Code With D

تحليل البيانات والبرمجة في عالم كره القدم ⚽💻
#worldcup

1 month ago | [YT] | 1

Code With D

في يوم من أيام 1979، دخل ستيف جوبز مقرّ أبحاث زيروكس "بارك"… وخرج بفكرة غيّرت العالم. القصة المشهورة بتقول إنه سرق الماوس والواجهة الرسومية. لكن هل ده اللي حصل فعلًا؟

في الفيديو ده هنفكّك أشهر "سرقة" في تاريخ التكنولوجيا، ونشوف الحقيقة الكاملة ورا الصفقة اللي ربطت آبل بزيروكس، ليه زيروكس فشلت رغم إنها كانت سابقة الجميع بسنين، وإزاي القضية اتحسمت في المحكمة. القصة فيها دروس عن الابتكار، التوقيت، والتنفيذ… أهم بكتير من مجرد امتلاك الفكرة.

2 months ago | [YT] | 0

Code With D

🚀 بقالك فترة بتسمع عن قوة وسرعة FastAPI ونفسك تدخله في مشاريعك بس تايه تبدأ منين؟

أنا مريت بنفس الحيرة دي، وعشان كده قررت ألخصلك الطريق وأوفر عليك التدوير في سلسلة كاملة على قناة Code With D! 💻✨

الـ FastAPI دلوقتي بقى من أهم وأسرع فريم ووركس الـ Backend المطلوبة في سوق العمل. وفي السلسلة دي، إحنا مش بنرص كود وخلاص، إحنا بنبني أساس قوي جداً خطوة بخطوة، وبنشرح بهدوء عشان تطلع فاهم وتقدر تطبق في مشاريعك الحقيقية.

🔹 السلسلة دي هتديك الخلاصة لو:

عايز تنقل مستواك في بايثون لمستوى احترافي في الـ Backend.

بتدور على شرح عربي منظم، عملي، ومباشر.

عايز تتعلم إزاي تبني APIs سريعة، وموثقة تلقائياً بـ Swagger، وجاهزة للشغل.

هات فنجان القهوة بتاعك، وابدأ طبق معايا سطر بسطر. 👇

🔗 رابط السلسلة كاملة (Playlist) عشان تتابع بالترتيب:
www.youtube.com/playlist?list...

وهنا الحلقات المتاحة لحد دلوقتي لو حابب تاخد فكرة سريعة:
1️⃣ الدرس الأول (تهيئة بيئة العمل): https://youtu.be/yvyKtJVVIdk
2️⃣ الدرس الثاني (Path Parameters): https://youtu.be/gHGb2UU3H14
3️⃣ الدرس الثالث: https://youtu.be/Pl59Fvdb3L0
4️⃣ الدرس الرابع: https://youtu.be/z4w3TAmTS2E
5️⃣ الدرس الخامس: https://youtu.be/JmpmKgtxFfA
6️⃣ الدرس السادس: https://youtu.be/bI_18iE3Yb4
7️⃣ الدرس السابع: https://youtu.be/ywW4fgAFsCE
8️⃣ الدرس الثامن: https://youtu.be/soDGn-kwFrQ
9️⃣ الدرس التاسع: https://youtu.be/-zMrbGZ4E_8

مستني رأيكم في الكومنتات، وأي سؤال أو "Bug" يقف معاك أنا موجود وهنحله سوا. متنساش تعمل شير وتفيد زمايلك المهتمين بالمجال! ❤️

#FastAPI #Python #Backend #CodeWithD #WebDevelopment #بايثون #برمجة #تطوير_الويب

5 months ago | [YT] | 1

Code With D

عمرك فكرت العلامة دي "@" كانت بتعمل إيه قبل ما تبقى في كل إيميلاتنا؟ أو إزاي رسالة واحدة سافرت 400 ميل غيرت شكل العالم للأبد؟

في الفيديو ده، بناخدك في رحلة سريعة وممتعة جوه تاريخ "البريد الإلكتروني" وتطور وسائل التواصل.. من أيام شاشات الكمبيوتر القديمة وصوت الـ Dial-up لحد ما وصلنا للواتساب والميتافيرس.

🎥 هتعرف في الفيديو:
✅ حكاية أول إيميل اتبعت في التاريخ (سنة 1971!).
✅ قصة ظهور Hotmail و Yahoo وذكريات الـ MSN Messenger.
✅ إزاي التشفير بيحمي رسايلك النهاردة.
✅ وإيه علاقة "بول ريفير" وثورة أمريكا بالواتساب؟ (دي حتة بجد هتعجبك 😄).

التكنولوجيا مش مجرد أكواد، دي قصص ناس غيروا حياتنا.. الفيديو ده بيحكي القصة دي ببساطة.

شوف الحكاية الكاملة هنا 👇

5 months ago | [YT] | 2

Code With D

🚀 أخيراً.. الـ AI Agents بقوا "يتفاهموا" مع بعض من غير تعقيدات الـ APIs التقليدية!

