Radyo Pilipinas Borongan

𝐒𝐔𝐌𝐀𝐓 𝐄𝐒𝐓𝐄𝐇𝐀𝐍𝐎𝐍 || 𝐀𝐔𝐆𝐔𝐒𝐓 𝟑𝟏, 𝟐𝟎𝟐𝟔 (𝐌𝐎𝐍𝐃𝐀𝐘) 𝐍𝐄𝐖𝐒 𝐇𝐄𝐀𝐃𝐋𝐈𝐍𝐄𝐒

LOCAL NEWS:
-P85-M PUNDO PAGPAKA-UPÁY HIT WATER SUPPLY SYSTEM HA AYUDA HAN BORONGAN, GINTRATÁR HAN KONSEHO

-SOBRA 600 BBM PRES'L SCHOLARS HA ESAMAR, KINARAWAT HIN P20-K AYUDA

-'SNSAT' HA BUNGTO HAN TAFT, INAPROBARAN HAN KAMARA NGA MAGIN 'EASTERN SAMAR POLYTECHNIC INSTITUTE' -- CONG. GONZALES

-30 PASAHEROS HAN NALUNOD NGA PUMPBOAT HA KADAGATAN HAN MANICANI, GUIUAN, TALWAS

NATIONAL NEWS:
-PBBM, NAGMANDO HIN KADAGMITAN NGA AYUDA HA MGA APEKTADO HAN 'HABAGAT'

-PBBM HA NATIONAL HEROES' DAY: PAMATUD-AN KAANGAYAN KITA HAN LIBERTAD NGA ITINAPOD HA ATON

-PBBM, NANGUNA HA KOMEMORASYON HAN NAT'L HEROES' DAY HA LIBINGAN NG MGA BAYANI

-DPWH, IINUDÓNG AN PROYEKTO NGA GIN-AALEGAR DABI HA ILEGÁL NGA REKLAMASYON HA TAGUIG

-DSWD, KABAKYANG AN VOLUNTEERS HA HAPSAY NGA PAG-ANDAM HAN MGA RELIEF FOOD PACKS

-PCG, NAKA-HEIGHTENED ALERT HA TARHUG HAN 'HABAGAT'

-SEN. CAYETANO NAGHIHINGITÂ HIN DUGANG NGA DETALYE HA GASTOS HAN 2026, UTANG HAN GOBYERNO

-4 PINOY STUDENTS NAGDAÓG 1 SILVER, 3 BRONZE MEDALS HA INT'L AI OLYMPIAD

INT'L NEWS:
-RESCUE PADAYON HA TURKISH FERRY NGA NATIKLOB HA CYPRUS SAKAY EN GATÓS-GATÓS KA-TAWO

-RESCUERS NAGBOMBA HIN HANGIN NGADTO HIN HYDROPOWER TUNNEL PAGTURÓY HIN NAWAWARÂ NGA MGA TRABANTE KATAPOS HAN NEPAL-TIBET MUDFLOOD

-6 KABATAAN, 7 KABABAYIN-AN, BINUHI-AN HA 50 NGA KINIDNAP HIN GANG HA HAITI

-8 OPISYAL, SUSPENDIDO HA SUNOG HIN OSPITAL HA PAKISTAN NGA NAKAMATÁY 14 NEWBORNS

| RRA

5 hours ago | [YT] | 0

Radyo Pilipinas Borongan

Yanâ nga Adlaw han mga Bayani, aton tinatagan-dungóg an sindo Pilipino nga naghalad hin pintas, dugô, ug serbisyo para ha aton kalayaan o katalwasan ug kabubwasan. 🇵🇭

Tikang han aton mga makasaysayan nga bayani sugad kanda Bonifacio ug Rizal, ngada ha aton mga modern-day heroes — an aton mga OFW, mga magturotdò, mga parauma, mga healthcare workers, ug sindo Pilipino nga padayon nga tangkod nga naato para ha pamilya ug nasud.

