dempasan

ඉතාලියෙන් තවත් ජයක් 👌🇮🇹

ඔයාලා දන්නවනේ මම අලුත් අවස්ථා ලැබෙනකල් ඉන්න කෙනෙක් නම් නෙමෙයි. මහන්සියෙන් අලුත් අවස්ථා හදාගන්න කෙනෙක්. ඉතිං මේ ඉතාලිය ඇතුලේ අවුරුදු 3ට කරපු තවත් මහන්සියක ප්‍රතිඵලයක්.

Italo Sri Lankese ජාලය සහ UILTucs සමඟ ශ්‍රී ලංකා කොන්සියුලර් කාර්‍යාල එක්ව සංවිධානය කරපු "COLF Generico" පාඨමාලවට සම්බන්ධ වෙලා පැය 40ක කාලයක්, දිණ ගණනාවක් පුරා දැනුම ගොඩාක් අරගන්න මට වගේම සහභාගී වෙච්ච හැමෝටම පුලුවන් වුණා. ඒ ගැන lidia ඇතුළු හැම කෙනෙක්ටම මුලින්ම ස්තූතිවන්ත වෙනවා.

යුරෝපය කියන්නේ අලුත් දොරටු විවර වෙන තෝතැන්නක්. ඉතිං ඒ දොරටු විවර වෙනකොට අපිත් හොඳ සූදානමකින් ඉන්න ඕනේ. ඒ නිසාමයි මට හම්බෙන හැම අවස්ථාවක්ම හරිම ආසාවෙන් භාරගන්නේ සහ අභියෝග ගොඩක් මැද්දේ වුණත් ඒ හැම දෙයක්ම සාර්ථකව අවසන් කරන්නේ. මේ course එකත් ඒ වගේමයි. ඒ විතරක් නෙමෙයි ඉස්සරහටත් අනිවාර්යයෙන්ම මගේ ජීවිතයට තව ගොඩාක් අත්දැකීම් මම එකතු කරගනීවි.

ඉතිං මාව බලන ඔයත් ඔයාගේ අනාගතය ගැන හිතලා අද ලැබෙන පොඩි අවස්තාවක් වුණත් මග නොහැර ලබාගන්න. මොකද අපි නොහිතන විදියට ඒ හැම දෙයක්ම අපේ ජීවිතයට අත්දැකීම් දෙනවා.

පුංචි වුණත් හරිම සැරයිලුනේ "ගම්මිරිස් ඇටේ"

🇮🇹

✍ dempasan

14 hours ago | [YT] | 1,092

dempasan

🔴 🕎 සියවසකට අධික කාලයකින් පසු වයස්ගතම පාප් වහන්සේ වන ෆ්‍රැන්සිස් පාප් වහන්සේ ස්වර්ගස්ථ වූ බැවින්, ලෝකයේ බලවත්ම කතෝලිකයා ලෙස මීළඟට තේරී පත්වන්නේ කවුරුන්ද යන්න පිළිබඳව සමපේක්ෂන පැතිර යමින් පවතී.

පාප්වරයෙකුගේ මරණයෙන් හෝ ඉල්ලා අස්වීමෙන් පසු, වතිකානුවේ සිස්ටයින් දේවස්ථානයේදී සම්මේලනයක් කැඳවනු ලබන අතර, එහිදී කාදිනල්වරු පල්ලියේ ඊළඟ ප්‍රධානියා තීරණය කිරීම සඳහා ඡන්ද වටවලට සහභාගී වෙති. ඊළඟ සම්මේලනයේදී කාදිනල්වරුන් 253 දෙනාගෙන් 138 දෙනෙකුට පමණක් ඡන්දදායකයින් ලෙස සේවය කළ හැකි අතර වයස අවුරුදු 80 ට වැඩි කිසිදු කාදිනල්වරයෙකුට ඡන්දය ප්‍රකාශ කිරීමට සහභාගී විය නොහැක.

