Sheela Bhat - ಕನ್ನಡ ಧ್ವನಿ

🚨 ವಂದೇಮಾತರಂ ಸಂಕಟ ಯಾಕೆ? ಇನ್ನೆಷ್ಟು ದಿನ? 🤔

ಇತ್ತೀಚಿನ ದಿನಗಳಲ್ಲಿ ದೇಶದ ರಾಷ್ಟ್ರಗೀತೆ ಮತ್ತು ರಾಷ್ಟ್ರೀಯ ಗೀತೆಗಳ ಸುತ್ತ ನಡೆಯುತ್ತಿರುವ ರಾಜಕೀಯ ವಿವಾದಗಳ ಅಸಲಿ ಸತ್ಯವೇನು?

ಸೋನಿಯಾ ಗಾಂಧಿ ಮತ್ತು ಮಲ್ಲಿಕಾರ್ಜುನ ಖರ್ಗೆ ಅವರ ಇತ್ತೀಚಿನ ವಿವಾದದ ಹಿಂದೆ ನಿಜಕ್ಕೂ ಕಾನೂನಿನ ಉಲ್ಲಂಘನೆ ಆಗಿದೆಯೇ ಅಥವಾ ಇಲ್ಲವೇ?

ನಮ್ಮ ದೇಶದ 'ರಾಷ್ಟ್ರೀಯ ಗೌರವಕ್ಕೆ ಅವಮಾನ ತಡೆ ಕಾಯ್ದೆ' (Prevention of Insults to National Honour Act) ಮತ್ತು ಕೇಂದ್ರ ಸರ್ಕಾರದ ಅಧಿಕೃತ ನಿಯಮಗಳು ಏನು ಹೇಳುತ್ತವೆ ಎಂಬುದನ್ನು ಈ ವಿಡಿಯೋದಲ್ಲಿ ಸಂಪೂರ್ಣ ಇತಿಹಾಸದೊಂದಿಗೆ ವಿಶ್ಲೇಷಣೆ ಮಾಡಲಾಗಿದೆ.

ರಾಜಕೀಯ ಲಾಭಕ್ಕಾಗಿ ರಾಷ್ಟ್ರೀಯ ಭಾವನೆಗಳನ್ನು ಬಳಸಿಕೊಳ್ಳುವುದರಿಂದ ದೇಶಕ್ಕಾಗುವ ನಷ್ಟವೇನು?👇

ವಿಡಿಯೋವನ್ನು ಈಗಲೇ ನೋಡಿ:

https://youtu.be/u8mgfrNy6Ko

#VandeMataram #JanaGanaMana #IndianPolitics #KannadaNews #Analysis

1 week ago | [YT] | 1

View 0 replies

Sheela Bhat - ಕನ್ನಡ ಧ್ವನಿ

ಹಬ್ಬವೆಂಬ ಸಂಭ್ರಮ - ಭಾವಗಳ ಬಿಡುಗಡೆ

ಬೆಳಗಾಗ ನಾನೆದ್ದು ಯಾರ್ಯಾರ ನೆನೆಯಲಿ...

ಗಣಪತಿ ಎಂದರೆ ಮೊದಲ ಪೂಜೆ. ನಮ್ಮ ಕುಲದೇವರು ಕೂಡ.ಅಪ್ಪನ ಹೆಸರು... ಊರಿನಲ್ಲಿ ಹೆಚ್ಚಿನವರ ಹೆಸರು ಗಣಪತಿ, ಗಜಾನನ, ಗಣೇಶ, ಹೇರಂಭ, ವಿನಾಯಕ, ವಿಘ್ನಶ್ವರ ಹೀಗೆ... ಹಾಗಾಗಿ ಈ ಗಣಪತಿ ಯಾರು? ಬಹುಷಃ ದೇವರ ವಿಷಯದಲ್ಲಿ ನನ್ನ ಜೀವನದ ಮೊದಲ ಪ್ರಶ್ನೆ.

ಹಾಗಿದ್ದರೆ ಗಣಪತಿ ಯಾರು? ಗಣಗಳ ಒಡೆಯ ಗಣಪತಿ. ಯಾವ ಗಣ? ದೇವ, ಅಸುರ, ಮನುಷ್ಯ? ಕುರುಡ ಮನುಷ್ಯನಿಗೆ ತನ್ನ ನೆಲೆಗೆ ಕಂಡ ಆನೆಯಂತೆ!

ನೀನು ಗುಣಗಳಿಗೆ ನಿಲುಕದವನು, ದೇಹವನ್ನು ಮೀರಿದವನು, ಕಾಲಾತೀತನು ಹೀಗೆ ಎಲ್ಲವನ್ನೂ ಮೀರಿದವನು... ಸೂರ್ಯ - ಚಂದ್ರ.... ಕೊನೆಗೆ ಪರಬ್ರಹ್ಮನೂ ನೀನು.. ಹೀಗೆ ಹೇಳುತ್ತಾ ಹೋಗುತ್ತದೆ ಗಣಪತಿ ಉಪನಿಷತ್.

ಅಲ್ಲಿಗೆ ಮುಗಿಯಿತು ಒಂದು ಹಂತಕ್ಕೆ ಪ್ರಶ್ನೆಗಳ ಮಳೆ.
ಶಿವ, ಹರಿ, ದೇವಿ, ಹೀಗೆ ಪ್ರತಿಯೊಂದು ಮೂರ್ತ ಭಾವವೂ ಪರಬ್ರಹ್ಮನೆಂದೇ ಹೇಳುತ್ತವೆ ಶ್ರುತಿ, ಸ್ಮೃತಿಗಳು ಆಯಾ ದೇವತೆಗಳ ಸ್ತುತಿ - ಕತೆಗಳಲ್ಲಿ. ನಮ್ಮ ಹೃದಯ ಯಾವುದನ್ನು ತನ್ನನ್ನು ಮೀರಿದ ಶಕ್ತಿ ಎಂದು ಒಪ್ಪಿಕೊಳ್ಳುತ್ತೋ, ಆ ಶಕ್ತಿಗೊಂದು ರೂಪ ಕೊಟ್ಟು, ಗುಣ ಆರೋಪಿಸಿ, ಕತೆ ಕಟ್ಟಿ ಸಂತೋಷ ಪಡುವುದು. ಇದಕ್ಕೆ ದೇವರು ಮಾತ್ರವಲ್ಲ, ಮನುಷ್ಯರನ್ನೂ ಸೇರಿಸುತ್ತೇವೆ.

ಈಗ ಪೂಜೆ, ಹಬ್ಬಗಳಿಗೆ ಅರ್ಥವೇನು? ಹಬ್ಬಗಳನ್ನೇ ಆಚರಿಸದ ಒಂದು ಸಮುದಾಯದ ಮಕ್ಕಳು ನನ್ನ ಸಹಪಾಠಿಗಳಾಗಿದ್ದು ಕಾಕತಾಳಿಯ. ಅವರ ಮಟ್ಟಿಗೆ ಅವರು ಪಾಪಿಗಳು. ಸಂಭ್ರಮ ಪಡುವ ಅರ್ಹತೆ ಅವರಿಗಿಲ್ಲ 🤔😭 ನನಗೆ ಇದು ಹೊಸ ನೋಟ.

ಹೌದ? ಸಂಭ್ರಮ ಪಡಲೂ ಅರ್ಹತೆ ಬೇಕಾ? ಪಾಪ ಎಂದರೇನು? ಛೆ, ಮನುಷ್ಯ ಪ್ರಶ್ನೆಗಳನ್ನೇ ಕೇಳದಿದ್ದರೆ ಎಷ್ಟು ಚೆನ್ನಾಗಿರುತ್ತೆ? 🤔 ಆದರೆ ಕೆಲವರು ಹೀಗೆ ನನ್ನಂತೆ. ಪ್ರಶ್ನೆಗಳೇ ದೌರ್ಬಲ್ಯ ಮತ್ತು ಶಕ್ತಿ.

ಸಂಭ್ರಮ ಪಡಲು ಈ ಹಬ್ಬಗಳು ಅವಕಾಶ ಕೊಡುತ್ತವೆ. ಮನುಷ್ಯ ಮನುಷ್ಯನಾಗಿ ಇರುವುದು ಸಂಭ್ರಮದಲ್ಲಿ ಮಾತ್ರ. ಅದು ಕೆಲಸ, ಊಟ, ಬಟ್ಟೆ, ವಿಸರ್ಜನೆಯಂತಹ ವ್ಯಕ್ತಿಗತವಿರಲಿ ಅಥವಾ ಹಬ್ಬ - ಹರಿದಿನಗಳ ಸಾಮೂಹಿಕ ಆಚರಣೆ ಇರಲಿ,. ಅಂತರಾಳದ ಬೇರೆ ಬೇರೆ ಭಾವನೆಗಳಿಗೆ ಬಿಡುಗಡೆ ಸಿಗಬೇಕಷ್ಟೆ.

ನಿತ್ಯ ಜಗಳ, ಬಡತನ, ಮನೆ - ಹೊರಗೆ ನೆಮ್ಮದಿಯಿಲ್ಲ ಎನ್ನುವ ವ್ಯಕ್ತಿಗಳು ತಮ್ಮ ಭಾವನೆಗಳನ್ನು ಹೇಗೆ ಬಿಡುಗಡೆಗೊಳಿಸುತ್ತಾರೆ? ಸಂಭ್ರಮವಿಲ್ಲದ ಮನಸ್ಸು ನಿರಂತರ ದುಃಖದಲ್ಲಿ ಬದುಕಲು ಸಾಧ್ಯವೆ?

ಹಬ್ಬಕ್ಕೆ ಪ್ರೀತಿಯಿಂದ ಸೇರುವುದು, ಒಬ್ಬರಿಗೊಬ್ಬರು ಕೆಲಸ ಹಂಚಿಕೊಂಡು ಊಟ ತಯಾರಿಸುವುದು, ಬಡಿಸುವುದು, ಆಟ ಆಡುವುದು... ಹೊಸ ಬಟ್ಟೆ, ಒಳ್ಳೆಯ ಊಟ, ಅಲಂಕಾರ, ಒಂದು ಫೋಟೋ, ಆಹಾ... ಬದುಕಲು ಒಂದು ದಿನದ ಸಂಭ್ರಮದ ನೆನಪೂ ಸಾಕೆನಿಸುತ್ತದೆ.

ಹೀಗಾಗಿ ಹಿರಿಯರು ಹಾಕಿಕೊಟ್ಟ ಈ ಸಂಭ್ರಮದ ಬುನಾದಿಯಲ್ಲಿ ನಾನು ಬದುಕಿನ ಸಣ್ಣ ಸಣ್ಣ ಸಂತೋಷದ ಮಹಲು ಕಟ್ಟುತ್ತೇನೆ. ಸನಾತನ ಸಂಸ್ಕೃತಿಯ ಬೇರುಗಳ ಪ್ರೀತಿಯ ಧಾರೆಯನ್ನು ಉಳಿಸುವ ಅಳಿಲು ಯತ್ನ ಮಾಡುತ್ತೇನೆ.

