Sermons of Sathya Dharma | සත්තිය ධර්ම දේශනා
Accumulate merits without delay, my grateful friends. To get rid of this sorrowful mind.
__________________________________________________
Our channel will make you listen to Dharma sermons and seth pirith like a good man and friend of Kalyana. Pingwanta yan dharma asatwa !!!May Ama attain great nirvana !!!
Lord Buddha preached to us for the last time to accumulate merits without delay.
Sabbang danang dhamma danang jinati.
'The charity of Dharma is the greatest of all charity.'
Sabba Papassa Akaranan - Kusalassa Upasampada
Sachitta Paryo Dapanang - Ethang Budhanu Sasanang
SUBSCRIBE this channel now and click the bell icon to listen to such valuable sermons and sermons. Peace be upon you all.
Sermons of Sathya Dharma | සත්තිය ධර්ම දේශනා
නාස් කටින් ලේ ගලද්දි සිහිකළ ධර්මය
6 months ago | [YT] | 3
View 0 replies
Sermons of Sathya Dharma | සත්තිය ධර්ම දේශනා
මාලබේ බුදු පසේබුදු අරහත්තක විහාරයේ. පසේබුදු මන්දිරය. ඔබත් වන්දනා කරන්න.
6 months ago | [YT] | 19
View 2 replies
Sermons of Sathya Dharma | සත්තිය ධර්ම දේශනා
මහාවංශයේ මේ කරුණ සදහාන් වේ.
“යම් ජන නායකයෙක් පින් හෝ පව් කරන්නේ ද සිය රටවැසි මහජනයා ද ඔහු විසින් කරනු ලබන ඒ ඒ දෙය දැක එය කරන්නාහ. නුවණැත්තා මෙකරුණ හොඳින් දන්නේය........”
(26 වෙනි ගාථාව - සතළිස් සතරවන පරිච්ජේදය)
1 year ago | [YT] | 28
View 4 replies
Sermons of Sathya Dharma | සත්තිය ධර්ම දේශනා
ධම්මචක්කප්පවත්තන සුත්තං
සංයුත්ත නිකාය
මහා වග්ගෝ
12.2.1. ධම්මචක්කප්පවත්තන සුත්තං
12.2.1. දහම්සක කරකැවීම ගැන වදාළ දෙසුම
මා විසින් මෙසේ අසන ලදී.
එක් සමයෙක්හි භාග්‍යවතුන් වහන්සේ බරණැස ඉසිපතන මිගදායෙහි වැඩවසන සේක. එහිදී භාග්‍යවතුන් වහන්සේ පස් දෙනෙකුගෙන් යුත් භික්ෂූන් ඇමතූ සේක.
“මහණෙනි, මේ අන්ත දෙක පැවිද්දන් විසින් සේවනය නොකළ යුත්තේ ය. යම් මේ කාමයන්හි කාම සුඛයෙහි ඇලී ගැලී වාසය කිරීමක් ඇද්ද, එය හීන ය. ග්‍රාම්‍යය ය. පෘථග්ජනයන්ට අයත් ය. අනාර්ය ය. අයහපතින් යුක්ත ය. යම් මේ තමාව ක්ලාන්ත වන අයුරින් දුකෙහි යෙදවීමක් ඇද්ද, එය දුක ය. අනාර්ය ය. අයහපතින් යුක්ත ය.
මහණෙනි, මේ අන්ත දෙකට නොපැමිණ තථාගතයන් විසින් මධ්‍යම ප්‍රතිපදාව විශේෂයෙන් අවබෝධ කරන ලද්දේ ය. එය දහම් ඇස ඇති කරවයි. නුවණ ඇතිකරවයි. කෙලෙස් සංසිඳුවීම පිණිස, විශිෂ්ට ඥානය ඇති කරවීම පිණිස, සත්‍යාවබෝධය පිණිස, නිවන පිණිස පවතියි.
මහණෙනි, තථාගතයන් විසින් විශේෂ කොට අවබෝධ කරන ලද දහම් ඇස ඇති කරවන, ඥානය ඇති කරවන, කෙලෙස් සංසිඳුවන, විශිෂ්ට ඥානය උපදවන, සත්‍යාවබෝධය කරවන, නිවන පිණිස පවතින ඒ මධ්‍යම ප්‍රතිපදාව කුමක් ද? මෙසේ මේ ආර්ය අෂ්ටාංගික මාර්ගය ම ය. එනම්; නිවැරදි දෘෂ්ටිය ය. නිවැරදි සංකල්පනා ය. නිවැරදි වචන භාවිතය ය. නිවැරදි කායික ක්‍රියා ය. නිවැරදි දිවි පැවැත්ම ය. නිවැරදි වීර්යය ය. නිවැරදි සිහිය ය. නිවැරදි චිත්ත සමාධිය ය. මහණෙනි, මෙය වනාහී තථාගතයන් විසින් විශේෂ කොට අවබෝධ කරන ලද දහම් ඇස ඇති කරවන, ඥානය ඇති කරවන, කෙලෙස් සංසිඳුවන, විශිෂ්ට ඥානය උපදවන, සත්‍යාවබෝධය කරවන, නිවන පිණිස පවතින ඒ මධ්‍යම ප්‍රතිපදාව ය.
මහණෙනි, මෙය වනාහී දුක්ඛාර්ය සත්‍යය යි. ඉපදීම ත් දුක ය. ජරාවට පත්වීම ත් දුක ය. රෝගී වීම ත් දුක ය. මරණය ත් දුක ය. අප්‍රියයන් හා එක්වන්නට සිදුවීම ත් දුක ය. ප්‍රියයන්ගෙන් වෙන්වීමට සිදුවීම ත් දුක ය. යමක් කැමති වෙයි ද, එය නොලැබෙයි නම්, එය ත් දුක ය. සංක්ෂේපයෙන් කිව්වොත් උපාදානස්කන්ධ පස ම දුක ය.
මහණෙනි, මෙය වනාහී දුක් හටගැනීම නම් ආර්ය සත්‍යය යි. නැවත භවයක් සකසා දෙන, ආශ්වාදයෙන් ඇලෙන ස්වභාවයෙන් යුතු, උපනුපන් තන්හි සතුටෙන් පිළිගන්නා වූ, යම් මේ තණ්හාවක් ඇද්ද, එය යි. එනම්; කාම තණ්හාව ය, භව තණ්හාව ය, විභව තණ්හාව ය.
මහණෙනි, මෙය වනාහී දුක් නිරුද්ධ වීම නම් ආර්ය සත්‍යය යි. ඒ ත්‍රිවිධ තණ්හාවේ ම ඉතුරුවීමක් නොතබා, නොඇල්මෙන් යම් නිරුද්ධ වීමක් ඇද්ද, අත්හැරීමක් ඇද්ද, දුරු කිරීමක් ඇද්ද, නිදහස් වීමක් ඇද්ද, ඇල්ම නැති බවක් ඇද්ද, එය යි.
මහණෙනි, මෙය වනාහී දුක් නිරුද්ධ වීම පිණිස පවතින ප්‍රතිපදාව නම් ආර්ය සත්‍යය යි. ඒ මේ ආර්ය අෂ්ටාංගික මාර්ගය ම ය. එනම්; නිවැරදි දෘෂ්ටිය ය. නිවැරදි සංකල්පනා ය. නිවැරදි වචන භාවිතය ය. නිවැරදි කායික ක්‍රියා ය. නිවැරදි දිවි පැවැත්ම ය. නිවැරදි වීර්යය ය. නිවැරදි සිහිය ය. නිවැරදි චිත්ත සමාධිය ය.
‘මෙය දුක නම් වූ ආර්ය සත්‍යය යැ’යි මහණෙනි, මා හට පෙර නොඇසූ විරූ ධර්මයන්හි ඇස පහළ වූයේ ය. ඥානය පහළ වූයේ ය. ප්‍රඥාව පහළ වූයේ ය. විද්‍යාව පහළ වූයේ ය. ආලෝකය පහළ වූයේ ය.
‘ඒ මේ දුක නම් වූ ආර්ය සත්‍යය වනාහී පිරිසිඳ අවබෝධය කළ යුත්තේ ය’ යි මහණෙනි, මා හට පෙර නොඇසූ විරූ ධර්මයන්හි ඇස පහළ වූයේ ය. ඥානය පහළ වූයේ ය. ප්‍රඥාව පහළ වූයේ ය. විද්‍යාව පහළ වූයේ ය. ආලෝකය පහළ වූයේ ය.
‘ඒ මේ දුක නම් වූ ආර්ය සත්‍යය වනාහී පිරිසිඳ අවබෝධය කරන ලද්දේ ය’ යි මහණෙනි, මා හට පෙර නොඇසූ විරූ ධර්මයන්හි ඇස පහළ වූයේ ය. ඥානය පහළ වූයේ ය. ප්‍රඥාව පහළ වූයේ ය. විද්‍යාව පහළ වූයේ ය. ආලෝකය පහළ වූයේ ය.
‘මෙය දුක හටගැනීම නම් වූ ආර්ය සත්‍යය යැ’යි මහණෙනි, මා හට පෙර නොඇසූ විරූ ධර්මයන්හි ඇස පහළ වූයේ ය. ඥානය පහළ වූයේ ය. ප්‍රඥාව පහළ වූයේ ය. විද්‍යාව පහළ වූයේ ය. ආලෝකය පහළ වූයේ ය.
‘ඒ මේ දුක හටගැනීම නම් වූ ආර්ය සත්‍යය වනාහී ප්‍රහාණය කළ යුත්තේ ය’ යි මහණෙනි, මා හට පෙර නොඇසූ විරූ ධර්මයන්හි ඇස පහළ වූයේ ය. ඥානය පහළ වූයේ ය. ප්‍රඥාව පහළ වූයේ ය. විද්‍යාව පහළ වූයේ ය. ආලෝකය පහළ වූයේ ය.