තාක්‍ෂණිකව ඕනෑම රෝමානු කතෝලික පුරුෂයෙකුට ශාන්ත පීතරගේ උරුමක්කාරයා ලෙස තේරී පත් විය හැකි නමුත්, ලොව පුරා සිටින කාදිනල්වරුන් 253 දෙනාගෙන් එක් අයෙකු
රෝමයෙහි අග්‍රරාජගුරු ප්‍රසාදීන් වහන්සේ ලෙස වතිකානු පුරවර රාජ්‍යයෙහි පරමාධිපත්‍යධාරියා බවට පත් වනු ඇත.

මීළඟ පාප්වරයා වීමට ප්‍රමුඛ අපේක්ෂකයින් 12 දෙනාගේ ලැයිස්තුව.

මේ ලැයිස්තුවේ අපෙව් රටින් බිහිවූ මැල්කම් රංජිත් කාදිනල් කාදිනල් හිමියනුත් ඉන්නවා.

ගොඩාක් වෙබ් අඩවි වලින් කවුරුන් ඊලාග පාප්තුමා වේවිදැයි අනුමානය කර තිබෙනවා.

මේ චායාරූපයෙත් තිබෙන්නේ එවැනි අනුමාන කිරීමක්.

තවත් තැන්වල ඉතාලියෙන් බිහිවේවි කියා කියනවා. තවත් තැන්වල Sarah කාදිනල්ට තැනක් ලැබේවී කියලා කියනවා.

කෙසේ වෙතත් ඔය තීරන අවසන් මොහෙතේ වෙනස් වෙන්න පුළුවන්. යම් විදියකින් අපේ රටින් බිහිවුවහොත් එය මුලු ලෝකෙම හොල්ලන නිව්ස් එකක් හා අපේ රටට ජිවිත කාලෙටම නොලැබෙන අවස්තාවක් වෙන්න පුළුවන්.

ඔබ හිතන්නේ මීලග පාප්තුමන් කවුරුන් වේවිද?

උපුටගැනීම Thilana Fernando අයියාගෙන්

4 days ago | [YT] | 609

dempasan

උතුම් ෆ්‍රැන්සිස් පාප් වහන්සේ ගේ අවමංගල්‍ය කෙලෙස සිදුවේවිද ❓

වතිකානුවේ සහ කතෝලික සභාවේ උත්තරීතර නායකයා මෙන්ම ඉතාලියේ ආගමික හා අධ්‍යාත්මික සෙවණැල්ල වන අති උතුම් ෆ්‍රැන්සිස් පාප් වහන්සේ අද උඳාසන ස්වර්ගස්ථ වූ බව කතෝලික සභාව මගින් නිවේදනය කොට ඇත.

එවන් තත්ත්වයක මීලඟ අනුප්‍රාප්තිකයා තේරීමේ කටයුතු නිල වශයෙන් සිදුවීමට නියමිත අතර ෆ්‍රැන්සිස් පාප් වහන්සේගේ අවමංගල්‍ය කටයුතු සිදු වෙන ආකාරය ගැන කතා බහක් ඇති වෙමින් පවතී.

ෆ්‍රැන්සිස් පාප් වහන්සේ අනෙකුත් පාප්වරුන්ට වඩා වෙනස් පිලිවෙත් කිහිපයක්ම තම අවමංගල්‍ය චාරිත්‍ර වලට එක්කොට ඇත.
👉 පාප් වහන්සේගේ දේහය තැන්පත් කෙරෙනුයේ උන් වහන්සේ නිතර විදේශ ගමන් වලට පෙර යාතිකා වල යෙදෙන රෝමයේ පිහිටි "basilica di santa maria maggiore" හි දී ය. අනෙකුත් පාප් වරුන්ගේ දේහයන් 91 ක් තැන්පත් කොට ඇති වතිකානුවේ සාන්ත පීතර බැසිලිකාවෙන් මිදී මෙලෙස තැන්පත් කෙරෙණුයේ වසර 100 කට පමණ පසුවයි.
👉 පෙර පැවති මිනී පෙට්ටි 3ක චාරිත්‍රයෙන් මිදී (සයිප්‍රස් ලී,ලෙඩ් ලෝහය, ලී) මෙවර ෆ්‍රැන්සිස් පාප් වහන්සේගේ දේහය සරල ලී පෙට්ටියක සරල ලෙස භූමදානය වනු ඇත. මහජන ප්‍රදර්ශනයක් නොපවත්වා යනුවෙන්ද එහි සඳහන් වේ.
👉 උන්වහන්සේගේ දේහය පියන් විවෘතව තැබෙන අතර ඒ සම්බන්ධව පියන් වැසීමේ උත්සවයක් ද සූදානම් නොවනු ඇත.

