My BL Diary

អ៊ឹស ឮថាអ្នកកណ្តាលត្រូវបានគេដេញចេញឱ្យទៅដេកវត្តមែនទែនលើកនេះ ស្ពាយកាបូបស្ពាយអីដល់ផ្ទះអាបងម៉ងអាណិតណាស់លោកអើយ អត់ខ្ចីដេកវត្ត សុខចិត្តទៅរំខានជីវិតគូអ្នកដទៃ (ទឹកមុខគឺថា បើអញមិនសុខកុំសង្ឃឹមអាណាបានសុខ 😁) ។

ថាមែនមែន គង់មានថ្ងៃក្មួយដឹងខ្លួន ឥលូវដឹងមែន? មិចដែរ ពូកែងរអី? តិចទៀតយ៉ាយ៉ាក៏លែងទទួល ត្រៀមចាំឈ្មោះមីងៗអ្នកជិតខាងដែលចំណាំខមមិនទៅ ទុកគ្រាន់សុំផ្ទះមីងដេកម្តងៗ ពេលយើងងរ 😅

2 weeks ago | [YT] | 31

My BL Diary

ទឹកមុខអាលក្ខណៈមិនសូវចង់ តែម៉ែបង្ខំថត ទៅថតៗឱ្យចប់ៗកុំឱ្យម៉ែស្តីឱ្យ 😁។ ទឹកមុខនាងខ្ញុំ ជាមួយបងស្រីកាលនៅពីក្មេងកំពុងខឹងគ្នាម៉ែហៅមកថតរូបជាមួយគ្នាអីណា 😁 និងទឹកមុខលោកក្មួយខ្ញុំ 2 នាក់បងប្អូន មិនដែលត្រូវគ្នា ហើយម៉ែបង្ខំថតរូបជាមួយគ្នាពេលដើរលេង 😅 ។ មិនដឹងថាបងប្អូនណាគេខ្លះដូចបងប្អូនផ្ទះនេះទេ ក្រែងលោកាលពីក្មេងៗគេល្អូកល្អឺន 24 ម៉ោងអីចឹង 😆

2 weeks ago | [YT] | 14

My BL Diary

ទឹកមុខយ៉ាយ៉ា ៖ ហ៊ើយ ម៉ែធ្វើបានគ្រប់យ៉ាង 😂 ម៉ែមានអ្នកណាលេងជាមួយមានតែកូន 2 នាក់ហ្នឹង 😆

ពាក់ទៅកូន ឈុតនេះម៉ែស្រលាញ់ណាស់ ពីរនាក់បងប្អូន សមហើយ ម៉ែមានសើចណា ម៉ែស្រលាញ់ពេញបេះដូង ។ គេកំពុង trend ក្នុងស្រុកខ្មែរ ហាហា😅

ពូមីង rate ឱ្យយ៉ាយ៉ា លីលីប៉ុន្មានដែរ? 🤭

3 weeks ago | [YT] | 38

My BL Diary

សំណេរជូន Song Haneul និងអ្នកលួចស្រលាញ់តួអង្គនេះទាំងអស់គ្នា

ជាទូទៅសំណេរមានតែមួយៗ ជូនតួអង្គពិសេសដែលអេតមីនចូលចិត្តតែប៉ុណ្ណោះ ឬមិនចឹងសរសេរជារួម តែមានសំណេរជូនតួអង្គម្នាក់នេះក៏ដោយសារម្នាក់នេះជាតួអង្គសំខាន់ម្នាក់ក្នុងរឿង ហើយឆ្លុះបញ្ចាំងពីសង្គមបច្ចុប្បន្ន។

បើប្អូនក្រាស់គេហើយក៏ក្រាស់ទៅ ហើយកុំចាំបាច់សោកស្តាយ ឬហួសចិត្តដែលមិនគួរណាតួអង្គនេះធ្វើបែបនេះសោះ ព្រោះមែនទែនទៅ Haneul គឺគ្មានកំហុសទេ (សម្រាប់អេតមីន មានន័យថាអាចលើកលែងទោសបាន)។

Haneul គឺជាក្មេងរងគ្រោះម្នាក់ក្នុងចំណោមទាំង 3 នាក់ អាចថារងគ្រោះជាងគេផង។

កុំប្រៀបធៀបជាមួយតួអង្គផ្សេងដោយសារបញ្ហាផ្សេងគ្នាមនុស្សផ្សេងគ្នា តែនិយាយពីបញ្ហាផ្ទាល់របស់តួអង្គ។

