Changbhala News

२००० धावपटूंचा सहभाग! कृष्णा मॅरेथॉनला ऐतिहासिक प्रतिसाद | कराड | Jaywantrao Bhosale Jayanti

कराड प्रतिनिधी | @ChangbhalaNews
कृष्णाकाठचे भाग्यविधाते सहकारमहर्षी स्व. जयवंतराव भोसले (आप्पासाहेब) यांच्या १०१ व्या जयंतीनिमित्त कृष्णा विश्व विद्यापीठातर्फे आयोजित ‘कृष्णा मॅरेथॉन’ला स्पर्धकांचा उदंड प्रतिसाद लाभला. सुमारे २००० हून अधिक स्पर्धकांनी यात सहभाग घेत, निरोगी आरोग्यासाठी धावण्याचा संदेश दिला.

कृष्णा विश्व विद्यापीठाचे कुलपती डॉ. सुरेश भोसले, भाजपाचे जिल्हाध्यक्ष आमदार डॉ. अतुलबाबा भोसले व कृष्णा औद्योगिक महिला संस्थेच्या संस्थापिका सौ. उत्तरा भोसले यांच्या हस्ते ध्वज दाखवून सकाळी ६ वाजता कृष्णा रूग्णालयाच्या प्रांगणातून मॅरेथॉनला प्रारंभ झाला. ५ किमी आणि १० किमी अशा दोन गटात झालेल्या या मॅरेथॉनमध्ये २००० हून अधिक स्पर्धक सहभागी झाले होते.

५ किमी अंतराच्या पुरूषांच्या १८ वर्षाखालील गटात गणराज, अलंकार पोळ, हर्षवर्धन पुजारी; तर महिला गटात श्रेया गोंदाल, जान्हवी पाटील व अनुश्री काळे यांनी, १९ ते ३५ वयोगटातील पुरूष गटात दिपक सवाखंडे, पवन कुंभार, अवधुत शिवणीकर; तर महिला गटात सकिना इद्रासी, कल्याणी थोरात व शिवानी भणगे यांनी, ३६ ते ४५ वयोगटातील पुरूष गटात अमोल थोरात, निवास हांगे, संजय साळुंखे; तर महिला गटात विशाखा पाटील, मेघा साळुंखे व रुपाली जाधव यांनी, ४६ ते ५५ वयोगटातील पुरूष गटात मारुती चाळके, दत्तात्रय देसाई, अंकुश माळी; तर महिला गटात सुनिता सूर्यवंशी, वैशाली चव्हाण व माधवी शिंदे यांनी, ५५ वर्षांवरील पुरूष गटात मुरलीकृष्ण वत्स, रामचंद्र शेळके, चंद्रकांत पाटील; तर महिला गटात अमिता गोखले, माधुरी पांचारिया, मीरा भापकर यांनी अनुक्रमे प्रथम, द्वितीय, तृतीय क्रमांक पटकाविला.

१० किमी अंतराच्या पुरूषांच्या १८ वर्षाखालील गटात शुभम पाटील, प्रथमेश भोसले, ओंकार; तर महिला गटात रितीका मोहिते, आर्या देशमुख, अवनी चव्हाण यांनी, १९ ते ३५ वयोगटातील पुरूष गटात रतन धामी, वेदांत सुतार, वैभव बेंद्रे; तर महिला गटात जान्हवी पाटील, सानिका साबीर, अनुषा रावत यांनी, ३६ ते ४५ वयोगटातील पुरूष गटात केसर ठाकूर, विशाल केसरकर, मिथुन गावित; तर महिला गटात शैलजा पाटणकर, अनुराधा बोकील, अमृता जाधव यांनी, ४६ ते ५५ वयोगटातील पुरूष गटात वसंत लकडे, अंकुश गायकवाड, यशवंत घाडगे; तर महिला गटात वसुधा वत्स, निर्मला माने यांनी, ५५ वर्षांवरील पुरूष गटात लक्ष्मण यादव, सुधीर शाह, सतीश शिंदे; तर महिला गटात निलीमा वनारसे यांनी अनुक्रमे प्रथम, द्वितीय, तृतीय क्रमांक पटकाविला.

विजेत्यांना डॉ. सुरेश भोसले व सौ. उत्तरा भोसले यांच्या हस्ते मेडल व स्मृतीचिन्ह देऊन गौरविण्यात आले. दरवर्षी कृष्णा मॅरेथॉनचे मोठ्या प्रमाणात आयोजन करुन, पुढील वर्षीपासून २१ किमी रनिंग ट्रॅकचाही समावेश करणार असल्याचे सांगून डॉ. भोसले यांनी या मॅरेथॉनला ऐतिहासिक ओळख मिळवून देण्याचा प्रयत्न करण्याची ग्वाही दिली.

अजीम कागदी यांनी सूत्रसंचालन केले. मधुरा राऊत व अभिजीत पाटील यांनी झुम्बा नृत्याचे सादरीकरण केले. याप्रसंगी विद्यापीठाचे उपकुलसचिव एस. ए. माशाळकर, कृष्णा फौंडेशनचे कार्यकारी संचालक प्रा.डॉ. विनोद बाबर यांच्यासह विविध संस्थांमधील अधिकारी, कर्मचारी, विद्यार्थी मोठ्या संख्येने उपस्थित होते.

कराडच्या क्रीडापट्टूंचा विशेष सन्मान

कृष्णा मॅरेथॉनच्या उद्‌घाटनप्रसंगी विविध राष्ट्रीय व आंतरराष्ट्रीय स्तरावर सर्वोत्कृष्ट कामगिरी करणाऱ्या कराडच्या क्रीडापट्टूंचा डॉ. सुरेश भोसले यांच्या विशेष सन्मान करण्यात आला. दक्षिण आफ्रिकेतील कॉम्रेड अल्ट्रा मॅरेथानमध्ये सहभागी झालेले डॉ. सी. व्ही. महाजन, डॉ. शैलेश पाटील व संदीप पाटील, तसेच डबल सुपर रँड्युनर फिनिशर चंद्रजीत पाटील व रवी जाधव आणि आयर्नमॅन ऑस्ट्रेलिया फिनिशर उमेश पांचारिया यांना विशेष सन्मानित करण्यात आले.