‘ඒ මේ දුක හටගැනීම නම් වූ ආර්ය සත්‍යය වනාහී ප්‍රහාණය කරන ලද්දේ ය’ යි මහණෙනි, මා හට පෙර නොඇසූ විරූ ධර්මයන්හි ඇස පහළ වූයේ ය. ඥානය පහළ වූයේ ය. ප්‍රඥාව පහළ වූයේ ය. විද්‍යාව පහළ වූයේ ය. ආලෝකය පහළ වූයේ ය.
‘මෙය දුක නිරුද්ධ වීම නම් වූ ආර්ය සත්‍යය යැ’යි මහණෙනි, මා හට පෙර නොඇසූ විරූ ධර්මයන්හි ඇස පහළ වූයේ ය. ඥානය පහළ වූයේ ය. ප්‍රඥාව පහළ වූයේ ය. විද්‍යාව පහළ වූයේ ය. ආලෝකය පහළ වූයේ ය.
‘ඒ මේ දුක නිරුද්ධ වීම නම් වූ ආර්ය සත්‍යය වනාහී සාක්ෂාත් කළ යුත්තේ ය’ යි මහණෙනි, මා හට පෙර නොඇසූ විරූ ධර්මයන්හි ඇස පහළ වූයේ ය. ඥානය පහළ වූයේ ය. ප්‍රඥාව පහළ වූයේ ය. විද්‍යාව පහළ වූයේ ය. ආලෝකය පහළ වූයේ ය.
‘ඒ මේ දුක නිරුද්ධ වීම නම් වූ ආර්ය සත්‍යය වනාහී සාක්ෂාත් කරන ලද්දේ ය’ යි මහණෙනි, මා හට පෙර නොඇසූ විරූ ධර්මයන්හි ඇස පහළ වූයේ ය. ඥානය පහළ වූයේ ය. ප්‍රඥාව පහළ වූයේ ය. විද්‍යාව පහළ වූයේ ය. ආලෝකය පහළ වූයේ ය.
‘මෙය දුක නිරුද්ධ වීම පිණිස පවතින ප්‍රතිපදාව නම් වූ ආර්ය සත්‍යය යැ’යි මහණෙනි, මා හට පෙර නොඇසූ විරූ ධර්මයන්හි ඇස පහළ වූයේ ය. ඥානය පහළ වූයේ ය. ප්‍රඥාව පහළ වූයේ ය. විද්‍යාව පහළ වූයේ ය. ආලෝකය පහළ වූයේ ය.
‘ඒ මේ දුක නිරුද්ධ වීම පිණිස පවතින ප්‍රතිපදාව නම් වූ ආර්ය සත්‍යය වනාහී ප්‍රගුණ කළ යුත්තේ ය’ යි මහණෙනි, මා හට පෙර නොඇසූ විරූ ධර්මයන්හි ඇස පහළ වූයේ ය. ඥානය පහළ වූයේ ය. ප්‍රඥාව පහළ වූයේ ය. විද්‍යාව පහළ වූයේ ය. ආලෝකය පහළ වූයේ ය.
‘ඒ මේ දුක නිරුද්ධ වීම පිණිස පවතින ප්‍රතිපදාව නම් වූ ආර්ය සත්‍යය වනාහී ප්‍රගුණ කරන ලද්දේ ය’ යි මහණෙනි, මා හට පෙර නොඇසූ විරූ ධර්මයන්හි ඇස පහළ වූයේ ය. ඥානය පහළ වූයේ ය. ප්‍රඥාව පහළ වූයේ ය. විද්‍යාව පහළ වූයේ ය. ආලෝකය පහළ වූයේ ය.
මහණෙනි, යම්තාක් කල් ම මා හට මේ චතුරාර්ය සත්‍ය ධර්මයන් පිළිබඳ ව මේ අයුරින් (ආර්ය සත්‍යයක් බව යන සත්‍ය ඥානය ත්, අනතුරුව කළ යුතු දේ ගැන ඇති කෘත්‍ය ඥානය ත්, එය සම්පූර්ණ කළ පසු ඇතිවන කෘත ඥානය ත්) පරිවර්ත තුනකින් යුතුව, දොළොස් ආකාරයකින් යුතුව, ඒ වූ සැටියෙන් ම ඥාන දර්ශනය ඉතා පිරිසිදුවට අවබෝධ නොවූයේ ද, මහණෙනි, ඒ තාක් ම මම දෙවියන් සහිත වූ, මරුන් සහිත වූ, බඹුන් සහිත වූ, ශ්‍රමණබ්‍රාහ්මණයන් සහිත වූ, දෙව් මිනිස් ප්‍රජාවෙන් යුතු ලෝකයෙහි අනුත්තර වූ සම්මා සම්බෝධිය විශේෂ කොට අවබෝධ කරගත් බවට ප්‍රතිඥා නොදුන්නෙමි.
මහණෙනි, යම් කලෙක මා හට මේ චතුරාර්ය සත්‍ය ධර්මයන් පිළිබඳ ව මේ අයුරින් (ආර්ය සත්‍යයක් බව යන සත්‍ය ඥානය ත්, අනතුරුව කළ යුතු දේ ගැන ඇති කෘත්‍ය ඥානය ත්, එය සම්පූර්ණ කළ පසු ඇතිවන කෘත ඥානය ත්) පරිවර්ත තුනකින් යුතුව, දොළොස් ආකාරයකින් යුතුව, ඒ වූ සැටියෙන් ම ඥාන දර්ශනය ඉතා පිරිසිදු වූයේ ද, මහණෙනි, එකල්හී මම දෙවියන් සහිත වූ, මරුන් සහිත වූ, බඹුන් සහිත වූ, ශ්‍රමණබ්‍රාහ්මණයන් සහිත වූ, දෙව් මිනිස් ප්‍රජාවෙන් යුතු ලෝකයෙහි අනුත්තර වූ සම්මා සම්බෝධිය විශේෂ කොට අවබෝධ කරගත් බවට ප්‍රතිඥා දුන්නෙමි.
මා හට ඥාන දර්ශනය පහළ වූයේ ය. මාගේ චිත්ත විමුක්තිය වෙනස් නොවෙයි. මේ අවසන් ඉපදීම යි. දැන් නැවත භවයක් නැත්තේ ය.”
භාග්‍යවතුන් වහන්සේ මෙය වදාළ සේක. සතුටු සිත් ඇති පස්දෙනෙකු ගෙන් යුක්ත වූ ඒ භික්ෂූහු භාග්‍යවතුන් වහන්සේගේ භාෂිතය සතුටින් පිළිගත්තාහු ය.
මේ වෙය්‍යාකරණය වදාරණ කල්හී ආයුෂ්මත් කොණ්ඩඤ්ඤයන් වහන්සේට කෙලෙස් රහිත වූ, මලකඩ රහිත වූ, දහම් ඇස පහළ වූයේ ය. එනම්; ‘හේතු ප්‍රත්‍යයන්ගෙන් හටගන්නා ස්වභාවය ඇති යම්කිසිවක් ඇද්ද, ඒ සියල්ල හේතු නිරුද්ධ වීමෙන් නිරුද්ධ වී යන ස්වභාවය ඇත්තේ ය’ යන කරුණ යි.
භාග්‍යවතුන් වහන්සේ විසින් ධර්ම චක්‍රය ප්‍රවර්තනය කළ කල්හී පොළොවවාසී දෙවිවරු ශබ්දයක් පැවැත්වූවාහු ය. ‘භාග්‍යවතුන් වහන්සේ විසින් බරණැස ඉසිපතන මිගදායෙහි දී මේ අනුත්තර වූ ධර්ම චක්‍රය කරකවන ලද්දේ ය. ශ්‍රමණයෙකු විසින් වේවා, බ්‍රාහ්මණයෙකු විසින් වේවා, දෙවියෙකු විසින් වේවා, මාරයෙකු විසින් වේවා, බ්‍රහ්මයෙකු විසින් වේවා, ලෝකයෙහි වෙන කිසිවෙකු විසින් වේවා, එය ආපසු කරකැවිය නොහැක්කේ ය’ යි.
පොළොවවාසී දෙවිවරුන්ගේ ශබ්දය අසා චාතුම්මහාරාජික දෙවිවරු ශබ්දයක් පැවැත්වූවාහු ය. ‘භාග්‍යවතුන් වහන්සේ විසින් බරණැස ඉසිපතන මිගදායෙහි දී මේ අනුත්තර වූ ධර්ම චක්‍රය කරකවන ලද්දේ ය. ශ්‍රමණයෙකු විසින් වේවා, බ්‍රාහ්මණයෙකු විසින් වේවා, දෙවියෙකු විසින් වේවා, මාරයෙකු විසින් වේවා, බ්‍රහ්මයෙකු විසින් වේවා, ලෝකයෙහි වෙන කිසිවෙකු විසින් වේවා, එය ආපසු කරකැවිය නොහැක්කේ ය’ යි.
චාතුම්මහාරාජික දෙවිවරුන්ගේ ශබ්දය අසා තව්තිසා දෙවිවරු ශබ්දයක් පැවැත්වූවාහු ය. ….(පෙ)…. තව්තිසා දෙවිවරුන්ගේ ශබ්දය අසා යාම දෙවිවරු ශබ්දයක් පැවැත්වූවාහු ය. ….(පෙ)…. යාම දෙවිවරුන්ගේ ශබ්දය අසා තුසිත දෙවිවරු ශබ්දයක් පැවැත්වූවාහු ය. ….(පෙ)…. තුසිත දෙවිවරුන්ගේ ශබ්දය අසා නිම්මාණරතී දෙවිවරු ශබ්දයක් පැවැත්වූවාහු ය. ….(පෙ)…. නිම්මාණරතී දෙවිවරුන්ගේ ශබ්දය අසා පරනිම්මිත වසවත්තී දෙවිවරු ශබ්දයක් පැවැත්වූවාහු ය. ….(පෙ)…. පරනිම්මිත වසවත්තී දෙවිවරුන්ගේ ශබ්දය අසා බ්‍රහ්මකායික දෙවිවරු ශබ්දයක් පැවැත්වූවාහු ය. ‘භාග්‍යවතුන් වහන්සේ විසින් බරණැස ඉසිපතන මිගදායෙහි දී මේ අනුත්තර වූ ධර්ම චක්‍රය කරකවන ලද්දේ ය. ශ්‍රමණයෙකු විසින් වේවා, බ්‍රාහ්මණයෙකු විසින් වේවා, දෙවියෙකු විසින් වේවා, මාරයෙකු විසින් වේවා, බ්‍රහ්මයෙකු විසින් වේවා, ලෝකයෙහි වෙන කිසිවෙකු විසින් වේවා, එය ආපසු කරකැවිය නොහැක්කේ ය’ යනුවෙනි.