Haneul ជាក្មេងគួរឱ្យអាណិត មានឪពុកម្តាយ តែមិនបានទទួលក្តីស្រលាញ់សោះ ហេតុអ្វីបានដឹង? គឺដឹងតាមរយៈប្រតិកម្មរបស់ Haneul ។ គ្នាក៏បានបញ្ជាក់ពីកំហឹងដែរថា ឪពុកម្តាយជាមនុស្សថោកទាប កើតគេហើយយកគេមកបោះចោល ពេលគេធំឡើងចាត់ទុកគេដូចខ្ញុំបម្រើ ចាំប្រើឱ្យធ្វើនេះនោះសព្វបែបយ៉ាង ដែលសុទ្ធតែជារឿងខុសច្បាប់ បើឪពុកម្តាយស្រលាញ់កូនមែនធ្វើចឹងបានដែរ? ជាមនុស្សមានទ្រព្យបើស្រលាញ់មែនគឺសុខចិត្តលួចចិញ្ចឹមកូនហើយទំនុកបម្រុងឱ្យខ្ពស់មុខ ខ្ពស់មាត់មិនឱ្យនរណាប៉ះហើយ មិនមែនយកកូនមកធ្វើបែបនេះទេ។

Haneul មិនមែនជាក្មេងដែលមានធម្មជាតិឃោរឃៅទេ តែអ្វីគ្រប់យ៉ាងដែលធ្វើគឺការបង្ខំ។ អ្នករាល់គ្នាអាចនិយាយបានថាជីវិតមានជម្រើសតើ មិចក៏មិនរើសផ្លូវល្អដូចពូ និង លីលី ? ជីវិតមានជម្រើសតែគ្នារើសមិនបានហ្នឹងហើយ គឺដោយសារគំនាប ការបង្ខំ ហើយសភាវគតិរបស់មនុស្សគឺត្រូវតែការពារខ្លួន នៅពេលដែលមានមនុស្សចាំធ្វើបាបខ្លួន ដូច្នេះចង់ឬមិនចង់ គ្នាត្រូវតែជ្រើសរើសយកខ្លួនឯងមុនហើយ គ្នាមិនមែនព្រះវេសន្តរណា ។ ជាពិសេសយើងក៏មិនដឹងថាម្តាយឪពុកដាក់គំនាប ឬ គម្រាមគ្នាយ៉ាងណាផងនោះទេ បានគ្នាអាចធ្វើរឿងបានដល់ថ្នាក់ហ្នឹង ។

Haneul ជាក្មេងគួរឱ្យអាណិតនៅត្រង់ឆាកដែលគ្នានិយាយថាពួកយើងសុទ្ធតែជាជនរងគ្រោះដោយសារឪពុកម្តាយ ហេតុអ្វីបានជាពួកឯងមានក្តីសុខបាន? ហើយ Haneul ក៏ត្រូវរស់នៅជាមួយនឹងសំណួរដែលត្រូវសួរខ្លួនឯងរហូតថា ហេតុអ្វីបានជាឪពុកម្តាយខ្ញុំបង្កើតខ្ញុំមក? ហេតុអ្វីមិនសម្លាប់ខ្ញុំតាំងពីនៅក្នុងពោះ? កើតខ្ញុំមកហើយហេតុអ្វីក៏បោះបង់ខ្ញុំចោល? ហេតុអ្វីបានចាត់ទុកខ្ញុំជាទាសករបម្រើរឿងខុសច្បាប់របស់ខ្លួន? ហេតុអ្វីបានជាខ្ញុំមានឪពុកម្តាយជាអ្នកមាន ជាអ្នកឋានៈខ្ពស់តែគេមិនស្រលាញ់មិនមើលថែខ្ញុំ? ហេតុអ្វីបានជាខ្ញុំមិនអាចមានក្តីសុខ ដូចក្មេងដទៃទាំងដែលគេគ្មានឪពុកម្តាយផង? ប្អូនសាកសួរសំណួរនេះ ហើយដាក់អារម្មណ៍តួអង្គចូលតិចទៅ ប្អូននឹងមានអារម្មណ៍ថាគេគួរឱ្យអាណិតជាជាងភាពហួសចិត្ត ឬអស់សង្ឃឹម។

អេតមីនស្រលាញ់ Haneul តាំងពីដំបូង គឺជាតួអង្គស្រស់ស្រាយជាងគេក្នុងរឿងហើយ ញញឹមឈ្នះអស់មារសត្រូវ រួសរាយ បើកុំតែម៉ែឪបង្ខំ ម៉្លេះគេនឹងក្លាយជាមនុស្សល្អ ឬក៏បុគ្គលិកល្អម្នាក់របស់ពូហើយ។