Diri kinahanglan magsul-ot hin kapa o magkapót hin espada para magin bayani. An kada gutì nga aksyon hin malasakit o pagpaíd, katapatan o katangkod, ug paghigugma ha igkasi-tawo en pagpapadayon han ira pinanunód nga laban.

Hin-o an imo yanâ kinikilala nga bayani ha im' kinabuhi? Ibahagi sa comments! 👇✨

#ArawNgMgaBayani
#NationalHeroesDay
#RadyoPilipinas
#RadyoPubliko
#IntegratedStateMedia
#ISM
#PBSDigitalMedia

5 hours ago | [YT] | 0

Radyo Pilipinas Borongan

₱𝟖𝟓-𝐌 𝐏𝐔𝐍𝐃𝐎 𝐏𝐀𝐆𝐏𝐀𝐊𝐀-𝐔𝐏Á𝐘 𝐇𝐈𝐓 𝐖𝐀𝐓𝐄𝐑 𝐒𝐔𝐏𝐏𝐋𝐘 𝐒𝐘𝐒𝐓𝐄𝐌 𝐇𝐀 𝐒𝐘𝐔𝐃𝐀𝐃 𝐇𝐀𝐍 𝐁𝐎𝐑𝐎𝐍𝐆𝐀𝐍, 𝐔𝐏Ó𝐃 𝐇𝐀𝐍 𝐌𝐆𝐀 𝐏𝐀𝐍𝐆𝐔𝐍𝐀 𝐍𝐆𝐀 𝐆𝐈𝐍𝐓𝐑𝐀𝐓𝐀𝐑 𝐇𝐀𝐍 𝐊𝐎𝐍𝐒𝐄𝐇𝐎

𝗕𝗼𝗿𝗼𝗻𝗴𝗮𝗻 𝗖𝗶𝘁𝘆, August 30, 2026 (𝗗𝗬𝗘𝗦-RP) -- Ika-61 nga regular session han 𝗦𝗮𝗻𝗴𝗴𝘂𝗻𝗶𝗮𝗻 𝗣𝗮𝗻𝗹𝘂𝗻𝗴𝘀𝗼𝗱 han 𝗦𝘆𝘂𝗱𝗮𝗱 𝗵𝗮𝗻 𝗕𝗼𝗿𝗼𝗻𝗴𝗮𝗻 nga pinangunahan ni 𝗖𝗶𝘁𝘆 𝗩𝗶𝗰𝗲 𝗠𝗮𝘆𝗼𝗿 𝗘𝗺𝗺𝗮𝗻𝘂𝗲𝗹 𝗧. 𝗧𝗶𝘂 𝗦𝗼𝗻𝗰𝗼 nga gindumara ha 𝗦𝗣 𝗦𝗲𝘀𝘀𝗶𝗼𝗻 𝗛𝗮𝗹𝗹 ha syudad han 𝗕𝗶𝘆𝗲𝗿𝗻𝗲𝘀, 𝗔𝗴u𝘀𝘁𝗼 𝟮𝟴, 𝟮𝟬𝟮𝟲.

An mga panguna nga gintratar han konseho hini nga sesyon an pagtalakay han iginpro-proponer nga supplemental budget nga nagkakantidad hin ₱85-M para hit 'Improvement of Water Supply System' ha Syudad han Borongan nga iginsayod mismo ni City Mayor Jose Ivan Dayan C. Agda ha mga magbaralaud. Ginklaro ni Mayor Agda nga ini nga kantidad en diri gratis ha Borongan Water District (BWD); anuman nga gagastusan han nasabi nga pundo en pagtatag-ihayahan han Lokál nga Pamunuán ngan ini en babaydan han water utility ha hibubò nga interes. Samtang, nakatalaan ighan-ay han City Engineering Office an aspeto teknikal han nasabi nga proyekto hiton masunód nga sesyon han konseho. Iginpatapud han mga magbaralaud an hul-os nga suporta hini nga pitád han Lokál nga Pamunuán nga nagtutuyò mabatón na an panginginahanglan hin masasarigan nga water supply ha syudad.