මෙසේ එකෙණෙහි, ඒ මොහොතෙහි යම්තාක් බ්‍රහ්මලෝක ඇද්ද, ඒ තාක් ඉහත කී ශබ්දය උස් ව පැනනැංගේ ය. මේ දසදහස් ලෝක ධාතුව ද කම්පා වූයේ ය. අතිශයින් කම්පා වූයේ ය. බලවත් ව කම්පා වූයේ ය. දෙවියන්ගේ දේවානුභාවය ඉක්මවා ගිය අප්‍රමාණ වූ උදාර වූ ආලෝකයක් ද ලෝකයෙහි පැතිර ගියේ ය.
එකල්හී භාග්‍යවතුන් වහන්සේ උදානයක් පහළ කළ සේක.
“භවත් කොණ්ඩඤ්ඤ තෙමේ ඒකාන්තයෙන් අවබෝධ කළේ ය! භවත් කොණ්ඩඤ්ඤ තෙමේ ඒකාන්තයෙන් අවබෝධ කළේ ය!”
මෙසේ ආයුෂ්මත් කොණ්ඩඤ්ඤයන් වහන්සේට අඤ්ඤාකොණ්ඩඤ්ඤ යනුවෙන් ම මේ නාමය වූයේ ය.
සාදු! සාදු!! සාදු!!!
ධම්මචක්කප්පවත්තන සූත්‍රය නිමා විය.
1 year ago | [YT] | 53
View 0 replies
Sermons of Sathya Dharma | සත්තිය ධර්ම දේශනා
පිං කරන මිනිස්සු මැරුණාට පස්සේ භූත ප්‍රෝතයෝ වෙන්නේ ඇයි? මෙන්න එයට හේතුව..... (2~ කොටස)
ඉතින් පින්වත් මහණෙනි, ඔන්න ඔය විදියට යම් දවසක ආර්ය ශ්‍රාවකයා ගේ සිතින්, සිත කිලුටු කරන දේවල් බැහැර වුනොත්, වමනෙ දැම්මා වගේ වුනොත්, ඒවායින් නිදහස් වෙලා ගියොත්, දුරු වෙලා ගියොත්, එතකොට ඒ භික්ෂුව, “අනේ! මාත් බුදු සමිඳාණන් කෙරෙහි නොසෙල්වෙන ප්‍රසාදයකින් යුක්ත කෙනෙක් නේද?” කියල මහත් සතුටට පත්වෙනවා. ඒ ගැන අවබෝධයක් ඇතිවෙනවා. ඒ නිසා ම සිත පිනා යනවා. එතකොට ප්‍රීතියක් ඇතිවෙනවා. සිත ප්‍රීතිමත් වුනා ම ඇඟපත සැහැල්ලු වෙනවා. එතකොට සිතට ලොකු සැපයක් ඇතිවෙනවා. සැප ඇති සිත තමයි සමාධිමත් වෙන්නෙ.ඒ වගේ ම “අනේ! මාත් ශ්‍රී සද්ධර්මය කෙරෙහි නොසෙල්වෙන ප්‍රසාදයකින් යුක්තයි නේද?” කියල මහත් සතුටට පත්වෙනවා. ඒ ගැන අවබෝධයක් ඇතිවෙනවා. ඒ නිසා ම සිත පිනා යනවා. එතකොට ප්‍රීතියක් ඇතිවෙනවා. සිත ප්‍රීතිමත් වුනා ම ඇඟපත සැහැල්ලු වෙනවා. එතකොට සිතට ලොකු සැපයක් ඇතිවෙනවා. සැප ඇති සිත තමයි සමාධිමත් වෙන්නෙ.ඒ වගේ ම “අනේ! මාත් ශ්‍රාවක සඟරුවන කෙරෙහි නොසෙල්වෙන ප්‍රසාදයකින් යුක්තයි නේද?” කියල මහත් සතුටට පත්වෙනවා. ඒ ගැන අවබෝධයක් ඇතිවෙනවා. ඒ නිසා ම සිත පිනා යනවා. එතකොට ප්‍රීතියක් ඇතිවෙනවා. සිත ප්‍රීතිමත් වුනා ම ඇඟපත සැහැල්ලු වෙනවා. එතකොට සිතට ලොකු සැපයක් ඇතිවෙනවා. සැප ඇති සිත තමයි සමාධිමත් වෙන්නෙ.ඒ වගේ ම ඒ භික්ෂුව “අනේ! මගේ හිතෙත් කිලුටු තිබුනා. ඒත් දැන් ඒ කිලුටු ඔක්කොම සිතෙන් බැහැර වුනා. වමනෙ ගියා වගෙ වුනා. නැති වෙලා ගියා. දුරු වෙලා ගියා නේද” කියල මහත් සතුටට පත්වෙනවා. ඒ ගැන අවබෝධයක් ඇතිවෙනවා. ඒ නිසා ම සිත පිනා යනවා. එතකොට ප්‍රීතියක් ඇතිවෙනවා. සිත ප්‍රීතිමත් වුනා ම ඇඟපත සැහැල්ලු වෙනවා. එතකොට සිතට ලොකු සැපයක් ඇතිවෙනවා. සැප ඇති සිත තමයි සමාධිමත් වෙන්නෙ.
පින්වත් මහණෙනි, ඒ භික්ෂුව ඔය විදිහේ සීලයකිනුත්, ඔය විදිහේ සමාධියකිනුත්, ඔය විදිහේ ප්‍රඥාවකිනුත් යුක්තව ඉන්න කොට, කොයිතරම් රසවත්, සූප ව්‍යංජන පිරුන ඇල් හාලේ බතක් වැළඳුවත් ඒක ඒ භික්ෂුවගෙ නිවන් මගට අන්තරායක් වෙන්නෙ නෑ.පින්වත් මහණෙනි, කිලුටු වෙලා අපිරිසිදු වෙච්ච ඇඳුමක් තියෙනවා කියල හිතමු. ඒ ඇඳුම හොඳ පිරිසිදු වතුරෙන් සේදුවා ම පිරිසිදුව බබලන්නට පටන් ගන්නවා. ඒ වගේ ම කෝවක දාලා හොඳ හැටියට පිරිසිදු කරගත්තු රත්තරන් හරි ම ලස්සනට බබලනවා. පින්වත් මහණෙනි, දැන් ඉතින් භික්ෂුවත් ඒ වගේ තමයි. ඒ භික්ෂුවත් ඔය විදිහේ සීලයකිනුත්, ඔය විදිහේ සමාධියකිනුත්, ඔය විදිහේ ප්‍රඥාවකිනුත් යුක්තව ඉන්න කොට, කොයිතරම් රසවත්, සූප ව්‍යංජන පිරුන ඇල් හාලේ බතක් වැළඳුවත් ඒක ඒ භික්ෂුවගෙ නිවන් මගට අන්තරායක් නම් වෙන්නෙ නෑ.
ඉතින් ඒ භික්ෂුව එක දිශාවක් පුරා ම මෛත්‍රී සහගත සිතුවිලි පතුරුවනවා. ඒ විදිහට ම දෙවෙනි, තුන්වැනි, හතරවැනි දිසාවන්ට ත් පතුරුවනවා. ඒ වගේ ම උඩ-යට-හරහට හැම දිශාවකට ම, සකල ලෝකයට ම මෛත්‍රී සිතුවිලි බහුල වශයෙන් පතුරුවනවා. සමාධිමත් සිතකින් යුක්තව ප්‍රමාණ රහිත කොට වෛර නැති, තරහ නැති, මෙත් සිතුවිලි පතුරුවනවා. ඒ වගේ ම කරුණාබර සිතුවිලි පතුරුවනවා. ....(පෙ).... අනුන්ගෙ දියුණුව දැක දැක සතුටු වන මුදිතා සිතුවිලි පතුරුවනවා. ....(පෙ).... උපේක්ෂා සිතුවිලි පතුරුවනවා. ඒ වගේ ම දෙවෙනි, තුන්වැනි, හතරවැනි දිශාවන්ටත් පතුරුවනවා. ඒ වගේ ම උඩ-යට-හරහට හැම දිශාවට ම, සකල ලෝකයට ම උපේක්ෂා සිතුවිලි බහුල වශයෙන් පතුරුවනවා. සමාධිමත් සිතකින් යුක්තව ප්‍රමාණ රහිත කොට වෛර නැති, තරහ නැති උපේක්ෂා සිතුවිලි පතුරුවනවා.
ඒ භික්ෂුව අවබෝධ කරගන්නවා මෙන්න මෙහෙම. ‘මේ තියෙන්නේ දුකක්’ ය කියලා. ‘මේ ලාමක වූ දුක හටගන්නෙ මෙහෙම යි’ කියලා. ‘උතුම් වූ බ්‍රහ්ම විහාර භාවනාවත් තියෙනවා’ කියලා. ‘ඒ බ්‍රහ්මවිහාර සඤ්ඤාවට වඩා උතුම් වූ අමා නිවනකුත් තියෙනවා’ කියලා. මේ විදිහට දැනගන්න කොට, මේ විදිහට දැකගන්න කොට ඒ භික්ෂුවගේ හිත කාම ආශ්‍රවයෙනුත් නිදහස් වෙනවා. භව ආශ්‍රවයෙනුත් නිදහස් වෙනවා. අවිජ්ජා ආශ්‍රවයෙනුත් නිදහස් වෙනවා. සියලු ආශ්‍රවයන්ගෙන් ම සිත නිදහස් වෙලා ගියා ම, ‘තමන් සියලු දුකින් නිදහස් වුනා!’ කියල අවබෝධ වෙනවා. ‘ඉපදීම නැති වුනා! නිවන් මග සම්පූර්ණ කරගත්තා! කළ යුතු දේ කළා! ආයෙත් නම් මට ඉපදීමක් නැහැ!’ කියල අවබෝධ වෙනවා. පින්වත් මහණෙනි, අන්න ඒ භික්ෂුවටයි කියන්නේ “ජීවිතේ ඇතුළෙ තියෙන වතුරින් හොඳ හැටි නා ගත්තු කෙනා” කියලා.
