Malluone Malayalam
Malluone Malayalam is a online news & entertainment channel.
Email:malluonemedia@gmail.com
Find us on facebook/ www.facebook.com/malluonemedia/
Find us on youtube /Malluone malayalam
Find us on instagram: /Malluone Malayalam
Malluone Malayalam
അടുത്ത 3 മണിക്കൂറിൽ കേരളത്തിലെ തിരുവനന്തപുരം, കൊല്ലം, പത്തനംതിട്ട, കോട്ടയം (ഓറഞ്ച് അലർട്ട് : അടുത്ത മൂന്ന്‌ മണിക്കൂർ മാത്രം) ജില്ലകളിൽ ഒറ്റപ്പെട്ടയിടങ്ങളിൽ ഇടിമിന്നലോട് കൂടിയ ഇടത്തരം മഴയ്ക്കും മണിക്കൂറിൽ 50 കിലോമീറ്റർ വരെ വേഗതയിൽ ശക്തമായ കാറ്റിനും സാധ്യതയുണ്ടെന്ന് കേന്ദ്ര കാലാവസ്ഥ വകുപ്പ് അറിയിച്ചു.
#Thiruvananthapuram #kollam #pathanamthitta #Kottayam #HeavyRainfall #OrangeAlert
15 hours ago |[YT] | 2
View 1 reply
Malluone Malayalam
കൊച്ചി: നെടുമ്പാശ്ശേരി വാഹനാപകട കേസിൽ പ്രതി സുഹൈലിനെ വിവിധ സ്ഥലങ്ങളിൽ എത്തിച്ച് തെളിവെടുപ്പ് നടത്തി പൊലീസ്. പ്രതി സുഹൈലിനെ അപകടം നടന്ന എയർപോർട്ട് റോഡിലും നെടുമ്പാശ്ശേരിയിലെ ബാറിലും എത്തിച്ച് തെളിവെടുപ്പ് നടത്തിയത്. പ്രതികളുടെ കസ്റ്റഡി കാലാവധി ഇന്ന് അവസാനിക്കും. ജാമ്യ അപേക്ഷ നാളെ പരിഗണിക്കും.രണ്ടുദിവസത്തെ കസ്റ്റഡിയാണ് അങ്കമാലി മജിസ്ട്രേറ്റ് കോടതി ഇന്നലെ അനുവദിച്ചത്.
കനത്ത പൊലീസ് സുരക്ഷയിലായിരുന്നു തെളിവെടുപ്പ്. ഇന്നലെ പ്രതികളുടെ ഫിംഗർ പ്രിന്റ് പരിശോധന അടക്കമുള്ള കാര്യങ്ങൾക്ക് പെരുമ്പാവൂർ പോലീസ് സ്റ്റേഷനിൽ എത്തിച്ചിരുന്നു. തുടർ സമരങ്ങളും പ്രതിഷേധങ്ങളും നടക്കുന്നതിനാൽ ക്രമസമാധാന പ്രശ്നങ്ങൾ കണക്കിലെടുത്ത് ഇന്നലെ തെളിവെടുപ്പ് നടത്തിയിരുന്നില്ല. നെടുമ്പാശ്ശേരി സർക്കിൾ ഇൻസ്പെക്ടറുടെ നേതൃത്വത്തിൽ നടന്നിരുന്ന അന്വേഷണം നിലവിൽ ആലുവ ഡിവൈഎസ്പിക്ക് ആണ് ചുമതല. കേസിൽ വേണ്ടിവന്നാൽ സ്പെഷ്യൽ പബ്ലിക് പ്രോസിക്യൂട്ട് നിയമിക്കാനാണ് സർക്കാർ തീരുമാനം
അതിനിടെ പ്രതികളെ സംരക്ഷിക്കാൻ കോണ്ഗ്രസ് നേതാക്കൾ ലക്ഷങ്ങൾ കൈക്കൂലി വാങ്ങിയെന്ന് ഡിവൈഎഫ്ഐ ആരോപിച്ചു.ആലപ്പുഴയിലെ യുഡിഎഫ് വനിതാ എംഎൽഎ കേസ് അട്ടിമറിക്കാൻ ഇടപെട്ടു എന്നാണ് ഡിവൈഎഫ്ഐ ആലപ്പുഴ ജില്ലാ പ്രസിഡന്റ് ജെയിംസ് സാമുവലിന്റെ ആരോപണം. തെളിവെടുപ്പ് പൂർത്തിയാക്കി വൈകിട്ട് 5 മണിയോടെ കോടതിയിൽ ഹാജരാക്കുന്ന പ്രതികളുടെ ജാമ്യ അപേക്ഷ അടുത്ത ദിവസം കോടതി പരിഗണിക്കും.