ಗೌರಿ - ಗಣೇಶ ಹಬ್ಬದ ಶುಭಾಶಯಗಳು ❤️💐🙏

✍️ ಶೀಲಾ ಭಟ್

ಚಿತ್ರ : ಶೀಲಾ ಭಟ್ ಮತ್ತು ಚಾಟ್ ಜಿಪಿಟಿ

#sheelabhat #ganeshachaturthi #specialarticle #Ganeshamessage #meaningoffestival

2 weeks ago | [YT] | 3

View 3 replies

Sheela Bhat - ಕನ್ನಡ ಧ್ವನಿ

ಸತ್ಯವಂತರಿಗಿದು ಕಾಲವಲ್ಲ

ಈ ಪೊಲೀಸ್ ಇನ್ಸ್ಪೆಕ್ಟರ್ ಹೇಳಿದ್ದು ಪೂರ್ತಿ ನೋಡಿ, ಕೇಳಿ, ಯೋಚಿಸಿದೆ. ಒಂದೇ ಒಂದು ಮಾತು ತಪ್ಪು ಹೇಳಿಲ್ಲ. ಸುಮ್ನೆ ಹಬ್ಬದ ನೆವದಲ್ಲಿ ಅನ್ಯ ಸಮುದಾಯದ ಜನರನ್ನು ಕೆಣಕಬೇಡಿ, ಶಾಂತಿ ಕಾಪಾಡಿ. ತಪ್ಪಿದರೆ ಕ್ರಮ ಕೈಗೊಳ್ಳುತ್ತೇವೆ ಎಂದಿದ್ದಾರೆ. ಇದರಲ್ಲಿ ಯಾವ ತಪ್ಪಿದೆ? ಮೊನ್ನೆ ರೈತರು, ಝೆನ್ ಜೀ ಅಂದಿದ್ದು ನೋಡಿ, ಇವರು ಬದಲಾದರು ಅಂದ್ಕೊಂಡೆ. ಇಲ್ಲ, ಇವರು ಬದಲಾಗೋಲ್ಲ. ಬೆಂಕಿ ಹಚ್ಚಿ ಅದರಲ್ಲೇ ಬೆಳಕು ನೋಡುವ ಕೆಟ್ಟಬುದ್ಧಿ ಹೋಗೋದಿಲ್ಲ 🤔😭

✍️ ಶೀಲಾ ಭಟ್
ಚಿತ್ರ : ಚಾಟ್ ಜಿಪಿಟಿ

#Sheelabhat #ganeshachaturthi #tnarasipura #communalism #BJP #Karnataka

2 weeks ago | [YT] | 4

View 1 reply

Sheela Bhat - ಕನ್ನಡ ಧ್ವನಿ

ಪ್ರೀತಿಸುವುದು ಎಷ್ಟು ಕಷ್ಟವೋ ಸಿಕ್ಕ ಪ್ರೀತಿಯನ್ನು ಸ್ವೀಕರಿಸುವುದೂ ಅಷ್ಟೇ ಕಷ್ಟ. ಶ್ರೀಕೃಷ್ಣ ನನಗೆ ಇಷ್ಟವಾಗುವುದು ಇದೇ ಕಾರಣಕ್ಕೆ. ಆತ ಪ್ರೇಮದ ಸಾಗರ. ಕೇವಲ ರಾಧೆಯನ್ನು ಪ್ರೀತಿಸುತ್ತಲೇ ಗೋಪಿಕೆಯರ ನಿರ್ವ್ಯಾಜ್ಯ ಪ್ರೇಮವನ್ನು ಸ್ವೀಕರಿಸಿದ. ರುಕ್ಮಿಣಿಯನ್ನು ಪಟ್ಟದರಸಿಯಾಗಿಸಿದ ಮಾಧವ 16000 ನರಕಾಸುರ ಬಂಧಿಗಳಿಗೂ ಸ್ಥಾನ ಕೊಟ್ಟ.

ವಿದುರ, ಭೀಷ್ಮ, ಧರ್ಮರಾಯನ ಪ್ರೀತಿಗೆಷ್ಟು ಕರಗಿದನೋ ಅಷ್ಟೇ ಅತ್ತೆ ಕುಂತಿಯ ಮಮತೆಯ, ಭಕ್ತಿಯನ್ನೂ ಸ್ವೀಕರಿಸಿದ.

ಈ ಸ್ವೀಕಾರ ಎನ್ನುವ ಮನಸ್ಥಿತಿ ಇದೆಯಲ್ಲ ಇದೇ ಮನುಷ್ಯನ ಜೀವನವನ್ನು ಹಂತ ಹಂತವಾಗಿ ಮೇಲಕ್ಕೆತ್ತಬಹುದು ಎಂದು ತಿಳಿಸಿಕೊಟ್ಟ ಮೊದಲ ಮನೋತಜ್ಞ.

ಬಂದದ್ದನ್ನು ಬಂದ ಹಾಗೆ, ಇದ್ದಿದ್ದನ್ನು ಇದ್ದ ಹಾಗೆ ನೋಡುವುದು, ಒಪ್ಪಿಕೊಳ್ಳುವುದು ವಾಸ್ತವ ಮನಸ್ಥಿತಿ. ಈ ಸ್ಥಿತಿಯನ್ನೇ ಸ್ಥಿತ ಪ್ರಜ್ಞೆ ಎಂದ ಶ್ರೀಕೃಷ್ಣ. ಆತ ಭಗವದ್ಗೀತೆಯಲ್ಲಿ ಹೊಸದೇನನ್ನೋ ತಂದು ಹೇಳಲಿಲ್ಲ. ತನ್ನ ಜೀವನದ ಸಾರವನ್ನೇ ತಿಳಿಸಿಕೊಟ್ಟ.

ಜೀವನವನ್ನು, ಪ್ರೀತಿಯನ್ನು ಸ್ವೀಕರಿಸಿ, ಸಂಭ್ರಮಿಸುವುದನ್ನು ನಾವು ಕೃಷ್ಣನಲ್ಲಿ ಕಾಣುತ್ತೇವೆ. ಪ್ರೀತಿಸುವ ಹೃದಯದ ವೈಶಾಲ್ಯವನ್ನು ನೋಡುತ್ತಲೇ, ಸ್ವೀಕರಿಸುವ ಆನಂದವನ್ನೂ ಅನುಭವಿಸುತ್ತೇವೆ.

ಇಂತಹ ಪ್ರೀತಿಯ ಸಾಗರ ಭೂಮಿಗೆ ಬಂದಿತ್ತು ಎಂದು ಹೇಳಲಾಗುವ ದಿನ ಇಂದು. ಎಲ್ಲರಿಗೂ ಪ್ರೀತಿ ಸಿಗಲಿ, ಸಿಕ್ಕ ಪ್ರೀತಿಯನ್ನು ಸ್ವೀಕರಿಸುವ ಆನಂದ ಸಿಗಲಿ.

✍️ ಶೀಲಾ ಭಟ್
#sheelabhat #shreekrishna #janmashtami #specialKannada #bhagavadgita

3 weeks ago | [YT] | 3

View 0 replies

Sheela Bhat - ಕನ್ನಡ ಧ್ವನಿ

ರೇಷ್ಮೆ ಬೆಳೆಯೂ ಮತ್ತು ನಾನು

ನನ್ನ ಹನ್ನೆರಡೂವರೆ ವರ್ಷಕ್ಕೆ ರೇಷ್ಮೆ ಬೆಳೆಯ ಪರಿಚಯ ಆಯಿತು. ಕೇವಲ ಮನೆಯಲ್ಲಿ ದೊಡ್ಡವರು ಕೆಲಸ ಮಾಡುವಾಗ ನೋಡಿ ತಿಳಿಯುವ ಹಾಗಲ್ಲ. ಅಕ್ಷರಶಃ ಚಾಕಿ ಕಟ್ಟುವ ಹಂತದಿಂದ ಚಂದ್ರಿಕೆಯಲ್ಲಿ ಬಿಟ್ಟು, ಕಟ್ಟಿದ ಗೂಡುಗಳನ್ನು ಮಾರುವ ತನಕ ಒಂದು ಪಾಲುದಾರಿಕೆ ಅದು.

ಯಾಕೆ ದೊಡ್ಡವರಿರಲಿಲ್ಲವ? ಕೇಳಬೇಡಿ. ದೊಡ್ಡವರಿಗೆ, ಚಿಕ್ಕವರಿಗೆ ಅವರವರ ಕಷ್ಟಗಳು ದೊಡ್ಡದಿದ್ದವು ಎಂಬುದಷ್ಟನ್ನೇ ಅರ್ಥ ಮಾಡಿಕೊಳ್ಳಿ.

ಒಟ್ಟಿನಲ್ಲಿ ರೇಷ್ಮೆ ಬೆಳೆ ನನ್ನ ಬಾಲ್ಯದಲ್ಲೇ ನನ್ನೊಳಗಿನ ಶಕ್ತಿಯನ್ನು ಎಬ್ಬಿಸಿತು. ಕೆಲವೊಮ್ಮೆ ನಾವು ಮಾಡುವ ಕೆಲಸಗಳು ನಮ್ಮ ಮಿತಿಗಳ ಜೊತೆಗೆ ನಮ್ಮೊಳಗಿನ ಸಾಧ್ಯತೆಗಳನ್ನೂ ತೋರಿಸುತ್ತವೆ.

ಆಗ ರೇಷ್ಮೆ ಮೊಟ್ಟೆಯನ್ನು ರೇಷ್ಮೆ ಇಲಾಖೆ ಕೊಡುತ್ತಿತ್ತು. ಶಿರಸಿ/ಮಾವಿನಕಟ್ಟೆಯಿಂದ ಅಪ್ಪ ರೇಷ್ಮೆ ಮೊಟ್ಟೆ, ಫಾರ್ಮಲಿನ್ ದ್ರಾವಣ, ಫೋಮ್, ಬೆಡ್ ಶಿಟ್ ತರುತ್ತಿದ್ದರು.

ನಮ್ಮ ಮನೆಯ ಜಗುಲಿಯೇ ರೇಷ್ಮೆ ಮನೆ. ಅಮ್ಮ ಮತ್ತು ನಾನು ರೇಷ್ಮೆ ಮನೆಯನ್ನು ಸ್ವಚ್ಛಗೊಳಿಸುತ್ತಿದ್ದೆವು.