එතකොට, ඒ වෙලාවේ භාග්‍යවතුන් වහන්සේට නුදුරින් සුන්දරික භාරද්වාජ කියන බ්‍රාහ්මණයා වාඩිවෙලා හිටියා. ඉතින් ඒ සුන්දරික භාරද්වාජ බ්‍රාහ්මණයා භාග්‍යවතුන් වහන්සේට මෙහෙම කිව්වා. “ඒත් භාග්‍යවතුන් වහන්සේ පවා ‘බාහුකා’ කියන ගංගාවෙන් පැන් පහසුවෙන්නට වඩිනවා නේද?”
“පින්වත් බ්‍රාහ්මණය, ඔය බාහුකා ගංගාව මොකක් ද? බාහුකා ගංගාවෙන් මොකක් ද කරන්නට පුළුවන්?”“පින්වත් ගෞතමයන් වහන්ස, බාහුකා ගංගාව ගැන බොහෝ දෙනෙක් හිතාගෙන ඉන්නෙ පුණ්‍ය තොටුපොළක් හැටියටයි. පින්වත් ගෞතමයන් වහන්ස, ඔය බාහුකා ගංගාව පින් තොටුපොළක් හැටියට බොහෝ දෙනෙක් සම්මත කරගෙනත් ඉන්නවා. බොහෝ දෙනෙක් ඔය බාහුකා ගංගාවේ ගිලිලා නාලා පව් හෝදලත් දානවා.”
ඒ වෙලාවේ භාග්‍යවතුන් වහන්සේ සුන්දරික භාරද්වාජ බ්‍රාහ්මණයාට මේ ගාථාවන් වදාළා.
බාහුකා ගංගාව, අධිකක්ක තීර්ථය, ගයා තීර්ථය, සුන්දරිකා ගංගාව, සරස්වතී ගංගාව, ප්‍රයාග තීර්ථය, බාහුමතී නදිය ආදී තැන් තියෙනවා තමයි.
පව් කරන අඥාන උදවිය ඔය වතුරකට හැම තිස්සේ ම බැහැගෙන හිටියත් පිරිසිදු වෙන්නෙ නම් නෑ. එබඳු කෙනෙකුට ඔය සුන්දරිකා ගඟ කුමක් කරන්න ද? ප්‍රයාග තීර්ථය කුමක් කරන්න ද? බාහුකා නදිය කුමක් කරන්න ද? වෛර කරන, නපුරුකම් කරන, පව්කම් කරන ඒ අඥානයාව පිරිසිදු කරන්නට ඔය වතුරට බැහැ.
කෙලෙස් රහිත පිරිසිදු කෙනාට හැම තිස්සෙම සුභ නැකත ම යි ලබලා තියෙන්නෙ. ඔහු ගේ ජීවිතේ හැමදාම පිරිසිදු පොහොය දවස වගෙයි. පිරිසිදු ජීවිතයක් ඇති කෙනාට තමන්ගේ පිරිසිදු ක්‍රියා කලාපය නිසා, පිරිසිදු පිළිවෙත් නිසා හැමදාම දියුණුවක් තියෙනවා. පින්වත් බ්‍රාහ්මණය, මෙතනදී ම අන්න ඒ වතුර ටික නාගන්න. සියලු සතුන් කෙරෙහි මෙත් පතුරන්න.
ඉදින් බොරු කියන්නෙ නැත්නම්, ඉදින් ප්‍රාණීන්ට හිංසා කරන්නෙ නැත්නම්, ඉදින් හොරකම් කරන්නෙ නැත්නම්, ශ්‍රද්ධාවත් තියෙනවා නම්, තමන්ගේ දෙයක් තව කෙනෙක් පාවිච්චි කරන කොට සතුටු වෙනවා නම්, ගයා තීර්ථයට ගිහින් කුමක් කරන්න ද? එතකොට ඔබේ නිවසේ තියෙන ළිඳ වුනත් ගයාවක් තමයි.”
එතකොට සුන්දරික භාරද්වාජ බ්‍රාහ්මණයා මෙහෙම කිව්වා.“පින්වත් ගෞතමයන් වහන්ස, හරි ම සුන්දරයි! පින්වත් ගෞතමයන් වහන්ස, හරි ම සුන්දරයි! පින්වත් ගෞතමයන් වහන්ස, මේ ගැන මට මේ විදිහටයි හිතෙන්නෙ.යටිකුරු වෙච්ච දෙයක් උඩට හැරෙව්වා වගෙයි. සැඟවෙච්ච දෙයක් විවෘත කළා වගෙයි. මං මුළා වූ කෙනෙකුට මාර්ගය පෙන්වුවා වගෙයි. අඳුරේ සිටින ඇස් ඇති උදවියට රූප දකින්න තෙල් පහන් දැල්වුවා වගෙයි. ඔන්න ඔය විදිහටයි පින්වත් ගෞතමයන් වහන්සේ විසින් නොයෙක් ආකාරයෙන් ශ්‍රී සද්ධර්මය වදාළේ. ඉතින් මාත් පින්වත් ගෞතමයන් වහන්සේව සරණ යනවා. ශ්‍රී සද්ධර්මයත් සරණ යනවා. ශ්‍රාවක සඟරුවනත් සරණ යනවා. පින්වත් ගෞතමයන් වහන්සේ ළඟ මටත් පැවිදි වෙන්න තියෙනවා නම්, උපසම්පදා වෙන්න තියෙනවා නම් කොයිතරම් හොඳ ද?
ඉතින් සුන්දරික භාරද්වාජ බ්‍රාහ්මණයා භාග්‍යවතුන් වහන්සේ ළඟ පැවිදි වුනා. උපසම්පදා වුනා. ආයුෂ්මත් භාරද්වාජයන් වහන්සේ උපසම්පදා වෙලා ටික දවසකින් හුදෙකලා වුනා. පිරිසෙන් වෙන් වුනා. අප්‍රමාදී වුනා. බලවත්ව වීරිය ඇති කරගත්තා. ජීවිත පරිත්‍යාගයෙන් ධර්මයේ හැසිරෙන කොට ඉතා සුළු කලකින් අරහත්වයට පත්වුනා. යම් පින්වත් කෙනෙක් ගිහි ගෙයින් වෙන් වෙලා මේ ශාසනයේ යහපත් මහණ ජීවිතේ ලබාගන්නෙ උතුම් අදහසක් ඇතිවයි. අන්න ඒ නිවන් මග සම්පූර්ණ කරගෙන මේ ජීවිතේ දී ම තම නුවණින් උතුම් අරහත්වයට පත්වෙලා වාසය කරන්න ඒ භික්ෂුවටත් පුළුවන් වුනා. ‘ඉපදීම නැති වුනා! නිවන් මග සම්පූර්ණ කරගත්තා! කළ යුත්ත කළා! නිවන පිණිස කළ යුතු වෙන දෙයක් නැත’ කියල අවබෝධ වුනා. දැන් ආයුෂ්මත් භාරද්වාජයන් වහන්සේත් රහතන් වහන්සේලා අතර කෙනෙක්!
ඇඳුමක් උපමා කරගෙන වදාළ දෙසුම නිමා විය.
සාදු! සාදු!! සාදු!!!
1 year ago | [YT] | 36
View 0 replies
Sermons of Sathya Dharma | සත්තිය ධර්ම දේශනා
පිං කරන මිනිස්සු මැරුණාට පස්සේ භූත ප්‍රෝතයෝ වෙන්නේ ඇයි? මෙන්න එයට හේතුව... (1~කෙටස)
වත්ථූපම සුත්තං
මජ්ඣිම නිකාය
මූල පණ්ණාසකෝ
1.1.7. වත්ථූපම සුත්තං
1.1.7. ඇඳුමක් උපමාවට ගෙන වදාළ දෙසුම
මා හට අසන්නට ලැබුනේ මේ විදිහට යි. ඒ දිනවල භාග්‍යවතුන් වහන්සේ වැඩ සිටියේ සැවැත් නුවර ජේතවන නම් වූ අනේපිඬු සිටුතුමාගේ ආරාමයේ. එදා භාග්‍යවතුන් වහන්සේ “පින්වත් මහණෙනි” කියල භික්ෂුසංඝයා ඇමතුවා. “පින්වතුන් වහන්ස” කියල ඒ භික්ෂූන් වහන්සේලාත් භාග්‍යවතුන් වහන්සේට පිළිතුරු දුන්නා. ඒ මොහොතේ දී තමයි භාග්‍යවතුන් වහන්සේ මේ දෙසුම වදාළේ.
“පින්වත් මහණෙනි, කිලුටු වෙලා, අපිරිසිදු වෙච්ච ඇඳුමක් තියෙනවා කියල හිතමු. ඉතින් රෙදිවලට සායම් පොවන කෙනෙක් හිතනවා ඒ ඇඳුමට සායම් පොවන්න ඕන කියලා. එහෙම හිතලා නිල් පාට හරි, කහ පාට හරි, රතුපාට හරි, මදටිය පාට හරි සායම් තියෙන භාජනයක ඒ ඇඳුම දානවා. ඇත්තෙන් ම ඒ ඇඳුමට ලස්සනට සායම් අල්ලන්නේ නෑ. අවලස්සන පාටක් ම යි ඇතිවෙන්නෙ. ඇයි එහෙම වෙන්නෙ?පින්වත් මහණෙනි, ඒක එහෙම වෙන්නෙ ඒ ඇඳුම අපිරිසිදු එකක් නිසා. පින්වත් මහණෙනි, අන්න ඒ විදිහම යි සිතක් වුනත් කිලුටු වෙලා ගියොත් කැමති වෙන්න තියෙන්නේ දුගතියේ උපතක් ම තමයි.