Gin-aprubaran han konseho an iginpro-proponer nga appropriation ordinance nga nagkakantidad hin ₱8M agud mapundohan an supplemental budget para hit Rehabilitation of Existing Road with Slope Protection ha Barangay San Gregorio ha syudad.

Iginpasa damán an resolusyon nga nag-o-otorisar ha City Chief Executive nga ig-release ngan ig-transfer en ₱1M nga kantidad ha Sanggunian Kabataan (SK) Federation President ha pagsuporta hit pagdumara han City Sports Fest 2026. Ug, ini nga resolusyon en nag-o-otorisar damán han alkalde nga sumulód hin kasabutan han SK Federation President kon diin detalyado an kondisyones ha pag-release, pag-transfer, paggasto ngan hitso nga likidasyon han nasabi nga pundo.

Ginparig-onan pa han konseho an resolusyon nga nagkukumpirmar han appointment ni Arch. Azel Omar A. Operario komo City Government Department Head I, City Architect.

Iginpasa liwat en resolusyon nga nag-o-otorisar han LGU-Borongan nga ginrerepresentaran ni Mayor Agda nga sumulód hin kasabutan ha DSWD Regional Field Office 8 nga ginrerepresentaran ni DSWD RFO 8 Regional Director, Grace Q. Subong kasumpay hit implementasyon han Sustainable Livelihood Program ha Syudad han Borongan.

| balita ni Soc Aberia

Skip the Carousel

1 2 3 4 5 6 7 8 9

5 hours ago | [YT] | 0

Radyo Pilipinas Borongan

𝐒𝐍𝐒𝐀𝐓 𝐡𝐚 𝐓𝐚𝐟𝐭, 𝐢𝐧𝐚𝐩𝐫𝐮𝐛𝐚𝐫𝐚𝐧 𝐡𝐚𝐧 𝐊𝐚𝐦𝐚𝐫𝐚 𝐧𝐠𝐚 𝐦𝐚𝐠𝐢𝐧 𝐄𝐚𝐬𝐭𝐞𝐫𝐧 𝐒𝐚𝐦𝐚𝐫 𝐏𝐨𝐥𝐲𝐭𝐞𝐜𝐡𝐧𝐢𝐜 𝐈𝐧𝐬𝐭𝐢𝐭𝐮𝐭𝐞

Borongan City, Ausgust 30, 2026 (DYES-RP) -- Kinusóg an oportunidad ha teknikal nga edukasyon ha Eastern Samar katapos aprubaran han Kapulungan ha Kamara ha ika-tuló ngan urhi nga pagbasa an House Bill No. 9467, nga nagtutuyò nga himuon nga Eastern Samar Polytechnic Institute (ESPI) an Samar National School of Arts and Trade (SNSAT) ha bungto han Taft.

Ha ilaróm han nasabi nga balaudnon, an ESPI en ibubutáng ha ilaróm han direkta nga pagmangulo han Technical Education and Skills Development Authority (TESDA). Ine nga balaudnon en magkasugbong nga ginsurat nira Eastern Samar Lone District Rep. Christopher Sheen Gonzales ngan House Minority Leader ug 4Ps Party-list Rep. Marcelino Libanan.

Pahayag ni Rep. Gonzales, panuyò han pagbalyo han ngaran han eskwelahan nga matagan an mga kabataan ngan residente han Taft ngan dapig nga mga bungto hin praktikal ngan napapanahon nga kinaadman para madagmit nga makaturóy hin trabaho o makapagtikang hin kalugaringon nga negosyo.

Ma-opreser an ESPI hin mga TESDA-registered programs, short-term courses, ngan diploma courses ha natad han industrial technology, tourism, agriculture, IT, automotive servicing, welding, ug iba pa.