#KrishnaMarathon #KaradMarathon
#JaywantRaoBhosale #KrishnaVishwavidyalaya
#KaradSports #Marathon2025
#HealthyLifestyle #RunForHealth
#KrishnaHospital #ChangbhalaNews

Skip the Carousel

1 2 3 4 5 6

1 day ago | [YT] | 3

Changbhala News

सहकारमहर्षी स्व. जयवंतराव भोसले यांना १०१ व्या जयंतीदिनी मान्यवरांकडून अभिवादन

कराड प्रतिनिधी | ChangbhalaNews
कृष्णाकाठच्या सहकार, सामाजिक, शैक्षणिक व आरोग्य विकासाचे प्रणेते आणि कृष्णा उद्योग समूहाचे शिल्पकार सहकारमहर्षी स्व. जयवंतराव भोसले (आप्पा) यांच्या पवित्र स्मृतींना १०१ व्या जयंतीनिमित्त विविध क्षेत्रातील मान्यवरांनी अभिवादन केले. य. मो. कृष्णा सहकारी साखर कारखान्याचे चेअरमन डॉ. सुरेश भोसले, माजी चेअरमन मदनराव मोहिते, डॉ. इंद्रजीत मोहिते, कृष्णा महिला औद्योगिक संस्थेच्या संस्थापिका सौ. उत्तरा भोसले, भाजपाचे जिल्हाध्यक्ष आमदार डॉ. अतुलबाबा भोसले, श्री. विनायक भोसले, सुदन मोहिते यांच्यासमवेत कराड व वाळवा तालुक्यातील विविध क्षेत्रातील मान्यवरांनी, कृष्णा हॉस्पिटलच्या प्रांगणातील आप्पासाहेबांच्या पुतळ्याला पुष्पहार अर्पण करून अभिवादन केले.

याप्रसंगी खनिज कर्म महामंडळाचे संचालक भरत पाटील, माजी आमदार आनंदराव पाटील, डॉ. अशोक गुजर, जयंत पाटील, कृष्णा चॅरिटेबल ट्रस्टचे विश्वस्त शिवाजीराव थोरात, जयवंतदादा जगताप, प्रांतिधिकारी अतुल म्हेत्रे, पोलिस उपअधीक्षक राजश्री पाटील, प्रादेशिक परिवहन अधिकारी चैतन्य कणसे, कृष्णा विश्व विद्यापीठाचे सल्लागार डॉ. वेदप्रकाश मिश्रा, कुलगुरु डॉ. नीलम मिश्रा, य. मो. कृष्णा सहकारी साखर कारखान्याचे संचालक जितेंद्र पाटील, श्रीरंग देसाई, धोंडिराम जाधव, शिवाजी पाटील, बाबासो शिंदे, निवासराव थोरात, बाजीराव निकम, जे. डी. मोरे, अविनाश खरात, दत्तात्रय देसाई, जयवंत शुगर्सचे चेअरमन चंद्रकांत देसाई, कृष्णा बँकेचे व्हाईस चेअरमन दामाजी मोरे, पैलवान आनंदराव मोहिते, मलकापूरचे नवनिर्वाचित नगराध्यक्ष तेजस सोनावले, नवनिर्वाचित नगरसेवक मनोहर शिंदे, हणमंतराव जाधव, सूरज शेवाळे, राजश्री जगताप, गीता साठे, अश्विनी शिंगाडे, सुनीता पोळ, रंजना पाचुंदकर, कल्पना रैनाक, शरद पवार, धनंजय येडगे, प्रमोद शिंदे, डॉ. स्वाती थोरात, माजी नगरसेवक राजेंद्र यादव, दिनेश रैनाक, शहाजी पाटील, राहुल यादव, माजी नगराध्यक्ष आबासाहेब गावडे, कराडचे नवनिर्वाचित नगरसेवक शिवाजी पवार, गणेश पवार, वर्षा वास्के, माजी नगराध्यक्षा सौ. रोहिणी शिंदे, माजी नगरसेवक राजेंद्र माने, महादेव पवार, सुहास जगताप, स्मिता हुलवान, अरुण जाधव, धनलक्ष्मी पतसंस्थेचे अध्यक्ष दिलीप चव्हाण, अमित चव्हाण, भाजपाचे माजी तालुकाध्यक्ष पैलवान धनंजय पाटील, मंडल अध्यक्ष सुषमा लोखंडे, प्रवीण साळुंखे, शंकर निकम, कराडचे माजी शहराध्यक्ष एकनाथ बागडी, कोरेगावचे सरपंच बाळासाहेब पाटील, जखिणवाडीचे माजी सरपंच नरेंद्र पाटील, रेठरे बुद्रुकचे सरपंच हणमंत सूर्यवंशी, कोयना वसाहतीच्या सरपंच सुवर्णा वळीव, सवादेचे सरपंच संजय शेवाळे, सैदापूरचे माजी उपसरपंच मोहनराव जाधव, माजी जि. प. सदस्या सौ. शामबाला घोडके, माजी पं. स. सदस्य बाळासाहेब निकम, पाटण अर्बन बँकेचे चेअरमन चंद्रकांत कापसे, सहकारमहर्षी स्व. जयवंतराव भोसले नागरी सहकारी पतसंस्थेचे चेअरमन दत्तात्रय पाटील, कृष्णा बँकेचे संचालक प्रकाश पाटील, नारायण शिंगाडे, हेमंत पाटील, वसीम मुल्ला, विलास पवार, आर. टी. स्वामी, मनोज शिंदे, माजी जि. प. सदस्य डॉ. राजकुमार पवार, प्रमोद पाटील, हेमंत धर्मे, अरविंद पाटील, एम. के. कापूरकर, उमेश शिंदे, गजेंद्र पाटील, रामभाऊ सातपुते, राहुल पाटील, उमेश मोहिते, ॲड. दिपक थोरात, सुनील कणसे, सुहास कदम, डॉ. सुशील सावंत, पोपटराव शेवाळे, भाऊसाहेब ढेबे, नीळकंठ शेडगे, सुरेश पाटील, हर्षवर्धन मोहिते, संजय पवार, शशिकांत साळुंखे, संतोष हिंगसे, सचिन पवार, मुकुंद महाराज, गणेश डुबल, बबलू मोहिते, योगेश पाटील, दिलीप पाटील, वीरेंद्र गुजर, रमेश मोहिते, विनायक घेवदे, अक्षय सुर्वे, मनोज पाटील आदींसह मान्यवर उपस्थित होते. यावेळी स्व. जयवंतराव भोसले नागरी सहकारी पतसंस्थेच्या दिनदर्शिकेचे प्रकाशन मान्यवरांच्या हस्ते करण्यात आले.