පින්වත් මහණෙනි, හොඳ පිරිසිදුවට බබලන ඇඳුමක් තියෙනවා කියල හිතමු. ඉතින් රෙදි වලට සායම් පොවන කෙනෙක් හිතනවා ඒ ඇඳුමට සායම් පොවන්න ඕන කියලා. එහෙම හිතල නිල් පාට හරි, කහ පාට හරි, රතුපාට හරි, මදටිය පාට හරි සායම් තියෙන භාජනයකට ඒ ඇඳුම දානවා. එතකොට ඒ ඇඳුමට හොඳට සායම් අල්ලනවා. ලස්සනට පාට වෙනවා. පිරිසිදු පාටකට හැරෙනවා. ඇයි එහෙම වෙන්නෙ?පින්වත් මහණෙනි, ඒක එහෙම වෙන්නෙ, ඒ ඇඳුම පිරිසිදු එකක් නිසා. පින්වත් මහණෙනි, අන්න ඒ විදිහට ම යි සිතක් වුනත් කිලුටු වෙලා නැත්නම් කැමති වෙන්න තියෙන්නෙ සැප තියෙන ලෝකයක ඉපදීමක් තමයි.
පින්වත් මහණෙනි, මොනවයින් ද සිතක් කිලුටු වෙන්නෙ? තමන් සතු දේ තමා ළඟම තබා ගන්නටත්, අනුන් සතු දේ තමන් සතු කරගන්නටත් ලෝභකම ඇතිවෙනවා. අන්න ඒක සිතට කිලුටක්. ද්වේෂය ඇතිවෙනවා. අන්න ඒකත් සිතට කිලුටක්. ක්‍රෝධය ඇතිවෙනවා. අන්න ඒකත් සිතට කිලුටක්. වෛර බැඳගැනීම ඇතිවෙනවා. අන්න ඒකත් සිතට කිලුටක්. අනුන්ගේ ගුණවත්කම මතුවෙද්දී එය යටපත් කොට මකලා දානවා. අන්න ඒකත් සිතට කිලුටක්. එකට එක කරනවා. අන්න ඒකත් සිතට කිලුටක්. ඉරිසියාව ඇතිවෙනවා. අන්න ඒකත් සිතට කිලුටක්. තමන්ගේ දෙයක් තව කෙනෙක් පාවිච්චි කරනවට අකැමති මසුරුකම ඇතිවෙනවා. අන්න ඒකත් සිතට කිලුටක්. ගුණවතුන් හැටියට පෙනී ඉන්නවා. අන්න ඒකත් සිතට කිලුටක්. කපටිකම ඇතිවෙනවා. අන්න ඒකත් සිතට කිලුටක්. සාධාරණ අදහස්වලට විරුද්ධව දැඩිව ඉන්නවා. අන්න ඒකත් සිතට කිලුටක්. තරඟයට වැඩකරනවා. අන්න ඒකත් සිතට කිලුටක්. අහංකාරකමින් ඉන්නවා. අන්න ඒකත් සිතට කිලුටක්. අධික අහංකාරකමින් ඉන්නවා. අන්න ඒකත් සිතට කිලුටක්. හිතට අරගෙන ඉදිමිලා ඉන්නවා. අන්න ඒකත් සිතට කිලුටක්. බාහිර කටයුතු පෙරට ගෙන ධර්මයේ හැසිරීම ප්‍රමාද කරනවා. අන්න ඒකත් සිතට කිලුටක්.
පින්වත් මහණෙනි, ඒ භික්ෂුව තමන් සතු දේ ගැනත්, අනුන් සතු දේ ගැනත් ඇතිවෙන ලෝභකම නම් වූ අභිජ්ඣා විෂම ලෝභය සිත කිලුටු කරවන උපක්ලේශයක් බව අවබෝධ කරගෙන, සිත කිලුටු කරවන ඒ අභිජ්ඣා විෂම ලෝභය අත්හරිනවා. ද්වේෂය සිත කිලුටු කරවන උපක්ලේශයක් බව අවබෝධ කරගෙන, සිත කිලුටු කරවන ඒ ව්‍යාපාදය අත්හරිනවා. ක්‍රෝධය සිත කිලුටු කරවන උපක්ලේශයක් බව අවබෝධ කරගෙන, සිත කිලුටු කරවන ඒ ක්‍රෝධය අත්හරිනවා. වෛර බැඳ ගැනීම සිත කිලුටු කරවන උපක්ලේශයක් බව අවබෝධ කරගෙන, සිත කිලුටු කරවන ඒ බද්ධ වෛරය අත්හරිනවා. ගුණමකුකම සිත කිලුටු කරවන උපක්ලේශයක් බව අවබෝධ කරගෙන, සිත කිලුටු කරවන ඒ ගුණමකුකම අත්හරිනවා. එකට එක කිරීම සිත කිලුටු කරවන උපක්ලේශයක් බව අවබෝධ කරගෙන, සිත කිලුටු කරවන ඒ එකට එක කිරීම අත්හරිනවා. ඉරිසියාව සිත කිලුටු කරවන උපක්ලේශයක් බව අවබෝධ කරගෙන, සිත කිලුටු කරවන ඒ ඉරිසියාව අත්හරිනවා. මසුරුකම සිත කිලුටු කරවන උපක්ලේශයක් බව අවබෝධ කරගෙන, සිත කිලුටු කරවන ඒ මසුරුකම අත්හරිනවා. නැති ගුණ පෙන්වීම සිත කිලුටු කරවන උපක්ලේශයක් බව අවබෝධ කරගෙන, සිත කිලුටු කරවන ඒ නැති ගුණ පෙන්වීම අත්හරිනවා. කපටිකම සිත කිලුටු කරවන උපක්ලේශයක් බව අවබෝධ කරගෙන, සිත කිලුටු කරවන ඒ කපටිකම අත්හරිනවා. සාධාරණ අදහස්වලට විරුද්ධව දැඩිව සිටීම සිත කිලුටු කරවන උපක්ලේශයක් බව අවබෝධ කරගෙන, සිත කිලුටු කරවන ඒ සාධාරණ අදහස් වලට විරුද්ධව දැඩිව සිටීම අත්හරිනවා. තරඟයට වැඩ කිරීම සිත කිලුටු කරවන උපක්ලේශයක් බව අවබෝධ කරගෙන, සිත කිලුටු කරවන ඒ තරඟයට වැඩ කිරීම අත්හරිනවා. අහංකාරකම සිත කිලුටු කරවන උපක්ලේශයක් බව අවබෝධ කරගෙන, සිත කිලුටු කරවන ඒ අහංකාරකම අත්හරිනවා. අධික අහංකාරකම සිත කිලුටු කරවන උපක්ලේශයක් බව අවබෝධ කරගෙන, සිත කිලුටු කරවන ඒ අධික අහංකාරකම අත්හරිනවා. හිතට අරගෙන ඉදිමී සිටීම සිත කිලුටු කරවන උපක්ලේශයක් බව අවබෝධ කරගෙන, සිත කිලුටු කරවන ඒ හිතට අරගෙන ඉදිමී සිටීම අත්හරිනවා. ධර්මයේ හැසිරෙන්න ප්‍රමාද වීම සිත කිලුටු කරවන උපක්ලේශයක් බව අවබෝධ කරගෙන, සිත කිලුටු කරවන ඒ ප්‍රමාදය අත්හරිනවා.