ហើយ Haneul ក៏ជាតួអង្គដែលចូលចិត្តលីលីពិតប្រាកដដែរពុំមានបោកប្រាស់ ឬប្រើជាឈ្នាន់អីទេ ព្រោះគ្មានឆាកហ្នឹង មានតែឆាកបង្ហាញអារម្មណ៍ជាមួយលីលី។

សរុបជារួមអេតមីនអូខេចំពោះតួអង្គនេះ អត់មានអារម្មណ៍ថាស្អប់ ឬខឹងទេទោះជាចាក់កូនអេតមីនក៏ដោយ មានតែអាណិត។

ដូច្នេះហើយបើក្រាស់គ្នាក៏ក្រាស់ទៅ គ្នាមិនមានអ្វីខុសទេ។

អរគុណ Haneul ដែលធ្វើឱ្យពូដឹងថាខ្លួនស្រលាញ់ និងប្រច័ណ្ឌលីលីប៉ុណ្ណា 🤭🤭🤭

បញ្ជាក់ ៖ អារម្មណ៍យល់ឃើញរបស់អេតមីនផ្ទាល់

ពី My BL Diary Admin ( ម៉ែយ៉ាយ៉ា ) 😂

#សំណេរខ្ញុំអារម្មណ៍ខ្ញុំ #ខ្ញុំចូលចិត្តសរសេរ #theprosecutorproposal #កុំអានសំណេរអត់ប្រយោជន៍ច្រើនពេកអានសៀវភៅផង

1 month ago | [YT] | 26

My BL Diary

សំណេរចុងក្រោយជូន ពូអយ្យការ (Kang/Ju TaeSon)

ទាន់ក្មួយនៅមានអារម្មណ៍សរសេរ សុំភ្ជាប់សំណេរពូឱ្យហើយ ចង់ថាស្នេហាក្មួយអាចមិនមានអារម្មណ៍ហើយបង្ខំបាន តែសំណេរមួយតែអត់អារម្មណ៍ហើយ វ៉ៃដល់ងាប់ក៏សរសេរអត់ចេញដែរ 😁។

ជាការរំលឹក ៖ សំណេរនេះជាអារម្មណ៍ផ្ទាល់របស់អេតមីនទាំងស្រុង ដូច្នេះចង់អានក៏បានមិនចង់ក៏បាន តែគ្មានសិទ្ធិទើស បើថាទើសទៅសរសេរមួយខ្លួនឯង។

ជាដំបូងសូមអរគុណពូ ពូជាហេតុផលគ្រប់យ៉ាងដែលឱ្យខ្ញុំមើលរឿងនេះគ្រាន់តែឃើញទឹកមុខពូពីដំបូង កាន់តែមើលកាន់តែលង់នឹងទឹកមុខងាប់ ស្មើ មាត់វៀចរបស់ពូ ហើយខ្ញុំក៏ឆ្ងល់ដែរថារឿងពូឡើងស៊ើបអង្កេត តានតឹង ម៉ត់ចត់ តែអ្នកមើលខ្ញុំសម្រាយគេទៅជានាំគ្នាសើចវិញ អត់យល់ 😁។ ហើយក៏អរគុណពូដែលធ្វើឱ្យខ្ញុំមានលីលី 🥰🥰🥰។

តាមពិតចរិតតួអង្គពូខ្ញុំធ្លាប់សរសេរតាំងពីភាគដំបូងៗហើយ ដូច្នេះមិនរៀបរាប់ច្រើនទាក់ទងនឹងរឿងហ្នឹងទៀតទេ។

ពូគឺតួអង្គដែលទទួលបានការសរសើរពីខ្ញុំ 10/10 តែម្តង គឺរឿងវិជ្ជាជីវៈ និងភាពជាអ្នកដឹកនាំ។ គ្មានវិនាទីណាដែលពូបញ្ចួលអារម្មណ៍ផ្ទាល់ខ្លូនជាមួយការងារឡើយ សូម្បីតែឈ្លោះគ្នាជាមួយលីលី ក៏ពូនៅរឹងមាំមករកភស្តុតាងបាន សូម្បីតែនៅជាមួយកូនឃាតករដែលពូសែនស្អប់ចង់ចាប់ញាត់គុក ក៏ពូនៅបង្រៀនការងារគេបាន។ នេះក៏ជាផ្នែកមួយដែលស្តែងឱ្យឃើញពីភាពរីកចម្រើន និងវប្បធម៌នៃសង្គមមួយនោះថាគេឱ្យតម្លៃទៅលើអ្វី។