ಅಮ್ಮ, ಮೊದಲು ಒಂದು ಬಾಕ್ಸ್ ಟ್ರೇ ನಲ್ಲಿ ಬ್ರೌನ್ ಕಲರ್ ಕಾಗದ (ಬೆಡ್ ಶೀಟ್ ) ಹರಡುತ್ತಿದ್ದಳು. ನಂತರ ಫಾರ್ಮಾಲಿನ್ ದ್ರಾವಣದಲ್ಲಿ ಸುಮಾರು ಒಂದು ಮಾರು ಇರುತ್ತಿದ್ದ ಸ್ಪಂಜ್ ಫೋಮ್ ಅನ್ನು ಅದ್ದಿ ಅಂಚಿನಲ್ಲಿ ಜೋಡಿಸುತ್ತಿದ್ದಳು. ಮಧ್ಯದಲ್ಲಿ ರೇಷ್ಮೆ ಮೊಟ್ಟೆಗಳು ಒಂದು ಪೇಪರ್ ಗೆ ಅಂಟಿಕೊಂಡಿರುತ್ತಿದ್ದವು. ಅವುಗಳನ್ನು ಮೇಲ್ಮುಖ ಮಾಡಿ ಇಟ್ಟು ಮೇಲಿನಿಂದ ಇನ್ನೊಂದು ಬೆಡ್ ಶೀಟ್ ಮುಚ್ಚಿ ಇಡುತ್ತಿದ್ದಳು. ಈ ಕೆಲಸಕ್ಕೆ ನಾನು, ಕೆಲವೊಮ್ಮೆ ಮನೆಯಲ್ಲಿದ್ದರೆ ಅಪ್ಪ ಸಹಾಯ ಮಾಡುತ್ತಿದ್ದೆವು.

ಅಲ್ಲಿಂದ 2-3 ದಿನಗಳೋಳಗೆ ಪುಟ್ಟ ಪುಟ್ಟ ಕಪ್ಪು ಹುಳಗಳು ಹೊರಬರುತ್ತಿದ್ದವು. ಆ ಹುಳಗಳ ಪುಟ್ಟ ಬಾಯಿಗೆ ಇಡೀ ರೇಷ್ಮೆ ಎಲೆ ತಿನ್ನಲಾಗದು. ಅದಕ್ಕಾಗಿ ಹಿಪ್ಪುನೇರಳೆ ಸೊಪ್ಪನ್ನು ಸಣ್ಣಗೆ ಕತ್ತರಿಸಿ ಹಾಕಬೇಕು. ಈಗ ಅಪ್ಪ, ಅಮ್ಮ ಮತ್ತು ನಾನು ಯಾರು ಲಭ್ಯರೋ ಅವರು ಎಲೆ ಕೊಯ್ಯುವುದು ಮತ್ತು ಅವುಗಳನ್ನು ಕತ್ತರಿಸಿ ಹುಳಗಳ ಮೇಲೆ ದಿನಕ್ಕೆರಡು ಬಾರಿ ಹಾಕುವುದು ಅಮ್ಮನ ಕೆಲಸ.

ಸುಮಾರು ಎರಡು ವಾರಗಳಲ್ಲಿ ಎರಡು ಜ್ವರ ಪಾಸಾಗಿ ಮೂರನೇ ಜ್ವರದ ಹತ್ತಿರ ಬರಬೇಕು. ಈ ಹಂತದಲ್ಲಿ ಅವುಗಳ ರಕ್ಷಣೆ ಮಾಡಿಕೊಂಡಲ್ಲಿ ರೇಷ್ಮೆ ಬೆಳೆ ಕೈಗೆ ಬಂದಂತೆ. ಆದರೆ ಬಹಳ ಸಲ ಸೂಕ್ಷ್ಮ ರೇಷ್ಮೆ ಹುಳಗಳು ಗಂಟು ರೋಗವೋ, ಇನ್ನೊಂದೊ ಎಂದು ಅರ್ಧ ಸತ್ತು ಬೀಳುವುದೇ ಹೆಚ್ಚು. ಆಗೆಲ್ಲ ಅಮ್ಮ ನೋಡಿ, ಅದಕ್ಕೆ ಔಷಧಿ ಪೌಡರ್ ಹಾಕಿ, ಉಳಿದವನ್ನು ಬದುಕಿಸಿಕೊಳ್ಳುತ್ತಿದ್ದಳು. ಯಾವ ಪೌಡರ್ ಹಾಕುತ್ತಿದ್ದಳು?... ಮರೆತು ಹೋಗಿದೆ. ಇದು ಸುಮಾರು 30 ವರ್ಷಗಳ ಹಿಂದಿನ ಮಾತು.

ಇಲ್ಲಿ ಹಿಪ್ಪುನೇರಳೆಯ ಗುಣಮಟ್ಟ ಮುಖ್ಯ. ಹುಳಗಳನ್ನು ಸ್ವಚ್ಛ ಪರಿಸರದಲ್ಲಿ ಜೋಪಾನ ಮಾಡುವುದು ಮುಖ್ಯ. ಸಿಬಿ ಗಿಂತಲೂ ಬಯೋಲ್ಟಿನ್ ತಳಿ ಹೆಚ್ಚು ಗಟ್ಟಿತಳಿ. ಜೊತೆಗೆ ಹೋಲಿಕೆಯಲ್ಲಿ ಹೆಚ್ಚು ಬೆಲೆ ಬಾಳುವಂತದ್ದು. ಶುದ್ಧ ಬಿಳಿ ಬಣ್ಣದ ಗೂಡು ಬಯೋಲ್ಟಿನ್ ದಾದರೆ, ಚೆಂದನೆಯ ತಿಳಿಹಳದಿ ಸಿಬಿಯದ್ದು.

ನಮ್ಮ ಮನೆಯಲ್ಲಿ ಸ್ವಚ್ಛತೆಯ ತೊಂದರೆ ಇರಲಿಲ್ಲ. ಸಗಣಿ ಸಾರಿಸಿದ ನೆಲ, ಆರಾಮಾಗಿ ಬೀಸುವ ಗಾಳಿ ಇದ್ದವು. ಇಲಿ, ಹೆಗ್ಗಣಗಳ ಕಾಟ ಇರಲಿಲ್ಲ. ಹೇಳಿದ್ದೆನಲ್ಲ, ನಮ್ಮ ಮನೆಯ ಮಾಡಿನಲ್ಲಿ ಯಾವಾಗಲೂ ಒಂದು ಕೇರೆ ಹಾವು ಓಡಾಡಿಕೊಂಡಿರುತ್ತಿತ್ತು ಎಂದು. ಆದರೆ ಹಾಕುತ್ತಿದ್ದ ಎಲೆಗಳಲ್ಲಿ ಸತ್ವ ಕಡಿಮೆ ಮತ್ತು ಮನೆಯಲ್ಲಿ ಸೀಮೆ ಎಣ್ಣೆಯ ಚಿಮಣಿ ದೀಪ, ಒಲೆ ಉರಿಯ ಹೊಗೆ ಅವುಗಳಿಗೆ ಆಗುತ್ತಿರಲಿಲ್ಲ.

ಒಂದಾದರೂ ರೋಗ, ಅದರಲ್ಲೂ ಆ ಪುಟ್ಟ ಮೆತ್ತನೆಯ ಬಿಳಿ ಹುಳಗಳ ಗಂಟಿನ ನಡುವೆ ಕೀವಿನಂತಾ ದ್ರವ ತುಂಬಿ ಗಂಟು ಗಂಟಾಗಿ ಸಾಯುವಾಗ ನನಗೆ ಕರುಳು ಕಿತ್ತು ಬರುತ್ತಿತ್ತು.

ಯಾಕೆ, ರೇಷ್ಮೆ ಹುಳು ಸಾಯಿಸಿಯೇ ಬಟ್ಟೆ ಮಾಡುವುದು, ಆಗ ಬೇಸರ ಇಲ್ಲವೋ ಎಂದು ನೀವು ಕೇಳಬಹುದು. ಈಗಲೇ ನೋಡಿ ನನಗೆ ಭಗವದ್ಗೀತೆ ಹತ್ತಿರ ಆಗಿದ್ದು. ಆಗ ಭಗವದ್ಗೀತೆ ಕಂಠಪಾಠದ ತೊಂದರೆ ಇರಲಿಲ್ಲ. ವಿದ್ಯಾರ್ಥಿಗಳು ಬೇಕಿದ್ದರೆ ಓದಬಹುದಿತ್ತು. ಅಮ್ಮನಿಗೆ ಓದುವ ಹುಚ್ಚಿತ್ತು. ಅವರು ಕಾದಂಬರಿಗಳ ಜೊತೆಗೆ ಮಹಾಭಾರತವನ್ನೂ ಓದಲು ತರಿಸುತ್ತಿದ್ದರು.

ನಾನು ಹೈಸ್ಕೂಲಿನ ಲೈಬ್ರರಿಯಲ್ಲಿ ಅಮ್ಮನ ಅಭಿರುಚಿಗೆ ಒಪ್ಪುವ ಕಾದಂಬರಿಗಳನ್ನು ಹುಡುಕಿ ತರುತ್ತಿದ್ದೆ. ಅವುಗಳ ಜೊತೆಗೆ ಮಹಾಭಾರತವೂ ಸೇರಿತ್ತು. ಹಾಗೆ ಅಮ್ಮನಿಗೆ ಓದಲು ತರುವ ನೆವದಲ್ಲಿ ನಾನು ಎರಡನೆಯ ಬಾರಿ ಮಹಾಭಾರತ ಓದುತ್ತಿದ್ದೆ. ನನ್ನ ಸೊಂಪಾದ ರಾಶಿ ಕೂದಲಲ್ಲಿ ರೇಶ್ಮೆ ಹುಳಗಳಿಗಿಂತ ಸೋಂಪಾಗಿ ಹೇನುಗಳು ಬೆಳೆದಿರುತ್ತಿದ್ದವು. ಅವುಗಳನ್ನು ಅಮ್ಮ ತಾನು ಮನೆಯಲ್ಲಿದ್ದಾಗ ಹುಡುಕಿ ತೆಗೆದು ಕೂದಲು ಬಾಚಿಕೊಡುತ್ತಿದ್ದರು. ಆಗ ನನಗೆ ಅರ್ಥವಾಗದ ಕಥಾ ಭಾಗವನ್ನು ಅಮ್ಮನಲ್ಲಿ ಕೇಳಿ ತಿಳಿದುಕೊಳ್ಳುತ್ತಿದ್ದೆ. ಹೀಗೆ ಶ್ರವಣ -ಮನನ ಒಟ್ಟಿಗೆ ನಡೆದು ಒಂತರಾ ರಕ್ತಕ್ಕೆ ಅನುಭಾವ ಇಳಿದಿತ್ತು.