#Nedumbassery #Accident
17 hours ago |[YT] | 1
View 1 reply
Malluone Malayalam
ഡൽഹി: മതം മാറിയാൽ സംവരണ ആനുകൂല്യം ലഭിക്കില്ലെന്ന് ആവർത്തിച്ച് സുപ്രീംകോടതി. ഹിന്ദുമതത്തിൽ നിന്ന് ഇസ്ലാം മതത്തിലേക്ക് മാറിയ വ്യക്തിക്ക് പിന്നാക്ക വിഭാഗം സംവരണം സ്വാഭാവികമായി അവകാശപ്പെടാനാകില്ല മതപരിവർത്തനത്തിന്റെ മാത്രം അടിസ്ഥാനത്തിൽ സംവരണ ആനുകൂല്യം അവകാശപ്പെടാനാകില്ല. മദ്രാസ് ഹൈക്കോടതി ഉത്തരവ് സുപ്രീംകോടതി ശരിവച്ചു.
സാമൂഹിക പിന്നാക്കാവസ്ഥ ഒരു മതത്തിൽ നിന്ന് മറ്റൊരു മതത്തിലേക്ക് മാറുന്നതിലൂടെ സ്വാഭാവികമായി കൈമാറപ്പെടില്ലെന്ന് കോടതി നിരീക്ഷണം. ഹൈക്കോടതി ഉത്തരവിനെ ചോദ്യം ചെയ്ത് തമിഴ്‌നാട് സർക്കാർ നൽകിയ ഹർജിയിലാണ് സുപ്രീംകോടതിയുടെ വിധി. തമിഴ്‌നാട് സർക്കാരിന്റെ 2024-ലെ ഉത്തരവ് റദ്ദാക്കിയ മദ്രാസ് ഹൈക്കോടതി വിധി സുപ്രീം കോടതി പൂർണമായി ശരിവെച്ചു.
ജസ്റ്റിസ് പ്രശാന്ത് കുമാർ മിശ്ര, ജസ്റ്റിസ് ശ്രീ ചന്ദ്രശേഖർ എന്നിവരടങ്ങിയ ബെഞ്ചാണ് തമിഴ്‌നാട് സർക്കാർ സമർപ്പിച്ച ഹർജി തള്ളിക്കൊണ്ട് ഈ സുപ്രധാന വിധി പുറപ്പെടുവിച്ചത്.ഭരണഘടനയുടെ ആർട്ടിക്കിൾ 16(4) പ്രകാരമുള്ള സംവരണ ആനുകൂല്യങ്ങൾ, മതംമാറ്റത്തിന് മുൻപുള്ള സാമൂഹിക പിന്നോക്കാവസ്ഥ മാത്രം കണക്കിലെടുത്ത് ആവശ്യപ്പെടാൻ സാധിക്കില്ല.
ഇസ്ലാം, ക്രിസ്തുമതം അല്ലെങ്കിൽ മറ്റു മതങ്ങളിലേക്ക് മാറുന്നതോടെ മുൻപുണ്ടായിരുന്ന ജാതി പദവി സ്വമേധയാ പുതിയ മതത്തിലെ പിന്നോക്ക വിഭാഗങ്ങളിലേക്ക് മാറ്റപ്പെടില്ല.950-ലെ ഭരണഘടനാ (പട്ടികജാതി) ഉത്തരവ് പ്രകാരം ഹിന്ദു, സിഖ്, ബുദ്ധ മതങ്ങൾ ഒഴികെയുള്ള മറ്റ് മതങ്ങൾ പിന്തുടരുന്നവർക്ക് പട്ടികജാതി സംവരണ ആനുകൂല്യങ്ങൾക്ക് അർഹതയുണ്ടായിരിക്കില്ല.