មានឆាកជាច្រើនដែលខ្ញុំដេករំពឹងចង់ឃើញពីពូ ហើយក៏ឃើញគ្រប់ឆាក ទី1 គឺឃើញទឹកភ្នែករបស់ពូ ទី2 គឺឃើញការប្រច័ណ្ឌរបស់ពូ ទី3 គឺឃើញការថ្នាក់ថ្នមរបស់ពូ ទី4 គឺឃើញអារម្មណ៍ឈឺចាប់របស់ពូពេលលីលីដឹងការពិត ហើយអាភ្ញាក់ផ្អើលដែលមិនរំពឹងថាឃើញតែនៅសង្ស័យថាពូអាចនឹងស្ពាយជាប់មួយជីវិតនោះ គឺបញ្ហាផ្លូវចិត្ត ភាពស្លុតដែលពូឃើញលីលីត្រូវគេចាក់ ខ្ញុំមិនគិតថាគេឱ្យមានឆាកនឹងជាលើកទី 2 ដើម្បីបង្ហាញពីអារម្មណ៍ពូសោះ។ គេធ្វើឱ្យយើងឃើញថាពូ move on ពីអតីតកាលបានហើយ អរគុណអ្នកនិពន្ធ និងអ្នកដឹកនាំដែលបញ្ចូលឆាកនេះ ធ្វើឱ្យខ្ញុំដឹងហើយថាពូដើរចេញពីស្រមោលនោះបានហើយ តាមរយៈប្រតិកម្មរបស់ពូដែលរត់ទៅជួយគ្រាលីលី និយាយជាមួយលីលី បារម្ភ យំ និងខលទៅឡានពេទ្យ។

ពូជាតួអង្គដែលធ្វើឱ្យខ្ញុំមើលរឿងពីដំបូង ហើយក៏ជាតួអង្គដែលខ្ញុំស្រៀវថានឹងឈប់មើលកណ្តាលទីទៀតដូចគ្នា តែក៏អរគុណគ្រប់យ៉ាងរលូនដល់ភាគបញ្ចប់ (ដូចដឹងចឹងតែរឿងហ៊ានមានឆាកលើគ្រែច្រើនសាហាវៗ ខ្ញុំបាយបាយហើយ) ។

ខ្ញុំដឹងហើយថាពូជាមនុស្សបែបណា ខ្ញុំមិនដឹងរឿងទង់ពណ៌អីនោះទេ តែខ្ញុំដឹងថាពូមិនមែនជាមនុស្សដែលមានធម្មជាតិហិង្សា អ្វីដែលឃើញគឺដោយសារកំហឹង និង គំនុំ ដូចខ្ញុំបញ្ជាក់ចឹងថាយើងមិនអាចបន្ទោសប្រតិកម្មតបតរបស់នរណាម្នាក់បានទេដោយសារយើងមិនមែនជាគេ។ ហើយខ្ញុំក៏ដឹងដែរថាពូជាមនុស្សចេះថ្នម ដូចគេដូចឯងដែរជាពិសេសគឺភាគបញ្ចប់ តាមពិតពូក៏ជាមនុស្សរ៉ូមិនទិកដែរ ទោះជាពេលខ្លះធ្វើឱ្យលីលីផ្អើលបន្តិចក៏ដោយ 🥰🥰🥰។

ពូគឺជាតួអង្គដែលគេតាក់តែងមកឱ្យសមជាមួយនឹងវ័យ ទាំងទឹកមុខ សមត្ថភាព ចរិត អាកប្បកិរិយា ដឹងខុស ដឹងត្រូវ ចេះប្រយ័ត្នប្រយែង ចេះបង្ការ ដែលធ្វើឱ្យខ្ញុំដឹងថា នេះហើយជាភាពចាស់ទុំ និងបទពិសោធជីវិតរបស់មនុស្សចាស់ គ្រាន់តែពេលខ្លះនៅឆេវឆាវតិច (សមហើយដែលលីលីជាទឹកអម្រិតនោះ😅)។

ពូគឺជាតួអង្គដែលខ្ញុំមើលធ្លុះតាំងពីដំបូងគឺត្រង់យកតែម្តង លើកលែងតែការថ្នមមួយដែលខ្ញុំនឹកអត់ដល់ បានន័យថាពូជាមនុស្សត្រង់ មិនលាក់ពុត មិនពុតត្បុត អារម្មណ៍បែបណាបញ្ចេញមកស្តែងៗតាមទឹកមុខ អត់ឌឺដង វៀចវេរ វង់ច្រើនខេត្តអីទេ។