ಅದಕ್ಕಾಗಿ ತನ್ನ ಜೀವನ ಪ್ರಯಾಣವನ್ನು ಯಾರನ್ನೋ ಅಲಂಕರಿಸಿ ಖುಷಿ ಪಡುವಲ್ಲಿ ಮುಗಿಸಿಕೊಳ್ಳುವ ರೇಷ್ಮೆ ಹುಳದ ಬಗ್ಗೆ ಪಶ್ಚಾತ್ತಾಪ ಇತ್ತಾದರೂ ಅದರ ಬದುಕು ಸಾರ್ಥಕತೆ ಕಂಡಂತೆ ಅನಿಸುತ್ತಿತ್ತು. ಹೀಗೆ ರೋಗದೊಂದಿಗೆ ಯುದ್ಧ ಮಾಡಿ ಅಂತೂ ಉಳಿದ ಗಟ್ಟಿ ಹುಳಗಳು ಚೆನ್ನಾಗಿ ತಿಂದು ಅಪ್ಪನ ಬೆರಳಿನ ಗಾತ್ರವಾದಾಗ ನಾಲ್ಕನೇ ಜ್ವರ ಬರುತ್ತಿತ್ತು.

ಈಗ ಒಂದು ವಾರವಷ್ಟೇ. ಹುಳಗಳು ಹಣ್ಣಾಗುವ ಕಾಲ ಬಂದೇ ಬಿಡುತ್ತಿತ್ತು. ಹುಳಗಳ ಒಳಗೆ ಹಸಿರೆಲ್ಲ ಕರಗಿ ದಾರವಾಗುವ ಪ್ರಕ್ರಿಯೆ ಅದು. ಬೆಳ್ಳನೆಯ ಹುಳಗಳು ಈಗ ಪಾರದರ್ಶಕವಾಗಿ ಜೇನುತುಪ್ಪದ ಬಣ್ಣಕ್ಕೆ ತಿರುಗುತ್ತಿದ್ದವು. ಈಗ ಅವುಗಳನ್ನು ಚಂದ್ರಿಕೆಗೆ ಬಿಡುವ ಕೆಲಸ.

ಚಂದ್ರಿಕೆ ಗುಡಿಸಿ, ಹಿಂದಿನ ಬೆಳೆಯ ಅವಶೇಷಗಳನ್ನು ತೆಗೆದು, ಫಾರ್ಮಾಲಿನ್ ದ್ರಾವಣದಲ್ಲಿ ತೊಳೆದು, ಬಿಸಿಲಿನಲ್ಲಿ ಒಣಗಿಸಬೇಕು. ಬಹಳ ಸಲ ಅಮ್ಮನಿಗೆ ಮನೆಯಲ್ಲಿ ಇರಲು ಆಗುತ್ತಿರಲಿಲ್ಲ. ಒಂದು ಅವಳಿಗೋ, ನನ್ನ ಸಹೋದರನಿಗೋ ಹುಷಾರು ಇರುತ್ತಿರಲಿಲ್ಲ. ಹಾಗಾಗಿ ಶಿರಸಿ ಹತ್ತಿರದ ಅಜ್ಜನ ಮನೆಯಲ್ಲಿ ಹುಷಾರಾಗುವ ತನಕ ಇದ್ದು ಬರಬೇಕಾಗುವುದು ಅನಿವಾರ್ಯವಾಗಿತ್ತು.

ಪಾಪ, ಹೆಚ್ಚಾಗಿ ಇಂತಹ ಅನಿವಾರ್ಯ ಸಂದರ್ಭಗಳಲ್ಲೇ ಅವರಿಗೆ ಹುಷಾರು ತಪ್ಪುತ್ತಿತ್ತು. ಚಂದ್ರಿಕೆಗಳಿಗೆ ನಾನು, ಅಪ್ಪ ಮತ್ತು ನಮ್ಮ ಸಹಾಯಕಿಯ ಸಹಾಯದಿಂದ ಹುಳಗಳನ್ನು ಬಿಡುತ್ತಿದ್ದೆವು. ಅಮ್ಮ ತವರಿಂದ ಬರುವವರೆಗೆ ಗೂಡುಗಳು ಚಂದ್ರಿಕೆ ಬಿಟ್ಟು ಮಾರುಕಟ್ಟೆ ಸೇರಿ ಚಂದ್ರಕಲಾ ಇಷ್ಟಾಯಿತು, ಇಷ್ಟು ಖರ್ಚು ಮಾಡಿದೆ ಎಂಬ ಲೆಕ್ಕವಾಗುತ್ತಿತ್ತು.

ಈ ಮಧ್ಯದಲ್ಲಿ ಅಮ್ಮನಿಲ್ಲದಿದ್ದರೆ ಅಮ್ಮನ ಕೆಲಸವೆಲ್ಲ ನನ್ನದಾಗುತ್ತಿತ್ತು.
ರೇಷ್ಮೆ ಎಲೆ ಕೊಯ್ದು, ಕತ್ತರಿಸಬೇಕಾದರೆ ಕತ್ತರಿಸಿ, ಹಾಗೇ ಇಡೀ ಎಲೆ ಹಾಕಬೇಕಾದಾಗ ಇಡೀ ಎಲೆ ಹಾಕಿ ನೋಡಿಕೊಳ್ಳುವುದು,
ಹುಳುಗಳ ಆರೋಗ್ಯ ನೋಡಿಕೊಳ್ಳುವುದು ,
ಮನೆಯ ನೆಲವನ್ನು ಸಗಣಿ ಹಾಕಿ ಸಾರಿಸುವುದು,
ಸಾಯಂಕಾಲ, ಬೆಳಿಗ್ಗೆ ಬಾವಿಯಿಂದ ನೀರು ಸೇದಿ ಹಂಡೆ, ಬಕೆಟ್ಟು ಎಲ್ಲಾ ತುಂಬಿಸುವುದು,
ಚಿಮಣಿಗೆ ಸೀಮೆ ಎಣ್ಣೆ ಹಾಕುವುದು,
ಅಡುಗೆಗೆ ಕಟ್ಟಿಗೆ ಒಟ್ಟು ಮಾಡಿಕೊಳ್ಳುವುದು,
ಒದ್ದೆ ಬಟ್ಟೆ ಒಣಗಿಸುವುದು,
ಮಧ್ಯರಾತ್ರಿ ಬರುವ ಅಪ್ಪ ಮತ್ತು ಅವರ ಗೆಳೆಯರಿಗೆ ಊಟಕ್ಕೆ ಸಿದ್ಧಪಡಿಸುವುದು,
ಒರಳು ಕಲ್ಲಿನಲ್ಲಿ ದೋಸೆಗೆ ಅಕ್ಕಿ, ಚಟ್ನಿ, ಸಾರು ಇಂತಹವುಗಳನ್ನು ರುಬ್ಬಿಕೊಳ್ಳುವುದು,
ಅಸ್ತ್ರಒಲೆಗೆ ಬೆಂಕಿ ಹೂಡಿ ಕಾಲ ಕಾಲಕ್ಕೆ ಅಡುಗೆ ಮಾಡುವುದು, ಕೆಲವೊಮ್ಮೆ ಹಸುವಿಗೆ ಹುಲ್ಲು ಕತ್ತರಿಸುವುದು,
ರೇಷ್ಮೆ ಬೆಳೆ ಮುಗಿದ ಕಾಲದಲ್ಲಿ ಕತ್ತರಿಸಿದ ಗಿಡಗಳಿಗೆ ಸಗಣಿ ಗೊಬ್ಬರ ನೀಡುವುದು,
ಹಸುವಿನ ಹಾಲು ಕರೆಯುವುದು,
ದನ-ಕರುಗಳ ಆರೈಕೆ ಮತ್ತು
೩ ಕಿ.ಮೀ ದೂರದ ಶಾಲೆ ಮತ್ತು ಅದರ ಅಭ್ಯಾಸ, ಚಟುವಟಿಕೆಗಳು ನನ್ನ ದಿನಚರಿಯ ಭಾಗವಾಗಿರುತ್ತಿದ್ದವು.

ಈ ರೇಷ್ಮೆ ಬೆಳೆಯ ಕಾಲದಲ್ಲಿ ಮೊದಲು ಒಂದೂವರೆ ವರ್ಷ ನನ್ನದು ಹೆಚ್ಚಿನ ಬಾರಿ ಸಹಾಯಕಿ ಪಾತ್ರವೇ. ಆಮೇಲಾಮೇಲೆ ಪೂರ್ತಿ ಜವಾಬ್ದಾರಿ ಬಂದಿದ್ದೋ ಇದೆ.

ಇದರಿಂದ ನಾನು ರೇಷ್ಮೆ ಹುಳುವಿನಂತೆ ಜ್ಞಾನವೆಂಬ ಹಿಪ್ಪುನೇರಳೆಯನ್ನು ಸದ್ದಿಲ್ಲದೇ ಮೇಯುವ ಹಾಗಾದೆ. ನನ್ನೊಳಗಿನ ಕೋಶದಿಂದ ಪ್ರತಿನಿತ್ಯ ನನ್ನ ಸುತ್ತಲೂ ಗೂಡನ್ನು ಹೆಣೆದುಕೊಂಡು ನಾನೇ ನನ್ನೊಳಗೆ ಸತ್ತು ಸದ್ದಿಲ್ಲದೆ ಒಂದೊಂದೇ ಪದರದಿಂದ ಹೊಸ ಪಾತರಗಿತ್ತಿಯಾಗಿ ಹೊರಹೊಮ್ಮಿದೆ. ಬಹುಶಃ ಈಗ ನಾನು ಹೊದ್ದುಕೊಳ್ಳುತ್ತಿರುವ ಹೊಸ ಬಟ್ಟೆ, ಹೊಸ ಜೀವನ ರೇಷ್ಮೆ ಬೆಳೆ ನನಗೆ ನೀಡಿದ ಸದ್ದಿಲ್ಲದ ಮನೋಸ್ಮೃತಿಯ ಕೊಡುಗೆ.

✍️ಶೀಲಾ ಭಟ್

#sheelabhat #sericulture #malnad #villagestory #30yearssback #memoryofalittlegirl

ಚಿತ್ರ : ಚಾಟ್ ಜಿಪಿಟಿ

1 month ago | [YT] | 3

View 0 replies

Sheela Bhat - ಕನ್ನಡ ಧ್ವನಿ

ರೇಷ್ಮೆ ಬೆಳೆಯೂ ಮತ್ತು ನಾನು

ನನ್ನ ಹನ್ನೆರಡೂವರೆ ವರ್ಷಕ್ಕೆ ರೇಷ್ಮೆ ಬೆಳೆಯ ಪರಿಚಯ ಆಯಿತು. ಕೇವಲ ಮನೆಯಲ್ಲಿ ದೊಡ್ಡವರು ಕೆಲಸ ಮಾಡುವಾಗ ನೋಡಿ ತಿಳಿಯುವ ಹಾಗಲ್ಲ. ಅಕ್ಷರಶಃ ಚಾಕಿ ಕಟ್ಟುವ ಹಂತದಿಂದ ಚಂದ್ರಿಕೆಯಲ್ಲಿ ಬಿಟ್ಟು, ಕಟ್ಟಿದ ಗೂಡುಗಳನ್ನು ಮಾರುವ ತನಕ ಒಂದು ಪಾಲುದಾರಿಕೆ ಅದು.