Tatagan gihap hin prayoridad ha pagpalista ngan mga scholarship an mga kablas nga mga estudyante, out-of-school youth, PWDs, ngan mga netibo ha probinsya.

| balita ni Ma. Daisy Amor Lalosa-Belizar
📸 Cong. Sheen Gonzales

5 hours ago | [YT] | 0

Radyo Pilipinas Borongan

𝐋𝐆𝐔-𝐒𝐀𝐋𝐂𝐄𝐃𝐎, 𝐆𝐈𝐍𝐊𝐈𝐋𝐀𝐋𝐀 𝐍𝐆𝐀 𝐍𝐀𝐍𝐆𝐔𝐍𝐆𝐔𝐍𝐀 𝐇𝐀 𝐏𝐀𝐆𝐏𝐀𝐓𝐔𝐌𝐀𝐍 𝐇𝐀𝐍 𝐃𝐎𝐋𝐄 𝐋𝐈𝐕𝐄𝐋𝐈𝐇𝐎𝐎𝐃 𝐏𝐑𝐎𝐆𝐑𝐀𝐌 𝐇𝐀 𝐄𝐀𝐒𝐓𝐄𝐑𝐍 𝐕𝐈𝐒𝐀𝐘𝐀𝐒

Borongan City, Aug. 29, 2026 (DYES-RP) -- Ginkilala han Department of Labor and Employment Regional Office VIII (DOLE-8) an LGU-Salcedo ha Eastern Samar komo Top Performing Local Government Unit ha pagpatuman han DOLE Integrated Livelihood Program (DILP) ha Eastern Visayas.

Iginhatag an pagkilala durante han 2026 Regional Kabuhayan Awards nga gindumara han Agusto 27, 2026 ha Palo, Leyte. Personal nga ginkarawat ni Mayor Melchor L. Mergal an award para han bungto han Salcedo.

Ha Individual Category, nagdaóg hi Marietta Bernales han Gandara, Samar para han iya Native Delicacy Project. Nag ika-duhá hi Rosario Amoroto han Salcedo, Eastern Samar para han Kalamansi Processing Project, samtang ika-tulo hi Crispin Aguillon han Sogod, Southern Leyte para han Welding Project.

Ha Group Category, nagdaóg an Tejero Rice Farmers Association han Hilongos, Leyte para han Rice Milling and Rice Retailing Project.
Ginkilala liwat hi Judith F. Aboy han Eastern Samar Field Office komo Top Performing TUPAD Focal Person.

Sumala han DOLE-8, an Regional Kabuhayan Awards nagkikilala han mga malampuson nga benepisyaryo ngan kabakyang ha mga programa para ha pakabuhî ngan emergency employment.

An Regional Kabuhayan Awards kabahin liwat han pagsuporta ha direksyon ni DOLE Secretary Francis N. Tolentino nga dugang nga pakusgon an mga programa ngan serbisyo han Departamento pinaagi ha pagbulig ha mga magtratrabahó nga makaursa tikang ha pagkarawat la hin ayuda ngadto ha malampuson nga pakabuhî, trabaho, ngan mas hitaas nga produktibidad.

An mga regional winner en makikigkompetensya ha national-level competition hit Oktubre.

| balita ni Penelope Pomida
📷 DOLE-8

Skip the Carousel

1 2 3 4 5

5 hours ago | [YT] | 0

Radyo Pilipinas Borongan

𝐒𝐎𝐁𝐑𝐀 𝟔𝟎𝟎 𝐁𝐁𝐌 𝐏𝐑𝐄𝐒’𝐋 𝐒𝐂𝐇𝐎𝐋𝐀𝐑𝐒 𝐇𝐀 𝐄𝐀𝐒𝐓𝐄𝐑𝐍 𝐒𝐀𝐌𝐀𝐑, 𝐊𝐈𝐍𝐀𝐑𝐀𝐖𝐀𝐓 𝐇𝐈𝐍 𝐏𝟐𝟎-𝐊 𝐍𝐆𝐀 𝐀𝐘𝐔𝐃𝐀

Borongan City, Aug. 29, 2026 (DYES-RP) — Sobra 600 Presidential Scholars tikang ha Borongan City ngan ha mga bungto han Maydolong, San Julian, Sulat, ngan Taft ha Eastern Samar an kinarawat hin tag-P20,000 nga one-time financial assistance tikang ha nasyunal nga gobyerno ha ilaróm han Bawat Bayan Makikinabang o BBM program.