පින්වත් මහණෙනි, ඒ භික්ෂුව යම් දවසක තමන් සතු දේ ගැනත්, අනුන් සතු දේ ගැනත් ඇතිවෙන ලෝභකම නම් වූ අභිජ්ඣා විෂම ලෝභය සිත කිලුටු කරවන උපක්ලේශයක් බව අවබෝධ කරගෙන, සිත කිලුටු කරවන ඒ අභිජ්ඣා විෂම ලෝභය සිතින් ප්‍රහාණය වෙලා ගියා නම්, ද්වේෂය සිත කිලුටු කරවන උපක්ලේශයක් බව අවබෝධ කරගෙන, සිත කිලුටු කරවන ඒ ව්‍යාපාදය සිතින් ප්‍රහාණය වෙලා ගියා නම්, ක්‍රෝධය සිත කිලුටු කරවන උපක්ලේශයක් බව අවබෝධ කරගෙන, සිත කිලුටු කරවන ඒ ක්‍රෝධය සිතින් ප්‍රහාණය වෙලා ගියා නම්, වෛර බැඳ ගැනීම සිත කිලුටු කරවන උපක්ලේශයක් බව අවබෝධ කරගෙන, සිත කිලුටු කරවන ඒ බද්ධ වෛරය සිතින් ප්‍රහාණය වෙලා ගියා නම්, ගුණමකුකම සිත කිලුටු කරවන උපක්ලේශයක් බව අවබෝධ කරගෙන, සිත කිලුටු කරවන ඒ ගුණමකුකම සිතින් ප්‍රහාණය වෙලා ගියා නම්, එකට එක කිරීම සිත කිලුටු කරවන උපක්ලේශයක් බව අවබෝධ කරගෙන, සිත කිලුටු කරවන ඒ එකට එක කිරීම සිතින් ප්‍රහාණය වෙලා ගියා නම්, ඉරිසියාව සිත කිලුටු කරවන උපක්ලේශයක් බව අවබෝධ කරගෙන, සිත කිලුටු කරවන ඒ ඉරිසියාව සිතින් ප්‍රහාණය වෙලා ගියා නම්, මසුරුකම සිත කිලුටු කරවන උපක්ලේශයක් බව අවබෝධ කරගෙන, සිත කිලුටු කරවන ඒ මසුරුකම සිතින් ප්‍රහාණය වෙලා ගියා නම්, නැති ගුණ පෙන්වීම සිත කිලුටු කරවන උපක්ලේශයක් බව අවබෝධ කරගෙන, සිත කිලුටු කරවන ඒ නැති ගුණ පෙන්වීම සිතින් ප්‍රහාණය වෙලා ගියා නම්, කපටිකම සිත කිලුටු කරවන උපක්ලේශයක් බව අවබෝධ කරගෙන, සිත කිලුටු කරවන ඒ කපටිකම සිතින් ප්‍රහාණය වෙලා ගියා නම්, සාධාරණ අදහස්වලට විරුද්ධව දැඩිව සිටීම සිත කිලුටු කරවන උපක්ලේශයක් බව අවබෝධ කරගෙන, සිත කිලුටු කරවන ඒ සාධාරණ අදහස්වලට විරුද්ධව දැඩිව සිටීම සිතින් ප්‍රහාණය වෙලා ගියා නම්, තරඟයට වැඩ කිරීම සිත කිලුටු කරවන උපක්ලේශයක් බව අවබෝධ කරගෙන, සිත කිලුටු කරවන ඒ තරඟයට වැඩ කිරීම සිතින් ප්‍රහාණය වෙලා ගියා නම්, අහංකාරකම සිත කිලුටු කරවන උපක්ලේශයක් බව අවබෝධ කරගෙන, සිත කිලුටු කරවන ඒ අහංකාරකම සිතින් ප්‍රහාණය වෙලා ගියා නම්, අධික අහංකාරකම සිත කිලුටු කරවන උපක්ලේශයක් බව අවබෝධ කරගෙන, සිත කිලුටු කරවන ඒ අධික අහංකාරකම සිතින් ප්‍රහාණය වෙලා ගියා නම්, හිතට අරගෙන ඉදිමී සිටීම සිත කිලුටු කරවන උපක්ලේශයක් බව අවබෝධ කරගෙන, සිත කිලුටු කරවන ඒ හිතට අරගෙන ඉදිමී සිටීම සිතින් ප්‍රහාණය වෙලා ගියා නම්, ධර්මයේ හැසිරෙන්න ප්‍රමාද වීම සිත කිලුටු කරවන උපක්ලේශයක් බව අවබෝධ කරගෙන, සිත කිලුටු කරවන ඒ ප්‍රමාදය සිතින් ප්‍රහාණය වෙලා ගියා නම්,
අන්න ඒ භික්ෂුව බුදුරජාණන් වහන්සේ කියන්නේ කවුද කියල අවබෝධයෙන් ම හඳුනාගෙන උන්වහන්සේ ගැන නොසෙල්වෙන පැහැදීමකින් යුක්ත වෙනවා. “ඒ අප ගේ භාග්‍යවතුන් වහන්සේ රාග, ද්වේෂ, මෝහ නැති පරම පිවිතුරු සිත් ඇති කෙනෙක් වන සේක (අරහං). බාහිර උපකාරයකින් තොරව තම බුද්ධි මහිමයෙන් ම චතුරාර්ය සත්‍යාවබෝධය ලබාගත් කෙනෙක් වන සේක (සම්මා සම්බුද්ධෝ). ඉතා පිරිසිදු අවබෝධ ඤාණයෙනුත්, ඊට අනුකූල ජීවිත පැවැත්මෙනුත් යුක්ත කෙනෙක් වන සේක (විජ්ජා චරණ සම්පන්නෝ). සුන්දර නිවන් මග සොයා ගෙන ඒ සුන්දර නිවනට පැමිණි කෙනෙක් වන සේක (සුගතෝ). සකල ලෝක ධාතුව ම පරිපූර්ණ වශයෙන් අවබෝධ කළ කෙනෙක් වන සේක (ලෝකවිදූ). දෙව් මිනිසුන් දමනය කිරීමෙහි අතිශයින් ම දක්ෂ කෙනෙක් වන සේක (අනුත්තරෝ පුරිසදම්මසාරථී). දෙවි මිනිස් ප්‍රජාවට නිවැරදි නායකත්වය සපයන කෙනෙක් වන සේක (සත්ථා දේවමනුස්සානං). අවබෝධ කරගත් සද්ධර්මය අන්‍යන්ට ද අවබෝධ කරවන කෙනෙක් වන සේක (බුද්ධෝ). මේ සියලු ගුණ දැරීමට භාග්‍යය ඇති කෙනෙක් වන සේක (භගවා)” කියල.ඒ වගේ ම “සද්ධර්මය” කියන්නේ මොකක් ද කියලත් අවබෝධයෙන් ම හඳුනාගෙන සද්ධර්මය ගැනත් නොසෙල්වෙන පැහැදීමකින් යුක්ත වෙනවා. “අපගේ භාග්‍යවතුන් වහන්සේ විසින් මුල, මැද, අග ඉතා ම යහපත් විදිහට, ඉතා ම අර්ථවත්ව, පැහැදිලි වචන වලින් පරිපූර්ණ නිවන් මග පෙන්වා වදාළ නිසා මේ සද්ධර්මය ‘ස්වාක්ඛාත’ යි. මේ ජීවිතයේ දී ම අවබෝධ කරගන්න පුළුවන් නිසා මේ සද්ධර්මය ‘සන්දිට්ඨික’ යි. ඕනෑ ම කාලයක දී අවබෝධ කරගන්න පුළුවන් නිසා මේ සද්ධර්මය ‘අකාලික’ යි. ඇවිත් අවබෝධ කරගන්න කියල පෙන්වා දෙන්න පුළුවන් නිසා මේ සද්ධර්මය ‘ඒහිපස්සික’ යි. තමා තුළින් ම අවබෝධ කර ගත යුතු නිසා මේ සද්ධර්මය ‘ඕපනයික’ යි. බුද්ධිමත් උදවිය වෙන් වෙන් වශයෙන් අවබෝධ කරගත යුතු දෙයක් නිසා මේ සද්ධර්මය ‘පච්චත්තං වේදිතබ්බෝ විඤ්ඤූහී’ ගුණයෙන් යුක්තයි කියල.ඒ වගේ ම භික්ෂුව ශ්‍රාවක සංඝරත්නය කියන්නෙ කවුද කියලත් අවබෝධයෙන් ම හඳුනාගෙන “ශ්‍රාවක සංඝරත්නය” ගැනත් නොසෙල්වෙන පැහැදීමකින් යුක්ත වෙනවා. භාග්‍යවතුන් වහන්සේගේ ශ්‍රාවක සඟරුවන රාග, ද්වේෂ, මෝහ දුරුකරන ප්‍රතිපදාවෙන් යුක්ත නිසා ‘සුපටිපන්න’ යි. භාග්‍යවතුන් වහන්සේ ගේ ශ්‍රාවක සඟරුවන සෘජු මාර්ගය වන ආර්යඅෂ්ටාංගික මාර්ගයේ ගමන් කරන නිසා ‘උජුපටිපන්න’ යි. භාග්‍යවතුන් වහන්සේ ගේ ශ්‍රවක සඟරුවන චතුරාර්ය සත්‍යාවබෝධය ඇති කරවන ප්‍රතිපදාවකින් යුක්ත නිසා ‘ඤායපටිපන්න’ යි. භාග්‍යවතුන් වහන්සේගේ ශ්‍රාවක සඟරුවන ඒ නිවන් මග අන්‍යන්ටත් කියා දෙන නිසා ‘සාමීචිපටිපන්න’ යි. යුගල වශයෙන් ශ්‍රාවකයන් හතරකුත්, පුද්ගලයන් වශයෙන් ශ්‍රාවකයන් අට දෙනෙකුත් දකින්න ලැබෙනවා. භාග්‍යවතුන් වහන්සේගේ ශ්‍රාවක සංඝරත්නය දුර සිට රැගෙන ආ දන් පැන් ලැබීමට සුදුසු වූ ‘ආහුනෙය්‍ය’ ගුණයෙන් යුක්තයි. ආගන්තුක සත්කාර ලැබීමට සුදුසු වූ ‘පාහුනෙය්‍ය’ ගුණයෙන් යුක්තයි. පින් ලබා ගැනීම පිණිස දන් පැන් පිදීමට සුදුසු වූ ‘දක්ඛිණෙය්‍ය’ ගුණයෙන් යුක්තයි. වැඳුම්-පිඳුම් ලැබීමට සුදුසු වූ ‘අඤ්ජලිකරණීය’ ගුණයෙන් යුක්තයි. ලෝකයේ උතුම් පින් කෙත වන නිසා ‘අනුත්තරං පුඤ්ඤක්ඛෙත්තං ලෝකස්ස’ වන සේක කියලා.
(1~කොසට නිමා විය)
1 year ago | [YT] | 57
View 2 replies
Sermons of Sathya Dharma | සත්තිය ධර්ම දේශනා
අපගේ කල්‍යාණ මිත්‍ර පරම පූජනීය අනූ බුදු මිහිඳු මහරහතන් වහන්සේට මගේ නමස්කාරය වේවා!!! සා...දු! සා...දු!! සා...දු!!!
සත්පුරුෂ ඇසුරෙන් ධර්ම අසන්නාත් ධර්ම දානය පිණිසත් ඇරඹි “Sermons of Sathya Dharma Satpurushu friends” සමග ඔබට එකතු විය හැකිය.
☸️☸️☸️☸️☸️☸️☸️☸️☸️☸️
සබ්බ දානං ධර්ම දානං ජිනාති.
සියලුම දානයන්ට වඩා ධර්ම දානය අග්‍ර වන්නෙය.
🙏🙏🙏🙏🙏🙏🙏🙏🙏
ඔබත් දානයන් අතරින් අග්‍රම ධර්ම දානය ලබා දෙන්න.
ඒ සඳහා ඔබ සැමට ආරාධනා.
chat.whatsapp.com/Ga4hCFHjzuC92Q6ozZqrgf
Follow the Sermons of Sathya Dharma Satpurushu friends channel on WhatsApp: whatsapp.com/channel/0029VaWtgy14yltUNR7MAL1l
WhatsApp Channel ඒකට Add වෙන්න...
1 year ago | [YT] | 15
View 1 reply
Sermons of Sathya Dharma | සත්තිය ධර්ම දේශනා
ඔබ බුදුරජාණන් වහන්සේගේ සැබෑම උපාසකයෙක් ද නැත්තම් උපාසක සැඩොලෙක්ද ........