ಯಾಕೆ ದೊಡ್ಡವರಿರಲಿಲ್ಲವ? ಕೇಳಬೇಡಿ. ದೊಡ್ಡವರಿಗೆ, ಚಿಕ್ಕವರಿಗೆ ಅವರವರ ಕಷ್ಟಗಳು ದೊಡ್ಡದಿದ್ದವು ಎಂಬುದಷ್ಟನ್ನೇ ಅರ್ಥ ಮಾಡಿಕೊಳ್ಳಿ.

ಒಟ್ಟಿನಲ್ಲಿ ರೇಷ್ಮೆ ಬೆಳೆ ನನ್ನ ಬಾಲ್ಯದಲ್ಲೇ ನನ್ನೊಳಗಿನ ಶಕ್ತಿಯನ್ನು ಎಬ್ಬಿಸಿತು. ಕೆಲವೊಮ್ಮೆ ನಾವು ಮಾಡುವ ಕೆಲಸಗಳು ನಮ್ಮ ಮಿತಿಗಳ ಜೊತೆಗೆ ನಮ್ಮೊಳಗಿನ ಸಾಧ್ಯತೆಗಳನ್ನೂ ತೋರಿಸುತ್ತವೆ.

ಆಗ ರೇಷ್ಮೆ ಮೊಟ್ಟೆಯನ್ನು ರೇಷ್ಮೆ ಇಲಾಖೆ ಕೊಡುತ್ತಿತ್ತು. ಶಿರಸಿ/ಮಾವಿನಕಟ್ಟೆಯಿಂದ ಅಪ್ಪ ರೇಷ್ಮೆ ಮೊಟ್ಟೆ, ಫಾರ್ಮಲಿನ್ ದ್ರಾವಣ, ಫೋಮ್, ಬೆಡ್ ಶಿಟ್ ತರುತ್ತಿದ್ದರು.

ನಮ್ಮ ಮನೆಯ ಜಗುಲಿಯೇ ರೇಷ್ಮೆ ಮನೆ. ಅಮ್ಮ ಮತ್ತು ನಾನು ರೇಷ್ಮೆ ಮನೆಯನ್ನು ಸ್ವಚ್ಛಗೊಳಿಸುತ್ತಿದ್ದೆವು.

ಅಮ್ಮ, ಮೊದಲು ಒಂದು ಬಾಕ್ಸ್ ಟ್ರೇ ನಲ್ಲಿ ಬ್ರೌನ್ ಕಲರ್ ಕಾಗದ (ಬೆಡ್ ಶೀಟ್ ) ಹರಡುತ್ತಿದ್ದಳು. ನಂತರ ಫಾರ್ಮಾಲಿನ್ ದ್ರಾವಣದಲ್ಲಿ ಸುಮಾರು ಒಂದು ಮಾರು ಇರುತ್ತಿದ್ದ ಸ್ಪಂಜ್ ಫೋಮ್ ಅನ್ನು ಅದ್ದಿ ಅಂಚಿನಲ್ಲಿ ಜೋಡಿಸುತ್ತಿದ್ದಳು. ಮಧ್ಯದಲ್ಲಿ ರೇಷ್ಮೆ ಮೊಟ್ಟೆಗಳು ಒಂದು ಪೇಪರ್ ಗೆ ಅಂಟಿಕೊಂಡಿರುತ್ತಿದ್ದವು. ಅವುಗಳನ್ನು ಮೇಲ್ಮುಖ ಮಾಡಿ ಇಟ್ಟು ಮೇಲಿನಿಂದ ಇನ್ನೊಂದು ಬೆಡ್ ಶೀಟ್ ಮುಚ್ಚಿ ಇಡುತ್ತಿದ್ದಳು. ಈ ಕೆಲಸಕ್ಕೆ ನಾನು, ಕೆಲವೊಮ್ಮೆ ಮನೆಯಲ್ಲಿದ್ದರೆ ಅಪ್ಪ ಸಹಾಯ ಮಾಡುತ್ತಿದ್ದೆವು.

ಅಲ್ಲಿಂದ 2-3 ದಿನಗಳೋಳಗೆ ಪುಟ್ಟ ಪುಟ್ಟ ಕಪ್ಪು ಹುಳಗಳು ಹೊರಬರುತ್ತಿದ್ದವು. ಆ ಹುಳಗಳ ಪುಟ್ಟ ಬಾಯಿಗೆ ಇಡೀ ರೇಷ್ಮೆ ಎಲೆ ತಿನ್ನಲಾಗದು. ಅದಕ್ಕಾಗಿ ಹಿಪ್ಪುನೇರಳೆ ಸೊಪ್ಪನ್ನು ಸಣ್ಣಗೆ ಕತ್ತರಿಸಿ ಹಾಕಬೇಕು. ಈಗ ಅಪ್ಪ, ಅಮ್ಮ ಮತ್ತು ನಾನು ಯಾರು ಲಭ್ಯರೋ ಅವರು ಎಲೆ ಕೊಯ್ಯುವುದು ಮತ್ತು ಅವುಗಳನ್ನು ಕತ್ತರಿಸಿ ಹುಳಗಳ ಮೇಲೆ ದಿನಕ್ಕೆರಡು ಬಾರಿ ಹಾಕುವುದು ಅಮ್ಮನ ಕೆಲಸ.

ಸುಮಾರು ಎರಡು ವಾರಗಳಲ್ಲಿ ಎರಡು ಜ್ವರ ಪಾಸಾಗಿ ಮೂರನೇ ಜ್ವರದ ಹತ್ತಿರ ಬರಬೇಕು. ಈ ಹಂತದಲ್ಲಿ ಅವುಗಳ ರಕ್ಷಣೆ ಮಾಡಿಕೊಂಡಲ್ಲಿ ರೇಷ್ಮೆ ಬೆಳೆ ಕೈಗೆ ಬಂದಂತೆ. ಆದರೆ ಬಹಳ ಸಲ ಸೂಕ್ಷ್ಮ ರೇಷ್ಮೆ ಹುಳಗಳು ಗಂಟು ರೋಗವೋ, ಇನ್ನೊಂದೊ ಎಂದು ಅರ್ಧ ಸತ್ತು ಬೀಳುವುದೇ ಹೆಚ್ಚು. ಆಗೆಲ್ಲ ಅಮ್ಮ ನೋಡಿ, ಅದಕ್ಕೆ ಔಷಧಿ ಪೌಡರ್ ಹಾಕಿ, ಉಳಿದವನ್ನು ಬದುಕಿಸಿಕೊಳ್ಳುತ್ತಿದ್ದಳು. ಯಾವ ಪೌಡರ್ ಹಾಕುತ್ತಿದ್ದಳು?... ಮರೆತು ಹೋಗಿದೆ. ಇದು ಸುಮಾರು 30 ವರ್ಷಗಳ ಹಿಂದಿನ ಮಾತು.

ಇಲ್ಲಿ ಹಿಪ್ಪುನೇರಳೆಯ ಗುಣಮಟ್ಟ ಮುಖ್ಯ. ಹುಳಗಳನ್ನು ಸ್ವಚ್ಛ ಪರಿಸರದಲ್ಲಿ ಜೋಪಾನ ಮಾಡುವುದು ಮುಖ್ಯ. ಸಿಬಿ ಗಿಂತಲೂ ಬಯೋಲ್ಟಿನ್ ತಳಿ ಹೆಚ್ಚು ಗಟ್ಟಿತಳಿ. ಜೊತೆಗೆ ಹೋಲಿಕೆಯಲ್ಲಿ ಹೆಚ್ಚು ಬೆಲೆ ಬಾಳುವಂತದ್ದು. ಶುದ್ಧ ಬಿಳಿ ಬಣ್ಣದ ಗೂಡು ಬಯೋಲ್ಟಿನ್ ದಾದರೆ, ಚೆಂದನೆಯ ತಿಳಿಹಳದಿ ಸಿಬಿಯದ್ದು.

ನಮ್ಮ ಮನೆಯಲ್ಲಿ ಸ್ವಚ್ಛತೆಯ ತೊಂದರೆ ಇರಲಿಲ್ಲ. ಸಗಣಿ ಸಾರಿಸಿದ ನೆಲ, ಆರಾಮಾಗಿ ಬೀಸುವ ಗಾಳಿ ಇದ್ದವು. ಇಲಿ, ಹೆಗ್ಗಣಗಳ ಕಾಟ ಇರಲಿಲ್ಲ. ಹೇಳಿದ್ದೆನಲ್ಲ, ನಮ್ಮ ಮನೆಯ ಮಾಡಿನಲ್ಲಿ ಯಾವಾಗಲೂ ಒಂದು ಕೇರೆ ಹಾವು ಓಡಾಡಿಕೊಂಡಿರುತ್ತಿತ್ತು ಎಂದು. ಆದರೆ ಹಾಕುತ್ತಿದ್ದ ಎಲೆಗಳಲ್ಲಿ ಸತ್ವ ಕಡಿಮೆ ಮತ್ತು ಮನೆಯಲ್ಲಿ ಸೀಮೆ ಎಣ್ಣೆಯ ಚಿಮಣಿ ದೀಪ, ಒಲೆ ಉರಿಯ ಹೊಗೆ ಅವುಗಳಿಗೆ ಆಗುತ್ತಿರಲಿಲ್ಲ.

ಒಂದಾದರೂ ರೋಗ, ಅದರಲ್ಲೂ ಆ ಪುಟ್ಟ ಮೆತ್ತನೆಯ ಬಿಳಿ ಹುಳಗಳ ಗಂಟಿನ ನಡುವೆ ಕೀವಿನಂತಾ ದ್ರವ ತುಂಬಿ ಗಂಟು ಗಂಟಾಗಿ ಸಾಯುವಾಗ ನನಗೆ ಕರುಳು ಕಿತ್ತು ಬರುತ್ತಿತ್ತು.