മതം മാറുന്നതോടെ ഈ പദവി ഇല്ലാതാകും.മതം മാറിയ ശേഷം വീണ്ടും ഹൈന്ദവ മതത്തിലേക്ക് തിരികെ എത്തുന്നവർക്ക് സംവരണം പുനഃസ്ഥാപിച്ചു കിട്ടണമെങ്കിൽ, അവരുടെ പഴയ ജാതി പദവി പൂർണമായി തിരികെ ലഭിച്ചിട്ടുണ്ടോ എന്ന് വ്യക്തിഗതമായി പരിശോധിച്ച് ഉറപ്പുവരുത്തണം.2024 മാർച്ച് 9-നാണ് തമിഴ്‌നാട് സർക്കാർ വിവാദമായ ഉത്തരവ് പുറപ്പെടുവിച്ചത്.
അത് പ്രകാരം പിന്നോക്ക വിഭാഗങ്ങൾ, അതിപിന്നോക്ക വിഭാഗങ്ങൾ, പട്ടികജാതിക്കാർ എന്നിവരിൽ നിന്ന് ഇസ്ലാം മതത്തിലേക്ക് മാറുന്നവർക്ക് തമിഴ്‌നാട്ടിൽ വിജ്ഞാപനം ചെയ്തിട്ടുള്ള ഏഴ് പിന്നോക്ക മുസ്ലിം വിഭാഗങ്ങളിൽ (അൻസാർ, ഡെക്കാനി മുസ്ലിംസ്, ദുബെകുല, ലബ്ബെ, മാപ്പിള, ഷെയ്ഖ്, സയ്യിദ്) ഒന്നായി കണ്ട് സംവരണം നൽകാൻ വ്യവസ്ഥ ചെയ്തിരുന്നു.
#India #Religion #Supremecourt
17 hours ago |[YT] | 6
View 1 reply
Malluone Malayalam
തിരുവനന്തപുരം: പി എം ശ്രീ പദ്ധതിയിൽ നിന്ന് പിന്മാറാനുള്ള അവകാശം സംസ്ഥാന സർക്കാരിനില്ലന്ന് വിദ്യാഭ്യാസ മന്ത്രി എൻ ഷംസുദ്ദീൻ. പദ്ധതിയിൽ നിന്ന് പിന്മാറുമോ എന്ന പ്രതിപക്ഷത്തിന്റെ ചോദ്യത്തിനാണ് നിയമസഭയിലെ മറുപടി. ഉപസമിതിയുടെ റിപ്പോർട്ട് അനുസരിച്ച് ആയിരിക്കും തുടർനടപടി എന്നും മന്ത്രി പറഞ്ഞു. പദ്ധതി അറബിക്കടലിൽ എറിയാൻ ആർജ്ജവം ഉണ്ടെന്ന് പറഞ്ഞ യുഡിഎഫ് നേതാക്കൾ ഈ സഭയിൽ ഉണ്ടെന്ന് സിപിഐഎം നേതാവ് കെഎൻ ബാലഗോപാൽ എംഎൽഎ.
കേന്ദ്ര സർക്കാരുമായുള്ള കരാർ വിദ്യാഭ്യാസ മന്ത്രി സഭയിൽ വായിച്ചു. കഴിഞ്ഞ സർക്കാരാണ് ധാരണ പത്രത്തിൽ ഒപ്പിട്ടത്. പിന്മാറാൻ കഴിയില്ലെന്ന് മുൻ സർക്കാരിനും അറിയാവുന്ന കാര്യമാണ്. കഴിഞ്ഞ സർക്കാർ പദ്ധതി നടപ്പിലാക്കാമെന്ന് സമ്മതിച്ചാണ് ഒപ്പിട്ടത്. ആ പ്രതിസന്ധിയാണ് ഇപ്പോഴുള്ള സർക്കാരിന്റെ മുന്നിലുള്ളത്. പദ്ധതിയിൽ നിന്ന് മാറാൻ കഴിയുക കേന്ദ്രസർക്കാരിന് മാത്രമാണെന്ന് മന്ത്രി എൻ ഷംസുദ്ദീൻ പറഞ്ഞു.