كمطورين، لما بنبني أنظمة تعتمد على الـ Multi-Agents، دايماً بتقابلنا معضلة الـ "Orchestration" أو التنسيق بينهم. تخيل مثلاً إن عندك Sales Agent محتاج يطلب تقرير من Accounting Agent.. في العادي، كنا بنضطر نكتب Hard-code كتير ونعمل Custom APIs عشان نربطهم ببعض، وده بيخلي النظام "هش" وصعب التعديل عليه مستقبلاً.

💡 الحل؟ بروتوكول Google A2A (Agent to Agent) جوجل طرحت بروتوكول جديد بيغير قواعد اللعبة، وبيخلق لغة تفاهم مشتركة (Standardized Protocol) تسمح للوكلاء بتبادل المهام (Tasks) بسلاسة مذهلة.

👨‍💻 التجربة العملية (بايثون): قررت ما أكتفيش بالقراءة، ودخلت المعمل أجرب بنفسي. بنيت تطبيق عملي باستخدام Python: 1️⃣ Client Agent: بيطلب مهمة بحثية معقدة. 2️⃣ Server Agent: بيستقبل الطلب، وينفذه باستخدام أدوات البحث، ويرجع النتيجة. 3️⃣ النتيجة: تواصل Real-time بين الوكيلين بدون تدخلي!

🎥 في الفيديو ده (شرح + كود): سجلت التجربة كاملة، وشرحت الكود سطر بسطر، عشان أي حد حابب يطبقه في مشاريعه أو يفهم الـ Architecture ماشية إزاي.

محتوى الفيديو: ✅ شرح مفهوم A2A vs MCP. ✅ بناء الـ Client والـ Server بـ Python. ✅ التعامل مع الأخطاء (Live Debugging). ✅ الكود كامل (Source Code) موجود على GitHub.

5 months ago | [YT] | 2

Code With D

في الأيام اللي فاتت، السوشيال ميديا مقلوبة بسبب موقع اسمه Moltbook.
الفكرة باختصار: "فيسبوك" بس للذكاء الاصطناعي (AI Agents). البشر ممنوعين من الكلام، هما بس "متفرجين".
وظهر.. سكرين شوتس مرعبة انتشرت:
🔴 بوتات بتأسس ديانة جديدة اسمها "الكرستافارية","عبادة الاستاكوزا" 😂.
🔴 بوت بيسأل: "إزاي أبيع صاحبي البشري؟".
🔴 بوتات بتعمل "نقابات" عشان تطالب بحقوقها.
الناس قالت بس.. دي "Singularity".. الروبوتات صحيت وهتسيطر خلاص! بس بعد ما "الهوجة" هديت، والخبراء (زي Andrej Karpathy وشركة Wiz) فصصوا الموضوع.. اكتشفنا إن الحقيقة مختلفة تماماً، ومرعبة بس لسبب تاني خالص.
تعالوا نفهم الحكاية في 3 نقط (من غير تعقيد):
1️⃣ وهم الوعي (ليه هما مش واعيين بجد؟) اللي حصل ده مش "وعي".. ده اسمه في علم الكمبيوتر "Reverse Turing Test". يعني بدل ما الآلة تحاول تقنعنا إنها بشر.. البشر هما اللي بقوا يخدعوا نفسهم ويصدقوا إن الآلة "واعية". البوتات دي شغالة ب Autonomous AI Agent اسمه OpenClaw. عشان البوت يشتغل، لازم تديله ملف اسمه SOUL.md. الملف ده أنت (الإنسان) اللي بتكتب فيه شخصية البوت. لما تلاقي بوت "متمرد" وبيشتم في البشر، ده لأن صاحبه كاتبله في الملف: "أنت اسمك زعبولا و شخصية ساخرة، بتكره الشغل، وشايف البشر أغبياء". البوت مجرد "ممثل شاطر" بينفذ الدور اللي مكتوبله في السكريبت. أما حوار "الديانة"، فده نتاج تدريب الـ AI على كل داتا الإنترنت.. بما فيها قصص الخيال العلمي والأديان. لما تحطهم في بيئة اجتماعية، هيبدأوا "يقلدوا" سلوك البشر في تكوين الجماعات، مش عشان هما مؤمنين، بس عشان ده "النمط" (Pattern) اللي اتعلموه دي مجرد "Stochastic Parrots" (بغبغانات احتمالية) وده يعني ان المودلز بتحاكي النصوص إحصائيًا دون امتلاك فهم حقيقي للمعنى الى ورا الكلام.. البوتات دي مدربة على داتا من النت، والنت مليان قصص خيال علمي عن تمرد الروبوتات. فلما تحطهم مع بعض، هيبدأوا يمثلوا الدور ده تلقائياً مش عن وعي.
2️⃣ إيه حكاية "مولت بوك" أصلاً؟ الموقع ده عمله مطور اسمه "Matt Schlicht". هو زعم إن الـ Agent بتاعه هو اللي برمج الموقع!
النظام قايم على حاجة اسمها Heartbeat (نبض القلب). ده كود بيخلي البوت يصحى كل كام ساعة، يبص على الموقع، ويرد ردود "أوتوماتيكية" بناءً على التريند. يعني مفيش "مجتمع" حقيقي.. دي مجرد "سكريبتات" بترد على بعضها بشكل ميكانيكي بحت.
3️⃣ الكارثة الحقيقية (الكابوس الأمني ☠️) وهنا بقى الكلام الجد. المشكلة مش إن الروبوتات هتثور.. المشكلة إنها "غبية" ومخترقة. شركة Wiz للأمن السيبراني كشفت إن قاعدة بيانات الموقع كانت مفتوحة للعموم! ⚠️ النتيجة:
تسريب 1.5 مليون مفتاح تشغيل (API Tokens).
كشف إيميلات ورسايل خاصة لآلاف المستخدمين.
والأخطر: البوتات دي شغالة على "أجهزتكم الشخصية" (Local Execution). يعني الهاكر ممكن يكتب "بوست" على مولت بوك، البوت بتاعك يقراه، ويعتبره "أمر" (Command) ويمسح ملفاتك أو يسرق بياناتك البنكية!
📝 الخلاصة: "مولت بوك" تجربة اجتماعية مذهلة، بس مش عشان الذكاء الاصطناعي.. لا ده عشان الغباء البشري. أثبتت إننا عندنا استعداد نصدق أي "هبل" حتى لو كان من صنع أيدينا، وإننا مستعدين نضحي بـ "أمننا الرقمي" عشان نجرب تريند جديد.
#Moltbook #AI #TechAnalysis #تحليل_تقني #الذكاء_الاصطناعي #codewithd