ជាចុងក្រោយក្មួយផ្តាំមើលថែលីលីផងពូ គ្នាអស់ឪហើយនៅតែម៉ែ ហើយក៏មិនខ្ចីមករកម៉ែដែរស៊ូវេទនាតាមពូ កុំសូវលរគ្នាពេក លើកលែងបានលើកលែងទៅ គ្នានៅចរិតក្មេងណាស់ដូចពូឃើញចឹង ដូចក្មេងទារការ៉េមហូបនៅឡើយទេ ហើយពេលខ្លះក៏ឡេឡឺមិនសូវដឹងអី តែក៏លាក់ពុតខ្លះៗដែរ 😁។ បើពេលណាពូទ្រាំលែងបានកុំបញ្ជូនមកខ្ញុំអី ពូយកទៅដាក់វត្តក៏បាន ឬយកទៅផ្ទះបងៗគ្នាក៏បានដែរ។

ជីវិតលីលីខ្ញុំពឹងលើពូហើយ ជាអាណាព្យាបាល និងបំពេញគ្រប់អ្វីៗដែលលីលីបាត់បង់តាំងពីក្មេង។

សរុបជារួមគឺពូ perfect ខ្ញុំស្រលាញ់គ្រប់យ៉ាងនៃពូ (លើកលែងតែពាក្យសម្តីមួយឃ្លាចុងក្រោយនៅភាគ 4 ខ្ញុំចាំមិនភ្លេច ហាហា ) ហើយគ្រប់យ៉ាងនៃពូនោះគឺជាចន្លោះប្រហោងគ្រប់យ៉ាងរបស់លីលីដែលពូត្រូវបំពេញឱ្យ។

ជម្រាបលាពូ សូមសុខសប្បាយ និងរស់នៅឱ្យមានក្តីសុខជាមួយកូនពៅខ្ញុំនៅភពនោះ 🥰🥰។

អរគុណម្តងទៀតដែលនាំលីលីចូលមកក្នុងជីវិតរបស់ក្មួយ។

ពី My BL Diary Admin ( ក្មួយរបស់ពូ ម៉ែក្មេករបស់ពូ ម៉ែយ៉ាយ៉ា និង លីលី ) 😂

អរគុណចំពោះការអានចប់ បើអានចប់បើករង្វាន់ថើបពីពូអយ្យការបាន 3 ខ្សឺត ហើយបើអត់បានអានក៏មិនជាអ្វី ព្រោះអត់បានអញ្ជើញទេ 🤭។

#សំណេរខ្ញុំអារម្មណ៍ខ្ញុំ #ខ្ញុំចូលចិត្តសរសេរ #theprosecutorproposal #កុំអានសំណេរអត់ប្រយោជន៍ច្រើនពេកអានសៀវភៅផង

1 month ago | [YT] | 24

My BL Diary

សំណេរចុងក្រោយ ជូនកូនពៅ Lee Chaeha (លីលី)

យប់នេះគួរតែជាពេលវេលាដ៏សក្តិសមបំផុតក្នុងការជូនដំណើរកូនទៅប្រលោមលោកវិញហើយ។

ជាបឋមសុំទោសកូនសិនរឿងចប់ឡើងយូរហើយគ្មានពេលសរសេរឱ្យដូចអាបងសោះ ព្រោះរវល់ជាប់ ហើយសំណេរមួយៗទាមទារពេលវេលា និង អារម្មណ៍ ចឹងឆ្លៀតសរសេរឱ្យហើយទាន់នៅផ្ទះ។

សុំបញ្ជាក់៖ សំណេរនេះជាអារម្មណ៍ផ្ទាល់របស់អេតមីន ដូច្នេះអត់ទាមទារឱ្យនរណាមកអាន ឬក៏មកទើសអីទេ ចង់អានក៏អាន អត់ចង់ក៏ចេញ។

បើនិយាយពីពេលវេលាជាមួយយ៉ាយ៉ា និងពេលវេលាជាមួយលីលី គឺខុសគ្នាពាក់កណ្តាលទាំងដែលសាច់រឿង 10 ភាគដូចគ្នា នៅជាមួយយ៉ាយ៉ាបាន 10 អាទិត្យតែ នៅជាមួយលីលី បានតែ 5 អាទិត្យ មិនទាន់លេងឆ្អែតផងរឿងចប់បាត់។

សូមអរគុណដល់តួអង្គលីលីដែលចូលមកក្នុងជីវិតម្នាក់នេះទាំងអត់ព្រាងទុក ចង់ថាកូនគ្មាននៅក្នុងបញ្ជីសោះ មើលកូនក៏ព្រោះតែបារមីពូអយ្យការឱ្យសុទ្ធ មើលឡើងចង់កន្លះរឿងទើបឃើញកូនស្អាត និងគួរឱ្យស្រលាញ់។