വിഷയത്തിൽ നിയമിച്ച സബ് കമ്മിറ്റി രണ്ട് പ്രാവശ്യം യോഗം ചേർന്നു. റിപ്പോർട്ട് വരുന്നതനുസരിച്ച് നടപടിയെടുക്കും. കഴിഞ്ഞ സർക്കാരിന്റെ ഉപസമിതി ഒരു യോഗം പോലും ചേർന്നിരുന്നില്ല. കഴിഞ്ഞ സർക്കാരിന്റെ ഉപസമിതി ഏഴുമാസം അടയിരുന്നത് മാത്രമേയുള്ളൂവെന്ന് മന്ത്രി കുറ്റപ്പെടുത്തി. പി എം ശ്രീ നടപ്പാക്കാത്തതുകൊണ്ട് കേന്ദ്ര വിഹിതം തടഞ്ഞുവച്ചിരിക്കുകയാണെന്നും മന്ത്രി സഭയെ അറിയിച്ചു. 1607 കോടിരൂപയാണ് തടഞ്ഞുവച്ചിരിക്കുന്നതെന്ന് മന്ത്രി വ്യക്തമാക്കി.
പി എം ശ്രീ പദ്ധതിയുടെ കാലാവധി 2022 – 27 വരെയാണ്. 2027 മാർച്ചിൽ കാലാവധി അവസാനിക്കും. തുടരുമെന്ന കാര്യം രേഖാമൂലം കേന്ദ്രം അറിയിച്ചിട്ടില്ല. എന്നാൽ ചില യോഗങ്ങളിൽ പരാമർശിച്ചിട്ടുണ്ടെന്നും വിദ്യാഭ്യാസ മന്ത്രി പറഞ്ഞു. തടഞ്ഞു വച്ചിരിക്കുന്ന പണം ലഭിക്കാൻ കേസിന് പോകാൻ സർക്കാർ തയ്യാറാകണമെന്ന് കെഎൻ ബാലഗോപാൽ ആവശ്യപ്പെട്ടു. കേസിന് പോകാൻ തയ്യാറുണ്ടോ എന്ന് സർക്കാരിനെ കെ എൻ ബാലഗോപാൽ വെല്ലുവിളിച്ചു. പ്രതിസന്ധി ഉണ്ടാക്കിയിട്ട് ഉപദേശിച്ചിട്ട് കാര്യമില്ലെന്ന് മന്ത്രി എൻ ഷംസുദ്ദീൻ മറുപടി നൽകി.
#LDF #PMShrischeme #VDSatheesan
18 hours ago |[YT] | 3
View 1 reply
Malluone Malayalam
കൊച്ചി: സിഎംആർഎൽ-എക്സാലോജിക് സാമ്പത്തിക ഇടപാടുമായി ബന്ധപ്പെട്ട കേസിൽ പിണറായി വിജയനും പി എ മുഹമ്മദ് റിയാസിനും കനത്ത തിരിച്ചടി. കേസിൽ എഫ്ഐആർ രജിസ്റ്റർ ചെയ്യണമെന്ന സിംഗിൾ ബെഞ്ച് ഉത്തരവിനെതിരായ അപ്പീലിന് ഡിവിഷൻ ബെഞ്ച് അനുവദിച്ചില്ല. പിണറായി അടക്കമുള്ളവരുടെ ആവശ്യം കോടതി തള്ളി. പ്രത്യേക അനുമതി നൽകാൻ ആകില്ലെന്ന് കോടതി വ്യക്തമാക്കി.
ജസ്റ്റിസുമാരായ കെ നടരാജൻ, ജോൺസൻ ജോൺ എന്നിവർ അടങ്ങിയ ഡിവിഷൻ ബെഞ്ചാണ് വിധി പറഞ്ഞത്. പി എ മുഹമ്മദ് റിയാസ്, ടി വീണ, ഹസൻ വാരിസ് എന്നിവരും അപ്പീൽ അനുമതി അപേക്ഷ നൽകിയിരുന്നു. ഇഡി സംസ്ഥാന പൊലീസ് മേധാവിക്ക് അയച്ച കത്തിന്റെ അടിസ്ഥാനത്തിലായിരുന്നു പിണറായി വിജയനടക്കമുള്ളവർ‌ക്കെതിരെ എഫ്ഐആറിടാൻ ഹൈക്കോടതി സിംഗിൾ ബെഞ്ച് ഉത്തരവിട്ടിരുന്നു. ഇതിനെതിരെയായിരുന്നു പ്രതിപക്ഷ നേതാവടക്കമുള്ളവർ ഡിവിഷൻ ബെഞ്ചിനെ സമീപിച്ചത്.