අංගුත්තර නිකාය
පඤ්චක නිපාතෝ
උපාසක චණ්ඩාල සුත්තං
උපාසක සැඩොලා ගැන වදාළ දෙසුම
(සාවත්ථිනිදානං:)
සැවැත් නුවර දී ය …..
පඤ්චහි භික්ඛවේ, ධම්මේහි සමන්නාගතෝ උපාසකෝ උපාසකචණ්ඩාලෝ ච හෝති උපාසකමලඤ්ච උපාසකපතිකිට්ඨෝ ච. කතමේහි පඤ්චහි?
මහණෙනි, පස් කරුණකින් සමන්විත වූ උපාසකයා උපාසක සැඩොලෙක් ද වෙයි. උපාසක කසලයෙක් ද වෙයි. උපාසක පිළිකුලෙක් ද වෙයි. ඒ කවර පසකින් ද යත්;
අස්සද්ධෝ හෝති, දුස්සීලෝ හෝති, කෝතුහලමංගලිකෝ හෝති, මංගලං පච්චේති නෝ කම්මං. ඉතෝ ච බහිද්ධා දක්ඛිණෙය්‍යං ගවේසති. තත්ථ ච පුබ්බකාරං කරෝති.
ශ්‍රද්ධාව නැත්තේ වෙයි. දුස්සීල වෙයි. සුභ නැකැත්, සුභ නිමිති බලන්නේ බාහිර මංගල කරුණු සොයන්නේ වෙයි. කර්මය නොව මංගල කරුණු විශ්වාස කරයි. මේ ශාසනයෙන් බාහිර ව දන් පැන් පුදන පුද්ගලයන් සොයයි. එහිලා ද පෙර පරිද්දෙන් ම කටයුතු කරයි.
ඉමේහි ඛෝ භික්ඛවේ, පඤ්චහි ධම්මේහි සමන්නාගතෝ උපාසකෝ උපාසකචණ්ඩාලෝ ච හෝති උපාසකමලඤ්ච උපාසකපතිකිට්ඨෝ ච.
මහණෙනි, මේ පස් කරුණෙන් සමන්විත වූ උපාසකයා උපාසක සැඩොලෙක් ද වෙයි. උපාසක කසලයෙක් ද වෙයි. උපාසක පිළිකුලෙක් ද වෙයි.
පඤ්චහි භික්ඛවේ, ධම්මේහි සමන්නාගතෝ උපාසකෝ උපාසකරතනඤ්ච හෝති උපාසකපදුමඤ්ච උපාසකපුණ්ඩරීකඤ්ච: කතමේහි පඤ්චහි:
මහණෙනි, පස් කරුණකින් සමන්විත වූ උපාසකයා උපාසක රත්නයක් ද වෙයි. උපාසක පියුමක් ද වෙයි. උපාසක සුදු නෙළුමක් ද වෙයි. ඒ කවර පසකින් ද යත්;
සද්ධෝ හෝති, සීලවා හෝති, අකෝතූහලමංගලිකෝ හෝති, කම්මං පච්චේති නෝ මංගලං, න ඉතෝ බහිද්ධා දක්ඛිණෙය්‍යං ගවේසති, ඉධ ච පුබ්බකාරං කරෝති.
ශ්‍රද්ධාව ඇත්තේ වෙයි. සිල්වත් වෙයි. සුභ නැකැත්, සුභ නිමිති නොබලන්නේ බාහිර මංගල කරුණු නොසොයන්නේ වෙයි. මංගල කරුණු නොව කර්මය විශ්වාස කරයි. මේ ශාසනයෙන් බාහිර ව දන් පැන් පුදන පුද්ගලයන් නොසොයයි. එහිලා ද පෙර පරිද්දෙන් ම කටයුතු කරයි.
ඉමේහි ඛෝ භික්ඛවේ, පඤ්චහි ධම්මේහි සමන්නාගතෝ උපාසකෝ උපාසකරතනඤ්ච හෝති උපාසකපදුමඤ්ච උපාසකපුණ්ඩරීකඤ්චාති.
මහණෙනි, මේ පස් කරුණෙන් සමන්විත වූ උපාසකයා උපාසක රත්නයක් ද වෙයි. උපාසක පියුමක් ද වෙයි. උපාසක සුදු නෙළුමක් ද වෙයි.
සාදු! සාදු!! සාදු!!!
උපාසක චණ්ඩාල සූත්‍රය නිමා විය.
තෙරුවන් සරණයි......!
නමෝ බුද්ධාය....
1 year ago | [YT] | 40
View 3 replies
Sermons of Sathya Dharma | සත්තිය ධර්ම දේශනා
අපගේ ශාස්තෘන්වහන්සේ වදාළා සැබෑ ම සුභ නැකැත.
අංගුත්තර නිකාය
තික නිපාතෝ
යේ භික්ඛවේ, සත්තා පුබ්බන්හසමයං කායේන සුචරිතං චරන්ති, වාචාය සුචරිතං චරන්ති, මනසා සුචරිතං චරන්ති, සුපුබ්බන්හෝ භික්ඛවේ, තේසං සත්තානං.
පින්වත් මහණෙනි, යම් සත්ව කෙනෙක් පෙරවරුවේ කයෙන් යහපතෙහි හැසිරෙනවා නම්, වචනයෙන් යහපතෙහි හැසිරෙනවා නම්, මනසින් යහපතෙහි හැසිරෙනවා නම්, පින්වත් මහණෙනි, ඒ සත්වයන් හට එය සුභ උදෑසනකි.
යේ භික්ඛවේ, සත්තා මජ්ඣන්තිකං සමයං කායේන සුචරිතං චරන්ති, වාචාය සුචරිතං චරන්ති, මනසා සුචරිතං චරන්ති, සුමජ්ඣන්තිකෝ භික්ඛවේ, තේසං සත්තානං.
පින්වත් මහණෙනි, යම් සත්ව කෙනෙක් මධ්‍යාහ්නයෙහි කයෙන් යහපතෙහි හැසිරෙනවා නම්, වචනයෙන් යහපතෙහි හැසිරෙනවා නම්, මනසින් යහපතෙහි හැසිරෙනවා නම්, පින්වත් මහණෙනි, ඒ සත්වයන් හට එය සුභ දහවලකි.
යේ භික්ඛවේ, සත්තා සායන්හසමයං කායේන සුචරිතං චරන්ති, වාචාය සුචරිතං චරන්ති, මනසා සුචරිතං චරන්ති, සුසායන්හෝ භික්ඛවේ, තේසං සත්තානන්ති.
පින්වත් මහණෙනි, යම් සත්ව කෙනෙක් සවස් වරුවේ කයෙන් යහපතෙහි හැසිරෙනවා නම්, වචනයෙන් යහපතෙහි හැසිරෙනවා නම්, මනසින් යහපතෙහි හැසිරෙනවා නම්, පින්වත් මහණෙනි, ඒ සත්වයන් හට එය සුභ සන්ධ්‍යාවකි.
සුනක්ඛත්තං සුමංගලං සුප්පභාතං සුවුට්ඨිතං,
සුඛණෝ සුමුහුත්තෝ ච සුයිට්ඨං බ්‍රහ්මචාරිසු
උතුම් බ්‍රහ්මචාරීන් වහන්සේලා උදෙසා මැනැවින් පුදන ලද දානයක් ඇද්ද, ඒ දන්දෙන වෙලාව තමයි සුභ නැකැත. සුභ මංගල්‍යය. සුභ උදෑසන. සුභ නැගීසිටීම. සුභ මොහොත. සුභ මුහුර්තිය.
පදක්ඛිණං කායකම්මං වාචාකම්මං පදක්ඛිණං,
පදක්ඛිණං මනෝකම්මං පණිධියෝ පදක්ඛිණා,
පදක්ඛිණානි කත්වාන ලභතත්ථේ පදක්ඛිණේ
මැනැවින් කරන ලද කාය කර්මය ඉතා සුභ දෙයකි. මැනැවින් කරන ලද වචී කර්මය ඉතා සුභ දෙයකි. මැනැවින් කරන ලද මනෝ කර්මය ඉතා සුභ දෙයකි. යහපත් අභිප්‍රාය ඉතා සුභ දෙයකි. මනා වූ දේවල් කොට එහි ඒ මනා වූ දේවල්ම ලබනවා.
තේ අත්ථලද්ධා සුඛිතා විරුළ්හා බුද්ධසාසනේ,
අරෝගා සුඛිතා හෝථ සහ සබ්බේහි ඤාතිභීති
යහපත උදාකරගෙන, සැපවත්ව බුදු සසුනෙහි අභිවෘද්ධිය සළසාගත් ඔබලා සියලු ඤාතීන් සමඟ නීරෝග වෙත්වා! සුවපත් වෙත්වා!
සාදු! සාදු!! සාදු!!!
මංගලවග්ගෝ පඤ්චමෝ.
පස්වෙනි මංගල වර්ගයයි.
ඛුද්දක පණ්ණාසකෝ සමත්තෝ තතියෝ.
තෙවෙනි ඛුද්දක පණ්ණාසකය සමාප්තයි.
තෙරුවන් සරණයි.....!!!
නමෝ බුද්ධාය....
1 year ago (edited) | [YT] | 34
View 2 replies
Sermons of Sathya Dharma | සත්තිය ධර්ම දේශනා
මැදින් පොහෝ දිනය අදයි.......
සොභා සෞන්දර්යයේ චමත්කාරජනක සමය වන සොඳුරු වසන්ත සමය උදා වෙමින් මේ අහස් ගැබ මෝදු වන්නේ මැදින් මස පූර්ණ සඳ මඬලයි. මැදින් පුර පසළොස්වක් පුන් පොහෝ දිනය හේමන්ත සෘතුවේ අවසාන පොහොයයි. මැදින් පොහොයෙන් පසු ගිම්හාන සෘතුව ආරම්භ වේ. හේමන්තයේ අවසානයත් ගිම්හානයේ ආරම්භයත් අතර කාලයේ වසන්ත සමය උදා වේ. ගස් වල නැවුම් දළුපත් හට ගෙන ප්‍රාණවත් වූත් ආනන්දනීය වූත් සොභා සෞන්දර්යයක් මේ සමයේ උදා වේ. අපගේ ලක් දිවට එය එතරම් විශේෂයක් නොවූවත් අපට ආසන්නම දඹදිව නම් සුවිශේෂී පාරිසරකි වෙනස්කම් මේ සමයේ සිදු වේ.