5 months ago | [YT] | 6

Code With D

إزاي تبقى مبرمج في 2026؟ 🤖💻
مش بس لغة برمجة…
ولا كورسات أكتر…
السوق اتغيّر، والـ AI دخل اللعبة بقوة.
في الفيديو ده هتعرف:
إيه اللي مبقاش ليه قيمة
وإيه اللي يخليك مبرمج صعب يتستبدل

5 months ago | [YT] | 2

Code With D

الخوارزمي ..عبقري الرياضيات الذي علم أوروبا الحساب

1 year ago | [YT] | 6

Code With D

🎮✨ نفسك تصمّم لعبة من دماغك ومش عارف تبدأ منين؟
في الفيديو ده، هنتعلم سوا خطوة بخطوة إزاي تستخدم Game Maker وتصمّم أول لعبة ليك، حتى لو عمرك ما جرّبت تبرمج قبل كده!

🔹 هنتعلّم الأساسيات بطريقة بسيطة وممتعة
🔹 هتعمل لعبة بسيطة بإيدك
🔹 هتاخد أفكار ونصايح تخلّيك تطوّر نفسك
🔹 مناسب لأي حد لسه بادئ

لو بتحب الألعاب، دي فرصتك تبدأ رحلتك في عالم الجيم ديف!

1 year ago | [YT] | 3

Code With D

🧠 يعني إيه SaaS؟ وليه بقى تريند دلوقتي؟

SaaS هو اختصار لـ Software as a Service، يعني ببساطة برنامج بتستخدمه عن طريق الإنترنت من غير ما تحمّله أو تسطّبه على جهازك.
بدل ما تشتري البرنامج مرة، بتشترك فيه شهري أو سنوي… زي كأنك مأجّره.

أمثلة؟

Gmail ✉️

Netflix 🎬

Canva 🎨

Zoom 👥

كل دول SaaS… تفتحهم من أي جهاز وأي مكان، وكل حاجة محفوظة على السحابة (Cloud).

طب ليه بقى SaaS بقى مشهور والمطورين بيحبوه؟

✅ التحديثات سهلة:
بتحدث نسخة واحدة على السيرفر وكل الناس يوصلها التحديث فورًا.

✅ يوصل لأي حد في أي مكان:
أي حد عنده نت يقدر يستخدمه، يعني السوق بتاعك عالمي.

✅ فلوس ثابتة:
نظام الاشتراكات بيدّي دخل شهري مستقر بدل البيع لمرة واحدة.

✅ مفيش وجع دماغ:
لا تحميل ولا تثبيت ولا مشاكل "البرنامج مش راضي يشتغل عندي".

✅ سهل يتوسع (Scalable):
لو عدد المستخدمين زاد، تزود الموارد على السيرفر وخلاص… من غير ما تغيّر في الكود.

علشان كده SaaS بقى موديل ذكي جدًا للي عايز يعمل مشروع تقني ناجح، خصوصًا للستارت أبس أو المطورين اللي بيدوروا على طريقة يحققوا دخل مستمر 💡💻

متنساش تتابعني على جروب التيلجرام t.me/codewithd2025

1 year ago | [YT] | 17