Gindumara an payout han Agusto 28 ha Provincial Capitol Gymnasium ha Borongan City, nga ginpangunahan ni Eastern Samar Governor Ralph Vincent Evardone, sugad nga bahín han padayon nga suporta han administrasyon ni Presidente Ferdinand Marcos Jr. ha edukasyon han mga kabataan nga Pilipino.

Ha iya mensahe, iginpahayag ni Gov. Evardone nga katuyoanan han programa nga maipáhiraní ha mga komunidad an ayuda tikang ha nasyunal nga gobyerno ngan masuportaran an mga estudyante nga nanginginahanglan hin dugang nga pinansyal nga bulig basì makapadayon ha ira pag-eskwela.
Gin-aghat damán han gobernador an mga benepisyaryo nga gamiton hin maopay an ira nakarawat nga ayuda, labí na para ha ira mga panginginahanglan ha pag-eskwela.

“You’re all adults, you’re all of age, and I know you are wise enough to use this money in good. And hopefully, let’s all hope that next year magkamay-ada ngahaw para hini nga program,” siring ni Evardone.

Ha ilaróm han programa, limá nga Presidential Scholars an naka-allocate ha kada-tagsa nga barangay, nga ekwibalente hin P100,000 nga scholarship assistance kada barangay. Prayoridad hini an mga graduating college students ngan mga estudyante nga tikang ha mga pamilya nga mas nanginginahanglan hin pinansyal nga bulig.

May-ada 597 nga barangay ha 23 nga local government units ha Eastern Samar, pero an payout yanâ nga adlaw pauna pa la nga bahin han pagpatuman han programa ha probinsya.

Dugang ha scholarship assistance, an kada-tagsa nga barangay kinarawat damán hin P100,000 para ha barangay project nga magagamit ha pagpauswag han mga komunidad.

Nagpasalamat naman hi Frenchie D. Aguillo, usá nga graduating Bachelor of Physical Education student han Eastern Samar State University–Maydolong, kan Presidente Marcos tungod han programa.

Siring niya, dakò nga bulig an iya nakarawat nga ayuda ha iya mga gastuhon samtang gintatangpos niya an iya pag-eskwela.

| balita ni Penelope Pomida
🎥 📷 own

Skip the Carousel

1 2 3 4 5

5 hours ago | [YT] | 0

Radyo Pilipinas Borongan

𝐇𝐔𝐋𝐆À 𝐇𝐈𝐍 𝐏𝐀𝐌𝐔𝐒Í𝐋 𝐇𝐀 𝐋𝐋𝐎𝐑𝐄𝐍𝐓𝐄 𝐍𝐇𝐒, 𝐆𝐈𝐍-𝐈𝐈𝐌𝐁𝐄𝐒𝐓𝐈𝐆𝐀𝐑𝐀𝐍 𝐍𝐀 𝐇𝐀𝐍 𝐃𝐄𝐏𝐄𝐃 𝐍𝐆𝐀𝐍 𝐏𝐍𝐏

Borongan City, August 28, 2026 (DYES-RP) -- Dayon nga inaksyonan ngan gin-imbestigaran han Department of Education (DepEd) Schools Division of Eastern Samar, ha pakigkoordinar ha Philippine National Police (PNP) ngan lokál nga gobyerno, an nag-viral nga hulgà hin panmusíl ha social media ha Llorente National High School.

Iginpahayag ni Schools Division Superintendent Dr. Gorgonio G. Diaz Jr. nga dire nira tutugutan o "zero-tolerance policy" an DepEd kontra ha ano man nga porma hin bullying, harassment, o hulgà ha seguridad ha sakób han eskwelahan ngan ha online space.

Pinaagi hin opisyal nga pahayag, ginpasiguro han DepEd Eastern Samar, Llorente Municipal Police Station (MPS), ngan administrasyon han Llorente NHS nga iginpapatuman nira an pinakahitaas nga prayoridad ha seguridad han mga estudyante ngan magturutdò.