මීට අමතරව තවත් විවිධාකාර නව චාරිත්‍ර මෙන්ම පෙර පැවති චාරිත්‍ර ද අනුගමනය කෙරෙමින් පාප් වහන්සේ ගේ අවමංගල්‍ය උත්සවය සංවිධානය වනු ඇත. කෙසේ වෙතත් ලෝක සත්ත්වයා වෙත කරුණා දක්වමින් වසර 88ක් පුරාවට ලෝක සාමය ආරක්ෂා කිරීම පිණිස කැපවූ අති උතුම් ශුද්ධෝත්තම ෆ්‍රැන්සිස් පාප් වහන්සේ හට උතුම් සාමය ප්‍රාර්ථනා කරමු !

🕊

✍ dempasan

4 days ago | [YT] | 2,872

dempasan

මම හැම මාසෙම වගේ කරන හොඳ දෙයක් ගැන දාන්න හිතුණා 🙏❤️

මේක මම දැන් අවුරුද්දකටත් වැඩි කාලයක් තිස්සේ කරන දෙයක්. හැබැයි මේකේ දැම්මේ නෑ. ඒත් නිකං කවුරු හරි දැකලා පුලුවන්කමක් තියන කෙනෙක් නම් මේ වැඩේ අනුකරණය හරි කරයිනේ කියලා දාන්න හිතුණා.

මම හැම මාසෙම මුදල් අග හිඟකම් තියන පවුලක් හෝ දෙකක් බලලා බඩු මල්ලක් දෙනවා රුපියල් පන් හයදාහක විතර. හැම මාසෙම එකම පවුල් වලට දෙන්නේ. ඒ පවුල් වල අයත් අඳුරන අය. මට තේ උගුරක් හරි දීපු. මගේ අම්මා ඉස්සර ඉඳලම කියන්නේ උදව්වක් කරද්දි ඉස්සෙල්ලා තමන්ගේ එවුන්ට, අඳුරන එවුන්ට කරන්න කියලා. ඊට පස්සේ අනෙක් එවුන්ට. ඒකේ හරි වැරද්ද නම් තේරෙන්නේ නෑ ඒත් මම දෙන්නේ මම පොඩ්ඩක් හරි අඳුරන අයට. අඳුරන අය ගොඩ වෙලාවට ඉස්සෙල්ලම අපේ පරහට හිටිනවා තමයි. ඒක වෙනම කතාවක්..

මෙතන මහ ගොඩක් බඩු නෑ. මට පුලුවන් විදියට ඉතිං දෙන්නේ. සමහර දවසට මගේ ලංකාවේ යාළුවෝ එකතු වෙලා පුලුවන් ගාණක් දාලා බඩු මල්ලක් දෙනවා වැඩිපුර පවුලකට. ඒ මිනිස්සුන්ට සතියකට හරි පොඩි සහනයක් මේ බඩු ටික. ඉතිං තමන්ගේ එවුන්ට වගේම හැම කෙනෙක්ටම අමාරු මේ කාලේ ඔයාලටත් පුලුවන් නම් පුලුවන් විදියට මිනිස්සුන්ට උදව් කරන්න.