അതേസമയം വിജിലൻസ് കേസെടുത്തതോടെ ഇഡി രണ്ട് കേസുകളിൽ ഇസിഐആർ രജിസ്റ്റർ ചെയ്തിരുന്നു. വീണയ്ക്ക് സിഎംആർഎല്ലിൽ ലഭിച്ച പണം പിണറായി വിജയനുള്ള കൈകൂലി എന്നാണ് ഇഡി കണ്ടെത്തൽ. ഹവാല ഇടപാടുകളാണ് പി എ മുഹമ്മദ് റിയാസിനെതിരെ ഉന്നയിച്ചിട്ടുള്ളത്. ഇതോടെ സിഎംആർഎൽ എക്സാലോജിക് ദുരൂഹ ഇടപാടിൽ രജിസ്റ്റർ ചെയ്ത ഇസിഐആറുകളുടെ എണ്ണം മൂന്നായി
#Highcourt #masapadicase #Keralanews #KeralaPolitics
18 hours ago |[YT] | 2
View 1 reply
Malluone Malayalam
കൊച്ചി: അനധികൃത സ്വത്ത് സമ്പാദന കേസിൽ ജയിലിൽ കഴിയുന്ന മുൻ ഡിജിപി ടോമിൻ ജെ തച്ചങ്കരിക്ക് ആശ്വാസം. ശിക്ഷ ഹൈക്കോടതി മരവിപ്പിച്ചു. സെപ്റ്റംബർ 18 മുതൽ ടോമിൻ ജെ തച്ചങ്കരി ജയിലാണ് . കോട്ടയം വിജിലൻസ് കോടതിയാണ് ശിക്ഷ വിധിച്ചത്. നാല് വർഷം തടവിന് ശിക്ഷിച്ച കോട്ടയം വിജിലൻസ് കോടതി ഉത്തരവ് റദ്ദാക്കണമെന്നാവശ്യപ്പെട്ടായിരുന്നു ഹൈക്കോടതിയെ സമീപിച്ചിരുന്നത്.
2003 ജനുവരി 1 മുതൽ 2007 ജൂലൈ 7 വരെയുള്ള കാലയളവിൽ 64 ലക്ഷം രൂപ വിലമതിക്കുന്ന, വരവിൽ കവിഞ്ഞ സ്വത്ത് സ്വന്തമാക്കിയെന്നാണ് കേസ്. സ്ഥലം വാങ്ങിയ വകയിൽ സ്റ്റാംപ് ഡ്യൂട്ടി അടയ്ക്കാതെ സർക്കാരിന് നഷ്ടം വരുത്തിയെന്ന കണ്ടെത്തൽ വിജിലൻസ് കോടതി ശരിവച്ചിരുന്നു.
ഔദ്യോഗിക പദവി ദുരുപയോഗം ചെയ്ത് 135 ശതമാനം അധിക വരുമാനം ഉണ്ടാക്കിയെന്നായിരുന്നു പരാതി. 2003 മുതൽ 2007 ജൂലൈ വരെയുള്ള കാലയളവിൽ 64,70,891 രൂപ സമ്പാദിച്ചു എന്ന് വിജിലൻസ് കണ്ടെത്തി. 2013ൽ തൃശൂർ വിജിലൻസ് കോടതിയിൽ കുറ്റപത്രം സമർപ്പിച്ചു. ഈ കേസിലാണ് കോട്ടയം വിജിലൻസ് കോടതി വിധി പറഞ്ഞിരുന്നത്
#tominthachankary #HighCourt #Keralanews
18 hours ago |[YT] | 1
View 0 replies
Malluone Malayalam
മുംബൈ:അമേരിക്കൻ പൗരത്വമുള്ള നടൻ ഇമ്രാൻഖാന് രാജ്യം വിടാൻ നോട്ടീസ് നൽകി മുംബൈ പൊലീസ്. മുംബൈയിലെ പ്രതിഷേധ പരിപാടിയിൽ പങ്കെടുത്തതിനെ തുടർന്നാണ് നടപടി. ഒക്ടോബർ 28 നകം രാജ്യം വിടണമെന്നാണ് നിർദേശം. ഓവർസീസ് സിറ്റിസൺ ഓഫ് ഇന്ത്യ പദവിയുള്ള ഇമ്രാൻ ഖാൻ, മുംബൈ സെൻട്രലിലെ ആഗസ്റ്റ് ക്രാന്തി മൈതാനത്ത് സിജെപിയെ പിന്തുണച്ചുകൊണ്ടുള്ള പ്രതിഷേധ പരിപാടിയിൽ പങ്കെടുത്തുവെന്ന് ബിജെപി നേതാവ് കിരിത് സോമയ്യ പരാതിപ്പെട്ടതിനെ തുടർന്നാണ് ഈ നടപടി.