#सहकारमहर्षी #जयवंतरावभोसले #आप्पासाहेब
#JaywantraoBhosale #KrishnaGroup
#KrishnaSugarFactory #KrishnaHospital
#KrishnaBank #KaradNews
#Karad #WalvaTaluka #CooperativeMovement
#MaharashtraNews #JayantiSpecial
#ChangbhalaNews #SocialDevelopment
#EducationHealthDevelopment

Skip the Carousel

1 2

1 day ago | [YT] | 6

Changbhala News

मलकापुरात भाजपची सत्ता ; नगराध्यक्षपदासह १८ जागावर निर्विवाद वर्चस्व ; आमदार डॉ. अतुलबाबा भोसले यांचा करिष्मा

हैबत आडके | चांगभलं न्यूज

मलकापूर नगर परिषदेच्या पंचवार्षिक निवडणुकीचा अंतिम निकाल जाहीर झाला असून नगराध्यक्षपदाच्या लढतीत भारतीय जनता पक्षाचे उमेदवार तेजस सोनवणे यांनी ५२७७ मतांच्या फरकाने दणदणीत विजय मिळवला आहे. तेजस सोनवणे यांना एकूण १०,७४९ मते मिळाली. राष्ट्रवादी काँग्रेसचे उमेदवार आर्यन कांबळे यांना ५४७२, तर शिवसेना शिंदे गटाचे अक्षय मोहिते यांना ७०४ मते मिळाली.

नगराध्यक्षपदासह नगर परिषदेच्या विविध प्रभागांतील निकाल जाहीर होताच शहरात उत्साहाचे वातावरण निर्माण झाले. निवडणुकीत अनेक ठिकाणी अटीतटीच्या लढती पाहायला मिळाल्या, तर काही प्रभाग बिनविरोध ठरले.
प्रभाग क्रमांक १ अ मध्ये भाजपाच्या अश्विनी शिंगाडे यांनी राष्ट्रवादीच्या कांचन लोहार यांचा २९८ मतांनी पराभव केला. प्रभाग क्रमांक १ ब मध्ये शिवसेना (उद्धव ठाकरे गट) चे नितीन काशीद पाटील यांनी ३१९ मतांनी विजय मिळवला.

प्रभाग क्रमांक २ अ मध्ये भाजपाच्या गीतांजली पाटील यांनी १२१ मतांनी विजय मिळवला, तर प्रभाग क्रमांक २ ब मध्ये अपक्ष उमेदवार भीमाशंकर माउर यांनी १०६ मतांनी बाजी मारली. प्रभाग क्रमांक ३ अ मध्ये भाजपाचे धनंजय येडगे ३१७ मतांनी विजयी झाले असून प्रभाग क्रमांक ३ ब बिनविरोध ठरला.

प्रभाग क्रमांक ४ अ बिनविरोध झाला, तर ४ ब मध्ये भाजपाच्या कल्पना रैनाक यांनी राष्ट्रवादीच्या उमेदवाराचा ४६ मतांनी पराभव केला. प्रभाग क्रमांक ५ अ मध्ये राष्ट्रवादीच्या मृणालिनी इंगवले यांनी १३५ मतांनी विजय मिळवला, तर ५ ब मध्ये राष्ट्रवादीचेच दादा शिंगण ४९ मतांनी विजयी ठरले.
प्रभाग क्रमांक ६ अ मध्ये भाजपाच्या सीमा सातपुते यांनी ६९० मतांनी दणदणीत विजय मिळवला, तर ६ ब मध्ये सुरज शेवाळे यांनी ८४७ मतांनी विजय मिळवला. प्रभाग क्रमांक ७ अ आणि ७ ब हे दोन्ही प्रभाग बिनविरोध ठरले.

प्रभाग क्रमांक ८ अ मध्ये भाजपाच्या गीता साठे यांनी ३६२ मतांनी विजय मिळवला, तर ८ ब मध्ये भाजपाचे शरद पवार यांनी ३८६ मतांनी बाजी मारली. प्रभाग क्रमांक ९ अ आणि ९ ब हे दोन्ही प्रभाग बिनविरोध ठरले.

प्रभाग क्रमांक १० अ मध्ये भाजपाचे प्रमोद शिंदे यांनी ६२४ मतांनी विजय मिळवला, तर १० ब मध्ये भाजपाच्या स्वाती थोरात यांनी ३५५ मतांनी विजय मिळवला. प्रभाग क्रमांक ११ अ मध्ये भाजपाच्या राज्यश्री जगताप यांनी ३६२ मतांनी, तर ११ ब मध्ये भाजपाचे मनोहर शिंदे यांनी १६६ मतांनी विजय मिळवला.

या निवडणुकीच्या निकालातून मलकापूर नगर परिषदेवर भाजपाचा प्रभाव वाढल्याचे स्पष्ट झाले असून निवडणूक निकालानंतर विजयी उमेदवारांच्या समर्थकांनी शहरात जल्लोष केला.

मलकापूर नगरपरिषद क्षणचित्रे....