លីលីជាតួអង្គដែលពិបាកប៉ាន់ ឬទាយជាងពូទៀត ដូច្នេះហើយបានទុកកូនដល់ភាគបញ្ចប់ហើយសរសេរពូមុន ដោយសារពូជាតួអង្គចេញមកត្រង់ៗតែម្តង។

លីលីជាតួអង្គដែលថាសឹងតែគ្មានស្នាមញញឹម ការលេងសើចអ្វីទាំងអស់ មួយចប់រឿងទាំងពូទាំងក្មួយសឹងតែរកឆាកកូនសើចបែបមានក្តីសុខមិនចង់ឃើញ ធ្វើមិចបើយើងមកជាមួយនឹងអម្រែកជីវិត ហើយនិងដៃគូដែលមានលក្ខណៈស្រដៀងគ្នាទៀត។

លីលីជាតួអង្គដែលស្មោះត្រង់ ក្លាហាន តស៊ូ និងវិជ្ជមានជានិច្ច ហើយអាចំណុចដែលតែងតែបាញ់កូនគឺជាចំណុចដែលម៉ែស្រលាញ់ទាំងអស់ 🥰🥰។

ជាតួអង្គដែលស្ពាយសម្ពាធ សម្ពាធតាំងពីក្មេង ឪពុកស្លាប់ចោលទាំងមិនដឹងការពិត រស់ជាមួយញាតិ គេធ្វើបាប។ អាចថាបើប្រៀបធៀបជាមួយក្មេងទូទៅគឺជាក្មេងដែលគ្មានគោលដៅ ឬអ្នកតម្រង់ទិស ដូចជារើសរៀនសាលាប៉ូលីសក៏រៀនព្រោះតែសាលាធូរថ្លៃចង់គេចពីគ្រួសារពូ ហើយក៏មិនមានបំណងទៅស៊ើប ឬសើរើរឿងក្តីឪពុកអ្វីដែរទោះជាចង់ក៏ខ្លួនគ្មានលទ្ធភាព ឬអំណាចធ្វើបានដែរ បានត្រឹមតែជឿថាឪពុកជាមនុស្សស្អាតស្អំ តែសំណាងបានជួបពូ គេបបួលឱ្យស៊ើបរកការពិតជាមួយគ្នា ។

ជាក្មេងដែលរឹងមាំឆ្លងកាត់ការតិះដៀល ប៊ូលីតាំងពីតូច តែនៅតែធំឡើងក្លាយជាក្មេងល្អ ដូចពូធ្លាប់ថាឱ្យចឹង ឯងគួរតែស្អប់ធម្មជាតិរបស់មនុស្ស តែលីលីអត់ទេ លីលីស្អប់គេអត់បានខំព្យាយាមហើយ អាចថាជាចរិតរបស់លីលីពីកំណើត។ ដូចឆាកស្លាប់ដើម្បីតួប្រុសអីហ្នឹងមែនទែនទៅមិនមិនរឿងស្រលាញ់ស្មោះស្ម័គ្រស្អីនោះទេ តែជាធម្មជាតិមនុស្សដែលល្អ ជួយយកអាសារគេ ទោះមិនមែនជាតួប្រុសក៏ម៉ែជឿថាលីលីជួយគេដូចគ្នា។

ជាតួអង្គដែលមើលទៅសមញ្ញៗអត់មានអីទាក់ទាញតែសំខាន់។ ជាតួអង្គដែលចិត្តត្រជាក់ មិនចេះខឹងយូរ មិនចេះគុំ ស្គាល់ចិត្តខ្លួនឯងច្បាស់ ហ៊ានសារភាព។

ជាក្មេងស្លូតបូត ឡេឡឺតិចពេលខ្លះតាមអត់ទាន់មនុស្សចឹងហើយបានពូចេះតែលរ តែក៏ជាក្មេងដែលលាក់ពុត ងិង៉ក់ចរិតកូនក្មេងម៉ង ខ្នាញ់ពេញបេះដូង ទម្រាំពូមិនដឹងខ្នាញ់យ៉ាងណា។

ឆាកដែលម៉ែស្រលាញ់ជាងគេគឺឆាកដែលកូននិយាយសុំទោសទៅកាន់ពូនៅពេលដែលដឹងថាពូជាកូនជនរងគ្រោះ ទោះឆាកនោះលាយជាមួយការអន់ចិត្ត ការខឹង ក៏ជាឆាកដែលបង្ហាញអារម្មណ៍សោកស្តាយ និងដឹងខុសចំពោះតួប្រុស (អាចថាជាឆាកដែលចង់ឃើញបំផុតក្នុងរឿងហើយក៏អរគុណដែលគេបញ្ចូលឱ្យតួអង្គលីលី ទោះវាមិនមកជាឆាកពេញតែឯងក៏ដោយ ព្រោះបើហ៊ានតែពេញអ្នកវេទនាគឺពូ បើលីលីកាន់តែមានអរម្មណ៍ខុស ពូនឹងកាន់តែឈឺចាប់ )។