എസ്ഐആർ പ്രക്രിയയിൽ ക്രമക്കേടുകൾ നടന്നെന്നാരോപിച്ച് മുഖ്യ തിരഞ്ഞെടുപ്പ് കമ്മീഷണർ ഗ്യാനേഷ് കുമാർ രാജിവയ്ക്കണമെന്ന് ആവശ്യപ്പെട്ട് നടന്ന പ്രതിഷേധത്തിനിടെ, നടനെയും അദ്ദേഹത്തിന്റെ സുഹൃത്ത് ലേഖ വാഷിംഗ്ടൺ, അമ്മ നുസ്രത്ത്, അനന്തരവൾ സെയ്ൻ എന്നിവരെയും മറ്റ് 400 പേർക്കൊപ്പം പൊലീസ് കസ്റ്റഡിയിലെടുത്തിരുന്നു. പൊലീസ് കൈയേറ്റം ചെയ്തുവെന്ന് ആരോപിച്ച് സെയ്ൻ ഒരു വീഡിയോ പങ്കുവെച്ചിരുന്നു. കസ്റ്റഡിയിൽ ഇരിക്കുമ്പോൾ തനിക്കുണ്ടായ പരിക്കുകളും വീഡിയോയിൽ കാണിച്ചിരുന്നു.
പ്രതിഷേധ പരിപാടിക്കിടയിൽ, പ്രത്യേക ആവശ്യങ്ങളൊന്നും ഉന്നയിച്ചുകൊണ്ടല്ല താൻ അവിടെ എത്തിയതെന്നും, മറിച്ച് മുംബൈയിൽ താമസിക്കുന്ന ഒരാൾ എന്ന നിലയിലാണ് താൻ പങ്കെടുത്തതെന്നും ഇമ്രാൻ ഖാൻ വ്യക്തമാക്കിയിരുന്നു. താൻ ഒരു സംഘടനയുമായും ബന്ധപ്പെട്ടിട്ടില്ലെന്നും, വ്യക്തിപരമായ നിലയിലാണ് പങ്കെടുക്കുന്നതെന്നും അദ്ദേഹം കൂട്ടിച്ചേർത്തു.
#CJP #Imrankhan #Delhiprotests
18 hours ago |[YT] | 1
View 0 replies
Malluone Malayalam
തൃശ്ശൂർ: തൃശ്ശൂരിൽ ഭാര്യയേയും നാലരവയസുകാരൻ മകനേയും കഴുത്തറത്ത് കൊന്നശേഷം ജീവനൊടുക്കാൻ ശ്രമിച്ച് ഗൃഹനാഥൻ. തെക്കിനിയേടത്ത് വിജേഷാണ് ഭാര്യ വിസ്മയയെയും മകൻ ദക്ഷിനെയും കൊലപ്പെടുത്തിയത്. കഴുത്തു മുറിച്ച് ഗുരുതരാവസ്ഥയിലായ വിജേഷിനെ തൃശൂർ മെഡിക്കൽ കോളജ് ആശുപത്രിയിൽ പ്രവേശിപ്പിച്ചു. ഇന്ന് പുലർച്ചെ ഒന്നരയോടെ വിസ്മയയുടെ കരച്ചിൽ കേട്ട് സഹോദരൻ വാതിൽ ചവിട്ടിപ്പൊളിച്ച് അകത്ത് കടന്നപ്പോഴാണ് കഴുത്തറത്ത നിലയിൽ കണ്ടെത്തിയത്. മകനെയും കൊണ്ട് മറ്റൊരു മുറിയിൽ കയറി വാതിലടച്ച വിജേഷ് മകനെയും കൊലപ്പെടുത്തുകയായിരുന്നു.
