාවතක ගමන් කළ හැකි, ඇයගේ දක්ෂතාවට නිසි ඇගයීමක් ලැබෙන සහ ගෞරවනීය ජීවිතයක් ගත කළ හැකි "පොහොසත් රටක්" නිර්මාණය කිරීමයි.
ජාත්යන්තර කාන්තා දිනය, මෙරට සියලු කාන්තාවන්ගේ යහපත් සිහින සැබෑ වන, ඔවුන්ගේ අභිමානය ලොවට විදහා දක්වන නව යුගයක ආරම්භය වේවායි මම හදවතින්ම ප්රාර්ථනා කරමි!
ආචාර්ය හරිනි අමරසූරිය
අග්රාමාත්ය, ශ්රී ලංකා ප්රජාතාන්ත්රික සමාජවාදී ජනරජය
20 hours ago | [YT] | 166
View 3 replies
Horawa News
අදට(08) යෙදී තිබෙන ජාත්යන්තර කාන්තා දිනය නිමිත්තෙන් සුබ පැතුම් පණිවුඩයක් නිකුත් කරමින් ජනාධිපතිවරයා නිවේදනයක් නිකුත් කරයි.
එම නිවේදනය පහත දැක්වේ.
සියවසකට අධික කාලයක් මුළුල්ලේ ලොව පුරා සෑම වසරකම මාර්තු 08 වනදා ජාත්යන්තර කාන්තා දිනය සැමරේ. ශ්රී ලංකාව තුළ ආර්ථික, දේශපාලන, සමාජයීය සහ සංස්කෘතික වශයෙන් කාන්තාවගේ භූමිකාව සුවිශේෂීය. එකී සියලු ක්ෂේත්රයන්හි විශාල භාරයක් දරන කාන්තාවගේ එම භූමිකාව අගයමින් කාන්තා අයිතිවාසිකම්, නිදහස සහ සුරක්ෂාව පිළිබඳව මෙදින විශේෂයෙන් සිහිපත් කළද, එය එක් දිනකට සීමා කළ නොහැකි බව අපි විශ්වාස කරමු.
මෙරට ජනගහණයෙන් 52%ක් නියෝජනය කරන කාන්තා පරපුර අද රටේ ආර්ථිකය තුළ විශාල පංගුවක් නියෝජනය කරන බව නොරහසකි. වැටුප් නොලබා ගෘහණියක ලෙස ඇය ඉටු කරන භූමිකාවට අමතරව, ඇඟලුම් කර්මාන්තය, වතු කර්මාන්තය, විදේශ රැකියා ක්ෂේත්රය තුළත්, සෞඛ්ය, අධ්යාපන සහ සේවා අංශවලත් කාන්තාවෝ විශාල දායකත්වයක් ලබා දෙති. පසුගිය 2025 වසරේ අප රටක් ලෙස ලැබූ බොහෝ ආර්ථික ජයග්රහණයන්ට කාන්තා පරපුර විසින් ලබා දුන් එම ශක්තිය ඉවහල් වූ බවද මෙහිදී කෘතවේදීව සිහිපත් කළ යුතුය.
සමාජ සාධාරණත්වය උදෙසා ස්ත්රී–පුරුෂ සමාජභාවී සමානාත්මතාව තහවුරු කරමින්, ආර්ථික ක්රියාවලියට කාන්තාවන් තවදුරටත් සක්රීයව හා ඵලදායීව සහභාගී කර ගැනීමේ සැලසුම් අපි මේ වන විටත් ක්රියාත්මක කරමින් සිටිමු. සාධාරණ සමාජයක්, නිවහල් රටක් සහ නිදහස් ස්ත්රියක් යන අභිලාෂය සාක්ෂාත් කරගනිමින්, නිවසේදී, ප්රවාහනයේදී, ප්රජාව තුළ, වැඩබිමේදී සහ දේශපාලන වේදිකාවේදී කාන්තාවට සිදුවන සියලුම ආකාරයේ හිංසනයන්ට සහ වෙනස්කොට සැලකීම්වලට එරෙහිව ක්රියා කිරීමටත්, කාන්තා අයිතිවාසිකම් සුරක්ෂිත කර ප්රවර්ධනය කිරීමටත් අවශ්ය ව්යුහාත්මක වෙනස්කම් සිදු කිරීමට රජයක් ලෙස අපි ප්රමුඛත්වය ලබා දී ඇත්තෙමු.