මම බව්වොන්ට නම් හැම මාසෙකටම දෙපාරක්වත් කන්න දෙනවාමයි. මම ලංකාවේ නැති වුණත් මට ඒවට උදව් කරන යාළුවොත් මට දෙයියනේ කියලා ඉන්නවා. පිං වලට අත දෙන යාලුවොත් පිනක්ලුනේ.

ඉතිං ඔයාලත් තනියම හරි, කට්ටියක් එකතු වෙලා හරි අසරණ කෙනෙක්ට පුලුවන් විදියට උදව් කරන්න. මේ අපි හැමෝම මැරෙන්න ආපු ගමනේ එකිනෙකාට උදව් පදව් කරගන්න එක අනිවාර්යය දෙයක් !

❤️🙏

Skip the Carousel

1 2

1 week ago | [YT] | 2,253

dempasan

රස පිරුණු අලුත් අවුරුද්දකට ආසිරි 🙏❤️

ඔන්න ඉතිං මේ පාර අවුරුද්දටත් එදා ඉඳලම අමාරු ඇති කියලා හිතාගෙන හිටපු කෑමක් හැදුවා. "මුං කැවුම්". පුංචි කාලෙ ඉඳලම මම හරිම ආස කෑමක්. ජීවිතේ පලවෙනි වතාවට හැදුවා වුණාට මේ අලුත් වැඩේ හරි ලස්සනට සාර්ථක කරගත්තා 😍

අවුරුදු කැවිලි හදන්න දැන් දැන් අපි අදිමදි කලාට ගොඩාක් කැවිලි වර්ග හදන්න හරි ලේසියි. අනික මේ කැවිලි කන්නෙත් අපේම අය නිසා පොඩ්ඩක් එහෙට මෙහෙට වුණා කියලා එහෙම ලොකුවට බය වෙන්න උවමනා නෑ. කට්ටිය එක්ක එකතු වෙලා හදන එකයි වැදගත්. මොකද පවුලේ සතුට රැඳිලා තියෙන්නෙම එතනනේ.

ඉතිං මේ අලුත් කෑමත් එක්ක මගේ අවුරුද්ද මේ පාරත් තව තවත් රසවත් වුණා. මට කෑම හදන්න කියලා දුන්නු හෑම කෙනෙක්ටම තව තවත් ස්තූතිවන්ත වෙන අවුරුද්දක් වුණා. ඉතිං මට වගේම ආදරණීය ඔයාලා හැමෝටමත් සතුට සාමය ඉතුරුණු, ජයග්‍රහණ වැඩිවුණු, රස පිරුණු, සුභම සුභ අලුත් අවුරුද්දක් වේවා !

🇱🇰

✍ dempasan

1 week ago | [YT] | 1,233

dempasan

අපේ ගෙදර උයන්නෙත් දැන් මම ❤️

ඔයාලට මතක ඇති කලින් මම කියලා තියනවා මම බලාගන්න සීයාගෙ නෝනට, මගේ ආච්චිට අමතක වෙන ලෙඩක්, එහෙමත් නැතිනම් alzheimer තියනවා කියලා. රෝගය පාලනය කරන එක අමාරු නිසා කාලය එක්ක ටික ටික මතකය නැති වෙලා යනවා. ඉතිං ඒ වගේ දැන් දැන් ආච්චුට උයන පිහන රෙසිපි එහෙම අමතකයි.

ඕක ඉතිං සිය පාරක් එකම දේ කියනවට වැඩිය මම ම උයන එක ලේසි නිසා මම උයන්න පටන් ගත්තා. දවස ගාණේ ඉස්සර කෑවෙ එකම වගේ දේවල් වුණාට දැන් ඉතිං මම හිතලා හැමදාම වගේ පුලුවන් තරම් වෙනස් දේවල් හදන්නේ. මේ අද හදපු කෑම වේල. සුක්කිනි, බෙල් පෙපර්, මස් පෙත්තක් වගේන චීස්, පලාවර්ග තියන රවුමක්. එයාලට ඕන පෝෂණය පුලුවන් තරම් සමබර කරගන්න එපැයි.