एकूण निवडणूक आलेले सदस्य - १ अध्यक्ष २२ सदस्य
बिनविरोध निवडून आलेले सदस्य - ६
नगराध्यक्ष - भाजप
पक्ष /आघाडी /अपक्ष म्हणून निवडून आलेल्या नगरसेवकांची संख्या
- भाजप - १८
- शिवसेना - ०
- राष्ट्रवादी - २
- शिवसेना (UBT) - १
- राष्ट्रीय काँग्रेस - ०
- अपक्ष - १

#MalakapurElection #MalakapurNagarParishad
#BJPVictory #TejasSonavale #AtulBhosale
#KaradPolitics #MunicipalElection
#MaharashtraPolitics #ChangbhalaNews
#BreakingNews

Skip the Carousel

1 2 3 4 5 6 7 8

1 day ago | [YT] | 10

Changbhala News

लढले नाहीत, पण जिंकवले – कराडमध्ये बाळासाहेब पाटीलच किंगमेकर !

थेट मैदानात नसतानाही संपूर्ण खेळ हातात : कराडच्या निकालात बाळासाहेब पाटील फॅक्टर

हैबत आडके, कराड | चांगभलं न्यूज

हर शख़्स को 'ताज' पहनाने का हुनर नहीं आता,
कुछ लोग पर्दे के पीछे रहकर भी 'राज' चलाते हैं।


कराड नगरपालिका निवडणूक ही केवळ स्थानिक स्वराज्य संस्थेची निवडणूक नव्हती, तर कराडच्या राजकीय इतिहासातला एक निर्णायक टप्पा ठरला. तब्बल ७३ वर्षांनंतर दिवंगत आदरणीय पी. डी. पाटील साहेब यांचे कुटुंब या नगरपालिकेच्या सार्वत्रिक निवडणुकीच्या उमेदवारी प्रक्रियेतून पूर्णपणे बाहेर राहिले. कराडच्या राजकारणात ज्यांचे अस्तित्व केवळ राजकीय नव्हे तर सामाजिक आणि भावनिक पातळीवर खोलवर रुजलेले आहे, त्या कुटुंबाचा थेट सहभाग नसतानाही या निवडणुकीत जनतेने दिलेला कौल अनेक अर्थांनी बोलका ठरला.

या पार्श्वभूमीवर लोकशाही आघाडीचे सर्वोच्च नेते, माजी मंत्री बाळासाहेब पाटील यांनी निवडणुकीपूर्व पत्रकार परिषदेत आपली भूमिका स्पष्ट केली होती. पक्षीय राजकारणाच्या पलिकडे जाऊन स्थानिक प्रश्न, सामाजिक शांतता, व्यापारी वर्गाची सुरक्षितता आणि शहरातील सलोखा या मुद्द्यांवर एकत्र येण्याचे त्यांनी आवाहन केले होते. निवडणुकीनंतर आलेल्या निकालांनी या भूमिकेला जनतेने दिलेली संमती ठळकपणे अधोरेखित केली आहे.

लोकशाही आघाडीला या निवडणुकीत सर्वाधिक १३ जागांवर विजय मिळाला आणि ही आघाडी शहरातील क्रमांक एकची राजकीय शक्ती ठरली. भाजपने पक्ष चिन्हावर लढत १० जागा मिळवल्या, तर लोकनियुक्त नगराध्यक्ष राजेंद्रसिंह यादव यांच्या नेतृत्वाखालील यशवंत विकास आघाडीला ७ जागांवर समाधान मानावे लागले. एका अपक्ष उमेदवाराने स्वतंत्रपणे विजय मिळवला. काँग्रेसला मात्र मलकापूरप्रमाणेच कराडमध्येही खाते उघडता आले नाही, ही बाब राष्ट्रीय पक्षाच्या स्थानिक पातळीवरील अधोगतीची साक्ष देणारी ठरली.

या संपूर्ण राजकीय पटात केंद्रस्थानी ठरले ते नगराध्यक्षपदाचे निकाल. लोकशाही आघाडीच्या पाठिंब्यावर आणि माजी मंत्री बाळासाहेब पाटील यांच्या मार्गदर्शनाखाली, नेतृत्वाखाली निवडणूक लढवणारे राजेंद्रसिंह यादव यांनी तब्बल २४०९६ मते मिळवली. भाजपचे उमेदवार विनायक पावसकर यांना १४३६१ मते मिळाली, तर शिवसेना शिंदे गटाचे बंडखोर अपक्ष उमेदवार रणजीतनाना पाटील यांनी ६६५१ मते घेत तिसरे स्थान पटकावले. काँग्रेसचे उमेदवार झाकीर पठाण यांना अवघी २३०९ मते मिळाली आणि ते चौथ्या क्रमांकावर फेकले गेले. परिणामी राजेंद्रसिंह यादव यांनी ९७३५ मताधिक्याने नगराध्यक्षपदावर निर्विवाद विजय मिळवला.

या विजयाचा अर्थ केवळ एक नगराध्यक्ष निवडून येणे एवढाच मर्यादित नाही. हा विजय बाळासाहेब पाटील यांच्या राजकीय धोरणाचा, त्यांच्यावरील जनविश्वासाचा आणि स्थानिक राजकारणात त्यांच्या निर्णायक भूमिकेचा पुनःप्रत्यय देणारा ठरला. थेट निवडणूक न लढवता, सत्तेचा रिमोट कंट्रोल आपल्या हातात ठेवण्याची कला बाळासाहेब पाटील यांनी या निवडणुकीत पुन्हा एकदा दाखवून दिली.

लोकशाही आघाडीच्या १३ विजयी उमेदवारांमध्ये प्रभाग १ अ मधून रूपाली माने यांनी ६८२, प्रभाग १ ब जयवंत पाटील यांनी ६९७, प्रभाग २ अ नीलम कदम यांनी ८७०, प्रभाग २ ब सुहास पवार यांनी ७१६, प्रभाग ३ अ रजिया आंबेकरी यांनी ६७५, प्रभाग ३ ब प्रवीण पवार यांनी १८४, प्रभाग ५ अ अरुणा पाटील यांनी ८९८, प्रभाग ५ ब राहुल भोसले यांनी १९४२, प्रभाग ९ अ मिनाज पटवेकर यांनी १८६०, प्रभाग ९ ब प्रताप साळुंखे यांनी १६२५, प्रभाग १५ अ योगिता जगताप यांनी १०६७, प्रभाग १५ ब अख्तरहुसेन आंबेकरी यांनी १४०७, तर प्रभाग १५ क मधून ११५२ मताधिक्य मिळवत निवडणुकीतील विजयावर नाव कोरले.