පාර්ලිමේන්තු ඉතිහාසය වෙනස් කරමින්, වරකදී වැඩිම කාන්තා මන්ත්රීවරියන් සංඛ්යාව මෙවර පාර්ලිමේන්තුව නියෝජනය කරමින් සිටියි. එසේම ලංකා ඉතිහාසයේ ප්රථම වතාවට මලෛගම් ජනතාව නියෝජනය කරන කාන්තා පාර්ලිමේන්තු මන්ත්රීවරියක තේරී පත්වීමද සුවිශේෂී ඉතිහාසගත සිදුවීමකි. මේ අයුරින් රට ආර්ථික, දේශපාලන සහ සමාජීය වශයෙන් නව පරිවර්තනයක් කරා ගෙන යාමට අප ආරම්භ කර ඇති වැඩපිළිවෙළට සමාන ලෙස උර දෙන, ශක්තිමත් සහ ගෞරවනීය කාන්තා පරපුරක් බිහිකිරීම අපගේ වගකීමත් අධිෂ්ඨානයත් බව මෙහිලා අවධාරණය කරමු. එමෙන්ම ඩිජිටල් හා හරිත ආර්ථිකයක් තුළ කාන්තා ව්යවසායකත්වය පුළුල් කර ඉදිරියේදී රට තුළ ඇතිවන ආර්ථික පරිවර්තනයට අනුගත විය හැකි කාන්තා ව්යවසායකයින් බිහි කිරීම අප රජයේ අරමුණයි.
එවන් පසුබිමක් තුළ ලාංකීය කාන්තාවන්ගේ අභිමානය සහ ශක්තිය ලොවට පෙන්වමින් ‘පොහොසත් රටක අබිමන - ඇය වේ දැයක පෙර මග’ තේමාව යටතේ මෙවර කාන්තා දිනය සංවිධානය කිරීම මම බෙහෙවින් අගයමි.
සියලුම අහිතකර උවදුරුවලින් සමාජයත්, රටත් මුදා ගනිමින් ආචාරධාර්මික සහ සහකම්පනයෙන් යුත් අනාගත පරපුරක් සහ දියුණු රටක් ගොඩනැඟීමට තිර අදිටනින් යුතුව අප යන ගමනේ පෙරගමන්කරුවන් ලෙස ශක්තිමත්ව අත්වැල් බැඳ ගන්නා ලෙස සමස්ත කාන්තා පරපුරට ආරාධනා කරමින් අර්ථවත් කාන්තා දින සැමරුමකට සුබපැතුම් එක් කරමි.
අනුර කුමාර දිසානායක
ජනාධිපති
ශ්රී ලංකා ප්රජාතාන්ත්රික සමාජවාදී ජනරජය
2026 මාර්තු 08 දින
20 hours ago | [YT] | 151
View 1 reply
Horawa News
අනුර ජනාධිපතිතුමාගේ කොහොමද ගැහැණු අයට තියෙන ආදරය. අම්මා වගේ තමා හැම කාන්තාවක්ම. මෙහෙම හිතන ජනපති කෙනෙක් රටටම වාසනාවක්
20 hours ago | [YT] | 1
View 0 replies
Horawa News
හරිනි සහෝදරියගෙන් වටිනා කතාවක් සියළුම කාන්තාවන් වෙනුවෙන් පිරිම් ඔබ මෙය අනිවාර්යෙන්ම ඇසිය යුතුම කතාවක්
21 hours ago | [YT] | 3
View 0 replies
Horawa News
🔴ජනපති අනුර කරන විශේෂ කතාව මෙන්න - ලෝක කාන්තා දින සමරුව සජීවීව
23 hours ago | [YT] | 8
View 0 replies
Horawa News
මිහිරැති වසන්ත කාලේ - ලස්සනම සිංදුවක් වෙනස්ම රහකට අහමු
1 day ago | [YT] | 0
View 0 replies
Horawa News
🔴ටිල්වින් සිල්වා විශේෂ මාධ්ය හමුව
2 days ago | [YT] | 3
View 0 replies
Horawa News
ජනාධිපතිතුමා නිකන් දෙකයි පනහට දාන්න එපා එතුමා තමා හොදම මිනිස්සු ගැන හිතන ජනාධිපති
2 days ago | [YT] | 0
View 0 replies
Load more