ಯಾಕೆ, ರೇಷ್ಮೆ ಹುಳು ಸಾಯಿಸಿಯೇ ಬಟ್ಟೆ ಮಾಡುವುದು, ಆಗ ಬೇಸರ ಇಲ್ಲವೋ ಎಂದು ನೀವು ಕೇಳಬಹುದು. ಈಗಲೇ ನೋಡಿ ನನಗೆ ಭಗವದ್ಗೀತೆ ಹತ್ತಿರ ಆಗಿದ್ದು. ಆಗ ಭಗವದ್ಗೀತೆ ಕಂಠಪಾಠದ ತೊಂದರೆ ಇರಲಿಲ್ಲ. ವಿದ್ಯಾರ್ಥಿಗಳು ಬೇಕಿದ್ದರೆ ಓದಬಹುದಿತ್ತು. ಅಮ್ಮನಿಗೆ ಓದುವ ಹುಚ್ಚಿತ್ತು. ಅವರು ಕಾದಂಬರಿಗಳ ಜೊತೆಗೆ ಮಹಾಭಾರತವನ್ನೂ ಓದಲು ತರಿಸುತ್ತಿದ್ದರು.

ನಾನು ಹೈಸ್ಕೂಲಿನ ಲೈಬ್ರರಿಯಲ್ಲಿ ಅಮ್ಮನ ಅಭಿರುಚಿಗೆ ಒಪ್ಪುವ ಕಾದಂಬರಿಗಳನ್ನು ಹುಡುಕಿ ತರುತ್ತಿದ್ದೆ. ಅವುಗಳ ಜೊತೆಗೆ ಮಹಾಭಾರತವೂ ಸೇರಿತ್ತು. ಹಾಗೆ ಅಮ್ಮನಿಗೆ ಓದಲು ತರುವ ನೆವದಲ್ಲಿ ನಾನು ಎರಡನೆಯ ಬಾರಿ ಮಹಾಭಾರತ ಓದುತ್ತಿದ್ದೆ. ನನ್ನ ಸೊಂಪಾದ ರಾಶಿ ಕೂದಲಲ್ಲಿ ರೇಶ್ಮೆ ಹುಳಗಳಿಗಿಂತ ಸೋಂಪಾಗಿ ಹೇನುಗಳು ಬೆಳೆದಿರುತ್ತಿದ್ದವು. ಅವುಗಳನ್ನು ಅಮ್ಮ ತಾನು ಮನೆಯಲ್ಲಿದ್ದಾಗ ಹುಡುಕಿ ತೆಗೆದು ಕೂದಲು ಬಾಚಿಕೊಡುತ್ತಿದ್ದರು. ಆಗ ನನಗೆ ಅರ್ಥವಾಗದ ಕಥಾ ಭಾಗವನ್ನು ಅಮ್ಮನಲ್ಲಿ ಕೇಳಿ ತಿಳಿದುಕೊಳ್ಳುತ್ತಿದ್ದೆ. ಹೀಗೆ ಶ್ರವಣ -ಮನನ ಒಟ್ಟಿಗೆ ನಡೆದು ಒಂತರಾ ರಕ್ತಕ್ಕೆ ಅನುಭಾವ ಇಳಿದಿತ್ತು.

ಅದಕ್ಕಾಗಿ ತನ್ನ ಜೀವನ ಪ್ರಯಾಣವನ್ನು ಯಾರನ್ನೋ ಅಲಂಕರಿಸಿ ಖುಷಿ ಪಡುವಲ್ಲಿ ಮುಗಿಸಿಕೊಳ್ಳುವ ರೇಷ್ಮೆ ಹುಳದ ಬಗ್ಗೆ ಪಶ್ಚಾತ್ತಾಪ ಇತ್ತಾದರೂ ಅದರ ಬದುಕು ಸಾರ್ಥಕತೆ ಕಂಡಂತೆ ಅನಿಸುತ್ತಿತ್ತು. ಹೀಗೆ ರೋಗದೊಂದಿಗೆ ಯುದ್ಧ ಮಾಡಿ ಅಂತೂ ಉಳಿದ ಗಟ್ಟಿ ಹುಳಗಳು ಚೆನ್ನಾಗಿ ತಿಂದು ಅಪ್ಪನ ಬೆರಳಿನ ಗಾತ್ರವಾದಾಗ ನಾಲ್ಕನೇ ಜ್ವರ ಬರುತ್ತಿತ್ತು.

ಈಗ ಒಂದು ವಾರವಷ್ಟೇ. ಹುಳಗಳು ಹಣ್ಣಾಗುವ ಕಾಲ ಬಂದೇ ಬಿಡುತ್ತಿತ್ತು. ಹುಳಗಳ ಒಳಗೆ ಹಸಿರೆಲ್ಲ ಕರಗಿ ದಾರವಾಗುವ ಪ್ರಕ್ರಿಯೆ ಅದು. ಬೆಳ್ಳನೆಯ ಹುಳಗಳು ಈಗ ಪಾರದರ್ಶಕವಾಗಿ ಜೇನುತುಪ್ಪದ ಬಣ್ಣಕ್ಕೆ ತಿರುಗುತ್ತಿದ್ದವು. ಈಗ ಅವುಗಳನ್ನು ಚಂದ್ರಿಕೆಗೆ ಬಿಡುವ ಕೆಲಸ.

ಚಂದ್ರಿಕೆ ಗುಡಿಸಿ, ಹಿಂದಿನ ಬೆಳೆಯ ಅವಶೇಷಗಳನ್ನು ತೆಗೆದು, ಫಾರ್ಮಾಲಿನ್ ದ್ರಾವಣದಲ್ಲಿ ತೊಳೆದು, ಬಿಸಿಲಿನಲ್ಲಿ ಒಣಗಿಸಬೇಕು. ಬಹಳ ಸಲ ಅಮ್ಮನಿಗೆ ಮನೆಯಲ್ಲಿ ಇರಲು ಆಗುತ್ತಿರಲಿಲ್ಲ. ಒಂದು ಅವಳಿಗೋ, ನನ್ನ ಸಹೋದರನಿಗೋ ಹುಷಾರು ಇರುತ್ತಿರಲಿಲ್ಲ. ಹಾಗಾಗಿ ಶಿರಸಿ ಹತ್ತಿರದ ಅಜ್ಜನ ಮನೆಯಲ್ಲಿ ಹುಷಾರಾಗುವ ತನಕ ಇದ್ದು ಬರಬೇಕಾಗುವುದು ಅನಿವಾರ್ಯವಾಗಿತ್ತು.

ಪಾಪ, ಹೆಚ್ಚಾಗಿ ಇಂತಹ ಅನಿವಾರ್ಯ ಸಂದರ್ಭಗಳಲ್ಲೇ ಅವರಿಗೆ ಹುಷಾರು ತಪ್ಪುತ್ತಿತ್ತು. ಚಂದ್ರಿಕೆಗಳಿಗೆ ನಾನು, ಅಪ್ಪ ಮತ್ತು ನಮ್ಮ ಸಹಾಯಕಿಯ ಸಹಾಯದಿಂದ ಹುಳಗಳನ್ನು ಬಿಡುತ್ತಿದ್ದೆವು. ಅಮ್ಮ ತವರಿಂದ ಬರುವವರೆಗೆ ಗೂಡುಗಳು ಚಂದ್ರಿಕೆ ಬಿಟ್ಟು ಮಾರುಕಟ್ಟೆ ಸೇರಿ ಚಂದ್ರಕಲಾ ಇಷ್ಟಾಯಿತು, ಇಷ್ಟು ಖರ್ಚು ಮಾಡಿದೆ ಎಂಬ ಲೆಕ್ಕವಾಗುತ್ತಿತ್ತು.

ಈ ಮಧ್ಯದಲ್ಲಿ ಅಮ್ಮನಿಲ್ಲದಿದ್ದರೆ ಅಮ್ಮನ ಕೆಲಸವೆಲ್ಲ ನನ್ನದಾಗುತ್ತಿತ್ತು.
ರೇಷ್ಮೆ ಎಲೆ ಕೊಯ್ದು, ಕತ್ತರಿಸಬೇಕಾದರೆ ಕತ್ತರಿಸಿ, ಹಾಗೇ ಇಡೀ ಎಲೆ ಹಾಕಬೇಕಾದಾಗ ಇಡೀ ಎಲೆ ಹಾಕಿ ನೋಡಿಕೊಳ್ಳುವುದು,
ಹುಳುಗಳ ಆರೋಗ್ಯ ನೋಡಿಕೊಳ್ಳುವುದು ,
ಮನೆಯ ನೆಲವನ್ನು ಸಗಣಿ ಹಾಕಿ ಸಾರಿಸುವುದು,
ಸಾಯಂಕಾಲ, ಬೆಳಿಗ್ಗೆ ಬಾವಿಯಿಂದ ನೀರು ಸೇದಿ ಹಂಡೆ, ಬಕೆಟ್ಟು ಎಲ್ಲಾ ತುಂಬಿಸುವುದು,
ಚಿಮಣಿಗೆ ಸೀಮೆ ಎಣ್ಣೆ ಹಾಕುವುದು,
ಅಡುಗೆಗೆ ಕಟ್ಟಿಗೆ ಒಟ್ಟು ಮಾಡಿಕೊಳ್ಳುವುದು,
ಒದ್ದೆ ಬಟ್ಟೆ ಒಣಗಿಸುವುದು,
ಮಧ್ಯರಾತ್ರಿ ಬರುವ ಅಪ್ಪ ಮತ್ತು ಅವರ ಗೆಳೆಯರಿಗೆ ಊಟಕ್ಕೆ ಸಿದ್ಧಪಡಿಸುವುದು,
ಒರಳು ಕಲ್ಲಿನಲ್ಲಿ ದೋಸೆಗೆ ಅಕ್ಕಿ, ಚಟ್ನಿ, ಸಾರು ಇಂತಹವುಗಳನ್ನು ರುಬ್ಬಿಕೊಳ್ಳುವುದು,
ಅಸ್ತ್ರಒಲೆಗೆ ಬೆಂಕಿ ಹೂಡಿ ಕಾಲ ಕಾಲಕ್ಕೆ ಅಡುಗೆ ಮಾಡುವುದು, ಕೆಲವೊಮ್ಮೆ ಹಸುವಿಗೆ ಹುಲ್ಲು ಕತ್ತರಿಸುವುದು,
ರೇಷ್ಮೆ ಬೆಳೆ ಮುಗಿದ ಕಾಲದಲ್ಲಿ ಕತ್ತರಿಸಿದ ಗಿಡಗಳಿಗೆ ಸಗಣಿ ಗೊಬ್ಬರ ನೀಡುವುದು,
ಹಸುವಿನ ಹಾಲು ಕರೆಯುವುದು,
ದನ-ಕರುಗಳ ಆರೈಕೆ ಮತ್ತು
೩ ಕಿ.ಮೀ ದೂರದ ಶಾಲೆ ಮತ್ತು ಅದರ ಅಭ್ಯಾಸ, ಚಟುವಟಿಕೆಗಳು ನನ್ನ ದಿನಚರಿಯ ಭಾಗವಾಗಿರುತ್ತಿದ್ದವು.