यशवंत विकास आघाडीच्या सात विजयी उमेदवारांमध्ये प्रभाग ४ अ प्रियांका यादव १३, प्रभाग ४ ब अर्चना ढेकळे ५८, प्रभाग ६ ब अल्ताफ शिकलगार ५७७, प्रभाग १० अ आशा मुळे ७४४, प्रभाग १२ अ अनिता पवार ५२१, प्रभाग १२ ब विजय यादव ५२९ आणि प्रभाग १३ अ कीर्तिका गाढवे ५९२ मताधिक्याने विजयी झाल्या.

भाजपचे १० उमेदवार विजयी झाले असले, तरी मोठ्या प्रमाणावर इनकमिंग करूनही सत्ता हस्तगत करण्यात पक्ष अपयशी ठरला. प्रभाग ६ अ शारदा माने २१७, प्रभाग ७ ब अजय पावसकर २१२, प्रभाग ८ अ किशोरी शिंदे ९३३, प्रभाग ८ ब विजय वाटेगावकर १०२८, प्रभाग १० ब सुमित जाधव १३४, प्रभाग ११ अ वैष्णवी वायदंडे १०९, प्रभाग ११ ब गणेश पवार ८५०, प्रभाग १३ ब आशुतोष डुबल १५, प्रभाग १४ अ वर्षा वास्के ६७४ आणि प्रभाग १४ ब शिवाजी पवार १२२२ मताधिक्याने विजयी झाले.

अपक्ष उमेदवार तेजश्री पाटसकर यांनी प्रभाग ७ अ मधून ५५८ मतांनी विजय मिळवत निवडणुकीतील अपक्ष अस्तित्व अधोरेखित केले. राष्ट्रीय काँग्रेस आणि राष्ट्रवादी काँग्रेस अजित पवार गटाला मात्र खातेही उघडता आले नाही. मुस्लिम मतदारांवर मदार ठेवून उतरवलेले काँग्रेसचे नगराध्यक्षपदाचे उमेदवार झाकीर पठाण यांना समुदायाने स्वीकारले नाही, हे या निकालातून स्पष्ट झाले.
या सगळ्या घडामोडींचा सार काढला, तर कराडच्या राजकारणात 'किंग' कोण आहे यापेक्षा 'किंगमेकर' कोण आहे, हे अधिक महत्त्वाचे ठरते. आणि या निवडणुकीत कराडकर मतदारांनी निर्विवादपणे दाखवून दिले की 'किंग' कोणही असो, 'किंगमेकर' मात्र बाळासाहेब पाटीलच आहेत. स्थानिक प्रश्नांवर पक्षीय विचारधारा बाजूला ठेवून निर्णय घेण्याची त्यांची भूमिका, सामाजिक शांततेवर दिलेला भर आणि संयमी नेतृत्वशैली यालाच कराडकरांनी अंतिम कौल दिला आहे.

#KaradMunicipalElection #KaradPolitics
#BalasahebPatil #KingmakerOfKarad
#LokshahiAghadi #YashwantVikasAghadi
#KaradNagarParishad #MaharashtraPolitics
#LocalPolitics #KaradElectionResult
#PoliticalAnalysis #ChangbhalaNews
#KaradNews #नगरपालिका_निवडणूक #कराड_राजकारण #बाळासाहेब_पाटील #लोकशाहीआघाडी

Skip the Carousel

1 2 3 4 5 6 7 8 9

1 day ago | [YT] | 22

Changbhala News

जयवंत शुगर्सला सर्वोत्कृष्ट तांत्रिक कार्यक्षमतेचा प्रथम पुरस्कार जाहीर

व्ही.एस.आय.ची घोषणा; सर्वोत्कृष्ट आसवणी व्यवस्थापक पुरस्कारही जाहीर

कराड प्रतिनिधी | चांगभलं वृत्तसेवा
पुणे जिल्ह्यातील मांजरी येथील वसंतदादा शुगर इन्स्टिट्यूट (व्ही.एस.आय.) या संस्थेच्यावतीने साखर क्षेत्रातील सर्वोच्च कामगिरीबद्दल दिले जाणारे यंदाचे पुरस्कार जाहीर झाले आहेत. यामध्ये धावरवाडी (ता. कराड) येथील जयवंत शुगर्सने दक्षिण विभागात सर्वोत्कृष्ट तांत्रिक कार्यक्षमतेचा प्रथम पुरस्कार पटकाविला आहे. तसेच जयवंत शुगर्सच्या अधिकाऱ्यास सर्वोत्कृष्ट आसवणी व्यवस्थापक पुरस्कारही जाहीर झाला आहे.

संस्थापक डॉ. सुरेश भोसले यांच्या मार्गदर्शनाखाली जयवंत शुगर्स उत्कृष्ट वाटचाल करत आहे. सन २०२४-२५ या गळीत हंगामात कारखान्याने मिल विभागात ऊसाचा तंतुमय निर्देशांक ८६.४५ टक्के इतका उच्च नोंदवण्यात आला असून, रिड्यूस्ड मिल एक्स्ट्रॅक्शन ९६.१० टक्के इतके साध्य झाले आहे. साखर उत्पादन प्रक्रियेमध्ये प्रत्यक्ष वाफेचा वापर केवळ ३० टक्क्यांपर्यंत मर्यादित ठेवण्यात यश मिळाले आहे, जे ऊर्जाबचतीच्या दृष्टीने उल्लेखनीय ठरते. तसेच हंगामात साखर उतारा १२.५२ टक्के इतका प्राप्त झाला असून, साखर उत्पादन प्रक्रियेमध्ये बगॅसचा वापर १८.०१ टक्के इतका नियंत्रित ठेवण्यात आला आहे. परिणामी, ११.५४ टक्के बगॅस बचत झाली आहे.