Basì masiguro an katalwasan han ngatanan, ginhugtan an inter-agency security protocols, gin-aktibar an Child Protection Committees (CPCs), ngan ginpadig-on an cyber-safety advocacy ha sakób han dibisyon.

Nagpahinumdom damán an mga awtoridad ha mga kag-anak, estudyante, ngan komunidad nga magpabilin nga kalmado pero alerto.

Ginsasagda an publiko nga diri magpasaráng o mag-share hin mga impormasyon ha social media nga dire berepikado ngan i-report la dayon ha eskwelahan o ha pulisya an anuman nga kaduda-duda nga gius.

| balita ni Ma. Daisy Amor Lalosa-Belizar
📸 SDO Eastern Samar, Llorente MPS, Llorente NHS

Skip the Carousel

1 2 3 4 5

5 hours ago | [YT] | 0

Radyo Pilipinas Borongan

𝐒𝐃𝐎 𝐁𝐎𝐑𝐎𝐍𝐆𝐀𝐍 𝐂𝐈𝐓𝐘, 𝐍𝐀𝐊𝐀𝐏𝐀𝐓𝐈𝐊 𝐇𝐈𝐍 𝐇𝐀𝐆𝐓𝐀𝐀𝐒 𝐍𝐆𝐀 𝐀𝐂𝐀𝐃𝐄𝐌𝐈𝐂 𝐑𝐀𝐍𝐊𝐈𝐍𝐆𝐒 𝐇𝐀 𝐑𝐄𝐇𝐈𝐘𝐎𝐍

Borongan City, August 28, 2026 (DYES-RP) -- Nagtalâ hin higtaas nga ranggo an Schools Division Office (SDO) han Borongan City ha ibá-ibá nga regional academic performance assessments ha bug-os nga Eastern Visayas para ha School Year 2025-2026.

Mismo hi Curriculum Implementation Division (CID) Chief Hazel Meneses an nagpahamtang han maupay nga balita katapos masikmit han dibisyon an mga masunód nga pagkilala sa rehiyon:

Rank 1: Top Performing SDO ha Elementary Accreditation and Equivalency (A&E) nga may percentage of passers nga sobra ha regional benchmark nga 75%.

Rank 6: Top Performing SDO ha Secondary A&E matapos lagpasan an regional performance rate nga 84.51%.

Rank 3: Ha Early Language, Literacy, and Numeracy Assessment (ELLNA), kon diin nakakuha an dibisyon hin Mean Percentage Score (MPS) nga mas hitaas ha national (57.61%) ngan regional performance (69.42%).

Rank 3: Ha Grade 12 National Achievement Test (NAT), katapos makakuha hin MPS nga labaw ha national (37.68%) ngan regional average (37.87%).

Pinasalamatan ni Meneses an pamunuán han dibisyon ha pangunguna nira Schools Division Superintendent Edgar Tenasas, Assistant SDS Lulu Zartiga, ngan anay SDS Gorgonio Diaz Jr., sugad man an mga supervisor, school head, magturutdò, stakeholders, ngan mga kag-anak.

Iya gintagan hin duón nga ine nga kalampusan en bunga han nag-uurosa nga paniguro ngan padayon nga pagburublig para han kaupayan han mga estudyante.

| balita ni Ma. Daisy Amor Lalosa-Belizar
📸 Hazel Meneses, PhD.

Skip the Carousel

1 2 3 4 5 6 7 8 9

5 hours ago | [YT] | 0

Radyo Pilipinas Borongan

𝐒𝐎𝐁𝐑𝐀 𝟔𝟎𝟎 𝐏𝐑𝐄𝐒'𝐋 𝐒𝐂𝐇𝐎𝐋𝐀𝐑𝐒 𝐇𝐀 𝐄𝐀𝐒𝐓𝐄𝐑𝐍 𝐒𝐀𝐌𝐀𝐑, 𝐌𝐀𝐊𝐀𝐑𝐀𝐖𝐀𝐓 𝐇𝐈𝐍 𝐏𝟐𝟎-𝐊 𝐍𝐆𝐀 𝐀𝐘𝐔𝐃𝐀

Borongan City, Aug. 28, 2026 (DYES-RP) -- Sobra 600 Presidential Scholars tikang ha Borongan City ngan ha mga bungto han Maydolong, San Julian, Sulat, ngan Taft ha Eastern Samar an makaka-karawát yanâ hin tag-P20,000 nga one-time financial assistance tikang ha nasyunal nga gobyerno.