#Thrissur #Keralanews #Latestnews
23 hours ago |[YT] | 1
View 0 replies
Malluone Malayalam
തൃശൂര്‍: കൊടുങ്ങല്ലൂരില്‍ പതിനെട്ടുകാരന്‍ ജീവനൊടുക്കിയതില്‍ പൊലീസിനെതിരെ ഗുരുതര ആരോപണങ്ങളുമായി പിതാവ്.പ്രണയത്തിന്റെ പേരില്‍ തന്റെ രണ്ട് മക്കളെ പൊലീസ് ശാരീരികമായും മാനസികമായും പീഡിപ്പിച്ചെന്നും, ഇതിന്റെ മനോവിഷമത്തില്‍ ഇളയ മകന്‍ മുഹമ്മദ് അസ്ലം ജീവനൊടുക്കിയെന്നുമാണ് എറിയാട് സ്വദേശി നൗഷാദിന്റെ ആരോപണം.
വൈകിട്ട് ഓട്ടം കഴിഞ്ഞ് 10.30ഓടെയാണ് സ്‌റ്റേഷനിലെത്തിയത്. നിന്റെ മുടിയനായ പുത്രന്‍ ഒരു പെണ്‍കുട്ടിയുടെ കൈയില്‍ നിന്ന് 20 പവന്റെ സ്വര്‍ണവും 50000 രൂപയും വാങ്ങിച്ചിട്ടുണ്ടെന്ന് പറഞ്ഞു. പെണ്‍കുട്ടിയുടെ കാര്യം വീട്ടില്‍ അറിയുമായിരുന്നില്ല. ഇളയമകനുമായി പ്രണയത്തിലായിരുന്നുവെന്ന് അവന്‍ അന്ന് പറഞ്ഞപ്പോഴാണ് അറിയുന്നത്. അതുലും സിഐയും ക്രൂരമായി ഇളയമകനെ മര്‍ദിക്കുന്നത് കണ്ടതിനാലാണ് മൂത്തമകന്‍ ഈ കുറ്റമേറ്റെടുത്തത്. ഈ മാസം ആറാം തിയതിയാണ് മകന്‍ മരിച്ചത്. ഇന്ന് വരെ മൊഴിയെടുക്കാനോ മറ്റെന്തിനെങ്കിലുമായോ ഒരു പൊലീസുകാരന്‍ പോലും വീട്ടിലേക്ക് വന്നിട്ടില്ല.
പെണ്‍കുട്ടിയെ പതിനെട്ടുകാരന്‍ ഭീഷണിപ്പെടുത്തിയെന്നും സന്ദേശങ്ങള്‍ തെളിവായി ഉണ്ടെന്നുമാണ് പൊലീസ് വാദം. 18 വയസുകാരന്റെ സഹോദരന്‍ കുറ്റങ്ങള്‍ സമ്മതിക്കുന്നതിന്റെ ദൃശ്യങ്ങളും പൊലീസ് പുറത്തുവിട്ടു. പെണ്‍കുട്ടിയുടെ ബന്ധുക്കളെ പതിനെട്ടുകാരന്‍ ഭീഷണിപ്പെടുത്തിയതെന്ന് ആരോപിക്കുന്ന ശബ്ദസംഭാഷണം പുറത്തുവന്നു.