साखर निर्मितीसाठी प्रतिटन ऊसामागे विजेचा वापर २८.५२ किलोवॅट इतका आहे. याशिवाय मागील वर्षाच्या तुलनेत गाळप क्षमतेच्या वापरामध्ये ६.३१ टक्क्यांची वाढ नोंदवली असून, यामुळे उत्पादन व्यवस्थापन व प्रक्रिया कार्यक्षमतेतील सातत्यपूर्ण सुधारणा अधोरेखित होते. ऊर्जा बचत, कार्यक्षम गाळप, सुधारित साखर उतारा व संसाधनांचा काटेकोर वापर यामुळे कारखान्याची कामगिरी उल्लेखनीय ठरली असून, या उत्कृष्ट कार्यासाठी हा पुरस्कार कारखान्याला जाहीर करण्यात आला आहे.

तसेच कारखान्याचे डिस्टीलरी मॅनेजर विक्रम गोपाळ म्हसवडे यांना सर्वोत्कृष्ट आसवणी व्यवस्थापक पुरस्कार जाहीर झाला आहे. रोख १ लाख रुपये, स्मृतिचिन्ह व प्रशस्तिपत्र असे या पुरस्काराचे स्वरूप आहे. या पुरस्कारांचे वितरण लवकरच पुणे येथे केले जाणार आहे. या यशाबद्दल कारखाना व्यवस्थापन, ऊस उत्पादक शेतकरी, अधिकारी व कर्मचाऱ्यांचे सर्वस्तरातून अभिनंदन होत आहे.

#JaywantSugars #जयवंतशुगर्स #VSIAward #VasantdadaSugarInstitute #सर्वोत्कृष्टतांत्रिककार्यक्षमता #SugarIndustryNews #SugarMillExcellence #EnergySavingInSugar #KaradNews #Dhawarwadi #DrSureshBhosale #DistilleryManagerAward #VikramMhaswade #SugarSeason202425 #ChangbhalaNews

Skip the Carousel

1 2

1 day ago | [YT] | 11

Changbhala News

‘कृष्णा’ला सर्वोत्कृष्ट राज्यस्तरीय उद्योजकता पुरस्कार जाहीर

‘व्ही.एस.आय.’ कडून घोषणा; सभासदास राज्यस्तरीय ऊसभूषण पुरस्कार

कराड प्रतिनिधी | चांगभलं वृत्तसेवा

पुणे जिल्ह्यातील मांजरी येथील वसंतदादा शुगर इन्स्टिट्यूट (व्ही.एस.आय.) या संस्थेच्यावतीने साखर क्षेत्रातील सर्वोच्च कामगिरीबद्दल दिले जाणारे यंदाचे पुरस्कार जाहीर झाले आहेत. यामध्ये रेठरे बुद्रुक (ता. कराड) येथील य. मो. कृष्णा सहकारी साखर कारखान्याने व्ही.एस.आय.च्या २ पुरस्कारांवर मोहोर उमटविली आहे. सन २०२४-२५ या गळीत हंगामासाठीचा कै. विलासराव देशमुख सर्वोत्कृष्ट राज्यस्तरीय उद्योजकता पुरस्कार कृष्णा कारखान्याला विभागून जाहीर झाला आहे. तसेच कृष्णा कारखान्याच्या ऊस उत्पादक शेतकऱ्याला राज्यस्तरीय ऊसभूषण पुरस्कार जाहीर झाला आहे.

साखर क्षेत्रातील सर्वोत्कृष्ट कामगिरीबद्दल दरवर्षी वसंतदादा शुगर इन्स्टिट्यूट (व्ही.एस.आय.) या संस्थेद्वारे पुरस्कार जाहीर केले जातात. यंदाच्या पुरस्कारांची घोषणा संस्थेतर्फे करण्यात आली. गेली ११ वर्षे चेअरमन डॉ. सुरेश भोसले यांच्या मार्गदर्शनाखाली कृष्णा कारखाना उत्कृष्ट वाटचाल करत आहे. सन २०२४-२५ या गळीत हंगामात कारखान्याने १२,३९,००८ मेट्रीक टन ऊसाचे गाळप केले असून, १५,५७,४३९ क्विंटल साखर उत्पादन केले आहे. तसेच साखर उतारा १२.५७ इतका राहिला आहे.

मागील वर्षीच्या तुलनेत गाळप क्षमतेच्या वापरामध्ये वाढ १९.८७ टक्के केली असून, वाफेचा वापर ३४.६९ टक्क्यांवरून कमी करून ३१.०६ टक्क्यांपर्यंत आणण्यात यश आले आहे. यासाठी साखर प्रक्रिया प्रकल्पामध्ये अत्याधुनिक तंत्रज्ञानाचा अवलंब करण्यात आला आहे. मिलिंग, साखर प्रक्रिया, सहवीजनिर्मिती, आसवनी व इथेनॉल प्रकल्पामध्ये स्वयंचलित यंत्रणांचा वापर करून उत्पादन कार्यक्षमतेत वाढ साधण्यात आली आहे. ऊर्जाबचतीच्या दृष्टीने साखर कारखाना, सहवीजनिर्मिती व आसवनी प्रकल्पामध्ये एनर्जी इफिशिएंट मोटर्स व पंपांचा वापर करण्यात येत आहे. कारखान्याने ऊस बेणेमळा, रोप निर्मिती व ऊस बेणे बदल यावर विशेष भर दिला असून, शेतकऱ्यांना उत्तम प्रतीच्या कृषी निविष्ठांचा पुरवठा व ऊस उत्पादन वाढीसाठी तांत्रिक मार्गदर्शन सातत्याने दिले जाते. एकूणच आधुनिक तंत्रज्ञानाचा प्रभावी वापर, ऊर्जा बचत, उत्पादन कार्यक्षमता व आर्थिक शिस्त यांच्या जोरावर कृष्णा कारखान्याने हंगाम २०२४–२५ मध्ये उल्लेखनीय कामगिरी नोंदवली आहे.