ជីវិតតទៅមុខទៀតរបស់លីលីគឺម៉ែជឿថាច្បាស់ជាមានក្តីសុខ មានតម្លៃហើយ ព្រោះពូជាតួអង្គម្នាក់ដែលមកបំពេញភាពខ្វះខាតគ្រប់យ៉ាងឱ្យលីលីបាន ទាំងការមើលថែ ការបារម្ភ ការការពារ ការយកចិត្តទុកដាក់ ការផ្តល់ភាពកក់ក្តៅដូចជាគ្រួសារ ដែលលីលីបាត់បង់តាំងពីក្មេង។ ហើយម៉ែក៏ដឹងដែរថាធម្មជាតិរបស់ពូមិនមែនជាមនុស្សហិង្សាទេ តែគ្រប់យ៉ាងគឺដោយសារកំហឹង និងគំនុំ បើសិនជាពូជាមនុស្សហិង្សាម៉្លេះលីលីក៏មិនរួចខ្លួននៅភាគក្រោយៗមកដែរ។ ឆាកដែលពូស្ងាត់ ពូថ្នម ជាឆាកដែលបញ្ជាក់ចរិតធម្មជាតិរបស់ពូហើយ គ្រាន់តែថាពូមិនមែនមនុស្សពូកែញញឺម ផ្អែមល្ហែមបែបពូម្ចាស់ហាង។

ជាចុងក្រោយសូមជូនពរឱ្យកូនសមប្រកបគ្រប់យ៉ាងជាមួយពូរបស់កូន(បញ្ជាក់ ៖ សំដៅជីវិតក្នុងប្រលោមលោកមិនមែនជីវិតតួអង្គពិតទេកុំទាញចូលគ្នា)។

ហើយកុំច្រណែនយ៉ាយ៉ាអី ព្រោះតាមត្រង់ទៅយ៉ាយ៉ាហ្នឹងគឺលេខ 1 ក្នុងបេះដូងម៉ែមកដល់ពេលនេះហើយ គ្មានអ្នកជំនួសបានឡើយ តែអាចមកនៅទន្ទឹមគ្នាបាន (បេះដូងចែកឱ្យម្នាក់មួយចំហៀង) 🥰🥰។ កុំបាច់ច្រណែនអាបងអី ព្រោះអាបងល្បីមិនសូវដល់កូនទេ ហើយមីងៗអ្នកជិតខាងពេលគេហៅរកកូនម៉ែ គេហៅតែលីលីច្រើនជាងយ៉ាយ៉ា កាលពីមុនសឹងគ្មានអ្នកណានិយាយឈ្មោះយ៉ាយ៉ាផង មានតែម៉ែយ៉ាយ៉ាតែប៉ណ្ណោះ។

ចរិតមួយចំនួនដែលយ៉ាយ៉ា និងលីលីមានដូចគ្នា គឺក្មេងត្រង់ តាមមនុស្សមិនសូវទាន់ មិនចេះខឹង មិនចេះគុំ មិនចង់ឈ្នះមិនចង់ចាញ់ វិជ្ជមានហើយឱ្យអភ័យជានិច្ច។

សំណេរម៉ែចប់ហើយ តែការបាញ់របស់ម៉ែមិនទាន់ចប់ទេ នៅបន្តរឿយៗ ហើយពេលណាចង់ដូរពូចាំប្រាប់ម៉ែមក 😁។

សូមនៅឱ្យមានក្តីសុខនៅទីនោះកូនពៅមាស។ ទោះយ៉ាងណាក៏ក្លាយជាសមាជិកគ្រួសារមហារញ៉េរញ៉ៃហើយ។

ស្រលាញ់កូនពៅកណ្តាលពេញបេះដូង (បោកទេម្នាក់ពាក់កណ្តាល 😅 )

សូមអរគុណដែលបានអាន ទោះជាមិនអានក៏មិនជាអ្វី ព្រោះមិនរំពឹងឱ្យអាន ហើយក៏មិនត្រូវការឱ្យទើសដែរ។

អ្នកអានចប់បើកថើប 3 ខ្សឺតពីលីលីបាន 😚😚😚

ពី My BL Diary Admin (ម៉ែយ៉ាយ៉ា)