ಈ ರೇಷ್ಮೆ ಬೆಳೆಯ ಕಾಲದಲ್ಲಿ ಮೊದಲು ಒಂದೂವರೆ ವರ್ಷ ನನ್ನದು ಹೆಚ್ಚಿನ ಬಾರಿ ಸಹಾಯಕಿ ಪಾತ್ರವೇ. ಆಮೇಲಾಮೇಲೆ ಪೂರ್ತಿ ಜವಾಬ್ದಾರಿ ಬಂದಿದ್ದೋ ಇದೆ.

ಇದರಿಂದ ನಾನು ರೇಷ್ಮೆ ಹುಳುವಿನಂತೆ ಜ್ಞಾನವೆಂಬ ಹಿಪ್ಪುನೇರಳೆಯನ್ನು ಸದ್ದಿಲ್ಲದೇ ಮೇಯುವ ಹಾಗಾದೆ. ನನ್ನೊಳಗಿನ ಕೋಶದಿಂದ ಪ್ರತಿನಿತ್ಯ ನನ್ನ ಸುತ್ತಲೂ ಗೂಡನ್ನು ಹೆಣೆದುಕೊಂಡು ನಾನೇ ನನ್ನೊಳಗೆ ಸತ್ತು ಸದ್ದಿಲ್ಲದೆ ಒಂದೊಂದೇ ಪದರದಿಂದ ಹೊಸ ಪಾತರಗಿತ್ತಿಯಾಗಿ ಹೊರಹೊಮ್ಮಿದೆ. ಬಹುಶಃ ಈಗ ನಾನು ಹೊದ್ದುಕೊಳ್ಳುತ್ತಿರುವ ಹೊಸ ಬಟ್ಟೆ, ಹೊಸ ಜೀವನ ರೇಷ್ಮೆ ಬೆಳೆ ನನಗೆ ನೀಡಿದ ಸದ್ದಿಲ್ಲದ ಮನೋಸ್ಮೃತಿಯ ಕೊಡುಗೆ.

✍️ಶೀಲಾ ಭಟ್

#sheelabhat #sericulture #malnad #villagestory #30yearssback #memoryofalittlegirl

1 month ago (edited) | [YT] | 2

View 0 replies

Sheela Bhat - ಕನ್ನಡ ಧ್ವನಿ

ಹೀಗೊಂದು ಬೆಳಗು..

ನಾನು ಬೆಳಿಗ್ಗೆ 6ಕ್ಕೆಲ್ಲ ನನ್ನ ಮಿತ್ರ ಮಾರುತಿಯೊಂದಿಗೆ ಒಂದು ಬಾರಿ ಮೈಸೂರು ಸಬರ್ಬ್ ಬಸ್ ಸ್ಟ್ಯಾಂಡ್ ಗೆ ಹೋಗಿಬರುತ್ತೇನೆ.

ಹಾಗೆ ಮರಳಿ ಬರುವಾಗ ಈ ಅಜ್ಜ " ತಿಮ್ಮಯ್ಯ" ಸಿಗುತ್ತಾರೆ.

ಪ್ರತಿದಿನ ಬೆಳಿಗ್ಗೆ 5 ಗಂಟೆಗೆ ಎದ್ದು ಕಡ್ಡಿ ಪೊರಕೆ ಮೆದೆ ಹೊತ್ತು ಹೊರಡುತ್ತಾರೆ.

ಇಲವಾಲದಿಂದ ಹೊರಟು ಇವರು ಪೂರ್ತಿ ಮೆದೆ ಮಾರಿ ಮುಗಿಯುವಾಗ ಊಟದ ಹೊತ್ತಾಗುತ್ತಂತೆ.

ದಿನವೊಂದಕ್ಕೆ ಸುಮಾರು ₹ 1300 ದುಡಿಯುತ್ತಾರಂತೆ.

30ಕೆಜಿ ಭಾರ ಹೊತ್ತು ತಿರುಗುವ ಈ ಅಜ್ಜನಿಗೆ ಈಗ 82!

ಮನೆ ಊಟ, ಪ್ರತಿ ದಿನ ರಾಗಿ ಮುದ್ದೆ ಕಡ್ಡಾಯವಾಗಿ ಸೇವಿಸುತ್ತಾರಂತೆ.

ನನಗೆ ಕಾಡುವ ಪ್ರಶ್ನೆ,

🔥ನಾನು ಎಷ್ಟೆಲ್ಲಾ ತಿಂದು ಏನೆಲ್ಲಾ ಸರ್ಕಸ್ ಮಾಡಿಯೂ ಈ ವಯಸ್ಸಿನವರೆಗೆ ಬದುಕುತ್ತೇನಾ?

🔥ಬದುಕಿದರೂ ಇಷ್ಟು ಭಾರ ಹೊರುವಷ್ಟು ಗಟ್ಟಿ ಇರುತ್ತೇನಾ?

🤔ತಪ್ಪಿದ್ದು ಎಲ್ಲಿ?

✍️ ಶೀಲಾ ಭಟ್

ಇನ್ನಷ್ಟು ವಿವರಗಳಿಗಾಗಿ ಈ ಲೇಖನ ನೋಡಿ 👇

sheelabhat.com/2026/07/02/higondu-belagu-82-year-o…

#lifestyle #social reflection #social analysis #antiaging #healthylifestyle #healthyliving

2 months ago (edited) | [YT] | 2

View 0 replies

Sheela Bhat - ಕನ್ನಡ ಧ್ವನಿ

3 months ago | [YT] | 2

View 0 replies

Sheela Bhat - ಕನ್ನಡ ಧ್ವನಿ

ಆಧುನಿಕ ವಧುವಿನ ಅಂತರಾಳ, ಭಾಗ - 7
ಹಿಂದಿನ ಭಾಗದಲ್ಲಿ ವಿವಾಹೇತರ ಸಂಬಂಧ ಯಾಕೆ ಎನ್ನುವ ಕಾರಣಗಳನ್ನು ಪಟ್ಟಿ ಮಾಡಿದ್ದೆವು. ಈಗ ಒಂದೊಂದಾಗಿ ನೋಡೋಣ.
ಇದೇನು ವಿಚ್ಚೇದನ ಅನ್ನೋದು ವಿಷಯ ಅಲ್ವಾ? ಅನ್ನಬಹುದು. ವಿವಾಹದಲ್ಲಿ ಮೂರನೇ ವ್ಯಕ್ತಿಗೆ ಆಸ್ಪದ ಬಂತು ಅಂದರೆ ಅದು ವಿಚ್ಚೇದನವೆ.
ಅದಕ್ಕೆ ಕಾನೂನು ಸಮ್ಮತಿ ಇರಲಿ, ಬಿಡಲಿ, ಆ ವಿವಾಹ ಬದುಕಿಲ್ಲ ಅಷ್ಟೇ. ಆದರೆ ಎಷ್ಟು ವಿವಾಹ ಹಾಗೆ ಕ್ಷಮೆ ಮತ್ತು ಹೊಂದಾಣಿಕೆಯಲ್ಲಿ ಮುಂದುವರೆದಿಲ್ಲ? ಎಂದು ನೀವು ಕೇಳಬಹುದು. ಈ ಕುರಿತು ವಿವರಣೆಯನ್ನು ಮುಂದೆ ನೀಡಲಿದ್ದೇನೆ.
ಈಗ ವ್ಯಕ್ತಿತ್ವಕ್ಕೆ ಬರೋಣ. ವಿವಾಹ ಮೊದಲು ನಾನು, ನನ್ನ ಬಯಕೆಗಳು, ನಿರೀಕ್ಷೆಗಳು, ಆತಂಕ, ಅನಿವಾರ್ಯತೆ ಹೀಗೆ ವೈಯಕ್ತಿಕ ಮಟ್ಟದಿಂದ ಹುಟ್ಟುತ್ತದೆ.
ನೀನು, ನಿನ್ನ ರೂಪ, ಬುದ್ಧಿ, ಭಾವ, ಅನುಕೂಲತೆಯ ಮೂಲಕ ಬೆಳೆಯುತ್ತದೆ.
ನಾವಿಬ್ಬರೂ ಒಂದಾಗಿ ಕುಟುಂಬ, ಅದರ ನಿರೀಕ್ಷೆಗಳು, ಕನಸುಗಳಲ್ಲಿ ವಿಸ್ತರಿಸಿ, ಸಮಾಜದಲ್ಲಿ ಬೆಳೆಯುತ್ತೇವೆ.
ಈಗ "ನಾನು "ವಿಗೆ ಬರುವುದಾದರೆ, ನನ್ನ/ ಮದುವೆಯಾಗ ಬೇಕಾದ ವ್ಯಕ್ತಿ ತನ್ನನ್ನು ತಾನು ಅರಿಯುವುದು, ಬೆಳೆಯುವುದು ಬಹಳ ಮುಖ್ಯ.
ವಿವಾಹದ ಯಶಸ್ಸು ಬಹುತೇಕ ಇಲ್ಲೇ ನಿರ್ಧಾರವಾಗುತ್ತದೆ.
ವಿವಾಹ ಯೋಗ್ಯ ವಯಸ್ಸಿನ ಹೆಣ್ಣು/ಗಂಡಿಗೆ ಮೊದಲು ತನ್ನ ವ್ಯಕ್ತಿತ್ವ, ಅದರ ಇತಿ -ಮಿತಿಗಳು ತಿಳಿದಿರಬೇಕು. ತನಗೆ ಯಾವುದು ಬೇಕೇ ಬೇಕು, ಯಾವುದು ಬೇಡವೇ ಬೇಡ ಎಂಬ ಸ್ಪಷ್ಟತೆ ಇರಬೇಕು.
ಉದಾಹರಣೆಗೆ ತನಗೆ ಇರುವ ಸಿಟ್ಟಿನ ಸ್ವಭಾವ ! ಅದನ್ನು ತನ್ನ ಹತ್ತಿರ ನಿಯಂತ್ರಿಸಲು ಅಸಾಧ್ಯ. ಆಗ ತಾನು ಆಯ್ಕೆ ಮಾಡಿಕೊಳ್ಳುವ ವ್ಯಕ್ತಿಯಲ್ಲಿ ಸಿಟ್ಟು ಇರಬಾರದು. ತಾನೊಂದು ಮಾತು ಹೇಳಿದರೆ ಆಕೆ /ಆತ ಸಮಾಧಾನದಿಂದ ಕರೆದುಕೊಂಡು ಹೋಗುವಂತಿರಬೇಕು.
ವಿಷಾದವೆಂದರೆ ಹೆಚ್ಚಿನ ಹೆಣ್ಣು /ಗಂಡು ಮೂಗು, ಬಾಯಿ ಅಳತೆ ಎಂಬ ದೈಹಿಕ ಮಾನದಂಡ ಅಳತೆಗಳಲ್ಲೇ ಆಯ್ಕೆ ಮಾಡುತ್ತಾರೆ. ಅವನು/ಅವಳು ನನ್ನ ಎತ್ತರ, ನೋಟ, ರೂಪ ಎಂಬ ಮಟ್ಟಕ್ಕೆ ಆಯ್ಕೆ ನಿಲ್ಲುವ ಸಾಧ್ಯತೆ ಹೆಚ್ಚು.
ವಿವಾಹಕ್ಕೆ ರೂಪ 10% ರಷ್ಟು ಮಾತ್ರ. ತುಂಬಾ ಸುಂದರಿ -ಸುಂದರರು ನರಕ ಯಾತನೆಯಲ್ಲಿಯೂ, ಸಾಧಾರಣ ರೂಪ/ಕುರೂಪ ಎನ್ನುವವರು ಸಹ ಎಷ್ಟು ಚೆನ್ನಾಗಿ ಸಂಸಾರ ಮಾಡಿಕೊಂಡು ಹೋಗುವುದನ್ನೂ ನೋಡಿದಾಗ ನಾನು ಹೇಳುತ್ತಿರುವುದು ನಿಮಗೆ ಅರ್ಥವಾಗಬಹುದು. ವಿವಾಹದಲ್ಲಿ ವ್ಯಕ್ತಿತ್ವ ಮುಖ್ಯವೇ ಹೊರತು ಬಾಹ್ಯ ರೂಪ ಕಡಿಮೆ ಮಹತ್ವದ್ದು.
ಈಗ ಬ್ರಾಹ್ಮಣ ಹುಡುಗಿಯರಲ್ಲಿ ಈ ವಿಷಯ ಸ್ವಲ್ಪ ಮುಂದೆ ಹೋಗಿ ಪ್ರಶ್ನೆ ಮತ್ತು ಚಿಂತನೆ ಆರಂಭವಾಗಿವೆ. ಹುಡುಗಿಯರ ಚಿಂತನೆ ತನ್ನಿಂದ ಹೊರಟು, ಹೊರಗಡೆ ಏನು ನಡೆಯುತ್ತಿದೆ ಎಂಬ ಅರಿವಿಗೆ ಬಂದಿದೆ.
ಬ್ರಾಹ್ಮಣ ಹುಡುಗ ಅದೇ ಹಳೆಯ ರೂಪ ಮತ್ತು ಅನುಕೂಲದ ಮಾನದಂಡಕ್ಕೆ ನಿಂತಿದ್ದಾನೆ. ಸ್ವಲ್ಪ ಓದಿದ್ದಾನೆ ಎಂದುಕೊಂಡು ಎರಡು ಮಾತನಾಡುವ ಹೊತ್ತಿಗೆ ತನ್ನ ಒಬಿರಾಯ ವಿಚಾರಗಳನ್ನೇ ಸ್ಪಷ್ಟ ಪಡಿಸಿರುತ್ತಾನೆ. ಅಲ್ಲಿಗೆ ಅವಳ ಮುಂದೆ "ನಿರಾಕರಣೆ " ಅನಿವಾರ್ಯ ಅನ್ನುವುದಾಗುತ್ತದೆ.
ಈ ಬಗ್ಗೆ ಇನ್ನಷ್ಟು ಮುಂದಿನ ಸಂಚಿಕೆಯಲ್ಲಿ...
ಮುಂದುವರೆಯುವುದು
✍️ಶೀಲಾ ಭಟ್
#Sheela Bhat #social analysis #marriage problem #divorce reasons #divorceremidies