तसेच कृष्णा कारखान्याचे ऊस उत्पादक सभासद शेतकरी प्रदीप नांगरे (मु.पो. हुबालवाडी, ता. वाळवा, जि. सांगली) यांना खोडवा हंगामासाठी कै. अण्णासाहेब शिंदे राज्यस्तरीय ऊस भूषण पुरस्कार जाहीर झाला आहे. रोख १ लाख रुपये, स्मृतिचिन्ह व प्रशस्तिपत्र असे पुरस्कारांचे स्वरूप असून, लवकरच या पुरस्कारांचे वितरण पुणे येथे केले जाणार आहे. या यशाबद्दल कारखान्याचे चेअरमन, व्हाईस चेअरमन, सर्व संचालक मंडळ, कार्यकारी संचालक, शेतकरी सभासद, अधिकारी व कर्मचाऱ्यांचे सर्वस्तरातून अभिनंदन होत आहे.

कृष्णा कारखान्याचा नफा निर्देशांक चांगला...

आर्थिक कामगिरीच्या दृष्टीने कृष्णा कारखान्यात साखरेचा प्रति क्विंटल रोखीचा उत्पादन प्रक्रिया खर्च ५३१.६३ रुपये इतका असून, तो राज्याच्या सरासरी खर्चापेक्षा कमी आहे. तसेच एकूण उत्पादन प्रक्रियेचा खर्च ८६९.५८ रुपये प्रति क्विंटल इतका असून, तोही राज्याच्या सरासरी खर्चापेक्षा कमी आहे. त्यामुळे कारखान्याचा नफा निर्देशांक चांगला असून, इन्व्हेंटरी टर्नओव्हर रेशो देखील इतर साखर कारखान्यांच्या तुलनेत अधिक चांगला आहे. याची दखल या पुरस्काराच्या निमित्ताने व्ही.एस.आय.ने. घेतली आहे.

#KrishnaSugarFactory #कृष्णासहकारीसाखरकारखाना #VSIAward #VasantdadaSugarInstitute #StateLevelEntrepreneurshipAward #VilasaravDeshmukhAward #ऊसभूषणपुरस्कार #SugarIndustryMaharashtra #RethareBudruk #KaradNews #DrSureshBhosale #SugarSeason202425 #EnergyEfficientSugarMill #ChangbhalaNews

1 day ago | [YT] | 7

Changbhala News

कराडमध्ये उद्यापासून राज्यस्तरीय कृषी महोत्सवाचा जल्लोष; कृषिमंत्री दत्तात्रय भरणे यांच्या हस्ते २० व्या यशवंतराव चव्हाण कृषी प्रदर्शनाचे उद्घाटन होणार

कराड प्रतिनिधी | चांगभलं वृत्तसेवा
कराड येथील स्वातंत्र्यसैनिक शामराव पाटील फळे व भाजीपाला मार्केट आवारात २० वे राज्यस्तरीय यशवंतराव चव्हाण कृषी,औद्योगिक व पशुपक्षी प्रदर्शन आणि जिल्हा कृषी महोत्सव शुक्रवार दि. 26 डिसेंबर पासून सुरू होत आहे. या प्रदर्शनाचे उद्घाटन महाराष्ट्र राज्याचे कृषिमंत्री नामदार दत्तात्रय भरणे यांच्या शुभहस्ते व सातारा जिल्ह्याचे पालकमंत्री, पर्यटन व खनिकर्म मंत्री नामदार शंभूराज देसाई यांच्या अध्यक्षतेखाली संपन्न होणार आहे, अशी माहिती शेती उत्पन्न बाजार समितीचे सभापती सतीश इंगवले व उपसभापती नितीन ढापरे यांनी दिली.
उद्घाटन सोहळ्यास मदत व पुनर्वसन मंत्री नामदार मकरंद पाटील, माजी मुख्यमंत्री पृथ्वीराज चव्हाण, माजी राज्यपाल श्रीनिवास पाटील, खासदार नितीन काका पाटील, आमदार मनोजदादा घोरपडे, आमदार सचिन पाटील, रयत सहकारी साखर कारखान्याचे चेअरमन उदयसिंह पाटील उंडाळकर, सातारा जिल्हाधिकारी संतोष पाटील, राज्याचे पणन संचालक संजय कदम, धैर्यशील कदम,बाळासाहेब सोळसकर,रामकृष्ण वेताळ,अविनाश मोहिते,राजेश पाटील वाठारकर यांच्यासह विविध शासकीय अधिकारी, संस्थाचे प्रमुख व पदाधिकारी उपस्थित राहणार आहेत.
शुक्रवार दि. 26 डिसेंबर रोजी दुपारी 2 वाजता प्रगतीशील शेतकऱ्यांच्या हस्ते औपचारिक उद्घाटन, तर सायंकाळी 4 वाजता कृषिमंत्री व मान्यवरांच्या शुभहस्ते मुख्य उद्घाटन होणार आहे. सायंकाळी 5 वाजता ऊस पीक स्पर्धा व प्रदर्शन तसेच नाविन्यपूर्ण कृषी अवजारे निर्मिती स्पर्धा आयोजित करण्यात आली आहे.
शनिवार दि. 27 डिसेंबर रोजी दुपारी 12 वाजता केळी घड प्रदर्शन व स्पर्धा, तर सायंकाळी 4 ते 7 या वेळेत “उत्सव कृषी सौभाग्यवतींचा – खेळ पैठणीचा” हा सुप्रसिद्ध कलाकार वासू पाटील यांचा कार्यक्रम होणार आहे.
रविवार दि. 28 डिसेंबर रोजी सकाळी 10 ते सायंकाळी 5 वाजेपर्यंत फुले प्रदर्शन व स्पर्धा, गाय–म्हैस–बैल प्रदर्शन व स्पर्धा होणार आहे.
सोमवार दि. 29 डिसेंबर रोजी फळे प्रदर्शन व स्पर्धा तसेच श्वान (डॉग) प्रदर्शन व स्पर्धा होणार आहेत.
मंगळवार दि. 30 डिसेंबर रोजी भाजीपाला पीक, शेळी–मेंढी व पक्षी प्रदर्शन व स्पर्धा होणार असून सायंकाळी 4 वाजता समारोप होईल. यावेळी स्पर्धा बक्षीस वितरण व शेतीनिष्ठ शेतकरी पुरस्कार वितरण कार्यक्रम संपन्न होणार आहे. या समारंभास प्रमुख अतिथी म्हणून राज्य लेखा समितीचे माजी अध्यक्ष शहाजी शिरसागर तर अध्यक्षस्थानी जिल्हा परिषदेच्या मुख्य कार्यकारी अधिकारी याशनी नागराजन उपस्थित राहणार आहेत.
लोकनेते स्व. विलासकाका पाटील उंडाळकर यांच्या संकल्पनेतून सुरू झालेल्या या प्रदर्शनाचे यंदा २० वे वर्ष असून या प्रदर्शनाची ख्याती राज्यभर पसरली आहे. राज्यातील मोजक्या दर्जेदार कृषी प्रदर्शनांमध्ये याची गणना होते.
या प्रदर्शनाचे आयोजक शेती उत्पन्न बाजार समिती कराड, कृषी विभाग, जिल्हा परिषद सातारा व महाराष्ट्र शासनाचा आत्मा विभाग असून विविध शासकीय संस्थांचे सहकार्य लाभले आहे. प्रदर्शनातून शेतकऱ्यांना व उद्योजकांना सर्वांगीण उन्नतीसाठी आवश्यक असलेले अद्ययावत ज्ञान मिळणार आहे. कृषी व औद्योगिक क्षेत्रासह कृषी क्षेत्रात यांत्रिकीकरण वाढविणे हा या प्रदर्शनामागील प्रमुख उद्देश आहे. यावर्षी सुमारे 400 स्टॉल्स या प्रदर्शनात सहभागी होणार आहेत.
पिलरलेस डोम पद्धतीचा वॉटरप्रूफ मंडप उभारण्यात आला असून त्यामध्ये स्वतंत्र पशु–पक्षी दालन, आरोग्य विभागाचे विशेष दालन तसेच नवीन तंत्रज्ञानयुक्त स्टॉल्स यांचा समावेश असेल. डायनॅमिक इव्हेंटचे मॅनेजर धीरज तिवारी व सचिन पाटील यांनी प्रदर्शनाच्या स्टॉलची उभारणी पूर्ण झाल्याची माहिती दिली.सदर कृषी प्रदर्शनाचा लाभ शेतकरी बांधव,नागरिक यांनी घ्यावा असे आवाहन शेती उत्पन्न बाजार समितीच्या संचालक मंडळाच्यावतीने करण्यात आले आहे.