මින් වසර 2607 කටත් පෙර ඈත අතීතයේ දඹදිව ශාක්‍ය රජ දහනේ අභිමානවත් රජු වූයේ සුද්ධෝදන මහ නිරිඳාණන් ය. සුදොවුන් රජුගේ අතිජාත පුත්‍ර වූ සිද්ධාර්ථ කුමාරයාණන් විසිනව හැවිරිදි වියේ දී රජ මැදුරු අත්හැර දමා මහා අභිනිෂ්ක්‍රමණය කළෝය. ඒ මහා බෝසත් සිද්ධාර්ථ කුමාරයාණෝ සය වසරක් දුෂ්කර ලෙස වීර්යය කොට තුන් ලොව ජයගත් සම්මා සම්බුද්ධත්වය ලැබූ බැව් සුද්ධෝදන මහ නිරිඳාණන් හට දැන ගන්නට ලැබුණි.
ඒ සිද්ධාර්ථ ගෞතම අරහත් සම්මා සම්බුදුරජාණෝ ශ්‍රාවක පිරිස් පිරිවරා ගෙන රජගහ නුවර බිම්බිසාර නිරිඳුන් පූජා කළ වේළුවන ආරාමයෙහි වැඩ වෙසෙති’යි සැල වෙත්ම සුද්ධෝදන නිරිඳුන් හට තම පුත්‍ර රත්නය දැක ගැනීමේ ආසාව බලවත් විය. සුද්ධෝදන රජු ඇමතියෙක් ප්‍රධාන දහසක් පුරුෂයින් ගෙන්වා රජුගේ පණිවුඩය රැගෙන බුදු රජුන් වෙත පිටත් කොට හැරියෝය. එහෙත් සම්මා සම්බුදුරජාණන් වහන්සේගේ අභියස ධර්මය ඇසූ ඒ දහසක් පුරුෂයෝ අරහත්වයට පත් ව බුදු සසුනේ පැවිදි වූහ. මේ අයුරින් අවස්ථා නවයක දී දහස බැගින් එවූ නවදහසක් පුරුෂයින් බුදු සසුනේ පැවිදි වී අරහත්වය සාක්ෂාත් කළෝය. සුද්ධෝදන රජු අපේක්ෂා කළ පරිදි බුදුරජුන්ගේ වැඩමවීම සිදු නොවුණි.
අවසානයේ මහබෝසත් සිද්ධාර්ථ බිළිඳාණන් උපන් දිනයේ ම ජන්ම ලාභය ලැබූ රජුගේ හිතෛෂී ඇමතියෙකු වූ කාළුදායී අමාත්‍ය වරයා බුදුරජාණන් වහන්සේ වෙත යැවීමට සුද්ධෝදන රජු තීරණය කළේය. කාළුදායි අමාත්‍යවරයා කැඳවූ රජු මෙසේ පැවසීය.
‘දරුව, කාළුදායි. මාගේ ප්‍රිය පුත්‍ර වූ සිද්ධාර්ථයන් දැක බලා ගැනීමට මා තුළ ඇත්තේ බලවත් කැමැත්තකි. දැන් ශ්‍රාවක පිරිස් පිරිවරා සිටින මා පුත් සිද්ධාර්ථ ගෞතම සම්මා සම්බුදුරජාණන් වහන්සේ වෙත අවස්ථා නවයකදී ම පණිවුඩ යැවූ මුත් කිසිදු ආරංචියක් නැත. මාගේ වියෝවට පෙර උන්වහන්සේව ශාක්‍ය දේශයට වැඩම කරවා ගෙන ඒමට ඔබව යැවීමට මා තීරණය කළෙමි. එය ඉටු කර දීමට ඔබට හැකි ද?’
පැතිරුණු කිත් යසස් ඇති සම්බුදුරජාණන් වහන්සේගේ ගුණ අසා ඒ වන විටත් සිත පහදවා ගෙන සිටි කාළුදායි අමාත්‍යවරයා සුද්ධෝදන රජු හට මෙසේ පැවසීය.
‘දේවයිනි, ඒ ශාක්‍යයන්ගේ මහා මුනි වූ සිද්ධාර්ථ ගෞතම සම්මා සම්බුදුරජුන් අභියස මා හටත් පැවිදි වීමට අවසර ලබා දෙන්නේ නම් ඔබතුමාගේ අපේක්ෂාව ඉටු කිරීමටද මට හැකිය.’
මෙසේ රජුගෙන් පැවිද්දට අවසර ලබා ගත් කාළුදායි අමාත්‍යවරයා හා දහසක් පිරිවර පුරුෂයෝ රජගහ නුවර වේළුවනාරාමය වෙත පැමිණියෝ ය. ඒ සම්බුදු මුව මඬලින් මිහිරි ශ්‍රී සද්ධර්මය ශ්‍රවණය කළෝය. සම්බුදු සසුනේ දුර්ලභ වූ පැවිදි බව ලැබුවෝ ය. ඒ දහසක් දෙනා වහන්සේලාම උතුම් අරහත්වය සාක්ෂාත් කළෝය. ඒ වන විට ශාක්‍ය දේශයෙන් පැමිණ පැවිදි බව ලැබූ දස දහසක් පමණ රහතන් වහන්සේලා රජගහ නුවර වේළුවනාරාමයේ වැඩ සිටියෝය. අංග මගධ දෙරටින් පැමිණ පැවිදි බව ලබා අරහත්වයට පත් දසදහසක් පමණ රහතුන් ද වැඩ සිටියෝ ය.
ඒ වන විට ගෞතම නම් වූ අපගේ සම්මා සම්බුදුරජාණන් වහන්සේ උතුම් සම්බුද්ධත්වට පත්ව මාස දහයක් ගත වී තිබුණි. සොඳුරු වසන්ත සමය උදා වී තිබුණි. කාළුදායි මහරහතන් වහන්සේ මිහිරි ගාථාවන් වලින් බුදුරජාණන් වහන්සේට ශාක්‍ය දේශයට වැඩම කරවන ලෙස ආයාචනා කළේය.
පින්වත් මුනිඳුනි, දැන් ගස්වල කොළ හැලිල තියෙන්නෙ. අලුතින් ගෙඩි හටගන්ට ළඟයි. අතු අග පිපිල තියෙන මල් දිලිසෙන ගිනි අඟුරු පාටයි. ඒ ගස් බබලනවා ගිනි සිළුව වගේ. මහා වීර මුනිඳාණෙනි, ශාක්‍යයන්ටත් පිහිට වෙන්න දැන් කල් පැමිණිලා!
ඒ ගස්වල ලස්සන මල් පිපිලා හැම පැත්තටම සුවඳ හමනවා. දැන් ඒ ගස්, කොළ අත්හැරියා. ඔය සූදානමින් ඉන්නෙ ගෙඩි පිළිගන්ට. මහාවීර මුනිඳුනි, දැන් ඉතින් අපට පිටත්වෙන්න කල් පැමිණිලා!
පින්වත් මුනිඳුනි, දැන් ගොඩාක් සීතලත් නෑ. ගොඩාක් රස්නෙත් නෑ. දීර්ඝ ගමනකට හොඳ සනීප දේශගුණයක් තියෙන්නෙ. ඔබවහන්සේ රෝහිණී ගංගාවෙන් එතෙර වෙලා වඩින කොට බටහිර පැත්තේ ඉන්න ශාක්‍ය කෝලිය වංශිකයන්ට ඔබවහන්සේව දැක බලාගන්ට ලැබේවා!
(කාළුදායී ථේර ගාථා ඇසුරෙනි)
මහා වීර අපගේ ගෞතම බුදු රජාණෝ මේ අයුරින් කාළුදායී රහතන් වහන්සේ කළ ඇරයුම පිළිගත් සේක. අද මෙන්ම උතුම් වූ මැදින් පුන් පොහෝ දිනයක් වූ එදා විසිදහසක් රහතුන් පිරිවරාගත් ශාක්‍ය මුනීන්ද්‍ර ගෞතම නම් වූ අපගේ ශාස්තෘන් වහන්සේ ශාක්‍ය දේශය ලබා ගමන් ඇරඹූ සේක. රජගහ නුවර සිට කිඹුල්වත පුර දක්වා යොදුන් හැටක දීර්ඝ මාර්ගය දිනකට යොදුන බැගින් වැඩම කරමින් දින හැටකදී කිඹුල්වත් පුරට වැඩම කොට වදාළ සේක.
තරු පිරිවැරූ පුර සඳක් මෙන් කපිලවස්තු පුරට සමාප්‍රාප්ත වූ ඒ දිනයේ බුද්ධ විෂයට පමණක් ගෝචර වූ යමක මහා ප්‍රාතිහාර්යය පෙළහර කොට ශාක්‍යයන්ගේ ජීවිතත් ඒ අමා ධර්මයෙන් සනසා ලූ සේක. ඒ අපගේ ශාස්තෘන් වහන්සේගේ කපිලවස්තු වැඩමවීම හේතුකොට ගෙන සිදු වූ ශාසනික සිදුවීම් බොහෝ ය. ඒ සියල්ලට මූලික වූ ‘ශාක්‍ය දේශය වූ කපිල වස්තුව බලා ගමන් ඇරඹීම’ මැදින් පොහෝ දිනයක සිදු විය. ඉතින් මෙබඳු උතුම් දිනයක අපිත් සම්බුදුගුණ සිහි කරමින් මැනැවින් සසුන් පිළිවෙත් හි යෙදෙමු.
ශාක්‍යයන්ගේ මහා මුනිඳාණන් වහන්සේට අපගේ නමස්කාරය වේවා !
1 year ago | [YT] | 19
View 3 replies
Load more