3 months ago | [YT] | 4

View 0 replies

Sheela Bhat - ಕನ್ನಡ ಧ್ವನಿ

ಆಧುನಿಕ ವಧುವಿನ ಅಂತರಾಳ, ಭಾಗ - 6

ಈ ಸರಣಿಯ ಪೀಠಿಕೆಯಲ್ಲೇ ಒಬ್ಬರು ಹೇಳಿದ್ದಾರೆ, ವಿಚ್ಚೇದನಕ್ಕೆ ವಿವಾಹೇತರ ಸಂಬಂಧ ಕಾರಣ ಎಂದು.

ನನ್ನನ್ನು ಸುಮ್ಮನೆ ಕೇಳಿದರೆ ನಾನೂ ಹೇಳುತ್ತೇನೆ - " ಮಾಡೋಕೆ ಬೇರೆ ಕೆಲಸ ಇರಲ್ಲ, ತಿಂದುಂಡು ದಿವಿನಾದ ಮೈ - ಸುಖ ಬಯಸಿ ಹೋಗಿಬಿಡುತ್ತೆ!" ಎಂದು.

ಆದರೆ ಒಬ್ಬ ಮನುಷ್ಯಳಾಗಿ, ಸಮಾಜ, ಸಂಬಂಧ ಮತ್ತು ವ್ಯವಸ್ಥೆಗಳ ಬಗ್ಗೆ ಅಧ್ಯಯನ ನಡೆಸುವವಳಾಗಿ,

ಎರಡು ದಶಕಗಳ ಕಾಲ ವಿವಾಹೇತರ ಸಂಬಂಧದ ಭಾಗವಾಗಿ,

ಖಾಸಗಿ ವಾಹಿನಿಯೊಂದರಲ್ಲಿ "ಇದು ಯಾರು ಬರೆದ ಕಥೆಯೋ" ಎನ್ನುವ ಗಂಡ-ಹೆಂಡಿರ ಜಗಳ ಹಚ್ಚುವ 😂 ಬಿಡಿಸುವ ನಾಟಕದ ಕಾರ್ಯಕ್ರಮ ಮಾಡಿದ ಅನುಭವದಿಂದ

ನಾನು ನನ್ನ ಜೀವನ ದಲ್ಲಿ ಮಾಡಿದ ಪ್ರಯೋಗಗಳು, ಫಲಿತಾಂಶಗಳು ಮತ್ತು ಮನೋವೈಜ್ಞಾನಿಕವಾಗಿ ಹೇಳುವುದಾದರೆ -

ವಿವಾಹೇತರ ಸಂಬಂಧ ವಿಚ್ಚೇದನಕ್ಕೆ ಕಾರಣ ಅಲ್ಲವೇ ಅಲ್ಲ. ಬದಲಿಗೆ ಅದು ವಿವಾಹಗಳನ್ನು ಹಿಡಿದಿಟ್ಟಿರುವ ದೊಡ್ಡ ಕಾರಣ.

ವೇಶ್ಯವಾಟಿಕೆ ಕೂಡ ವಿಚ್ಚೇದನಕ್ಕೆ ಕಾರಣ ಅಲ್ಲ, ಅದೂ ಕೂಡ ವಿವಾಹ ಇನ್ನೂ ವ್ಯವಸ್ಥೆಯಲ್ಲಿಡುವುದಕ್ಕೆ ಕಾರಣ!

ಹೇಗೆ?

ಅದಕ್ಕೂ ಮೊದಲು ವಿವಾಹೇತರ ಸಂಬಂಧ ಯಾಕೆ ಆಗುತ್ತೆ ಅನ್ನುವುದನ್ನು ನೋಡೋಣ.

1. ವ್ಯಕ್ತಿತ್ವ
2. ಮೌಲ್ಯ
3. ಮಾನಸಿಕ ತೊಂದರೆ
4. ದೈಹಿಕ / ಮಾನಸಿಕ ಅಗತ್ಯತೆ
5. ಸಂಗಾತಿಯ ನಿರ್ಲಕ್ಷ
6. ಮುಯ್ಯಿ ತೀರಿಸಿಕೊಳ್ಳುವ ಹಠ
7. ಅದಾಗಲೇ ಒಲ್ಲದ ಮದುವೆ

ಇಷ್ಟು ಮುಖ್ಯ ಕಾರಣಗಳನ್ನು ನಾನು ಗಮನಿಸಿದ್ದೇನೆ. ಎಂತ ಕಾಕತಾಳೀಯ ನೋಡಿ. ವಿವಾಹಕ್ಕೂ 7 ವಚನಗಳು, ಮುರಿದು ಬೀಳಲೂ 7 ಸಂಗತಿಗಳು.

ಮೊದನೆಯದು ಎಲ್ಲಕ್ಕಿಂತ ದೊಡ್ಡ ಕಾರಣ.

1. ವ್ಯಕ್ತಿತ್ವ

ಒಂದು ಮಾತಿದೆ - ಹಣ ಬಂದಾಗ ಗಂಡಿನ ನಿಯತ್ತು, ಹಣವಿಲ್ಲದಾಗ ಹೆಣ್ಣಿನ ನಿಯತ್ತು ಗೊತ್ತಾಗುತ್ತೆ! ಅಂತ. ಅದು ಸುಳ್ಳಲ್ಲ.

ಇವತ್ತು, ಯಾವತ್ತೂ ಸಿರಿವಂತ ಗಂಡಸಿನ ಹಾಸಿಗೆಯಲ್ಲಿ ಎಷ್ಟೋ ಹೆಣ್ಣು /ಗಂಡು ಬಿದ್ದು ಎದ್ದು ಹೋಗುತ್ತಾರೆ!

ಅದೇ ರೀತಿ ಹೆಣ್ಣಿನ ನಿಯತ್ತು ಬಹಳಷ್ಟು ಬಾರಿ ಸಿರಿತನ /ಸುಖ /ಸೌಲಭ್ಯದ ಆಸೆಗೆ ಮಣ್ಣಾಗಿದೆ!

ಹಾಂ! ನಿನ್ನೆ ಒಂದು ಪೋಸ್ಟ್ ಹಾಕಿದ್ದೆ - ನನಗೀಗ 25, ನಾನಿನ್ನೂ ಮಗು, ಮತ್ತೊಂದು ಬೆಳೆದ ಮಗುವನ್ನು ದತ್ತು ತೆಗೆದುಕೊಳ್ಳಲಾರೆ! ಎಂದು. ಅದಕ್ಕೆ ಹೆಣ್ಣು ವಿವಾಹ ಮುಂದೂಡುವುದಕ್ಕೆ ಸ್ವಾತಂತ್ರ್ಯ, ಸ್ವಚ್ಛೆ ಕಾರಣ ಎಂಬ ಮಾತು ಕೇಳಿಬಂತು.

ಈಗ ವ್ಯಕ್ತಿತ್ವದ ಬಗ್ಗೆ ಮಾತನಾಡುವಾಗ ವಿಷಯ ಅಲ್ಲಿಗೇ ಬರುತ್ತದೆ - ವಿವಾಹದ ಯಶಸ್ಸಿಗೆ ವ್ಯಕ್ತಿತ್ವ ಎಷ್ಟು ಮುಖ್ಯ?

ನಾಳೆ ನೋಡೋಣ...

ಮುಂದುವರೆಯುತ್ತದೆ...

✍️ಶೀಲಾ ಭಟ್
#sheela bhat #social analysis #marriage problems #divorce reasons#divorceremedies

3 months ago | [YT] | 7

View 2 replies