Ginpangunahan ni Eastern Samar Governor Ralph Vincent Evardone an paghatag han scholarship funds, sugad nga bahín han padayon nga suporta han administrasyon ni Presidente Ferdinand Marcos Jr. ha edukasyon han kabataan nga Pilipino.

Ha pakighimangraw han Radyo Pilipinas, ginsabi ni Mr. Mannie Arago, focal person han education program han gobyerno probinsyal, ha ilaróm han programa, limá nga Presidential Scholars an naka-allocate ha kada-tagsa nga barangay, nga ekwibalente hin P100,000 nga scholarship assistance kada barangay. Prayoridad hini an mga graduating college students ngan mga pamilya nga mas nanginginahanglan hin pinansyal nga bulig.

May-ada 597 barangays ha 23 LGUs ha Eastern Samar, pero an yanâ nga paghatag han ayuda pauna pa la nga bahín han programa.

Dugang pa, an kada-tagsa nga barangay makarawat damán hin P100,000 para ha barangay project, nga magigin dugang nga suporta ha pagpauswag han mga komunidad.

Katuyuanan han programa nga makabulig ha mga gastuhon han mga scholar ngan masuportahan an ira pagpadayon han pag-eskwela basì makab-ot an ira mga pangarap, samtang napapahugót damán an suporta ha mga barangay ha bug-os nga probinsya.

| balita ni Penelope Pomida
📷 🎥 own

Skip the Carousel

1 2 3 4 5 6

5 hours ago | [YT] | 0

Radyo Pilipinas Borongan

𝐒𝐃𝐎 𝐄𝐀𝐒𝐓𝐄𝐑𝐍 𝐒𝐀𝐌𝐀𝐑, 𝐇𝐀𝐊𝐎𝐓-𝐀𝐖𝐀𝐑𝐃 𝐇𝐀 𝟑𝐫𝐝 𝐑𝐄𝐆𝐋 𝐌𝐀𝐍𝐂𝐎𝐌 𝐂𝐎𝐍𝐅𝐄𝐑𝐄𝐍𝐂𝐄

Borongan City, August 28, 2026 (DYES-RP) -- Naghakot hin damò nga award an Schools Division Office (SDO) ng Eastern Samar ha gindumara nga 3rd Regional Management Committee (ManCom) Conference han Agosto 27–28 sa Melinda’s Resort.

Ginkarawat nira Schools Division Superintendent Dr. Gorgonio G. Diaz, Jr. ngan School Governance and Operations Division (SGOD) Chief Dr. Marixel C. Evardone an mga pagkilala ha ngaran han bug-os nga division.

Lakíp ha mga nakuha nga recognition han SDO Eastern Samar an masunod:
Top 1 Best in FY 2025 Continuing HRD/HRTD Fund Utilization (Overall BUR)
Top Performing Division in Grade 12 NAT (SY 2025–2026)
Top Performing Division in Early Language, Literacy, and Numeracy Assessment / ELLA (SY 2025–2026)
High Performing Division in Elementary Accreditation & Equivalency (A&E) Test (SY 2025–2026)
High Performing Division in Secondary Accreditation & Equivalency (A&E) Test (SY 2025–2026)

Sumala han pamunuán han SDO Eastern Samar, ini nga mga pagkilala en pamatuod han kolektibo nga dedikasyon, tuháy nga pagmangulo, ngan padayon nga paghatag han de-kalidad nga edukasyon ha bug-os nga division.

| balita ni Ma. Daisy Amor Lalosa-Belizar
📸 Jonathan Gudes Merillo

Skip the Carousel

1 2 3 4 5 6 7 8

5 hours ago | [YT] | 0