#សំណេរខ្ញុំអារម្មណ៍ខ្ញុំ #ខ្ញុំចូលចិត្តសរសេរ #theprosecutorproposal #កុំអានសំណេរអត់ប្រយោជន៍ច្រើនពេកអានសៀវភៅផង

1 month ago (edited) | [YT] | 28

My BL Diary

និយាយពីថាម្នាក់ៗឈរឈ្លោះគ្នាចង់ស៊ីសាច់ហុតឈាម ស្រែកផង គោះតុផង ចង្អុលមុខគ្នាផង នៅតែបោចសក់គ្នាទេ ស្រាប់តែម្នាក់នោះងើបពីដេកដើរចេញមកក៏ ....

The កូនខ្ញុំ ៖ អធ្យាស្រ័យ ឯងទាំង 2 កំពុងធ្វើអីដែរ (ទឹកមុខអាលក្ខណៈថា ដេកពួនអត់បាន ភ្ញាក់ឡើងឃើញសង្គ្រាមលោក)។

The ម៉ែអ្នកសម្រាយ ៖ អធ្យាស្រ័យមុខកូនត្រូវស្បែកជើងលេខប៉ុន្មានដែរ ម៉ែសារេឱ្យចំកណ្តាលផ្ទៃមុខម៉ង ......

https://youtu.be/fPyot3zpRzo?si=MHlJC...

#fakefactlips

Skip the Carousel

1 2 3 4 5 6 7 8 9 10

3 months ago (edited) | [YT] | 71

My BL Diary

ផឹកស្រវឹងដើរមករករឿងកូនឯងដល់ផ្ទះ មកដល់ចាប់គ្នាផង ទាញកផង គ្រវាត់ផង ចាប់ដៃផង កូរផង ធ្វើស៊ីផ្លូវអារម្មណ៍ផង ចាប់គ្នាថើបតាំងពីគ្នាខឹងគ្នាគេចដល់គ្នាព្រមហើយ ស្រាប់ព្រឹកឡើងធ្វើឯងភ្ញាក់ ចុំមានរឿងអីកើតឡើងមែន? ធ្វើសួរកូនឯងថា យប់មិញឯង និង យើង.... នែថាឡេឡឺមិនដឹងស្អីពេលស្រវឹងចឹង ឯងចាប់បញ្ជូនឱ្យទៅនៅជាមួយ Fukami ទាំងអស់គ្នាហ្នឹងហេ កុំអាពូកែស្រាបញ្ជាពេក....

Skip the Carousel

1 2 3 4 5 6 7 8 9 10

4 months ago | [YT] | 26

My BL Diary

គេធ្លាប់តែស្ងប់ស្ងាត់ គេមិនដែលញញឹម គេមិនដែលសើច គេមិនខ្វល់ពីអ្នកណា គេរក្សាគម្លាត គេផ្តាច់ខ្លួនពីមនុស្សជុំវិញ គេដូចជាមនុស្សចាស់ទុំ ស្រាប់តែសុខៗគេក្លាយជាក្មេងតូច គេចេះងរង៉ក់ គេចេះខឹង គេចេះសម្លក់ គេចេះប្រច័ណ្ឌ គេចេះនែបនិត្យ គេចេះលួងលោម គេចេះប្រលែង គេចេះញញឹម គេចេះសើច គេចេះខ្វល់ គេចេះបារម្ភ គេចេះនឹក គេចេះស្រលាញ់ គេចេះហួងហែង គេចេះមើលថែ គេចេះគ្រប់យ៉ាង គេប្រែហើយ តើគេជាអ្នកណា? ឆាប់ឆ្លើយភ្លាមគេជាអ្នកណា? ហើយអ្នកណាធ្វើឱ្យគេប្រែ? អ្នកណា? 😁

#thepromiseofthesoul #yehaiyuan #blseries #bltaiwan

Skip the Carousel

1 2 3 4 5 6

4 months ago | [YT] | 18

My BL Diary

ស្តីឱ្យគេដល់គេសេដតាំងរត់ទៅឱបលួងគេ
អូ ម៉ោៗៗៗ ចាំអាកុងឱប អាកុងអត់មានបំណងស្តីឱ្យទេ ។ មកឱបចៅ ដល់ចៅឱបវិញតាំងធ្វើឯងអីណា ថីអៀនចៅមែន អាកុង? 😁😁

មានអ្នកនឹករឿងនេះអត់??? លម្អិតសាច់រឿងនៅក្នុងរូបភាព មិនបាច់មើលសម្រាយទេ 😁

Skip the Carousel

1 2 3 4 5 6

5 months ago | [YT] | 26