මේ ඔක්කොටමත් වඩා මම කල්පනා කරන්නේ ආච්චි ගැන. හිතලා බලන්නකෝ ඉතිං තමන්ට උයා පොහා ගන්න ඒවා පවා අමතක වෙනවා කියන්නෙ ? ඒ විතරක් නම් මදැයි දැන් කන එකත් අමතකයි. Alzheimer ලෙඩේ නිසා මොලෙන් සංඥා හුවමාරු වෙනවා දුර්වලයි. බඩගිනි දැනුනට මොලේට කන්න ඕනේ කියලා දැනෙන්නේ නෑ. ඉතිං පිටින් කෙනෙක් ඉඳලා කෑම කන්න දෙන්නම ඕනේ. මේ වගේ ලෙඩ තත්ත තියන අයට නම් අනිවාර්යයෙන්ම කෙනෙක් ඕනෙමයි.

අනේ අනිච්චං සංසාරේ කියලා ඉතිං අපිත් මේ දුවන ජීවිතේ එක තැනකදි වෙනස්ම විදියකට නතර වෙන්න පුලුවන් නේද? මේ කොයි දේටත් සූදානමින් ඉන්න එක වගේම, ඉන්නකල් ලස්සනට හරියට ජීවත් වෙන එකත් හරිම වැදගත්. මොකද ඉතිං ජීවිතේ හරි හරියට පෙරලෙන පිටු තියන පොතක් වගේනේ.... !

✍ dempasan

2 weeks ago | [YT] | 1,873

dempasan

ඔන්න සිංහල අලුත් අවුරුද්දට dempasan store වෙතින් සුපිරි වාසියක් ‼️

මේ අවුරුදු සමයේ 👉 ‪+94 76 052 0798‬ අංකය හරහා the ordinary සන්නාමයේ ඔබ මිලදීගන්නා සෑම රු.25,000 කට වැඩි බිල්පත් සඳහා 10% ක වට්ටමක්

ඉක්මන් කරන්න තොග සීමිතයි ‼️

Link 👉 wa.me/94760520798

2 weeks ago | [YT] | 129

dempasan

ආඩම්බරයිද,

ඇත්තටම යුරෝපේ ජීවත් වෙන එක ආඩම්බරයකට වැඩිය මට දැනෙන්නේ හරිම නිදහස් කියල, ලොකුම නිදහස සමාජෙට උත්තර දීමට අවශ්‍ය නොවීම. මෙහෙ සමාජේ හැදිලා තියෙන්නේ තව කෙනෙක්ව ප්‍රශ්න නොකර ජිවත් වෙන්න ඕනේ කියල.

ලංකාවේ ගොඩක් මිනිස්සුන්ගේ නිදහස නැති වෙන්නේ සමාජෙන් එන පීඩනයට උත්තර හොයන්න යාමෙන්. ඒ එන පීඩනය නොගන ජීවත් වෙලා බලන්න මාරම නිදහසක් දැනෙයි.

ඔයාලත් පුළුවන් තරම් අනුන්ගේ දේවල් හොයන්නේ නැතුව මිනිස්සුන්ව විවේචනය නොකර ජීවත් වෙන්න බලන්න, දියුණු සමාජයකට ඇවිල්ලත් ඒ දේවල් කරනවා කියන්නේ අපි හරිම පහත් මිනිස්සු කොට්ටාසයක් වෙනවා.

උපුටාගැනීමකි

3 weeks ago | [YT] | 1,720

dempasan

හෙට අපේ saturday live chat එක තියනවා 💯❤️

පුරුදු වෙලාවට රෑ 7ට එන්න. ඔයාලා හැමෝම එනකල් අපි බලාගෙන ඉන්නවා 🥹❤️

#dempasan

3 weeks ago | [YT] | 245

dempasan

Facebook එකෙත් Followers ලා ලක්ෂයක් ❤️🥹

ඔන්න ඉතිං මගේ social media platforms අතරින් භීසනකාරීම platform එක වෙච්ච බුකියෙත් අවසානෙට මට ආදරේ කරන අය ලක්ෂයක් එකතු වුණා. 🙊❤️ මේක මට නම් එසේ මෙසේ ගාණක් නෙමෙයි. ලක්ෂයක් මගේ වටා එකතු වෙලා මිලියන ගණනාවක නැරඹුම් වාර සම්පූර්ණ වෙනවා කියන්නෙම creator කෙනෙක් විදියට මට හරිම ලොකු දෙයක්. ✅💯

