انه هَمومي جَهال وتِرضع دموع
اكضَي الليل الولي ومَـا يهِيدونْ
اغَفي بهاذ يكعَد ذاك ويلوعْ
ويفزون اعله صَوته وما ينامون
الكبر منهَم فطَمته وِياكل اضَلوع
شَسوي شلون لو كلهم يَكبرونْ
جِنح بيه انكسَر والثاني مخَلوع
وطَرت كُوْة على عناد اليكَرهونْ
بَس اسمك نِهر والماي مكطَوع
وانه اعله الجِرف الهَث بالعِيونْ
اوَن بسكْوت مَوش بصَوت مَسموع
وانه جَروحي علج والوادمْ سَنون
من عركَه الفرح من روحَي مَشلوع
وشِتل حِزنه الزمان بَنص العِيون
عشت زغري بيتم ومَكمط بجوع
ورضعت الضَيم من دون اليرضعون
يمرني العيد وانه بثوب مركوع
وعَيديتي جرح عَكس اليعِيدون
وتمنيت الوكت لو يرجع رجوع
انه مـَسودن واريِدن يرجع الكون
بعده اخضر عشكنه وتوه مزروع
اجو ربعِي بمناجلهم يَحصدون
يونس زين عمي بحوت مبلوع
وانه بحـَلك الشماته المَا يرحَمونْ ،