#YashwantraoChavanKrushiPradarshan
#KaradKrushiMela #SataraNews
#ChangbhalaNews #KrushiMahotsav
#AgricultureExhibition #FarmersExpo
#PashupakshiPradarshan #KrushiVikas
#MaharashtraAgriculture #KaradUpdates
#ShetiBatmi #AgroIndustry
#KrushiTantraDnyan #कराड

Skip the Carousel

1 2 3

1 day ago | [YT] | 8

Changbhala News

न्याय म्हणजे केवळ कायद्याचा तराजू नव्हे,
तो तोलण्यासाठी माणुसकीची संवेदनशीलताही हवी
तरच तो खऱ्या अर्थाने न्याय ठरतो…
कराड लोकन्यायालयात जिल्हा न्यायाधीश
न्या. यु. एल. जोशी यांच्या पुढाकारातून
सीमा सुरक्षा दलातील जवान नितीन मोहन शेवाळे
यांच्या कुटुंबाला १ कोटी रुपयांची ऐतिहासिक तडजोड मिळाली.
संवाद, समजूत आणि करुणेतूनही
न्याय मिळू शकतो, याचा हा जिवंत पुरावा. 🇮🇳⚖️
👉 संपूर्ण सविस्तर बातमी वाचण्यासाठी
changbhala-news.blogspot.com येथे भेट द्या
👉 अशा प्रेरणादायी बातम्यांसाठी चॅनलला Subscribe करा
#ChangbhalaNews #LokAdalat
#JusticeWithHumanity #KaradNews
#NyayVyavastha #BSFJawan
#NitinShewale #IndianArmyFamily
#MarathiNews #JusticeMatters

1 week ago | [YT] | 8

Changbhala News

कराड दक्षिणच्या राजकारणातील एक युग संपले...! 🙏
रयत सहकारी साखर कारखान्याचे माजी चेअरमन, ग्रामीण विकास शिक्षण संस्थेचे अध्यक्ष,
उंडाळकर घराण्याच्या तेजस्वी परंपरेतील ज्येष्ठ नेते
कै. जयसिंगराव (बापू) पाटील उंडाळकर यांचं आज वयाच्या 95 व्या वर्षी उंडाळे येथे वृद्धापकाळाने निधन…
त्यांच्या जाण्यानं कराड दक्षिण, सातारा आणि संपूर्ण जिल्ह्याच्या राजकीय-सामाजिक क्षेत्रात शोककळा पसरली आहे.
बापूंनी दिलेला जनसंपर्क, माणुसकी आणि निष्ठेचा वारसा —
कराडच्या जनतेच्या मनात कायम जिवंत राहील.
🕯️ चांगभलं न्यूज परिवाराकडून भावपूर्ण श्रद्धांजली.
🕊️ “त्यांच्या आठवणी शेअर करा...”
💬 जयसिंग बापूंबद्दलची एखादी आठवण, भेट, किंवा प्रेरणादायी प्रसंग कमेंटमध्ये लिहा...!
#ChangbhalaNews #KaradSouth #SataraNews #JayasingraoPatil #BapuPatilUndale #RahatSahakari #KaradPolitics #UndalkarFamily #KaradSouthLeader #PoliticalLegacy #MarathiNews #SataraPolitics #Shraddhanjali #भावपूर्णश्रद्धांजली #कराडदक्षिण #जयसिंगबापू #उंडाळकरघराणं #कराडराजकारण #SataraUpdates #MaharashtraLeaders

2 months ago | [YT] | 1

Changbhala News

#विजयादशमी #दसरा #दसरा_उत्सव #शुभदसरा #दसऱ्याच्या_हार्दिक_शुभेच्छा #चांगभलंन्यूज #ChangbhalaNews #Dasara #दसरा2025

2 months ago | [YT] | 1