Facebook එක ඉස්සර ඉඳලම මගේ හිතට වැඩිය අල්ලපු platform එකක් නෙවෙයි. 😁 අවුරුදු ගාණක් account deactivate පවා කරලා හිටියා. හැබැයි මේ බුකිය ඇතුලේ තියන ආතල් එක්ක මේකෙන් වැඩක් ගත්තේ නැත්තං වැඩක් නෑ කියලා මට අන්තිමට හිතිලා බුකිය කලඹන්න ගත්තා 😂

අම්මෝ ඉතිං දහස් ගාණකගෙ විවිධාකාර ප්‍රතිචාර මේක ඇතුලෙ පිරිලා. මට නොසෑහෙන්න ආදරයක් ගොඩාක් අයගෙන් ලැබුණා. ඉතිං ඒ අසීමිත ආදරයට පෙරළා ආදරය දක්වන්න මගේ ආදරණීයයන්ට ඕනෑම වෙලාවක මට පුලුවන් උපරිමය කරනවා. 💯 ඒක මගේ හදවතින්ම කරන දෙයක්! ඒ හැමෝටම ගොඩාක් ස්තූතියි හදවතින්ම 🙏🫶 මොකද ශක්තිමත්ව ඉදිරියට යන්න ඔයාලගේ ආදරේ අනිවාරෙන්ම මට ඕනෙ වුණා.

ඒ වගේම මේක ඇතුලේ තමන්ගේ වටිනා කාලය වැය කරගෙන පේජ් හදාගෙන, මීම් හදාගෙන, වීඩියෝ පෝස්ට් හදාගෙන මට මඩ ගහන්න, අපහාස කරන්න තම තම හැකි පමණින් දායක් වෙන හැමෝටමත් ස්තූතියි. 🙏😂 මොකද මේ බුකියෙන් එන චෝදනා නිසා ඇත්තටම මම පෞද්ගලිකව මාර විදියට හිතන විදිය වෙනස් කරගන්න පුරුදු වුණා.
👉ළඟ ඉන්න එකා හොඳම එකා නෙමෙයි
👉නොදන්න එකා නරකම එකා නෙමෙයි කියලා පටන් අරගෙන ඉවසීම අන්තෙටම පුරුදු කරන්නත් මේ බුකියෙන් හුරු වුණා 🥳 ඒක මගේ පෞද්ගලික ජීවිතේ ගොඩාක් ජයග්‍රහණ වලට යන්න ලොකු උදව්වක් වුණා. 🙊❤️ ඉතිං ඒ නිසා මට අකමැතිකම නිසාම වෙලාව වෙන්කරගෙන මට මඩ ගහන හැමෝටමත් ස්තූතියි !

අද වෙද්දි ලාංකිකයෝ අතරේ නමක් තියාගෙන, එයාලා කැමති විදියේ contents කරගෙන, ඉතාලියේ ඉන්න ලංකාවෙ අයටත් පුලුවන් විදියට උදව්වක් කරගෙන, හැමෝටම සතුටක් අරගෙන එන්න facebook නිසා මට පුලුවන් වුණා. ඉතිං ලක්ෂයක් followers ලා පිරුණ මේ වෙලාවේ ඔයාලා හැමෝටම ආදරෙන් ස්තූතිවන්ත වෙනගමන් "dempasan" කියන brand name එක මගේ ජීවිතේ ඉහළම තලයකට අරගෙන යන්න මම මට ම පොරොන්දු වෙනවා 💯🫶❤️

dempasan

3 weeks ago | [YT] | 1,365