#Death #Kodungalloor
1 day ago |[YT] | 3
View 0 replies
Malluone Malayalam
മദ്യപിച്ച് അമിത വേഗത്തില്‍ മിനികൂപ്പര്‍ ഇടിച്ച് മൂന്നുപേരുടെ ജീവനെടുത്ത സുഹൈല്‍ സജീവിനെ കാക്കനാട് ബോസ്റ്റല്‍ സ്‌കൂളിലേക്കാണ് റിമാന്‍ഡ് ചെയ്തത്. ഇത് വലിയ വിവാദവുമായിട്ടുണ്ട്. എന്തുകൊണ്ട് സുഹൈലിനെ ജയിലിലേക്ക് അയച്ചില്ല എന്ന ചോദ്യമാണ് ഉയരുന്നത്. എന്താണ് ബോസ്റ്റല്‍ സ്‌കൂള്‍? എന്ന് പരിശോധിക്കാം. (Kochi Mini Cooper crash: Why was suhail sent to Borstal School )
18 നും 21 നും ഇടയില്‍ പ്രായമുള്ള കുറ്റവാളികളെ സാധാരണ ജയില്‍ അന്തരീക്ഷത്തില്‍ നിന്ന് മാറ്റിപ്പാര്‍പ്പിക്കുന്നതിനായി സ്ഥാപിക്കപ്പെട്ടതാണ് ബോസ്റ്റല്‍ സ്‌കൂള്‍. ഇംഗ്ലണ്ടിലെ കെന്റ് (Kent) പ്രവിശ്യയിലുള്ള ‘ബോസ്റ്റല്‍’ (Borstal) എന്ന ഗ്രാമത്തിലെ ഒരു പഴയ ജയിലിലാണ് ഈ സംവിധാനം ആദ്യമായി പരീക്ഷണാടിസ്ഥാനത്തില്‍ ആരംഭിക്കുന്നത്.ഇത്തരക്കാര്‍ക്ക് മികച്ച സ്വഭാവരൂപീകരണത്തിന് സഹായിച്ച്, തൊഴിലധിഷ്ഠിത വിദ്യാഭ്യാസം നല്‍കി സമൂഹത്തിന്റെ മുഖ്യധാരയിലേക്ക് കൊണ്ടുവരിക എന്നതാണ് ലക്ഷ്യം. കേരളത്തിലെ ആദ്യത്തെ ബോസ്റ്റല്‍ സ്‌കൂള്‍ കണ്ണൂരിലാണ് സ്ഥാപിക്കപ്പെട്ടത്. 1995 ല്‍ ഈ ബോസ്റ്റല്‍ സ്‌കൂള്‍ കൊച്ചി കാക്കനാട്ടേക്ക് മാറ്റി സ്ഥാപിച്ചു. നിലവില്‍ കേരളത്തിലുള്ള ഏക ബോസ്റ്റല്‍ സ്‌കൂളാണ് ഇത്
1961ലെ കേരള ബോസ്റ്റല്‍ നിയമ പ്രകാരം 18നും 21നും ഇടയില്‍ പ്രായമുള്ള കുറ്റവാളികളെ ബോസ്റ്റല്‍ സ്‌കൂളിലേക്കാണ് റിമാന്‍ഡ് ചെയ്യേണ്ടത്. അങ്ങനെ ചെയ്തില്ലെങ്കില്‍ അവര്‍ക്ക് അത് ചോദ്യം ചെയ്ത് കോടതിയെ സമീപിക്കാം. എന്നാല്‍ എല്ലായിടത്തും ബോസ്റ്റല്‍ സ്‌കൂളുകള്‍ ഇല്ല എന്നതുകൊണ്ട് തന്നെ ഇത് പൂര്‍ണമായും പാലിക്കപ്പെടാറില്ല. റിമാന്‍ഡ് അഥവാ ജുഡീഷ്യല്‍ കസ്റ്റഡി അതത് മജിസ്ട്രേറ്റ് കോടതികളുടെ അധികാരപരിധിയില്‍ തന്നെ വേണമെന്നാണ് നിയമം. ഈ സാഹചര്യത്തില്‍ ബോസ്റ്റല്‍ സ്‌കൂള്‍ ഇല്ലാത്തയിടങ്ങളില്‍ 18നും 21നും ഇടയില്‍ പ്രായമുള്ള കുറ്റവാളികളെ സബ് ജയിലിലേക്ക് അയക്കും. സബ് ജയിലില്‍ ഇത്തരം കുട്ടി കുറ്റവാളികള്‍ക്ക് ചില മാനദണ്ഡങ്ങള്‍ ഉണ്ട്. സബ് ജയിലില്‍ മുതിര്‍ന്ന റിമാന്‍ഡ് തടവുകാരുമായി ഇടപഴകാത്ത രീതിയില്‍ ഇവരെ പാര്‍പ്പിക്കണം എന്നാണ് നിയമം. കൂടുതല്‍ ബോസ്റ്റല്‍ സ്‌കൂളുകള്‍ തുടങ്ങാന്‍ ആലോചനകള്‍ നടക്കുന്നുണ്ട്.
#Minicooper #Borstalschool #Nedumbassery #Roadaccident
1 day ago |[YT] | 3
View 0 replies
Load more