MOUNTAIN TREKKER

Mere sabse pyare aur azeez dosto.... Zindagi ke safar mein kuch naya karne ja raha hoon 🌟
Aaj peechhe mudkar dekhta hoon to lagta hai ki meri har yatra, har video aur har kahani – wo kadam the, jinhone mujhe aaj is muqaam tak pahunchaya hai.

Taqreeban 10–12 saal pehle, maine shauqiya taur par is channel (MountainTrekker 🎥 ) ko shuru kiya tha. Maqsad bilkul saaf tha: ye dikhana ki duniya dekhna koi ‘mehnga shauq’ nahi hai. Bas andaaz thoda alag hona chahiye – frugal, adventurous, aur meaningful.

Log aam taur par sochte the ki videsh ghoomna matlab – hawai jahaaz aur lakhon ka kharcha. Mujhe sirf isi ko todna tha! India-Bangladesh border rickshaw par paar kiya 🚲🛺, Thailand-Cambodia border train aur bus se, aur Europe aur Russian trip mein aam logon ke gharon mein raha 🏡. Kya mila! Duniya ko dekhne-samajhne ka ek sasta aur behtar andaaz!

Dheere-dheere aap sabhi ko ye andaaz pasand aane laga. Channel badhta gaya, aur ek waqt aaya jab yahaan 1.5 million subscribers jud gaye 🌍. Comments mein padhta hoon ki kaiyon ne videos dekh kar apna pehla international trip kiya, kuch ne kaha ki unke udaas dinon mein in videos ne muskuraane ki wajah di – bas yahi meri zindagi ka sabse bada reward hain ❤️.

Aap mein se kai jaante hain ki usi waqt, maine 'Tourist Helpline' Facebook group () banaya 👥 tha. Kyuki YouTube par personal questions ka jawab nahi milta tha, to travelers ek-doosre ki help wahaan karne lage! Aaj lagbhag 3 lakh log is community ka hissa hain. Hazaaron logon ne lakhon rupaye bachaye sirf is aapsi support se 💪. (link - facebook.com/groups/touristhelpline)

In dono initiatives ka maqsad ek hi tha – travel ko aasan, accessible aur meaningful banana.

✨Agla station - Startup venture hai … (darwaaze baain taraf khulenge 😉)✨.

Aaj mujhe khushi hai ki yeh maqsad ek aur muqaam ki taraf badh raha hai.
Maine apne startup idea ki official shuruaat kar di hai. Mere jaise insaan ke liye, jise companies ya startups chalane ka experience nahi raha, incubators ka saath life-changing hota hai. Haal hi mein Berlin ke ek Incubator ne haath thama. Pichhle 2 hafte unke saath guzre, kaafi kuch seekha. Halaanki kai baar baatein oopar se nikal jaati. Kai baar baal nochne ka man karta. Kai baar lagta ki ye kahan aa gaya, zindagi ki seedhi mein phir se sabse nichle paaydan par! Lekin yeh bhi hai ki kisi bhi startup ki zindagi mein aise incubators khaasi zimmedaari nibhate hain.

Safar challenging hone wala – yeh to pakka hai. Lekin yeh bhi hai – main akela nahi hoon. Aap sab hain saath mein. Bas, is nayi shuruaat ke liye aap sabki dua chahiye. Jaise pehle aapne saath diya, bharosa kiya – waise hi is baar chahiye.

Aur ek baat - YouTube chhoda nahi hai abhi... aapke comments mere liye sanjeevani hain. Achha lagta hai aapse is tarah milkar. Isliye aaunga zaroor.. kab? ye nahi pata!

Abhi startup ki details par bhi zyada kuch nahi sakta. Bas itna bata sakta hoon ki ghumakkadi pehle se kaheen aasan hone wali hai, aur meaningful bhi.

To agar aapko aaj bhi lagta hai ki ghumakkadi ke shauq ke aage – paisa aur hausla aade aa rahe hain, to ‘yatri kripya apni kursi ki peti baandh lein…’ ✈️

Stay Connected ❤️

Skip the Carousel

1 2

3 months ago | [YT] | 1,224

MOUNTAIN TREKKER

kaafi waqt ho gaya aap sabhi se mile..
kai messages, emails aaye hain,
shiqayat hain, sawal hain..
ki aakhir YouTube par videos kyu nahi daal raha hoon.

darasal, aaj-kal kuch naya karne mein masroof (busy) ho gaya hoon.
kuch aisa jo aapki aur meri tarah, duniya ke har ghumakkad ke liye kaam ka ho.
Tourist Helpline (facebook group) aaj-kal mera naya ‘adda’ hai
aaiye waheen milte hain.

Milenge, baatein karenge, sawal karenge, help karenge, naye dost banaenge..
... Tourist Helpline par.


haan, itna zaroor hai, YouTube par waapis aaunga,
lekin, kab aur kaise..
filhaal, ye to mere liye bhi sawaal hain :)

vaise, apne chahne walon ko bata doon,
ki zindagi badastoor chal rahi hai,
pichhle kuch maheeno se Germany mein hoon
yahaan ke gaanv-dehaat, khet-khalihan, nadi, pahaad…
in sab se dosti kar raha hoon

aur jab kabhi mauqa mil jata hai, to Baba Nanak ke darbaar chala jata hoon
jahaan apne log, apni zubaan, apna khana, apni khushboo..
kuch der ke liye sahi.. mil jaate hain
Ye tasveer aise hi, ek chhote se Gurudware ki hai.

chaliye, aaj kaafi kuch likh diya,
main wapas chala, apne naye adde par
www.facebook.com/groups/touristhelpline

1 year ago | [YT] | 3,887

MOUNTAIN TREKKER

🌿 Calling All Interior Stylists! 🌿

Dosto aur Saheliyo!
Having a house in the mountains has been my long-time dream. Recently, this dream came true. And thatswhy filhaal, I am on a break from content-making because of the project - “Mera Pahadon wala Ghar”. I need your help
I am looking for an experienced interior stylist to help transform this 25-30-year-old house in a small village overlooking the breathtaking Dhauladhar range of the Himalayas in Kangra district, Himachal Pradesh.
This house is a beautiful mix of typical pakka construction and traditional mud walls, reflecting the rich heritage of the region. I want to preserve the essence of local culture while enhancing the aesthetics with a touch of modern elegance.


Key Details:
# Location: Kangra district, Himachal Pradesh
# Construction: Partial pakka (Blocks, Red bricks and Concrete) house, partially made of mud
# Style Preference: Blend of local culture, natural materials (mud, bamboo), and modern aesthetics
# Objective: Create an aesthetically pleasing and welcoming space that harmonizes with the stunning Himalayan surroundings.


Ideal help:
# Experience with mud houses or homes in the Himalayas
# Passion for using natural materials like mud and bamboo
# Ability to create a cohesive and visually appealing interior design
# Understanding of local culture and architectural heritage
# Proficiency in balancing functionality, comfort, and aesthetics
If you are passionate about blending modern aesthetics with local culture and natural materials, please let me know by sending an email to varun@touristhelpline.com. A portfolio would be appreciated.


Let’s create a beautiful space together that captures the essence of the Himalayas and celebrates the beauty of natural materials. 🏔️✨

1 year ago | [YT] | 1,391